رواية حبيبي طلع عدوي الفصل الاول 1 بقلم هويدا زغلول

في شقه بسيطه كانت هاله واقفه قدام رؤوف  جوزها ورحاب مراته التانيه  وعامله تعيط وبعدين قالت 

هاله 

معقوله انت تعمل فيا كده بعد اللي عملته معاك ربنا يعلم انا كنت بحبك ازاي وعملت ايه عشانك 

رحاب  

بطلي اسلوب الشحاته اللي انتي بتتكلمي بيه ده انتي عارفه متاكده كويس قوي ان هو بيحبني انا وعايزني انا واكثر حاجه هتاكد لك الكلام ده اللي هعمله دلوقتي 

وبعدها بصت علي رؤوف وقالت ليه بدلع

رحاب 

اوفه حبيبي مش انت كنت عامل تقولي عايز اتجوزك رسمي طلقها وانا معاك في اي حاجه 

رؤوف 

انتي طالق يا هاله 

وقبل ما نبدا القصه اعرف علي بطلتنا اللي اسمها هاله اللي كانت راجعه من شغلها تعبانه واقعدت جنب حماتها واخت جوزها اللي اسمها ياسمين   الحمااااا اول لما شافتها قالت 

الحمااا

كويس انك جيتي قومي يا حبيبتي طلعتلك اللحمه من الفريزر وجهزت الحاجه قومي اعملي الاكل 

وفي الوقت ده كانت راجعه هاله تعبانه من الشغل وقالت ليها 

هاله 

ايه ده يا حماتي هو محدش عمل الغدا انا قولت لما تعرفي ان اتاخرت في الشغل هتعملي الغداء انت ولا ياسمين 

ياسمين 

قولي بقى كده يا حبيبتي انت جايه متاخره النهارده من الشغل عشان انا اللي عاملك الاكل لا يا حبيبتي انا ما ليش في الكلام ده انا بخاف على ضوافره تتقصر

هاله 

حرام عليك يا ياسمين والله ان انت بتعمليه فيا ده انا برجع من الشغل تعبانه جدا وانتي عامله كده 

الحمااااا 

حرمه عليكي عيشتك يا حبيبتي اياك تتكلمي مع بنتي بالطريقه ان انتي بتتكلمي بيها دي ثاني انت سامعه ولا لا وقومي قامت قيامتك علي المطبخ يلا خلصي اللي وراكي 

وبعدها هاله دخلت المطبخ وشويه وجه رؤوف ودخل المطبخ 

رؤوف 

ايه ده معقوله لحد دلوقتي لسه ما خلصتيش الاكل يا بنتي انا راجع من الشغل جعان جدا 

هاله 

والله وانا راجعه من الشغل تعبانه برده زي ما انت تعبان بس انت هتدخل ترتاح دلوقتي عقبال الاكل ما يخلص وانا هفضل واقفه على رجلي عقبال ما اخلص الاكل على فكره مينفعش اللي بيحصل ده انت لازم تفهم مامتك أن انا مش هستحمل كده كتير 

رؤوف 

هو كل شويه قول لمامتك قول لمامتك بجد انا تعبت والله من اللي انا فيه ده ارحمني شويه بقي وبعدين أنا قولتك أنها كانت مش موافقه علي الجوازه دي ارجوكي بقي بطلي اللي بيحصل ده 

وبعدها سايها وخرج وهي قالت 

هاله 

الله يسامحك يا بابا انت اللي خلتني واقفت علي الجوازه دي  وفي الاخر بيحصل فيا كده 

وبدأت تفتكر اللي حصل زمان 

            فلاش باك 

رؤوف كان قاعد معاه عمه وقال ليه

رؤوف 

انت عارف يا عمي انت الظفر عمره ما بيطلع من اللحمه واحنا برده مهما حصل ما بينك وما بين بابا الله يرحمه هنفضل اهلك وعشان كده انا جايه علشان اتقدم واخطب هاله 

سيد 

والله يا رؤوف مش عارف اقول لك ايه بس انت يا ابني امك موافقه على الكلام اللي انت بتقول عليه ده انت عارفه مشاكل الكبيره اللي كانت بيننا وبين بعض واكيد امك مش هتوافق علي حاجه زي كده 

رؤوف 

انا قادر اقنعها يا عمي بس وافق انت بس عايزك في موضوع ثاني انت عارف ظروفي عامله ازاي الفتره دي ومش هقدر اجيب شقه 

سيد 

يا حبيبي انت عارف ان انا عندي عماره اختار الشقه اللي انت عايز تقعد فيها وتعالى اسكن فيها انت وهنا 

رؤوف 

انت عارف طبعا انا عمري ما هوافق على الكلام اللي انت بتقول عليه ده كل اللي انا عايزه منك بس انك توافق ان نقعد عند ماما الفتره دي لحد ما ظروفي تتحسن وبعدها هشوف شقه 

سيد 

ربنا يوفقك في حياتك يا ابني عمرك ما كنت زي ابوك والله ودائما كويس ربنا يسترها عليك تمام انا موافق شوف اللي انت عايزو وانا معاك فيه 

وفي الوقت ده مشي رؤوف وخرجت هاله من برا وقالت ليه 

هاله 

انا مش فاهمه انت ازاي توافق يا بابا انت عارف المشاكل الكبيره اللي كانت بينكم واكيد يعني الجواز ده هيكون انتقام مني 

سيد 

اي الكلام الفارغ اللي بتقولي عليه ده لا طبعا انا عارف ان رؤوف كويس وعمره ما يعمل اي حاجه تزعلك 

هاله 

ماشي يا بابا 

وفي الوقت ده دخلت جوا وكانت اختها ندي قاعده 

ندي 

انا مش عارفه انتي رافضه ليه انا عارفه انك بتحبي رؤوف وكنتي نفسك ابوكي يتصالح معاه عمك الله يرحمه علشان تشوفي بقي لما يجي يتقدم ليكي تقولي لا 

هاله 

انا خايفه اوي من ساعه ما قال أن هعيش معاه مامته انتي مش عارفه انا بخاف منها قد اي 

ندي 

وعارفه اختي كويس اوي وأنها مش بتسيب حقها 

ولو حصل معاكي ايه اكيد يعني هتاخدي حقك تالت ومتلت 

وبعدها هاله أقعدت علي السرير مش بتتكلم وفي الوقت ده الجواز تم بسرعه ولما راحت بيت حماتها وكانت قاعده في الاوضه وهي لابسه فستان الفرح ودخل رؤوف 

رؤوف 

ايه ده في ايه انت لسه قاعده ولابسه الفستان ده انا قولت هقعد بره شويه عقبال ما تغيري هو انت مكشره ليه في حاجه حصل مضايقاك 

هاله 

مش عارفه ليه شايفه نظرات في عيون امك ان هي ما كانتش عايزه جوازه دي 

رؤوف 

معلش يا هاله انا عايزك تستحملي معايا شويه انتي عارفه اللي كان بين ابويا وابوك كبير جدا بس كل حاجه هتتنسي مع الوقت 

هاله

اتمنى كده والله يا رؤوف بس كنت عايزه اتكلم معاك في موضوع كده انا مش هقدر ان انا اقعد من شغلي انت طول النهار هتكون في الشغل وانا مش هينفع اقعد معاهم على طول 

رؤوف 

وانا مش هقدر اغصبك على حاجه زي كده يا حبيبتي اللي انت عايزه تعمليه اعمليه حتى كمان تقدري تساعديني ونشوف شقه ونعيش فيها انا وانت 

هاله 

ربنا يخليك ليا يا رؤوف ما يحرمني منك ابدا 

وبعدها عاشت معاه لحد ما ابوها مات 

                باك 

وبليل كانت هاله بتكلم اختها ندي ولما دخل رؤوف كانت خلصت التلفون 

رؤوف 

هو انا ممكن افهم بقى انت ما خرجتيش عشان تاكلي معانا ليه وعلى طول قاعده في الاوضه هنا انا ماما بدات تشتكي من الحوار ده 

هاله 

هو انت مش شايف معاملتهم ليه يا رؤوف عامله ازاي وبعدين انا بكون مرتاحه وانا قاعده لوحدي

رؤوف 

هو انتي كنتي بتكلمي مين كده في التليفون ولما دخلت قفلت السكه 

هاله قامت وقفت وبعدين قالت 

هاله 

ايه الكلام الغريب اللي انت بتقول عليه ده يا رؤوف هو انت قصدك اي بالكلام ده 

رؤوف اخدت التلفون منها وبعدين قال 

رؤوف 

وريني التلفون ده كده 

وبعدها مسك التلفون وشاف انها كانت بتكلم ندي اختها 

رؤوف 

هو انت لازم تشتكي لاختك من كل حاجه بتحصل يعني اختك بقت عايشه معانا هنا في البيت وهي مش موجوده 

هاله 

انا ما اسمحش انك تتكلم معايا بالطريقه اللي انت بتتكلم بيها دي وبعدين انا كنت بكلم ندى عشان تشوف حد من العماره قرب يخرج علشان نروح نسكن مكانه مش معقوده بابا يكون سايب ليا ورث وانا هفضل عايشه هنا طول عمري وانت عارف ان قبل ما يموت كان ماجر الشقق كلها 

رؤوف 

وانا مش هروح اسكن هناك انت هتاخدي نصيبك وهتبيعيه وساعتها نشوف احنا هنعمل ايه 

هاله 

بقولك اي يا رؤوف بجد انا اتخقت من الطريقه اللي انت عامل تتكلم معايا بيها دي وانا مش قاعده هنا دقيقه واحده 

وبعدها كانت خارجه من الاوضه وراح رؤوف مسكها من شعرها وقال ليها 

رؤوف 

هو فيه اي انتي فاكرها وكاله من غير بواب ولا ايه ولا انتي اتعودي كل حاجه تعمليها من دماغك 

وفي الوقت ده هي انصدمت من اللي حصل وبعدين خرجت وراحت عند ندي اللي كانت قاعده هي وهشام جوزها  ودخلت وقالت ليهم علي اللي حصل 

ندي 

انا لو منك اطلق من اللي اسمه رؤوف ده بجد انا ما كنتش مرتاحه للجوازه دي من الاول وانتي اللي كنتي بتحبيه

هشام 

مش وقته يا ندى الكلام اللي انت عملاه تقوليه ده انت عايزه ايه يا هاله 

هاله 

لا ندى عندها حق انا ما بقتش مرتاحه معاك وبجد لو فضلت اكتر من كده انا حاسه ان انا هخسر نفسي انا مش عارفه ازاي قبلت على كل اللي بيحصل فيا ده 

هشام 

على العموم خليكي موجوده معانا هنا وفكري كويس قوي انت عايزه تعملي ايه علشان ما ترجعيش تندمي بعد كده وعايزه اقول لك ان الطلاق مش بالساهل زي ما انت فاكره 

وفي الوقت ده ندى بصت عليه وقالت ليه 

ندي 

انت قصدك ايه بقى بالكلام ده اه ما انت اكيد متضايق عشان خاطر هي هتقعد معانا هنا مش كده

بس خليك عارف يا حبيبي ان انا اتجوزت في شقه بابا الله يرحمه وهي هتفضل موجوده معانا لحد اي شقه ما تفضي من العماره 

وفي الوقت ده هشام قام واقف وقال ليها 

هشام 

المفروض انك تكوني عارفه جوزك كويس قوي وتبقي عارفه ان انا مش قصدي الكلام اللي جه في دماغك ده خالص حتى لو كانت شقتي انا هشيلها على دماغي بس موضوع الطلاق مش بالساهل على العموم انا ما ليش دعوه بالحوار ده وشوفوا انتوا عايزين تعملوا ايه واعملوا بعد اذنكم انا نازل شويه 

ونزل هشام وهاله قربت من اختها وقالت ليها 

هاله 

اخص عليك يا ندى ما كانش ينفع الكلام اللي انت قلتي عليه ده على فكره انا متاكده ان هشام ما يقصدش كده خالص 

ندي 

يقصد ولا ما يقصدش هو كان يحلم ان هو يتجوز واحده زيه ويسكن في شقه زي دي ده غير الايجار اللي احنا بناخده من العماره 

هاله 

بطلي طريقه الكلام اللي انت عماله تتكلمي بيها دي جوزك كويس المفروض تحمدي ربنا عليه 

ندي 

سيبك من الكلام اللي انتي عماله تقوليه ده وخشي نامي شويه عقبال ما اعملك لقمه تاكليها انا كده انا وهشام اصلا كل شويه بنتخانق ونتصالح 

وفعلا هاله دخلت علشان ترتاح شويه وفي الوقت ده وقعت من طولها وجريت عليها ندى وحاولت انها تفوقها وبعدين اتصلت علي احمد اخو هشام لانه دكتور ولما فاقت هاله 

هاله 

ايه ده هو في ايه اللي حصل انا مالي 

ندي 

اخص عليكي يا هاله ده انت خضتيني عليك جدا قول لي يا احمد مالها 

احمد 

لا الحمد لله هي كويسه بس هنحتاج نجيب اختبار حمل ولازم تعمل اختبار انا شايف ان هي حامل 

ندي 

يا نهار اسود ايه الكلام ده بقى احنا بنفكر تخلصي من جوزك وانت روحتي حملتي 

هاله 

ايه يا ندى الكلام اللي انت عماله تقوليه ده مش وقته خالص متشكره يا دكتور احمد 

واحمد اول لما سمع كده خرج بره الشقه وفي الوقت ده دخل هشام 

هشام 

ايه ده احمد غريبه ما قلتش ليا يعني ان انت جاي 

احمد 

اخت مراتك كانت تعبانه شويه وجيت عشان اطمن عليها بعد اذنك عشان ورايا شغل كتير في العياده ولازم اروح 

وفي الاوضه جوه رؤوف كان عمال يتصل بهاله وفي الوقت ده ندى قالت ليها 

ندي 

 اوعي تردي عليه سيبيه كده شويه ومش عايزاه يعرف انك حامل انت سامعه ولا لا 

هاله 

هو في ايه يا ندى انت مالك عماله تتكلمي بالطريقه دي كده ليه وبعدين مهما حصل هو جوزي برده 

ندي 

انت ما فيش فايده فيك والله تستاهلي اي معامله هو يتعامل معاكي بيها انت حره اعملي اللي انت عايزاه 

وفي الوقت ده سابتها وخرجت بره وردت هاله على رؤوف 

رؤوف 

حقك عليا يا حبيبتي انا اسف والله عارف ان انا زعلتك مني بس ارجوك يا هاله تراعي اللي انا فيه انا مش عارفه راضي ما بينك وما بين ماما خالص 

هاله 

انا حامل يا رؤوف 

رؤوف 

ايه معقول الكلام اللي انت بتقولي عليه ده طب انت فين انا جايه اخدك دلوقتي حالا انت عندنا ده مش كده 

هاله 

لا لو سمحت ما تجيش خليك وانا هاجي بس لو سمحت تضمن ليا ان مامتك مش هتعمل معايا اي حاجه 

رؤوف 

اكيد طبعا يا حبيبتي كل اللي انت عايزاه انا هعمله انا مش عايزك تزعلي نفسك خالص طب انا هاجي لك واستناك عند العماره تحت مش معقوله اسيبك ترجعي لوحدك 

وبعدها فعلا  قامت ونزلت وقابلت رؤوف تحت 

رؤوف 

مش عارفه اقول لك انا فرحان ازاي والله اول لما عرفت ان انتي حامل  اوعيتك ما فيش اي حد هيعمل معاكي اي حاجه من هنا ورايح 

هاله 

انا كل زعلي منك انت يا رؤوف كنت متخيله ان انت عمرك في يوم من الايام ما هتيجي عليا انت ما تعرفش انا كنت بحبك من زمان ازاي وانت عمرك ما كنت بتحس بحبي ده ويوم ما جيت واتقدمت لي انا كنت فرحانه وكنت خايفه في نفس الوقت 

رؤوف 

انا مش عايزك تخافي من اي حاجه من هنا ورايح وحياتنا كلها تتغير ودلوقتي هتشوفيها 

وبعدها إخدتها وراح بيها البيت ودخل عند امه 

الأم 

مالك يا حبيبي واقف ليه كده شفتك انت والغندوره داخلين لحقت بسرعه رحت جبتها 

رؤوف 

ممكن تهدي شويه بقى وبطلي اللي انت عماله تعمليه ده مش عايز اي احتكاك بهذا الفتره دي خالص انت سامعه ولا لا 

ياسمين دخلت من ورا وقالت ليه 

ياسمين 

نعم نعم يا حبيبي ايه طريقه الكلام اللي انت عمال تتكلم بيها مع امك دي عشان خاطر الغندوره بقول لك ايه البيت ده بيتها وهي تعمل اللي هي عايزاه 

رؤوف 

هو انت فاكراني معاها حب انا معاها بس لحد ما تعرف تاخد ورثها واخده منها واللي عملوه في ابويا زمان هيتعمل فيهم

الفصل الثاني من هنا