رواية ولو بعد حين الجزء الثاني الفصل الثاني
وضعت ماجى صورة بدر الألفى فى برنامج الذكاء الامحدود الاصطناعي وطلبت منه يعمل اكتر من نسخه
ظهرت قدامها اكتر من صوره لبدر الألفى فى اكتر من مظهر
بدقن ،بشعر ،إصلع ،رومانسي، مجرم، دققت فى الصور وضغطت زر طباعه
خرجت الصور مطبوعه من الطابعه ،حطتها قدامها على المكتب وتأملتها اكتر من عشر دقايق
بعدها ضغطت على الجرس، دخلو عونى
دخل المكتب شاب ثلاثينى لابس بدله مودل قديم
ملامحه صارمه محببه ،خمرى ،شعر رأسه ناعم وعيونه عميقه لا نهايه لها
اتفضل اقعد يا عونى ،اسفه انى خليتك تنتظر كتير
قعد عونى وطلع سيجاره ،قالت ماجى التدخين ممنوع يا استاذ عونى!؟
عونى ولع السيجاره بلا مبلاه، شروطك لا تنطبق على يا هانم
انا ليا طقوسى ومزاجيتى وضحتها لحضرتك قبل وصولى
تنهدت ماجى ،مش متعوده ان واحد من الى شغالين عندها يعترض على اوامرها، كانت صارمه جدا والكل يعملها الف حساب
كانت مضطره تتعامل مع عونى رغم عدم شهرته لأنها قرأت له قضيه نشرت على الفيس واعجبتها طريقة تفكيرة
رغم ان مستشاريها وحراسها المقربين قللو من أهميته
الا ان ماجى مش ممكن تترك فرصه تقربها من بدر الألفى
ابتعلت ماجى ضيقها
الملف قدامك فيه كل حاجه، فيه صورة بدر معدله بالذكاء الاصطناعي لانى المجرم ده بيغير شكله باستمرار
ادرس القضيه كويس، ورينى همتك واوعدك بمكفأه مكنتش تحلم بيها
ودا ظرف فيه نص اتعابك وولو نجحت مش مهم الظرف فيه كان لانى مش هخليك تحتاج فلوس بقية حياتك.
فتح عونى الظرف، انا مش محتاج فلوسك يا ماجى هانم
عونى محدش يقدر يشتريه وسحب من الظرف خمس ورقات فقط فئة 200 جنيه حطهم فى جيبة وهمس دا عشان السجاير
اغتاظت ماجى من غروره، الظرف كان فيه اكتر من مية الف
مفكرش حتى يفتحه
ميعرفش انه حتى لو سرق الفلوس أو لم يظهر مره تانيه مش فارق معاها
لأنها عينت اكتر من واحد غيره يبحث فى القضية
لم يكن عونى المحقق الوحيد ولم تضع عليه الكثير من الآمال
اخد الصور والملف، نفخ دخان سيجارته وهمس انتظرى منى تليفون قريب.
__________
تردد بدر على باب القبو وكان ساب باب غرفة دكتور فوزى مفتوحه، عاد إلى الملفات وشاشة الكمبيوتر
الاف الكلمات تشرح طريقة العمليه إلتى اجراها فوزى
ثم وجد مسودة قرأها بعنايه
همس فوزى من غرفته كنت عارف انك هتعمل كده يا بدر
عمر ظنى ما خاب فيك
هات الحقنه يا بدر ،سحب بدر الحقنه ومص الترياق الموجود جنبها
اضربها فى العرق يا بدر
وبعد ما تحقنى بيها متنساش توصلنى دار مسنين
وخلى الحقنه التانيه معاك ربما يجى يوم وتحتاجنى
قرب بدر الحقنه من ايد فوزى
فوزى قاله لحظه ومسك ايده. خلينى احفظ ملامحك لاخر مره.
حط الفلوس فى خزنة دار المسنين وحرج عليهم يسرقوها
انا مش هضطر اشحت على اخر ايامى
همس بدر ببرود حاضر
حقن بدر الحقنه فى عروق فوزى وبعد لحظات بداء جسده يتشنج ،تعرفت صلعته، رمشت عيونه اكتر من مره
بعدها فتح عيونه، عيون ضبابية ممسحوه شارده
سنده بدر من ايده، مشى معاه فوزى لحد ما اخدو سيارة أجره لدار المسنين إلى فوزى كان كاتبه فى الدفتر
قدم الأوراق الجاهزه ،وحط الفلوس فى خزنة الدار تحت تصرف فوزى.
شخص فوزى بزهايمر متأخر، كانت ذاكرته ممسوحه ولا يعرف حتى اسمه
خلو بالكم منه ، خاطب بدر مديرة الدار ،انا سبتله فلوس وكل شويه هبص عليه عشان محدش يفكر ياخد منها
قالت مديرة الدار عيب عليك يا استاذ احنا دار محترمه
مفيش عيب همس بدر الى أوله شرط اخر نور، وانا مش عايزك تشوفى وشى التانى ،ثم كاد بدر ان يضحك لانه لا يعرف شكله الاخر.
____------
خرج ادم من دار المسنين يحمل بطاقه جديده وشكل جديد
عندما نظر فى مرأة سيارة الأجرة لم يعرفه
يخرب بيتك يا فوزى انت هببت ايه ؟
حد قلك انى عايز اتجوز تانى ؟
كان فوزى قد صغر وجهه لنصف عمره ومنحه نظره خلابه ووجه مشرق وطلة وسيمه لشاب فى الثلاثينيات
حتى شعره جعله ناعم املس ،شعر ادم انه نسخه مشوهه من نفسه القديمه
دا انا لو اتخانقت مع مجرمين محدش يعملى اعتبار
نزل فى محطة رمسيس ،ثم استقل القطار إلى الاسكندريه
كان مطمن ان محدش يقدر يتعرف عليه بس كان عايز يتأكد
لانه متعودش يسيب حاجه للصدفه
مر امام كمين شرطه وتعمد ان يبدو مجرم حتى طلب منه امين الشرطه بطاقته وادخل بياناته فى الكمبيوتر للبحث
كان سجله نظيف وتركه يرحل
برافو عليك يا فوزى همس بدر وهو بيدخن سيجاره
كانت فكره حلوه انى مقتلتكش.
عاين اكتر من مكان ولم يعجبه اخيرا عثر على بيت منعزل فى الهانوفيل قريب من البحر تحيط به الاحراش
استأجرة لعام كامل ودفع اجرته ،الراجل صاحب البيت قاله لو عايز اكتر من سنه البيت بيتك ومن غير عقد
شكره ادم ودخل بيته، نظفه وأعاد تشكيل ديكوره
شيد مكتبه ضخمه وجعل مهنته الكتابه ،كاتب منعزل عن الحياه هكذا كانت شهرته عند البقال والمطعم القريب.
__---------
فص ملح وداب ،ضربت ماجى الطاوله بغضب ،رغم كل الفلوس إلى دفعتها مفيش ولا محقق قدر يوصل لحاجه
ضباط شرطه متقاعدين ،أفراد مخابرات وامن دوله
دون نتيجه، ابن ااكل_ب صرخت ماجى
نص البلد بتدور عليك روحت فين؟
فيه واحد اسمه عونى عايز يقابلك يا هانم
عونى مين؟ سألت ماجى بغضب
بيقول انه محقق خاص يا هانم
اتكأت ماجى على المقعد تذكرت الشاب النرجسى
كان مر اكتر من شهر حتى نسيت اسمه وشكله
خليه يدخل
دخل عونى، جلس دون استاذان وضع الملف قدام ماجى
كانت عارفه هيقول ايه
لكنها سمحت للصمت دقيقه
قال عونى انا بحثت فى القضيه وصلت لاكتر من خيط
لكن للأسف كلها غير مفيده او انتهت صلاحيتها
ازاى سألته ماجى بلهفه ؟
انا تتبعت بدر من لحظة خروجه من القصر، كان صعب جدا لكنى نجحت فى تقصى تحركاته
كان مصاب برصاص وقابل بنت اسمها شيماء
بعدها راح لدكتور اسمه فوزى، شيماء اختفت محدش عارف مكانها
وفوزى فى دار مسنين فاقد الذاكره انا قعدت معاه لكن الراجل ضايع، عنده زهايمر او دا تشخيص الأطباء
للاسف الحل كله عند فوزى انا مش مقتنع باصابته المفاجأه
بعد ما عالج بدر على طول
لكن الزهايمر ملوش علاج ذى ما انتى عارفه
ربما كان عونى الوحيد إلى توصل لنتايج لكن كلها نتائج ملهاش فايده
قالت ماجى والحل ايه ؟
نفخ عونى دخان سيجارته ،انا هستمر فى البحث
لكن ليا شرط واحد؟
همست ماجى قول
قال عونى لو قدرت اوصل لبدر، مليش دخل بيه
ووكل الاتصالات وااللقأت إلى تمت بينا تتمحى
بدر مجرم مخضرم جدا جدا وقادر يهد المعبد علينا كلنا وانا مش عايز اكون ضحيته التاليه
قالت ماجى اوعدك بشرفى كل حاجه تتمحى ووافر ليك الحماية الكامله
نهض عونى كفايا كل حاجه تتمحى لان محدش هيقدر يحمينى من بدر
ممكن اعرف انت هتكمل ليه طالما خايف منه؟
دفع عونى باب المكتب برجله ونفخ دخان سيجارته
لانى حاسس بالملل وما صدقت الاقى شخص بمثل ذكائى.
