رواية قمر اسود الفصل الاول
بالليل بعد الساعة 12 نص الليل وقت ما مصر خدت بطولة افريقيا. ووسط احتفالات الجمهور المصري كان وسط الاحتفالات دي عربية اسعاف مشغله السرينة بتاعتها وبتجري باقصي سرعة ناحية مستشفي الحروق. وسواق الاسعاف بيقول في ميكروفنه
وسعو الطريق للاسعاف معانا حاله طارئة
والعربيات بدات توسع من وش عربية الاسعاف. وهو دايس بنزين علي الاخر وشاف قدام منه وهو سايق القمر اللي كان منور بدر في تمامه نزل لتحت شوية وبدا يقرب من عربية الاسعاف. اتصدم السواق وقال
اية اللي بيحصل دة
وفجاة بقي قمر اسود وسمع صرخة المريضة اللي كان بينقلها في العربية صرخة وجعت له ودانه وبسببها النور اتقطع في الشارع والاحتفالات انتهت وحتي فوانيس العربيات اللي كانت بتحتفل انطفت المنطقة بقت ظلمة كحل. والاستغراب كان حال كل الموجودين حوالين عربية الاسعاف. اللي سواقها داس فرامل. واستمر الحال دة لمدة 10 ثواني وبعدها القمر رجع منور تاني. وبقي في مكانه والنور رجع للعربيات والمنطقة الكل كان بيبص ل بعضة وسواق الاسعاف سمع صوت المسعف اللي كان قاعد وراء مع المريضة واسمه بسيوني اللي قال
وقفت لية يا اسطي عادل
عادل بص له من شباك صغير يفصل بينهم وقال
هو انت ما حستش باللي حصل
بسيوني باستغراب
هو اية اللي حصل
عادل
القمر نزل لتحت وكنت هخبط في
و بقي اسود والنور قطع في المنطقة كلها
بسيوني بص للقمر من الشباك الضعير اللي بينه وبين كابينه السواقة ولقي بدر في تمامه فقال
انت باين عليك عايز تنام
عادل بحدة
بسيوني انا ما بخرفش ولو مش مصدقني افتح باب الاسعاف وشوف الاحتفالات ازاي وقفت وان''''''''
لكن عادل بص جنب منه لقي الشارع زي ما كان والاحتفالات في زي ما هي ولا كان حاجة حصلت كان هيتجنن نزل من العربية وبدا يبص حوالين منه وهو زي المجنون. فتح بسيوني باب الاسعاف اللي وراء ونزل ل عادل وقال
يعني انت اخرتها اية معاك دة وقت توقف في العربية واحنا معانا حاله بين الحياة والموت
بص عادل ناحية الحالة اللي كانت امراة في الاربعينات من عمرها اسمها هند عزام صاحبة اكبر كوافير في القاهرة واللي كانت محروقة حروق من الدرجة الرابعة. في جسمها كله تقرييا و قال
الحالة دي صرخت وبعد ما صرخت النور قطع في المنطقة كلها.
بسيوني قلق و بص ل هند ورجع بص ل عادل وقال
انت هتقلقني لية انا قاعد جنب منها من ساعة ما خرجنها من شقتها وما سمعتهاش صرخت
عادل
لكن انا متاكد انها صرخت ومتاكد انها وراء كل اللي حصل
ورجعوا الاثنين يبصو لها من تاني وقال بسيوني
عادل كتر الكلام هيكون سببه موتها هي اولي بكل ثانية. خلينا نوصلها المستشفي ونبقي عملنا اللي علينا
عادل حط مفاتيح العربية في ايد بسيوني وقال
وصلها انت. انا ماليش دعوي بالحالة دي انا مش مرتاح
وسابه عادل. ومشي وبسيوني فضل ينادي عليه لكنه ما ردش ورجع بسيوني بص ل هند. بصات مخلوطة بالشك والرعب والخوف لكن ضميرة المهني خلي يقفل باب الاسعاف اللي وراء وراح ركب مكان عادل. واتحرك بالعربية قاصدا المستشفي، ،،،،،،،،،
**القصة دي سمعتها قبل كدة عن طريق اليوتيوب وبيتقال انها قصة حقيقية ل صاحبة كوافير ماتت محروقة والله اعلم صحة الكلام دة. ويلا بينا نكمل الحلقة**
قمر اسود
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعدها بشوية هند جوة الرعاية المركزة ومتعلق لها محاليل واتعمل لها كل الاسعافات اللي ممكن تتعمل ل حد في حالتها ومن قدام اوضة الرعاية يقف دكتور شهاب ودكتورة سهام وكانت سهام بتقول ل شهاب
تفتكر اية اللي حصل وصل حالتها للوضع المخيف دة
شهاب
علي الكلام اللي جالنا ان هند دي عايشة لوحدها في الشقة اللي ولعت بيها وتقريبا هي فضلت وسط النار فترة كفاية تخلي عظم جسمها يتحرق
سهام
ازاي شقة جوة عمارة تحصل فيها حريقة كبيرة كدة وما حدش يلحق يطفيها دة احنا قدام حاله قعدت وسط النار تقريبا لمدة ساعة
شهاب
دة سؤال ملهوش اي اجابة عندي وافتكر ان اجابة السؤال دة هيكون من تخصص المباحث
سهام
انت بلغت
شهاب
مش انا اللي بلغت اللي بلغ بواب العمارة دة زي ما انا عرفت من بسيوني المسعف
سهام
تفتكر ان الحريقة دي تمت بفعل فاعل
شهاب
والله لية لا هند عزام شخصية عامة واكيد ليها اعداء وخصوصا ان الفترة الاخيرة عرفت عن طريق السوشيال ان في بينها وبين طليقها محاكم وقضايا كتير
سهام
ممكن يكون طليقها هو اللي ولع فيها
شهاب
الله اعلم بس يا خبر النهاردة بفلوس بكرة هيكون ببلاش
وفي الوقت دة يسمعوا صوت صفارة الاجهزة الحيوية الموصلة ب جسم هند كلها بتصفر بتعلن موت هند متاثرة بالحروق ،،،،،،،،،،،،
هنرجع بالاحداث شوية قبل ما شقة هند تولع ب سنة. كانت هند واقفة في الكوافير بتاعها وبتظبط شعر عروسة اسمها عزة. وكانت العروسة دي فرحانة جدا ان هند عزام هي اللي بتعمل لها شعرها وكانت عزة كل شوية تبص ل هند وهي مستغربه انها عندها. فلحظت هند بصات عزة ليها وقالت وهي مبتسمة
مالك يا عروسة عماله تبصي لي وحاسة انك مستغربة اللي بيحصل
في الوقت دة ردت اخت العروسة واسمها حنان. وكانت قاعدة في الكرسي اللي جنب منها وهي كمان بتعمل شعرها وقالت
اصلها مش مصدقة انك انتي بنفسك اللي بتعملي شعرها. دة نجمات مصر كلهم بيعملو شعرهم عندك
هند ضحكت وقالت. وهي بتبص للعروسة في المرايا
وهي العروسة تفرق اية عن نجمات مصر لا هما احلي منها ولا هي اقل منهم
عزة بضحكة عريضة
تسلمي يارب. ربنا يخليكي
هند ابتسمت وماردتش وكملت اللي بتعمله في شعر العروسة. وقصت خصلة من شعر العروسة وبصت للخصلة بصة مش مفهومة وحطتها في كيس اسود جنب منها ورجعت تاني تبص للعروسة. وهي بتضحك، ،،،،،،،
وتخرج العروسة من الكوافير وسط زفة كبيرة وفرحة ما بعدها فرحة.
وينتهي فرح عزة وبعدها بيوم بالظبط وبعد الساعة 2 ص. يصحي جوزها لبيب علشان يبص جنب منه علي السرير يلاقي فاضي اتعدل شوية وقال
عزة. انتي فين
لكنه ما يسمعش رد فقال ل نفسه شكلها في الحمام
ورجع بغمض عيونه تاني واول ما يغمض عيونه يسمع صوت طرفة البالكونة بيتفتح اتصدم واتعدل وقال
عزة. داخلة البالكونة دلوقتي لية
لكن برضو ما حدش رد استغرب اكتر وقال
عزة
وقام من فوق السرير وخرج من الاوضة ولقي بقع دم علي الارض البقع جاية من المطبخ لغاية البالكونة وكأن حد مصاب كان ماشي والدم بيتساقط منه. راح بسرعة ناحية البالكونة علشان يلاقي قمر اسود وراء عزة اللي واقفة علي السور. وظهرها لي وذراعها بيجيب دم وبتبص للقمر وبتضحك صرخ فيها لبيب وقال
عزة بتعملي اية
بصت له عزة و ،،،،،،،،،،،،،
