رواية ومن الحب ماقتل الفصل الرابع
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة اوضة عبير تقعد عبير مع عماد وتحكي له ما سمعته والحوار اللي دار بين وداد ومراد اتصدم عماد اوي وقال
يعني ايه طول الفترة دي واحنا مضحوك علينا وفاكرين ان اللي اسمها وداد دي أمنا طيب ليه بابا يعمل كدة وايه السر اللي مخبئ وراء انه ينسبنا ليها طالما هو شايفها رخيصه
عبير
هو ده اللي محيرني ليه يعمل كدة ومين هي ماما
عماد
عارفه مين اللي تعرف اصل الحكايه دي
عبير
مين
عماد
تاته مديحه. ام بابا
عبير
تفتكر تعرف حاجه
عماد
اكيد تعرف. بابا عمرة ما خبئ عنها حاجه
ويستعد عماد للخروج من اوضة عبير فتقول له عبير
رايح فين
عماد
رايح لي تاته اعرف منها كل حاجه ،،،،،،،،،
ومن جوة المستشفي ينام عم امام علي سرير في الرعايه المركزة وحالته خطر وتقف قصاد اوضة الرعاية شمس وهي قلقانه اوي علي ابوها وبتلوم نفسها وحنبها يقف عاصي و قدام منهم يقعد سيف اللي كان عمال يبص ل عاصي بغل شديد وعاصي بص له من تحت ل تحت وبعدها قال ل شمس
انا عايزك تطمئني. انا وصيت الدكتور علي باباكي وهايبقي كويس
سيف
طيب قول ان شاء الله
عاصي ببرود
بس كدة. ان شاء الله ولا تزعل نفسك
شمس وهي بتعيط
انا خايفه قوي يا عاصي بابا يحصل له حاجه واكون انا السبب
عاصي
طيب بطلي عياط وان شاء الله هايكون بخير
شمس بحرقه
يارب
ويمسك عاصي الموبيل بتاعه ويقول لنفسه
الحمار اللي اسمه عز دة ما تصلش ليه. انا هافضل قاعد في النكد دة لغايه امتي. اشحال لو ماكنتش متفق معه يرن عليه عشان اخد الكشكول واغور من هنا
وفعلا يرن الموبيل بتاع عاصي واللي متصل عز ورد عاصي بسرعه وقال
الو ايوة ياعز
ويسكت عاصي كام ثانية كانه بيسمع اللي بيقوله عز وبعدها قال
الكشكول معايا. في حاجه ولا ايه
ويسكت عاصي كام ثانية ويبص ل شمس من تحت لتحت و يقول بخباثه
ياراجل للدرجه دي عايز الكشكول طيب انا دلوقتي في. مشوار برة ومش هاعرف اجي لك
ويسكت عاصي ثم يقول
وصاحب الكشكول يعمل معاك مشكله ليه. طيب خلاص يا عم انا هاتصرف والكشكول هايكون عندك وانا ابقي غلطان لو خد منك حاجه تاني
وخلصت المكالمة وعاصي عمل نفسه مضايق وبدا ينفخ وقال
اوف
شمس
في ايه بس معصب نفسك لية
عاصي
صاحب كشكول المحاضرات اللي انتي خدي امبارح مني عايزة وعامل مشاكل. ولو فضل يزن كدة انا هاضربه. اصلي انتي يعني في ايه ولا ايه مش معقوله يعني تسيبي ابوكي كدة وتروحي معايا عشان تديني الكشكول
شمس
لا طالما فيها مشاكل بينك وبين صاحبك انا هاروح معاك واديك الكشكول بتاعه
سيف بعصبيه
انتي بتقولي ايه. وتسيبي عم امام في الحاله دي لوحدة
عاصي
ما احنا هانوصي الممرضين عليه
سيف
لا برضو
عاصي بنرفزة
وانت مالك انت
سيف بنرفزة اكتر
هو ايه اللي انا مالي. شمس دي زي اختي وعم امام زي ابويا دة هو اللي مربيني. وبعدين بقي كشكول محاضرات ايه ده اللي صاحبه هايعمل عليه مشكله ولازم يكون عندة النهاردة
عاصي بارتباك
اهو كشكول وخلاص وصاحبه عايزة
سيف
يبقي خلاص هاخد انا مفاتيح البيت من شمس وهاروح معاك واديك الكشكول
عاصي
هو انت تعرف الكشكول فين
سيف
سهله نسأل شمس الكشكول فين ولا تزعل نفسك
عاصي باصص لسيف بغضب شديد وسيف باصص في عيونه بلامبالاة، ،،،
ومن جوة مكتب المحامي طارق وهو المحامي الخاص لشركات مراد وصديق مراد من زمان. يقعد طارق في مكتبه ويراجع احدي قضايا شركات مراد فيدخل عليه عماد هجم ويبص له طارق مستغرب وقال
في ايه يا عماد واية الدخلة دي
فيخرج عماد مسدسه ويحطة قصادة علي مكتب طارق ويبص ل طارق ويقول
كنت بزور جدتي واتكلمت معها في حاجات كتير ورجعنا بالذكريات لي 20 سنه فاتت وجيت سيرة واحدة ست أسمها عايدة عبد الرحمن تسمع عنها يا عمي طارق
فيبلع طارق ريقه بالعافيه ويقول
انا اول مرة اسمع الاسم ده
عماد بحدة
ازاي بس دي جدتي قالت انك تعرفها كويس ده انت كمان شاهد علي عقد جوازها من بابا
طارق
عماد يا ابني صدقني ان،،،،،،،،
فيقاطعه عماد مكملا
والست دي خلفت من مراد عيلين. واد واتسمي عماد وبت واتسمت عبير لكن بقدرة قادر وبعد ما طلعت شهادات ميلاد للعيلين دول باسم الام الاصليه وبعديها بكام سنه اختفت شهادات الميلاد دي وطلعت شهادات ميلاد تانيه لكن اسم الام اتغير وبقي وداد فوزي السيد وبعديها ماتت عايدة عبد الرحمن غرقانه في البحر واللي عرفته من جدتي ان عايدة عمرها ما كانت بتحب البحر ولا كانت بتنزله يبقي اشمعني بعد ما شهادات الميلاد اتغيرت عايدة نزلت البحر واول مرة تنزله تموت غرقانه. بذمتك مش حاجه تحير تفتكر مين اللي عمل كدة وعمل كدة ليه
فيبدا طارق يعرق بشدة مع ان التكييف شغال ويبص ل عماد ومش عارف يرد يقول ايه فيقف عماد ويمسك مسدسه ويصوبه ناحيه راس طارق ويقول عماد
مين اللي قتل عايدة امي
طارق بخوف شديد
انا والله ما قتلت عايدة
عماد وهو بيشد الاجزاء بتاعت المسدس والطلقة بقيت جاهزة للخروج
اومال مين. انطق
فيسكت طارق وما يردتش فيمسكه عماد من لايقه القميص بمنتهي العنف ويحط المسدس في راسه ويقول بعصبيه شديدة
انطق
طارق وهو منهار من شدة الخوف
ابوك هو اللي قتل امك عشان كان لازم يتجوز وداد وهو اللي غير شهادات ميلادكم عشان كان لازم وداد تبقي امكم
فيتصدم عماد ويقع المسدس من ايد عماد بسبب صدمة اللي سمعو وقال بصوت مخنوق
وليه بابا عمل كدة
طارق باستسلام
هاقول لك علي كل حاجه ,,,,,,,
ومن قدام بيت عم امام تقف عربية سيف وينزل منها عاصي ومن بعدة سيف ويروح عاصي ناحيه باب بيت عم امام وسيف وسيف وراء منه ويقف عاصي قصاد باب البيت مستني سيف يفتح وفعلا سيف فتح باب البيت و دخل ولسة هيدخل عاصي سيف منعه وقال
رايح فين
عاصي
هادخل معاك
سيف
ما ينفعش تدخل وصاحب البيت مش في.
عاصي
ما انت هاتدخل البيت اشمعني انت
سيف
انا صاحب بيت ومرحب بيا في اي وقت لكن انت صاحب البيت مش مرحب بيك
عاصي وهو يضحك ضحكه استفزاز
حاسس بيك. كل ده عشان شمس بتحبني انا
سيف وهو يكتم غيظه
مش مهم هي بتحب مين المهم انها تحب اللي يستاهلها
وقفل الباب في وشة وراح سيف ناحيه الصاله في المكان اللي وصفته لي شمس مكان ما حطيت الكشكول ولقي الهدوم بتاعت شمس اللي اشترتها ليها وداد متبعثرة علي الارض والكشكول مرمي علي الارض والبرشام المخدر خارج برة منه وجوة الكشكول بواقي البرشام
كل دة حصل لما عم امام ضرب شمس وبص سيف لي اكياس البرشام باستغراب شديد ومسك البرشام في ايدة وبص للبرشام وبص ناحيه الباب اللي عاصي واقف قصاد منه وقال لنفسه
يا ابن الكلب يا عاصي. عشان كدة بتلعب وتلف علي شمس وتقول لها الكشكول هايحصل عليه مشكله. بس ليه يديها كشكول في برشام قصدة ايه بحركه زي دي الواد ده مش سهل ولازم اعرف هو عايز ايه من شمس، ،،،،،،
وفي نفس الوقت دة كان عاصي بيبص من حته مكسورة من شباك بيطل علي الصاله اللي واقف فيها سيف ويلاقي اكياس البرشام في ايد سيف وسيف حطها في جيبه عشان يخبيها من عاصي فقال عاصي ل نفسه
وبعدين بقي في الورطه السودة دي الواد دة اكيد هايبلغ البوليس وساعتها هاروح في داهيه
ثم يضحك ويقول
لكن ليه انا اللي اروح في داهيه. مايروح هو
ويخرج موبيل صغير بزراير ويتصل بالبوليس ويتم الرد عليه ويقول
انا فاعل خير وعايز ابلغ عن اخطر تاجر برشام في المنصورة واسمه سيف
ساله اللي تبع الدخلية
اسمه سيف اية
عاصي
ما اعرفش سيف اية لكني اعرف عنوانه
واداهم عنوان بيت عم امام وخلصت المكالمة وقفل الموبيل وخرج الشريحه من الموبيل وكسرها ودفنها تحت رجله ورجع بسرعه وقف قصاد بيت عم امام وبص لباب البيت واستني لغاية ما اتفتح واول
ما شاف سيف زقة جوة البيت وقفل الباب وراء منه ولسة سيف هيدافع عن نفسه كان عاصي اسرع ولف حوالين سيف وبقي في ظهره ولف ايدة
حوالين رقبته وفضل يخنق في لغاية ما وقع سيف من طوله واغمي عليه وشاله عاصي وراح بي ناحية الكنبه الموجودة في الصاله ونيمه فوق الكنبة وحط ايدة في جيب سيف وطلع البرشام وخد برشامة من الكيس ورماها في بوق سيف وبلعه مية علشان البوليس لما يجي يلاقو متخدر وفي دمه نسبة من المخدرات وبص ل كيس البرشام وقال
يصعب عليه فراقكم والفلوس اللي جاية من وراكم لكن الواد دة عمل معايا الغلط ولازم يترد له بغلط
ورجع كيس البرشام تاني في جيب سيف وخرج عاصي من البيت بسرعه وفضل واقف بعيد عن البيت ولكنه شايف البيت كويس وبعدها بساعة جيت قوة من القسم وخبطت علي باب بيت عم امام ففتح لهم سيف وهو في حاله من
اللاوعي ومش مستوعب اللي بيحصل ووقف قدامة الظابط وقال
انت سيف
فيرد سيف
انا سيف
فيبص له الظابط ويبص لكيس البرشام الخارج من جيبه ويمد الظابط ايدة ويسحب الكيس ويلاقي اكياس تانية فيقول
والبرشام ده بيعمل ايه معاك
بص سيف للبرشام و بص للظابط ولكن البرشام المخدر اللي مفعوله بيجري في دمه مش مخلي مركز ومش عارف يقول اية فشك الظابط في وقال
وكمان بتتعاطي.
وبص للعساكر اللي مع وقال وهو بيشاور علي سيف
هاتو
ويقبضوا علي سيف ويركبوا البوكس وعاصي كان مراقب كل اللي بيحصل وقال
مع السلامه يا روح امك، ،،،،،،،،،
