رواية ولو بعد حين الجزء الثاني الفصل الثالث
جلس ادم عبد الدايم، بدر الألفى سابقا على مقعده فى فمه سيجاره، كانت شرفه واطيه واسعه مطله على البحر
تابع النوارس تحلق قرب الشاطيء تنخفض تنقض على صغار السمك وافراخه ثم تحلق مبتعده.
فى يده الأخرى قلم ودفتر، كانت لحيته سارحه ناعمه لم تشذب منذ اسابيع
وكانت أصوات شقشقة العصافير بين الاحراش تغنى وقت العصارى.
نفخ دخان سيجارته وفتح هاتفه ،تفقد الفيس، اخر القصص إلى نشرها على صفحته ،قراء التعليقات
بعدها تعمق فى البحث ،عن آخر أخبار قضية اغتيال هادى باشا ،لا شيء جديد
إبنة رجل الأعمال ماجى هادى تفتح مشروع جديد
إبنة رجل الأعمال ترمم قصر والدها
هراء تنهد ادم بضيق، تأمل صورة ماجى، كانت بنت عشرينيه تتمتع بنظره حاده ،ملامحها صارمه
نوع لا يقبل الهزيمه بسهوله ،وضع أصبعه على وجه ماجى
ثم تتبع أخبارها ،المقالات المنشوره عنها
شيء داخل ادم قله ان البنت دى مش سهله، فصل شخصيتها من نظرة عيونها
فتاه شابه تشعر بالوحده تبحث عن انتقام
ابتسم ادم، عنوان مميز لقصه رومانسيه
ثم برقت عيونه ،ماجى هادى الاتريبى تعين محققين للبحث فى حادث اغتيال والدها
حس ادم بقشعريره تجتاح جسمه ،هو مفيش فايده ولا ايه؟
هى العيله دى مش هتهدى غير لما اقطع نسلها من على الأرض ؟
تفقد ادم صفحة ماجى الشخصيه
ان الحياه اللعينه تضطره ان يختار أصعب الطرق ،لو كان بيده لترك كل شيء خلفه وذهب لعائلته
بصق ادم خارج الشرفه، علمته الدنيا ان لكل امرأه مفتاح
وان كل امرأه لديها نقطة ضعف
فتح الماسنجر وارسل رساله لماغى هادى الاتريبى باسمها كامل ثم أغلق هاتفه
سحب سنارته وحمل الطعم فى الجيركن ومشى على الشاطيء تجاه صخره وحيده تقف منتصبه فى مواجهة الأمواج العاتيه
كان يحبها لأنها مثله، هى تحارب البحر وسطوته وهو يحارب كل العالم بمفرده.
__________________
يا مدام شيرى لازم تساعديني، انا الوحيد إلى اقدر اساعدك تنالى انتقامك
رفعت شوشو عيون مرتجفه، همست انا مش عايزه اتكلم فى الموضوع ده من فضلك.
همس عونى، انا حاسس بكل إلى مريتى بيه لكن سكوتك مفيش منه فايده، انا فرصتك الاخيره للقصاص من بدر الألفى
ارتعش جسد شوشو لما سمعت الاسم، تذكرت زكريا، بدر
تحذيرة وما فعله اخر مره
لا، لا من فضلك أمشى سيبنى فى حالى انا مش قد بدر
وحاسه لو عرف انى لسه حيه هيرجع يخلص عليه.
انا محقق خاص، همس عونى واوعدك بشرفى كل معلومه تقوليها هتكون سريه
انا الوحيد إلى اقدر احميكى من بدر الألفى
لانى فاهم دماغه وشخصيته
معنديش حاجه اقدر افيدك بيها يا استاذ عونى، انا كل إلى بتمناه مشفش بدر مره تانيه فى حياتى
انت مش عارف بدر دا ايه؟ بدر شخصيه مركبه مرعبه
بدر لو وعد لازم ينفذ وعده
دا رقم تليفونى مد عونى ايده ،لو حسيتى انك عايزه تتكلمى اتصلى بيا.
خرج عونى ينفخ غضب، تحقيقه يسير ببطيء سلحفه
كل ما يعتقد انه توصل لخيط يجده مقطوع
ركل قنينة ماء طارت فى الشارع ،بدر الألفى معندوش عيله ؟
ازاى ؟
مراته، أولاده اختفو فين ؟
انا محتاج وسيلة ضغط عشان بدر يظهر
وقف قدام دار المسنين، دخل يقعد مع فوزى
منذ اول زياره وعونى يحرص على زيارة فوزى كأنه صديق قديم، يدخنان السجائر ويجلسون فى صمت دون كلام
وكل ساعه ربما ينطق فوزى بكلمه او جمله
كنت عارف ان فوزى مش متذكر حاجه بس كنت بحب اقعد معاه لانه ببساطه كان صديق بدر المقرب
كل السجلات بتقول انه كان بمثابة طبيبه الخاص
ازاى فقد ذاكرته ؟
لازالت مصر ان حل القضيه عند فوزى مش شخص غيره.
توقفت سيارة الاجره آمام دار المسنين ونزل منها ادم عبد الدايم، كنت قررت أزور فوزى بعد أيام طويله من الغياب
واطمن على أحوال الوديعه
وجدته يجلس فى الحديقه مع شخص غريب
شاب خمرى البشره بوجه شاحب وجسد نحيل ونظرات حاده
يدخن لفائف التبغ باستمتاع ،واضعا قدم على قدم ينظر فى نفس الاتجاه الذى ينظر إليه فوزى دون كلام
لوهله اعتقدت انه مريض فى دار المسنين حتى نظر فى ساعاته ثم نهض ودع فوزى وسلم عليه
ثم شق طريقه بين زهور الحديقه، يمشى ببطيء محدقآ فى الفراغ
مريت جنبه كتف بكتف رمقته بطرف عينى كان شارد كأنه يسير وحيد فى العالم
دا مين؟
كان بيعمل ايه عند فوزى؟
فوزى ملوش أصدقاء غيرى
خرج الشاب من دار المسنين ثم انعطف جوار السور
لما اختفى مشيت تجاه فوزى
قعدت جنبه وربت على رجله
فوزى انا بدر يا فوزى!!
ظلت عيون فوزى البارده متسمره على زهور الورد الوردى والريحان والبرجس والفوما
انا عارف ان حته منك لسه موجوده جواك يا فوزى ، يا رجل يا كركوبه انت
تطلعنى شاب هلفوت من بتوع ماما وباب ؟
مش عارف عقلك كان فين وانت بتعمل العمليه
كان مع وفاء صح؟ حبيبة القلب الخاينه ، تلاقيك تخيلتنى ابنك منها
ولعت سيجاره وحطيت سيجاره فى بق فوزى وولعتها
انا مخترتش طريقى يا فوزى يا صاحبى وانت عارف كده
شوف كام عمليه عملناها سوا انا وانت وهادى
نزلت دمعه من عيون فوزى وظلت نظرته جامده باهته مغيبه
والنبى يا فوزى ما تزعل منى، انت كنت عارف ان ده هيحصل
ثم مين الشاب إلى كان قاعد معاك ده؟
حاسس انه شاب غريب اطوار ،عارف يا فوزى فى عنيه نظره غامقه فكرتنى بهادى لولا انى عارف هادى كنت قلت دا ابنه
فوزى انا عايش فى اسكندريه، دلوقتى بكتب قصص بوليسيه
واصطاد سمك اوزعه على القطط الجعانه
انا مضطر اسيبك يا صاحبى، عندى ميعاد هام مع سنيوره صغيره، بنت مفعوصه محتاج اقراها اكتر
ضغطت على ايد فوزى، فاكر ايام الفيوم يا فوزى لما كنا بنجرى ورا بعض فى الطين، خليك فاكر اليوم دا يا فوزى اياك تنساه.
فتحت صندوق السياره طلعت بدله ايطاليه ماركة ارمانى
لبستها فى العربيه على قميص أبيض لامع
سرحت شعرى تسريحة جورج كلونى ،لبست نضارتى الشمسيه وربطت حزام حذائى ، علقت الوشاح الموف
ومسدت دقنى ،تأملتنى فى المرآه
حثاله أنيق خارج من واحد من ازقة ايطاليه بعدسات عيونى الملونه لو لم انطق العربيه لاعتقد من يرانى افرنجى متسيح
بصيت فى ساعتى السواتش ومشيت ببطيء واضع أيدى فى جيب بنطالى
دلخت المقهى مسرع ،اتأخرت عليكى يا ماجى هانم؟
