رواية عاصفة النسور الفصل الرابع
بسم الله ولا حول ولا قوه إلا بالله العلي العظيم
محمود .. بيبص للعقيد اسامه باستغراب حضرتك جايبني هنا ليه
اسامه ..بيبتسم وهو بيقرب من محمود ما تستعجلش يا سيادة النقيب
محمود .. بدهشها وهو بيبص حواليه مش مستعجل يا فندم بس مستغرب انا بعمل ايه هنا في المخابرات العسكريه
اسامه .. بيتحرك وهو بيطبطب علي كتفه تعالى وهتعرف وبيدخله
.. العميد اسامه بيقرب من مكتب مش مكتوب عليه ايه حاجه وبيطلب من العسكري اللي واقف علي الباب يبلغ اللواء محمد ان العقيد اسامه والنقيب محمود بره وفعلآ العسكري بيدخل واللواء بيقوله خليهم يدخله وبيدخله وبيده التحيه العسكريه واللواء محمد يطلب منهم الجلوس ..
محمد .. الباقيه في حياتك يا سيادة النقيب
محمود .. وهو بيحاول يستوعب اللي بيحصل في حياتك الباقيه يا فندم
محمد .. النهارده اخر يوم في اجازتك والمفروض انك هترجع الكتيبه صح
محمود .. صح يا فندم
محمد .. بس مش هترجع الكتيبه يا محمود
محمود .. تمام يا فندم زي ما حضرتك تشوف يقول في نفسه (اكيد عرفوا اني ماكنتش هرجع الكتيبه وفره عليا كتير خليني اركز في انتقامي واوصل للحقير الي اخد روحي وقلبي مني )
محمد .. بيبتسم سرحت في ايه
محمود .. فاق وبسرعه رد ولا حاجه مع حضرتك
محمد ..بيبص لاسامه سيادة العقيد انت قولت لمحمود هو هنا ليه
اسامه ..بيبص لسيادة اللواء وبيرجع يبص لمحمود لا يا فندم حبيت انه يعرف من حضرتك
محمد .. بص لي محمود وهو ببتكي علي الكرسي جات الاوامر بانشاء فرقة تدخل سريع
محمود .. باستغراب بس التدخل السريع موجود فعلآ يا سيادة اللواء
محمد .. بيحط ايديه علي المكتب وهو بيقرب من محمود الفرقه دي حاجه مختلفه هتكون سريه وكل العمليات اللي هتقوم بيها الاغلبيه هيكون سري وغير معلن وحتي جميع المخابرات الدوليه مش لازم تعرف ان الفريق ده موجود اصلآ
اسامه ..بيبص لمحمود الفريق ده يا سيادة النقيب هيتعامل مع القضايا الحساسه خارج مصر في جميع انحاء العالم اي خطر هيهدد الامن القومي المصري هيتم التعامل معاه وانتو هتكونوا ايد مصر اللي بيها هتخرسه كل الالسنه اللي تتجرأ علي عظمة مصر وشعبها وهتقطعه الايادي الي تفكر تتمد ناحيت مصر بالشر يعني هتكونوا قبضة مصر
محمود .. اتحمس من كلام العقيد اسامه وبدون ما يحس وقف واده التحيه انا تحت امرك يا فندم
اسامه .. ابتسم وبص للواء محمد
محمد .. بص لمحمود فعلآ اختيارك للنقيب محمود كان صحيح واضح انه بيعشق تراب مصر
محمود .. وقف روحي فداء مصر يا فندم وان شاء الله اكون عند حسن ظن حضرتك
محمد .. اتفضلوا معايا
وكلهم دخلوا قاعه الاجتماعات وبيكون رئيس المخابرات العامه موجود ورئيس المخابرات العسكريه وقيادات من الجيش وبعد ما بيتناقشه في كل حاجه تخص الفريق بتصدر الموافقه علي بداء التاسيس وينتهي الاجتمام ويتحرك العقيد اسامه ومعاه النقيب محمود علي كتيبه تابعه للمخابرات وهنا بيدخله مكتب العقيد اسامه ..
اسامه .. بيدخل وبيقعد ارتاح يا بطل
محمود .. بيقعد شكرآ يا فندم
اسامه .. من دلوقت الكل هيكون عارف انك ضابط وبتخدم في قوات حراس الحدود مفهوم
محمود .. مفهوم يا فندم
.. الباب بيخبط والعقيد اسامه بيقول ادخل وبيدخل النقيب ضياء وبيتفاجئ لما بيلاقي محمود في المكتب وكمان محمود هو كمان بيتفاجئ وضياء ومحمود بيبصه لبعض ..
اسامه .. اتفضل ارتاح يا سياده النقيب
ضياء .. شكرا يا فندم
اسامه .. يا ضياء من النهارده انت هتكون معانا في فريق النسور
ضياء .. تحت امر حضرتك
اسامه .. يا عسكري
العسكري .. بيدخل وبيدي التحيه افندم
اسامه .. استدعي فريق النسور
العسكري .. حاضر يا فندم
اسامه .. بيقوم انا هستناكم بره معاك عشر دقايق يا محمود تعرف ضياء كل حاجه عن الفريق وتعالوا علي ارض التدريب
.. محمود تمام يا فندم وبيقعد وبيشرح كل حاجه لضياء وان فريق النسور سري وانهم هيفضلوا قدام الكل ضباط في قوات حرس الحدود وضياء بيتحمس هو كمان وبيطلع وبيلاقو العقيد واقف وقدامه ٨ جنود ومن ضمنهم الملازم اول طبيب مقاتل ليلي وبيقربه منهم ..
اسامه .. واقف قدامهم انا اختارتكم واحد واحد عشان الفريق ده انتو بتكملة بعض في المهمات اللي هتنفذوها هتكونه كلكم شخص واحد اعرفكم النقيب محمود هيكون قائد الفريق والنقيب ضياء هيكون رئيس العمليات
الفريق .. في صوت واحد تمام يا فندم
اسامه .. اعرفكم علي جنودي الابطال الملازم اول طبيب مقاتل ليلي الرقيب كريم والرقيب احمد الرقيب خالد الرقيب محمد العريف مصطفي والعريف سامح والعريف عبد الرحمن
محمود .. بيتقدم خطوله للامام اهلا بيكم يا ابطال وانا شرف ليا اكون قائد فريق النسور وان شاء الله هنقدر نثبت للعالم كله ان جنود مصر قادرين يوصله لاي مكان في العالم وان اي جها او منظمه تحاول تمس مصر بسوء هتكون نهايتها
اسامه .. بص علي ضياء يا سيادة النقيب ضياء
ضياء .. يقرب وبيدي التحيه تمام يا فندم
اسامه .. إبداء التدريب وانت يا نقيب محمود تعالى معايا
.. ضياء بيبداء التدريب وواضح ان الجنود علي قدر عالي من اللياقه والذكاء والعقيد اسامه بيدخل المكتب ومحمود معاه وبيقعده ..
اسامه .. قدامك ٢٤ ساعه ويكون فريق النسور جاهز عشان في اي لحظه ممكن تتحركه وزي ما انت عارف الوجهه مجهوله فلازم تكون عامل حسابك علي كل حاجه مش عايز غلط يا محمود
محمود .. تمام يا فندم واضح ان حضرتك مختارهم بعنايه زي ما بيقوله علي الفرازه
اسامه .. قرار التاسيس من حوالي ثلاث شهور ومن وقتها وانا بجمع المعلومات عن كل الضباط والجنود لحد ما قدارت اكون الفريق عشان كده انا واثق فيكم وقلبي مطمن
محمود .. بيوقف والحماس في عنيه تمام يا فندم ان شاء الله هنكون عند حسن ظن حضرتك بعد اذنك
اسامه .. اتفضل يا ابني وربنا معاك
.. محمود بيطلع وبيكمل التدريب مع الجنود وبعد كده بيدخله الميز وبياكله مع بعض وبيتعرفو علي بعض وبعد ٢٤ ساعه محمود بيروح للعقيد اسامه وبيديه التمام انهم جاهزين للتحرك في اي وقت ..
اسامه .. تمام يا ابني لسا واصله معلومات من الاستخبارات ان فيه مجموعة مصريين وعرب وبينهم اجانب في دولة .... المتمردين محتجزينهم كرهاين وبيفتح خريطه علي المكتب وحسب تقرير المخابرات ده المكان الي المتمردين محتجزينهم فيه مهمتكم دخول مقر المتمردين وتحرير الرهاين وتدمير مخزن السلاح والزخيره والمعسكر كله والعمليه دي لازم الكل يعرف بيها عشان يعرفه ان مصر قادره ومش هتسمح بظلم اي انسان يلا ربنا يوفقكم
محمود .. تمام يا فندم وبيتحرك وبيجمع الفريق قدامكم ١٠ دقايق وتكون في مهبط الهليكوبتر مفهوم والكل يلبس الافرول الاسود
الكل .. تمام يا فندم
ضياء .. بيحط ايده علي كتف محمود ربنا يوفقنا يا صاحبي
محمود .. ان شاء الله يا ضياء يلا بينا
.. وبيتحركه والكل بيركب الهليكوبتر وبتتحرك وبتنزلهم علي بعد ٥ كيلو من مقر المتمردين وبيتحركه بحذر ناحيت المقر والظلام مغطي المكان ..
