رواية ولاد السلايف الفصل الاول
حرمني من مراتي واتجوزها وسافر معها وراجع بعد
20 سنه علشان يحرمني من عيالي ويخليني اعيش مقهور
وفعلا عيالي سابنوني لكن اللي حصل بعد كدة خلاهم يندموا لما موت وانا غضبان عليهم.
من تاليفي.
محمد منصور. *منص*
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة شقة صغيرة تلت اوض وصاله بيعيش اب اسمه سامي. في الستينات من عمره. وبنته مودة اللي عندها 32 سنه. وابنه تؤمها. ونزل قبل منها بتلت دقايق واسمه سليم. ويعتبر هو الكبير والوسطاني اسمه نور ودة عندة 29 سنه. والصغير فضل وعنده 25 سنه. والام مش موجودة وليها حكاية هاتعرفوها قدام خلينا في النهاردة واللي كان يوم خميس وفرح مودة بالليل والكل فرحان بيها ماهي اول فرحتهم. وكان مع مودة في اليوم دة بنت خالتها واسمها خلود وهي خطيبة سليم بنت جدعه جدا وطيبة وخلود ومودة كانو في اوضة مودة. ومودة بتقيس فستان الفرح. فخبط علي الباب سليم فقالت مودة
نعم مين
سليم من وراء الباب
انا سليم يا عروسة
مودة وهي بتبص علي نفسها في المرايا
مش عايزين النهاردة
سليم
لا. وحياة اللي خلفك انا محترم نفسي بس علشان انتي عروسة ومش عايز اغلط فيكي. افتحي يا بت لاخوكي الكبير
خلود
خلاص هانفتح لك بطل هبد
فتفتح خلود الباب فيدخل سليم الي الاوضة ويبص لخلود اللي كانت لابسه فستان عادي ويقول لها
امتي بقي تقلعي اللي انت لابسه ده وتلبسي الابيض. يا ابيض انت
خلود
اتجدعن يا حبيبي وهات شقة خلينا نتلم فيها
سليم
نفس البوق الحمضان بتاع خالتي
ويروح ناحية مودة ويبص لها وهو يقول
اخيرا لابستي الفستان انت ما تعرفيش انا كنت هاموت ازاي واشوف واعاين
ويقعد سليم علي السرير فتقول مودة
للدرجة دي عايز تشوف الفستان علية
سليم وهو بيفرد ظهرة علي السرير بتاع مودة
ما يولع الفستان انا عايز اشوف السرير واعاينه مش دي هاتبقي اوضي من بعدك. فمحتاج اجرب السرير اللي هنام علية بدل. الكنبة اللي قطمت وسطي وكان نصي التحتاني ديما مدلدل منها
مودة وهي بتضحك
بقي كدة وانا اللي كنت فاكرة انك زعلان علشان ماشية
سليم
هو انتي كنتي عايزا تقعدي في اربزينا اكتر من كدة. دة اللي فسنك متجوزين وعندها بدل العيل تلاتة
فتوجع الكلمة مودة وتقول وهي هاين عليها تعيط
علي فكرة انا كبرت في السن علشان كنت بخدمكم ومش عايزا اسيب بابا واسيبكم من غير ست تخلي بالها منكم وخصوصا بعد موت ماما.
ولكن مودة الدموع خانتها وانهارت وبدات الدموع تجري علي خدودها فتبص خلود لسليم وتقول
هو انت اية يا اخي طوبة علي طول كدة ما تعرفش اية اللي يتقال واية اللي مايتقالش
فيقف سليم ويروح ناحية مودة وياخدها في حضنه ويبوس راسها ويقول
والله ما اقصد. انا كنت بهزر
فتبص له مودة وهي بتعيط وتقول
هزارك رخم زيك
فيبوسها سليم كمان مرة ويقول
طيب خلاص بقي. ولا يارب اعدم خلود لا انتي ما بطله عياط
خلود
بعد الشر عليه. ان شاء الله الناس الباردة،،،،،،،،
ومن جوة مطار القاهرة يقعد رجل وسيم جدا وبرنس في الخمسينات من عمره ويدعي ايهاب. ومعه امراة في نفس سنة تقريبا تدعي الهام. وباين عليهم العز واثناء ماكانت اوراقهم في الجوازت تنتهي بصيت الهام لايهاب وقالت
انا مش مصدقة نفسي. بعد 20 سنه برة مصر ارجع لمصر تاني.
ايهاب
كان لازم نرجع في يوم من الايام. ونجمع ولادك تاني لحضنك
الهام باشتياق شديد
ولادي. انت تفتكر ان سامي بعد ما ربي وشال وكبر هايسيبهم بالساهل.
ايهاب
انتي امهم وغصب عنه مايقدرش يحرمك منهم.
الهام
دة قايل لهم اني موت.
ايهاب
يقول اللي يقوله. سيبي بس انت حوار عيالك علية انا وانا هاقدر اجمعهم تاني حوالين منك
الهام
مش خايف لما عيالي يرجعوا تاني لحضني اقصر من ناحيتك
ايهاب وهو بيضحك وبيحط رجل علي رجل بمنتهي الغرور
مش ايهاب ابو الذهب اللي واحدة تعرف تقصر في حقه
الهام
ماشي يا عم الواثق في نفسك. قولي بقي هاتيجي معايا فرح مودة النهاردة
ايهاب وهو بيلبس نظارتة الغالية جدا
طبعا وهو انا برضو اضيع علية فرصة اني اشوف سامي واكسر فرحتة ببنته
الهام
احنا اتفقنا علي اية بقي مش قولنا ننسي اللي فات
ايهاب بابتسامه صفراء
انسي. دي امي ماتت بحسرتها ووصتني علي سامي ابن سلفتها الوحيدة احرمه من الفرحة. لغاية ما يموت بحسرته. طالما امه فلت من ايديه
وكشر ايهاب مرة واحدة والشر بدا يفوح في المكان وقال
ورحمه امي لازرع الحزن في قلبه. زي ما الحزن زرعته امه في قلب امي ولا انتي نسيتي انا امي اتعمل فيها اية. ولو نسيتي امي واللي حصل لها نسيتي خيانه سامي ليكي.
الهام
عمري ما انسي الليله اياها لما دخلت ولقيتة في حضنها
ايهاب
يبقي كفاية علية اوي لغاية كدة احنا عملنا فلوس كتير في الغربة وجه الوقت ان عيالك يتهنوا بيها. وهما بقي حرين يختاروا اللي ربي ولا امهم والعز اللي جاي علي ايديها، ،،،،
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
ومن جوة شقة سامي كان سامي لابس نظارته وماسك المصحف وبيقرأ في بعد ما خلص صلاة العصر. وبيدعي لبنته مودة بالستر وان فرحتها تكمل علي خير في اللحظة دي يقف قدام منه نور و فضل فيبص لهم سامي ويقول
نعم
نور
مش انا ابنك الوسطاني
سامي
بيقولو
فضل
وانا الصغير. صح
سامي
سمعت كدة. وخلاص اتعرفنا خشوا في الموضوع علي طول
فضل
انا اطول من نور بعشرين سنتي. والسرير النهاردة بتاع مودة هايفضي وسليم هينام في الاوضة لوحدة يبقي طالما انا اطول من نور المفروض انام انا علي السرير ونور ينام علي الكنبة.
نور
ولية ما نمش جنب بعض زي الاول
فضل
ونضيقها علي بعض لية ماخلاص الكنبة اللي كان بينام عليها سليم هاتبقي فاضية
نور
طيب ما تنام انت علية
فضل
ما انا لو قصير زيك كنت نمت عليها
نور
طيب انا مش هنام علي الكنبة واللي عندك اعملة
فضل
خلاص هاروح اقول لبابا وهو يحل المشكلة دي
ويبصو الاتنين ناحية سامي اللي كان باصص لهم وبيضحك فيقول نور
بابا هو انت هنا من امتي
سامي
لسة جاي من خمس دقايق.
فيضحك سامي و نور وفضل ويقول فضل
كسفتنا والله مش احنا جائيين نشهدة اصلا
نور
يعني عرف الحكاية.
سامي
عرفت الحكاية ومن رايي اني لما افوق من عزال اختكم اللي خد اللي ورايا واللي قدامي هاشتري سرير تاني واحطه في اوضة مودة. وماحدش منكم ينام علي الكنبة
ولو مش قادرين تستنوا اروح انام انا علي الكنبة وواحد منكم يجي ينام مكاني علي السرير
فيروح فضل ناحية سامي ويبوس ايدة وهو يقول
وربنا ما يحصل. وانا هنام علي الكنبة وهاخلي اخويا نور علي السرير لوحدة
نور
طول عمرك اخلاق.
فيبص سامي لنور ويقول
طيب اية مش هاتيجي تبوس ايدي. زي ما فضل عمل
نور
بابا انت عارف اني بطبلك بطريقة تانية غير الطريقة دي خالص لانها قديمة اوي
ويخرج نور من الاوضة وسامي بيبص وبيضحك ويبص سامي لفضل ويقول
ابقي اقعد مع نور واتعلم منه الجديد في فن التطبيل، ،،،،،
وبعدها بساعتين ومن قدام عمارة كبيرة وجهتها من رخام ومن خمس ادوار تقف عربية ملاكي احدث موديل وينزل منها ايهاب والهام وتبص الهام للعمارة وتقول
اية الجمال دة.
ايهاب
مش وعدك ان المفاجاة بتاعتي. هاتعجبك
الهام وهي مش قادرة ترفع عينها عن العمارة وجمالها وتقول
بجد احلي بكتير من اللي انا اتخيلتها
ايهاب
طيب خشي برجلك اليمين
ولسة هايخشوا العمارة سمعوا صوت امراة عندها 35 سنه. حلوة جدا واسمها يسرا. بتقول
ايهاب بية.
فيبص ايهاب ليسرا وكمان تبص الهام وتقول الهام
مين دي
ايهاب
يسرا مهندسة الديكور واللي خليت العمارة بالجمال دة
فتسلم الهام علي يسرا وهي تقول
تسلم ايدك بصراحة تحفة
يسرا
دي حاجة تشرفني ان العمارة عجبت حضرتك.
وتبص يسرا لايهاب وتقول
كنت عايزا بس من حضرتك دفعه من الحساب علشان احساب الصنيعية اللي خلصو
ايهاب
لازم دلوقتي
يسرا
اسفة انا عارفة ان الوقت مش مناسب بس سامحني مش معايا سيولة خالص ومحتاجة فعلا اي مبلغ. لو تشرف حضرتك مكتبي اكون شاكرا ليك جدا
فيبص ايهاب لالهام فتقول الهام
خلاص هات المفاتيح وانا هاطلع شقتنا وهاستناك نتغدي سوي. مش احنا برضو الدور الاول كله بتاعنا
ايهاب وهو بيدي المفاتيج لالهام يقول
الدور الاول كله بتاعنا. ومعلش هاروح معها اخلص بعض الحسابات وهارجع علي طول. مش مكتوب لي الراحة
الهام
معلش اكيد هي برضو معذورة. انا هاطلع وانت متتاخرش علية وهاستناك علي الغداء
وتسيبهم الهام وتطلع فيقول ايهاب ليسرا
اركبي العربية
فتركب يسرا العربية. ويركب ايهاب ويمشي بالعربية، ،،،،
من حتة مقطوعة تقف عربية ايهاب ويسرا تحاول انها تاخده بالحضن فيقول لها. بعصبية وهو بيبعدها عنه
ممكن اعرف اية اللي انت بتعملي دة
يسرا
وحشتني يا ايهاب بقالي شهرين بحالهم ما شوفتكش. ويوم ما اعرف انك راجع مصر عايزني استني لما تنبسط الاول مع مراتك وبعد كدة تجي لي
ايهاب
انت في حاجة في دماغك افرضي الهام شكت في حاجة
يسرا
هاتشك في اية بس دي عبيطة. وزي الخاتم في صباعك
وتحاول انها تاخده في حضنها تاني ولكنه يبعدها عنه وهو يقول
يسرا لاخر مرة انا بحذرك اي مقابلة تتم بينا لازم تكون بحساب لغاية ماخلص اللي انا راجع مصر علشانه واخد حق امي. وبعد كدة هاخلص من الهام وهاكون ليكي علي طول
يسرا
امتي بس
ايهاب
قريب اوي. ،،،،،،،،،
وبالليل ومن جوة قاعة افراح كانت مودة بترقص وسط اصحابها البنات وقرايبها والعريس بيرقص مع اخوات مودة ووسط منهم سامي وكانت الفرحة علي اخرها لغاية مالقي سامي أيهاب قدام منه وبيرقص معه فيبص له سامي بكره شديد. فيشاور ايهاب علي شي وراء سامي فببص سامي علشان يلاقي مودة في حضن امها الهام. فراح سامي ناحية مودة وبص لالهام وضحك وبص لمودة اللي خرجت من حضن امها. وشاور سامي لبتاع الدي جي. اللي فهم اشارة سامي ووقف الاغنية اللي كانت شغاله. وقرب من مودة ومودة قالت بصوت حزين
اسفة يابابا بس انا كنت ديما بكلم ماما من وراك لاني ماقدرش اعرف انها عايشة وابعد عنها انا بنت ومحتاجة جدا لامي
فيبتسم سامي ويبوس مودة في راسها وعيونه بدمع وقال
خالتك اللي قالت لك. صح
مودة
صح.
سامي
وقالت لك هي سابتك وانتي عيلة بنت 12 سنه علشان اية
ويبص سامي لولادة التلاته ويقول
دي امكم اللي سيبتكم 20 سنه بحالهم ورجعه النهاردة تاخد بنتها بالحضن
ويبص سامي لالهام
سابت عيالها علشان دة. ابن عمي الوحيد.
ويشاور علي ايهاب. ويكمل قائلا
وبعد عشرين سنه. جاية تاخدك بالحضن وقال يعني فرحانه انك بتتجوزي. اساليها كدة مقاس جذمتك كام
فتبص مودة لالهام فتبص الهام في الارض وسامي بيقول
سؤال عبيط لكنها ما تعرفش اجابته عارفة لية.
ويقول بحرقة
علشان انا بقالي 20 سنه ابوكي وامك. انا اللي عارف مقاستك كلها انا اللي عارف بتحبي اية وبتكرهي اية. انتي واخواتك
ويبص لاودة التلاته ويقول
انا كذبت عليكم امكم عايشة بالنسبه للناس كلها بس بالنسبة لي ماتت. لان لو اب هو اللي ساب عياله وعاش مع ست تانية 20 سنه. عادي نقبلها لان الرجاله ساعات بيبقي قلبها جاحد علي عيالهم. انما الام هي اللي تعمل كدة. دة بقي الغريب مافيش ام بتحرم عيالها منها الا لو ماتت.
ويبص لايهاب ويقول
اوعي تفتكر انك لما تيجي فرح بنتي ومعاك اللي كانت مراتي انا هاتقهر. تبقي ما تعرفش سامي
سامي بحرقة وهو بيبص لبتاع الدي جي
شغل احلي واعلي اغنية عندك وخليني ارقص.
فيبص لها بتاع الدي جي وهو مستغرب الموقف كله. ولكن سامي يبص له والدموع محبوسة في عيونه ويقول باعلي صوت عنده
شغل
وتشتغل الاغنية تاني ويرقص سامي وهو بببص لبنته مودة ويحط الهام في ظهرة. فتترمي مودة في حضنه وهي بتعيط ويروحو ولاده التلاته حوالين منهم وهما بيعيطوا وفي نفس الوقت بيرقصوا، ،،،،،،
ومن قدام قاعه الافراح تخرج الهام وهي بتعيط ومقهورة ومن وراء منها ايهاب وهو بيقول لها
رايحة فين انتي دلوقتي بس. انتي كدة هاتخلي يفتكر انه قدر علينا
الهام بحرقة
هو انت لسه عندك شك انه فعلا قدر علينا
ايهاب
لا. ماحدش يقدر علي ايهاب
الهام
لا قدر وخلي عياله كلهم يترمو في حضنه. وماحدش منهم كان طايقني
ايهاب
عيالك كلهم بكرة يجروا عليكي علشان يراضوكي
الهام وهي بتبص لايهاب
بعد اللي شوفته النهاردة وحب ولادي لسامي انا مستحيل احرمهم منه
ايهاب بعصبية
انتي في اية في دماغك تخلي سامي ابن صباح يكسبنا
الهام
يكسب اية ونخسر اية. احنا في حرب
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
ايهاب
اة. حرب
الهام
الحرب دي كانت حرب سلايف بين امك نادية. وامه صباح وخلاص الاتنين ماتو
ايهاب بشر
صباح ماتت بس ابنها عايش. وزي ما امي نادية ماتت بقرهتها من اللي عملته صباح فيها لازم سامي يموت مقهور زيها واي حاجة حلوة في حياته احرمه منها
الهام
زي ما حرمته مني زمان
ايهاب
انتي كنتي بداية. بس علشان افكرك انتي اللي جريتي ورايا بعد ما عرفتي انه ببخونك. انا مش عارف انتي ازاي. نسيتي انك وانتي مراته كان لغيرك
الهام
خلاص اللي فات مات وانا ما بقتش مراته وهو مبقاش جوزي انا مراتك انت دلوقتي
ايهاب
مش كفاية. ويالا نخش نكمل الفرح
الهام
مش هادخل الفرح تاني. عايز تخش خش انت
ايهاب
لا وعلي اية. خلي يكمل الليلة النهاردة وبكرة لينا كلام تاني، ،،
ومن جوة العربية اللي بتتزف فيها مودة تقعد مودة جنب جوزها واسمه سمير وكانت لسة بتعيط فسمير يبص لها ويقول
مش كفاية عياط بقي
مودة
مش قادرة اصدق اني عملت كدة
سمير
مودة النهاردة ليلة دخلتنا وانا شايف اني اي كلام في حوار امك وابوكي دة ملهوش لزمة خلينا بقي في الليلة بتاعتنا حاكم دي ليلة ما تحبش النكد
ويقرب منها ويبوسها في خدها وهو بيقول
ولا اية.
فتمسح مودة دموعها وتبص لسمير بعيونها بس لكن قلبها وعقلها رافضين انها تفكر غير في ابوها وياتري هو عامل اية دلوقتي، ،،،،،،،
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
ومن قدام باب شقة سامي. يقف سامي وفي ظهرة اولادة الثلاثة ويفتح الباب ويدخل الي الشقة وهو باين علية الحزن الشديد ويروح ناحية اوضة فيقول له سليم
بابا. كنت محتاج اتكلم معاك
فيفتح سامي باب اوضه وهو يقول من غير حتي ما يبص لسليم
لو في العمر بقية. بكرة يا سليم نتكلم زي ما انت عايز
ويدخل سامي اوضة ويقفل الباب وراء منه ويبص نور لسليم
بابا شكلة ما يطمئنش
فضل
انا هاروح انام معه الليلة دي ولو حتي تحت رجله
ولسة هايروح فضل ناحية اوضة سامي يمسكة سليم من ايدة ويقول
مافتكرش ان بابا هايحب ان حد يقعد معه دلوقتي
نور
يعني نسيبة كدة
سليم
اللي حصل دة مش شوية واحنا محتاجين نفهم اية اصل الحكاية. بس لما ابوك يقدر يحكي ،،،،،،،،،
من جوة اوضة نوم سامي يقعد سامي علي كرسي صغير قدام السرير ويبص للسرير ويفتكر ايام زمان ويتخيل الهام ايام ماكانت مراته وهما لسة داخلين الاوضة لاول مرة وهو شايلها وهي بفستان الفرح وبيقول لها
اهو اول واحدة في عيلتنا تتشال وهي داخلة اوضة نومها
الهام بدلع
لا. والله. يعني عم شوقي حمايا ما شلش خالتي صباح حماتي ليلة دخلتهم
سامي وهو بيحط الهام علي السرير
ماسالتش الصراحة. بس ابويا كان متجوز في بيت عيلة والنفس كان محسوب علية. ومافتكرش انه دلع امي. لاني من ساعه ما وعيت علي الدنيا وكانت الخناقة بين امي ومرات عمي علي اخرها.
الهام
علشان كدة ماحبتش نتجوز في بيت باباك
سامي
بعد حرب السلايف اللي شوفتها بين امي ومرات عمي اللي فاكرة لغاية دلوقتي ان امي السبب في انها متخلفش تاني. بعد ايهاب. كرهت بيت العيلة وما حبتش الحكاية تتكرر تاني واشوفك ماسكة في خناق مرات اخويا. كدة احسن
الهام
بس شقتنا في البيت التاني قد الشقة دي تلت مرات
سامي
بس راحتنا هاتكون في الشقة دي قد الشقة التانية تلت مرات. وبلاش كلام كتير بقي وخلينا نقول
ويخدها في حضنه وهو بيضحك. ويفضل سامي باصص للسرير وهو حزين،،،،،،،
وفي نفس الوقت ومن قدام بيت العيلة اللي هاتسكن في مودة تقف العربية اللي كانت بتزف العروسين وينزل سمير ويفتح الباب لمودة اللي بتنزل وسط زغاريط كتير من اهل سمير واخواته البنات وكان وسط الوقفين مرات اخوة سمير الكبير واسمها كوثر واخو اسمه محمود وكانت كوثر بتبص لمودة بصة مش مفهومة ومودة بتبص لها لما لحظت بصة كوثر ليها وام سمير بتحضن مودة وكان اسمها
ليلي وبتقول لها
الف الف مبروك يا حبيبتي نورتي بيتك يا مودة
مودة
الله يبارك فيكي يا ماما
كوثر وهي بتسلم علية وبتقول لها في ودانها
الف مبروك يا مودة. ويارب ما تطلعيش زي امك قليلة الاصل.
فتبص لها مودة يغضب شديد ولسة هاترد. لقيت اخت سمير. الكبيرة بتسلم عليها واخته التانية. بتاخدها في حضنها الكل بيبارك ومودة عماله تبص لكوثر وهي عايزا تاكلها بسنانها لكنها قصرت علشان ما تزعلش سمير ويدخل سمير البيت وسط الزغاريط والفرحة ومودة بتبص لكوثر سلفتها اللي بتبص لها من تحت لتحت فراح محمود اخوه سمير الكبير ناحية كوثر مراته وهو عمال يبص لمودة وقال لها
قولتي اية لمودة مخليها عماله تبص لك كدة
كوثر
باركتلها. بلاش
محمود بحدة
كوثر. لف ودوران ما بحبش. انتي ما بتحبيش مودة وبتغيري منها علشان امي بتحبها اكتر منك. وعلشان سمير مارضيش يتجوز اختك الارمله.
كوثر
والله هو حر. وبعدين ماهو اتشملل هو وامك وراحو جابو لنا واحدة اكبر من الارمله بس الفرق بينها وبين اختي ان اختي معها عيلين وهي لا.
محمود
مالكيش دعوي. وقصري في ليلتك. وشيلي مودة من دماغك لانها عيلة غلبانه وجدعه و انا عارف ومتاكد ان حوار امها اللي حصل النهاردة في الفرح دة مش هايعدي علي خير
كوثر
والله المفروض انك تخاف علي اخوك منها بعد ما عرفت انها ليها ام سابت عيالها وهربت
محمود
اتجوزت واحد تاني وهي حرة. ولاخر مرة مالكيش دعوي بمودة
فتبص له كوثر من فوق لتحت وتسيبة وتخش البيت،،،،،،
ومن جوة اوضة نوم سمير ومودة وبعد ما مشيو عيلة سمير يبص سمير لمودة ويقول لها
مبروك يا عروسة.
مودة بصوت حزين
الله يبارك فيك
سمير وهو بيقلع لمودة الطرحة وبيقرب منها فمودة تعيط وتنزل دموعها غصب عنها فيقول سمير بعصبية
يادي النكد. بتعيطي لية تاني دلوقتي
فتبص له مودة وتقول
حقك علية والله غصب عني. بس اللي حصل النهاردة مش قادرة اسامح نفسي بسببه
سمير
كل دة علشان كنتي بتكلمي امك من وراء ابوكي
مودة
انت ما شوفتش بابا كان عامل ازاي لما شافها
سمير بعصبية
وخلاص اللي حصل حصل هانفضل بقي في النكد دة كتير
مودة. وهي بتعيط
غصب عني والله. وانت جوزي ولازم تستحملني وتحس بيا
سمير
اعمل اية يعني. اشغل موسيقي حزينه واقعد اعيط معاكي
مودة باستغراب
لا. مش كدة بس
سمير مقاطعه لها
بس اية وزفت اية. دة انا طول الطريق بسكت فيكي مش بداية دي يعني
مودة
خلاص يا سمير مش هاعيط تاني. وانا قدامك اهو اعمل اللي انت عايزة
سمير
هو انا بشحت. نامي يا مودة وبكرة نبقي نتكلم. لو فيها بكرة.
ويخرج سمير من الاوضة. ومودة بتبص عليه.،،،،
وتاني يوم الصبح ومن قدام اوضة نوم سامي يقف فضل قدام الاوضة وكان بيخبط علي الباب وبيقول
بابا. بابا
ولكن سامي ما كنش بيرد فيخبط كمان مرة وهو قلقان جدا ويفتح الباب علشان يلاقي سامي واقع علي الارض ،،،،،،،،،،،
