رواية سجينة في قصر الاسد الفصل الاول 1 بقلم هويدا زغلول

في بيت بسيط  ريم كانت قاعده في الاوضه سرحانه دخل عليها رامي وقال

رامي 

هو انت فاكره لما تعملي اضراب على الاكل هحن واطلعك من الفيلا دي تبقي غلطانه انت هتفضلي هنا عمرك كله

ريم 

ايه واخده حكم مؤبد يعني هو انت فاكر لما تحط لي حديد على الشباك علشان مش ههرب هخضع على لأوامرك واسكت تبقي غلطان 

رامي قرب منها وببرود قال 

رامي 

انا جوزك يا ريم حطى دا فى بالك وكلامى يتسمع سواء بإرادتك او غصب عنك 

ريم 

السجن اللى انت حاططنى فيه دا مش هيدوم صدقني مع اول فرصه هتلاقيني اختفيت ومش هتعرفلى طريق انا بكره اليوم اللى شوفتك فيه ياريتنى كنت موت ولا أنى لجأت لواحد زيك عشان يساعدنى وبدأت تفتكر اللى حصل 

     فلااااش بااااك 

ريم كانت قاعده في اوضتها دخل عليها رفعت ابوها وقال

رفعت 

انا عايز اعرف انت ليه لحد دلوقتي مش جهزتي هتنزلي العريس بالبيجامه يعني ولا ايه اخلصي المأذون تحت والراجل مستعجل 

ريم 

مستعجل على إيه بالظبط مش فاهمه وبعدين الجوازه دي مستحيل تتم انا مستحيل اتجوز واحد اكبر مني ب 20 سنه حتى لو معاه مال قارون 

رفعت ضربها بالقلم على وشها وقال 

رفعت 

هتتجوزي صبري ورجلك فوق رقبتك انا مش مستعد اتسجن علشان دلع البنات ده 

في الوقت دا  دخلت ميرفت  امها وقالت

ميرفت 

هو انتى الواحد مش عارف يستفاد منك بحاجه خالص عماله تنوحى كل دا ليه دا الراجل جيبه مليانه ومش بتخلص وهتورثي منه وهيبقي على قلبك قد كدا انتى ايه مشكلتك مش فاهمه

 ريم بصتلهم بذهول وقالت

ريم 

انا مصدومه فيكوا بجد انتوا ازاي قابلين ترموا بنتكم كده في النار عشان خاطر الفلوس الراجل ده عنده 50 سنه ومتجوز قبلي ثلاث مرات عاوزين تخلصو منى ليه هو انا مش بنتكم 

ميرفت مسكتها من شعرها وقالت

ميرفت 

ما تفكك من جوه الصعبانيات ده وإخلصي انزلي عريسك مستني دخلتكم الليله يا ريم 

رفعت 

اسمعي يا بنت انت إلى هقوله قسما بالله لو الجوازه دي مش تمت لاكون قتلاكي  فيها وملكيش ديه عندي

وسابها ومشي ميرفت بصتلها وقالت 

ميرفت 

حطي اي حاجه على وشك اعملي اي منظر خلي الراجل يتشد ليكي بدل ما انت عامله زي المومياء كده وخليكي ذكيه سن ايه اللي انت بصاله ده انت هتعيشي ملكه وسابتها ومشيت 

ريم قعدت على السرير وبصدمه قالت 

ريم 

لا لا انا مستحيل اتجوز البني ادم ده حتى لو على موتي انا لازم اهرب من هنا وبصت على الشباك وجابت حبل ربطته فى رجل السرير ونزلت من الشباك 

وعند رفعت كان قاعد في الصالون جنب صبري اللي كل شويه يبص في ساعته وبيغيظ قال

صبري 

جرا ايه يا رفعت بقالي ساعه قاعد والمحروسه بنتك لسه مش نزلت

رفعت 

كل تاخيره وفيها خيره وبعدين انت عارف دلع البنات دلوقتى تلاقيها قدامك 

صبري

صدقني لو بتلعب بديلك انت ولا بنتك هتشوف مني رد فعل مش هيعجبك وكل الوصولات اللي انا واخدها عليك هسجنك بيها انت ومراتك 

وبعدها دخلت ميرفت ووقفت قدامه وقالت 

ميرفت 

ربنا ما يجيب زعل يا حاج صبري وبعدين احنا شويه وهنبقي عيله مش تتعصب بس وخليك واثق أن ريم  هتبقى زي الخاتم في صباعك

صبري 

طب استعجليها انا مش هفضل مستنى كدا كتير مش انتو قولتو أنها طارت من الفرحه أول ما عرفت انى متقدملها مش شايف دا ليه 

ميرفت 

ما تاخد كوبايه الحاجه الساقعه دي من ايدي يمكن تروق اعصابك وانا هطلع اشوف ريم وانزلهالك حالا انت برده عريس لازم تبقى رايق ومزاجك رايق وطلعت تشوفها 

صبري

ماشي يا كله يكون علشان العروسه 

وعند ميرفت دخلت الاوضه وبغل قالت

ميرفت 

بقا انتي يا  مقصوفه الرقبه عاوزه تسجنينا واتفاجئت انها مش في الاوضه وبصت على الشباك لقيته مفتوح

وبصريخ قالت الحقني يا رفعت البت ريم هربت 

رفعت وصبري طلع بسرعه على صوتها وبتوتر قال

رفعت

هربت فين يا وليه دي تلاقيها هنا ولا هنا دورتى كويس 

صبري مسكه من هدومه وقال

صبري 

انت مش شايف الحبل اللي عند الشباك ده صدقني الاهانه دى تمنها جامد انت كسبت عداوتى يا رفعت انا هخليك تعفن فى السجن وسابه ومشي 

رفعت ضرب ميرفت بالقلم وبغل قال 

رفعت

راحت فين بنت ال   دى شوفيهالى فين بدل ما اموتك في ايدي انت كمان غورى من وشي 

عند ريم كانت بتجري في الشارع وبتوتر قالت 

ريم

هروح فين بس انا معرفش حد هنا ولا ليا مكان ولو رحت عند حد اهلي يعرفوه سهل جدا يلاقوني وساعتها هتجوز المكرمش دا غصب عني ووقفت مره واحده قدام العربيه قبل ما تخبطها 

رامي نزل من العربيه وبغيظ قال 

رامي 

انت هبله يا بنت انت حد بيجري في الشارع بالطريقه دي افترضي دوستك دلوقتي

ريم 

ساعدني بالله عليك انا هربانه من اهلي ولو مسكوني مش هيعدوهالي 

رامي 

ريم مش كدا دا انا مستنيكي من بدرى اخيرا سندريلا هانم طلعت من البيت

ريم 

انت تعرفني منين انا مش قولتلك اسمي واول مره اشوفك اوعى تكون تبع  عريس الغفله اللى انا هربانه منه ده

رامى 

لا انا مش تبع حد وموافق اساعدك بس بشرط تتجوزيني دلوقتي

ريم 

ايه انت مجنون ايه الهبل ده هو انت فاكر الجواز لعبه 

رامي قرب منها وبمكر قال

رامي 

اعتقد أن أهلك لو عرفوا مكانك مش بس هتتجوزي غصب عنك لا ده ممكن يكسرولك دماغك كمان وهيذلوكى باقي عمري يلا قرري بسرعه  انا ولا عريس الغفلة اللى هربانه منه 

ريم 

كده سجن وكده سجن خليني في سجن اهلي احسن بدل ما يحصلي لي حاجه 

وبعدها مسكها من أيدها وقال ليها 

رامي 

لا يا حلوه كده سجن معاه اهلك وكده موت لو فكرتي انك تبعدي عني ها قولتي اي فكري في كلامي كويس اوي 

ريم بصتله بتوتر وقالت 

موافقه بس مش هيحصل بينا حاجه لحد ما أعرف انت مين واعرف عنك كل حاجه 

             بااااك 

ريم 

طلعت من سجن دخلت في سجن تاني انا مش عارفه الدنيا عايزه مني ايه ابويا وامي طول عمرهم قاسيين عليا وجايبين ليا واحد اكبر مني وعايزيني اتجوز غصب عني وانت كملت عليا واستغلتني قولى هو انا لو خلصت على نفسي عشان ارتاح ربنا هيكون رحيم بيا 

رامي قرب منها وشدها فى حضنه وبهمس قال 

رامي 

حياتك ملكى يا ريم من الوقت اللى وافقتى تتجوزيني فيه كان ممكن وقتها ترفضي وتكملي طريقك وتهربي بس انتى وافقتي 

ريم زقته بعيد عنها وبغل قالت

ريم 

قسما بالله يا رامى لو فكرت تقرب منى هقتلك وهقتل نفسي الجوازه دى باطله سامع بلاش كل شويه تقولى انى مراتك لأن نجوم السماء اقربلك منى

رامي 

انا لو عاوز اعمل حاجه كنت عملتها بس انتى غبيه مش عارفة تفرقي بين اللى بينهش فيكي وبين اللى عاوز يحميكي 

ريم 

انا عاوزه أعرف حاجه واحده بس انت تعرفني منين لما وقفت قدام عربيتك كان أول مره اشوفك وانت عرفت اسمي منين 

رامي 

أصل أنا مخاوى بعيد عنك وقرب منها وهمس جنب ودانها وقال قريب اوى كله هيبان وجاب صينية الاكل وحطها قدامها وقال كلى انتى محتاجه طاقتك للى جاى 

ريم 

مش عاوزه من وشك حاجه وبسخريه قالت وانا ايه يضمنلى انك مش حاطط حاجه فى الاكل عشان تاخد إلى انت عاوزه غصب عنى 

رامي مش رد عليها سابها وطلع من الاوضه وقفل الباب عليها وبغيظ قال 

رامي 

غبيه وعنيده هكون حاطط إيه يعنى فى الأكل مش كفايا انا اللى بطبخ كمان مش عاجب ماشي يا ريم يا انا يا انتى انتي دخلتي معايا الفيلا هنا بارادتك واتجوزتيني بإراداتك الباقي هيتم غصب عنك وهتفضلي مسجونه عندى عمرك كله 

وعند رفعت كان قاعد متغاظ من ريم وبغل قال 

رفعت

هتكون راحت فين يعنى هى الأرض اتشقت وبلعتها احط أيدي عليها بس والله ما هرحمها 

ميرفت 

استهدى بالله كدا ياخويا وإن شاءالله ليها حل هى متعرفش حد أصلا هنا ولا ليها مكان تانى يعنى هترجع وساعتها أعمل ما بدالك

رفعت بغيظ قال 

رفعت

لا طالما هربت مش هترجع وبغل قال دا بيجرى فى عروقها دم الراوى ماشي يا ريم احط ايدي عليكي بس 

وتانى يوم رامي صحي بدري وحضر الفطار ودخله ل ريم وقفل عليها ونزل الشركه واول ما دخل المكتب دخل عليه عمر وقال 

عمر 

هو انت بجد اتجوزت من غير ما تعزمنى هونت عليك يا قاسي تعملها من غيري طب كنت قولى اساعدك 

رامي 

بقولك ايه خف عن سمايا انا مش ناقصك انا مش مستحمل حد يهرشلي فى مناخيري حتى

عمر 

هى المزه اعلنت عليك الحرب ولا ايه ايه يا عريس أوعى تكون مش رفعت راسنا 

رامى 

ياخى ابو اللى يعرفك حاجه انت مالك قلبت على منى الشاذلي كدا ليه عمال تسال عشان تاخد السبق الصحفي 

وعمر قعد قدامه على المكتب من فوق وربع رجله وقال 

عمر 

لا بجد قولى انت فضلت تراقبها ومستنى فرصه تطلع من البيت الحزين اللى كانت عايشه فيه ايه اللى حصل بقا وبذهول قال اوعى تكون لسه مش عرفتها الحقيقه

رامي

المفروض اول مقابله بينا وانا شايفاها هربانه من بيتها اللي كانت عايشه فيه عشان بيجبروها على الجواز من واحد كبير اقولها هاي ازيك انا رامي الراوي ابن عمك والناس اللي انتي كنتي عايشه معاهم السنين دي كلها مش اهلك وهما خاطفينك من اهلك الحقيقيين وضحكوا عليكي ما شاء الله على ذكائك

عمر 

لا دا انتو المفروض تطلعو مع ريهام سعيد هي بتحب القضايا دى أو اقولك ابعت التفاصيل ل سامح سند صدقنى قصتكو هتجيب مشاهدات 

رامي 

اطلع بره يا بارد وسيبك من قعده المصاطب وانزل من على المكتب بدل ما انزلك على نقاله

عمر

طب اخر سؤال والله انت ايه إلى عرفك أنها بنت عمك وعمك ليه مش دور عليها السنين دى كلها 

ورامى سرح فى كلام عمه قبل ما يموت وبدأ يفتكر اللى حصل 

         فلااااش بااااك 

رامى كان قاعد قدام عمه رحيم وماسك ايد ه وقال 

رامي 

ايه يا عمي كنت فاكرك اقوى من كده شويه تعب مرقدينك على السرير يأست منى ومش عاوز تجوزنى 

رحيم 

خلاص يا ابني شكلها ساعتي قربت ودموعه نزلت  غصب عنه وقال بنتي يا رامي كان نفسي اعيش معاها بس ولاد الحرام خطفوها مني 

رامى 

ايه اللى انت بتقوله دا يا عمى وانا فين من دا كله ولسه جاى تقولي دلوقتي 

رحيم 

امها ماتت وهى بتولدها ضهرى اتكسر على حب عمري اللي ملحقتش اتهنى بيه قولت يمكن ربنا عوضني ببنتي مكملتش سنه في حضني واتخطفت قدام عيني فضلت سنين ادور عليها كل اللي انا وصلت له ان الراجل اللي خطفها اسمه رفعت وشغال في تجاره الاطفال بياخدها ويسرح بيهم في الاشاره بس مش عارف لهم مكان 

رامى

طب اهدى يا عمي طيب انت تعبان دلوقتي استنى بس تتحسن ونتكلم انا وانت انا مش هسيبك اوعدك ان انا هلاقي بنتك واجيبها في حضنك 

رحيم

يا ابني اسمعني انا حاسس ان انا خلاص وقتي خلص قول لبنتي تسامحني انا والله العظيم حاولت كتير ارجعها بس هما عصابه كبيره وانا مش قدهم حاولت اديهم فلوس بس هم رفضوا كانوا عاوزين ياخدو منى كل حاجه عشان يسمعوني صوتها بس فضلت وراها لحد لما عرفت اسم الشخص اللي خطف بنتي وخليت حد يصورهولى من بعيد هو اسمه رفعت ومراته ميرفت 

بنتى يا رامي امانه في رقبتك هسالك عنها يوم الدين بنتي ريم قولها تسامحني والله حاولت اوصلها كتير 

رامي 

طب اهدى بس وانا والله هعمل كل حاجه عشان اجيبهالك والكلاب دول هيتحاسبو وهجيبهم واحد واحد 

رحيم 

كل المعلومات هتلاقيهم في ملف في درج مكتبي وصيتي الوحيده ليك يا رامي انك تتجوز ريم انا ربيتك وانت الوحيد اللي هتصون بنتي وبعدها مات 

رامي حط ايده على عين رحيم يقفلها وبدموع قال

رامي 

عمى إن لله وإن إليه راجعون اوعدك انى هجيب ريم وهعوضها عن كل حاجه وهقولها انك بتموت فيها وكان نفسك تشوفها 

        بااااك 

رامي 

عمى مات وساب مسؤولية كبيره اوى عليا والغبيه فاكره انى ساجنها ومانعه الاكل والشرب 

عمر 

عدم لا مؤاخذه يا رامي يا حبيب قلبي انت الغبي فى الحكايه قولها قولى ليه عشان انت عامل زى الدب اللى عاوز يحمي عياله قام خانقهم لا دا فطسهم مش خنقهم 

رامي 

انت جاى تحرق أعصابي على الصبح يعني غور من وشي عشان مش طايق نفسي أصلا 

عمر 

طب والنبي قولى انا مش متخيل ان حياتك ورديه بعد ما اتجوزتها اول مره شفتها فيها يعني الناس بتقابل اول مره تقول لهم ازيكم عاملين ايه انا اسمي كذا انت اسمك ايه وتعرفوا على بعض انت الله اكبر عليك اول ما شفتها انت ريم يلا نتجوز حلوف اقسم بالله حلوف كبير 

رامي 

امال كنت عايزني اعمل ايه يعني احطها عندي في الفيلا ازاي من غير ما يكون بين رابط اساسي طب افترض هي طلعت من ورايا مثلا راحت لهم هناك وهم قتلوها وعملوا فيها حاجه هروح ادافع عنها بصفتى مين 

عمر 

هو انت ياض كنت بترضع لبن خنزير ولا الغباء وراثه عندك انت ايه يمنعك انك تقولها انك ابن عمها 

رامي 

عشان خايف مش تصدق وتطلب تمشي فالاحسن تفضل فى اوضتها مقفول عليها الباب وانا كدا كدا بعملها اكلها هتعوز ايه تانى 

عمر 

لا ثانيه واحده معلش اصل انا حاسس ان انا اتطرشت هو انت بجد حابسها في الاوضه وبتفتح لها بس تحطلها الاكل وتقفل ثاني ليه فاكر نفسك مربي فراخ في العشه دا لو فراخ هيتعاملو افضل من كدا وبشماته قال والله فرحان فيك دى هتعمل من فخادك بوفتيك تستاهل انا هقوم أشوف شغلى وبصله بتقييم وقال انت ياض سادى والله سادى ربنا ياخدكو براحه وطلع يجري على برا 

رامي افتكر كلام ريم أنها مسجونه وبتوتر قال 

رامي 

هى ليه مش فاهمه أن انا بحميها هو انا هحارب الكلب اللى اسمه رفعت ولا هحارب عشان احسن صورتى قدامها وبتنهيده قال واخرتها معاكى يا ريم

الفصل الثاني من هنا