رواية ما ذنبي انا الفصل الثامن والعشرون 28 بقلم أحلام السعدي

كم من عزيزٍ أذل الموتُ مصرعه كانت على رأسهِ الراياتُ تخفقُ

ـــــــــــــــــــــــــــــــــــــــــــــ

ضلينة هواية نحجي..اني ويونس وأدم وآصف ومراد جا يمنه هم.

عاد كلمن سحب نفسة شوية شوية ودخلو

بقينة بس اني وآصف .الجو ماينحمل ..كلش بارد  صار..

فخليت راسي عالصدرة وايدية يم النار..

آصف ...الجو بارد مو .

....اششششه اي والله كلش.

آصف ...كومي نفوت..خاف تتمرضين.

....لا مااتمرض. اني مااريد افوت. هنا مرتاحة..اذا تريد روح انت .

آصف ....لا هو اني من وراج كلت كومي نفوت. اصلا مرتاح هنا هواية .

سكتت ...ورة شوية..آصف .

آصف ....همممم ...گلب آصف .

باوعت علية ....احبك .

بتسم ....احبج...واموت عليج.والله يشادن بس خلي استعيد نفسي. والله لااخليج اسعد انسانه بالعالم

قربني  يمة ... صار قريب عالشفتي.بس نفتحت الباب..

باوع عالباب بنفاذ صبر .

اباوع بيبي

كمت وكتلها .بيبي .هسة تتمرضين ليش طلعتي .

ماما هالة ...لا لاتخافين.وبتسمتلي .

حجيت بكلبي بستغراب ..هية بتسمتلي.صالها هواية ماحاجية وياية او مبتسمتلي .

كعدت يمنة ...وخلت ايديها يم النار .

واني كعدت بصفها

بيبي ....بهدوء....آصف .انت وشادن..الى متى تضلون هيج .الي متى هالحزن بعيونكم..ابنكم خلص مات .عيشو حياتكم وانشالله يجي هوايه غيرة .ادري ماتتقبلون كلامي بس هاي الحياة.لازم نتعايش وياها.

اباوع آصف غمض عيونة ونزل راسة .

مو سهل ياناس والله مو سهل نكدر ننسا .شلون ننسا بس كولولي.

خليت ايدي عله ايدة .

بيبي ....يمة شادن .اني اريدج ويا ويا .مااريدج تعوفي وحدة .هو محتاجج هواية..اكثر مامحتاج النة يمة أوصيج علة ابني .اريدج دوم ويا.وعديني بهل شي

نزلت راسي ....وحجي..اواعدج مااعوفة.

بيبي.. ...ونعم منج ومن تربيتج يمة .وهسة وعديني .ترة اني اعرف قصتج والحبوب الحمل .

اباوع آصف يباوع علية وعاقد حواجبة .واني بلعت ريكي .

بيبي ...وعديني تسوين كلشي لحتة تجيبيلنه طفل.

باوعت عليها ...والله صعب..مااكدر .اني خايفة.

بيبي....اشش...لاتكولين خايفة ....آصف يمج وهو يحميج ..انتي تعرفين آصف منو .

باوعت علية ...هو كاعد رجل عالرجل ويباوع علية ..

بيبي ....يمة وعديني .اريد ارتاح.

نزلت راسي .انشالله.

بيبي ...وعديني ولج راح تجلطيني.

.....اي وعد..وعد .

باوعت علية وبتسمت .كامت باستني من راسي .واني بست ايديها .ونفس الشي سوة آصف ..

راحت ...وكال كومي يلة للغرفة..

....لا ليش مرتاحة هنا.

آصف ..باوع علية وبتسم..والوعد الي وعدتي هسة .شلون  تكدرين تنفذي..اذا مو بالغرفة ..

ضربت رجلة ...قليل الادب.

بتسم ...وسكت.

بلعت ريكي ....يلة  نروح .

باوع علية ...وكال هممم تنفذين الوعد..وغمزلي

بتسمت وضربتة مرة ثانية .لا بس باردة .

عوج حلكة وكال......بعمرج متتغيرين ....بس كومي اني الج .هية مو بكيفج .

لزمني من ايدي حيل .ودخلني للغرفة .

..

كعدت الصبح ..اباوع علية..نايم ومرتاح .واني منايمه بس ساعتين.

بستة بخدة ...وكمت .

بس رجعت وضليت اباوع علية .ورجعت خليت راسي عالصدرة .وافكر اوووف فكرة الحمل تخوفني كلش . اكول شراح يسوي القدر بية مرة ثانية .يمكن اخسرة نفس مخسرت فهد .هاي الفكرة تجلطني .تخليني  ابجي .

بس كلت .شبية .ياربي.اني راح اسوي الي علية .وآصف وعدني يحمي بنفسة..

بستة من صدرة .وتغطيت رجعت نمت.

......

بعد شهرين .

رجعنة من الدكتور وآصف عصبي ..كعدت عالقنفة بالصالة .ودرت وجهي منة .وهو مبطل حجي علية .بس يسب .

باوعت علينة عمة حوراء ..خير شكو شبيكم .

آصف ...بعصبية ..علة هاي طايحة الحظ .راح تجلطني ..كم مرة اكلها اصبري..لا كل يومين نروح للدكتور .بسبب فعلتها الست الخانم .وبلعتها للحبوب ٦ اشهر .٦ اشهر وهية تبلع حبوب..اكيد يصير بيها شي .ومأثر عالحمل .وهسة يكوللها مايصير حمل لان الحبوب مأثره عليها .يكلي اصبرو.

وحجالي اشياء..واني نحرجت من كلامة .وج مرة مكدرلها .مشايفة مرة بهل وكاحة..كتلها.داتبلعين شي.لا وتحلف بعد مابابلعه شي.

بعصبية ..كتلك خلي  اخذ علاج للحمل وانت ماتقبل .

باوع علية....وكام .بعصبية ولج ياعلاج  انتي ماتعرفين تأثيرهن عليج .مو كل مره تكدر تاخذ هذا العلاج .انتي تتأذين.

سكت ...ورفع شعرة بعصبية ..كومي كومي للغرفة بسرعة مااريد اشوفج ..كومي.

اخر كملة حجاها بعصبية .

اني درت وجهي بعصبية .

عمة حوراء....علكيفك يمة وياها.ادري غلطت .بس انشالله مابيها الا الخير .

آصف....بعصبية ...ياخير كليلي ياخير.

باوع علية وكال لساج هنا .طلعي للغرفة .

كمت ودموعي يجرن.ركضت عالدرج وصعدت وصلت للطابق الثاني سمعت عمة حَوراء تكولة . يمعود شجاك هيج تصيح عليها..انت مداتشوف وضعها .آصف احجي وياها بهدوء.

آصف....بس كليلي شلون تريدين احجي وياها .خبلتني.جننتني .كل يوم من دكتور لدكتور..وكل الدكاترة تكول نفس الشي.وهية تكول خلي نجرب دكتور ثاني.اليوم اكثر يوم نحرجت بي .والله لو تشوفين شحجة الدكتور اني اعلمها .منا وجاي خلي احد يروح وياها.عمة انتي روحي وياها واخذ هتوف وياج وكل شهر لو شهرين تروح..خلص بعد مدخلني بيها .

جتي عمة ملاك وكالت ..يمعود تزوج غيرها .واخلص .الشرع محللك ارب..

سكتها وكال ..بنفاذ صبر..عمة.لا اتزوج ولا شي .هية هاي ماكادرلها عاد ازوج ثانية .ومنو كلج اريد ازوج اصلا .

عمة ملاك ....ولك هاي بنت عمك .اخلاق وجمال وحشمة وحلوة خوما مثل هاي الزركه .

آصف.....عمة هواية داتغلطين ترة..اني حجيت هيج عالشادن موتجين وتحجين هيج عليها .ترة مااقبل .وبعدين لو اريد اتزوج .جان تززوجت من زمان عليها بس اني لو اموت مااتزوج من بنات عمي ثابت.ولا اتزوج غيرها.

عمة ملاك ....اي ضل اركض وراها وراها لهاي ام السحورة..روح اصعدلها واعتذرلها .هاي سوايتكم .والله انتو تحبون المرة وتعبدوها .

آصف .....بعصبية .شداتحجين انتي .وليش تدخلين بحياتي.هذي حياتي..واني حر بيها .انتي متدخلين فتهمتي..ومرة ثانية اذا تحجين هيج وياية. .الباب يفوت جمل تفتهمين .

عمة ملاك ....تطردني ولك تطردني من ورة هاي الحقيرة الكحب...وليش تطردني هو علساس بيت الخلفوك.

آصف ...عمة كافي عاد دخيل الله .ولكم متخافون من الله .عوفونه بحالنة.. خلي نعيش .ترة ادري بسحورتجن ولجن رجال يحب مرتة شعليجن بيهن..لو الا تسون سحورة...ولج عمة لتخليني اطلعلج ماضيج .وشسويتي وية امي قبل .كافي عاد .اني ماراح اخلي الي صار قبل ينعاد .والله لو ميت سحر .راح اضل احب شادن .تفتهمين .

بتسمت وحجيت بكلبيي . امداية..والله لعد لاجيب بدل الولد ٦ .واني اعلمكم .والله اني هم اضل احبك .

عمة ملاك ....ولك انجب ولا تستحي تر..

عمة حوراء سكتتها .كافي عاد ملاك كافي .اسكتي عاد ..مكفاجن الي سويتنة بينة .ولكم كافي .الله يلعنكم..كافي عاد..

رتيل .وللج تلعنينة .وانتي منو تلعنينة .الله اليوم لطردكم كلكم من هذا البيت.

كل هذا واني واكفة وارجف  يم الدرج ..كلة من وراية صارت هالمشكلة .

آصف ....ولج انتي منو تطردينة .هذا بيت مو بيتكم .هذا البيت بيتي اني وآدم ومراد.وخواتي وعمة حوراء وانتي مالج حق بي لو قطرة .

عمة ملاك ....ولك صاير عندك اسنان وتعض .ولك اني وبنتي عدنه حق بي. تحجي ويانة هيج .ولك اني اعلمكم .

آصف .....اعلة مابخيلج اركبي..يلة برة.ني جنت محترمج لخاطر بس عمي مالك .بس هسة والله بعد مااحترمكم لو قطرة .تفتهمين .وكليلهم من يمج لاشجان وافنان..سحورتهن نكشفن .ومااريدهن يفوتن للبيت مرة ثانية .يلة برةةة..يلة .

اباوع صوتهم طلع...وبيبي..هم طلعت وتهدي بيهم.وعمة ملاك تحجي عله عمة حوراء وخلتها تبجي ..

...وبيبي.. عاد ضربت آصف راجدي من ورة كلامة وية عمة ملاك.

عاد اني طبيت للغرفة .وانتضر عقابي .ادري كل هاي المشكلة بسببي

نتضرت خمس دقايق.ودخل آصف .اباوع اكو احمر علة خدة .بلعت ريكي .وكعدت عالسرير..

نزلت راسي.

تقرب يمي ودنة علية .وكال ها رتاحيتي ولج رتاحيتي .شوفي شسويتي .ويامحلا الشماتة .ولج شوفي الي يشمتون بينة .

لزمني من شعري ..ورفعلي راسي .حجة بعصبية ...ها رتاحيتي ..

كمت ابجي واشهك  واكلة اني شمدريني هيج حيصير .

ضربني بايدة الثانية علة راسي بخفة .وكال .شوفي علة اقل شي يشمتون بيج وبية .لان ماخذت اشجان ولا مراد اخذ افنان .شوفي ولج يعيروني بيج.هو كلة من وراج ..طايحة الحظ..

دفعني.وشال ايدة ..

جان يمشي ذهاب واياب .ويحجي ويعيط علية .بس صوتة ناصي ..

كال كومي .كومي حضري جنطتج .اني مااريد بعد ابقة هنا .عندي بيت وبستان وشقق تترس الدنيا .كومي هذا البيت بعد لو شمايصير ماادخلة .ولج اني تطردني بيبيتي منة .والله واقسم بالله هذا البيت ماابقة بعد بي .

كمت علة كيفي واشهك وابجي .واشيل بالجنط..واخليهن عالسرير .

طلع  من الغرفة .

....كلة من وراية كلة من وراية..الله ياخذني كون ..راح يروح عن اخوانة وعن كل شي من وراية .

ورة ربع ساعة كملت  كل الملابس ..

ودخل هو كال يلة كملتي امشي .

حجيت ...آصف عليك الله عليك الله اهدء..عيوني آصف شلون تعوف العائلتك..

آصف .... ولج كافي .ولج امي بعمرها ماشافت الخير من كل شخص هنا..وانتي هم فطيرة واقل شي يكتلوك ويموتوج..واقسمت بالله هذا البيت بعد ماافوتله.

باوعت علية ...وسكتت .

باوع علية ...وتقرب يمي .

لزم راسي وخلا عالصدرة.كافي وجع راس..اني مو من وراج ولا من ورة اي احد راح اطلع من هذا البيت .من وراية  ..ماشفت بي كل خير .بعمري مرتاحيت بهذا البيت.كافي .والله لو بعد شيصير اني هذا البيت ماادوسه.راح تروح ويانة عمة حوراء..هية هم ماتريد هذا البيت .ولج آه .هية اكثر وحدة وكفتلي واني بعمري بحياتي.موكفتلها وجنت اكرها .جنت اسوي مشاكل وياها..بس بعد هاللحضة .والله لو شنطيها مجازيها .

رفع راسي ....وكال اسف .

دموعي تجري...  ...اني لازم اتأسف مو انت

آصف .... ...اريد اريحج .من يوم مدخلتي لهذ البيت انتي مو زينه..وانتي دائما توكفين وياية وحبيتيني بعد كل الي صار.واني بعمري ماراح اكدر اجازيج عالوكفة الوكفتيلياها .عالموتت ابني وعلة كلشي .انتي جوهرة..واني بعد مااريد اضيع جوهرتي..

بتسمت ...وحضنتة .اسفة .

آصف ....ولج لتتأسفين ..اني لي أسف .

بستة من خدة ...بتسم...يلة امشي .

الحرس طلعو الجنط .وبيبيتي.. مباوعت لوجوهنة .وعمة ملاك متشمتة بينة وتضحك..ورتيل نفس الشي.

عاد دخلنة للسيارة اني وآصف وعمة.حوراء.والحرس بسيارة ورانة .

ضلينة نص ساعة بالطريق.ووصلنة للبيت .

اباوع البيت بسيط ..بس بيت كلش حلو الاثاث رائع . اول مفتنة البيت اكو بستان يمنة..من جهتين .واكو مرر ضيق...يفوتنة للبيت.

بس البيت كلش حلووو.

اكو اربع غرف ومطبخ واستقبال وصالة هاي جوة  ..وطابق فوك بي غرفتين وصالة صغيرة .

مرن خمس ايام واحنة نرتب بالبيت ..وجنت كلش فرحانة .واباوع آصف هم فرحان وحتة عمة ملاك ..وجتي يمنة هتوف تساعدنة .

جابو غرفتنة ومكتب آصف وغرفة عمة حوراء.

البيت انترس .بقة المطبخ .عاد وصة علة اثاث آصف .ويوصل اليوم .

جوي آدم ويونس والعم مالك .وعتذرو من آصف وكالوله يرجع .. بس آصف كاللهم اني قسمت بالله بعد ماارجع بالبيت.لو شيصير.

حاولو ويا ويردو بس ماقبل .

بس حبيت آصف لما كال...البيت هذا بيت الكل.اي واحد  يريد يجينة ياهلا ومرحبة..بس ملاك ورتيل وبيبيتي واشجان وامها وافنان .مو مرحبين بيهم .ومايفوتون هذا البيت.

العم مالك طلع وزعل من حجي آصف .

بس بقة يمنة يونس وآدم ..

وآصلا اباوع عليهم .يحجون وية آصف عادي كانو شي لم يكن .

ويحششون وياية وية آصف .

يونس ....يعني آصف اذا اجي لهنا مو تطردني .يمكن كل يوم  اجي لهنا وابات لان بعد عدكم هواية غرف .

باوع آصف علية وكال .ياهلا ومرحبة .والله اكييف .

تنفست شوية .اني كلش ارتاح لما يونس يجي يم آصف ...جو البيت يصير كلة يضحك .

يونس شبيه آصف بكلشي .حركاتة واطباعة وعصبيتة كلها نفس آصف .ولهذا دائما.تلكيهم متوالمين وية بعض .وابد ميزعلون ..اذا صارشي .

اباوع أدم يباوع علية .بس نضراتة نضرات حقد.

مهتمين لان هواية شفت من هالعائلة نضره مثل هالنضرات.

كملنا بشهر واحد..وكلش تعبنة بي .واكثر شي آصف ...من الصبح لليل يجبون عمال ويشتغلون بي .

كمل ورتاحينة منة .ومراد جاب غرفتة وعاش يمنة..لان هم مايحب بيت العم مالك .

اليوم موعد الدكتور .ورحنة اني والعمة ملاك.اخذت عالمسؤليتي العلاج  بدون محد يدري .

ادري آصف راح  يعصب علية .بس شسوي.

دك تلفوني ...اباوع رقم غريب.

فتحتة ...وحجة الو شادن .

بتسمت وحجيت ....محمد .

محمد ....اي والله تحجين وية الكل واني لا .ولج متكولين اخوج مشتاقلج.

....ياورحي ...والله مشتاقتلك.

حجيت ويا ....هو يم اهلي ..

رجعنة للبيت......وريحت  شوية ..اكلت وبلعت من العلاج..

فات آصف للغرفة ...جانت ساعة بال٦ المغرب..

آصف ...كومي حضريلي الملابس .

...اشرتلة اي .

شمر القميص والبنطرون .علية ..ونجطل عالسرير .

باوع علية ..وكال ها شكال الدكتور .

حجيت واني اشيل الملابس بعصبيه..يكولي حالتج وصحتج داتتحسن هواية .واحتمال جبير اكدر اجيب طفل .

تنهد ...وكال ...شادن لتضلين تحملين طاقة اكثر من طاقتج .شوكت ميجي الطفل اني اقبل ..لتضلين كل يوم تجبرين نفسج علة شي..خليج..رب العالمين يعوضنة انشالله .

حجيت ...انشالله املي بالله جبير.اني محتاجة هالطفل اكثر منك .وصدك اريد طفل .

آصف ....صدك تحجين ولا لا..انتي تريدين هالطفل. لو من وراية .

.....لا ...والله اني اريد الطفل .

اخذ الهدوم وسبح .

طلع ومشط شعرة.

جنت اطكطك بأصابيعي . .آصف حبيبي.

باوع علية من المراية ...وكال احجي بدون مقدمات .

بتسمت ....اريد اروح لاهلي .محمد جا من السفر ...اريد اشوفة.

باوع علية ...وعوج.حلكة .اهووو .هم راح اشوفة .

رفعت حواجبي وكلت ترة اخوية الي تحجي علية.

آصف ....نضراتة الي يحسسني اني مجرم وقاتل ابو .

باوعت علية ....وحضنتة من ضهرة .هسة شكلت ..عليك الله .

آصف ....باجر انشالله مااكدر .عندي روحة لبغداد .وعمة حوراء تبقة الوحدها .

عبست ....وجتني فكرة  بفرح .لا تجي ويانة وهتوف هم تريد تشوف شمايل . ومراد يروح ويانه هم علة خطيبتة.

باوع علية ...وكال الله كريم .

باوعت علية وحجيت .آصف انت من تكول هالكلمة يعني متقبل.

باوع علية ...وكال سوينة اكل .

....بنفاذ صبر ...آصف .

آصف ....وجع .امشي سوي الاكل ..انشالله باجر انشالله اوديكم .يلة روحي.

بتسمت وحضنتة .

هو بتسم وباسني .

رحنة لبيت اهلي ...فرحتي متوصف ..جنت كلش فرحانة واتمنا هاليوم مايخلص..بس الوكت بسرعة بسرعة .وطلعنة وتونسنة..جنة كلنة فرحانين ولا واحد حس بغربة ..

دك آصف علية .ساعة بال١٠ بليل .

فتحت الخط ...ها حبيبي .

آصف ...هلا حبيبتي ..يلة .اني يم بيتكم ..اطلعولي..نريد نطلع الطريق طويل واني نعسان..ومااكدر بعد حته اسوق..

بتسمت  تعال بس سلم علة اهلي عيب .

آصف ...انشالله.

سلم من يم الباب ..وطلعنة بسرعة .وبطريق شترينة  موطه..

مراد....والله ونسة حرامات آصف ماجيت ..

عمة حوراء...والله هالعائلة كلش حلوة .الله يحفضهم .

بتسمت ...وحجيت امين رب العالمين .

آصف ...انشالله مرة ثانية .شلونها شمايل والله مشتاقتلها .ماشفتها هواية .

هتوف ...لا حمد لله .صارت بشهر ال٧ واحسن ...خوما مثل حضي ..

آصف ....وشبي حضج  .

هتوف ....والله مشاكل متخلص ..شادات وياية شدية اشجان وافنان .

آصف ....اووف اوفف. .شوكت اخلص من هذن الاثنين .

سكتو ......بس رجعت حجيت بصوت ناصي  اكلج هتوف ...ليش محبلتي لساج ..

هتوف ....هو هذا هم حظ عندي .شسوي .والله دااروح لدكتور ..ومايفيد.

.....انشالله لثنينة يصير .

فتنة للبيت ...وحجة آصف .هتوف.غسان كال ابقي اليوم هنا .

هتوف ...اي والله مااريد اعكر مزاجي.

بتسمت ...وحجيت .مخبلة .

هتوف ...وج والله اتمنة ماتزوجت ..من هاي العائلة .بس غسان زين وياية..وامه شويه ..

....الله يعينج كلبي.

فتنه للبيت ...باوعنة عالبيت بصدمة.

والكل فتح عيونة ..

البيت عبارة عن خرابة صايرة...