رواية ولو بعد حين الجزء الثاني الفصل الرابع
رفعت ماجى وشها، ارتعش شعر رأسها الناعم وكانت عيونها مختفيه تحت نظارة شمس ماركة ريبال
عاينت ادم خلال لحظات بدقة، كانت خبيره فى سبر الأنفس البشرية ولا تحتاج وقت كى تفهم اين تقف من الشخص الذى يجلس أمامها، ما يريد، وما غايته ،رأت رجل شاب متأنق بطريقه غامضه ،كونت هارب من بلاد أوروبا الوسطى، وثاورتها شكوك حاولت أن تمحيها ، بأنه مجرد متلاعب أنيق يسعى خلف إبنة الباشا، فقد تعودت ان لا تغفل اى تفصيله حتى لو كانت صغيره
ورغم نفورها اللحظى إلا أن شيء ما فى هذا المعتوة اغراها ان لا تنهض وتأمر حراسها بسحقه ضربآ.
ممكن اعرف جيبتنى هنا ليه؟
وايه دوافعك إن لقائنا يكون خارج القصر؟
وقبل كل شيء الحاجه المهمه إلى طلبت عشانها تقابلنى على وجه السرعه؟
جلس ادم ،همس وعليكم السلام تشرفنا، كان يتهكم على طريقة ماجى الترحيبيه.
سحب سيجاره وقرب واحده من ماجى
ردت مش بدخن
انا مش متسكع يا ماجى هانم او حثالة صايع بلاحقك عشان أغراض صبيانيه، اطمنى،انا هنا مش عشان اتغزل فى جمالك الباهر وعيونك الرماديه وجسمك الطلقه
الحجات دى هسيبها لابناء البشوات إلى من نفس طبقتك الاستقراطيه.
،فى رسالتى شرحت ليكى كل حاجه
ومتأكد انك مش هتتنازلى وتقعدى فى مقهى حقير لأول مره فى حياتى الاميريه غير لو حسيتى ان الامر مهم، ان رسالتى المتقزمه اثارت فضولك !
شعرت ماجى ان حاجز جواها بيتكسر ،جدار اسمنتى حاوطت بيها نفسها يتصدع، احست نحوة بألفه غريبه
رحل امتعاضها ودفنت نرجسيتها فى ركن بعيد لبعض الوقت
رغم كل الرجال الذين يتهافتون على نظره منها، كلمه او ابتسامه كان أكثرهم جديه وجاذبيه وبساطه
مزيج مرعب ،يشبه عطر فاخر من الازهار الجبليه النادرة
نفخ ادم دخان سيجارته ومرر أصابعة فى شعر ذقنه اخرج دفتر صغير من جيب بنطالة
لاحظت ماغى ان كل شيئ يخص ادم مظبوط بدقة ساعة سويسريه
انا تعمقت فى البحث عنك فى الفتره الاخيره وعرفت انك إبنة المرحوم هادى الاتريبى رجل الأعمال الراحل
وقبل ما تغمرينى بالاسألة هكون واضح ومباشر لان وقتك ضيق، انا بعرض مساعدتى فى البحث عن القاتل الطليق
إلى كل محققينك فشلو فى العثور عليه
وقبل ما تتحقى من خلفيتى الامنيه أحب اقلك انى مجرد كاتب قصص بوليسيه مغمور
طبعا انتى مش مضطره تقبلى مساعدتى وهكون مقتنع جدا لرفضك لعدم خبرتى او كفائتى
ابتسمت ماجى لأول مره بسخريه، عايزنى اقبل خدماتك لمجرد انك كاتب قصص بوليسيه ؟
نحى ادم نظارته الشمسيه ،للصدفه كانت ريبال اصليه نفس ماركة ماجى ورات خضرة عينيه الواسعه
من فضلك متقلليش من شغلى، اجاثيا كارثى رغم أنها ست بيت كتبت أعظم قصص الالغاز فى العالم
وانا هقدر احل لغز اغتيال والدك
اعتقد ان المقابله انتهت، همست ماجى وهى بتقف ،كنت فاكره عندك معلومات مهمه فعلا لكن للأسف ضيعت وقتى على الفاضى ،كاتب قصص بوليسيه لمتابعين يشعرون بالملل ؟
فتح الحارس باب السياره المرسيدس وانحنى وكانت ماجى على بعد خطوات تسير بمنحنيات جسدها المثيره
ودت لو ان ادم يوقفها ،ان يطلب منها الانتظار
لكن ادم لملم دفتره ،أعاد النظاره الشمسيه فوق وجهه
نزع سترته وضعها فوق كتفه ،منحها ظهره وسار بطريقه نابوليتانيه خلال الشارع.
فى سيارتها سألت ماجى نفسها، ليه مقبلتش مساعدته ؟
هل هيكون اسوء من عونى ؟
مرت السياره جوار ادم، رمقته ماجى بنظره اخيره وتمتمت
ربما يكون لنا لقاء آخر
ولما رفعت ايدها تلمس انفها ،صفعتها رائحة عطر ادم
توم فاردى توباكو إلتى تسللت لها من خلال يده القويه
سرت قشعريره فى بدنها،همست كانت فكره سيئه
بل شنيعه، انه يشبه شخص لا تعرفه لكنه طرق باب خيالها عدة مرات
مشيت فى الشارع ادخن سيجارتى ،سار اللقاء أفضل مما تخيلت، قرائتى لشخصية ماجى كانت دقيقه
اذا اردت ان لا تكون مطارد كن انت الصياد
عبرت دار المسنين بسيارتى كان فوزى قاعد فى نفس مكانه لم يتحرك ،رمقته بنظره اخيره وهمست كن قوى من اجلى
عندما وصلت بيتى فى الاسكندريه كانت الشمس مايلة للغروب ،نزعت ملابسى كلها خضت فى مياه البحر حتى غمرتنى، لا أحد يبحث عن شخص هو نفسه يبحث عنه
حاوط الماء من عنقى، غطست نحو الأعماق ،التففت حول الصخره العتيقه ،غصت أكثر وهناك برقت عيونى ،لأول مره أشعر بالرعب ،صعدت إلى السطح وتنفست ،عدد سكان العالم تخطى 8 مليار نسمه ولا يوجد شخص عاقل سأل نفسه
لما توجد حورية بحر، عروسة بحر ولا يوجد عريس بحر؟
ولماذا دوما هناك فتاه تحلم بالعريس الذى سوف يخطفها على جواد أبيض ؟
البشر بارعين فى اختلاق ما يحتاجونه
غطست نحو العمق مره اخرى ،فتحت عيونى رغم الظلام
رأيتها فتاه شابه غريقه حشر طرف ثوبها بين الصخر
تعلقت بها و سحبتها بكل قوتى حتى حررتها وصدعت بها نحو السطح، اى قصه تعيسه كانت نهايتك ؟
_______
جلست ماجى على مكتبها، الصور الى طلبتيها يا هانم
كان امام ماجى مجموعة صور التقطت لادم أثناء لقائهم
خلال سيره، وجلوسه على المقعد، وكلامه.
ماجى ماجى
مش بتردى على تليفوناتى ليه يا بنتى؟
رفعت ماجى وجهها، صوفيا الصباغ ؟
ازاى الباشا والدك سمحلك تخرجى من القصر ؟
قعدت صوفيا، قلتله انك وحشتينى
مين الواد الأمور ده؟
عريس جديد؟
لململت ماجى الصور، حاولت أن تخفيها، دا كاتب محقق عرض خدماته عليه
ممم همست صوفيا وعملتى ايه ؟
رفضته طبعا
مسكت صوفيا الصور عاينتها بأهتمام ،انا عايزاه
عايزاه أزاى ؟
من مده طويله والدى مصدعنى لازم يكون ليا حارس شخصى وانا كنت برفض
مكنتش لاقيه شخص يستحق يقف جنبى، ، وكمان مكنتش عايزه حارس تابع لوالدى،جاسوس ينقله كل تحركاتى
همست ماجى معتقدش انه هيوافق
ليه ؟ سألت صوفيا باستنكار، هو ميعرفش انا بنت مين فى البلد؟
مش كده، ردت ماغى، اعتقد شخصيته ومزاجيته مش هتنفع معاكى، ثم انا لسه ماخدتش قرار تجاهك
انتى حواليكى ناس كتير يا ماجى، مجتش على ده
ثم يا ستى معنديش مانع يشتغل حارس شخصى ومحقق
دا لو غيرتى رأيك،ادينى تليفونه
همست ماغى نسيت اخد تليفونه
لكن ماجى كانت محتفظه برقم تليفونه من رسالة الفيس
بسيطه قالت صوفيا لحظات وتليفونه يكون عندى
كتبت الاسم وبعتته فى رساله لواحد من حراس والدها
وبعد عشر دقايق كل المعلومات المسجله عنها كانت قدامها
على الفون.
يلا سلام بقا يا قمر
طول عمرك بتاعت مصلحتك يا صوفيا
بعد ما صوفيا اختفت من المكتب، شعرت ماجى بفراغ
بنقص ،ان شيء مهم انتزع منها
حتى لو موظفتهوش عندها كانت تتمنى ان يكون متاح لها وحدها.
كانت ترتدى ستره خضراء مزركشه وبنطال أزرق، وحذاء أسود بياقة عنق طويله
ورغم موتها كان وجهها كأنه حى يتنفس
خسارة فى الموت، لكنك مدينه لى حتى لو كنتى جثه
انقذتك من وليمة الأسماك المفترسه
وسط الظلام وانا عارى الجسد سحبت المعول ،حفرت بين الاحراش ،على ان اقوم بمهام الشرطه
تعمق القبر بما يكفى لعدم عثور الكلاب الضاله ونبش قبرها
دفنتها وغمرتها بالتراب الرطب وزرعت فوق قبرها زهره
كانت المياه تقطر من فوق جسدى وانا ماشى فى صالة البيت
سحبت هاتفى
كانت هناك عشرة مكالمات فائته
ماجى غيرا رأيها ؟
لكن ماجى مش من البنات إلى ممكن تغير رأيها بسهوله
اتصلت على الرقم وصلنى صوت هادى دافيء
اخيرا رديت ؟
نبرة شخص تشعر انه يعرفك
مين سألت؟
انا صوفيا
وانت ادم عبد الدايم صح
منذ أعوام طويله لم أعرف امرأه سوى زوجتى وشوشو
صوفيا مين وعايزة ايه ؟ ولعت سيجاره وتركت الهاتف على الطاوله وفتحت الاسبيكر
انا عندى ليك شغل بمرتب كويس سيادة الكاتب المغمور
انت هتكون حارسى الشخصى.
