رواية حين تتغير الاقدار الفصل الثاني والعشرون بقلم سناء الهموندي
هناء : وماحسيت اله خلصان الشهر وماباقي غير سبوع الزواجي .
تعريف عن حياة هناء: أنا هناء مواليد 1956 بنت محمد وجوريه ابوي رجل طيب ومعروف بأخلاقه كضه عمره من الصبر للكبر وأمي مثال للمرءه الصبوره والمكافحه بس انا اكره با امي شغله الي هيه ضعفهه أو فقاريتهه دوم اكله يمه احجي لا سكتين على حقج وهيه جاوبني يمه أنا اريدن اكون مضلومه ماريد اصيرن ضالمه من اول ما وعيت على دنيه وانا اختلف عن خواتي احب اخذ حقي بيدي وما انتضر أحد واحنه اصغار جانت امي تاخذنه لبيت خالتي وانا اشوف الفرق بين بيتنه وبيتهم واتمنا لو احنه هيج بنات خالتي من نروح يضلون يحجن ويبسمرن على ابو احنه فلح وهمه مثقفين مضت الأيام وشبيت ومن صار عمري 14بديت احسن بنضارات انور إليه وانا دوم اصده والاسنه لحد ما صارحني وعرفت نيته تمت الخطبه ورحت أنا وأمي لبغداد وخالتي جهزتني من ارقى واحلى شي الملابس والأحذية والجنط وكلشي جان راقي وحلو انور اكتفى بنضراته التوديني لغير عالم ومتقربلي ابد أو بالأصح مصارت فرصه نكعد سوه أثناء خطوبتنه مضت الأيام واجوي بيت خالتي قبل اسبوع من العرس علمود يتفقون علمود أمور العرس والزفه .
جوريه : خيه ضويه البنيه بنتج وانتي بكيفج شتعزمين شجيبين شتحطين هذا كله ما يهمني بكد ما يهمني سعادة هناء .
ضويه : انتي شتحجين ام فالح هناء بنتي الثالثه وانا حلفت اله ارقه واحلى عرس اسويلهه وعزم كل الديره هسه راحو معتز وازهر يوزعون بطايق العرس البيت عمامكم وبيت جدي وحتى لبيت ابو علي انشالله خميس الجاي العرس .
جوريه : انشالله بس يا ام انور بس غلام شرط أخته تطلع من بيت ابوهه تنزف .
ضويه : غالي وطلب رخيص .
انور : اليوم الزفه مالتي وغلام مقبل اجيب هناء ازفهه من بيت فرقد أو فالح شرط تطلع اخته من بيت ابوهه وهذا شرط قبوله وانا اهم شي عندي اجيب حبيبت عمري يمي وكدام عيني ...
هناء : اليوم زواجي ومرتبكه وابجي على فراك اهلي و منطقتي وديرتي كلهه ابجي ودموعي تجري ع فراك امي وخوتي وانا عمري كله ممفاركتهم يصيحولي جرحي من كثر ما اتعارك من جنت ازغيره والي اضربه لازم ينجرح ويطلع دمه وكضه عمره غلام مرزلني ويكلي انتي بنيه لا تصيرين شرسه مو ذني شمس وخواتج وياج كلهن هادئات اله انتي عليمن طالعه جنت اشوف امي شلون بهدوء عايشه ويه الناس واليسبهه اتكله رحم الله والديك اكره صمته احس الدنيا ماكلتنه لذالك اواكحه بكل الطرق واتلاوه وياه رجعت من شريط حياتي وطفولتي واني الم ملابسي حتى اودع هذا المكان وانتقل لعالم جديد يختلف عن حياتنه ما اعرف شون اجازي امي الجابت عمرهه بالتعب والشكه كبرهه الضيم والعوز اجتني سميره بت ام علي تودعني وكعدت تضحكني و اذكرني بطفولتي .
سميره : تذكرين شلون جنتي من ترحين ترسين ماي من البكمه وتتلاوين وياي ويه خواتي حتى انتي ترسين اول وحده .
هناء: ضحكت وكتلهه انتي هم جنتي ما قاصره وكحه ومتقبلين واحد يترس قبلج واني شوكت مااجي اوخر الجهال والنسوان وترس ماي ورجع اول العالم محد يوكف بوجهي غير بس انتي وكحه وتبقين تراددين بيه عود انتي سباعيه ونوره وشمس يبقن يفاككن بينه رغم ما نور وشمس ازغر مني ومنج ضحكن نوره وشمس وهيه حضنتني وبجت وبجيت وياها .
شمس : بضحك احلى شي من تحلفتي لسميره تكتليهه .
نور : بضحك عليج الله هناء احجيلنه من تحلفتي لسميره .
سميره : بخزره نوره اني اعلمج تتشمتين بيه أمام الأعداء .
هناء : كلنه ضحكنه وكعدت اسولفلهن وبيوم من الايام تحلفت اله اكتل سميره تفقت وياها على العركه ومنو يغلب هيه صير قائده الجهال المنطقه وتترس اول وحده ماي وصدك رحت جمعت بنات عمامي وربعنه ودزيت شمس دكل السميره اليوم نتعارك اني وياهه .
نوره : ميته من الضحك اتذكر من اجتي شمس بلغت سميره .
سلطانه : اي بوكتهه كلتلي أنا اروح بس ما قبلت .
هناء : اي عبنج جبانه .
احلام : وشصار بعدين .
هناء :وصدك نجمعنه كلنه بيت ابو علي رحنه بضهر البيت عدهم حديقه نجمعنه كلنه اولادهم وبناتهم يشجعون سميره وانا وبنات عمامي وخواتي يصيحنلي جرحي جرحي وانا اخذتني الشهامه والزم سميره واكتله كتله معدله خليته تصيح التوبه بعد معليه بالماي طبعا الماي جان عباره عن بوري واحد ماي صونده هو نفسه الاساله عدنه مخلي بس لشرب وميجي بس الصبح والغسل والتنضيف عدنه نهرين يجرن نهر منهن يجري بستانه يجنن الماي عباره عن خظار وغلام معتني بي وبل البستان وماي الشرب نتعنه مسافه نترس يوميه دبه خاصه لشرب وانا اسوالف اخذتني ذاكرتي بستانه وسوالفنه وشون عيشتنه صعبه ونزلت دمعتي على ذكرياتي والتمن البنات يضحكني وسميره تكلي .
سميره: اي وماشفتي روحج من كتلتيني شصرتي وشون نفختي روحج .
هناء : بدموع مختلطه بلضحك صرت جني وحده فايزه با الملاكمه العالميه مو على سميره .
نوره : بس خوش كتله بحيث من وراهه صرتن صديقات .
سميره : بخزره لا انتي اليوم كلش طالعه عينج .
هناء : ضحكنه كلنه و ساعدني لمينه غراضي وتغدينه سوه وراحن رجعت طبيت للحجره وصفنت بوفيتي فرغت عيوني غرغرت بلدمع ما حسيت اله وأمي تصيحني
جوريه : يمه وين صافنه ودموعج تارسه عيونج مو زين عليج فال مو زين البجي فرحي يمه انا منطيتج لخيتي ومتاكده ماراح تقصر عليج بشي واحرص مني عليج ولو ادري بيج متنسعدين وياهم ماانطيج واغربج بديار غريبه عليج عبن الغربه صعبه .
هناء : بجيت وانا ما اكدر افارك اخوتي يمه .
جوريه هاي سنة الحياة خالتج ضويه راحت صغيرونه اصغر منج لاعيال اليعلموهه ولا عده عرف بغداد وتبعت رجهله وأسست حياتهه وهل عاشت حياته وانتي هم يمه عيشي لزوجج وأبو بيتج يمه وريدن اوصيج خالتج بنياتهه مو مثل طبايعنه هنه درسن بالمدارس ويطلعن ويطبن ويحبن الكشخه ويحبن يبينن هنه احلى واحسن شي فانتي يا يمه معليج بحد ثبتي شنهي تربيتي ليكم ولا تخلين حد يجيب طارينه وخالتج شتكلج لا لاتتعاجزين ولو أنا اعرفنج شاطره ومايحتاج اوصيج حسبي روحج خطار خفيف كملي شغلج وكعدي ويه خالتج شويه حتى من يجي رجلج تتفرغيله وان سمعتي شي غثج اتجاهلي و لادخلين نفسج بينهن لان شفت تهاني وطبعه يمه ابد ما عجبني فانا انبهج يا هناء اياج وبالج يمه تنسين تربيتنه وتغرج بغداد وتنزعين حجابج بغداد من اسمهه مغريه .
هناء : بفطره وشنو معنه اسمهه .
جوريه : بضحكه ييمه اسمه بغ داد يعني طغه والداد الاخو فا لاتغيرج ييمه مثل ماغيرت فالح وخلته مايعرفنه ياحاير بسينمه والكيف يمه ماوصيج بعد بنيتي .
هناء :صار يمه ...ركضت بينه الساعات ركض امي قبل يوم من زفتي خذتني لمرت عمي حفت وجهي وتغير شكلي جذين بحيث خواتي مكابلاتني ويبتسمن ونفس اليوم اجت خالتي ضويه جانت بيت عمي بايته جابتلي نفنوف ابيض صاطع من البياض ومطرز تطريز ناعم على صدر ولبست ويا حجاب بيجي بحكم راح انزف من بيت ابوي واجه انور وخالتي وعمي صادق والبنات اخذوا سيارات هوايه وبيهه كل عمامي وبيت وعمام امي ومرت عمي ملكه وحتى بيت ام علي أنا صعدت بسياره عمي صادق وأنور وأمي وخالتي وخواتي صعدن ويه بنات عمي انور لازم ايدي وانا اخجل من امي وامه واجرهه وهوه يقوي الزمه ويخزرني ودعت كل ذكريات الطفوله ودموعي تجري وأنور من شافني هيج حار شلون يسكتني رغم ماامي وأخواتي اجني ويايه بس غلام وسلطان بقو بلبيت طلعت بزفه من ديرتي ترفع الراس زفه ينحلم بيهه بس القهرني اشوف تهاني ونهله بس يتبسبسن وياهن هاله وبنات عمامي بيهن الفرحانات وبيهن الراح يموتن شون زوجت بغداد ولواحد مثل انور كل البنات يحلمن بشخص مثله طول بعرض بجمال وشهاده وثقافته وأخلاقه خالتي ضويه كالت .
ضويه : يمه هناء تره هذا النفنوف لا تعتبري بدله عرس أنا محضرتلج كلشي هناك البسي البدله لان طريق وتعبين.
هناء : براحتج خاله وصلنه لبغداد والعالم تهوس وفرحانه بلعرس ارتاحينه ساعه وتغدينه غسلت وخالتي راحت جابتي نفنوف ماروني مقدف باوعتله طوله للركبه واردان ماكو وضهر حفره جبيره كتلهه لخاله شنو هذا .
ضويه : لبسي يمه ماكو احد يطبلج بس البنات اليوم نسوي حنه هذا راي انور وباجر العرس .
هناء : لبست ثوب وشعري محنيته وغاسلته بطين الخاوه صاير حلو وناعم كلش طبيعت شعري أنا وخواتي كلش سرح وذاب نفسه مرت عمي من حفتلي كصتليا لنص ضهري اجتي مرت عمي فرقد حطت اشياء خفيفه بوجهي وشعري اكتفيت برفع نصه وعفت نصه طلعت من حجرت خالتي ولاكتني تهاني تفر بايدهه وتكول .
تهاني : وكت والله وكت ناس تدلل وناس يطيح حضهه بلفكر. هيه تحجي وبنات خالهه واكفات يضحكن .
هناء : جاي احجي وشمس واكفه يمي عصرت ايدي وهمست .
شمس : مو وكتهه هناء باوعت على تهاني بخزره وطبينه جوه .
هناء : اجو البنات يركصن ويهوسن وانا اكل بكلبي شلون مارديتهه اجت شمس كعدت يمي .
شمس : ابتسمي وعوفي كلشي خلي يموتن قهر .
هناء : شمس راح اموت شلون ما جاوبتهه .
شمس : هيه تريد تعلكهه انتي سكتي ودقيهه .
هناء : مشيت بحجايت شمس وابتسمت مجامله صاحو اجه انور يحني العروس وانا لشتي كلهه ترجف شون راح يشوفني هيج يربي اريد وحده اصيحهه جيبلي اي شي اتستر بي ماكو خواتي طفرن يلبسن حجابات وعافني اجه والابتسامه شاركه الحلك كعد بصفي وشال ايدي وباسهه وهمه الهوووو والتصفر صار بفلس متت بدمي تقرب على ركبتي وهمس .
انور : شنو هل رمان يا ربي ادري هسه شسوي اخذج واطب الغرفه واعوف العالم .
هناء : خزرته هوه ضحك وكال .
انور : اروح فدوه لهل عيون المتروسه شر .
هناء : حنه ايدي وطلع وبدو الفرقه بلعزف والغناء و الدك والناس هنا مو مثل اهلنه صح اعراسنه بسيطه والناس اجيب عبيد بلسلف يغنون بس هنا عمي جايب فرقه وفرحان بعرس انور والنص اليل بقت الحفله لحد ما خلصنه تعبانين خالتي ماقبلت اطب الغرفتي كالت باجر نزفكم بيهه بتت بغرفتهه أنا وخواتي وكرابتهم وبنات عمامي منجمعات كل وحده سولف عن حياتهه وانا فرحانه بيهن ما احس اله و تهاني تكول .
تهاني : بعد شتريد جتي للولايه بنت الفلاح وراح صير بغداديه بعد ما جانت كاتلهه الفقر .
هناء : هيه حجتهه بحجه ضحك بس انا سجينه وحطتهه بنص كلبي وكمت افور فور عود هي تلحك بت الفلاح بنظافتنه كوه لازمه نفسي خاف ارد وزحمه بحقي وبحق امي اسوي هوسه بهل ليله .
سلطانه : بعصبيه وشمالهه بنت الفلاح .
تهاني : لا مابيهه شي بس هيج اتشاقه .
شمس : باستهزاء جا وانتي موش اخذتي فلاح شفرقج عن بنت الفلاح .
هناء : خواتي شويه بردن كلبي بس انا يا كلب اليبرد .
نهله : بخبث لا تره تهاني قصدهه انو هيه وين جانت بفكر وين هسه راح تعيش اميره ومدلله .
تهاني : اي وين لاكيتهه احلى عرس واحلى زفه ونيشان بحياتهه محلمانه بي .
شمس : غلطانه حبيبتي تره الحياة مو مضاهر ...بعدني اريد أكمل وفاتت خالتي وسكتت .
هناء : يارب نارررررر بصدري شيطفيهه كون هسه الزم تهاني ونهله وراس براس سكتت بس شيسكت ناري ثاني يوم كلساع اريد احجي وخواتي يسكتني ويحلفني بروح ابوي اعديهه على خير طبيت سبحت وأحس راسي جمر من القهر اخذتني خالتي لدكان مدري شسمونه بي نسوان ثنين يشتغلن يحفن ويعدلن لزمني سرحن شعري وحطلي زواكه ( مكياج ) ورتبني طلعت خالتي البدله تخبل بيضه وكلش نازكه توصل لحد الركبه يعني نص رجلي طالعه والردن تلث ارباع وجفوف كلش نازكه وحذاء كعب عالي ابيض عافن شعري على طوله مفتوح ورتبن الطرحه باوعت على روحي بلمرايه تفاجات هاي مو اني رجعت باوعت لخالتي وكتلهه خاله شون اطلع هيج البدله كصيره .
ضويه : يمه هاي حسبت حسابج جبتلج عبايه وهسه انور يجي بسياره ابو ترحون طكون صور تذكار .
هناء : كل هذا وانا بعدني بناري اغلي اجه انور وجت ويا خالتي ومرت عمي فرقد واختهه رحنه طكينه صور ورجعنه عشوا العالم بعدهه كلمن طش لبيته امي وخواتي راحن لبيت فالح امي قبل لتروح اجتي بس باستني وراحت اجت خالتي طببتني لحجرتي وطبت وياها نهله وتهاني وهاله وبعد بنيه وياهن ماعرفهه ضلن يباوعن على الغرفه وعليه ويهزن بيدهن خلن خالتي تطلع وحجت ونهله .
نهله : صدك بنت الفلاح كاعد حضهه .
تهاني : اي شعبالج مثل حضي .
هناء : تهاني احترمن روحجن احسن لا والله بعدني احجي واجت خالتي شايله صينيه العشه وكالت .
ضويه : وهاي صينيه العشه يمه ارتاحي هسه يجي انور ياله بنات امشن شعدجن هنا .
هناء : ضليت كاعده واغلي من سمهن ماكو أقل الربع ساعه وطب انور بكشخته القاط متربع عليه والريحه التسطر تقرب كعد بصفي وكال .
انور : مبروك عليه الرمان شو باوعي بعيوني خل اترس عطشي بشوفت عيونج .
هناء : باوعتله وعيوني حمر من الاعصاب وجهي معبس .
انور : شبي الكلب زعلان جي تاخرت عليه .
هناء : تقرب راد يبوسني نزلت راسي حجه وياي بهدوء عباله خايفه أو مستحيه .
انور : شبيج يا عمري لتشلعين كلبي والله انا احبج ومستحيل ااذيج .
هناء : حاول تقرب مره ثنين واني اصده وابعده حاول يفهم شبيه لان عرف السالفه لا خوف ولا هم يحزنون .
انور : شبه عصبيه شببببيج خاطر الله .
هناء : عبالك جنت منتضره منه زله طلعت حركت خواته وبنات خاله بي نهديت بي ولعبانه نفسي منه ومن اهله كلهم وبغداد كله حاجاني انور نهديت بي خاف عبالك جايبني هنا حتى تهيني أنت وأهلك وتطلع انت ابن الاستاذ الحظري واني بنت الفلاح العربيه لا يأبه غلطان خليني من هسه ننهي كلشي مثل مدخلنه بالمعروف نطلع بالمعروف وهسه اروحن ارجع ويه امي وكلمن بحال سبيله .
انور: صافن عليها هاي شتحجي وشنو هذا السان العدها ولاجنها عروس وبعدنه بسم الله مكايلين
... تريد تاكلني برده فعلها وعصبيتها حركت كلبي كتلها بخشونه .
:- هناء منيلج هذا الحجي مو عيب منو هاينج شو أنا خبصت الدنيه بيج وبحبج وحاولت اسويلج احلى عرس .
ردت محروكه كلب وتحجي بصياح.
هناء : اخواتك من اول ساعه عيرني وكالن انتي بنت الفلاح وبحجة شقه هانني ويستهزان بيه كدام العالم .
انور : انا ماادري شصارلي من جابت طاري خواتي وصوتهه العالي بوجهي ... اول لليله النه حاولت وياها ناقشتها بهدوء وهمست الها .
:- هناء حبي يصير الصبح ونفتهم السالفه ماكو جن مو وياهه الحجي رافضه اي فكره وجادل وصيح بصوت عالي وديني لاامي ما ابقى يمكم مااحس بنفسي اله ظاربه راشدي وسالحه يم باب الغرفه بكل عصبيه وحركه كلب يله طلعي مو تردين امج امششششششي طلعي براااااا.
الى هنا ونختم بارت اليوم انتضروني بلاحداث المقبله حبايبي .....
شكرا لزيارتكم عالم روايات سكيرهوم
