رواية ومن الحب ماقتل الفصل الثالث
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة كليه التجارة تقعد شمس علي سلم المدرج وكانت بتراجع احدي المحاضرات فقعد عاصي جنبها وقال
وحشتيني
فبصت له شمس وقالت
ممكن تسيبني في حالي كفايه اللي حصل لي امبارح بسببك
عاصي
ايه بس اللي حصل امبارح انا مش فاهم حاجه.
وتقف شمس وتستعد للانصراف فيقف عاصي قدام منها وقال
ممكن نتكلم مع بعض
شمس
وانا بقي مش عايزة اتكلم ممكن بقي تسيبني في حالي
عاصي
طيب انا عملت ايه زعلك. وايه اللي حصل بعد ما مشيت امبارح
فتحكي له شمس اللي حصل من ابوها وضربه ليها وعاصي يسمع لغاية ما خلصت وقال بحنية مصطنعه
حقك عليه. بس اعمل ايه بحبك
فتبتسم شمس وقلبها يدووب وتقول
بس انا مش هاقدر اخلف وعدي مع بابا واقبل اني اكلمك طالما مافيش ارتباط رسمي
عاصي
ومين بس قال لك اخلفي وعدك. لو مش عايزا تكلميني لغايه ما يبقي في حاجه رسمي بيني وبينك انا مش هازعل منك. بس ده ما يمنعش اني هافضل احبك
ولسة هيمشي عاصي تقف شمس قصاد منه وتبص في عيونه وتقول
بجد بتحبني
عاصي
وعمري ما حبيت غيرك
شمس بكسوف
وانا كمان بحبك.
عاصي
يعني هاتفضلي معايا واكلمك وتكلميني وتكوني قريبه مني
شمس
خليها لما تبقي رسمي عشان ما حسش اني بخون وعدي لي بابا
عاصي
ومين بس اللي هايقول له علي اللي بينا
شمس
انا مش هاقدر اخبي عنه حاجه وهو اكيد هايسالني
عاصي بضيق
خلاص براحتك يا شمس. انتي النهاردة هاتروحي مع عبير صح ولا اجي انا بنفسي اوصلك
شمس
لا. عماد اخو عبير هايجي يوصلنا
فيخرج عاصي كشكول محاضرات بي جيب سري بداخل الجيب خمس اكياس صغيرة من البرشام المخدر ويدي الكشكول الي شمس ويقول لها
طيب ممكن تنقلي لي محاضرة النهاردة في الكشكول دة
فتاخذ شمس الكشكول من عاصي بحسن ظن وعاصي يسبها ويمشي وشمس تروح ل عبير عشان يستنوا عماد ويروح عاصي ل عز ويقول عاصي
حصل يا روح امك. والبرشام بقي معاها
عز
طيب يا ناصح هتاخد منها الكشكول ازاي
عاصي
هاسبقها علي المحطه اللي بتركب منها واخد منها الكشكول باي حجه هو انا هاغلب،،،،،،
ومن قدام كليه التجارة تقف عبير ومعها شمس والاثنين مستنين عماد علشان يوصلهم ولكن في الوقت دة تقف عربيه قدام منهم وكان جواها وداد بصت لها عبير باستغراب وقالت
ماما انتي اللي جايه بنفسك عشان تاخديني
فتبص وداد لشمس بكل الاشتياق اللي في الدنيا وتتمني لو تاخذها في حضنها لكنها تبص ل عبير وتقول
انا قولت لعماد ما يجيش وانا هاجي اوصلك وبالمرة اتعرف علي شمس.
وبصيت ل شمس تاني والاشتياق بيزيد وقالت
هي دي شمس.
عبير بهزار
ااااااااة. انت جايه عشان شمس بقي مش عشاني
وداد
لا طبعا جايه عشانكم انتو الاتنين
فتبص شمس لي وداد تقول لها
عارفه يا طنط انت فيكي شبه من ماما
وداد
بس اللي انا اعرفه من عبير انا مامتك ماتت وانتي صغيرة
شمس
ما هو انا معايا صورة قديمه ليها في برواز مكسور
وداد
خلاص اعتبربني مامتك
وتفضل وداد تبص لها ومش قادرة تحوش اللي جوة قلبها فتلاحظ عبير الحاله اللي فيها وداد فتقول لها
ماما. انتي مالك هاتفضلي باصه لشمس كدة ومش هاتركبينا
وداد
لا ازاي يلا اركبوا اركبوا
ويركب الاثنين العربية وتنطلق بهم وداد، ،،،،،
ومن جوة عربية وداد باصة في مرايا صالون العربية وباصة ل شمس اللي قاعدة في الكنبة اللي وراء ورغم السكات لكن العيون فيهم كلام كتير واكتر حاجة وجعت قلب وداد علي بنتها هدومها البسيطة وصعبت عليها بنتها و استغربت نظرات امها ل شمس فقالت
ماما انتي مالك عماله تبصي لشمس كدة من ساعه ما شوفتيها وكانك تعرفيها
فترتبك وداد وتقول لعبير بصوت واطي
صعبانه عليه مش شايفه لابسها مبهدل ازاي ومش لايق علي بعضه كان لازم يا عبير تجيبلها طقم ولا اتنين دي برضو صاحبتك
فتبص عبير لهدوم شمس اللي ماكنتش مركزة معاهم وباصة للشارع زي الطفلة اللي فرحانه بانها ماشية في القاهرة ليلة العيد وقالت عبير
معاكي حق انا ازاي مخدش بالي من الموضوع ده بس ملحوقه لما اروح النهاردة هاشوف لها طقم ولا اتنين من عندي
وداد بضيق
لا. بنتي ما تلبس هدوم قديمه
عبير باستغراب
بنتك
وداد بلخبطه
اقصد انها لو بنتي ما قبلش انها تلبس هدوم قديمه
عبير
اة.
وداد
طيب خلاص احنا دلوقتي هانعدي علي اي محل هدوم ونجيب لها طقمين تغير فيهم
عبير بدهشه ما بعدها دهشه
يااااااااااا. طقمين مرة واحدة . ده انتي باين عليكي حبيتها
فتبص وداد ل عبير وماتردتش عليها، ،،،،،،
ومن داخل ارقي محلات الملابس تقف وداد وشمس وعبير وشمس معجبه بالمحل جدا وبالهدوم اللي في وتنظر لها وداد وتقول
عجبك المحل يا شمس
شمس
انا اي حاجه في القاهرة بتعجبني
وداد بحسرة
عامله زيي وانا في سنك كدة كنت بحب القاهرة بكل مافيها لغايه ما عرفت ان القاهرة زي الدوامه اللي في البحر لو مابتعرفيش تعومي تغرقي زي ما انا ماغرقت
شمس
ليه يا طنط انتي مش من القاهرة
وداد
لا. انا من المنصورة
شمس
بجد. منين من المنصورة
وداد
بعدين هاتعرفي كل حاجه. المهم دلوقتي تنقي احلي طقمين ليكي عشان تروحي بيهم الكليه
شمس فرحا
انا هالبس هدوم من هنا
عبير
هما يعني اللي بيلبسه من احسن منك
شمس
طيب وبابا اقول له ايه
وداد
قولي له ان واحدة صاحبتك جابته ليكي هديه
شمس
بس،،،،،،،
وداد مقاطعه له
مافيش بس ويالا اسمعي الكلام
ثم تنظر وداد الي عبير وتقول
خديها يا عبير وخليها تنقي اللي هي عايزا، ،،،،،،
ومن امام بيت شمس في المنصورة تقف سيارة وداد وتنزل شمس وهي معها الملابس الجديدة وتقول لي وداد
يعني ينفع تكوني قدام البيت وماتنزليش يا طنط
وداد
معلش يا شمس احنا اتاخرنا مرة تانيه ان شاء الله.
وتنظر وداد الي البيت وهي تقول لنفسها
يااااااااا. البيت زي ماهو يا تري انت عامل ايه يا امام، ،،،،،،
ومن داخل شقه عز يجلس عاصي وامامه عز ويقول له
الهانم ما ركبتش من الموقف تكون راحت فين دي
عز
طيب اهدئه ممكن وصلت قبل منك للموقف وركبت من غير ما تشوفها
عاصي بعصبيه
انا واقف قدام عرببات المنصورة ما تحركتش. وهي لامعها زفت موببل عليها وعلي دماغها اعرف منه هي فين. ولو روحت وفتحت الكشكول هاتعرف اللي في وهاتشوف البرشام وساعتها كل حاجه هاتبوظ وكميه البرشام اللي عندي مش هاعرف اسرفها
عز
طيب ماسفرتش وراها المنصورة ليه
عاصي
بقول لك ماركبتش عربيات المنصورة يبقي اروح المنصورة اعمل ايه. هي لسه في القاهرة بس فين هو ده اللي انا عايز اعرفه
عز
طيب بص البت خلود صحبتي معاها رقم عبير اخليها تكلم عبير وتعرف منها فين شمس
عاصي
هو ده الكلام. كلم خلود بسرعه، ،،،،،،
وبعد منتصف الليل ومن داخل حجرة نوم وداد يقف زوج وداد ويدعي مراد كامل. وهو والد عبير وعماد وهو الرجل اللي خان عم امام في زوجته وداد وتزوجها عشان تربي عياله بعد موت زوجته وكتب في شهادة ميلاد عبير وعماد ان الام وداد لسبب مجهول لايعلمه الا مراد ومن هذة اللحظه ووداد في الفيلا زوجته علي الورق وام اولادة علي الورق ولكنه يعاملها معامله الخدامه.
فيقف مراد امامها وينظر لها ويقول بشر
ايه اللي وداكي المنصورة تاني
فتنظر له وداد باستغراب شديد وتقول
انت عرفت ازاي
فيضربها مراد بالقلم ويقول لها
لما مراد يسال يكون في اجابه مش يترد علي السؤال بسؤال. انطقي ايه اللي وداكي المنصورة
وداد
كنت بوصل زميله عبير في الكليه
مراد
شمس بنت امام. صح.
وداد
انت لسه بتراقبني بقي
مراد
ولغايه ماتموتي هافضل اراقبك. لان الزباله اللي زيك ممكن تخوني زي ما خانت جوزها.
وداد
انا خونت امام. عشان حبيتك. بعيت الغالي عشان اشتري الرخيص
فيضربها مراد بالقلم مرة اخري وبمنتهي العنف ويقول
الرخيص هو اللي خلاكي صاحبه املاك وجابك من الطين وعمل منك بني ادمه
وداد وهي تبكي
ياريتك سيبتني في الطين بشرفي ولا انك تخليني رخيصه و تبيع وتشتري فيه. انا بس نفسي اعرف انت ليه بتعمل معايا كدة
مراد
مزاجي كدة. وخلاصه الكلام فلوسي ما تصرفش علي شمس بنت امام
وداد
دي بنتي ولقيتها محتاجه لازم اديها اللي هي محرومه منه
مراد
انتي مالكيش عيال الا عبير ولا عماد
وداد
عبير وعماد ولادي علي الورق وبس. انما بنتي اللي من لحمي ودمي هي شمس
فيضربها مراد مرة اخري بالقلم ويقول بعصبيه شديدة
لو قولتي الكلام ده تاني. هاقتلك انتي فاهمه هاقتلك انت وبنتك وامام
ويتجه ناحيه باب الحجرة ويفتح الباب لكي يخرج من الحجرة فيجد عبير تقف امامه وتنظر له ودموعها تنزل علي خدها ثم تنظر الي وداد ووداد تنظر لها وهي متضايقه من الموقف كله فيقول مراد
عبير انتي واقفه تتصنتي علينا
فتنظر له عبير
صوتكم كان عالي فخرجت من اوضي عشان امنع خناقه ممكن تقوم ما بينكم فسمعت كلامكم مع بعض ويارتني من سمعت
فتنهض وداد وتتجه ناحيه عبير عشان تحاول تهديها فتشاور لها عبير بان لا تقترب منها وتقول عبير
ملهوش لزوم. انا هابقي كويسه يا مدام وداد
وداد
لا يا عبير انا مامتك وهافضل مامتك
عبير والدموع لا تتوقف مثل النهر الثائر
خلاص بقي قولت لك ملهوش لزوم وفي حضنك وحنيتك لبنتك. اللي من ساعه ما شوفتيها وانتي عينكي كان فيهم كلام كتير.
ثم تنظر الي مراد وتقول له
وانت يا بابا. لما هي ست رخيصه كدة زي ما انت بتقول ليه اتجوزتها وكتبتها في الشهادة انها امنا
مراد
عبير مش وقته الكلام دة. روحي علي اوضتك وانسي اللي سمعتي هنا
ثم ينظر الي وداد ويقول
عجبك اللي عملتي دة. حسابك معايا بعدين
ويستعد مراد للانصراف فتقف عببر امامه وتقول
انا من حقي اعرف ليه نسبتنا ليها لما انت شايفها رخيصه ومين هي امي
مراد وهو يدفع عبير بعنف ناحيه حجرتها
قولت لك بعدين.
فتسقط عبير علي الارض وتتوجع وتنظر له وهو يتركها وينصرف فتتجه ناحيه وداد وتحاول انا تساعدها علي النهوض ولكن عبير تبعد يد وداد عنها وتنظر لها وهي تنهض وتقول
ايدك ما تلمسنيش لبعدين هدومي تتوسخ
فتنصدم وداد مما سمعته وتقول
عبير.
فتنظر لها عبير وتقول
بلاش اسمي ينطقه لسانك انا ما يشرفنيش واحدة زيك باعت جوزها وبنتها انها تنطق اسمي
وتنصرف عبير وتتجه ناحيه حجرتها وتقف عند باب الحجرة وتنظر لها وتقول
نصحيه مني سيبي البيت ده بكرامتك بدل ما هافصحك في كل مكان
وتغلق عبير باب حجرتها خلف منها في وجه وداد التي تغلبها دموعها وتنزل علي خدها ،،،،،
ومن داخل بيت عم امام تنام شمس علي الارض ويدها مربوطه وفمها مربوط ورجليها مرفوعه لفوق وعم امام يمسك خشبه و يمدها علي قدمها بمنتهي العنف والقسوة وهي تتالم وتصرخ صرخات مكتومه وهو يضربها ويقول لها
انتي فكراني هاصدق اللي انتي بتقولي دة. ارحمي نفسك وقولي عاصي جاب الهدوم دي وخد ايه قدامهم
فتبكي شمس وتتالم من الكلام اكثر ماهي تتالم من الضرب وعم امام كاتم صوتها حتي لا يسمعها حد من اهل البلد ويضربها وهو يراي صورة وداد امامه ويضربها ويقول
انا بحبك ليه عملتي كدة ليه هو جزاتي اني بحبك
ويبكي عم امام ويضرب شمس ويقول
خد ايه منك عشان يجيب لك الهدوم دي. انطقي
وتنزف قدم شمس من كثرة الضرب ويتوقف عم امام عن الضرب وينظر لشمس فيجدها فاقدة للوعي فيذهب ناحيتها ويفك الكمامه عن فمها ويحاول ايقاظها وهو يضمها الي صدرة ويقول
شمس ردي عليه ردي عليه
فيفك وثاقها ويحاول انا يحملها ولكنه لا يستطيع فيفتح باب البيت فيجد امامه سيف يضع الظرف اللي في الفلوس فينظر له عم امام. وينظر للظرف اللي علي الارض ويقول
انت
فينظر سيف الي عم امام ويقول
خليني اشرح لك
عم امام
مش وقته المهم دلوقتي بنتي مغمي عليه ساعدني يا سيف يا ابني
ويدخل سيف الي البيت وينظر الي شمس الملقاة علي الارض ويحملها مسرعا ويخرج بها من البيت، ،،،،،،،
ومن داخل التخشيبه اللي محجوز فيها رمسيس اللي بياخد برشام من عاصي واللي قبض عليه عماد يقف عماد امام رمسيس ويقول له
اسمع يالا. انا هاسيبك تخرج لكن وعد الله لو الواد اللي بيديك البرشام ده ما وقعش في ايدي خلال شهر هاجيبك تاني وهاعلقك والبسك قضيه ماتخرجش منها الا بعد 20 سنه
رمسيس
طيب انا يا باشا هاوقعه ازاي
عماد
تتصل بي زي ما بتتصل وتخلي يجيب لك برشام زي كل مرة وتعرفنا قبليها واحنا هانتصرف
رمسيس
يعني لو سلمتلك الواد ده تسيبني في حالي
عماد
هاسيبك واي قضيه مفتوحه ضدك هاتنقفل
رمسيس
خلاص يا باشا انا النهاردة اول ما اخرج من القسم هاتصل بي
عماد بنرفزة
انت غبي يالا.
رمسيس
ليه بس يا باشا. مش انت عايزني اتصل بي
عماد
مش اول ما تخرج يا روح امك لانه اكيد هايعرف ان ده ملعوب مننا لازم تستني اسبوعين وفي الاسبوع التالت تتصل بي يكون هو اطمئن ان ما فيش حد بيراقبك وساعنها يجيب لك البرشام ونقبض احنا عليه
رمسيس
صح يا باشا. لا. واعي ودماغك متكلفه
عماد
طيب قوم يا خويا . ولو عرفت انك بعيت واشتريت مع حد في الكلام اللي دار ما بينا ده هاجيبك وانفخك
رمسيس
والله ابدا يا باشا ولا اي حد خلقه ربنا هايعرف باللي دار بينا. امشي يا باشا
عماد
امشي
فيخرج رمسيس من التخشيبه جري مش مصدق نفسه ويدخل ظابط زميل عماد. ويدعي فؤاد ويحقق مع عماد في نفس القضيه ويقول له
انت بتلعب بالنار. انا مش مرتاح للواد ده
عماد
ماتقلقش رمسيس لو مع الواد بتاع البرشام ده هايجري عليه ويبلغه واحنا طبعا مراقبينه وساعتها هانعرف مين ابن الحرام اللي بيوسع البرشام اللي بيسبب الجنون للي بيدمنه
فؤاد
ولو مايعرفهوش فعلا. هايسمع كلامك لغايه ما يوقعه
عماد
عرفت بقي اننا في الحالتين هانكسب
فؤاد
وانت من رايك رمسيس ده يعرف مين اللي بيوزع البرشام فعلا ولا مايعرفهوش
عماد
هيبان كل حاجه هتبان. ومش هايخلص الشهر باذن الله الا والتخشيبه دي هايكون مشرف فيها اخطر تاجر برشام عدي علينا،،،،
وفي صباح اليوم التالي. ومن داخل مستشفي المنصورة تنام شمس في حجرة من حجرات المستشفي ومتعلق لها تحاليل لكن حالتها مستقرة وامام باب الحجرة يجلس سيف ومعه عم امام وسيف حكي له ما فعله والدة وقال سيف بعد ما انتهي من الحكايه
عشان كدة كنت يوم اه ويوم لا. احط لك مبلغ تقدر تعيش منه انت وشمس. لاني عارف انك عمرك ما كنت هاتقبل تاخد فلوس مني
فيتنهد عم امام ويقول
يا الله. يعني شمس صادقه في كل كلمه قالتها وان فعلا. ما فيش حاجه بينها وبين اللي اسمه عاصي ده
سيف باستغراب
مين عاصي
عم امام
ده زميل شمس في الكليه. وجه وقال لي انه هو اللي بيحط الفلوس دي عشان يساعدني لكن سبحان الله انا مصدتقوش وحسيت انه كداب. وبيعمل كدة لانه عايز حاجه من بنتي مش عارف ايه هي
سيف
تفتكر اللي زي عاصي ده يعوز ايه من شمس.
في هذة اللحظة يقف امامهم عاصي ويقول لهم
بحبها وعايز اتجوزها
فينظر سيف وعم امام لي عاصي باستغراب شديد دخل امتي ده وازاي ماحسوش بي ويقول عم امام
انت. ازيك
عاصي بنظرة مش مريحه
الله يسلمك يا راجل يا طيب. والله ليك وحشه
ثم ينظر عاصي لسيف ويجلس بجانبه ويقول وهو ينظر له
مش تعرفنا يا عم امام
فينظر سيف لعاصي نظرة ضيق ويقول
انا سيف. قريب شمس
عاصي ببرود
غريبه شمس اتكلمت معايا كتير وعمرها ما قالت لي عنك
فيختنق سيف ونار الغيرة تاكل قلبه فيشعر به عم امام فيقول لي عاصي
انت عرفت اننا هنا ازاي
عاصي
ولا الحلال شافوك وانت خارج امبارح من البيت وشمس مغمي عليها. فقولت لنفسي اكيد هالقيكم في المستشفي ودي اقرب مستشفي ليكم
وفي هذة اللحظه يفتح باب الحجرة المحجوزة فيها شمس وتخرج شمس وهي تعرج مش قادرة تدوس علي رجليها من شدة الوجع وتبكي وتتجه ناحيه عاصي وتقول له
الحقني يا عاصي بابا كان هايقتلني امبارح. انا هاخاف اقعد معه لوحدي
عم امام
شمس انتي بتقولي ايه
فتنظر شمس لوالدها وهي خائفه وتستخبي خلف عاصي وتحتمي به من والدها وتقول
أنا ما فيش حد بيحبني في الدنيا دي الا عاصي وانا بحب عاصي ومش هاقعد معاك تاني
عم امام وهو مصدوم ويحاول الوصول لها ولكن عاصي يمنعه فيقول عم امام وهو يتالم
شمس انا ابوكي اللي بحبك وعايش بتمني فرحك. هاتعملي زي امك تسيبني وتروحي لدة
فتنظر له شمس من وراء عاصي وتقول
لو الناس خيروني بينك وبين عاصي هاختار عاصي لانه عمرة ما هايضربني زي ما انت ضربنتي امبارح
فيتوجع عم امام ويمسك قلبه وترغرغ عيونه بالدموع ويسقط علي الارض، ،،،،، ،
