رواية حين تتغير الاقدار الفصل الواحد والعشرون بقلم سناء الهموندي
خوه غلام وتمار
الخوه خيمة عرب للصاحب البردان
الخوه زاد وملح مو بس كلام اللسان
الخوة راية بخت مرفوعه بالميدان
الخوه شجرة ثمر وبمحبتك اغصان
الخوة وردة عشك ومعطرة الاكوان
الخوة بلبل فرح ويغرد الالحان
الخوه شمعة وفة وتنور الازمان
ابو علي : انت شتحج حجي انت تعرف ام فالح منه وبينه ولا تنسه ابهاتنه ولد عم يعني ام فالح بت عمنه وبعدين الفقر مو عيب ولا حرام وانا الي الشرف اخذ منك وهاي كدام الكل اطلب منك غصون لعلي ابني بس شمس حالهه حال غصون اخذهه التمار .
تمار : عمي من حجه كمت على حيلي من الاعصاب وجاي احجي بس ابوي اشرلي وهوه حجه وحجيه برد كلبي .
حكمت : أنا مو قصدي هيج بس انا اقصد عنده بنات عم خير من الله وبس يشور على وحده ياخذهه بعباتهه .
ابو علي : ماكو فرق خويه هوه هاوي البت .
تمار : اباوع على امي فرحت كلش عفت عمي و ابوي يحجون وانا طلعت .
هناء : مرت الايام ونزل غلام وراهه بيومين اندكت الباب الضحى فتحتهه احلام امي بلسوك وسلطان وغلام بلزرع وشمس تعجن وانا توني كملت طبخ وعمران يلعب جوه رجلي اخاف عليه ليحترك طبت تهاني ونهله وراهم خالتي تفاجات بجيتهم سلمت عليهم وحطيت حجاب على راسي وخالتي صاحت على الولد تفاجات بعمي فرقد وعمي صادق وأنور وازهر ومعتز وحتى حبيب جاي وياهم أنا ضليت مصفصفه مكاني عاد راحت احلام تسلم عليهم وانا هم سلمت وطببتهم جوه اخذتلهم ماي ودزيت حلومه على امي تصيحهه كعدو يسولفون وانا رحت أكمل غدايه شمس وسلطانه كعدن يم خالتي يسولفن ويضحكن وخالتي طلع بهل هدايه وتنطيهن وهنه فرحانات اجتي امي وتلكتهم بلسلام وحجي وسوالف أنا أخذت العجين اختمر اخبزه للغده بس شنو ايدي ترجف احس الشغله صارت صدك كملت الخبز اجتي سلطانه تلمه وانا رحت ركض للحمام اغسل طلعت صليت وصبينه غده اجوي غلام وسلطان وفالح طلع رايح للولد للزرع تغدوا وشربوا جاي وانفتح موضوعي .
صادق : بويه فالح اسمع انت واخوتك الله شاهد معزتكم بمعزت ولدي وانا اليوم جاي اطلب منكم اختكم الجبيره لانور وانتوا تعرفون انور أكثر مني .
فالح : ونعم منكم عمي بس انت تعرف لازم تاخذ رأي عمامي .
غلام : عمي رضيعتي الكم بس الأصول ننطي خبر العمامي وانشالله انتوا باقين وانا باجر اروح أخبرهم .
صادق : كفو منك ومن تربيتك معدل على ابوك الله يرحمه .
غلام : يرحم موتاك حجي وفعلا ثاني يوم رحت لعمي محمود وهوه رحب بيه هوه ولده وكعدت شربت جاي وحجيت الله بلخير عمي .
محمود : الله بلخير يأبه شونه الدوام وياك .
غلام : زين عمي الحمدلله تعرف اليوم جاييك بموضوعين .
محمود : الاول اعتبره كضه انشالله بس الثاني شنو .
غلام : انشالله اليوم جاييك ابلغكم بأبو انور طلب اختي هناء لابنه الجبير وانتو كلكم تعرفوا كلش زين وهاي كدامك وكدام ولدك عمي اجيت أخذ رايك واريدك تبلغ عمامي هم .
ماجد : عمي هوه وين اكو احسن من بيت ابو انور تربيه واخلاق بلمهنه إنشاءالله مقدما .
محمود : فعلا ابو انور مربي جهاله احسن تربيه ومثقفين ابني توكلوا على الله وانطوهه وانا مكان عمامك اجاوبك .
غلام : تسلم عمي بس ماكتلي سويت بخصوص الموضوع الجيتك عليه .
محمود : حاجيت عمامك وقسمنه الورث وعمك صلاح كال يريد حكه من الكاع لو يريد البيت الجبير .
غلام : جا خوش أحنه كاعنه الحمدلله مكفيتنه .
محمود : خوش انتضر عمك صلاح يصفي أموره هنا ويشيل بغير ديره وانا اكول لو تجيب اهلك وتكعدون بلبيت احسن .
غلام : وانا هيج مفكر رجعت للبيت وبلغت امي بيت عمي صادق جانوا رايحين بيت ابوهم وباقيه بس خالتي ومرت عمي حازم الله يرحمه هم كلش تعبانه امي بلغت خالتي واسمع خالتي تهلهل عفتهم وطلعت كلت خاف عدهم سالفه رحت على تمار لكيته يشتغل يقلم بلاشجار وهله ويا مسوين حمله على الكاع تجيته من ضهره ضربته على جته قوي فز جان كلش مندمج .
تمار : اخ الله هاي سويت لك مو كطعت الخلفه مني وبعد مصير خال .
غلام : بستغراب شنووو.
تمار : بكلبي لا يا الله هاي اني جفصت يمعود قصدي جهالي لو اجو مو ايصيحولك خالو لان انت بمثابت اخوي .
غلام : لا يصيحولي عمو .
تمار : هم صحيح جا خل اشتغل لا اجفص غير جفصه .
غلام : اخذت منه المنجن وصرت اقلم ويا اباوع كبالي مسافه جم متر شي يتحرك بلعشب كلش عالي تمار كال رايح اجيب ماي وانا تقدمت طلعت نوره من بطن الزرع الحجاب مخربط ومطلع جم شعرايه شارده من الحجاب والخدود من الشمس محروكات وحركن كلبي ويه حركتهن والعيون اخخخ يلعيون صحتلهه شسوين هنا .
نوره : جاي اشتغل ويه امي وابوي .
غلام : هممم حجيت وختفه صوتي قربهه دمار عدلي حجابج لا يجي احد .
نور : بفهاوه عدلت حجابهه واجه تمار انطه ماي لغلام شرب ونور سألته منو عندكم اريد اجي لشمس اشوفهه .
غلام : بيت خالتي كلهم .
تمار : بفزه منو كلهم يعني .
غلام : شبيك خالتي وبناتهه ولدهه وحتى عمي فرقد .
تمار : كلبي لجمني أنا حاس معتز حاط عينه على شمس بس لا جاي يطلبهه والله اسويهه دمايه اليوصللهه هسه اني ليش كاعد أحلل بكيفي جاوبت غلام ها خوش شعجب كلهم جايين .
غلام : جاوبته طلبوا رضيعتي وصاحني ابو علي وعفته ورحت .
نور : شنو يعني طلبوهه .
تمار : باوعت بعصبيه لنور هسه هاي شجاوبهه وصحت لك غلام تعال يمعود .
ابو علي : اشتغل عندي شغل ويا رايحين لابو جبار انا ويا .
تمار : لا ياربي شيصبرني اعرف هسه شسوي باوعت لنوره وكلتلهه اوديج ترحين تشوفين شمس .
نوره : لا استحي بيتهم هسه هوسه وزلم .
تمار : هم صدك بس لا ماعتقد هسه موجودين الزلم لان غلام ميكدر يعوفهم وضليت اكل بكلبي لحد ما اجه اليل وبعد متحملت رحت لغلام وصلت طلعلي غلام طببني جوه ملتمين هوه ولد خالته سوالف وضحك البنات بلحجره الثانيه كعدت وياهم وانا اشوفهم كلش مندمجين وضحكهم ياربي حتى زحمه هسه اسال غلام ياهي من خواتك انخطبت كعدت نص ساعه كوه اجاملهم متحملت طلعت كتله الغلام رايح للحمام طلعت بلحديقه عسى ولعل تطلع شمس ماكو تالي رجعت جاي اطب يم الولد وطلعت شمس شايله عمران موصخ أيده يمكن جاي تغسله صدك راحت بتجاه الحوض وانا رحت وراهه يربي والله ماريد اخون صاحبي بس لازم اتاكد متصير الغيري صحت شمس رأسا التفتت إليه .
شمس :بارتباك وخوف تمار صحتني .
تمار : حجيت بجديه شوفي شمس أنا اعد ايام حتى تطلع السنه مال جديتي واجي اطلبج يعني خلي بالج اذا قبلتي بغيري والي خلقج اكتلج انتي ويا سمعتي لو اعيد حجيتهه بعصبيه وهيه كلمه منطقت بس واكفه وتهز براسهه بخوف والدموع مجمعه بعينهه يربي اتخبل اذا هاي العيون يسهر عليهن غيري وانا الاعدلهن ايام اغفه عليهن بلحلال .
شمسس : وو والله ممسويه شي ليش تصيح .
تمار : روحي طبي ونفذي الكلته .
شمس : غير افهم على شنو انفذ .
تمار : كتلج روحي ليطلع أحد ويفهمنه غلط راحت طبت وكلساع تلتفت عليه رجعت يم الولد وانصدم بفالح يكول .
فالح : من هسه اكلك اذا بجيت هناوي انسه انت صديقي واخويه تره هناء الغاليه على كلبي .
غلام : بضحك نسوي عليك حمله ونغتالك .
ازهر : وانا اغتاله وياكم حتى اخذ راحتي .
انور : بضحك مو اخوان عصابه وانت تمار متشاركهم .
تمار : لا طبعا شون اعوف عضيدي وطبطبت على جتف غلام .
غلام : كفوو منك .
شمس : من موقف تمار اخر مره صرت اتجنبه بكل مكان من يجي ماطلع وحتى جنت اروح نوبات يم نوره بطلت كمت ماروح رجعوا بيت خالتي كلهم ضلو بس تهاني وفالح واليوم كاعدين أنا وأمي والبنات غلام وسلطان طالعين فاجأنا فالح بطلبه .
فالح : يمه تعرفين أنا كاعد ايجار ومصرف البيت وراتبي ميكفي وهاي الشهر الثاني أنا مادافع الايجار وأبو الايجار يريد حقه .
جوريه : يايمه مو كتلك تعال عيش هنا .
فالح : ما اكدر يمه صعبه عليه وعلى تهاني .
جوريه : جا كلي شون هسه .
فالح : أنا اكول اذا عندج جم فلس تنطيني اسد حلك ابو الايجار بيهن .
جوريه : والله يايمه لو عندي ماعزهن عليك .
فالح : جا مو عندج الهايشه بيعيهه وانطيني أنا متوازي يمه .
جوريه : يمه الهايشه عايشين على حليباتهه شون ابيعهه .
فالح : بزعل هاي هيه يمه بكيفج .
جوريه : ثاني يوم بلسوك وانا كاعده افكر يربي شون هذا معتاز واخلي رحت على حجي بكر عنده خير من الله حلال وهوه ذيج المره انطاني سعر بالهايشه بس انا مارضيت رحت عليه وتفقت ويا راسن انطاني افلوسهه وكال العصر اجي اخذهه رجعت للبيت لكيت تهاني تلم بغراضهم كتلهه ها يمه خير .
تهاني : خلصت أجازت فالح ولازم نرد .
جوريه : اجه فالح العصر ونطيته الفلوس .
فالح : شنو هاي يمه .
جوريه : موش جوريه اشوف ابنهه بحاجه وتعوفه محتار .
فالح : اخذت الفلوس وبست امي وره نص ساعه اجه الرجال وانطيته الهايشه اخذهه وثاني يوم الفجر رديت البغداد .
هناء : حددو موعد عرسي بعد شهر وطول هلشهر خالتي تلث مرات تجينه وجابتلي النيشان وكطعنه مهر كله صار بساع بساع وماحسيت اله ......
الى هنا ونختم بارت اليوم انتضروني بلاحداث المقبله حبايبي اتفاعلوووووا رجاء والله مياثر عليكم ضغطون لايك وتحطون تعليق تره تعليقاتكم هيه التشجعني على النشر
