رواية قمر اسود الفصل الثالث
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ومن جوة شقة عزام ووقت ما كانت خديجة بتروق الشقة يفتح عزام باب الشقة وهو متعصب بصت له خديجة وهي مستغربه وقالت
عزام راجع لية بدري كدة
لكن عزام ما ردتش عليها ودخل ل اوضة النوم وبص للدولاب وجاب كرسي ووقف فوق منه ومد ايدة ناحية الدولاب ومسك كيس اسود بص للكيس وفتحة علشان يلاقي جوة منه عضم ومش باين ان كان عضم حيوان ولا عضم انسان والعضم كان مكتوب عليه بالدم وبلغة مش مفهومة دخلت خديجة وما خدتش بالها من اللي في ايد عزام وقالت
عزام عماله انادي عليك وانت مش عايز ترد عليه لية
عزام راح ناحيتها بالكيس اللي في ايدة ورفع الكيس في وشها وقال
اية دة
بصت خديجة للعضم اللي جوة الكيس وقالت
جبت منين العضم دة
عزام
من فوق الدولاب. اية مش شيفاني وانا نازل بي من فوق
خديجة اللي قرفانه من ريحة العضم قالت
واية اللي جاب عضم زي دة فوق الدولاب عندنا
رمي عزام العضم في وشها وقال بعصبية.
انتي هتعمليهم عليه. هو انتي اية للدرجة دي شيفاني حمار سهل اوي يضحك عليه
خديجة وهي مستغربة اللي بيقولو عزام
عزام مالك
ضربها عزام بالقلم وقعها علي الارض وقال
ما تبطلي كهن بقي. وقولي لية عملتي كدة يا مؤمنة يا موحدة بالله
لطمت خديجة وقالت
عملت اية بس
عزام
السحر السفلي اللي بسببه حملتي.
ومسكها من شعرها وقال
بقي علي اخر الزمن انا الشيخ عزام مراتي تعمل سحر علشان تحمل
خديجة وهي بتعيط بحرقة
ورب الكعبة ما حصل مين الناقص اللي قال لك كدة
عزام
اللي قالي قالي. خلاصة القصة دي. اللي في بطنك دي ما تلزمنيش
خديجة
يعني اية
عزام اللي الغضب عامي
يعني هتنزلي اللي في بطنك لو عايزا تفضلي علي ذمتي. علشان ما يجيش عليه الزمن يكون ليا نسل بسبب السحر
خديجة وهي بتعيط بحرقة
عايزني اقتل اللي في بطني. حرام عليك يا عزام.
عزام
الحرام هو اللي انتي عملتي
خديجة
والله ما عملت حاجة. اللي في بطني دة بسبب ارادة ربنا مش اي حاجة تاني. دة انا مراتك من 11 سنه. ازاي تصدق اني اشرك بالله ويكون ليا في سكة الاعمال
عزام مسك العضم تاني وقال
اومال دة جه اوضتنا ازاي وكمان بقي فوق دولابنا
خديجة
روح اسال اللي سخنك عليه وخلاك تصدق اني ممكن اعمل كدة
عزام
انتي ست وناقصات عقل ودين واكيد ضعفتي وايمانك بقدر ربنا واللي كاتبه لينا خلاكي تعملي المصيبة دي
خديجة
ولو انا ليا في السكة الشمال دي لية اسيب نفسي محرومة 11 سنة من الخلفة ما كنت ممكن اعمل كدة بعد سنتين تلاته من الحرمان. استهدي بالله واستغفر ربنا
بص لها عزام ومبقاش عارف الصح فين لكن قلبه قال
دي مراتك وحبيبتك وعشرة العمر ازاي بس تعمل كدة
رد العقل وقال
ولو هي ما عملتش كدة. العضم دة جه اوضي ازاي.
ميت سؤال وسؤال وخناقة دايرة بين قلبه وعقلة ما استحملش عزام وخرج بسرعة من الاوضة ومن الشقة كلها وخديجة قامت ومسكت الكيس اللي في العضم وبصت له وهي قرفانه. ووقتها تسمع صوت خبط علي باب الشقة راحت تفتح علشان تشوف قدام منها دلال. اللي قالت بلهفة كذابة
خير يا حبيبتي سمعت صوت عالي جاي من عندكم انتي كنتي بتتخانقي مع جوزك ولا اية
خديجة
خير يا دلال. خير
دلال ببصة خبيثة
يجعله ديما خير. حاكم انتي ما تعرفيش انا ازاي بقلق عليكي. بس تعالي ندخل كدة وخليني اعمل لك كوبيتين شاي واحكي لي في اية يمكن اقدر اساعدك
ودخلت دلال وراحت ناحية المطبخ وخديجة قالت
طيب اخرجي اقعدي انتي وانا هعمل الشاي
دلال
وربنا المعبود ابدا. ما حدش هيعمل الشاي غيري. روحي انتي ارتاحي
وفعلا وقفت دلال في المطبخ وبدات تجهز الشاي. وبعد ما بقي الشاي جوة الكوبايات طلعت من هدومها ازازة صغيرة فتحت غطاها. ودلقت نقطتين منهم علي كوباية خديجة. وقلبت وهي بتقول بشر مخيف
مطرح ما يسري يهري
وخرجت بالكوبيتين من المطبخ، ،،،،،،
من جوة مسجد يقعد عزام قصاد شيخ اسمه مصطفي لي علاقة بحكايات الجن وحكي له علي كل اللي حصل استغرب مصطفي اوي وقال
مش قادر اصدق اللي بتقولو دة يا عزام
عزام
عارف انها حكاية ترعب لكن انا عايز اعرف منك وانت اهل للاجابة علي سؤالي ممكن الجن يكون السبب في الحمل
مصطفي
بيحصل ولما بيتولد الطفل بيكون طفل مشوه ملعون او مريض مرض ملهوش علاج السحر يا عزام وخصوصا المربوط بالكواكب والقمر بيبقي اخبث انواع السحر لان اللي نقدر نفكة عمل مدفون في مقابر او مدفون في اي مكان نقدر نوصل له لكن دة مربوط بكوكب او قمر مستحيل نوصل له وقليل من الدجالين اللي يقدر يعمل الاعمال السفلية دي
عزام
واتاكد ازاي
مصطفي
هتجيب كوباية مية وتقراء عليها الفاتحة واية الكرسي والمعوذتين والزلزلة 7 مرات وتخلي مراتك تشرب منها ولو شوفت اي حاجة غريبة بلغني وانا اقول لك تعمل معها اية ،،،،،
وفي نفس اليوم بالليل من جوة اوضة علي المحارة يعيش فيها خليل الدجال يقعد خليل في وسط الاوضة وحوالين منه ادوات النصب والدجل. وتحضير الجن. وكان بيقرأ تعويذة مخيفة وقت ما بص للباب وقبل ما يخبط الباب قال
اهلا بيكي.
وخبط الباب قام وراح فتح الباب علشان يلاقي قدام منه خديجة. بتقول له
كان في بينا اتفاق وانت خليت بيا وفضحتني قدام جوزي
ضحك وسنانه السوداء بانت وقال
انتي اللي غدرتي بيا الاول. بس اللي اتكسر يتصلح. خشي
ودخلت خديجة واتقفل الباب وراء منها ،،،،
نرجع للمستشفي و هند كانت بتكح. وقت ما كانت حنان بتبص للاشارات الاجهزة المتوصله ب هند لقتهم زي ماهما ماشيين بشكل طبيعي وهنا قالت حنان.
انتي كويسة
هند
اوي كفاية اني بحكي وبيشيل عن قلبي حمل تقيل. حمل الذنوب
حنان
طيب انا دلوقتي توهت منك. وما بقتش فاهمة هي خديجة والدتك ظالمة ولا مظلومة. وهي فعلا عملت سحر عند خليل علشان تحمل فيكي
هند
لما يمشي هقول لك
حنان بتوتر
هو مين دة
هند
اللي هيدخل علينا دلوقتي
بصت حنان للباب بفزع شديد وشافت الباب اتفتح و اتقفل بسرعة البرق وبعدها سمعت صرخة مكتومة ل هند اللي كانت بتتسحب ل تحت. حرفيا كانت بتغرق في قلب السرير حاولت حنان تلحقها ومدت ايدها علشان تسحبها لكن جلد هند المحروق كان بيطلع في ايد حنان صرخت حنان من بشاعة المنظر وقالت هند
اوعي تخلي ياخدني. الحقيني
حنان
اعمل اية طيب
هند
افتحي الشباك. خلي ضوء القمر يدخل
حنان استغربت جدا وقالت هند وهي عماله تتسحب ل تحت وبقوة.
اعملي اللي بقول لك عليه ما فيش وقت
راحت حنان بسرعة للشباك اللي كان في الاوضة وحاولت تفتحه لكنها حست بايد سخنة مسكت ايدها صرخت وهند قالت
متخافيش مش هيقدر ياذيكي. دة جاي علشاني انا
حنان صرخت وجسمها كان كله بيتنفض وهي بتفتح الشباك وفعلا فتحت الشباك علشان. تشوف اكتر مشهد غريب ممكن حد يشوفو. ،،،.،،،،
