رواية الخاله سكينه الفصل الرابع
ومن جوة شقة زوبع ووقت ما كان مسطول هو واصحابه يسمع صوت خبط علي باب الشقة فبص ل صاحبة كشكشها وقال
انت اللي بتخبط
كشكشها وهو مفتح عينه بالعافية
وانا بس هخبط لية ما بعرف ارن الجرس حتي شوف
وداس بصباعه في الهواء وعمل صوت الجرس وقال
تريررن تريررن
زوبع
ظلمتك يا صاحبي
وبص ل صاحبه التاني اللي كان باين عليه انه مايص اوي واسمه خلود وقال
انت ياة يا خلود اللي بتخبط
خلود بص له وقال
يارب ظوافري تقصف وشعري يتقرطف مش انا
زوبع
اومال هيكون مين بس
كشكشها
انا عندي فكرة تقوم تفتح وتشوف مين يمكن احنا طالبين دليفري وناسيين
زوبع
والله فكره
وقام بصعوبه وراح ناحية الباب وفتح الباب وشاف بوشي ومعاها نسمع احلي بوم اصله خد حتة بونية في وشه خليته يطير في الهواء ويرجع تاني عند اصحابه بص بوشي ل ايده وقال
انا خد حقنه لاهيطة ولا اية
زوبع
لا انا اللي جسمي مليان دخان فسهل اطير وزمان قاله في الامثال
حتي لا يطير الدخان
بوشي
كل خلق الله مخلوقين من لحم ودم الا انت مخلوق من دخان
وهجم بوشي علي زوبع تاني ،،،،،،،،،
الخالة سكينة
من تاليفي، ،
محمد منصور.
* منص *
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومسك بوشي زوبع من هدومه ورفعه لفوق وقال
انت يا زوبع الكلب تطلع متفق مع خالتي عليه انا وتخليها تلبسني جوازه بالاونطة من برديس
زوبع اللي كان طاير ل فوق وبوشي بيبص له باستغراب وقال
ما تنزل علي الارض ياة انا بتخانق مع الانسان الهليوم
زوبع
اشهدوا يا ناس اخويا بوشي اللي مني عايز يقتلني
هنا خلود قال بصوت نتاية
ابعد عنة يا رخم
بص بوشي ل خلود ورجع ب ل زوبع وقال
مين دي
زوبع
دة خلود اخطر واحد فينا احسن لك تبعد عننا لاننا كلنا شاربين حشيشة مسلسل النهاية وممكن نشحنك بالطاقة الشمسية
خلود
ابعد عنه بدل ما اقوم اخربشك
بوشي
لو خربشتني هعضك
فقام خلود وقف وبقي قصاد بوشي بالظبط و فضل باصص ل بوشي فقال بوشي
يا ابني انت ولا يا بنتي انتي انا خايف ازقك في صدرك اخد 6 شهور. ويتعمل لي قضية تحرش
زوبع
طيب روق يا صاحبي واقعد خد معانا نفسين من حشيشة النهاية. ولا تحب تشرب حشيشة البرنس. ودور معانا علي مريم بنت رضوان
بوشي وهو بيسيب هدوم زوبع وبدا يهدي شوية وقال
انا مش عايز حاجة انا كل اللي عايزة اخلص من الكابوس بتاع برديس دة باي طريقة
زوبع
طيب وخالتك.
بوشي
انا ماليش دعوي بحد ومش هاعيش مع برديس غصب عني. انا بحب سمر وهاتجوزها
زوبع
دة كدة في بوليكة كبيرة هاتحصل بينك وبين خالتك
بوشي
تحصل بوليكة تحصل عوليكة انا مش هاكمل في الجوازة دي. باي شكل وزي ما ورطني تشوف لي حل
زوبع
طيب وابو عزة اللي عايز يتجوز برديس غصب عن خالتك
بوشي باستغراب
ابو عزة هو انت تعرف ابو عزة
زوبع
طبعا دة نصاب كبير وتاجر سلاح وكان من رجالة خالتك سكي،،،،،،،،
وسكت زوبع لما حس انه بدا يعك ما زي ما انتم عارفين بوشي ما يعرفش ان سكينة رئيسة عصابه وقال بوشي
سكت لية. كمل
زوبع
بقول لك اية انا ماليش دعوي بالحوار دة ابعد عني وسيبني في حالي وكفاية ان مريم ما عرفتش ابوها
بوشي باستغراب
مريم مين
زوبع
مريم بنت رضوان البرنس
فيضربة بوشي بالقلم ويقول بعصبية
يا عم بقي. رمضان خلص ومريم رقصت مع رضوان في الفرح فوق من الحشيش دة شوية
زوبع فرحا
بجد والله مريم عرفت رضوان
بوشي بحدة
زوبع ارغي وقولي اية حكاية ابو عزة مع خالتي ويعني اية نصاب وكان من رجالتها
زوبع
بلاش انا. خالتك ايدها طويلة وانا لو حكيت لك ممكن تعمل معايا. الا. واخواتها
بوشي
ماتخفش. قولي بس الحوار في اية. وهاجيب. لك حشيشة فدوي
يا عمري ولا تحب بتاعت جعفر العمده وكلنا نروح ندور علي ابنه
زوبع وهو فرحان
بجد فدوي نزل منها حشيش لا كدة بقي احكي لك الحوار علي السريع خالتك كانت نصابة كبيرة وابو عزة كان الذراع اليمين ليها لكنة طمع في برديس وطلب ايدها من خالتك وخالتك رفضت هددها بانة يسلمها للحكومة ويفضحها لكن خالتك سلمتة للحكومة قبل ما هو يسلمها وماقدرش يفتح بوقة عشان عياله تحت ايد خالتك وهاتزعله عليهم لو اتكلم وهددت برديس انها لو كلمت ابوة عزة دة تاني لتزعلها وها تحبسها لغاية ما ترجع لعقلها
اتصدم بوشي وحس انه دايخ من صعوبه المفاجاة وقعد علي الركنة وما خدش باله ان خلود كان قاعد فنزل فوق رجل خلود وقال خلود
أي
ولف خلود ايدة حوالين وسط بوشي وقال
يا ولا. بتعرف تسوق ولا هاتوقعنا
يقف بوشي مرة واحده ويبص ل خلود وهو قرفان
يخرب بيتك انت ولا انتي انا مش ناقصك
ويبص بوشي لزوبع ويقول
عشان كدة خالتك جوزتني من برديس
زوبع
ايوة. عشان تقطع اي حبل ممكن يوصل بينها وبين ابو عزة
بوشي
طيب اية رايك بقي ان برديس لسة بتكلم ابوة عزة
زوبع
انت بتقول اية. دة لو خالتك عرفت هاتخرب الدنيا
بوشي
انا بعد اللي عرفتة عن خالتي وانها كانت نصابة هاهرب واسيب الفيلا واعيش حياتي
وراح بوشي ناحية باب الشقة فقال له زوبع
هاتروح فين يا صاحبي
بوشي وهو بيبص له
اي حته ماحدش يعرفني فيها
زوبع
وتسيب العز اللي معيشاك في خالتك
بوشي وعيونة بتدمع
يغور العز اللي جاي من حرام. تعرف اني انا دلوقتي نفسي اكون ظابط واقبض عليها وارجع فلوس الناس اللي سرقتها منهم
زوبع
عايز تبقي ظابط وتحبس خالتك اللي بتحبك
بوشي
طالما رئيسة عصابه لازم تاخد جزاتها وانا مش هاسكت، ،،،،،،،،
في نفس الوقت كان طرقعها جاب الدكتور سلكة الحيوان وهو مربوط و سلكة بيقول
يا ست انتي انا دكتور بيطري ازاي عايزاني اعمل عملية تلقيح صناعي ل بني ادميين دة مش مجالي
سكينة وهي بتحط طلقات في الرشاش الالي بتاعها قالت
يعني اية مش مجالك ما الانسان زي الحيوان وزي ما عملت في الفرسة خيرية هتعمل في بنتي
سلكة
وعايزا تلقيحها من اني حصان عندك
سكينة
انت حمار يا سلكة انت هتلقح بنتي من بني ادم زيها
سلكة
وازاي هنعمل كدة
سكينة
هقول لك ازا،،،،
لكنها سكتت لما سمعت موبيلها بيرن واللي كان بيتصل بيها زوبع ف رديت وقالت
ايوة يا زفت
زوبع
الحقي يا خالتي في حد قال لبوشي انك رئيسة عصابه وهو ناوي يشتغل ظابط ويقبض عليكي
اتفزعت سكينة وقالت بعصبية شديدة
ومين اللي قاله
زوبع خائفا
ماعرفش
سكينة بمكر وهي متاكدة ان زوبع اللي عملها
زوبع عرفت ان رضوان خرج من السجن وبيدور علي مريم
زوبع بحزن
اة. عرفت
سكينة
طيب عرفت ان جعفر العمده لقي ابنه في الصاله
زوبع بحزن
اة. عرفت
سكينة
طيب عرفت ان زوبع هو اللي قال لبوشي علي حقيقتي
زوبع
اة. ماهو كان لسة عندي وقولت له
سكينة
طيب عرفت انا ناوية اعمل اية في زوبع
زوبع
لا. لسة الحلقة دي ما جتش
سكينة
جاي لك حالا يا ابن هياتم.
وترمي سكينة الموبيل وهي بتصرخ بشدة فيخاف زوبع ويصرخ هو كمان فيقول له كشكشها
مالك
زوبع وهو بيترعش من الخوف
ماعرفش مين الحمار اللي قال لسكينة ان بوشي عرف انها كانت رئيسة عصابه ،،،،،،،،،،،
ومن جوة عربية سكينة اللي كانت سايقة ورايحة ناحية بيت زوبع وهي علي اخرها مش مصدقة ان بوشي عرف حقيقتها اللي مخبيها بقالها سنين كتير فجاة تشوف حادثة كبيرة وناس ملمومه وعربية اسعاف بتنقل المصابين ووقعت عينيها علي عربية بوشي فاتخضتت ووقفت ونزلت من العربية بسرعة وراحت جري ناحية عربية الاسعاف ولقيت بوشي مصاب صرخت وخدتة في حضنها ولقيتة بص لها وبيقول
انتي مين
سكينة قالت
بوشي انت مش عارفني انا خالتك سكينة
بوشي بعصبية
انا مش بوشي. انا المقدم بشير الاسكندراني ومش هاسيبك يا سكينة يا عارف يا معروف الا لما اقبض اعليكي واحط في ايدك الشنكلابات
سكينة
بوشي انت بتقول اية
فيبص لها بوشي ويقول
مين بوشي دة انا المقدم بشير الاسكندراني. قولت
واغمي علي بوشي لان الخبطة كانت في دماغة، ،،،،،،،،
