رواية صاعقة الحب الفصل الثالث
بسم القوي العزيز
معاذ بيقرب من اميره وهي بدات تحرك ايديها بالراحه عشان تشوف اي حاجه تضربه بيها وفجأه بيهجم عليها وهي بتلاقي فرع شجره صغير وبتضربه بيه معاذ بعصبيه ايه الي عملتيه ده اميره بتسحب نفسها بعيد وبتتفاجئ لما بتلاقي معاذ ماسك تعبان وبتفهم ان حركة معاذ ناحيتها كانت عشان يمسك التعبان قبل ما يوصلها وبقيت مش عارفه تقول ايه من الكسوف و بدات تعتذر منه والله انا اسفه انا خوفت لحسن تكون معاذ قاطعها اكون ايه يا اميره حرام عليكي انتي اصلآ من القاهره اميره لا انا اصلي من الصعيد معاذ انا قولت كده برده .اميره ازاي يعني ومالهم الصعايده . معاذ ضحك الصعايده احسن ناس بس انا ليا واحد صاحبي كل لما ببصلك بفتكره مش عارف ليه يمكن عشان انتو الاتنين صعايده زي بعض .اميره بتهدا ممكن بردو بس انا عمري ما نزلت الصعيد بس بابا دايما كان بيحكي لي عن عائلتي وكده ونفسي اروح هناك بس مستحيل . معاذ باستغراب وليه مستحيل لو تحبي انا اقدر اساعدك . اميره الهم ظهر علي وشها الموضوع كبير شويه يا معاذ نخلص من اللي احنا فيه ده وبعد كده نقعد ونتكلم وبجد انت انسان محترم جدا وفعلا ياريت عندي اخ زيك . معاذ ابتسم كلنا لادم يعني كلنا اخوات وانا اتشرف ان يكون عندي اخت زي حضرتك وان شاء الله بعد الحكايه دي ما تخلص هعرفك علي رنا مراتي . اميره بندهاش انت متجوز . معاذ الحمد لله وكمان عندي بنوته زي القمر . اميره ابتسمت ربنا يسعدك ويحفظهالك انا اسفه اني كنت السبب في مشاكل ليك انت لسا ماسك التعبان مش خايف . معاذ ضحك بقول كنت صاعقه في الجيش يعني مفيش اي حاجه علي الارض تخوفني . اميره ضحكة ومره واحده اتخضت ايه الصوت ده شكلة في حد منهم هنا . معاذ وقف لا ده تلفوني بيرن الحمد لله ومسك التعبان موته وراح هو واميره باتجاه الصوت ولقي التليفون علي الارض اخد التليفون وبص علي اميره دي رنا مراتي ورد عليها وطمنها عليه وقالها انه عنده شغل كتير وهيتاخر عشان ما تقلقش عليه وبعد ما قفل بص لاميره هنطلب الشرطه وفعلآ طلب النجده وكان الصبح خلاص والشمس بدات تطلع وبعد ما قفل مع النجده رن علي واحد من اصدقائه اسمه يحيي وطلب منه يجيب عربيه ويجي عشان يركبوا معاه اول ما الشرطه تمشي وبعد ما قفل . اميره بتسالو مين يحيي ده . معاذ ابتسم يحيي ده صاحب عمري ورفيق السلاح وكمان هو اللي كنت بقولك عليه انك بتفكريني بيه . اميره ضحكت لا اذا كان كده يبقا لازم اشوفه اكيد جدع زيك . معاذ كلمة جدع دي قليله عليه ده اجدع الجدعان اكتر من مره كان بيفديني بروحه فعلآ معرفة الرجال كنوز وهو سيد الرجال . اميره جميل انك يكون عندك شخص كده ياريت يكون عندي صديقه زي صديقك ده انا بسبب الظروف اللي عشتها مش عندي ولا صديقه عشت وحيده ولحد دلوقت وحيده اوقات ببقا نفسي ارجع الصعيد بس بخاف .معاذ وليه تخافي . اميره بصراحه بابا حب ماما لكن اهله ما كانوش موافقين كانوا عايزينه يتجوز بنت عمه لكن هو رفض واتجوز ماما ووقتها جدي تعصب لدرجة انه سحب السلاح وكان جاي علي بيت بابا اللي اتجوز فيه ووقتها بابا وعمي سابو البلد ومشيو عشان عمي كمان ما كانش حابب النظام ده ومن وقتها وهما قافلين علي نفسهم و نسيو بلدهم واهلها وفضلوا هنا لحد ما ماتوا واكيد لو انا رجعت الصعيد يا ما هيقتلوني او يجوزوني ابن عمي وكمان هيخلوني اسيب الشغل . معاذ ضحك . اميره انت بتضحك ليه يا معاذ . معاذ اسف بس الفكره الي انتي وخدها عن الصعيد غلط قتل ايه و يجوزوكي ازاي الصعيد مملكه مبنيه عن الحب والعصبيه القبليه يعني اولادهم هما نور عينهم مشين علي الدين والاصول والتقاليد الصعيد منبع العلماء انا كنت بتمنا اكون صعيدي . اميره انت بتقول كده عشان ما عشرتهمش . معاذ تمام اول ما يجي يحيي انا هخليه يحكيلك عن الصعيد بنفسه ولو حابه ترجعي هو يرجعك ويوقف معاكي كمان عشان هو من عيله كبيره اووي هناك وناس مشايخ عرب . اميره لا شكرا مش عايزه حد يحكي لي عنهم كفايه الي انا اتحرمت منه بسببهم . معاذ حاضر انا مش هقول حاجه بس نقدر نسأل عن القريه الي انتي منها هي اسمها ايه . اميره اسمها ...... وبتقولو اسم القريه و مفيش دقايق ومعاذ واميره بيسمعو صوت عربيه ومعاذ بيتحرك وبيلاقي بوكس الشرطه الحمد لله الشرطه وصلت و بيتحركو ناحيتهم وبيوقف البوكس وينزل الضابط وبتتصدم اميره لما بتلاقي منتصر جاي معاه وهو بيضحك وبيلفو العساكر وبيحصروهم ومعاذ مش فاهم حاجه لكن اميره فهمت وقربت من معاذ انا تحت امركم معاذ ملوش ذنب سبوه يمشي عشان مراته وبنته وانا هروح معاكم . منتصر بيضحك وبيسقف حلو اوي المسلسل ده بس للاسف مفيش حد منكم هيطلع عايش من هنا وانتي السبب في كل ده عشان تدخلي في الحاجات اللي اكبر منك. معاذ يعني انتو بتوع تجارة الاعضاء منتصر الله الله ده انت كمان عرفت اهو يلا خلصوا عليهم وهنا معاذ بينزل ضرب فيهم واميره بتمسك فرع من الارض وتضرب معاه واول ما معاذ يلاقي فرصه يمسك اميره من ايديها ويطلع يجري وهما يجرؤ وراهم وبيضربو نار لكن معاذ بيجري بشكل مش مستقيم واميره تجري معاه لحد ما يبعدو عنهم وبيستخبو وراء شجره واميره بتاخد نفسها بالعافيه هنعمل ايه معاذ ما تخافيش ان شاء الله هنلاقي حل . اميره انا مبقتش قادره اهرب انت وسيبني لمصيري . معاذ اوعي تقولي كده تاني احنا الاتنين خلاص هنواجه نفس المصير يا اما نطلع من هنا سوا او نموت سوا بس اهدي في واحد بيقرب والعسكري بيدور عليهم و يقرب منهم ومعاذ بيضربه و ياخد منه البندقيه ويضربه بظهر البندقيه علي دماغه ويغمي عليه ويمسك ايد اميره يلا بينا والحمد لله بقي معانا سلاح وبيجرو تاني والعساكر بيشوفوهم وبيضربو نار عليهم . معاذ بياخد ساتر وبيضرب عليهم . منتصر هنستنا كتير ولا ايه . الضابط واضح ان الشخص اللي معاها مش سهل ودلوقت بقي معاه سلاح يعني الحكايه هطول شويه مش اكتر وانا هطلب دعم ونحاصر كل مداخل ومخارج الغابه . منتصر تمام المهم ما يطلعوش من هنا غير وهما ميتين الضابط ما تقلقش هو ده اللي هيحصل وبيستمر الاشتباك ومعاذ بيضرب نار بحرص شديد عشان الذخيره ما تخلصش واميره حاطه ايدها علي ودانها من صوت الرصاص وكل شويه يغيروا مكانهم وهما بيبعدو اكتر. الضابط انتو لفو من وراء عشان تحاصروهم ايه هنقعد طول النهار مش عارفين نمسكهم يلا بسرعه و يتحركوا العساكر معاذ بص علي اميره والياس ظهر علي وشه اميره اطلعي في الطريق ده علي طول هتلاقي نفسك بره الغابه بس الطريق طويل وانا هلهيهم عنك لحد ما تبعدي . اميره لا انا مستحيل اسيبك انا السبب في كل ده وزي ما انت قولت يا اما نطلع سوا او نموت سوا وانا راضيه بقدري مهما كان وكفايه اننا هنموت علي حق . معاذ انشغل مع اللي بيضربه نار عليه وسمع حركه وراه وبيلف لقي العساكر ماسكين اميره والعسكري حط السلاح في راسها ارمي سلاحك وإلا هفرتك دماغها وكده كده انتو ميتين وبدا الكل يتحرك ناحيتهم . معاذ رما البندقيه علي الارض وتلمو كلهم عليه وكتفوه واخدوه هو واميره عند الضابط والدكتور منتصر . الضابط قرب من معاذ انت مش معقول تكون سواق تاكسي انت متدرب تدريب عالي مين اللي دربك . معاذ بص عليه انا من رجالة البلد دي والبلد هي الي مدرباني . الضابط ضحك و يقرب منه و بينزل عشان يكون قدامه مباشرتا اه شكلك كنت عسكري في الجيش . معاذ وليا الشرف مش زيك بلا شرف يا احقر خلق الله اتفو عليك . الضابط بيمسح وشه ويوقف انا مش هخليك تموت بسهوله اما القمر ده للاسف لازم تموتي يا دكتوره مع اني مستخسر الجمال ده في الموت و يقرب منها ويحاول يقلعها الحجاب . اميره اتفو عليك يا زباله اللي زيك هما الي بيسوا لسمعة البدله الي انت لابسها انت بعت نفسك وشرفك وضميرك عشان الفلوس بس ربنا موجود وربنا مش هيسيبنا . الضابط اتعصب كده انتي اللي اختارتي وانا عايز اشوف مين اللي هينقذكم مني انتو الاتنين دلوقتى انتو تحت رحمتي انا . معاذ ضحك احنا تحت رحمة ربنا عز وجل يا احقر خلق الله مين انت ولا حاجه انت مجرد عبد ضعيف ذليل باع نفسه بشوية فلوس وانا متاكد ان ربنا هينتقم منك وهينصرنا . الضابط مش عارف يا دكتور منتصر الحشرات دول جايبين الثقه دي كلها منين وهما تحت رجلي ويحط رجله علي ظهر معاذ ومعاذ متعصب وبيشتم فيه . منتصر بيقرب من الظابط يلا مفيش وقت خلص عليهم . الضابط انت مستعجل ليه كده كده هيموتو بس بصراحه البنت دي معششه في دماغي . منتصر بص عليها بصراحه هي تستاهل . الضابط بيقرب منها وبيمسك الحجاب واميره بتشتم فيه وتحاول تدافع عن نفسها بس هما مسكنها ومعاذ بيصرخ وبيشتم فيه
