رواية جثث البدروم الفصل الثالث بقلم محمود الأمين
تحت البلاط، واللي كان باين عليه إنه لسه معمول، كان في جث. تين. الجث. ة الأولى كانت للأستاذ علام، الراجل المسن، والجث. ة التانية كانت لمروة سعيد، البنت السكرتيرة اللي كانت بتشتغل عند ماهر علام، واللي أهلها كان عندهم أمل، ولو واحد في المية، إن بنتهم تطلع عايشة.. وساعتها بدأت ملامح التوتر تظهر على عامر، اللي اتقبض عليه واتحركنا بيه على قسم الشرطة عشان يتكلم ويحكي الحكاية من أولها.. ويقول إيه الحكاية بالضبط.
ولكن عامر أنكر كل حاجة، وقال إنه ميعرفش حاجة عن الجث. ث دي ومتفاجئ بالموضوع، ولكن كل محاولات عامر بالنسبة لينا كانت محاولة لادعاء الجنون، عاوز يفلت من التهمة، ولكن ساعتها بدأت أنا أتكلم معاه:
_ عامر، صدقني، إنت بتضيع وقت.. إحنا مطلعين الجث. ث دي من بيتك، كانت مدفونة تحت البلاط، ده غير إن في بقعة دم كانت على السجادة، وريحه المنظفات القوية اللي كانت في البيت، اللي واضح إنك استخدمتها عشان تنضف آثار الجر. ائم اللي إنت ارتكبتها.. ولسه إنت مش بس متهم بقت. ل مروة خطيبتك السابقة، والأستاذ علام، والد الأستاذ ماهر، صاحب الشركة اللي رفدك وفضحك، لا.. ده إنت كمان متهم بقت. ل الأستاذ ماهر ومراته وعياله الأربعة والممرضة اللي كانت شريكتك في الجر. يمة دي، فتخيل بقى إنت قت. لت كام بني آدم، وجاي دلوقتي بتنكر وبتقول محصلش.
= كل دي جر. ائم؟ ما أنا ارتكبتها لوحدي... يا باشا، الكلام ده ما حصلش، وحتى لو عملت أيه، أنا مش هتكلم.
_ وإنت مش محتاج تتكلم.. كفاية خروج الجث. تين من عندك، ده لوحده يوديك لحبل المشنقة. إحنا بس كنا عاوزين نفهم منك قت. لتهم ليه وإزاي، عاوزين نعرف السيناريو بس، ولكن لو فضلت مصمم على أقوالك، فعادي جدًا، أنا عن نفسي ما عنديش مشكلة في ده.
....
إنكار الشخص ده كان غريب.. شخص موجود عنده أسباب العداوة، ورغم كده رافض يتكلم ويقول قت. ل الناس دي ليه، رغم إن في جث. تين من الناس اللي خلص عليهم خارجين من جوه بيته، وكل حاجة جوه البيت وقتها بتبين إنه هو اللي عمل كده.. فإيه الحاجة اللي تخليه ينكر؟
وعشان كده، بعد أربع أيام في الحجز.. عامر اترحل للنيابة عشان هي اللي تحقق معاه، وتعرف السيناريو اللي قام بيه، بداية من قت. ل عيلة الأستاذ ماهر، لحد ما طلعنا الجث. ث من بيته واتقبض عليه.
وساعتها النيابة بدأت معاه تحقيق فعلًا.
******
_ عامر، إنت دلوقتي قدام النيابة، ودلوقتي أنا عاوزك تركز معايا، عشان كده كده إنت هتتكلم وهتقول اللي عندك.. إحنا كجهات تحقيق لازم نسمعك ونعرف قت. لت ليه وإزاي.. وأظن إنك اتحبست قبل كده وعارف دور جهات التحقيق كويس.. إنت كنت بتشتغل في شركة ماهر علام في قسم الحسابات، وفي نفس الوقت كنت خاطب مروة، السكرتيرة الخاصة بماهر علام، ولكن في يوم اتمسكت وإنت بتختلس من الشركة، وساعتها ماهر علام كشف اللي كنت بتعمله، والراجل تقديرًا لمروة رفض يسلمك للشرطة، ولكن في نفس الوقت فضحك في الشركة وعرف الناس كلها إنك حرامي، وطبعًا مروة فسخت الخطوبة.. ورغم كده إنت روحت المنطقة اللي ساكنة فيها مروة وطلعت عليها إشاعات إنها على علاقة مش محترمة بماهر علام، وقتها والد مروة حرر محضر ضدك واتحبست.. وعشان كده لما طلعت قررت تنتقم من ماهر علام، اللي فضحك ورفدك من شركته، وتنتقم من مروة اللي سابتك ورفضت تصدقك.
= بس هي مش إشاعات، وأنا مختلستش فلوس من الشركة.. كل ما في الموضوع إني اكتشفت خيانة خطيبتي، شوفتها بعيني وهي في حضنه، ولما قررت أفضحهم لقيت نفسي لابس موضوع الاختلاس، وبقيت أنا الحرامي في عيون كل الناس، وهي الملاك اللي سابت الحرامي، ولما قررت أتكلم عشان الظلم اللي اتعرضتله، لقيت نفسي محبوس، وعشان كده من وأنا في السجن بدأت أخطط للانتقام، وكانت البداية لما حد من الناس اللي بره عرفني معلومة إن ماهر علام نشر إعلان في الجرايد وإنه محتاج ممرضة عشان تقعد مع والده مريض الزهايمر.. والبنت ساعتها اللي راحت وتقدمت للوظيفة واحدة تبعي اسمها صابرين ومقطوعة من شجرة، وكانت بتتعامل طبيعي جدًا، لحد ما خرجت من السجن، وساعتها نفذت الخطة اللي اتفقنا عليها، خدر. ت ماهر علام ومراته وعياله وخل. ص عليهم بالمخدر.. عرفت تتصرف، عشان أنا اللي طلبت منها إن الجر. يمة تتم من غير دم.
وساعتها كلمتني وقالت إنها خلصت، وسابت بس الراجل الكبير اللي كده كده مش فاكر هو اسمه إيه أصلًا.. دخلت الفيلا وقتها وقلبتها وسرقت كل اللي فيها، وبعتنا رسالة على جروب الشركة من تليفون ماهر علام إنه مسافر هو وعيلته إجازة.. بس اللي كنت مش عامل حسابه إن مروة تيجي الفيلا على أساس إن معاها أوراق لازم تتمضي قبل ما ماهر يسافر، وساعتها شافت الفيلا اللي متبهدلة والخزنة اللي مسروقة، وقدرت تهرب قبل ما نمسكها.
وعشان كنت خايف إنها تبلغ الشرطة، خطفتها، وبعدها عرفت إن الراجل المسن اللي عنده الزهايمر ده، واللي صابرين قالت إنه كده كده مش هيفتكر حاجة، راح وبلغ باختفاء عيلته، حطيته في دار رعاية، خطفته هو كمان.
_ يعني معنى كده إن الجث. ة اللي إحنا لقيناها في الطريق الصحراوي، وكانت محروقة، تبقى جث. ة صابرين، مش كده؟
= دورها خلص.. ولولا الغلطة اللي هي غلطتها، وإنها سابت الراجل المسن ده من غير ما تخل. ص عليه، كان الموضوع هيخلص من غير شوشره، وساعتها الشرطة كانت مش هتروح بيت ماهر علام أصلًا، لكن تعمل إيه في الغباء؟ كان لازم تموت، وبعدها خل. صت على الراجل اللي اسمه علام ده، وعلى مروة، عشان أخفي أي دليل وأقطع الطريق على أي شاهد ممكن يشهد ضدي، اللي قدم البلاغ اتق. تل، واللي شافت اتق. تلت، واللي نفذت كمان اتق. تلت.
_ ولولا الحكاية القديمة اللي أظهرتها التحريات، كان زمانك بعيد خالص عن الأنظار، بس مفيش جر. يمة كاملة يا عامر.
....
بعد اعتراف عامر بكل الجر. ائم اللي ارتكبها بمساعدة صابرين الممرضة، النيابة كانت فاكرة إن الموضوع كده انتهى.. خلاص مسكنا القات. ل واعترف بجريمته، وقال كل حيثيات الموضوع من بدايته لنهايته، وطبعًا تفاصيل الجر. يمة لازم تذاع للإعلام وللصحافة.. ولكن ساعتها لقينا والد مروة جاي على القسم، والراجل كان باين عليه العصبية والزعل، عشان الكلام اللي انتشر وقتها من اعترافات عامر، إن مروة كانت على علاقة غير شرعية بماهر علام، وإن عامر لما واجه مروة بالخيانة، لقي نفسه متهم بالاختلاس، ولما حب ياخد حقه منها ويفضحها زي ما فضحته، واتبلت عليه هي وماهر، اتحبس.
وساعتها الكلام اللي قاله والد مروة في محضر جديد، خلى الموضوع ياخد سكة تانية خالص.. وكانت البداية لما تكلم الأستاذ سعيد وقال:
_ ينفع الكلام اللي انتشر عن بنتي ده؟.. الله يرحمها كانت طاهرة وشريفة، وكانت بتحب الحيوان ده، ولكن للأسف وصل بتفكيره إنه يتهمها في شرفها بعد ما قت. لها.. بس أنا هنا النهارده عشان أقول الحقيقة، بنتي كانت كده كده هتسيبه من قبل موضوع الاختلاس ده، عشان الشخص ده كان عنده ميول مختلفة، وكان هيتجوز بنتي عشان شكله الاجتماعي بس.
= قصدك إيه بميول مختلفة؟.. أوعى يكون اللي فهمته.
_ أيوه، هو اللي فهمته، وبنتي لما اكتشفت الكارثة دي قررت إنها تفسخ الخطوبة، وكانت مبلغاه إنها مش هتكمل، ولما حصل موضوع الاختلاس لقينا سبب مقنع لفسخ الخطوبة عشان ما نفضحهوش قدام الناس، بس طالما وصلت للتعدي على شرف بنتي، فخلاص أنا كمان من حقي أقول الحقيقة.
....
والد مروة كان بيتكلم، وحقه يدافع عن بنته، ولكن في نفس الوقت أنا كانت عيني على المحضر اللي اتعمل بتغيب مروة وأقوال عامر في النيابة.. وساعتها لفت نظري معلومة مهمة، مروة اختفت بعد 24 ساعة كاملة من اكتشاف جر. يمة ماهر علام، وده التاريخ اللي معمول بيه محضر التغيب، ولكن عامر في أقواله قال إن مروة اكتشفت إن الفيلا مسروقة في اليوم اللي حصلت فيه الجر. يمة، والجر. يمة تم اكتشافها بعد موت العيلة بخمس أيام!
يبقى إزاي معقول مروة سكتت كل الأيام دي لحد ما عامر خطفها وقتلها، ولا إيه؟!.. وقبل ما أفكر في أي حاجة، العسكري بيدخل عليا وبيقول إن في مشكلة كبيرة في الحجز ما بين المساجين، فاتحركت من مكتبي على الحجز عشان أشوف في إيه، ولما دخلت اتصدمت، عشان عامر حسين.. اتق. تل!
شكرا لزيارتكم عالم روايات سكيرهوم
