رواية الخاله سكينه الفصل الثالث
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة قاعة الافراح كان بوشي قاعد في الكوشة وبيبص لبرديس وهو هاين عليه ياكلها بسنانه وهي بتبص لبتاع الدي جي وبتقول
ابوه عمه.
فيبص لها بتاع الدي جي فتقول له
شغلنا احنا ولاد الجمهورية ووصلنا للعالمية
بتاع الدي جي شاور علي عيونه اشارة معناها من عيني
ويشغل اغنية احنا ولاد الجمهورية فتقوم برديس ترقص وتمد ايدها لبوشي وهي بتقول
قوم ارقص
بوشي
رقصت بطنك علي عود. انتي جبلا يا بت
ما تردتش عليه برديس وترقص علي الاغنية مع كل الموجودين من اهلها ،،،،،،،
ويتغير المشهد ومن جوة اوضة نومهم اللي فرشتها سكينة بالورد الاحمر كانت برديس قاعده علي السرير مربعه وقصاد منها صنية مليانه اكل وبوشي قاعد علي كرسي التسريحة وباصص لها وبيقول لنفسه وهو هيعيط علي حاله
انا بوشي يتعمل فيا كدة. طيب وسمر حبيبتي هاتعمل اية لما تعرف اني اتجوزت واحدة غيرها. اكيد هاتزعل وممكن تفركش معايا. وساعتها هايبقي حقها بس انا ماقدرش علي زعلها ولا اقدر اعيش من غيرها ولا اقدر علي المفترية خالتي
ويسكت لما يسمع صوت برديس بتقول
تعالي كل
بص لها بوشي وقال بعصبية
بقول لك اية يا بت انتي اوعي تفتكري ان جوازي منك هايتم انا ما بحبكيش اصلا وبحب واحدة تانية خالص وهاتجوزها
فتبص له برديس ببرود وتقطم حتة من الفرخة اللي في ايديها وتقول
تقصد عم امح الشحات
بوشي بعصبية
امح الشحات اية بس. بقول لك بحب واحدة تانية وهاتجوزها. تقولي لي امح.
برديس ببرود
اة وفيها اية طالما بتحب تنكر لية
بوشي
انتي عبيطة يا بت
برديس
يا بوشي بلاش تنكر انا كل يوم بشوفك الصبح وانت بتمسك ايدة
بوشي
بمسك ايدة. عشان اساعدة علي انة يقوم من علي الارض. وكل واحد نمسك ايدة معني اني هتجوزه
وبعدها يسكت لما يلاقي برديس بترفع طبق الملوخية علي بوقها وهوب نزل في المزلقان اللي هو زورها وقال بوشي
هو انا اصلا برغي معاكي لية. هما كلمتين ورد غطاهم انا مش ليكي ولا عمري هاكون ليكي. عرفي امك ان الحب مش بالعافية
برديس
يا شيخ اتنيل. هو انت فاكرني انا اللي دايبة فيك.
بوشي باستغراب
الله. اومال لية وفقتي تلعبي علية الملعوب دة مع امك وتتجوزيني بالطريقة الرخيصة دي
فتقف برديس وتغسل ايديها في حوض الحمام الموجود في الاوضة وتروح ناحية الدولاب وتخرج برديس صورة ابو عزه وتوربها ل بوشي بعد ما باستها وقالت
علشان بحب ابو عزة
فيبص بوشي للصورة ويخاف اوي من شكل ابو عزة ورمي الصورة وقال
سلاما قولا من رب رحيم. اوعي تاذيني صاحب البيت اسمة احمد
برديس وهي بتجيب الصورة من علي الارض
انت بتقول لية كدة
بوشي
انا سمعت خالتي قالت كدة لما طلع لها جن
برديس حضنت الصورة و هي بتقول
بس دة مش جن دة ابو عزة ارجل راجل شوفتة في حياتي الراجل الوحيد اللي امتلك قلبي
بوشي باستهزاء
يعني انا افهم من كلامك انك من كتر حبك في ابو عزة بدل ما تتجوزي اتجوزتيني انا
برديس
اة. بحبه هو لكن اتجوزك انت عادي
بوشي باستهزاء اكثر
بجد يا بختة بيكي. وياتري اية رئي ابوة عزة في جوازك مني
برديس
فرح جدا.
بوشي ضاحكا
والله العظيم. انتي ماتعرفيش انا مبسوط قد اية اني جوة علاقة بنت جذمة زي دي.
برديس
مش هتاكل بقي
بوشي بعصبية
مش هاطفح.
برديس
طيب انت مال لك عصبي كدة
بوشي
هو انتي عبيطة ولا بتستعبطي. ازاي واحدة بتحب واحد تتجوز واحد تالت خالص
برديس
بعدين هاتعرف.
بوشي بحدة
لا عايز اعرف دلوقتي والا،،،،،،،،
فيرن موبيل برديس فتمسك برديس الموبيل واللي كان بيتصل بيها ابو عزه فتفتح الخط بسرعه وتشغل الاسبيكر و قالت
مين حبيبي انا. رد علية واقول
فيرد ابو عزة بصوت وحش اوي ويقول
انا حبيبك انتي
برديس بدلع
مين علمني المحن
ابو عزة
انا يا حبيبي يا محن
فيبص بوشي ليها وهو قرفان وقال في سره
اول مرة اشوف حمار بيحب نعجة. قصة حب غبية
ويسمع ابو عزة بيقول
فين الواط جوزك
استغرب بوشي وقال
الواط اية الكلمة دي انا قولت ابو عزه مش بني ادم دة كلام الجن
برديس حطيت ايدها علي الميكروفون وقالت ل بوشي
هو الدغ في الدال بيقولها ط
وهنا سمعو ابو عزه بيقول بحدة
بت يا برطيس انتي سكتي لية بقول لك فين الواط جوزك
رجعت شالت ايدها وقالت ل ابو عزه
جنبي اهو
ابوة عزة
طيب خلي يكلمني
برديس
هو سامعك. قول
ابوة عزة
واط يا بوشي. هو سؤال وعايز اجابة صريحة اية رايك في لون شعري
فتضحك برديس وتقول
بيموت في رامز
فيبص لها بوشي وقال وهو قرفان
اية اللذيذ في اللي هو قاله. عشان تضحكي دة دمة تقيل وصوتة وحش
ابو عزة بعصبية
هو مين طة اللي صوتة وحش. اية يا برطيس ما تلمي جوزك بطل ما لمة انا
بوشي
الله يخرب بيت العربي بتاعك الجملة مليانه اخطاء املائية انت سايب نفسك لية كدة روح شوف لك لحام يرد لك حرف الدال
برديس
عيب يا بوشي دة مهما كان حبيبي.
ابو عزة
حبيبي يا محن
برديس
قلب المحن
وتضحك بدلع شديد فيقول ابو عزة
برطيس احترمي نفسك وخلي ضحكتك محترمة شوية انتي طلوقتي معاكي راجل غريب عني
بوشي
لما انت بتغير عليها كدة. تعالي خدها
ابو عزة
نفسي. بس في ظروف تحوشني عشان كطة انا هاسيب برطيس معاك امانة لمطة سنة كاملة بس عايز لما ارجع اخطها منك الاقيها بنت بنوت والا
ثم يتنهد ويقول بلغة تهديد مخيفة
هانفخك واسلخ جلط اهلك. كله الا حريمي. وقط اذعر من انظر واللي اولة شط اخرة بسين. ويوم ما النار تحرقنا يبقي علي الاقل نطفئ. ولو راجل كبير في سن امك اتكلم يبقي علي الاقل تسمع له
بوشي باستغراب شديد
انت بتقول اية انا دوهت منك معاك كلام كتير وحكم حلوة بس كلها مش لايقة علي بعض طالع من بوقك قشط عيال صغيرة
ابو عزة
ابوة عزة خلص كلامه وزي ما قال المطاح حماطة هلال الا الحريم
وخلصت المكالمة وقال بوشي
المطاح حماطة وربنا ابو عزة ده من الجن انتي كشفتي عليه يا برطيس
برديس كان حاضنه الموبيل وبتقول
شايف بيغير علية ازاي راجل الرجالة كلها
بوشي
ابو عزه ده بيشم جلة البهايم صح
برديس
لا. بس بيبرشم شريط او اتنين علي خفيف
بوشي
واشمعني بعد سنة هايجي يستلمك هو لسة في الجيش
برديس
لا دة سر ما ينفعش اقول لك علية. بس نصيحة مني اسمع كلامة وخلي لما يجي يلاقيني بنت بنوت أوي بنت بنوت خالص
ويتفتح باب الاوضة وتدخل سكينة عليهم ومعاها طرقعها ويتفزع الاثنين وتبص لطرقعها وتقول
مش قولت لك انه لسة بالبدلة هات ال 200 ج الرهان
طرقعها طلع 200 ج واداهم ل سكينة وقال
ست الكوكب علي حق ديما بس انتي عرفتي ازاي
سكينة
اصلي ل سمعت ضحكة مايصة كدة ولا صوت قباحي كدة وكمان انا عارفة بوشي بياخد وقت عقبال ما يفك
طرقعها
طيب كنا طلعنا بدري عن كدة من الفريزر
وضحكت سكينة وطرقعها ضحك وبرديس قالت ل امها
ابن اختك دة تاعبني بتحايل علية يقلع وهو مش راضي
بص لها بوشي وقال
اة يا بنت الكدابة
سكينة بدات تزوم وقالت
مين دي اللي كذابة
بوشي
مش انتي
سكينة
هعديها المرة دي وقولي لية ما دخلتش علي البت لغاية دلوقتي
بوشي
هادخل يا سكينة مستعجلة لية كدة
سكينة
طيب يالا
بوشي باستغراب
يالا ازاي بس وانت واقفة كدة ومعاكي الطبلة بتاعتك
وبص ل طرقعها فقالت سكينة
عندك حق
وراحت ناحية طرف السرير وقعدت عليه وبصت ل طرقعها وقالت
تجيب 200 تاني وتتفرج علي الدخلة بث مباشر من جوة الاوضة ولا تستني الاعادة بكرة علي جروب الواتس بتاع الجاردات
بوشي
اية دة انتي هتذيعي الدخله
سكينة
دول عيال غلابه وبدل ما يخشو علي المواقع الوحشة اهو بساعدهم باللي بقدر عليه
بوشي كان هايتجنن وطرقعها قال
انا لسة ما قبضش هستني بكرة الاعادة علي جروب الواتس
وخرج طرقعها من الاوضة وساب سكينة وبوشي كان مستغرب اللي حصل واتقال وسكينة قالت
اهو انا قعدت. يالا بقي. فرجني هاتدخل ازاي
هنا برديس قالت ببرود
ايوة صحيح فرجنا هاتدخل ازاي
فيبص لهم بوشي وهو مصدوم وسكينة قالت
ما تيلا
بوشي
سكينة اخرجي من الاوضة لو سمحتي
سكينة وهي بتضحك
انت مكسوف مني ينيلك عيل دة اللي مطهراك وكنت بغير لك لغاية ما بقيت في ستة اعدادي
بوشي
سكينة ما فيش حاجة اسمها ستة اعدادي دة مبدئيا كدة واخر كلام عندي انا مش هادخل علي بنتك وانتي قاعدة كدة
سكينة
وانا مش هاخرج الا لما تدخل
بوشي
كدة هاخرج انا
وخرج بوشي من الاوضة وقفل الباب وراء منه وسكينة تبص لبرديس وتقول
هو ماله اضايق لية
برديس
هو علي طول كدة من يوم ما اتجوزنا ما شوفتش معه يوم عدل كل يوم خناق وزعيق انا تعبت منه
باب الاوضة اتفتح ووقف علي الباب بوشي وقال
هو اللي انا سمعته دة صح من يوم ما اتجوزنا اللي هو من ساعة فاتت
لكن برديس تبص له وتعيط وتاخذها سكينة في حضنها وهي تقول
بس بطلي عياط ولو عايزا تخلعي اخليكي تخلعي
برديس وهي بتبص ل بوشي ببرود
لا. هاحشي احسن
بوشي كان هايتشل و رزع باب الاوضة ومشي سكينة خرجت وراء منه وندهت علي طرقعها اللي جالها بسرعه وقالت
ست الكوكب
سكينة
بوشي هيغلبنا وانا مش ناقصة غلب و ابو عزه بيتحداني وهدده انه اياك يدخل علي بنتي
طرقعها
ما قولت لك نخلص من ابو عزه والصداع اللي عامله لينا
سكينة
الدم مش سكتنا لكن الحيلة والمكر لعبتنا
طرقعها
انتي تخططي واحنا ننفذ يا ست الكوكب
سكينة
عايزا بنتي تحمل من بوشي علشان اقفل باب الرجعه بينها وبين ابو عزه
طرقعها
ازاي بس وانتي لسة قايلة الدخلة هتبقي صعبه
سكينة
عندنا في الاسطبل فرسة اسمها خيرية وخيرية دي كانت في وقت جوازها لكنها كانت بترفض اي فحل يقرب منها
طرقعها
حصل وساعتها جبنا الدكتور البيطري سلكة الحيوان وخصبها بالتلقيح الاصطناعي
سكينة لعبت في شعرها الاحمر وقالت
هو دة ابعت وهات سلكة الحيوان علشان هيلقح برديس تلقيح اصطناعي والفحل بتاعنا هيكون بوشي
طرقعها استغرب وقال
ودي هنعملها ازاي يا ست الكوكب
سكينة
مش احنا اللي هنعمل كدة دة هو
طرقعها
هو مين
سكينة
زوبع ،،،،،
ويتغير المشهد وزوبع حاطط دماغه جوة الميكرويف وبيشد دخان الحشيش اللي جوة الميكروويف
و كان مع اصحابه ولابس فانله وشورط بس وبيقول
كلنا ناسين ومش فاكرين وعلي العهد احنا مفسيين و برضو يا منجد علي المرتبة
ورن موبيله فطلع دماغه برة الميكروويف وبص للموبيل ولقي اسم الخالة سكينة تتصل بك وقال
يا ديني علي الفصلان الله يلعن ابو اللي اداكي رقمي
و داس اوكية ومعاها سمع
ساعة يا زفت علشان ترد عليه
زوبع
عايزا اية تاني مني يا خالتي
سكينة
بوشي جالك ولا لسة
زوبع اتعدل وقال
وهيجي لي لية هي النهاردة الدخلة عندي ولا عندك ولا ما عجبتهوش برديس وجاي يدخل عليه انا
سكينة
اسمع انا مش عايزاك تزعله مهما حصل وخده علي الهادي
زوبع لبس بنطلون كان جنب منه وقال
اية هو اللي اخده علي الهادي انتو عايزين مني اية بالظبط
سكينة
افهم يا حمار يا متخلف بوشي خرج من الفيلا وهيجي لك وهو متعصب بلاش تعصبة زيادة وخده علي الهادي وخلي يطمئن لك وخدرو بالمخدرات علي قد ما تقدر وشوف له بت شمال من اللي انت تعرفهم علشان يقضي معاها الليلة وبعدها بنتي تحمل
زوبع
خالتي انتي بتشربي حشيش معانا ولا الموبيل في خرم سرب دخان ليكي
سكينة
بتقول كدة لية يا ابن هياتم
زوبع
اصلك عايزا جوز بنتك يكون مع واحدة تانية علشان بنتك هي اللي تحمل هتعمليها ازاي دي بوصله تايب سي
سكينة زعقت باعلي صوت عندها وقالت
ولا انت تعمل اللي بقول لك عليه وبس و اول ما يجي لك انا هكون عندك فاهم يا ابن هياتم
وخلصت المكالمة وزوبع بص للموبيل وهو مصدوم وبص ل واحد من اصحابه اسمه كشكشها وقال
بقول لك يا كشكشها هو انا ينفع اتجوز امك واختك اللي هتحمل
كشكشها اللي كان مسطول طينه
عادي يا صاحبي بس هتدفع الفرق لان امي مستعمله قبل كدة انما اختي
وسكت شوية وبعدها قال
صدق مستعمله برضو
وضحكو الاثنين باعلي صوت عندهم وقال زوبع
ال A I دة ما خلاش اتجوز واحدة والتانية تولد ،،،،،،
ورجع زوبع و حط دماغه تاني جوة الميكروويف
