رواية ولو بعد حين الجزء الثاني الفصل الاول
فتح ادم عبد الدايم عيونه، كان ممدد على السرير، المحاليل الطبيه معلقه فى عروقه ،يختفى وجهه تحت شاش أبيض
تحسس كتفه وقدمه ،ونام على جنبه، من بعيد كان الدكتور فوزى منكب على دفاتره تحت لمبة خافته.
حمد لله على السلامه يا ادم عبد الدايم همس دكتور فوزى دون أن يستدير
متحاولش تقعد او تقف العمليه لسه جديده والصداع إلى بتحس بيه طبيعى.
هات سيجاره همس ادم بضعف
قلتلك السجاير ممنوعه فى عيادتى يا بدر
هات سيجاره يا فوزى ،انا ميهمنيش عملت فيا ايه لكن سيجاره؟ ممكن احاسبك عليها.
عمرك ما هتتغير يا بدر همس فوزى وهو بينهض من مكانه
وضع سيجاره فى فم بدر وأخرى فى فمه ثم اشعلها
قال بدر، بتقول التدخين ممنوع وانت عمال تحرق سجاير من تلت ايام؟
رفع فوزى حاجبه لا مش ممكن يا بدر يا آلفى انا كنت حاقنك بمخدر ينوم جحش حسيت ازاى ؟
لانى مش حمار يا فوزى رد بدر وهو بيدفع الدخان من فمه
بطاقتك وباسبورك وكل متعلقاتك على الطاوله خاطبه فوزى بلا مبلاه
انا داخل انام، بقالى تلت تيام متسمر جنبك،الدنيا مقلوبه عليك يا بدر لكن هقول ايه؟
فى كل مره بتوصل فيها هنا بتكون عامل مصيبه كبيره
لكن المره دى الدوشه ضخمه شويه
همس بدر انا بهرب من المشاكل لكنها بتجرى ورايا تقولش مغناطيس مصايب ؟
انت قتلت أكبر راس يا بدر، عقلك كان فين ؟
ليه بقيت بالتهور ده ؟، طول عمرك بتدى المفاوضات وقت
الولد ده مكنش هينفع معاه مفاوضات يا فوزى ،ديله نجس ذى أبوة، دى مش بيورد حشيش وبودره وافيون وبرشام بس
بيورد كمان نسوان سودة.
وانت بقا قلبك الرحيم اشفق على النسوان السوده يا سي بدر ؟ مطول عمرك عارف الى بيحصل فى اوكار الغربان ؟
الكبار مزاجيتهم بنت وسخه والى تشوفه على الشاشه متشفوش وهو عريان على السرير بيطلق الفاظ قذره ويداعب بنات أصغر من اولادة، بنات صغيره مخطوفه من بلاد بعيده لا تقدر ترفض ولا حتى تهرب.
بس مش هو دا السبب يا بدر، انا مش مهتم اعرف الحقيقه
اهتمامى اكتر اعرف ليه المجرم الأكثر ثبات فى العالم اقدم على خطوه رعناء ؟
منحه بدر ظهره وغرق فى شرود منغص ،حاول أن يخرج منه لكن تداعت أمامه صور زوجته وأولاده
كان يعرف ان شخص مثله لا يحق له تكوين عائله وان العائله نقطة ضعف، ابن ااكل_ب كان بيهددنى بمراتى وعيالى
وانا إلى يهدد عيالى أكل لحمه حية.
حاول ينام مقدرش، طلب من دكتور فوزى يحقنه بنوم قبل أن يذهب لغرفتة ورغم كل ذلك ظلت عيونه مفتوحه.
نهضت عاينت بطاقتى الجديدة شكلى إلى لسه معرفهوش الباسبور والفلوس إلى فوزى سابهالى
كان فوزى اقتص جزء من اجرته وتركه لى ،صديق قديم يعرفنى واعرفه
وقفت قدام المرايه احاول اعرف شكلى ،كنت غريب، غريب جدا حتى عن نفسى
فتحت مذكرات فوزى عاينت خطوات العمليه، طلعت مسدسى من الدرج، مشيت ناحيت غرفة فوزى النور مطفى
وفوزى نايم بعمق ،مش عايز ارتكب نفس غلطات الماضى
لما قلبى ضعف خسرت كل حاجه
وضعت المسدس على نفوخ فوزى ،همس دون أن يتحرك
انت مش مضطر تعمل كده يا بدر
كان يخاطب فى بدر الألفى صديقه القديم، لكنه هو بنفسه خلق لى شخصيه جديده واسم جديد
معدن المسدس بارد فى أيدى وفوزى مسجى بلا حراك
يعرف فوزى ان لا هرب من بدر الألفى حتى لو تغير اسمه
انا استحق فرصه تانيه يا بدر همس فوزى دون أن يتحرك
محدش يستاهل فرصه تانيه يا دكتور، احنا بنتأذى اكتر من
من الى بنديهم فرصه تانيه، إلى اخترع حجة الفرصه التانيه يستحق الإعدام فى ميدان عام،قاوم بدر رعشه مرت فى يده
وحياة العيش والملح يا بدر لترفع ايدك، احنا اتربينا سوى وحكايتنا لسه مخلصتش
همس بدر، قولى ان لسه فيها فصول تانى يمكن اصدقك يا فوزى
رفع فوزى وشه ،فيه فصول كتير يا بدر لسه متحكتش
ولما تيجينى تانى هتلاقينى موجود عشانك.
رفع بدر المسدس وابتسم ،ابتسامه شاحبه من خلف الشاش ،صدقت انى هقتلك يا فوزى
تنهد فوزى وادر ظهره ،اخرج يا بدر، سيبنى انام وطفى النور
عمرك ما هتتغير يا بدر.
***********
مش هقبل عزى حتى لو كان من وزير الداخليه نفسه
يابنتى مينفعش كده ،فيه ناس أكابر بره ومسؤلين وصلو عشان يقدمو الواجب عيب إلى بتعمليه دة
قلتلك يا جدى مش هقبل عزا غير لما إلى قتل والدى اجيبه هنا تحت رجلى
اعتذر قلهم مريضه، حزينه مكسوره اى حجه من الرجاله بتصدقها
..............
فتحت جهازها النقال كانت صورة بدر الألفى تمر امام عيونها
مستخدمه الذكاء الاصطناعي تحاول أن تجمع معلومات عنه
كل التقارير إلى وصلتها بتقول انه اختفى من غير أثر
مدخلش مستشفى ولا اتشاف فى نقطة مرور
او اى مصلحه حكوميه
هجم على القصر وحده من غير مساعده وقدر يتغلب على كل الحراس المدربين وهرب بعد ما قتل والدها وهو مصاب
غباء الحراس خلاه يفلت من ايدهم
انشغلو بوالدها الميت ومحدش فكر يطارد بدر الألفى
إلى كان عارف ان دا هيحصل
كبرت الصوره اكتر امام عيونها تحفظ ملامح بدر الألفى
ثم فتحت الملف الضخم على مكتبها
طالعتها صوره ضخمه لبدر الألفى وهو شاب صغير
لما التحق للعمل مع جدها ثم بدأت تقراء تاريخ عملياته الاجراميه.
