رواية عاصفة النسور الفصل الاول
مجهول .. شايف القنبله دي يا سياده النقيب ١٥ دقيقه و مراتك وبنتك هيكونوا اشلاء
فلاش باك
قبلها بكام ساعه
اسيل .. بتدخل اوضة النوم وبتطلع علي السرير و تبوس باباها
محمود .. بيصحى و بيحضن اسيل و يبوسها
رحمه .. بتدخل وتبتسم برده صحيتي بابا
محمود .. سببها يا رحمه دي ملاكي هى الساعه كام
رحمه .. احنا العصر الساعه ٥
محمود .. يااااا انا نمت ده كله
رحمه .. كتر خيرك اكيد بتتعب في شغلك انا هجهز الغدأ
محمود .. لا يا حبيبتي البسي هنتغدا بره النهارده اخر يوم في الاجازه ومن اول الاجازه ما خارجناش
رحمه .. كفايه وجودك يا حبيبي انت عارف انا بحب نكون علي راحتنا هنا
محمود .. يعني بجد مش زعلآنه
رحمه .. ازعل اكيد مسنحيل انا فخوره اني زوجة ضابط قوات مسلحه
.. تليفون محمود بيرن..
محمود .. السلام عليكم
طارق .. وعليكم السلام ورحمة الله وبركاته
محمود .. اومر يا فندم
طارق .. معلش يا محمود انا عارف ان اخر يوم في اجازتك النهارده والمفروض تتحرك من عندك بكره لكن لازم الليله تكون هنا
محمود .. امرك يا فندم هلبس واتحرك علي طول وبيقفل
رحمه .. خير يا حبيبي في ايه
محمود .. بيقوم معلش يا حبيبتي لازم ارجع الكتيبه
رحمه .. طاب هاجهز الغداء بسرعه
محمود .. مفيش وقت انا هلبس وامشي علي طول وبيلبس وبيحضن رحمه هتوحشيني
رحمه .. وانت كمان خالي بالك من نفسك
محمود .. مالك يا رحمه هي دي اول مره ارجع من اجازه
رحمه .. لا بس حاسه بوجع في قلبي
محمود .. مفيش حاجه يا روحي وكلها كام يوم وهتلاقيني قدامك وبيشيل اسيل وبيحضنها وبيبوسها اجبلك ايه وانا جاي يا حبيبت قلب بابا
اسيل .. بتحط ايديها الصغيره علي خده وبصوت طفولي تجبلي القطر عشان نلعب سوا
محمود .. من عنيه وبيبوسها وبيتحرك واول ما بيوصل الكتيبه يدخل علي العميد طارق
طارق .. حمدالله بالسلامه يا سيادة النقيب
محمود .. الله يسلمك يا فندم
طارق .. اتفضل ارتاح
محمود .. شكرآ
طارق .. وصلتنا معلومات من المخابرات ان في شحنة سلاح تقيل ومخدرات هيدخله البلد الايام دي عشان كده استدعيتك خد عساكرك معاك ومش عايز طير يعدي من الحدود فاهم
محمود .. امر حضرتك وبيتحرك
فوزي ..بيرن علي الزعيم النقيب الاسمر رجع الكتيبه يا زعيم
الزعيم .. ما تقلقش انا هعرض عليه مبلغ مستحيل يرفضه
فوزي .. بس ده مستحيل يقبل رشوه احنا بنتحرى عنه من اول ما وصل هنا ومش لقين سكه معاه
الزعيم .. ما قدمهوش خيار يا يبقا معانا لا يخسر كل حاجه
فوزي .. انا شايف اننا ناجل العمليه
الزعيم .. مستحيل رجالتنا محتاجه الاسلحه دي والمخدرات واحنا اتاخرنا بما فيه الكفايه يلا اتحرك وخد معاك رجاله بزياده السلاح ده لازم يوصل لرجالتنا
فوزي .. امرك وبيتحرك بحذر
ضياء .. بيتكلم في الاسلكي محمود في حركه غريبه
محمود .. تمام كل الجنود تحافظ علي مواقعها
الكل .. في اللاسلكي تمام يا فندم
.. فوزي بيعدي من طريق جبلي بالشاحنات عشان يكون بعيد عن عيون حرس الحدود لكن فجأة بيلاقي نفسه محاصر وبيتبادله اطلاق النار وبعد حوالي ٣ ساعات بتسيطر قوات حرس الحدود علي فوزي ورجالته بعد ما قتلت منهم كتير وبيسيطره علي الشاحنات ..
ضياء .. بعد ما طلع الشاحنات يقرب من محمود يا محمود بيه دي صواريخ وقنابل وكميه كبيره من المخدرات
محمود .. بيقرب من فوزي كنت فاكر انك هتقدر تدخل بالشاحنات دي مصر انت بتحلم
فوزي .. انا بحذرك يا سيادة النقيب البضاعه دي تخص ناس انت مش قدهم
محمود .. اخيرآ وقعت في ايدي يا فوزي ومهما تكون الناس الي انت بتتكلم عنها طول ما انا هنا علي حدود مصر مستحيل السلاح والمخدرات دي تدخل البلد ارفع ايدك وما تتحركش
فوزي .. تليفونه بيرن
محمود .. طلع التليفون ورد
فوزي .. بس التليفون ده عشانك انت
محمود .. عشاني انا
فوزي .. ايه اتفضل رد
محمود .. الو
الزعيم .. محمود هتسيب السلاح والمخدرات يعدو وانا هبعتلك ١٠ مليون دولار
محمود .. ولو بعتلي مليار دولار البضاعه دي خلاص اتصادرة وقريب هوصلك وهجيبك هنا عشان تدفع تمن افعالك
الزعيم .. واضح انك ما فهمتش ده امر وإلا
محمود .. وإلا ايه
الزعيم .. وضح انك فعلآ لازم تتعلم الدرس الباقيه في حياتك يا حضرت النقيب
محمود .. قصدك ايه
الزعيم .. قصدي هتعرفه بمجرد رجوعك لوحدتك وقفل الخط
محمود .. بيبص لفوزي مين اللي كان علي التليفون
فوزي .. ده الظل مفيش حد يعرفو ولا حتي شافه ولا نعرف جنسيته هو المتحكم في كل حاجه وهو الامر الناهي في العالم كله وعلي فكره هو كان عارف ان طول ما انت هنا مستحيل الشحنه تعدي بس ايه هدفه معرفش
محمود .. يلا يا جنود هناخد الشاحنات و نسلمها للوحده وحطه المجرمين دول في العربيه يلا هنتحرك
.. وبيتحركه وبيرجعه علي وحدة حرس الحدود وبيسلمو المجرمين والشاحنات وبيدخل محمود للعميد طارق ..
محمود .. بيخبط علي الباب
طارق .. ادخل
محمود .. بيدخل وبيادي التحيه العسكريه تمام يا فندم تم السيطره علي الشاحنات
طارق .. اتفضل ارتاح يا نقيب محمود انت قومت بعمل عظيم وانا اتصلت بالمخابرات وهتيجي تستلم الشاحنات عشان العمليه دي متعلقه بالامن القومي
محمود .. ربنا يحفظ مصر يا سيادة العميد وبتوصل رساله
طارق .. رد علي تليفونك
محمود .. بيطلع التليفون يلاقي مكالمة فيديو من رقم مجهول وبيرد السلام عليكم
مجهول .. الف مبروك يا سيادة النقيب الشاحنات دي كانت هديه ليك بس الهديه ناقصه
طارق .. بيقوم من مكانه وهو بيبص لمحمود
محمود .. وانا هاخد كل هدياكم ومستحيل اي هدايا تدخل البلد
مجهول .. وايه رايك في الهديه دي ويحرك الكاميرا ناحيت رحمه مرات محمود وبنتها اسيل
محمود .. بيقوم انت بتعمل ايه انا هحرقك وانت عايش سيب مراتي وبنتي
مجهول .. فات الاوان شايف القنبله دي ١٥ دقيقه بالظبط وهتنفجر تليفونك معاك وحاول تنقذهم ودي هي البدايه وبيقفل الخط
محمود .. بيصرخ استنا الو
طارق .. اهدي يا محمود انا هكلم الشرطه تتحرك وانت حاول تكلم اي حد من الجيران يكسر باب الشقه ويطلعهم بسرعه
محمود .. اه الجيران وبيرن علي كل الجيران لكن للاسف الكل تليفوناتهم مقفوله لا مستحيل
طارق .. فيه ايه
محمود .. الكلاب شكلهم يستخدمه جهاز التشويش وقطع الشبكه الكل تليفوناتهم مقفوله
طارق .. بيرن علي اقرب قسم شرطه لشقة النقيب محمود
الامين .. الو
طارق .. معاك العميد طارق القوات المسلحه اديني الضابط المسئول
الامين .. تمام يا فندم بيحول المكالمه لمكتب النقيب كريم رئيس المباحث
كريم .. الو
طارق .. معاك العميد طارق
كريم .. اهلا بحضرتك مع حضرتك النقيب كريم
طارق .. يا كريم اتحرك بسرعه في مجموعه ارهابيه هتفجر شقه النقيب محمود وموجود فيها بنته ومراته وقدامك عشر دقايق بالظبط والعنوان ...........
كريم .. تمام يا فندم هعمل المستحيل عشان اوصلهم
رحمه .. بتبكي وبتحول تفك نفسها وهي بتبص علي اسيل بنتها الي مربوطه هي كمان وتحاول تتكلم لكن يكونوا حطين لاصقه علي بقها
محمود .. يارب نجيهم يارب
طارق .. اهدا يا ابني ان شاء الله النقيب كريم هيوصل في الوقت المناسب
محمود .. ان شاء الله دول مش بشر كانوا يقدره يقتلوني انا ايه ذنب مراتي وبنتي
طارق .. هما عايزين يزرعه الخوف في قلوبنا كلنا لكن ان شاء الله مش هيقدره
محمود .. بعد اذن حضرتك انا لازم ارجع البيت
طارق .. بس اقل حاجه ٣ ساعات عشان توصل خليك لحد ما نتطمن
محمود .. مش قادر اقعد
طارق .. ماشي بس لحظه يا عسكري
العسكري .. بيدخل تمام يا فندي
طارق .. بسرعه خالي النقيب ضياء يجي هنا
العسكري .. تمام يا فندم
ضياء .. بيدخل وبيدي التحيه
طارق .. ضياء هتاخد اربع عساكر معاك بسلاحهم وهتروح مع محمود يلا بسرعه الطياره قدامها تلاث دقايق وتقلع وانا هخليها تنزلكم في اقرب مطار
محمود .. بيطلع وهو منهار
ضياء .. محمود مالك
طارق .. بيقرب من ضياء الكلاب حاطين قنبله في شقته ودقايق وممكن تنفجر خليك معاه وفتحه عنيكم عشان ممكن يكون محمود هدفهم
ضياء .. تمام يا فندم وبيطلع جري وبيركبه العربيه وبيوصله الطياره وبيركبه ما تقلقش يا محمود ان شاء الله ربنا هينجيهم
محمود .. ان شاء الله
كريم .. بيطلع من القسم ولسا بيركب العربيه ولقي ضرب النار من كل مكان صرخ الكل ياخد ساتر وبيضرب نار علي الارهابين
طارق .. قاعد علي المكتب وبيبص في الساعه والوقت بيخلص يارب استرها
محمود .. بيبص لضياء الوقت خلص وبيحاول يرن علي اي حد لكن الكل تليفونتهم مقفوله
رحمه .. بتبص علي القنبله وهي مرعوبه وبتبص علي اسيل
