رواية حضرة الظابط والمراكمه الفصل الثاني
_ إيه دا؟؟
اتفاجئت لما وصلت وملقتش صاحبتي في المكان اللي بنتقابل فيه، ولسا هرفع الفون واكلمها لقيتها في وشي وبتقول جملتها المعتاده :
_ يا بنتي كل دا تأخير، دا أنا مصحياك من بدري، دايمًا متأخره؟
_ يا ست نازلة بدري والله.
_ يا سلام؟ وإتأخرتي ليه بقي كان الحلم طويل؟
_ لأ وإنتي الصادقة، كانت الحقيقة أطول.
_ لأ مش فاهمه أنا، تقصدي إيه؟
_ من إمتا يـٰ ليلى؟ تعال بس نشوف المحاضره دي وهحكيلك اللي حصل.
_ ماشي، بس جبتي أكل؟
_ بت إنتي مش نقصاك إنتي كمان.
"ليلى رفيقة الرحلة الجامعية بس دايمًا همها على بطنها فشديتها من إيديها وطلعنا نجري علشان نلحق السكشن قبل ما الدكتور يدخل وطبعًا كلنا عارفين اللي هيحصل لو حد دخل بعده"
################
_ إيه اللي عملته دا يا سيادة العقيد؟
_ عملت إيه؟
" سأله بعدم ادراك للموقف اللي عمله من شويه، اتكلم حسام بعصبيه طفيفه"
_ بجد والله بتستهبل يـٰ آدم؟ ازاي توقف بنت وتتكلم كدا اشمعنا هيا.
_ معرفش دا اللي حصل.
_ اللي حصل! ابقي قابلني لو بصت في خلقتك بعد كدا.
_ مين قالك يعم، كدا تعرف خلقتي ويكون عندها خلفية بالشكل المهلبية دا.
" أدرك إنه وقع في فخ اسمه الحب بدايته الإعجاب و هو عارف إن صاحبه مش سهل يقع ولا بالسرعه دي، ففهم إنه أكيد عارفها من فتره، فحب يفك الجو :
_ والله يـٰ آدم دا عقلك اللي مهلبية.
_ إيه يـٰ حوووس.
_ المهم ناوي على إيه؟
_ دي فيها كلام يعني، هروح البيت إن شاء الله ونتفق على كل حاجة.
_ ربنا يقدملك اللي فيه الخير يا صاحبي.
_ يارب يا حبيبي، يالا على الشغل.
_ دا الله يكون في عونها .
_ بتقول حاجة يا سيادة المقدم؟؟
_ أبدًا يا فندم.
" شخص غريب عجيب، مهلبية زي ما بيقول يبقى حبة طبيعي وفجأة يبقى رسمي ودي طبيعة الشغل بتاعنا علشان كدا متقبل، وهو مهما كان صاحبي اللي مليش غيرة، رميت التحية الرسمية وروحت أكمل شغلي".
################
_ مين يا يوسف.
_معرفش يا بابا رقم غريب.
_ طيب ناولني التليفون دا.
_ السلام عليكم ورحمة الله وبركاته، معايا الأستاذ" محمد الفخراني ".
_ وعليكم السلام ورحمة الله وبركاته، ايوه يـٰ بني مين معايا؟.
_ معاك" آدم الألفي" يـٰ فندم، كنت محتاج أخد معاد من حضرتك علشان اتكلم معاك بخصوص الآنسه "هاجر".
"فهم الموضع من كلامه، وظهر على ملامحه الإرتياح لشخص ميعرفش عنه غير اسمه، لكنه تأكد أنه رجل يعتمد عليه لدخوله البيت من بابه، وأظهر الترحيب به :
_ تنور يا ابني في أي وقت، هكون في انتظارك إن شاء الله.
_ بس أنا كنت محتاج إن محدش يعرف أي حاجة دلوقت غير لما نتقابل سوا ويعني...
_ متقلقش يـٰ آدم ، هكون في انتظارك إن شاء الله بعد صلاة الجمعة في مسجد" الصفا".
_ متشكر جدًا لحضرتك، ومتشكر لوقتك.
_ على إيه يابني، أشوفك على خير إن شاء الله.
################
_ يوووووووه أنا زهقت بقا.
_ إهدي يا بنتي الدكتور أخد باله.
_ ياخد باله، يمكن يحسوا باللي إحنا فيه دا، يعني إيه ننزل الساعة واحده الضهر في عز الحر دا وكمان علشان سكشن تلوين.
" قولت كلامي بعصبية وهبدت جامد في الحلل، ومفوقتش غير على ايد" ليلي" وهيا بتخبطني في رجلي علشان أنتبه للدكتور اللي بينادي عليا، بس وات ايفر عملت نفسي من بنها ولفيت ورايا :
_ بتبصي ورا ليه يـٰ أنسه؟ أنا بكلمك إنتي.
_ أنا يـٰ دكتور.
_ ايوه والله يـٰ أنسه، ممكن توريني الخرايط بتاعك علشان أشوف وصلتي لفين؟
_وصلت الجنة.
_ أفندم.
" رفعت أيدي بالخرايط وأنا عايزة الأرض تنشق وتبلعني، تدرون ليش؟ لإن كل اللي في السكشن خلص ماعدا العبد لله "
_ تمام، ممكن تكمليها في البيت و تأكيد يبنات كل طبقة تتلون بلون معين، يالا اتفضلوا.
_ يادي الكسفة اللي إنت فيها يا حازم.
_ أحسن علشان تركزي بعد كدا.
_ اركز في إيه في التلوين؟ دا أنا مكنتش بحضر حصة الرسم.
_ تلوين؟ فوقي يـٰ بنتي دا" سكشن جيولوجيا" وهتلاقيك بعد يومين بالضبط بتقولي الحقوني الطبقات تراكمت عليا.
_ عسللل، عسلللل.
_ طيب يلا بينا.
_ يلا بينا.
"لمينا حاجاتنا وإحنا بنضحك، واستعدينا للخروج وللحكاوي الكتير اللي لازم نتكلم فيها لحد ما كل واحده فينا توصل للمكان اللي هتركب وتروح بيتها منه".
_ مش هتحكيلي بقا اللي حصل خلاكِ تتأخري كدا؟.
_ بُصي يست وأنا جاية كانت الدنيا زحمة جدًا و لقينا كمين و...
_ امممممم، وأكيد كان في ظابط عسول زي بتوع الروايات ونزلك إنتِ من الباص علشان يشوف بطاقتك بحجة إنه يفتح كلام معاكِ صح؟... مالك متنحه كدا ليه؟
################
_ السلام عليكم إيه يست الكل طمنيني عليكي.
_ بخير الحمد لله يـٰ حبيبي، بقولك عايزة منك خدمة.
_ تحت أمرك يا ماما.
_ جيب آدم وتعالوا إنهاردة علشان نتغدى سوا بقالي كتير مشفتكوش سوا.
_ يا ماما إنت عارفه ضغط الشغل و....
_ مش هقبل حجج واعذار، أنا كمان جهزت الأكل اللي بتحبوه.
_ حاضر يحبيبتي هجيبه وآجي.
" قفلت معاها، وحاولت أخلص جزء كبير من شغلي بسرعة على قد ما أقدر، علشان أروح أعرف آدم، ومتأكد انه مش هيرفض علشان اكيد هيكون مشتاق لقاعدتنا تاني على نفس السفرة".
_ حُسام ؟.
