رواية ورطة الفصل الثاني 2 بقلم سما

هنا: يعني عجبك بجد؟!

شمس: اه عجبني شكله حلو كده وكلامه في منتهي الرقي..

هنا بابتسامة: بجد حلو والله..طب وانتي عملتي ايه في لسانك ده؟

شمس: تعرفي قالي اني ذوق كده وطريقتي هاديه..

هنا: قال كده بجد؟

شمس: ليه عندك اعتراض..؟!

هنا: لا لا..طيب يعني انتي كده موافقه عليه؟

شمس: متكسفنيش بقي..اه موافقه عليه..

هنا: انتي كويسه يا شمس؟

شمس: ايه يا بنتي عادي يعني انا مش بني ادمه وعندي مشاعر..

هنا: اكيد..بس حاسه اني مش مصدقه..

شمس : لا صدقي مروان شخص كويس وحاسه اني حبيته اوي..

هنا بابتسامة: بجد فرحت والله ربنا يسعدك..

شمس بابتسامة: يارب يا هنون..

>>>>>>>>>>>>>

شمس كانت واقفه قدام بيتها وكان مروان معدي..

اول ما شافته ابتسمت وراحت ناحيته..

شمس: ازيك يا مروان..

مروان: اهلا يا شمس..

شمس: جاي منين كده؟

مروان: من الشغل اكيد..

شمس: امم طب وانت قلت لمامتك..؟

مروان: علي ايه؟

شمس: علي ان يعني احنا مش مناسبين لبعض كده..

مروان: لا جات اقولها قالتلي خد وقتك وفكر وبعدين جاوب عليا..

شمس ابتسمت وقالت: كويس..

مروان: هو ايه اللي كويس..؟!

شمس: قصدي يعني عشان لما ترفض يبقي معقول وكده..

مروان: ايوا وانتي طبعا قلتي لمامتك..

شمس: انا!! ايوا طبعا قلتلها..

مروان: كويس خلينا نخلص..من الحوار ده..

شمس: هو انا ممكن اسألك سؤال؟

مروان: اكيد اتفضلي..

شمس : هو انتي يعني ممكن تخطب دلوقتي؟

مروان: ليه؟عندك عروسه..

شمس: لا بس فضول عادي..

مروان: يعني علي حسب..

شمس: علي حسب ايه؟

مروان: بحس ان اللي هيخليني فعلا اخد الخطوه دي اني اقابل واحده احبها وابقي فعلا عايزها في حياتي..

شمس: صح معاك حق..بس انت جاهز عادي؟

مروان: ايوا يعني اموري تمام..

شمس: حلو..

مروان: تمام طب وانتي ايه الدنيا؟

شمس: انا عادي يعني لسه لما الاقي الشخص المناسب..

مروان: يلا ربنا يرزقنا..

شمس: امين يارب..

مروان: انا همشي انا بقي..

شمس: تمام..سلام..

مروان: مع السلامه..

شمس باصت عليها وهو ماشي وابتسمت بنصر وقالت: يلا بينااا..

>>>>>>>>>>>>>>>>>

سلوي: ايه يا مروان قاعد بتعمل ايه؟

مروان: مفيش براجع الشغل..

سلوي: مش عايز تقولي حاجه ؟

مروان: حاجه زي ايه؟

سلوي: شكلك مكسوف..

مروان: هتكسف من ايه يا ماما؟

سلوي: زينب قالتلي انه شمس اتبسطت منك اوي واتفقتوا انكوا هتتخطبوا..

مروان: نعم!!

سلوي: ايه مكنتش عايز تقولي؟

مروان: لا مش حكايه مش عايز اقولك..

سلوي: خلاص يا حبيبي مش مشكله المهم اني هفرح بيك.

مروان: تفرحي بيا ايه بس ياستي اسمعيني..

سلوي: بقولك ايه يا واد عايزاك كده تبقي حلو مع البت كده لو اشتكت منك..هزعل..

مروان: هي ازاي مشتكتش بعد ده كله..

سلوي: استني خد رقمها اهوه..عشان تتكلموا وتتعرفوا علي بعض..

مروان: ايوا هاتيه..

سلوي : مالك مستعجل كده ليه..؟

مروان: هستعجل علي ايه بس..منك لله يا شمس..

سلوي: بعتهولك علي الواتس..عايزاك تبقي حنين كده..

مروان بتوعد: بس كده من عيوني..

سلوي: تسلم عيونك يا حبيبي..هطلع انا بقي..

مروان: ماشي..دنا هوريكي بس استني..

>>>>>>>>>>>>>>>

شمس كانت عماله تلف في الاوضه راحه جايه..

شمس: يا تري هيعمل ايه ما يعرف..عادي يا شمس من امتي بتخافي من حد يعني؟!

في اللحظه دي تليفونها رن..مسكته وردت..

شمس: الو مين؟

مروان: هو انتي حالفه تخرجيني عن شعوري..

شمس: ليه بس روق كده..

مروان: صحيح مش تباركيلي..

شمس: الف مبروك علي ايه..

مروان: مش انا اتخطبت..

شمس: احلف الف مبروك...اكيد بنت حلال..

مروان: مش متأكد لسه.

شمس: نعم!!

مروان بضيق: انا اللي نعم!! ايه اللي انتي عملتيه ده..

شمس: عملت ايه؟

مروان: بقولك ايه اطلعي من الدور اللي عايشاه ده..

شمس: ايه الطريقه دي؟

مروان: متعصبنيش احنا مش قلنا هنفضها سيره ايه جو انك مبسوطه مني ده..هو انا كنت بقول نكت..

شمس: اصل انا الصراحه..

مروان: قلتلك خلي بالك احسن تحبيني مسمعتيش الكلام..

شمس ضحكت وقالت: انت صدقت نفسك..فاكرني هموت واخطبك..

مروان: دنا هسجد شكر لربنا دلوقتي..انا قلت امك فهمت غلط..

شمس: لا هي مفهمتش غلط..

مروان: يعني ايه؟

شمس: يعني فيها ايه إما نتخطب تغيير..

مروان: اه وماله صحيح..

شمس: ايوا خليك ايزي كده..

مروان: انا قلت انتي مش طبيعيه..

شمس: ياعم بس افهمني هنخطب وبعدين نسيب بعض..

مروان: هو الاكيد ان ده هيحصل انتي مش هتمشي معيا سكه..

شمس: يعني انت اللي عدل اوي..

مروان: يا بنتي لمي لسانك ده..

شمس: خلاص المهم ان انا خدت القرار خلاص..هخطبك..

مروان ضحك جامد وقال: يابنتي انا مش مصدقك بجد..وبعدين ايه هخطبك دي..

شمس: اطلعلي بره نتكلم..

مروان: لا مش بطلع بعد الساعه تسعه..

شمس: ياختي يا بطه..قلت يلا..

مروان: انا هطلع بس عشان اشوف اخره الجنان ده..

شمس: طب يلا دقيقه تبقي قدامي..

مروان: يا حول الله يارب..هي ناقصه هبل..

>>>>>>>>>>>>>>>>

بعد شويه شمس كانت واقفه مستنياه..

مروان: اهلا باللي هتوديني في داهيه..

شمس: شوف برضو انت..

مروان: لخصي..ايه الموضوع... أنا لحد دلوقتي مش فاهم إنتي بتفكري في إيه..

شمس: هفهمك بس متقاطعنيش..

مروان: حاضر يا ست الكل، اتفضلي.

شمس: بص يا سيدي.. أمي من فترة وهي زن على دماغي في موضوع الجواز، وكل ما حد يتقدملي تفضل تقولي شوفيه يمكن يكون مناسب، وأنا بقى زهقت..

مروان: وماله ما ترفضي وخلاص..

شمس: ما أنا برفض! بس هي مبتبطلش.. كل شوية نفس الكلام ونفس الخناقة.

مروان: طب وأنا ذنبي إيه؟

شمس: استنى بقى.. منا جاتلي فكرة.

مروان: قصدك مصيبه!!

شمس: هنعمل خطوبة.

مروان: لا.

شمس : ياعم اسمع بقي..

مروان: اتكلمي براحتك انا مش هوافق علي الهبل ده..

شمس: يا عم بص كده امي وامك هيحلوا عننا..

مروان: مش مبرر برضو..

شمس: افهمني بس هما كده كده حتي لو رفضنا مش هيسيبونا في حالنا فنعمل خطوبه..

مروان: وبعدين؟

شمس: وبعد فترة صغيرة نفركش.

مروان: الله! يعني إنتي مخططة لكل حاجة كمان؟

شمس: طبعًا...لازم ادرس كل حاجه الاول..

مروان: طب وأهلك وأهلي؟

شمس: أهلي هيبقوا مبسوطين إني أخيرًا وافقت، وأمك هتفرح إنك أخيرًا قررت تتجوز.. وبعد شوية نقول إننا اكتشفنا إننا مش مناسبين لبعض.

مروان: يعني إنتي عايزة تعملي الخطوبة عشان تسكتيهم..وتريحي دماغك..

شمس: بالظبط.

مروان: وإيه اللي يضمنلي إنك بعد كده مش هتديبسيني تاني ودخليني جوازه..

شمس: اه اصلي مش قادره اعيش من غيرك بقي وبعدين أنا هكمل معاك ليه يا مروان؟ ده أنا من دلوقتي مستنية اليوم اللي نفركش فيه.

مروان: طب دي ثقة ولا قلة ذوق؟

شمس: الاتنين..

مروان: والله إنتي حاله بجد..

شمس: يعني موافق؟

مروان سكت شوية وبصلها وقال: بصراحة... الفكرة مجنونة.

شمس بابتسامة: بس؟

مروان: بس ممكن تنفع.

شمس: أهو ده الكلام! 

مروان: امري لله..