رواية حين تتغير الاقدار الفصل الثالث والعشرون بقلم سناء الهموندي
َ يبنت الهور ، يعطر بخور عل
الصفصاف دحچيلي يالبحسچ غنهَ السبعين أريد اسمع حمد وُعزاز غنيلي ♥️❤️❤️
أيجوز لي أن أعتبر عينيك أحد الكتب و أن أطيل النظر فيها بحجة القراءة ؟♥️
انور : ما حسيت بنفسي اله واني ضاربهه راشدي وساحلهه وصحت يله طلعي المره الي من اول ساعه تسوي مشكله متبقى ويايه اجتي امي دك الباب وتصيح .
ضويه : انور ولك يمه افتح الباب شبيك يمه عين الماصلت ع نبي شجاكم .
انور : فتحت الباب لامي واني اكلله شوفي اكلج هاي بنت اختج ارجع ماريدهه كبالي خل ترجع ويه امه وطبكت الباب وطلعت بره لكيت ازهر هوه وجماعته وجماعتي بره مسوين لمه و يشربون لعب بعقلي الشيطان ومن حركت هناء ما حسيت اله واني جار البطل من ايد هاني صديقي عبالهم ارزلهم مثل كل مره ميدرون اليوم جيت اكعد وياهم واشرب اول مره بحياتي حجيت ويه نفسي ممعقوله شبيهه هنا
ماكو هيج شي من اول ليله مشكله صح لسان وكحه وحبيته لان شرسه بس مو معناه من اول ساعه هيج تسوي بيه المفروض تحجي باسلوب أكثر شربت لحد ما فقدت .
هناء : بعد ماطلع انور خالتي تهدي بيه متريد امي والعالم البايته بيت فالح يسمعون لان البيت بصف بيت خالتي .
ضويه : شبيكم خاله الشغله سهله ليش مانطيتي روحج هي بس اول مره صعبه بعدين تتعلمين وصير عادي .
هناء: خالتي كل عقله لحساب ذيج الشغله عركتنه وكعدت تنصح وتهدء بيه وانا راكبه راسي خاله أنا دقيقه ماضل هنا هسه اروح لامي وارد وياهه للسلف .
ضويه : ولج خاله شدكول الناس عليج لو زعلتي من اول يوم راح تاكل وجوه اهلج هسه عبالهم بيج شي ورديناج .
هناء : مشكلتهم مو مشكلتي ألمهم أنا ما اضل بيت مامرغوب بيه وخالتي تحجي واني اي دمعه منزلتي بس عيوني تجدح من القهر .
ضويه : ولج انتي بنتي ياهو الكال هيج انا تمنيتج وصرتي لابني الحمدلله بس احجيلي شجاج وليش هيج تحجين واشوفج مقهوره أنا اعرفج ما يطلع منج العيب اله اذا عالوا بيج .
هناء : مضل كدامي خيار غير اني اسولف لخالتي وحجيتلهه شلون تهاني دكولي بنت الفلاح وبنات خالهم يتمضحكن عليه و تكول انو عد انور صديقات متعلمات وحلوات واخذني أنا العربيه يكضي بيه وقت وهوه اصلا ميحبني لاني جاهله مااعرف اقرا واكتب خالتي مااستغربت عرفت سوالف بناته .
ضويه : ولج يمه هذن يحجن من غيرتهن حتى لو بناتي هم احجي الحك عبن انتي حلوه وتنحبين وأنور فضلج على كل بنات بغداد يمه هناء انور موت روحه عليج ويحبج ليش كسرتي فرحته من اول يوم جان كعدتي وتفاهمتي ويا .
هناء : خاله انا اسفه بس خلي روحج بمكاني اول يوم عرسج وهيج سمعين .
ضويه : ميخالف يمه علاج الجاهل التجاهل المفروض تتجاهلين وتفرحين وتخليهن يموتن بغيرتهن هنه رادن يخربن عليج وانتي ما شالله ما قصرتي خربتي الاول والتالي وهسه اذا سمعن راح يركصن بجفيه .
هناء : دنجت راسي مستحيه من خالتي صدك انا شجاني وتسرعت هيج كامت خالتي وكالت .
ضويه : كومي يمه كومي غسلي وبدلي وعدلي روحج وصلي ركعتين تسهيل أمر .
هناء : ودتني خالتي للحمام غسلت وكالت .
ضويه : يمه تره سألتني عمتي ام صادق وكتلهه فضت الشغله فانتي اليسالج لا تجاوبين .
هناء : هزيت راسي وطبيت فرشت سجاده وكعدت اصلي وقررت من هل لحضه هاي الغرفه تكون محل اسراري ومااخلي اي وحده تقلل شأني في سبيل تحطم سعادتي وبيومه ظل انور بره لساعه ثنتين ساعتهه صدك ندمت على تسرعي .
ضويه : ضليت الوب يم الباب يا ربي وين صار هلولد لا هوه ولا واحد من اخوانه خل اروح اكعد ابو ميفيد أنا اضل هيج رايحه وجايه بلا فايده رحت على صادق وكعدته من نومه صادق يمعود كوم .
صادق : خير ضويه شكو .
ضويه : كوم شوف الولد شو ولا واحد بين منهم .
صادق : طلعت بره رحت وره البيت لكيتهم مسوين لمه بلفرع ضيج وضلمه وكاعدين يشربون تخبلت تالي عمري ولدي يشربون منكر صحت بيهم بس مو صاحين لزمت البطاله كسرتهن وشمرتهن وطردت اصدقاهم ولدي طبيبتهم وانا مكسور ومتفشل من عملتهم طببتهم للحمام تلكتني ضويه دك وتلطم لزمناهم غسلناهم مي بارد شويه صح صحو .
انور : بثماله وعدم اتزان هاااا ي ي شكوووو شصايرررر .
صادق : اسال روحك يلجبير عود أنا افتخر بيك طلعت انت انكسهم .
ازهر :. بحجي ممفهوم ووو اااا اااالله أنا ماااا الي دخل هاي هاني جاب وعزمنننه .
صادق : لا شافك الله امشي من وجهي بس يصبح الصبح و صحصحون احسابي وياكم همزين الوادم مهوده ونايمه جان فضحتوني الله لا يوفقكمممم بعصبيه .
هناء : طب انور بس عيونه حمر دم وشكله ممتوازن مشه خطوتين وراد يوكع أنا قررت ابادر وصالحه لان اني غلطانه هوه شعليه بخوته بس خلص وعد عليه من هاليله بعد لا أوصله حجايه ولا ادخله بمشاكل وراح احاول قدر الإمكان انسي الصار فات من يمي أنا كاعده على طابوريه الميز تواليت تمايل بمشيته وكفت فازه ولزمته بخوف يربي سويت بلولد أنا من لزمته دفعني وكمل مشيته راح على جربايه ذب روحه ونام تقربت بتردد غطيته شفت أنفاسه ثكلت عرفت نام انا هم نمت صبحت خالتي دك الباب صبح فتحتلهه الباب وجهه يضحك طببت صينيه الريوك وصاحت انور .
ضويه : انورر كوم يمه هسه يجون العالم تباركلكم كوم غسل وتريك وراهه عندي حجايتين وياك انت وحرمتك .
انور : كام بعد ما ماطل بروحه كلب شعره بايده ليوره لان مكفوش ونازل على وجهه باوعت على هناء وجريت نفس راحه توقعتهه رايحه بعد الصار البارحه بس لو اعرف شبيهه نكلبت عليه كمت بتجاه الباب اجتي هيه ورايه لازمه الخاولي ونضارتهه الشرسه متحوله بريئه وتباوعلي لو ما امي واكفه جان موتتهه على هاي نضراتهه اخذت منهه الخاولي والملابس بعصبيه ورحت للحمام غسلت وطلعت لاكاني ازهر طالع من غرفه ابوي وجهه ينطي الوان تقدمت عليه وحجيت ولك شلون البارحه تخليني اشرب .
ازهر : اي اي ذب الوم عليه مو انت اصغير وامنعك بعدين مو كافي رزالت ابوي من الصبح هنوب انت .
انور : ضربت كصتي وحجيت لا يالله يعني البارحه صدك ابوي جان واكف يرزل بينه بلحمام .
ازهر : هزيت ايدي جا جذب وبعد اكو رزاله تنتضرك .
انور : رحت لغرفه ابوي لكيته يلبس حتى يطلع للشغل تقربت عليه بست رأسه أنا آسف يبوي والله خارج عن سيطرتي واول واخر مره .
صادق : بوجه ثكيل روح مالي كلام وياك هاي انت الاكول عليك كفو وافتخر بيك جان البارحه سودت وجهي ومن وره شنو من وره نسوان .
انور : لا يبو انور مو هيج السالفه .
صادق : بسك امك حجتلي كلشي والمفروض تجي تكل لامك وهيه تحل السالفه احسن ما هيج كبرتوهه الغلط كله منك ومن خواتك .
انور : يأبه أنا سوالف النسوان مالي بيهن بس انا المره التعلي صوتهه عليه ماصيرلي مره .
صادق : جا فوك حكه دكه فوك ما خواتك لاعبات بلبت لعب تريدهه تسكت أنا وجهي اسود من بنت عمي جوري لو درت بلسالفه .
انور : وعليش توصلولهه الحجي سالفه ونسدت بعد حجيتهه بجديه .
صادق : بعصبيه جا منهو الهسه كال خل تروح ويه امهه ماصيرلي مره .
انور : شنهي حجي انت واكفلي على الكلمه شون تريد اخليهه تروح وهيه عرضي الناس اكيد مراح ترحمهه وراح يطلعون اشكال اشاعات عليهه عبن اول يوم وردت لهلهه .
صادق : بابتسامه الناس يو كلبك ما ينطيك .
انور : بارتباك لا ااا أنا كلت اخليهه شهرين واردهه .
صادق : بضحك دروح من وجهي هيه عبنك تحجي شي وكلبك يحجي شي .
انور : طلعت مبتسم من أبويه ورحت لغرفتي لكيت بس امي ضليت أتلفت بعصبيه بس لا سوتهه وراحت لبيت اخوهه يم امهه فوك ما هيه غلطانه .
ضويه : بس لا دور راحت تغسل وتجي تعال احجي وياك حجايتين .
انور : جريت نفس وجيت كعدت على صينيه صبتلي جاي امي وكالت .
ضويه : شوف يمه مرتك حجتلي كلشي واعترفت بغلطهه وكالت المفروض ما اعلي صوتي واحجي بهيج شي بهيج وقت .
انور : شلت الكوب شربت وحجيت ميفيد يمه هناء نزلت من عيني خلص أنا راح ابقيهه فتره وبعدين خليهه ترد لبيت ابوهه مثل ما هيه رادت .
ضويه : يمه شمالك من اول وكعه تريد توكف بنص الطريق الحياة أخذ وعطاء وانت لازم تنطيهه فرصه .
انور : اكلت لكمه وكتلهه الأمي الله كريم طلعت امي وراهه كمت نزعت تيشيرتي ونجطلت على التخت راسي يوجعني كلش يربي حتى مالي عين اوكف اصلي احس بنفسي وصخ .
هناء : خالتي كالتالي اليوم ابتعدي عليه نطي مجال يفكر حتى ليتهور وتخرب علاقتكم انا هم غسلت ولبست ثوب مرتب وكعدت يم خالتي ثاني يوم امي وخواتي ودعوني وردو للسلف ومن هنا بديت بحياتي ويه انور كدام العالم يتصرف عادي وعيني وكلبي وممن نطب الغرفه حتى وجهي ميباوع بي .
غلام : اجاني عمي محمود شاف بيتنه الكاعدين بي وتخبل وكال هل اسبوع عمك صلاح راح يشيل اذا تحب انتقل بلبيت وفعلا مطول بيومين وشال بيوم عرس هناء أنا مبلغت امي حبيت افاجاها اول مشال عمي رحت على تمار وأخذت سلطان نضفنه البيت وعدلنا بعد ما هلكنه تمار يشتغل بهمه وفرح لان البيت قريب عليهم .
تمار : لك سلطان خف ايدك حتى اول متجي خالتي جوري تشيلون بي .
غلام : بضحك ولك شنهي ما صدكت .
تمار : اشتغل واكول اي والله ما مصدك راح أصبح وامسي بوجه عافيتي همزين الأفكار محد يشوفهه لو تنشاف جان تمار حط الكرك براسي ونيمني بلحديقه .
غلام : كملنه شغل ورديت للبيت هلكان سلطان خله رأسه ونام وانا كاتلني تعب وجوع كمت اسوي طماطه بلدهن نتغده بيهه أنا وسلطان تمار رد لأهله توني اثرم الطماطه وأحس الباب ندفرت وطب تمار يصيح .
تمار : يا اهل الدار وينكم .
غلام : طلعتله ادري شني ولك اقتحام خو ما اقتحام .
تمار : شون غده جبتلكم .
غلام : لا بربك يعني اعوف الطماطه .
تمار : يا طماطه يا دنيه .
غلام: دشوفنه شجايب خبصتنه .
سلطان : طلعت اتثاوب شكو صوتكم واصل لاخر السلف عمي كولو ناس تعبانه .
تمار : جا أنا ارد بصينيتي عبن ماريد ازعجكم .
سلطان وغلام : هوب هوب يمعود دتعال .
غلام : دجيب مجلب بيهه متكلي شبيك .
سلطان : وخرت الغطه لك معدل والله شوف الريحه ترد الروح .
غلام : هاي شنو باجه لك هلا باجه ام علي .
تمار : كعدنه عليهه دوسه ونص وراهه سالت غلام صدك البارحه ما كملتلي السالفه كلت نقلوني وين نقلوك .
غلام : والله يا تمار نقلوني بشرطه محطه البصره وبغداد .
تمار : يعني دوامك صار ما بين بغداد والبصرة بس ثابت بنفس القطار .
غلام : اي عفيه .....وره يومين كملنه البيت وبيومهه اجوي اهله عبالك طب العيد بطبه امي .
شمس : ردينه من بغداد اول يوم تعبانين ثاني يوم امي كالت .
جوريه : يمه شمس اروح أنا اودي السلالي والحصران للسوك عبن مواعده مره تجي تأخذهن مني اذا اجه واحد من اخوتج دزي بيده البقيه واذا تاخروا انتي ساعه وجيبيهن ورايه .
شمس : نضفنه البيت أنا وسلطانه اجتي نوره يمي وساعدتني كتلهه نوره أنا رايحه اودي السلالي لامي هسه 10دقايق واجي ياله احلام كومي وياي .
نوره : شمس أنا راده للبيت العصر اجيج .
شمس : ليش والله ما اتاخر .
نوره : ميخالف اروح حتى امي تخليني اجي العصر
شمس : ياله براحتج راحت نوره وصحت باأحلام ياله فضينه كومي .
احلام : والله شمس مابيه حيل شوفيني مصخنه .
شمس : تقربت لمست خدهه صدك مصخنه انقهرت عليهه لعد شلون اوديهن يا ربي .
سلطانه : شمس امي كلتلج ساعه وجيبيهن وهسه ساعه بل10 ونص يعني صار ساعتين .
شمس : سلطانه شلون اروح وحدي احلام مصخنه .
سلطانه : يا عيني شكو عليج قابل وديهن وتعالي ويه امي .
تمار : اشتغل ويه ابوي بالبستان وجتي نوره ها ولج شو رديتي .
نوره : شمس راحت تودي الغراض وكلت خاف تتاخر وأمي تحجي .
تمار : بفزه وعصبيه وين تودي الغراض .
نوره : لامهه بلسوك .
تمار : هيه كالت هيج وانا شمرت البيدي وكتله لابوي بويه رايح نص ساعه واجي رحت بدون ما انتضر جواب أبويه مشيت بتجاه بيتهم ولفت بلفرع ليطلع للسوك لكيتهه تمشي بهدوء ورزانه بحيث بمشيتهه خلتني حتى أنا اهدء بمشيتي مشيت وراهه مباشر والهوه عالي كفختني ريحتهه حسيت روحي طارت وياهه مديت ايدي بجيبي اليوم ممحضر كلينس طلعت جفيتي طبيعتي احطلهه من عطري واخليهه بجيبي تقربت عليهه وهمست شون طلعين وحيدج .
شمس : امشي وأحس شخص ورايه كلبي وكف من الخوف لحد ما حجه جريت نفس براحه ونفس الوقت ارتبكت مثل كل مره شوفته تخربطني ماعرف ليش ياربي .
تمار : كررت سوالي شون طلعين وحيدج جزيت بسنوني .
شمس : بارتباك موو ما احد واحلام مريضه مكدرت تجي وياي .
تمار : بعصبيه انطيني أنا اوديهن وانتي ردي .
شمس : بخوف من عصبيته هاا هاك .
تمار : طلعت من جيبي جفيه ونطيتهه هاج لزمي هاي الج .
شمس : مديت ايدي ورجعتهه وكتله بس كلي وجهي وصخ والله كل ساعه اغسله وحتى هسه قبل لا اطلع غسلته .
تمار : ابتسمت لفطرتهه وكتلهه اخذيهه وشميهه وتذكريني بيهه .
شمس : شون يعني قصدك ما امسح وجهي بيهه .
تمار : ولج شتمسحين يلوجهج امرايه من اوكف اباوع بي تنعكس صورتي بي .
شمس: دنجت راسي خجلانه وجهي أحسه يطلع نار وكلبي يخفك حيل حيللل .
تمار : حجيت بصوت ناصي روحي ردي يا بنت الحلاينان ل ردي للبيت لا تخليني ارتكب جريمه هسه .
شمس : لطمت على وجهي يمه عزاااا المن تكتل .
تمار : بضحك اكتل اخوج امشي عاد .
شمس : رديت للبيت وانا افكر بكلام تمار شماله يحجي هيج .
جوريه : دنيه ليل وبارده ومثل كل يوم فارشه من الطول الطول أنا انام بلنص والبنات منا والولد منا حسيت الدنيه تمطر ورطوبه الحيطان تاكل بينه وانا ماعندي غير بطانيه خفيفه يتغطه بيهه غلام ينام قريب على باب الهول حتى خاف يصير شي هوه أقرب واحد وانا والبنات وسلطان وعمران نام بجعب الهول متغطين بلحافنه المتشكك وتعبان كلش وغلام سوده عليه مكرفص روحه يم الباب مطر قوه وبردت كلش كمت باوعت غلام مبين بردان جريت عبايت ابو الله يرحمه ثخينه وغطيته بيههه
غلام : ثاني يوم مطلعت لللشغل ولا خليت امي تطلع كلت اليوم لازم افاتحهه بلورث ......
