رواية ابن حرام الفصل الثاني بقلم محمود الأمين
التقرير كان بيقول إن في آثار مخدر في جسم صلاح.. ولكن الآثار دي كانت خفيفة وخلاص كانت بتختفي من الجسم، وده معناه إن صلاح كان واخد المخدر ده من بدري. ده بالنسبة لجث. ة صلاح، أما بالنسبة لجث. ة ملك، فالطب الشرعي أثبت تعرضها للاعتداء، وقال إن في تهتك كامل في الجهاز التناسلي.. بس الكلام ده يخلينا نرجع تاني نفكر في الكلام اللي في أول التقرير: إزاي ملك اتقت. لت قبل صلاح؟
بصيت للرائد عزت وأنا مش فاهم أي حاجة، وقولتله:
_ الموضوع ده في لغز كبير.. أكيد التحريات اللي عملتها عزت ناقص حاجات كتير، في حاجات محتاجة تتفهم. آثار المخدر ده كان بيعمل إيه في جسم صلاح.. وإزاي مراته اتعرضت للاعتداء رغم إنه آخر واحد خارج من البيت قبل ما تتقت. ل.. وإزاي تقرير الطب الشرعي بيقول إنها اتقت. لت قبله؟
= فعلًا يا فندم، الموضوع فيه لغز، بس دي الحاجات اللي وصلها البحث الجنائي، وأكيد تقرير البصمات لما يطلع هيوضح حاجات تاني، وممكن يعرفنا البصمات اللي موجودة في الشقة دي.
_ أتمنى بس إن البصمات تكون موجودة في قاعدة البيانات، عشان لو مش موجودة هنخش في دايرة كبيرة من الاشتباهات.. ودي حاجة هتعطلنا كتير.. بس من خلال التحريات اللي قريتها إن كان في مشكلة ما بين صلاح وما بين سواق توك توك، وأظن إن كان اسمه عطية، مش كده؟
= مظبوط يا باشا، اسمه عطية.
.....
وبعد ساعات كان قدامي عطية سواق التوك توك، ومن شكله ومظهره مش هو خالص اللي كان في الفيديو، ولكن جايز اللي ارتكب الجرايم دي، وخصوصًا جري. مة قت. ل صلاح، حد تبعه، وده اللي خلاني بدأت أتكلم معاه:
_ عطية، إنت من فترة كده ركبت معاك آنسة التوك توك وإنت عاكستها، وأخوها نزل اتخانق معاك وضربك.. وساعتها إنت وعدته إنك هتاخد حقك، صح كلامي ولا لا؟
= كانت لحظة طيش يا باشا، وبصراحة بعدها ما عملتهاش تاني، والكل غلطني ساعتها.
_ لا، سيبك إنك حسيت إنك غلطان أو الكل غلطك، مش دي القصة.. القصة إن الشخص اللي ضربك ده اتقت. ل امبارح، لا والصدفة إيه؟ إنه اتقت. ل على إيد سواق توك توك.. ركب معاه من على الطريق والسواق دخل بيه من طريق تاني خالص، وبعدها نزله وقلب اللي معاه وخل. ص عليه.
= لا حول ولا قوة إلا بالله، ما أنا سمعت يا باشا الحكاية دي، ربنا يجازيه ابن الحرام ده.
_ يعني الواد اللي عمل كده ده مش تبعك؟
= تبع مين يا باشا.. لا، إحنا ما لناش في الدم. إحنا ممكن نتشاقى نعاكس، لكن نق. تل لا يا باشا، ما لناش في السكة دي.
_ طيب بص على الفيديو ده كده، وشوف تعرف الشخص ده ولا لا؟
= لا يا باشا، الواد ده مش من عندنا، أنا أول مرة أشوفه.
_ تمام يا عطية، تقدر تروح بس ممكن نستدعيك تاني.
= تمام يا باشا، أنا تحت أمرك.
....
كنت مستني حنان أخت صلاح عشان أتكلم معاها في حاجة مهمة، ولكن العسكري بلغني إن في واحد عاوز يقابلني بره وبيقول إن اسمه الأستاذ مدحت.. فسمحتله بالدخول.
كان شخص في التلاتينات، وعرف نفسه على إنه زميل مقرب لصلاح في المدرسة، وإنه لما عرف خبر موته بالشكل البشع ده جه عشان عنده كلام مهم عاوز يقوله.. فطلبت منه يتكلم.
_ شوف يا باشا.. صلاح كان مدرس محترم، بس مشكلته إنه كان عصبي شوية، وفي مشكلة حصلت في المدرسة وبسببها صلاح كان مش بينام الليل.. بس إحنا شهدنا في صفه عشان والد الطفل ده كان هيموته.
= لا، واحدة واحدة كده عليا وفهمني.. طفل مين وأبوه مين؟
_ كان في طفل في المدرسة عندنا اسمه نصر.. عنده مشكلة في الكلام، تلعثم يعني، وفي يوم صلاح كان عامل امتحان للطلبة اللي عنده ونصر كان تعبان وحل أسئلة كتير غلط، وفي اليوم ده صلاح زعق لنصر واتنمر عليه، بس والله بدون قصد عشان التلعثم اللي عنده.
الولد فضل يعيط ورجع بيته وهو زعلان من تريقة العيال عليه، بس ما حدش كان متوقع إن الزعل ده هيمو. ت الولد.. نصر، على حسب كلام والده، بعد ما حكى كل حاجة لوالدته دخل عشان ينام، ولكن ما صح. يش تاني.. وتاني يوم لقينا والده الأسطى حسام السواق جاي المدرسة وعاوز يق. تل الأستاذ صلاح.. كان معاه مفتاح إنجليزي وكان رايح يتهجم على الأستاذ صلاح، لولا إن الناس تدخلت وبعدته، وصلاح لما عرف اللي حصل للطفل كان مش بينام بسبب تأنيب الضمير.
= يعني إنت قصدك إن ممكن الأسطى حسام ده يكون هو اللي عمل كده في صلاح ومراته؟
_ الله أعلم يا باشا، أنا جاي أشهد شهادة حق.
= طيب وإنت علاقتك بصلاح كانت عاملة إزاي؟.. يعني كنتوا مجرد زمايل بتتقابلوا في المدرسة ولا أصحاب؟.. أصل إنت بتقول كان مش بينام الليل، فمعلومة زي دي عرفتها إزاي؟
_ أنا كنت من أقرب الناس لصلاح، وكل يوم كان بيتصل بيا وبيعيط زي العيال الصغيرة، وكان بيقول إنه ما كانش قصده يم. وت الطفل وإنه بيتمنى ضفر عيل.. وبسبب حالته دي أخد إجازة فترة من المدرسة لحد ما أعصابه ترتاح.
= طيب يا أستاذ مدحت، تقدر تروح دلوقتي وإحنا لو عوزناك هنكلمك.
....
وبعد ما مشي الأستاذ مدحت، استدعيت الرائد عزت وبلغته إن التحريات ناقصة وإن رجالة البحث الجنائي مش شايفة شغلها كويس.. إزاي الحاجة اللي حصلت في المدرسة دي لا تذكر في التحريات؟.. اعتذر الرائد عزت وبلغني إن حنان أخت صلاح بره، وبعد دقايق كانت قدامي.
_ معلش يا آنسة حنان.. جبناكي كده بدون سبب، بس في الحقيقة أنا كنت عاوز أتكلم معاكي وأفهم منك طبيعة العلاقة ما بين صلاح ومراته مدام ملك، عشان على حسب التحريات اللي عندي إن العلاقة ما بينهم كانت متوترة الفترة الأخيرة.
= ملك دي كانت ست مش كويسة، اتفقت مع أخويا على الطلاق، وبدل ما تستنى الطلاق يتم وبعدين تعمل اللي هي عاوزاه، بدأت تقابل العريس الجديد. أنا مش حابة أتكلم عليها عشان بجد دي أسوأ بني آدمة ممكن تقابلها في حياتك.
_ بس تقرير الطب الشرعي بيقول إن مدام ملك اتعرضت للاعتداء قبل القت. ل، وفي نفس الوقت جسم أخوكي كان فيه مخدر، ورغم إني مش فاهم العلاقة ما بين الاتنين إيه، بس تفتكري مين اللي عمل كده في أخوكي ومراته؟
= الله أعلم يا باشا.. لو كانت هي لسه عايشة كنت شكيت إنها هي اللي وزت حد يعمل فيه كده، خصوصًا بعد ما كشف خيانتها واتراجع عن الطلاق.
....
وأنا بتكلم مع حنان، وصل تقرير المعمل الجنائي والبصمات.. والص. دمة الكبيرة إن البصمات اللي موجودة دي طلعت بصمات مرزوق ابن عم ملك، اللي بيشتغل في ورشة تصليح سيارات، والمفروض إنه رد سجون، ولكن كان في بصمات تانية في مسرح الجري. مة وكانت مجهولة.
طلبت من الآنسة حنان تروح وتحركنا بسرعة عشان نقبض على مرزوق، اللي أكيد هو اللي ارتكب الجري. مة، وفعلاً قبضنا عليه في الورشة اللي بيشتغل فيها، وفي المكتب قال كلام أقذر مما تتخيلوا.
مرزوق قال إن هو وملك على علاقة ببعض من فترة كبيرة.. وكانوا بيتقابلوا دايمًا في البيت عندها، سواء جوزها مش موجود أو موجود.. طب إزاي؟
ملك كانت بتحط مخدر لجوزها في الأكل وفي العصير عشان ينام، وبعدها هما يقعدوا مع بعض براحتهم، وقال إنه قبل الجري. مة بيوم كانوا موجودين مع بعض فعلًا، وعشان تضمن إن جوزها ما يصحاش كانت بتحط جرعة كبيرة من المخدر ده.
ولكن مرزوق قال إنه ملوش علاقة بالجرايم اللي حصلت.. وإنه ما يعرفش أي حاجة عن الموضوع ده.
....
أنا كنت مذهول من الاعتراف نفسه، معقول في ستات بالفجر ده، تنيم جوزها وتكون مع عشيقها في بيت واحد...
في الوقت ده بتوصل إشارة عن توك توك مركون جنب استراحة سفر على طريق مصر إسكندرية الصحراوي.. ولما نتحرك على هناك، نلاقي إن التوك توك ده هو نفس التوك توك اللي كان راكبه المجرم في الفيديو، ولكن كان جواه مفاجأة غير متوقعة.. كان جواه...
شكرا لزيارتكم عالم روايات سكيرهوم
