رواية حماتي والسر المجهول الفصل الاول 1 بقلم هويدا زغلول

وفى فيلا فخمه كانت واقفه كارما قدام المخزن السري وايديها بتترعش وقالت في نفسها 

كارما 

يا نهار اسود انت عملت كده انا لازم اصورك عشان اثبت ان انت خنت الامانه 

وبعديها كارما صورت اللي جوه في المخزن وفي الوقت ده جريت بسرعه زي المجنونه وهي بتجري حماتها خبطت فيها وقالت 

سميره 

في ايه يا كارما مالك بتجري كده ليه وليه جسمك بيترعش كده وايه اللي وداك المكان ده اصلا مش انا قلت ما فيش حد فيكم يجي هنا ابدا هو انتم ما بتسمعوش الكلام 

كارما 

معلش يا حماتي حقك عليا انا بس كنت بدور على فرده الحلق بتاعي وقعت مني والحمد لله لقيتها وسمعت بنتي بتعيط قلت بسرعه هروح لها 

سميره 

طب يلا روحي ومش عايزه اشوف وشك هنا ثاني ابدا 

كارما جريت بسرعه وراحت على بنتها لكن سميره طلعت اذكى منها وفتحت فيديوهات الكاميرا اللي هي حاطاها قدام المخزن عشان تشوف الفيديو على التليفون واول ما شافت كارما صورت اللي حصل في المخزن قالت

سميره 

يا نهار اسود ومنيل لا يا كارما انت كده دخلتي نفسك في دوامه انت مش قدها لازم اخذ منك التليفون وامسح الفيديو اللي انت صورتيه كده كلنا هنروح في داهيه 

وبعديها حماتها راحت عند كارما الاوضه ما لقيتهاش وراحت عند بنتها نادين اللي عندها 10 سنين وقالت 

سميره 

قولي لي يا نادين يا حبيبتي هي ماما راحت فين اصل انا بدور عليها ومش لاقياها 

نادين 

انا زعلانه منك يا تيته عشان انت وبابا وعمو وكلكم خوفتوا ماما هي جت وكانت مرعوبه وقالت لي خلي بالك من نفسك وبعديها مشيت ما اعرفش راحت فين

سميره بصدمه 

يعني ايه الكلام ده هو ايه اللي مشي انطقي يا بنت انت امك راحت فين 

نادين 

ما اعرفش يا تيته انت بتزعقي لي كده ليه وسيبيني بقى عشان عايزه اكمل رسم 

سميره خرجت من الاوضه وكانت متعصبه وخايفه راحت بسرعه على المخزن لكن في اوضه نادين كارما خرجت من الدولاب وباست نادين من خدها وقالت

كارما 

برافو عليك يا نادين عملت اللي انا قلت لك عليه بالضبط بصي بقى يا حبيبتي انا دلوقتي همشي عشان هم اكيد هيدوروا عليا في كل مكان وانا مش هينفع اكون موجوده هنا وهاجي لك على طول انت هنا وسط تيتا وبابا وعمتك ما تقلقيش هم بيحبوكي وعمرك ما يؤذوكي لكن ممكن يؤذوني انا اوعي تقولي لحد اللي انا قلت لك الكلام ده وصدقيني هاجي لك في اقرب وقت سلام يا حبيبتي 

وبعدها كارما خرجت من الفيلا وكانت حماتها وجوزها وكمان اخو جوزها بيدوروا عليها في كل مكان لكن هي طلعت اذكى منهم ما ركبتش العربيه جريت لحد اول الطريق وركبت عربيه وراحت على بيت ابوها القديم واول ما دخلت قالت 

كارما 

كان نفسي ما اهربش ولا اعمل كل ده لكن ما اقدرش ابلغ دلوقتي هم اكيد هيدوروا عليا في كل مكان انا هستخبى شويه وبعديها هبلغ والكل لازم يتحاسب 

وبعديها كارما فضلت تعيط وقال 

كارما 

اه يا وجع قلبي انا دلوقتي من غير ولا اب ولا ام وعايشه في بيتك يا ابويا وانت مش موجود فيه وما فيش اي سند هروح فين ولا اجي منين كنت فاكره هشام جوزي سند طلع اوحش واحد في الدنيا 

وفي الفيلا عند سميره وهشام كانوا عمالين يدوروا على كارما في كل مكان وسميره قالت 

سميره 

ماشي يا هشام حسابك معايا بعدين انت واخواتك ايه اللي انتم عملتوه ده معقوله مش واخدين بالكم ان كارما بتصوركم احنا خلاص رحنا في داهيه 

هشام بتوتر 

اهدي يا امي يعني هتروح فين ما لهاش مكان تروح فيه خالص انا عارف انها هتيجي ولو ما جتش لحد بكره يبقى هروح بيت ابوها ما هي اكيد هناك 

سميره 

بكره مين يا ابو بكره مستني ايه ان شاء الله لما تيجي هي والبوليس عشان يقبض علينا كلنا ونترمي في السجن انت اتجننت 

هشام 

طب خلاص يا امي بقى كفايه عصبيه وعرفينا نعمل ايه ما هو كل ده بسببك انت انت اللي قررتي ان كل ده يحصل دلوقتي 

في الوقت ده قرب منهم معتز وقال 

معتز 

هو في ايه يا جماعه معقوله الكلام اللي انا سمعته ده يعني فعلا كارما صورتنا لا الكلام ده ما يتسكتش عليه مراتك دي تتجاب والفيديو يتمسح وانا مش عايزه ااذيها احنا ملناش في الاذى 

هشام 

ما خلاص يا معتز انت بتهددني ولا ايه قلت لك هاجيبها واخليها تمسح الفيديو كارما غلبانه وما بتحبش المشاكل 

معتز 

ما تزعقش قوي كده اذا كنت انت مش عارف تمشي كلمه على مراتك تتعصب عليا يعني مش قادر عليها تقدر عليا انا 

هشام 

بقول لك ايه اطلع من دماغي وابعد عني انت سامع ولا لا ما انا قلت لامك بلاش نسلم البضاعه دلوقتي لكن هي اللي صممت ادينا رحنا في داهيه وبعدين بدل ما تتكلم معايا كده روح شوف طليقتك يا اخويا خانتك مع راجل تاني وبدل ما تخلص عليها طلقتها اه يا صغير يا نونو

سميره 

بس انت وهو هو انت هتعايروا بعض بدل ما تحل المشكله اللي احنا فيها يلا يا هشام دور على مراتك وتيجي لي دلوقتي ازاي ما اعرفش وانت يا معتز روح خلص بيت البضاعه عايزين نخلص 

وبعدي يا هشام مشي يدور على كارما وسميره طلعت اوضتها وكانت متعصبه وخايفه من اللي هيحصل بعد كده ومعتز كان واقف وافتكر كل اللي حصل 

                         فلاش بااااك 

في الفيلا الكبيره كان عايش فيها هشام وكارما ومعتز وفيفي وفي يوم فيفي تعصبت على معتز وهم قاعدين في اوضتهم وقالت 

فيفي 

بصي بقى يا معتز الكلام ده ما يعجبنيش انا عايزه فيلا لوحدي انا مش مضطر اعيش مع امك وتتدخل في حياتنا انا بجد اتخنقت 

معتز 

اهدي بس يا فيفي الله يخليك يعدي الايام دي على خير انا مش معايا فلوس ان انا اجيب لك فيلا دلوقتي استني بس بعد الصفقه الجديده وهعمل لك اللي انت عايزاه 

فيفي 

انا نفسي اعرف هو انت شغال ايه صفقات ايه اللي انت بتعملها ما تنطق قول اوعى تكون شغال في الممنوع يا معتز 

معتز التوتر 

ايه الكلام اللي انت بتقوليه ده انا عمري ما اعمل كده ابدا دي صفقات في الشركه انت عارفه ان احنا شركتنا اكبر شركه استيراد وتصدير 

فيفي 

ماشي يا معتز لما نشوف اخرتها معاك مش عارفه ليه مش مطمنه للكلام ده كله 

وعدى اسبوعين وفعلا فيفي وحماتها دايما في خناق مع بعض وفي يوم في فكره كانت نايمه وسميره دخلت عليها الاوضه من غير استئذان فيفي قامت من النوم وتعصبت وقال 

فيفي 

هو في ايه يا حماتي حد قال لك ان هي وكاله من غير بواب مالك داخله عليا كده ليه انا بنت ناس برده وليه خصوصيتي 

سميره 

لا والله بقيتي بتعرفي تتكلمي يا فيفي فاكره اول يوم جيتي هنا في الفيلا ما كنتيش عارفه تقولي الكلمتين على بعض احترمي نفسك واتكلمي مع حماتك عدل وادخل الاوضه اللي انا عايزاها في الوقت اللي انا عايزاه ويلا حضري نفسك عشان شويكار هانم هي وبنتها جايين يزورونا ولازم تشوف حريم عيالي وهم واقفين جنبي 

فيفي 

طب وايه المشكله لما تشوف الحقيقه ان احنا ولا بنحب بعض ودائما في مشاكل ولا انت الحقيقه مره وممكن تكسفك قدام الناس 

سميره 

بنت انت بطلي لسانك الطويل ده وتعلمي من سلفتي الكارما ما شاء الله عليها ولا بتقول اي حاجه كل اللي بتقوله حاضر ونعم وبس لكن انت مسحوبه من لسانك 

فيفي 

انا ما بخافش من حد يمكن عشان كارما ما لهاش اهل عشان كده مستحمله اسلوبك الرخم لكن انا مش هستحمله ابدا انا مش بحبه اسلوبك ولازم تقفي عند حدك يا حماتي 

في الوقت ده سميره قربت منها وضربتها بالقلم على وشها وقالت

سميره 

اخرسي يا قليله الادب القلم ده عشان يفوقك بعد كده وتتكلمي معايا باسلوب كويس ومن هنا ورايح الكلمه كلمتي في البيت ده وهدخل الاوضه زي ما انا ما عايزه وابقي وريني هتقولي لا ازاي 

سميره خرجت من الاوضه وقفت الباب وراها جامد وفيفي فضلت تعيط وكلمت معتز وحكيت له على كل اللي حصل وهي في التليفون قالت 

فيفي 

تيجي لي حالا يا معتز سامع ولا لا انا مش هسكت على الكلام ده ابدا يا اما تجيب لي فيلا بعيده عن مامتك يا اما كل شيء قسمه ونصيب وتطلقني 

معتز 

طب ممكن تهدي 10 دقائق وهكون عندك بلاش تعملي مشاكل اكثر من كده ابوس ايدك انت عارفه ان امي لما بتتعصب ما بتعرفش هي بتعمل ايه 

فيفي قفت السكه في وشه وفعلا بعد شويه معتز اول ما اروح ودخل الفيلا سميره اتعصبت وقالت 

سميره 

والله عادي يا معتز مراتك المحترمه كلمتك واشتكاتك مني عشان كده جيت على طول وسبت الشركه وسايب الحمل كله على هشام 

معتز 

يا امي كل الحكايه ان هي منهاره وانت ضربتيها بالقلم على وشها وما كانش ينفع الكلام ده كله مع احترامي ليكي وانا هطلع اراضيها بكلمتين 

في الوقت ده باب الاوضه اتفتح وكانت فيفي نازله ومعاها شنطه هدومها وصرخت وقالت 

فيفي 

لا كده كتير هو انت فاكر نفسك هتطلع تضحك عليا بكلمتين انسى يا معتز انا في بيت ابويا ولما تجيب لي مكان ليا لوحدي هبقى اجي 

وبعديها فيفي مشيت ومعتز ما قدرش يوقفها سميره قربت منه قالت 

سميره 

معقوله هتعمل لها اللي هي عايزاها اوعى تجيب لها مكان لوحدها انا مش عايزه اولادي يبعدوا عني يعني واحده ملهاش لازمه تيجي تاخدك مني 

معتز بحزن 

طب اعمل ايه يا امي اطلقها واخرب على بيتي ما انت لو كنت عملتيها بما يرضي الله ما كانش كل ده حصل بس اعمل ايه من يومي وانا حظي وحش 

وبعديها عدى اسبوع كامل ومعتز كل يوم يكلم فيه في لكن هي ما بتردش عليه لحد ما قرر ياخذ فلوس من الخزنه وجاب لها فيلا وبعديها راح البيت عند ابوها واول ما شافه قال 

معتز 

حقك عليا يا عمي والله كل اللي حصل ده سوء تفاهم وبعدين ما انت عارف بقى الناس الكبيره وبعدين حماتها زي امها ولا انت شايف ايه 

صابر 

بص يا ابني ميجيتك عندي بالدنيا بس خد بالك امك لو مدت ايديها على بنتي تاني هتشوف مني كلام اول مره تشوفه ده مش بعيد اعمل لها محضر 

معتز بتوتر 

لا يا عمي ان شاء الله الموضوع ما يوصلش لكده ابدا وخلاص فيفي بقى ليها مكان لوحدها وعملت لها كل اللي هي عايزاه 

صابر 

خلاص يا ابني ربنا يهنيكم يا فيفي تعالي يا بنتي ربنا يهدي سرك انت وجوزك يا رب 

ومعتز صالح فيفي واخدها وراح الفيلا وكانوا فرحانين جدا واول ما دخلت قالت 

فيفي 

واو الفيلا جنان ربنا يخليك ليا يا معتز انا عارفه ان انا جيت عليك بس صدقني غصب عني والله 

معتز 

خلاص كل اللي حصل انتهى وما تفكريش في اي حاجه تاني كل اللي عايزك تفكري فيه ازاي انا وانت نعيش اجمل ايام حياتنا انت عارفه ان انا بحبك يا فيفي 

فيفي 

ويعلم ربنا انا اللي بحبك جدا ربنا يخليك ليا يا حبيبي 

وعدى اسبوع وفي يوم معتز رجع من الشركه ولقى فيفي دايخه وجنبها راجل واول ما شافهم قال 

معتز 

ايه المنظر ده انت بتخونيني يا فيفي مين الراجل ده انطقي قولي وانت يا حيوان ايه اللي جابك هنا والله ما هسيبكم 

عقبال ما معتز قرب منه كان الشاب مشي وكان اسمه فؤاد وقبل ما يمشي قال 

فؤاد 

بطل كلام كثير مراتك بتحبني انا مش بتحبك انت وقبل ما امشي هقول لك كلمه واحده بلاش شوشره عشان انت اللي هتتاذي مش انا ما عنديش حاجه اخاف عليها لكن انت صورتك في السوق هتتكسر 

لسه معتز هيقرب منه علشان يخلص منه فؤاد ماشي جري وراكب عربيته ومشي على طول معتز قرب من فيفي وفضل  بيضرب فيها بالاقلام فاقت وقالت 

فيفي 

اهدى بس يا معتز هفهمك كل حاجه

معتز 

اخرسي يا خاينه هتفهميني ايه انت طالق وغوري من هنا مش عايز اشوف وشك ثاني سامعه ولا لا 

وللاسف فيفي روحت البيت عند ابوها وهي مضروبه واول ما عرف منها اني معتز دخل ولقاها مع راجل جات له ساكته قلبيه بقت حزينه وعماله تصرخ مش عارفه تحزن على طلاقها وبيتها اللي اتخرب واللي ابوها اللي راح وحياتها كلها اتهدت على دماغها 

                             باااااااك 

معتز بحزن 

اه يا وجعه قلبي انا تخونيني يا فيفي وامي كان عندها حق انت اللي زيك ما كانش ينفع تقعدي فيلا لوحدك ابدا انت كنت بتعملي كل ده عشان خاطر تخونيني براحتك وتقابلي الحيوان فؤاد 

اما في الشقه عند كارما كانت قاعده وخايفه الباب خبطه عليها ما حبتش تفتح لكن سمعت صوت جارتها فتحت وقالت 

كارما 

ازيك يا خالتي فتحيه عامله ايه 

فتحيه 

الحمد لله يا بت يا كارما هو انت وجوزك يا بنت زعلانين من بعض ولا ايه اصل انت جيتي على طول وشايفاك في البلكونه طالعه جري ودلوقتي لقيت جوزك بيركن العربيه وطالع هو انتم جايين تعيشو هنا ولا زعلانين من بعض 

كارما خوف 

يا نهار اسود ومنيل انت بتقولي ايه يعني دلوقتي هشام طالع ابوس ايدك خديني عندك الشقه انا مش عايزاه يشوفني في مصيبه كبيره الله يخليك 

فتحيه بصدمه 

يا لهوي بعد الشر عليك من المصايب يا بنتي تعالي يا غاليه يا بنت الغاليه ادخلي شقتي وما تخافيش والله ما يعرف ان انت هنا 

وبعديها فتحيه دخلتها الشقه وقفلت شقه ابوها ولما هشام طلع خبط على الشقه ومحدش فتح كسر الباب وفضل يدور في كل مكان وقال 

هشام 

وبعدين بقى يعني هي راحت فين فص ملح وداب الارض انشقته بلعتها يعني

كلمت كل اصحابها محدش شافها ولا كلمت حد طب رحت فين يا كارما 

وبعديها هشام خرج وقفل الباب وخبط على فتحيه في الشقه اللي جنبهم واول ما فتحت قالت 

فتحيه 

ايه ده مين هشام ازيك يا حبيبي عامل ايه والله لك وحشه انت والبنت كارما هي فين جات معاك نفسي اسلم عليها الوحشه كده برده تنسى حبايبها وجيرانها ده انا اللي مربياها 

هشام قاطعها بالكلام وقال عصبيه 

هشام 

مش في وقته دلوقتي يا حاجه سعديه كل الكلام ده هو انت بجد ما شفتيش كارما ما جتش البيت هنا 

فتحيه بصدمه 

يا نهار اسود ليه هي راحت فين لا لا اوعى تكون مزعلها وانت عشان فاكر ابوها وامها راحوا يبقى هعملهاش اهل ده انا واهلها وامها يا حبيبي وبعدين انا ما شفتهاش كنت انت وهي هنا من ساعه ما الحاج محمود الله يرحمه ما راح من ساعتها وشفتكوش

هشام 

ماشي يا حاجه فتحيه خدي رقم تليفوني اهو ولو عرفت اي حاجه طمنيني اصل كارما تعبانه نفسيا وبتمشي لوحدها في الشارع وبتهرب كده زي المجنونه وانا خايفه عليها يحصل لها حاجه 

فتحيه 

يا حبيبتي يا بنتي لا الف بعد الشر عليها حاضر يا اخويا هقول لك والله اول ما اشوفها وانت كمان لو عرفت توصل لها طمني على البيت واسترها يا رب 

هشام نزل وفتحيه قفلت الباب وبعديها كارما اترمت في حضنها وفضلت تعيط وقالت 

كارما

كثر الف خيرك يا خالتي والله مش عارفه من غيرك كنت هعمل ايه انا كنت هروح في داهيه لو كان لقاني ده كان ممكن يخلص عليا في مصيبه كبيره وهو عمل مصيبه هو واهله وانا صورته وعشان كده عايزني عشان امسح الفيديو ومش بعيد يخلص مني 

فتحيه 

يبقى خلاص تعالي معايا على قسم الشرطه نروح نقول للبوليس على كل حاجه والفيديو معاكي وما تخافيش من حاجه 

كارما بدموع 

يا ريتني اعرف اعمل كده ده الموضوع اكبر مني ومنك انا بنتي هناك ومش بعيد حماتي تخلص منها دي جبرات وما بتخافش على حد دي حتى ما بتخافش على ولادها استرها يا رب 

فتحيه

يا حبيبتي يا كارما عندك حق يا بنتي فعلا الضنا غالي وهم عارفين ان الفيديو معاكي انت وبس ولو سلمتي لي البوليس يبقى ممكن ينتقموا من بنتك ويحرقو قلبك عليها بعد الشر يعني 

كارما 

ما هو ده اللي انا خايفه منه ومرعوبه الله يخليكي يا خالتي انا هقعد عندك هنا بس لحد ما اشوف هعمل ايه يا ترى انت عامله ايه دلوقتي يا نادين 

وفي الفيلا كانت سميره قاعده وجنبها معتز دخل عليهم هشام وسميره قالت

سميره 

طمني يا هشام لقيتها انت جاي وقفاك يقمر عيش كده ليه بقول لك ايه انا مش هنام النهارده غير لما يكون تليفون مراتك معايا ومسحه الفيديو 

هشام بعصبيه 

يعني اعمل ايه يا امي غصب عني والله وبكلمها على التليفون تليفونها مقفول قولي لي بقى ايه اللي ممكن يحصل اكثر من كده 

سميره 

حلو الكلام كده كارما بتلعب بالنار وما تعرفش هي بتلعب مع مين ده انا سميره اللي السوق كله ما قدرش عليا ماشي يا كارما 

وبعديها سميره طلعت اوضه نادين واخذتها بعصبيه ونزلت وقالت لهشام 

سميره 

صورني فيديو وانا بضرب نادين وابعته لمراتك ساعتها اول ما تفتح التليفون وتشوفه هتيجي جري اخلص 

نادين بخوف 

يا تيته حرام عليك هتضربيني ليه هو انا عملت لك ايه يعني الله يخليك سيبيني بقى 

هشام 

ايه اللي انت بتعمليه ده يا امي بعد اذنك سيبي البنت هي ملهاش دعوه بالكلام ده كله وبعدين دي بنتي انا انت هتوجعي قلبي انا 

سميره 

يا سلام يا اخويا ما هو لما اوجع قلبك احسن ما نترمي كلنا في السجن وما تخافش بعديها صالحها واخدها في حضني قلت لك يلا صور 

هشام 

لا طبعا انا مش موافق على الكلام ده سيبي البنت بقول لك اوعي البنت 

في الوقت ده معتز كان واقف بجبروت وماسك التليفون وقال لامه 

معتز 

ولا يهمك يا ست الكل هو دايما بيكسر كلمتك لكن انت غاليه على قلبي وما بكسرش كلمتك اعملي اللي انت عايزاه 

وفعلا سميره فضلت تزعق لنادين وتتعصب عليها وضربتها وبصيت للتليفون وقالت 

سميره 

شايفه يا كارما الفيديو ده معتز هيبعته لك دلوقتي احسن لك تيجي ومعاكي التليفون علشان هوجع قلبك على بنتك اوعي تكوني مفكره ان انا بقى جده وبحب احفادي لا سيبك من الكلام اللي ما بياكلش عيش ده انا اهم حاجه عندي حياتي وبس 

وبعديها معتز قفل الفيديو وضحك وقال 

معتز 

هههههههه يا سلام يا ست الكل ايه التمثيل الجامد ده ميه ميه 

هشام بزعل 

عملت اللي انت عايزاه يا امي وسعي بقى حرام عليك انا ما عنديش غير نادين تعبت دلوقتي ولا جات لها صرعه هعمل ايه طيب 

سميره 

لا يا اخويا ما تخافش مش هيجي لها حاجه بنت يا نادين ما تزعليش مني يا حبيبتي احنا كنا بنمثل قدام ماما تمثيليه صغيره عشان تيجي وتطمن عليك عشان سابتنا ومشيت 

نادين بزعل 

لا يا تيته انت ما كنتيش بتمثلي انت كنت بتضربيني بجد وعيوني كلها كانت شر وماما قبل ما تمشي اصلا كانت زعلانه مني وبتكرهك انت وبابا وعمو وانا كمان بكرهكم انا مش عايزه اعيش معاكم ابدا انت فين يا ماما 

وبعديها نادين طلعت جري على اوضتها وهي عماله تعيط وبتنده على امها وهشام كان حزين وبص لمعتز وسميره وقالت 

هشام 

يا ريت تكونوا مرتاحين حياتنا كلها اتشقلبت بسببكم انتم انا مش عارف اقول لكم ايه بجد يا ريتني ما سمعت كلامك يا امي في اي حاجه 

هشام طلع عند نادين لكن طلعت قافله على نفسها بالباب مش عارفه تتكلم مع حد هشام راح الاوضه بتاعته وفضل قاعد حزين مش عارف يعمل ايه 

وثاني يوم كارما كانت قاعده على السرير وما جالهاش نوم فتحت التليفون ولقت الفيديو ده صرخت وندهت على فتحيه وقالت 

كارما 

الحقيني يا خالتي فتحيه الحقيني انا بموت هعمل ايه دلوقتي شفتي اللي حسبته لقيته بتعذب بنتي ازاي وبتضربها

فتحيه بحزن 

يا حبيبتي يا بنتي ما انت عارفه ان هم شياطين وبصراحه كنت المفروض تاخدي بنتك معاكي ما كانش ينفع تسيبيها ابدا 

كارما 

ما كنتش هعرف اخدها انا اصلا ما كنتش عارفه هروح على فين كنت خايفه عليها لاحسن يجري ورايا بالعربيات ويؤذوني وبنتي تروح في داهيه معايا عشان كده سبتها مع ابوها وكنت مطمنه عليها 

فتحيه 

طيب اهدي انا بكره رايحه الفيلا هناك كاني بسال عليك وهطمن وهشوف الدنيا عامله ازاي وهاجي لك 

وثاني يوم فتحيه راحت الفيلا واول ما شافتها سميره قالت 

سميره 

نعم خير انت مين وعايزه ايه 

فتحيه 

يا حبيبتي انا ابقى جاره كارما اصل جوزها كان بيدور عليها من يومين وقال ان هو مش لاقيها وان هي تعبانه قلت اجي اطمن هشام باشا لقاها ولا لا 

سميره 

ما انا برده بشبه عليك الاشكال دي شبه كارما فقره زي بعض على العموم هي لسه ما جتش ولو عرفت جديد يا ريت تعرفيني 

فتحيه 

يا اختي من عيوني الاتنين بس معلش عايزه اقابل هشام باشا برده واطمن بنفسي بعدم لا مؤاخذه يعني لو دي حاجه ما تضايقتيش 

سميره 

يا سعاد انت يا زفته 

سعاد وخدامه قربت منها وقالت 

سعاد 

نعم يا هانم 

سميره 

اندهي لهشام قولي له في ضيوف عايزينه وقعدى الاستاذه في الصالون 

وفعلا فتحيه قاعده في الصالون وبعد شويه هشام نزل وسلم عليها وبحزن قال 

هشام 

للاسف ما لقيتهاش طب هي ما جتش البيت طمنيني الله يخليك يمكن جت وانت ما خدتيش بالك 

فتحيه 

لا يا حبيبي ما جتش ده انا من ساعتها وانا قلبي مقبوض وخايفه البنت يكون حصل لها حاجه قول لي بجد انتم متخانقين ولا حاجه 

هشام 

لا طبعا مش متخانقين دي كارما دي يا حبيبتي وانا ما اقدرش ازعلها ابدا بس زي ما قلت لك هي نفسيتها تعبانه وما اخذتش علاجها بقى لها يومين وبيجي لها تهيؤات يعني لو شفتيها واي حاجه قالت لك عليها ما تصدقهاش 

فتحيه 

لا حول ولا قوه الا بالله طب البنت نادين عامله ايه كويسه يا اخويا كبرت كده وبقت حلوه ولا لسه صغيره 

في الوقت ده نادين نزلت فعلا وقربت من فتحيه وسلمت وقالت 

نادين 

ازي حضرتك مش انت برده جاره جدو الله يرحمه انا كنت مع مامي قبل كده وشفتك على السلم 

فتحيه 

يا اختي الصلاه على النبي عليك انت نادين ده احنا كبرنا وبقينا زي القمر عقبال ما اشوفك عروسه في الكليه يا حبيبتي يا رب 

نادين 

ميرسي جدا يا طنط ربنا يخليك ممكن تاخديني معاكي وانت ماشيه انا عايزه اي حد يوديني لماما انا مش عايزه اقعد عند الناس دي ابدا 

فتحيه بزعل 

لا حول ولا قوه الا بالله مالها بس يا هشام باشا مزعل البنت ليه ويا قلب امها هي حاسه كده ليه ده انت دبلانه يا نادين 

هشام بزعل 

طب اعمل ايه ولا بتاكل ولا بتشرب ومش عارف بجد اساعدها ازاي وعايزه امها 

فتحيه 

يا اخويا ما تجيب لها دادا تكون معاها اصل الخدامه اللي اسمها قصاد اللي عندكم دي حق الله سامحني يا رب وشها يقطع الخميره من البيت والهانم الكبيره ما تقدرش تاكلها وتشربها ولا تقدر على دلع العيال الصغيره 

هشام 

انت عندك حق فعلا يمكن اجيب لها داده تقدر تلعب معاها وتاكلها وتشربها البنت هتروح مني بقى لها يومين ما اكلتش بس اجيب منين دلوقتي عايز حد موثوق فيه

فتحيه 

ده انا عندي دادا اللهم صل على النبي ادب واخلاق وامانه ومتعلمه يعني هتاكل نادين وتشربها وتهتمي كمان بمذاكرتها حاجه كده فاخر من الاخر ومرتبها مش غالي وممكن تفضل معاكم هنا وتروح خميس وجمعه قول لي انت بس موافق وهجيبها لك بس هو في حاجه ما اعرفش هتزعلوا منها ولا لا

الفصل الثاني من هنا