رواية قمر اسود الفصل الرابع
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
راحت حنان بسرعة للشباك اللي كان في الاوضة وحاولت تفتحه لكنها حست بايد سخنة مسكت ايدها صرخت وهند قالت
متخافيش مش هيقدر ياذيكي. دة جاي علشاني انا
حنان صرخت وجسمها كان كله بيتنفض وهي بتفتح الشباك وفعلا فتحت الشباك علشان. تشوف اكتر مشهد غريب ممكن حد يشوفو. شافت القمر بينزل من السماء ورايح ناحيتها وخارج منه ضوء ولا. ضوء الشمس. استغربت جدا وفضلت باصة للي بيحصل وهنا تسمع صوت صرخة حيوان بيتوجع بصت وراء منها شافت كلب اسود ضخم بيخرج من باب الاوضة وهو مقفول. وهند رجعت زي ما كانت حنان قربت منها وهي مرعوبه وقالت
ممكن افهم معني اية اللي حصل دلوقتي دة
هند بصت لها وقالت
اقفلي الشباك وارجعي اقعدي مكانك
حنان وهي بتترعش من شدة الخوف
اقعد ازاي بس وانا جسمي كله بيترعش
هند
حاله الرعب اللي انتي فيها دي هي نفس حالة الرعب اللي جت ل امي خديجة لما صحيت من نومها يوم الكابوس الاول ليها
حنان
كابوس اية دة
هند
كون انها تشوف خليل في احلامها دة ما يعتبرش كابوس
حنان
ودة حصل امتي وازاي
هند
ما انا لسة قايلة لك انها راحت ل خليل اوضة وقالت له
كان في بينا اتفاق وانت خليت بيا وفضحتني قدام جوزي
ضحك وسنانه السوداء بانت وقال
انتي اللي غدرتي بيا الاول. بس اللي اتكسر يتصلح. خشي
ودخلت خديجة واتقفل الباب وراء منها وهنا تفتح خديجة عيونها علشان تلاقي نفسها نايمة علي الارض في الصاله وعزام قصاد منها بيهزها بايدة وبيقول
خديجة نايمة لية كدة
خديجة اللي كانت دماغها تقيلة اتعدلت وقالت
ما عرفش. انا اخر حاجة فاكرها ان دلال كانت هنا وشربنا سوي كوبيتين شاي وبعدها ما حستش بنفسي
عزام ساعدها علي انها تقوم تقف علي رجليها وهو بيقول
طيب قومي
وقامت معه وقعدت علي كرسي الانترية وعزام
اما اروح اجيب لك كوباية مية
وسابها ودخل المطبخ وحضر كوباية مية مقري عليها كل القران اللي قاله عليه الشيخ مصطفي وخرج من المطبخ وراح بالكوباية ناحية خديجة وادي الكوباية ل خديجة وهو بيقول
خدي اشربي
مسكت خديجة الكوباية ولسة هتطحها علي بوقها ما قدرتش ورمت كوباية المية بعيد وبدات تتشنج ويصابها حالة مخيفة من حالات الهياج. وتصرخ وتصرخ حاول عزام انه ياخدها في حضنة علشان يهديها لكنها زقته بعيد عنها وهي بتقول بصوت مرعب
مش هتعرف تموتني انا واللي في البطني. بقينا ملكة فاهم
عزام اتصدم ورجع ل وراء خطوتين وقال
ملك مين
ما ردتش خديجة وقامت دخلت اوضتها وعزام راح ل التيلفون الارضي واتصل بالشيخ مصطفي ورد الشيخ مصطفي وحكي لة علي اللي حصل لما بس قرب منها المية فقال مصطفي
كدة مراتك اللي عليها متحكم فيها.
عزام
يعني بتضحك عليه وهي فعلا عملت سحر القمر الاسود دة
مصطفي
مش هقدر احكم الا لما اشوفها بنفسي
عزام
لو فاضي يا شيخ ممكن تيجي دلوقتي
مصطفي
خلاص هقوم اغير وباذن الله جاي لك دلوقتي
وقفل عزام مع مصطفي. وبعدها بكام دقيقة يوصل مصطفي شقة عزام ويدخله عزام للشقة ومصطفي يطلب منه انه يشوف خديجة وفعلا يدخل عزام اوضة النوم علشان يلاقي الاوضة فاضية. اتصدم وقال باستغراب شديد
راحت فين دي، ،،،،،،،،
خديجة ماشية في الشارع ورايحة ناحية بيت قديم في الحسين ودخلت البيت دة وطلعت سلالم البيت. ووقفت قصاد باب اوضة وقبل ما تخبط الباب فتح لها خليل اللي بص لها وقال
اهلا بيكي
خديجة
رجلية جابتني لغاية عندك مع اني ما عرفكش
خليل
رجلك جبتك لغاية عندي علشان انا اللي هحميكي منه.
خديجة
من مين
خليل
جوزك المجنون اللي عايز يقتلك ويقتل اللي في بطنك
ومسك ايدها بمنتهي الشر ودخلها جوة الاوضة وقفل الباب، ،،،،،،،
ونرجع تاني ل. عزام وبعدها ب كام ساعة ومع اذان الفجر كان واقف قصاد مدخل البيت زي المجنون. بعد ما فضل يدور علي خديجة وهنا ينضم لي اخوة
سيد اللي كان بيقول
انا روحت عند كل قرايبها وبرضو ملهاش اي اثر
عزام
انا هاتجنن تكون راحت فين بس
سيد
انت لازم تبلغ البوليس وهما يتصرفوا بقي
هنا كانت دلال واقفة علي درجة من درجات السلم بتسمع اللي بيتقال وقالت
يا ليلة ملهاش ملامح هي وصلت للبوليس،،،،،،،،
ويطلع النهار وتروح دلال جري ل بيت خليل وتخبط علي الباب وهي هتموت من القلق وفتح لها خليل واول ما شافها قال
عايزا اية
دلال
خديجة من امباراح سايية البيت
وما نعرفش هي فين.
خليل
واية المطلوب مني
دلال
تعرف هي فين. قبل ما جوزها يبلغ البوليس والدنيا كلها تتعك علينا
خليل
تتعك عليكي انتي
دلال وهي مرعوبه
لية بقي.
خليل
انتي اللي شربتيها العمل اللي خلاها خدامه من خدام القمر الاسود
دلال بحدة
بقول لك اية. بلاش تلعب معايا اللعبة دي. وانا لو البوليس مسكني هقول لهم انت اللي اديتني الازازة وخلتني اشربها منها.
خليل
ومين يصدق ان راجل بسيط زيي عايش وسط اربع حيطان علي المحارة. لي في الاعمال وسكة الشيطان دي
دلال
يا خليل عليه انا برضو دة اهل الحسين كلهم عارفين انك دجال
خليل
اللي يعرف يثبت عليه حاجة يثبتها. او زي ما بيقولو. اللي يعرف طريق ابويا يروح يشتكي له
دلال
خليل انا مش ناقصة وفيا اللي مكفيني انا جت لك علشان تعمل ل خديجة عمل يخليها تنزل اللي في بطنها مش اكتر من كدة. لكنها تختفي وندخل بقي في س و ج. مع البوليس انا مش هقدر
خليل
اصل خديجة دي بيدورها عليها من زمان. واللي في بطنها هيكون في يوم خادم من خدام القمر الاسود وانا خدام وكان لازم اوصلها لي. انتي ما تعرفيش انتي قدمت لهم اية دة كنز كبير في بطن خديجة
دلال بعصبية
كنز اية وهما مين دول. اللي عايزين اللي في بطن خديجة
خليل
ملوك الكواكب. خدام القمر الاسود. ملك الجن اللي يقدر يسخر الكواكب ل اذية البشر
دلال
انا مالي ومال كل دة. عرفني خديجة فين خليني اغور من هنا
هنا تقف خديجة وراء منه وتقول
انا هنا يا دلال
اتفزعت دلال وقالت
انتي هنا
خديجة ببصة غريبة
وسمعت كل اللي اتقال.
وحطت خديجة ايدها علي كتف دلال وقالت
يلا نروح حاكم انا البيت وحشني
بصت دلال ل خليل وقالت
خليل هو اية اللي بيحصل
خليل
كنتي عايزا خديجة اهه. خديها وروحي
دلال
اروح.
خليل ببصة كلها شر
اة روحي
وقفل خليل الباب في وش دلال وخديجة قالت
مش يلا
دلال مش مصدقة ولا مستوعبه وعماله تبلع ريقها بصعوبه. وقالت
خديجة انا ،،،،،،
خديجة حطت ايدها علي بوقها وقالت
ملهوش لزوم الكلام. انا مش زعلانه منك
ومسكت خديجة ايد دلال اتفزعت دلال لما حست ان الايد اللي ماسكة ايدها ايد ساقعة ثلج وكانها ايد واحدة ميته وسحبت دلال ايدها من ايد خديجة وبصت لها وهي مرعوبه ومشيت معها وهي خايفة منها، ،،،،،،،
وترجع خديجة البيت واول ما يشوفها عزام ياخدها في حضنه ويقول
كنتي فين قلقتيني عليكي
خديجة
كنت بنزل اللي في بطني علشان اكون ليك وبس
عزام
بتقولي اية
خديجة
زعلان علشان عملت اللي انت عايزة. دة انا حتي موت وانا بنزل اللي في بطني اللي علي فكرة كانت بنت.
عزام باصص وهو مصدوم وخديجة واقفة قدام منه وبتقول
مش مصدق اني ميته
ومسكت خديجة ايد عزام وحطتها ناحية القلب وعزام اتصدم اكتر لانه مش حاسس باي دقات قلب. وكمان ايد خديجة الساقعة سحب عزام ايدة من ايدها ورجع ل وراء خطوتين وهو مبرق وخديجة سابته ودخلت الاوضة
وعزام لسة واقف مبرق مش مصدق اللي شايفة. ،،،،،،،،،
