رواية ابن حرام الفصل الأول بقلم محمود الأمين
سنة 2018.. ودي السنة اللي حصل فيها الجريمة.
واحد اسمه صلاح كان متعود كل يوم ينزل من بيته عشان يروح شغله على الساعة 7 الصبح، صلاح كان بيشتغل مدرس في مدرسة في نفس المركز اللي هو فيه، وعشان يوصل هناك كان قدامه حلين، يا إما يتمشى لحد الموقف ويركب عربية، يا إما يركب توك توك من على الطريق، وعشان في اليوم ده صلاح كان مستعجل، أول ما طلع على الطريق شاور لتوك توك وركب، واتحرك بيه التوك توك على المدرسة، ولكن لاحظ صلاح إن السواق غير الطريق ومشي من طريق تاني غير الطريق اللي متعود عليه صلاح، ولما سأل السواق كان رده إن ده طريق مختصر وهيوصلهم بسرعة.. ولكن بعد شوية بدأ صلاح يحس إن في حاجة مش مظبوطه، الطريق اللي ماشي فيه السواق ده كان شبه مهجور، فرجع سأل السواق تاني، ولكن المرة دي السواق وقف وطلب من صلاح ينزل.. وهنا صلاح مكنش فاهم حاجة.
ولكنه اتفاجئ إن السواق ده بيرفع عليه مط. وة وبيطلب منه يطلع كل اللي معاه، وعشان صلاح كان مش بتاع مشاكل، طلع كل اللي معاه على أساس إن الراجل ده هيقلبه ويمشي، ولكن بعد ما ساب كل حاجة اتفاجئ إن الراجل ده بيط. عنه بالمط. وة كذا طع. نة في جسمه.. وقع صلاح على الأرض، وآخر مشهد كان شايفه.. كان السواق وهو بيبعد بالتوك توك وبيختفي عن الأنظار.
....
#ابن_حرام
#الجزء_الأول
جري. مة قت. ل صلاح كانت متصورة صوت وصورة.. والشارع اللي اتق. تل فيه كان فيه كام محل مقفولين عشان الوقت كان لسه بدري، ولكن الكاميرات اللي كانت راكبة عليهم كانت شغالة ورصدوا الجري. مة من أولها.
صلاح عبد الدايم، مدرس لغة عربية في أواخر التلاتينات، إنسان محترم والناس كلها تشهد بده، ومتجوز واحدة اسمها ملك.. صلاح ما عندهوش أولاد رغم إنه متجوز ملك من 5 سنين تقريباً.. المهم إن الخبر لما وصل المنطقة اللي ساكن فيها صلاح، الدنيا اتقلبت، والجيران راحوا عشان يبلغوا مراته ملك باللي حصل.. خبطوا على الباب كتير، بس محدش فتح، وكانوا مستغربين.. ملك هتكون راحت فين؟!
وعشان أهل المنطقة كانوا عارفين إن ملك مش من عوايدها إنها تخرج بدري كده، فكانوا قلقانين عليها، فاضطروا إنهم يكسروا الباب.. وأول ما دخلوا اتفاجئوا بمنظر بشع.
ملك كانت واقعة في الصالة وجسمها في لا يقل عن 10 طع. نات.. الستات بدأت تصرخ، والكل طلع بسرعة من البيت وبلغوا الشرطة.
الست وجوزها اتق. تلوا في نفس اليوم... وعلى الناحية التانية رجالة الطب الشرعي والمعمل الجنائي كانت بتفحص جث. ة صلاح ومسرح الجري. مة.
وكان السؤال هنا، يا ترى اللي ق. تل صلاح هو هو الشخص اللي ق. تل مراته؟.. وإيه هو السبب؟
لما وصلنا البلاغ وأنا واقف في مسرح الجري. مة، الأول طلبت من الرائد عزت يخليه هنا، واتحركت على بيت صلاح واللي موجودة فيه جث. ة مراته مدام ملك.. وأول ما وصلت هناك، وكالعادة لازم عيني بتكون على مسرح الجري. مة من بره ومن جوه، البيت كان دور أرضي وفي شبابيك كانت مفتوحة، يعني يقدر الق. اتل يدخل منها.. باب البيت كان مكسور وعرفت إن أهالي المنطقة هما اللي كسروه.. وده معناه إن لو الق. اتل ما دخلش من الشباك، يبقى في حد فتحله الباب.
ولكن لما دخلت البيت، وبالتحديد أوضة النوم، فهمت إن الغرض كان السرق. ة، الدولاب والأدراج كانوا متبهدلين.
في الوقت ده وصل فريق تاني من الطب الشرعي والمعمل الجنائي لفحص جث. ة ملك ومسرح الجري. مة.. وبعد الفحص المبدئي للجث. ة الدكتور اتكلم وقال:
_ الطع. نات كانت بشكل عشوائي، بس أنا برجح إنها كانت بس. لاح صغير مش بسكي. نة، يعني ممكن نقول مط. وة، وده واضح من الجروح اللي في الجسم.
= يعني بشكل كبير اللي ق. تل صلاح هو هو اللي ق. تل مراته؟
_ هو الراجل اللي اتق. تل على الطريق ده يبقى جوزها.
= أيوه، والدكتور علاء قال نفس كلام حضرتك بالظبط، ده غير إن الجري. مة اللي هناك كانت متصورة صوت وصورة.. اللي ق. تل صلاح سواق توك توك أخده بعيد عن طريق المدرسة اللي بيروحها كل يوم، وثبته، والغريبة إن بعد ما صلاح طلع كل حاجة، خلص عليه برضو.
_ قصدك إن الشخص ده كان غرضه الق. تل مش السرق. ة؟
= والله كل المؤشرات اللي قدامي بتقول كده، أصل معنى اللي حصل ده إن صلاح اتق. تل الأول، والسواق ده رجع على بيته وكان عارف إن بيته في فلوس في الدولاب أو في الأدراج، والأقرب إنه نط من الشباك وخلص على مدام ملك، وبعدها دخل سر. ق اللي موجود وهرب، بس بما إنه سواق توك توك والمنطقة دي فيها موقف للتكاتك، فأكيد هنعرف مين الشخص ده وعمل كده ليه.
_ وإحنا هنحاول ننجز شوية في تشريح الجث. ث يمكن نلاقي حاجة جديدة تفتح مسار جديد في القضية.
= تمام يا دكتور.
....
طبعاً كنا أخدنا نسخة من تسجيلات الكاميرات اللي كانت موجودة في المحلات اللي أول الطريق اللي حصلت فيه جري. مة ق. تل صلاح، والفيديو اللي في الجري. مة كان على تليفوني، واتحركت ومعايا قوة من رجال الشرطة على موقف التكاتك اللي موجود في المنطقة، وأول ما وصلت هناك طلبت من اللي ماسك الموقف يجمع كل السواقين اللي موجودين، وكان اسمه حسين، وفعلاً بدأ يجمع السواقين كلهم قدامي، وكان عددهم حوالي 20 سواق، ده غير إن في أربعة بره.. وعرضت عليهم الفيديو عشان أسألهم على الشخص اللي موجود فيه.
_ الراجل ده كان سايق توك توك يا رجالة وخلص على الراجل الغلبان ده.. وإحنا عاوزين نعرف مين الشخص ده، أكيد بيشتغل معاكم في الموقف.
ولكن كلهم ردوا نفس الرد:
لا يا باشا، الواد ده مش من عندنا.. إحنا أول مرة نشوفه.
وده خلاني أستنى الأربعة سواقين اللي بره يرجعوا، على أمل إن اللي عمل كده يكون واحد منهم، ولكن الأربعة رجعوا وللأسف كان مش فيهم.
....
الشخص اللي عمل كده ذكي، كان لابس على دماغه كاب عشان لو حد شافه ما يعرفوش، وكده ما بقاش قدامنا غير إننا نعمل تحرياتنا عن المجني عليهم ونعرف إيه المشاكل اللي كانت معاهم، ومين اللي ممكن يعمل كده.
رجعت المكتب وطلبت من الرائد عزت عمل تحريات عن المجني عليهم وعن معارفهم والعداوات وكل حاجة تخصهم، عشان نعرف مين اللي ارتكب الجري. مة دي.
وبعد 24 ساعة تظهر التحريات، واللي كان فيها مفاجأة مش متوقعة.
صلاح وملك كانوا متفقين على الطلاق.. كان ما بينهم مشاكل في الفترة الأخيرة، ولكل تدخل عشان يحلها، ولكن ما فيش فايدة.. وأصل المشاكل دي كانت بترجع إن صلاح مش بيخلف، وملك كانت عاوزة تبقى أم، وبعد ما لفوا على دكاترة كتير وصلاح صرف على العلاج بتاع الدكاترة أكتر، مفيش حاجة اتغيرت، وهنا ملك طلبت الطلاق.
طيب فين المفاجأة في الموضوع؟
المفاجأة والتحريات اللي أثبتتها إن ملك كانت على علاقة بحد.. وقبل الجري. مة بيوم واحد، أهل المنطقة سمعوا صوت صراخ ملك جاي من البيت، وجوزها كان بيضربها وكان بيقول عليها إنها خاينة، وإنه تراجع عن الطلاق.
طيب مين الشخص ده؟.. ابن عمها واسمه مرزوق، وبيشتغل في ورشة تصليح سيارات، والمفاجأة إنها كانت موافقة عليه رغم إنه رد سجون.
بس لو هنفترض إن مرزوق ده هو اللي ق. تل صلاح، طيب ق. تل ملك ليه؟!
بس هل دي بس هي العداوات اللي ممكن توصل إن حد يعمل كده؟ لا.
والنقطة دي نقطة مهمة.. صلاح كان ليه مشكلة قبل كده مع سواق توك توك بسبب إنه عاكس أخته حنان، وصلاح وقتها ضرب السواق ده بالقلم، ولولا إن الناس اتدخلت وحلت المشكلة، صلاح كان هيتق. تل يومها، والشخص ده اللي اتخانق معاه كان اسمه عطية، وقال لصلاح إنه هياخد حقه منه.
.....
على قد ملف التحريات مكان صغير، ولكن في شوية تفاصيل غريبة... وكنت منتظر تقرير الطب الشرعي وتقرير المعمل الجنائي، واللي أكيد هيوضحوا حاجات مخفية، وفعلاً الصدمة إنه لما طلع تقرير الطب الشرعي أثبت حاجة ما تدخلش العقل، إن جري. مة ق. تل ملك حصلت قبل جري. مة ق. تل صلاح.
طب إزاي؟!..
أصل لو الكلام ده صح، يبقى صلاح هو اللي ق. تل مراته، خصوصاً إن الاتنين اتق. تلوا بمط. وة، وصلاح خرج من بيته وركب مع السواق، فإزاي ملك هي اللي اتق. تلت الأول؟
ولكن مش دي الصدمة الكبيرة.. الصدمة إنه أثناء تشريح الجث. ث، دكاترة الطب الشرعي لقيت حاجة مش متوقعة، وكانت صدمة كبيرة بالنسبة لينا، والحاجة دي تبقى..
