رواية عاصفة النسور الفصل الثالث
محمود .. بيمشي بعيد وبيفتح المكالمه
الزعيم .. انا اتصلت بيك عشان اعزيك ياريت تكون عرفت قوتي قد ايه واني اقدر اعمل اي حاجه انا عايزها وبسهوله
محمود .. انا عرفت انك احقر انسان في الدنيا ومهما كنت بعيد انا هجيبك وهنتقم منك وهتدفع تمن اللي عملته والايام بينا
الزعيم .. بيضحك انا هسيبك عايش حاليآ بس وبيقفل السكه
طارق .. بيقرب من محمود خير يا محمود في حاجه
محمود .. الكلب اتصل بيا تاني
طارق .. واضح انه حاطك في دماغه لازم نعرف مين ونوصله في اقرب وقت
محمود .. اكيد يا سيادة العميد انا مش هرتاح غير لما انتقم لزوجتي وبنتي
طارق .. احنا جنود يا محمود انسى فكرت الانتقام و المخابرات هتعمل الازم وتسلمه للعداله ما تخليش حزنك ينسيك قسمك يلا يا ابني
محمود .. بيقرب من عايده يلا يا طنط انا هوصلك وبياخدها وبيوصلها وبيطلع معاها لو احتاجتي اي حاجه يا امي كلميني وانا علي طول هاجي اطمن عليكي
عايده .. ربنا يحفظك يا ابني ويصبرنا
محمود .. امين يارب العالمين بعد اذنك يا امي انا همشي
عايده .. اتفضل يا محمود
طارق .. ضياء عملت ايه
ضياء .. جبت عمال شالوا كل الحاجات اللى ادمرت فى الشقه ولولا ان كمية المتفجرات كانت صغيره كانت الشقه كلها ادمرت
طارق .. الحمد لله علي كل حال وربنا يرحمهم ويقدرنا نجيب حقهم يا ابني انا هرجع الكتيبه وانت خليك مع محمود
ضياء .. تمام يا فندم
محمود .. بيوصل العماره وبيلاقي ضياء مستنيه السلام عليكم
ضياء .. وعليكم السلام ورحمه الله وبركاته يلا نطلع
محمود .. ضياء انا بخير روح انت لزوجتك واولادك وما تقلقش عليا
ضياء .. لا يا محمود
الشقه كلها مدمره مش هتعرف تقعد فيها محمود يقاطعه بالله عليك انا محتاج اكون لوحدي ولو احتاجت حاجه هكلمك
ضياء .. ماشي يا محمود انا مش هنام لو احتاجت اي حاجه يكفي بس انك ترن اتفضل مفتاح الشقه تصبح علي خير
..محمود وانت من اهله وبيطلع الشقه وبيفتح الباب واول ما بيدخل بيشوف اسيل وهي بتجري عليه وبينزل علي ركبه عشان يحضنها لكن بتختفي وبتظهر رحمه وهي بتقوله يلا الاكل جاهز وكل ما بيبص في ركن في الشقه بيشوفهم ويفضل يبكي و كانوا شايفهم قدامه في كل مكان في الشقه و يدخل اوضة اسيل ويلاقى كل الفساتين بتاعتها واللعب مرميه فى الارض وبياخد فستان و بيحضنه وهو يبكي بحرقه وينام علي سريرها وهو بيفتكر شكلهم بعد الانفجار ..
عايده .. بتنام علي السرير و تشوف صوره لرحمه واسيل كانت علي طول حطاها علي التسريحه وبتقوم وبتاخد الصوره وهي بتبصلها والدموع نازله من عنيها وبتحضنها وبتنام
.. وبتعدي الايام ومحمود حابس نفسه في الشقه ولا بيرد علي حد ولا بيكلم حد وضياء جه اكتر من مره ويخبط ومحمود ما يردش عليه وساعات يطلب منه يمشي من غير ما يفتح الباب وفي يوم ضياء قلق اووي عليه وراح الشقه وفضل يخبط و مفيش رد ويرن التليفون مقفول كسر الباب ودخل لقي محمود مرمي علي الارض وفاقد للوعي وبيشيله وبينزل وبيحطه في العربيه وبيطلع علي المستشفي ..
الدكتور .. الحمد لله انك لحقته لو اتاخرت شويه كمان كان لا قدر الله مات
ضياء .. طمني يا دكتور عنده ايه
الدكتور ..هبوط حاد في الدوره الدمويه واضح انه له ايام ما اكلش حاجه وهو ده سبب انه دخل في غيبوبه وانا دخلته العنايه المركزه وهيفضل في العنايه ٤٨ ساعه وان شاء الله بعد ما يتنقل من العنايه لغرفه عاديه تقدر تدخل تطمن عليه
ضياء .. الحمد لله شكرآ يا دكتور
عايده .. بتدخل المستشفي وبتجري علي ضياء طمني يا ابني محمود عامل ايه
ضياء .. في العنايه المركزه وان شاء الله هيكون بخير يا طنط واسف اني كلمتك في الوقت ده
عايده .. انت بتقول ايه ده محمود ده ابني وهو اللي فضلي
ضياء .. انا مش قادر عليه وليه اسبوع كل يوم اروح له وكان بيكلمني من وراء الباب وماكنتش عارف اعمل ايه
عايده .. انا رنيت عليه اكتر من مره وتليفونه كان مغلق وفتكرت انه رجع الكتيبه
ضياء .. لا كان حابس نفسه في الشقه كأنه بينتقم من نفسه
عايده .. بس يقوم بالسلامه وانا ليا كلام معاه
.. و بيعدي الوقت وضياء و عايده قلقانين علي محمود وبيعدي ال ٤٨ ساعه وهما مستنين ..
الدكتور .. بيطلع من عند محمود و يقرب منهم الحمد لله محمود دلوقت عده مرحلة الخطر ونقلته من العنايه لغرفه عاديه و تقدره تدخله تطمنه عليه
ضياء .. شكرا يا دكتور وبيدخل علي طول الف سلامه عليك يا صاحبي
محمود .. الله يسلمك يا ضياء
عايده .. انت ليه مصمم توجع قلبي يا محمود
محمود .. الف سلامه علي قلبك يا امي ليه بس تعبتي نفسك
عايده .. انا من بعد رحمه واسيل الله يرحمهم ما بقاش ليا غيرك انت كمان عايز تسيبني انا قلبي مش هيستحمل وجع تاني
محمود .. اسف يا ماما و اوعدك اللى حصل مش هيتكرر
عايده ..اتمنى يا ابني و متحملش نفسك فوق طاقتها انت مالكش ذنب في موتهم ده قضاء ربنا سبحانه وتعالى وقدره واحنا راضين بقضاء الله وقدره ولا نقول إلا ما يرضي الله إنا لله وإنا إليه راجعون
محمود .. ونعم بالله كلامك صحيح وربنا يسامحني علي ضعفي وربنا يرحمهم ويجعلهم في الجنه ونعيمها
ضياء .. يارب شد حيلك يا بطل عشان نرجع الكتيبه كل الضباط والجنود عايزين يشوفوك ويطمنه عليك
محمود .. ان شاء الله ربنا يعمل الي فيه الخير
ضياء .. ونعم بالله بس مش فاهم
محمود .. يعني انا مستهلش البس البدله دي تاني انا مقدرتش احمي زوجتي وبنتي ازاي هقدر ادافع عن الوطن واحميه
ضياء .. لا مستحيل تكون بتفكر كده يا ------
عايده .. بتقاطع ضياء ده مش وقت الكلام ده يا ضياء يا ابني يقوم بالسلامه ويرجع بيته ووقتها نتكلم
ضياء .. ماشي يا طنط
.. وبيطلع محمود من المستشفي وبيبداء يمارس حياته الطبيعيه لكن كان مصمم انه ما يرجعش الكتيبه تاني وكان خلاص فاضل ثلاث ايام واجازته تخلص وعايده كانت بتروح تطمن عليه وتعمله اكل وهو كمان كان بيزورها وفي اخر يوم في الاجازه بتوقف عربيه عسكريه قدام العماره وبينزل منها عقيد له هيبه بيطلع الشقه وبيخبط علي الباب ومحمود بيفتح الباب واول ما بيشوفه بيتصدم ..
محمود .. معقول حضرتك
اسامه .. ايوه يا حضرت النقيب ايه هتسيبني واقف علي الباب
محمود .. لا طبعآ انا اسف بس ما كنتش متوقع اشوف حضرتك هنا
اسامه .. اخبارك ايه يا سيادة النقيب
محمود .. تمام يا فندم اتفضل
اسامه .. بيدخل وبيقعد
محمود .. تشرب ايه
اسامه .. لا مش هنشرب هنا البس بسرعه هنروح مشوار سوا
محمود .. مشوار ايه
اسامه .. ما تستعجلش يلا يا ابني
محمود .. تمام يا فندم وبيدخل يلبس وبينزل مع العقيد اسامه وبيركبه العربيه والعسكري بيتحرك
.. بتدخل العربيه في مكان واول ما بتوقف ينزلوا واسامه بيوقف قدام المبني مصدوم وهو بيبص للعقيد اسامه ...
