رواية قمر اسود الفصل الثاني
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وقام لبيب من فوق السرير وخرج من الاوضة ولقي بقع دم علي الارض البقع جاية من المطبخ لغاية البالكونة وكأن حد مصاب كان ماشي والدم بيتساقط منه. راح بسرعة ناحية البالكونة علشان يلاقي قمر اسود وراء عزة اللي واقفة علي السور. وظهرها لي وذراعها بيجيب دم وبتبص للقمر وبتضحك صرخ فيها لبيب وقال
عزة بتعملي اية
بصت له عزة و رمت نفسها، ،،،،،،،
بعدها بكام دقيقة يقف لبيب قصاد الرعاية المركزة وتيجي عيلة عزة الاب والام واختها حنان اللي وقفت قصاد لبيب وقالت بحرقة شديدة
عملت اية في اختي يا لبيب
بص لها لبيب وهو منهار وقال
والله ما عملت حاجة.
مسكته حنان من لايقة القميص وهي بتقول
يعني اية. طلعت في دماغها تصحي من النوم وترمي نفسها من البالكونة. اكيد شافت منك اللي يخليها تعمل في نفسها كدة.
وداست اوي علي رقبته وقالت
انطق يا لبيب عملت اية في اختي
ابوها ادخل وشال ايدها بعيد عن لبيب وهو بيقول
مش كدة يا حنان يا بنتي. لبيب بيحب اختك. ومستحيل يعمل فيها حاجة تأذيها
حنان وهي منهارة من العياط
يعني اية بس يا بابا اختي مش مجنونة علشان تعمل في نفسها كدة من غير سبب
لبيب بعصبية
ولا انا غبي علشان اعمل في عزة اللي يخليها ترمي نفسها من بالكونة. احنا جيران من سنين ازاي،،،،،،
هنا يظهر الدكتور المعالج. ل عزة وكان باين علي وشة الحزن راحت له حنان وقالت
انا ممرضة واسمي حنان وممكن اساعد في علاج اختي عزة
الدكتور
احنا عملنا اللي نقدر عليه. لكن البقاء لله
صرخت حنان ولطمت ووقعت علي الارض مش مصدقة اللي حصل ل اختها، ،،،،،،،،
ونرجع تاني ل هند في المستشفي وقصاد منها يقف الدكتور شهاب وقصاد منه تقف حنان وكان شهاب بيقول. ل حنان
شيلي الاجهزة من علي جثة هند. وجهزيها للدفن طالما ملهاش اهل يستلموها
وبصت حنان ل جثة هند المشهوة وقالت وهي جسمها مقشعر
لازم انا اعمل كدة
شهاب
افندم
حنان
المنظر بشع يا دكتور وانا مش قادرة استحمل المنظر
شهاب
انتي شغاله في مستشفي الحروق يعني المفروض انك تكوني متوعدة المنظر دة
حنان
انا منقوله ليكم جديد. وما عرفش ان الشكل ممكن يكون كدة
شهاب بحزم
لا اتعودي بقي. ودلوقتي جهزي الجثة للدفن دة لو ما كنش للمباحث راي تاني
وسابها شهاب وخرج ورجعت حنان تبص تاني لجثة هند وهي مش قادرة تستحمل المنظر وقربت منها علشان تبدا تشيل الاجهزة من ايدها لقت ايد هند مسكت ايدها اتفزعت حنان وصرخت صرخة مدوية فتحت هند عيونها وقالت بصعوبة
انا فين
حنان سحبت ايدها من ايد هند وخرجت من الاوضة جري وسابت هند لوحديها بتتوجع. ورجعت بعدها بلحظات ومعها دكتور شهاب اللي ماكنش مصدق انها رجعت تاني للحياة بعد ما الاجهزة اعلنت ان كل مؤشرتها الحيوية وقفت وبدا يكشف عليها وانتهي وسمع هند بتبص له وبتقول
هو انا فين ومش قادرة اتحرك لية
شهاب
انتي مش فاكرة اللي حصل. والنار اللي حرقت شقتك
هند وكانها بتفتكر اللي حصل وقالت
دي الحريقة اللي كان سببها القمر الاسود
شهاب بص ل حنان باستغراب شديد وقال
اية القمر الاسود دة
هند ما قدرتش تتكلم وفضلت ساكتة من شدة الوجع بص شهاب ل حنان وقال
اديها الادوية بشكل منظم والليلة دي هتباتي معها.
حنان
ابات مع مين
شهاب بحدة
جري اية يا حنان هو انتي جاية هنا تهزري دة شغلك.
حنان
ما يا دكتور ممكن تشوف لها اي حد تاني
شهاب
ما فيش حد يقعد معها غيرك احنا الليلة دي عندنا عجز في عدد الممرضات.
وسابها شهاب تاني ومشي. وبصت حنان ل هند اللي كانت بتقول
عايزا اشرب
حنان
مش هينفع تشربي دلوقتي
هند
طيب انا محتاجة اتكلم يمكن ربنا يرحمني
حنان
الكلام غلط عليكي انتي تعبانه
هند بصعوبه
هبقي كويسة لما اتكلم ممكن تسمعيني
حنان سحبت كرسي وقعدت قدام منها وقالت
طيب هتتكلمي شوية وترتاحي شوية
هند
لما اتعب من نفسي هسكت. بس دلوقتي السكوت مافيهوش راحة ليا انا عايزا احكي وحكايتي يعرفها كل الناس منك يمكن اللي ظلمتهم يكونو من اللي سمعوا حكايتي ويسامحوني
وكحت هند وبعدها قالت
انا ظلمت ناس كتير وعملت كل اللي يغضب ربنا وبقيت عبدة من عباد القمر الاسود. لكن برضو اللي حصل فيا ما كنش قليل،
ونرجع بالزمن لسنين طويلة. ومن جوة بيت عيلة من دورين في منطقة الحسين يعيش في اول دور الشيخ عزام. ومراته خديجة والد ووالده هند. وفوق منهم بيعيش اخوه سيد ومراته دلال. وكانت دلال واقفة في شباك اوضة نومها وبتتسنط علي الحوار الداير بين عزام وخديجة وبعد كام دقيقة خرجت من الاوضة وراحت ل سيد اللي كان بيحشش وقالت له
شوفت المصيبة اللي حصلت
بص لها سيد وقال
مصيبة اية يا قدم الخير
دلال
مرات اخوك طلعت حامل في بنت
سيد باستغراب
كلام اية دة يا ولية. هو الحشيش اللي بحرقة في الشقة طلع علي دماغك
دلال
سيد انا فايقة وعارفة انا بقول اية ولسة سامعة الهانم مرات اخوك بتحكي مع جوزها في الحوار دة
سيد
ودة بس حصل ازاي وهي متجوزة اخويا من 11 سنة وما حملتش بعد كل العلاج اللي خدو
دلال
انا عارفة بقي. ما هو انا ناقصة هريت قلب
وبدا الغضب يبان علي ملامحها فقال سيد
واية بقي اللي يهري قلبك
دلال بعصبية
هو دة سؤال برضو دة انا كنت صابرة وساكتة وكاتمة في قلبي وهي عاملة زي الارض البور وقولت هي معها المال وانا معايا البنون ودة بقي يبقي عدل ربنا. انما دلوقتي يبقي معها المال والبنون. لا. دة ما يرضيش ربنا
سيد اتصدم وحس ان اللي قدام منه شيطان رجيم مش مراته وقال
هو اية يا ولية اللي ما يرضيش ربنا. انتي هتخشي في حكمته وتوزيعه لرزقة بين عبادة
دلال وهي بتبص لسيجارة الحشيش اللي في ايد سيد وقالت
مش لايق عليك دور الواعظ يا عم الحشاش
سيد بص للسيجارة وقال بصوت مخنوق
انا بحشش علشان انسي الديون. وطلباتك وطلبات عيالك والهم اللي علي دماغي. لكني عمري ما اعترض علي حكمة ربنا في توزيع رزقة.
دلال
طول عمرك خيبان. وماعندكش نص مخ اخوك اللي بيمسك التراب يقلبو ذهب
سيد بص لها وهو بياخد نفس من سيجارة الحشيش
ربنا يزيدة كمان وكمان
دلال بحسد وحقد مخيف
يزيدهم مال. انما مال وبنون لا.،،،،،،
وبعدها بيومين يقف راجل اسمه خليل معروف في المنطقة بانه دجال. قصاد باب ورشة عزام ويبص له عزام بقرف شديد ويقول
عايز اية يا خليل
خليل ابتسم ابتسامة خبيثة وقال
جاي ابارك لك علي اللي في بطن مراتك
اتصدم عزام وقال
انت عرفت ازاي ان مراتي حامل
خليل
مش مهم انا عرفت المهم هي حملت ازاي اصلها حملها مش حمل عادي
برق عزام وخليل كمل وقال
مراتك حملت ب سحر سفلي مربوط بالكواكب معروف باسم قمر اسود. انا مش عارف اية يخلي مراتك تعمل كدة ومن وراك يا شيخ عزام
عزام مسك رقبة خليل وقال بعصبية
بتقول اية يا نصاب يا ابن الكلب . مراتي ما تعرفش سكة السحر والاشكال اللي زيك
خليل ضحك وسنانه السوداء اللي نفس لون قلبه بانت وقال
بجد اومال العضم اللي محطوط عليه طلاسم فوق دولابك بيعمل اية
اتصدم عزام اكتر وقال
انت كذاب
خليل بثقة
دولابك مش بعيد روح وشوف بنفسك
عزام اتوتر ومبقاش عارف يصدقه ولا يكذبه لكن عزام قرر يروح يشوف بنفسه وفعلا مشي من الورشة وراح يشوف اللي قاله خليل وخرج خليل وراء منه وعلي وشة نفس الابتسامة الملعونه وهنا تظهر دلال اللي بصت له وضحكت، ،،،،،،،،
ومن جوة شقة عزام ووقت ما كانت خديجة بتروق الشقة يفتح عزام باب الشقة وهو متعصب بصت له خديجة وهي مستغربه وقالت
عزام راجع لية بدري كدة
لكن عزام ما ردتش عليها ودخل ل اوضة النوم وبص للدولاب وجاب كرسي ووقف فوق منه ومد ايدة ناحية الدولاب ومسك كيس اسود بص للكيس وفتحة علشان يلاقي جوة منه. ،،،،،،،،
