رواية السر اللي قلب الفرح ل جنازة الفصل الاول 1 بقلم هويدا زغلول

في بيت سليم في الصعيد كان واقف جنب مرته هنيه وباين على وشه الفرح وهو ماسك ايدها وبيبص لها بحنية وقال

سليم

ما تعرفيش يا هنيه انا فرحت قد ايه لما عرفت ان ربنا رزقنا بالخبر الحلو ده وانك حامل  انا من النهارده مش عايزك تشيلي حاجه من مكانها ولا تعملي شغل البيت ولا تتعبي نفسك في حاجة انتي دلوقتي شايلة حتة مني ولازم اخاف عليكي وعلى اللي في بطنك اكتر من عيني

هنيه

والله يا سليم انا فرحانة علشان فرحتك انت كمان وعلشان اول ما عرفت انك هتبقى اب شوفت الفرحة في عينيك وحسيت ان الدنيا كلها بقت حلوة في وشي ربنا يخليك ليا وميحرمنيش منك ولا من ضحكتك اللي بتفرح قلبي

هنيه سكتت شوية وبعدين بصت له بابتسامة وقالت

هنيه

بقول لك يا سليم انا نفسي اروح عند ابوي وامي افرحهم بالخبر الحلو ده بنفسي انا عارفة انك مش هتقول لي لا بس نفسي وهما بيعرفوا ان ربنا رزقنا بأول حتة من روحنا واوعدك والله ما هتأخر عندهم وهارجع معاك على طول

سليم

وهقولك لا ليه يا هنيه ده انا نفسي افرحهم معاكي وبعدين خبر زي ده ما ينفعش تروحي تقوليه لوحدك انا هاجي معاكي وانتي بس قومي البسي خلجاتك اللي تليق بيكي وتعالي ننزل ونروح لهم ونفرحهم كلهم بالخبر الحلو ده وربنا يتمم لنا على خير

وبعدها سليم خد هنيه وراح بيها على بيت ابوها وهدان ولما دخلوا البيت وهدان ومرته فرحوا بيها وقعدوا يباركوا لها ويدعوا لها ربنا يتمم حملها على خير

ووسط الفرحة كانت ناهد مرات اخو هنيه واقفة ساكتة وملامحها مش مريحة وبعد شوية قالت بخبث

ناهد

معقول يا هنيه الحمل حصل بالسرعة دي ده انتي لسه عروسة وما كملتيش كام شهر متجوزة يعني ما كنتي استنيتي شوية واتمتعتي بشبابك بدل ما تربطي نفسك بالحمل والعيال من بدري كده هو العمر بيجري ولا ايه

سليم بص لها بغضب وقال

سليم

وايه اللي يخلي مراتي ما تتمتعش بشبابها وهي حامل يا ناهد هو انتي فاكرة ان الحمل والعيال حرمان ولا ان الست لما تبقى حامل تبقى خسرت حياتها دي هنيه دي عندي بالدنيا كلها وانا فرحان بكل يوم بيعدي عليها وهي شايلة ابني في بطنها وانا نفسي ربنا يرزقني منها بعيال كتير ولو ربنا كتب لي بنت كمان هفرح بيها واخليها تاج فوق راسي ومحدش له عندي كلمة في حياتي ولا في مراتي

ناهد بصت له باستغراب وقالت

ناهد

ايه ده يا سليم معقولة انت عايز بنت كمان من دلوقتي وابوك هيوافق على الكلام اللي انت بتقول عليه ده انا عارفه ان عيلتكم بتحب الرجاله دايما وابوك هيكون عايزك تخلف ولد 

وهدان ضرب كف على كف وقال بعصبية

وهدان

كفاية عاد يا ناهد الكلام الماسخ اللي انتي عمالة ترميه من ساعة ما دخلوا البيت هو احنا في فرح ولا في مجلس حساب انتي مالك ومال حمل هنيه ومالك ومال كلام سليم هو جوزها وبيحبها ودي حاجة تفرحنا مش حاجة تضايقنا ولو مش قادرة تفرحي لأخت جوزك يبقى اسكتي وخليكي في حالك

ناهد بصت لوش وهدان واتضايقت وقالت

ناهد

حاضر يا عمي انا هطلع اوضتي اهو بس والله ما كنت اقصد غير اني بهزر معاها

وهدان

الهزار اللي يوجع القلب ملوش لازمة يا بنتي اطلعي اوضتك وراجعي نفسك وخليكي عارفة ان هنيه دي بنتي وفرحتها من فرحتي واللي يفرحها انا افرح له واللي يضايقها يبقى ضايقني انا

ناهد سكتت ومقدرتش ترد وطلعت على اوضتها وهي مخنوقة ووشها مليان

وفي الشارع كان محروس اخو هنيه  واقف جنب صاحبه إبراهيم ووشه متغير وعينيه مليانة خوف وكل شوية يبص حواليه

إبراهيم

مالك يا ولد واقف كده ليه ووشك مخطوف انت فاكر ان حد شافك ولا ايه ما حدش شافك وانت بتضرب كارم بالنار ولا حد يعرف انك كنت هناك جمد قلبك كده وخليك راجل ومحدش يقدر يعمل لك حاجة طول ما احنا مشينا من المكان ومحدش شافنا

محروس

انا مش عارف اللي حصل ده حصل كيف يا إبراهيم لحد دلوقتي مش قادر أصدق اني انا وكارم اخو سليم كنا بنتخانق والموضوع وصل بيا اني ارفع السلاح واضربه بالنار انا مش عارف عملت كده ازاي ولا كنت بفكر في ايه وقتها ودلوقتي انا مش عارف اعمل ايه انت عارف ان بينا نسب وان كارم اخو جوز اختي ولو ابوي عرف اللي حصل مش هيسكت لي ولا هيسيبني حتى لو كان الثمن رقبتي

إبراهيم

بص يا محروس اللي حصل حصل ومش هنعرف نرجع الزمن لورا دلوقتي انت روح دارك وخليك طبيعي اوعى حد يحس انك خايف ولا مرتبك ولا حتى يخطر في باله انك عملت حاجة جمد قلبك وخليك ثابت عشان لو بان عليك الخوف الناس هتبدأ تسأل وانت مش ناقص حد يشك فيك واحنا بعدين نقعد ونشوف هنعمل ايه في المصيبة دي

محروس

بس انا خايف يا إبراهيم وخايف اكتر من ابوي لو عرف اني ضربت كارم اخو سليم هيعتبرني جبت العار للعيلة وهيقول اني هدمت النسب اللي بينا بإيدي ومش بعيد تحصل مصيبة اكبر من اللي حصلت وانا مش عارف اخبي اللي جوايا

إبراهيم

خوفك ده خليه جوا صدرك وما تخليش وشك يفضحك روح دلوقتي على داركم وسلم على الناس واقعد عادي وكأن مفيش حاجة حصلت وبعدها لما الدنيا تهدى نبقى نفكر في باقي الكلام بس اوعاك تروح تقول لحد اللي حصل ولا تبين انك خايف أكده

محروس هز راسه وهو لسه متوتر وقال

محروس

ربنا يسترها علينا يا إبراهيم انا حاسس ان اللي حصل ده مش هيعدي بالساهل وربنا وحده عالم اخره ايه اللي مستنيني

وبعدها محروس مشي بسرعة ناحية بيته وهو بيحاول يخفي خوفه وكل خطوة كان بيحس انها بتقربه من المصيبة اكتر

ولما وصل محروس للدار دخل وهو بيحاول يتماسك وفي نفس الوقت كان سليم واقف في الحوش ولما شافه ابتسم وناداه

سليم

ازيك يا ابو نسب انا قاعد من بدري مستنيك يا راجل علشان افرحك بالخبر اللي يفرح القلب اختك هنيه حامل وانا قولت لازم ابوك يعرف واهلها كلهم يفرحوا معانا وربنا يتمم لنا على خير ويرزقنا بالولد الصالح والبنت الصالحة

محروس وقف مكانه للحظة وكأن الكلام نزل عليه زي الصاعقة بس حاول يبتسم وقال

محروس

مبروك يا سليم ربنا يتمم لكم على خير ويفرح قلوبكم باللي تتمنوه ويجعل المولود وشه خير عليكم وعلى الدار كلها

سليم

الله يبارك فيك يا ابو نسب والله انا فرحان بشكل ما تتخيلوش وحاسس ان ربنا فتح لي باب رزق كبير وهنيه دي تستاهل كل خير وربنا يخليها لي ويحفظها ويحفظ اللي في بطنها

محروس

ربنا يحفظها ويقومها بالسلامة انا هطلع اوضتي شوية علشان تعبان وعايز ارتاح

سليم بص له باستغراب وقال

سليم

مالك يا محروس انت شكلك مش على بعضك ولا انا عيني فيها حاجة النهارده انت وشك متغير وكلامك مش زي كل يوم

محروس بسرعة رد عليه

محروس

مفيش حاجة يا سليم يمكن بس الطريق هدني شوية وانا فعلا محتاج ارتاح

وبعدها محروس طلع على اوضته وقفل الباب وراه وسند ضهره عليه وحط ايده على وشه وهو بيهمس لنفسه

محروس

يا ساتر يا رب كارم اخو سليم انا عملت فيه كده ازاي يا رب استرها وما تخليش حد يعرف اللي حصل

وفي الوقت ده كانت هنيه واقفة جنب ابوها وهدان بعد ما سليم خرج من الحوش وكانت بتبص ناحية السلم اللي طلع عليه محروس وبعدين بصت لابوها وقالت

هنيه

هو مالو يا ابوي شكله عامل كده ليه من ساعة ما دخل الدار وانا حاسة ان في حاجة حصلت معاه هو حتى مبصش في وشي ولا فرح معايا بالخبر زي ما كنت متوقعة

وهدان بص ناحية اوضة محروس وسكت لحظة وقال

وهدان 

والله يا بنتي انا كمان خد بالي من ده محروس مش طبيعي النهارده ووشه فيه حاجة مخبيها عننا بس سيبيه دلوقتي يمكن يكون عنده حاجة مضايقاه 

وفي الوقت ده راح ابراهيم بيت سيد ابو سليم 

سيد 

مالك با ابراهيم واقف جدامي بقالك ساعه وشكلك عايز تقول حاجه وبعدين بتسكت فيه اي 

ابراهيم 

والله انا مش عارف اقولك اي وعارف ان فيه نسب

بينك وبين وهدان ومش عايز ادخل بينكم 

سيد قام وقف وبعدين قال ليه 

سيد 

فيه اي هو انت هتفضل تنقطني بالكلام كده ولا ايه قول اللي عندك 

ابراهيم سكت شويه وهو كان خايف وبعدين قال 

ابراهيم 

محروس ولد وهدان قتل ابنك كارم 

وفي الوقت ده سيد انصدم من الكلام اللي سمعه وبعدها فال 

سيد 

ولدي ازاي الكلام اللي بتقول عليه ده 

ابراهيم 

انا صورت اللي حوصل كله بس الله يخليك انا مش قد وهدان واللي هيعمله معايا 

سيد 

ازاي الكلام اللي بتقول عليه ده رد وقولي اي اللي حصل بالظبط 

وبعدها بدأ يحكي ليها اللي حصل 

                      فلاش باك 

كان محروس واقف قدام كارم في مكان بعيد عن البيوت ووشه كله غضب وملامحه متوترة وهو بيبص له بنظرة كلها عتاب وقال

محروس

ازاي الكلام اللي بتقوله ده يا كارم انا دفعت اللي ورايا واللي قدامي علشان نفتح المقبرة دي وفضلت ماشي وراك ومصدق كل كلمة قلتها لي وفي الآخر كل ما اسألك عن نصيبي تقولي اصبر اصبر على ايه يا راجل انا صبرت كتير ومبقاش عندي صبر تاني وكل يوم تأجلني وتطلع لي بحجة شكل وانا عايز اعرف حقي راح فين وفلوسي راحت فين وليه كل ما اطالبك بحقي تتهرب مني

كارم

وانا اعملك ايه عاد يا محروس ما انا بقول لك استنى شوية وكل حاجة هتتظبط وانت اللي مستعجل وعايز تاخد نصيبك دلوقتي هو انا ههرب منك ولا هاكل حقك بس انت اصبر عليا واللي ليك هتاخده لما الوقت ييجي

محروس

لا يا كارم الكلام ده انا سمعته منك كتير وانت كل مرة بتقولي اصبر لحد ما الفلوس راحت والموضوع بقى كله غموض وانا بدأت أشك انك كنت بتلعب بيا من الأول وكنت عايز تاخد فلوسي وتخليني اخر واحد يعرف الحقيقة

كارم

بقول لك ايه يا محروس خف كلامك معايا ومتنساش انك واقف قدامي وانا مش هقبل حد يشكك فيا ولا يتهمني اني نصاب وانت عايز حقك خد اللي اقدر عليه دلوقتي ولما الباقي ييجي هديهولك لكن متضغطش عليا اكتر من كده

محروس

يعني بعد كل اللي دفعته وكل اللي عملته معاك تقول لي خد اللي اقدر عليه هو انا كنت داخل معاك علشان اتبهدل ولا علشان في الآخر تضحك عليا وتطلعني خسران انا عايز حقي كامل ومش هتحرك من هنا غير لما اعرف انت عملت في فلوسي ايه

كارم

وانا قولت لك اللي عندي يا محروس ومش هقدر اعمل اكتر من كده واعلى ما في خيلك اركبه لو شايف ان ليك حق عندي روح اشتكي ولا اعمل اللي انت شايفه لكن متقفش قدامي بالطريقة دي وتفتكر انك هتخوفني

محروس بص له بغضب وطلع المسدس من جيبه ورفعه في وش كارم وقال

محروس

انت كده زودتها قوي يا كارم وانا كنت داخل اكلمك بالعقل وكنت فاكر ان بينا عشرة ومعرفة لكن انت كل مرة بتستهين بيا وبتخليني اندم اني وثقت فيك من البداية

في اللحظة دي إبراهيم جري ووقف بينهم وحاول يهدي محروس وقال

إبراهيم

اهدى يا محروس الله يخليك بلاش تهور واحنا مش ناقصين مصايب نازلة على دماغنا انت حط السلاح ده بعيد وتعالى نتكلم بالعقل ونفهم منه الحكاية كلها بدل ما الغضب ياخدك لمكان محدش فينا هيعرف يرجع منه

كارم

شوفت يا إبراهيم هو وصل بيه الحال انه يرفع السلاح في وشي علشان فلوس هو فاكر اني هخاف منه ولا ايه انا قلت له اللي عندي واللي له عندي ياخده لما اقدر لكن مش بالتهديد ولا بالعافية

إبراهيم

انت كمان يا كارم اسكت دلوقتي ومتكبرش الموضوع اكتر من كده احنا لازم نفهم اللي حصل من أوله لأخره ونشوف الفلوس راحت فين وكل واحد ياخد حقه من غير ما تحصل مصيبة بين عيلتين بينهم نسب

 كارم

ملوش فلوس عندي واعلي ما في خيله يكربه 

وفي اللحظه دي محروس محسش بنفسه الا هو بيضرب كارم بالنار ومكتش يعرف ان ابراهيم صورة

        باك

واول لما سيد بيسمع كده بيتصدم وبيقول.

سيد 

يعني ايه الحديث اللي انت بتقوله ده يعني ابن وهدان هو اللي عمل اكده في ولدي تعالى وديني على مكان ولدي حالا والله العظيم لو ولدي حصل له حاجه ساعتها هتبقى خراب على الكل وما حدش هياخد طار ولدي منيهم اللي انا 

واول لما بيقول كده ابراهيم بيروح واخده على المكان اللي فيه كارم وهو لما بيوصل بيتصدم لما بيلاقي كارم واقع سايح في دمه  

واول لما سيد بيلاقي كده بيقرب من كارم بسرعه 

سيد

قوم يا ولدي متسبنيش قوم  يا حبيبي فز  بسرعه جيب العربيه   خليني الحق ولدي  بدل ما انت واقف اكده 

واول لما ابراهيم بيسمع كده بيروح بسرعه جايب العربيه وبيروح واخدين كارم على المستشفى 

وفي المستشفى سيد بيكلم سليم وبيقول 

سيد

انت تسيب كل اللي في يدك وتيجي حالا المستشفى خيك اطخ ولازم تجي علشان تاخد طارو 

اول لما سليم بيسمع كده بيتصدم 

سليم 

حديث ايه اللي انت بتتحدثه انت اكيد بتهزر كارم ايه اللي حصل له  كارم زين وكويس 

سيد

انا مش عاوز حاجه حديث  كتير انت تسيب كل اللي في يدك حالا وتيجي المستشفي  سمعت وبعدها بيقفل الخط وهو لما بيقفل هنيه بتكون واقفه وراه بتسمع اللي حصل 

هنيه

هو في اي  يا سليم ايه اللي حصل وماله كارم اكيد اللي سمعته ده مش مظبوط 

سليم 

مش وقت الحديث ده انا لازم امشي حالا ما ينفعش اسيب ابوي لوحده اكده. وبالذات ان شكل الموضوع واعر ومش هيعدي ع خير 

وبعدها بيروح سايبها وبيمشي اول لما هنيه بتلاقي كده بتروح داخله عند وهدان وبتقول لي 

هنيه

الحق ابوي حمايا لسه مكلم سليم وقال ان كارم حد طخو  بالنار احنا لازم نروح ليه المستشفى حالا ونطمن عليه 

وهدان 

واه واه اي الاخبار دي ربنا يجيب العواقب سليمه لا اله الا الله معقول يحصل اكده في يوم تعرفي فيه انك حبله  امشي قدامي يا بنيتي خلينا نطمن على اخو جوزك ما ينفعش نكون قاعدين اهنه وهمه لحالهم في المستشفي 

وبعدها بيروح واخدني وبنمشي في الوقت ده عند ناهد بتدخل عند محروس وبتقول 

ناهد

الحق يا محروس اني لسه كنت تحت وسامعه خيتك بتقول ان كارم اخو جوزها حد طخو والدنيا شكلها هتقوم متقعدش يا تري مين الي عمل اكده ومستغني عن عمره 

واول لما محروس بيسمع كده بيروح قايم من مكانه بسرعه وهو مخضوض ووشو اتخض وقال 

محروس 

هو انت متاكده من الكلام اللي انت لسه قايله ده يعني لقو كارم  يا وقعتك المربربه يا محروس 

واول لما محروس بيقول كده ناهد بتبص ليه بشك وبتقول

ناهد

هو انت مالك عامل كده ليه هو انت كنت تعرف حاجه عن الحوار دا وكنت عارف ان كارم انطخ 

محروس بتوتر

حديث اي الي انتي بتقوليه اني زي ويك اهو حتي اتصدمت لما جولتي ليا ان كارم حصل في اكده 

ناهد

بس الي اني شايفاه غير اكده خالص وشايفه ان انت  من ساعة ما دخلت عليك وانت مش طبيعي وكانك مخبي حاجه عليا 

محروس

بقول لك معرفش حاجة سيبيني في حالي وخلي الي جوا جوا مش عاوز حديث ملوش عازه كتير 

ناهد

انا مش هسيبك غير لما اعرف الحقيقة انت كنت فين النهارده من بدري وليه رجعت الدار وانت شكلك خايف اكده وكانك مخبي عليا حاجه واعره 

هو انا خبراك  زين وعارفه جوزي ع اي 

محروس 

بقولك اي وسعي من وشي اكده وبطلي حديثك الي ملوش عاده دا وامشي من وشي دلوقتي بدل والله ما تعرفي وقتها انا ممكن اعمل فيكي اي 

واول لما ناهد  بتسمع كده بتخرج  وبتسيبو

وفي المستشفي بيوصل وهدان ووقتها بيسمع سيد بيتحدث مع سليم  وبيقول 

سيد 

انت. هتسمع الحديث الي اني جولتلك عليه وحق ولدي اني هعرف هاخدو من وهدان  وولادو كلياتهم وان ما خليتو يندمو انهم يعملو في ولدي اكده ما ابقاش سيد 

انت تروح تجيب مرتك من هناك وهتعمل كل الي جولتلك تعملو 

سليم 

اهدي يا بوي مينفعش الي الحديث الي انت بتجولو دا حتي لو محروس الي عمل اكده في اخوي مرتي ملهاش ذنب في كل الي حصل 

واول لما وهدان بيسمع كده بيتصدم وبيقول 

وهدان 

حديث اي  الي بتتحدثو يا سيد وجصدك اي بالحديث دا  

وهدان 

اهلا هو انتم شرفتم ما انتم صح بتقتلون القتيله وتمشي في جنازته بس انتم مفكرين ان انتم لما تيجوا تقفوا معانا في حاجه زي كده هنسيب حقنا تبقى لسه مش تعرفونا زين وحقي وحقي ولدي اللي جوه مش هنسيبو واصل 

وهدان

واه واه حديث اللي انت بتتحدث واحنا مش فاهمين اي حاجه من ان انت بتقوله ده هو انت عاوز ترمي بلاكك علينا ولا ايه جول حديث غير دا عاد  ولولا ان ولدك واخد بتي كنت اتحدثت حديث تاتي وياك وبالذات عارف زين مين هو وهدان 

سيد

اعلى ما في خيلك اركبه ما انا مش هلبس طرحه واقعد كيف  الولايه  واسيب حقي ولدي يتاخد اكده بدل ما انت بتتحدث كده من غير ما تعرف ايه اللي حصل ولدك طخ ولدي وهو دلوقتي جوه بين الحياه والموت ومستني الدكتور يخرج  ويطمني 

واول لما بنسمع كده بنتصدم

هنيه 

حديث اللي انت بتتحدثي ده يا عمي واي الي ظخل اخوي في حاجه زي دي اكيد في سوء تفاهم 

ومحروس خيي مستحيل يعمل الكلام ده 

سيد

الحديث دا تتحدثيه  لو مش معايا دليل باللي هو عمله

وكمان متصور وانت يا سليم خد البنت دي الدار حالا لحد لما اشوف نعمل فيها اي

وهدان

اهدي يا سيد وبلاش حديثك اللي انت بتتحدث ده انت عارف كويس ان وهدان مستحيل يسمح بحاجه زي كده ويخلي حد ياذي ظفر من ولاده خلينا نتكلم بالعقل  وبالذات المصالح اللي بينا واعره 

سيد

يغور كل ده انا ما يهمنيش انا كل اللي يهمني اني هفضل رافع راسي واخد ولدي وكل نقطه دم نزلت منيه هدفع ولدك تمنها 

وفي الوقت ده بيخرج الدكتور وبيقول 

الدكتور 

للاسف الحاله  اللي جوه توفت البجيه في حياتكم 

هو بيروح الدكتور مخلص كلامي وبيروح ماشي واول لما هنيه بتسمع كده بتحط يدها على راسها

وبتقول 

هنيه 

يا مرك الطافح يا هنيه يا مصبتي بيتك اتخرب جبل ما يبتدي

سيد 

ولدي  لااااا والله لا دفع الكل تمن الي حصلك وحجك هاخدو منيهم كلهم اها يا ولدي 

وفي الوقت دا بيكون سليم واقف مصدوم ومش عارف يعمل ايه 

وهدان 

اهدي يا سيد اني عارف المصيبه الي حصلت كبيره بس اني متاكد اني ولدي  مستحيل يعمل اكده 

سيد 

اخرس خالص في اي كلام انت هتقوله مش هيفيد حاجه وانا مش هسيب حقي ولدي مهما حصل وانت يا سليم انت هتفضل واقف كده ودي الحلوه مرتك على البيت لحد ما فوق لها واشوف عمل فيها ايه 

وهدان

ومين اللي هيسمح لك بتعمل حاجه زي كده انا بتكلم بالعقل وبالذات اللي احنا بينا نسب واللي بينا اكبر من كده بكثير وانا بقول لك تاني الدم ما لهوش عاد واي حاجه انت تطلبها هتكون عندك 

سيد

ولا كنوز الدنيا كلها تعوضني على الي حوصل في ولدي واني ما خليتكم تبكي بدل الدموع دم ما بقاش سيد 

وهدان

واعمل اللي تعمله يا سيد انا ما بخافش من حد وانت عارف كده زين مين هو وهدان  مشي يا بنتي قدامك قال فاكرها سايبه ايه ان انا اسيبك ليه فدا 

دا اقطع من جسمي اكده ولا اني يوحصلك حاحه 

وبعدها بياخد هنيه الي كانت عماله تعيط وبيروح ماشي وساعتها سيد بيقرب من سليم وبيمسكه من هدومه جامد وبيقول 

سيد

هو انت ازاي يا ولد المخروب تخليها تمشي اكده من غير ما تصمم غل رايك وتاخدها البيت عندينا 

هو الي مات دا مش خيك واللي عمل فيه اكده اخوها

سليم

اني مقدر كل اللي انت بتقوله بس هنيه ملهاش ذنب في كل اللي حصل وانا انا ليا ذنب في اللي اخوها عملوا في خيي مش هناخد ذنب حرمه في الرجلين وبالذات ان هي شايله حته مني 

سيد 

انت اتجننت اياك حديث اي الي انت بتتحدثو هو انت لسه بتفكر في بنت المخروب  والي اخوها عملو وبدافع عنيها كمان انت شكلك اتحننت واصل وبدل ما تفكر طيف ناخد حق اخوك واقف تتحدث حديثك الماسخ دا

سليم 

يا بوي حرام عليك الي انت بتجولو د

انا مش بدافع عن اللي محروس عمله يا ابوي وانا اول واحد عارف ان اللي عمله مصيبه بس هنيه ملهاش ذنب في اللي حصل وكمان هي حامل وانا مش هقدر اكسر قلبها ولا اسيبها في وقت زي ده  وبالذات بقا بنا حاحه كبيره 

سيد

حامل ولا مش حامل يغور كل دا  انا مش شايف قدامي غير دم ولدي اللي لسه نازل قدام عيني والمفروض تكون مضايق انت كمان مس تفكر في اخت الي عمل فينا اكده 

سليم

يا بوي حرام عليك الحديث الي انت بتحولو دا وبالذات انت عارف زين كان غالي عليا  جوي ومش هنسى اللي حصل بس حقه مش هيتاخد بظلم واحد ملوش ذنب وهنيه وولدي الي في بطنها ملهومش ذنب في كل دا 

سيد

انت كده خيبت ظني فيك يا سليم انا كنت فاكر انك اول واحد هتقف جنبي وتطالب بحق اخوك لكن طلعت واقف قدامي وبتدافع عن اللي اهلها عملوه

سليم

هنيه مش اللي عملت يا ابوي ولو عايز تاخد حق كارم انا مش هقف في طريقك بس متطلبش مني اظلم مراتي  وبالذات اني مستحيل ارضي بظلم ولا اخد حدا قصاد حدا 

وبيقاطع كلامهم البوليس وهو جاي وبيقول 

الظابط 

المستشفى حدثتنا وجالت انت ما بتتهمش حد في الي عمل اكده في ولدك 

سليم لسه جاي يتحدث بيقاطعو سيد بجمود وقال 

سيد 

لا يا حضره الظابط احنا منعرفش مين الي عمل في ولدي اكده  انا  اتصدمت لما لجيتو واجع سايح في دمه واول حاجه عملتها جبته اهنه طوالي

الظابط بضيق 

يا سيد كلامك  بيقول ومنظرك يقول ان انت عارف مين الي عامل في ولدك اكدم ولو مفكر ان انت ممكن  تدخل الامور التار كده عادي والبلد. ما فيهاش حكومه انت أكده الي هتروح في داهيه 

سيد بجمود

على ما اظن انا قلت كل اللي عندي ومفيش كلام تاني اقدر اقوله وانا قلت كل اللي انا اعرفه ولو انتم عارفين حاجه اتفضل اعملها انا ما ليش صالح 

الظابط 

تمام عل العموم انا هنتظر اني انت تيجي المكتب عندي ولو عرفت اي حاجه تساعدنا في حل القضيه 

انا هروح الدكتور علشان يفهمني الامور ماشيه ازاي 

وبعدها  الظابط بياخد بعضو وبيمشي واول لما بيمشي سليم بيقرب منه وبيقول بضيق 

سليم 

مكنش في داعي اللي انت عملته ده يا ابوي طالما معاك دليل ان محروس عمل اكده كنت قدمتو والحكومه كانت اتصرفت بدل الي انت بتفكر في دا عاد

سيد بحده 

اخرس خالص احنا من ميتا والبلد بتدخل الحكومه في امور  زي دي طار ولدي محدش هياخدو الا انت سمعت ولا لا ولو مفكر ان علشان فيه بيناتنا نسب اسكت تبجي عبيط 

سليم  بضيق 

اني هروح هشوف الدنيا وصلت لايه وميتا نستلم جثه كارم وبعد كده نبقي نتحدث 

وبعدها سليم ودبيمشي وهو متضايق وشايل هم لدالدنيا كليتها لو كان ع جبل كان اتهد بيه 

ومش خابر يتصرف كيف في المصيبه دي

وفي الوقت دا عند وهدان بيوصل البيت واول لما بيوصل بيجول بعلو صوته 

وهدان 

انت يا محروس انت انزلي حالا  انت متعرفش اني هعمل فيك ايه عاد على المصيبه الي انت هببتها دا

واول لما محرزس بيسمع صوت ابوه بيتنفض وبيروح نازل  ورجلو مهياش شايلاه

محروس بخوف 

خير يا بوي مالك اي الي حصل اول مره تتحدث وياي اكده 

انا عملت حاجه تزعلك 

وساعتها وهدان مبيردش عليه وبيروح مقرب من محروس وبيروح ماسكو من هدومو جامد وجال 

وهدان

هتعمل حالك عبيط وانت مش فاهم حاجه عل اساس بعد ما عملت عملتك المهببه مفكر محدش هيعرف 

الله يخربيتك وديتنا في داهيه هو انت كيف تعمل في كارم اكده 

محروس بدموع 

ابوس يدك يا بوي ما تسبنيش لسيد اني وما خبرش انا عملت كيف كده ازاي لحد دلوجتي كانت لحظه شيطان والله 

ولو يرجع بيا الزمن مكنتش عملت اكده واصل 

وفي الوقت دا بتكون واقفه ناهد وبتسمع اللي حصل وبتروح قايله 

ناهد

يا مرك يا ناهد بقى جوزك ايدو اتلطخط بالدم اياك وانا جولت برضو  حالك متبدل اليوم دي مش عادتك كنت مكذبه نفسي هيه حصلت يا محروس تعمل الي عملتو دا 

وهدان 

قفلي خشمك يا بنت انت ما بقاش الى الحريم الا يتكلمو عاد وانت يا سي محروس عاجبك اللي حصل بعد ما الفاس وقعت في الرراس ده انت وانت عملت حساب لخايتك اللي بسببها بيتها يتخرب من تحت راسك 

واول لما هنيه بتسمع اكده بتصرخ وبتقول

هنيه 

اني ما ليش صالح في كل اللي بيحصل ده اني مش عاوزه من الدنيا الا جوزي طلعونا من حساباتكم وعاوزه ابني ولا بنتي يجوا الدنيا بخير والغلط المفروض يتصلح وانت يا محروس المفروض تروح تسلم حالك الشرطه ع الي انت عملتو 

وهدان

انت اتجننت اياك الكلام اللي انت بتتحدثيه انت عاوزه ترمي خيك في السجن طول العمر ولا ايه ولا حبل المشنقه تاخده مننا انت تنسي  سليم خالص وكانت ما اتجوزتيه والعيل الي في بطنك ده لازم ينزل 

واول لما هنيه تسمع كده وتحط ايديها على بطنها وبتقول 

هنيه 

لا طبعا حديث اي اللي انت بتتحدثه انا مستحيل اعمل كده وابني هيجي للدنيا ونعيش انا وهو وابوه انسم خالص اللي انا ممكن اوافق على الحديث ده 

وهدان

تبقى اتجننتي لو فكرت بحاجه زي كده انت عارفه اخوك عمل ايه او اخوك قتل اخو جوزك ومستحيل حد يوافق يعيش مع السبب في بعد اخوهم عنيهم وانا مش مستغني عنك ولا انت مش سمعتي كلام حماكي واللي جاله وقتها 

هنيه

انا واثقه من جوزي زين واثقه ان هو بيحبني ومستحيل يخلي اي ضرر يحصل ليا ولا اللي في بطني لو ايه حصل 

ناهد

هو انتي  ايه مش بتفكري اللي في نفسك واحده غيرك اول لما تعرف ان اخوها عمل اكده تقف جنبيه  مش تقف وتقول الحديث ده 

محروس

بالله عليك يا ابوي ما تسيبنيش الحبل المشنقه انا لحد دلوقتي ما اعرفش انا عملت  اكده ازاي مش معقول هتخسر ولدك الوحيد امده

هنيه بجمود

انت غلطت والمفروض اللي غلط  ياخد عقابه دا الي عارفاه

وهدان

اخرسي خالص مش عايزه اسمع لك حس واطلع على اوضتك دلوكتي لما اشوف حاجه في المصيبه دي اي وافوق ليكي واشوف هنعمل ايه ليك انت كمان 

هنيه 

اني بقول لك اهو يا بوي ملكش صالح بيا ولاالي في بطني علشان انا مستحيل اخليه يحصل ليه اي مكروه ويا ريت تطلعني انا وسليم من حساباتكم دي خالص 

وبعدها هنيه بتاخد بعضها بتطلع لفوق مش مصدقه ان هي من كام ساعه كانت الفرحه مش سعياها وفجاه الفرح  اتقلب حزن 

محروس

هنتصرف ازاي يعد يا بوي في المصيبه ديت انا خايف لا الاقي البوليس فوق دماغي دلوقتي وياخدوني وساعتها ممكن يحصل لي حاجه انا مستحيل استحمل نومه البرش ولا السجن دقيقه واحده 

وهدان

هدي حالك يا ولدي انا عارف سيد زين مستحيل دخل الحكومه ما بينا اكيد كل اللي بيفكر فيه دلوقتي كيف يجيب حق والده منينا اني عاوزك اليومين دول ما تخرجش من البيت لحد لما نشوف هنتصرف كيف ونشوف حل معاه ممكن نوصل للصلح ما بينهم وبالذات ان احنا ما بينا 

نسب

ناهد

جول اللي انت بتهزر يا عمي وان انت عاوز تخلي محروس كيف الولايه  في القصر انت عارف زين سيد مستحيل يفكر ان يتنازل عن حقو وحق ولدو الي راح وانت عارف كارم كان بالنسبه   لابوه اي عاد 

وهدان 

هو انا مش قلت لك عادي ما تفتحيش خشمك  خالص  ومش عاوز حديث ملوش لازمه عاد امشي من قدامي دلوجتي 

لحد لما اشوف المصيبه الي هلت علينا كيف 

واول لما ناهد بتسمع كده بتخاب وبتطلع علي فوق بسرعه 

وهدان 

بقولك اي اجمد اكده الي حصل حصل بس بسبب العمله الي عملتها الدنيا هتخرب فزق دماغنا وبالذات الي كان بيناتنا مصالح ملهاش اول من اخر مع سيد وبسبب حركه غبيه منيك ضيعت كل حاجه وخربت بيت خيتك 

محروس

ابوس يدك يا بوي سامحتي اني من ساعت الي حصل وانا مش عارف اتلم ع جتتي ومش مصدق اني عملت اكده 

وهدان بضيق 

الي حصل حصل وادعي اني سيد ربنا يهديه وميدخلش موضوع التار دا في دماغو علشان لو دا حصى هتبقي خراب علي الكل وشكل الايام الي جايه مش هتبقي زين 

واول لما محروس بسمع كده بيسكت وكان بيتصورلو الي هيحصلو في الي جاي

الفصل الثاني من هنا