رواية فصلية بديلة ( شموخ ) الجزء الثاني الفصل الاربعون بقلم ام ملكوت
:- ابتسمت ولزمت النقال اتصلت على محمد ورد علي بسرعه جر حسره طويله وكال اسمي خلالهه عبالك طالع من اعماق صدره..
_جنتييي
_يعيونهه انته
_ليش شبي
_يريد يتزوج
_اه صدك
_اي والله كال صديقه انطاه اخته وكايله اشوف الاهل واردلك خبر
_اي
_فحجه ويه بابا وامي واحنه الناس نعرفهم واهلي داخلين عليهم وخوش ناس على كوله بابا من اهل الله
_اي هاذهو اذا اهلج يعرفونهم معناهه بيهه خير انشاءالله
_انشاءالله فاريد اخذ اذنك ياخطيبي العزيز حتى اروح ويه امي باجر ونشوفهه للعروس
_عدهم ولد
_اي عدهم ثنين شباب واحد بالاعداديه والثاني بالجامعه
_ماترحين جا
_هههه لا بربك شنو ماروح غير اشوف عروسه اخوي
_اي عادي تشوفيهه بالخطبه
_لا محمد حباب لا تخبث وياي
_جنه سدي الموضوع اجي ونتباحث بالموضوع عود
_اي باجر بالشركه نتناقش
_هفف تمام
_ولج لا تافافين
_جا شسوي
_برطمي
_هههه لا اعرف سوالفك المنحرفه
_هههه مشتاقلج ولج
_والله انه ميته عليك تعرف هسه وين عيوني متركزه
_وين
_عل مخده يلي بحضني
202_3408d8cce261c865da98
202_3408d8cce261c865da98
NEW USER B...
INST...
_ وين موقع المخده هسه صار
_يم رقبتي
_اووف ربي
_هههه وهسه صار على متني
_اححح
_هفف ضايقتني راح انزلهه على بطني
_نزليهه بعد شوي
_ولكك منحرففف
_جاا انتي بربوك تعيلين بيه وتكولين منحرف
_ههههه لا تحجي هيج عيب
_هسه عل حجايه عيب
_ايي
_تمام باجر اشوفج العيب على اصوله
_شتريد تسوي حدك هاا الا الشرف يبن الناس كلشي الا الشرف
_اكله للشرف باجر
_هههه كافي استحيت
_تمام انه اوريج منو العتيك بعد طلعي سوالفج خليني اجمعهن الج لباجر
_اكلك صدك مو تسوي شي بالشركه خلينه نتكفه شر بثينه والمدير لا ننطرد
_اوظفج بكلبي وتصيرين الرئيسيه اذا طردوج من الشركه
_ههه يبعد كلبي كلبك
_يبعد عيوني عيونج
_يله كافي صارت ب١٢ خلينه نروح ننام ورانه دوام خلينه نضم سوالفنه لباجر
_لا بعد النقال للسوالف واللقاءات لغير شغلات
_تصبح على كل الخير
_تصبحين على خير يوجه الخير
_احبك بيباي
_ميت بيج جنتي باي ..
سديت الاتصال ورفعت المخده باوعتلهه وضحكت بخجل على كلامه حضنتهه لصدري وطفيت ضوه
التيبلام ونمت وانه الابتسامه مرسومه على وجهي للصبح كعدت نشيطه اخذت نقالي وابتسمت على اثر رساله حب منه كاتب بيهه ..
💬 اشرقي على قلبي كنسيم شمس دافئه في هذا الشتاء البارد ، لتنبت الزهور الشمسيه في جوفي واصنع بها لكِ عرشا معطرا تستوطنين عليه طيله العمر ..
💬اعشك تفاصيلج يجنتي ومسكني وسكينتي
💬فديتك
💬 فداج عمري يكل العمر انتي خلينه نحضر نفسنه ونروح من وكت الرسايل ماتفيد بعد
💬ههه تمام يله ..
ختمنه الرسايل ببوسات وكمت بسرعه سبحت وطلعت دورت بالكنتور عن احلى فستان من ملابسي طلعت لون زيتوني ووياهه ستره سوده
وشال زيتوني نسقت الحذاء والجنطه باسود بدلت وخليت مكياج فوك عيوني زيتوني لامع جريت الايلاينر وخليت حمره ماروني فاتحه مو جافه
رشيت عطر اخذت لابتوبي وطلعت صبحت على اهلي صاحولي للريوك وكتلهم راح اتريك ويه محمد وهوه هيج مقرره .. صعدت بالسياره واجه احسان
بيده اللفه حتى ماخليته يكمل ريوكه خطيه صعدت وساق السياره بايد وحده وهوه ياكل وانه احشش عليه واكله..
_دخيلك ربي البنيه لو شافتك وانت تاكل تشرد
_لا ماتشرد لا تخافين تموت علي تصير
_حماد نفسه يرادله رفسه
_اكول انتي مو رجعتي لخطيبج وكلت اي افتكيت منج شكو ساحلتني من الصبح وحتى ماكملت ريوكي ومخليتني اوصلج للشركه
_هاا مليت مني اييه بعد تريد الجو يفرغلك منا وهيج بس الك ولخطيبتك وعل عناد الا اكبس على انفاسكم عود اخليكم بحدكم بالسياره ابدد اخليهه تصعد وره وانه كدام
_كلهه الج وطبعا تصعدين كدام غير اخيتي انتي
_لا اتشاقه وياك ولك بعد السياره سيارتكم شكو حاشره روحي بيناتكم عندي خطيبي يوديني ويجيبني منا ورايح خليكم انتو بحدكم وكفينه شركم
_شعدنه اليسمعج يكول داخله لغرفه نومنه مو لسياره
_ياا عيب تحجي هيج الظاهر مكثر كعدات ويه السريريه
_اي والله هليام مرافك خطيبج ومكثر كعداتي وياه
_لا يالله انقصفت وربي
_هههه ..
ضحكنه وبقيت اباوع للطرقات ومره اباوعله واشوفه يصفن ومن ينتبهلي يزيف ابتسامته دعيت ربي تكون هاي البنيه جبر لخاطره وتنسي حبه
لشموخ كل هل سنين ويعيشون مرتاحين وسعيدين سويه.. دقايق ووصلنه للشركه نزلت
وشفت محمد منتظرني بالباب ابتسمت ورحت يمه واجه احسان سلم عليه وكله وهوه ياشر على اديه يلي كلهه طحين خبز من الاكل ويكول..
_شوف ياخويه ترضاهه مرتك جابتني سحل من نص ريوكي حتى اجيبهه للشركه جا انه كلت بعد افتكيت منهه واطلع على راحتي يمته ماريد اشو هم رجعت علي اريد اوصلهه
_هههه من عيني من باجر انشاءلله انه اخذهه واجيبهه وياي وانت ارتاح منهه
_هههه اهلين ابو قاسم يبعد اخوك بس انت كفو
_يبعد روحي احسان صدك كالوا تريد تخطب اخت صديقك عادل
_اي والله ياخوي بعد كبرنه وصار الوكت النستقر بي ونشوف بت الحلال ونكون عائله شجم دوب اضل حاضن المخده..
_زين تسوي ياخوي ماكو شي احلى من ان الواحد يلكه بت حلال تصونه ويصونهه ويعيش مرتاح حوالين مرته وجهاله
_اي والله ياخويه يله الله كريم بعد فوتوا انتوا لشغلكم وانه خلي اروح الحك ابدل واطلع لشغلي
_تمام روح خويه الله وياك ديربالك
_انشاءالله يله مع السلامه
_الله وياك..
تسالموا وابتسم بوجهي وصيته يدير باله بالطريق وهز راسه بايجابيه وهوه يرجع للسياره خله محمد ايده على كتفي ودخلنه للشركه وهوه يكول..
فرك على كتفي بحنيه وصعدنه للطابق الثاني بعد ايده ووكف بجديه وثكل لزم كف ايدي ودخلنه للمكتب باوعولنه زميلاتي والبسمه على وجوهتهن
وبثينه مالهه وجود كيفت عبالي استقالت انطردت بس اشو هاي طلعت من المطبخ تمشي بكعبهه جنهه عرجه وكفت من شافتنه خليت و٠لزمت ايد
محمد زين وهوه رفعهه وباس باطنهه بتملك ومشه بينه للحديقه ابتسمت وكعدنه عل كراسي التفتت عليه وكتله ..
_ليش سويت هيج جوه
_حتى اليحاول يفكر يسوي شي يتذكر انج ملكي وحلالي ومو سهل ايدي تنفك من ايدج
_ههه شخبار المخده وين صفه بيهه الدهر امس
_بقت بحضني ونمنه سويه للصبح
_اووف اووف
_ههه شبيك
_جعلني هل مخده صدك
_هههه عوفك من المخده هسه كول ليش ماتريد اروح لبيت البنيه اشوفهه
_اخاف عليج من عيون الناس
_بس همه شباب صغار تره ولدهم
_بالغين لو لا
_اي بس
_لا حباب خليني اروح هوه احسان طلب مني هل شي ورايحه ويه اهلي انه مو وحدي
_تمام
_شنو تمام
_ترحين بس بشرط
_شنو هوه
_تعالي..
سحبني من ايدي وصرت قريبه منه ونزلت راسي بخجل لمن همس باذني وكال..
_اريد مطر الخير ينزل ياله ترحين
استغربت وكمت وياه مشينه لداخل الشركه وتحديدا راح لمكتبه وكفت يمه وهوه يدور مدري شنو طلع ملف جبير وكال بصوت مسموع..
_هذا بس ملف واحد الثاني بالمخزن تعالي وياي اجيبه حتى تلزميلي اللايت..
باوعتله باستغراب والكل يباوعولنه هزيت راسي بايجابيه وكتله تمام وانه ماعرف شسالفه راح قبلي ورحت وراه نزلنه للطابق الاول وتوجهنه للمخزن
بعدنه توه وصلنه للباب وهوه التفت يباوع ورانه خاف اكو واحد متبعنه من شاف محد سحبني من ايدي بوكاحه ودخلني للمخزن قافل الباب..
✋️🔥
باوعتله بصدمه ردت احجي وسحبني من خصري عليه مبتسم وطبع شفايفه بشفايفي وهوه يرجعني عل حايط غمضت عيوني بالم وخليت ايدي على
صدره وانه احس بنبضات كلبه تتسارع و المكان صار جهنم بحراره جسمي ابتعد وره ثواني وهوه يجر نفس كوه خله جبينه على جبيني وكال بصوت راخي..
_محمد
_اشش..
دارني عل حايط وصار وراي حاوط خصري باديه حاضني ودافن وجهه برقبتي نزل الشال عن راسي وهمس بفحيح حار يم اذني وانه كلبي احسه يريد يوكف من الخجل والخوف..
_ليش ترجفين ولج
_خايفه منك
_افاا تخافين مني وانه اخاف عليج من الهوى الهاب
_محمد
_ انطيني ايدج وطمني كلبج انه محمد حلالج مو ياهو الجان..
بلعت ريجي بصعوبه وانطيته ايدي تشابكت ويه ايده وهوه مخليهه عل حايط وبيده الثانيه فتح سحاب الفستان شويه وغمضت عيوني شاردين بغير عالم نزله للفستان عن زندي واخذ يعضه ويطبع بصماته عليه دقايق وانه اغمض عيوني بالم واتنفس كوه لفني عليه بسرعه حاضني
لصدره واديه تسللت من الفستان على ضهري وخصري بحنيه وشوك كلهه دقايق واحس هدينه وانفاسنه انتظمت بعدني خطوه عنه وهو مخلي جبينه على جبيني باسني بطرف خشمي والتف وره ضهري طبع بوسه خفيفه على كتفي وحجه وهوه يسد بسحاب الفستان ..
477_f864e998e8331fe992b2
_خفت تسويلي شي
_مثل شنو ولج شخطر ببالج
_تعرف بعد بهيج موقف شيخطر عل بال غير سوالف العرس
_سوالف عرس ها ولج بس ميخالف لعيونج نسوي سوالف عرس لو تردين انتي حلالي وانه حلالج
_لا محمد فدواا
_هههه هاي شبيج ولج رجفتي خلاص اهدي تره اتشاقه وياج وعيونج
_والله تشاقه
_اي والله ردت اوترج قابل شلون اخذج وهيه حلاتهه بليلتهه
_طمنتني
_عههه تعالي بزونتي الصغيره خل اعدل حجابج..
تقرب عدل حجابي وهوه يتامل بعيوني وانه مستحيه منه فرد مره واحس نفسي ضاق من
الغرفه لان صغيره ومابيهه تهويه ومتربه رفع راسي باصابيعه وكال وهوه يمسد على خدي..
_خو مابعدج خايفه جنتي
_هاا لا حبيبي بس خلينه نطلع منا الغرفه خنكه
_اي
_جنه
_هاا
_ليش احسج تضايقتي من لمستج
_لا بس مستحيه وتضايقت من خنكه المخزن
_حبيبي باوعيلي تره انتي حلالي وجنتي ولا تظنين قربنه حرام لو غلط ولا تضنين ادور العيبه وياج بالعكس شاريج انه بروحي وبالحلال بس كلبي رهيف ومايتحمل يشوفج كباله وماتلمسج ايدي وتحس بترافتج
_لاا اعرف بس احس تضايقت شوي لان ماخذ راحتي وياك بهيج مكان لو بالبيت ميخالف ماضوج وشفت هل شي البارحه بس هنا بقى بالي ويه البره خايفه شخص يداهمنه ويفهمنه غلط
_ههه لا تاكدت ان محد يجي ياله جبتج واصلا ماجان الي مكان ثاني وتوازيت عل حضنه وياج عذريني بعد انتي كلبج جبير لو شتكولين
_عيوني الك لا تحجي هيج عاذرتك وانه متوازيه على حضنك مثلك ويجوز اكثر
_تمام لعد اليوم جاي ابات يمكم بيهه مجال
_هاا
_ههه شبيج خايفه صدكي ماراح اسوي شي مو بارداتج واصلا تفكيري بعيد كل البعد عن ذيج السالفه لا تخافين
_لا ولك مو شغله خايفه بس كاعد افكر بعدين راح نروح للبنيه بليل ويجوز مانرجع منا لل٨ او لل٩ فما اعرف شلون راح نرهمهه وتبقى يمنه
_تمام لعد خلينه نكتفي بلقاءنه بالشركه والجيه على باجر
_بس كون ماضجت
_لا هوه انه نسيت ظرفكم اليوم
_محمد
_جنته
_تحبني
_ليش تسالين تزعزعت الثقه لو شنو
_لا بس اريد اتطمن
_جا رفعي راسج للسما ..
باوعتله بتساؤل ورفعت راسي للسما وهيه زركه والغيوم مغطيتهه وحاجبه ضوه الشمس اجه وكف وراي ونزل لمستواي هامس باذني..
_و رب الرفع هل سماء وزينهه بالشمس والغيوم والنجوم احبج وراح ابقى احبج ومحافظ عليج كل عمري وماراح افرط بيج طول ماراسي يشم الهوى ..
نزلت دموعي الجنت حابستهه بخوف بداخل صدري والتفتت عليه بسرعه حضنته من رقبته دافنه وجهي بيهه استنشق عطره وهو منحني لمستواي شد على حضني اكثر ورفعني عن الكاع وصوت ضحكته الدافيه تتخلخل لمسامعي ابتعدت وره فتره نزلني مسح دموعي باديه وحضن وجهي وهوه يكول..
_زين وانتي تحبيني
_ميته بيك انه والله
_هههه يله لا تبجين اليشوفج يكول سويتلي سوايه بيج
_ منحرفف
_اكو هواي اماكن بس ماتتقفل وانه اموت ولا واحد يلمحج وياي بمكان مشبوه حتى لو جنتي مرتي وحلالي مو نوب اخذج لمكان على كولتج بي كامرات ويشوفونه
_همم زين ليش ماتتحمل واحد يلمحني وياك
_غير عرضي وماريد احد يجيب طاريج بكلمه مو زينه وتدرين بالناس انتي حتى لو يعرفونج حلالي هم يحجون وينسبونج على انج مو خوش بنيه فشلون ترديني اسوي بيج هيج
_هاا زين خليني اروح اشوف عروسه اخوي
_يعني مطرت خير
_ههه محمدد كافي استحي والله
_بالنقال امس ماتستحين وانتي تحركين بيه
_محمدد
_هههه يله كافي وميخالف روحي بس ديري بالج من العيون ابقي مجلبه بعبايه امج وين ماتروح ترحين وياهه وماتفاركينهه ابد
_شنو صغيره انه
_اي بعين كلبي بعدج طفله ويراد من يدير باله عليج
_هممم تمام انشاءلله اسوي الكتلي عليه
_هاي شنو يمته كملتي ولج
_جا كعده البيت هذا الشهر كله وين راحت كملته ومشيت
_سباعيه مريتي جا شكد محظوظ بيج انه
_ههه كول ماشاءالله لا نفترق
_ الموت اشوفه ولا الفركه يبعد عيوني انتي
_اسم الله عليك يدعوه امي انته يله ندخل
_شكلتي
_هههه دعوه امي المستجابه وروحي ودنيتي وكل ناسي واهلي وعشيرتي انته
ضحك واخذني لصدره حضني حيييل وهوه دافن وجهه برقبتي ابتعد وزفر بشوغه ابتسمت وشبك ايدي بيده
وصعدنه لمكتبنه تفرقنه كلمن على مكتبه وكعدنه نكمل الشغل العلينه وكل شوي واحد يرفع راسه يباوع للثاني ونتواصل بالعيون لحدما كملنه شغلنه
تثاوبت بتعب واجت عيني على محمد وهوه يباوعلي مبتسم كطعت الثوابه وبادلته الابتسامه وكمت رحت للمطبخ اخذت كوبي وكوبه ووكفت
اسوي كهوه ومثلما توقعته اجه وراي سد الباب وحضني من وره باسني بخدي وبتعد سند نفسه
عل كاونتر وهوه مكتف اديه ويتاملني شلون اشتغل رفعت راسي باوعتله مبتسمه وكال بعدما تنهد..
_يمته اشوفج بيتي واكفه بالمطبخ وتسويلنه عشه تالي نكعد سويه واحد يوكل الثاني وتالي اشيلج بين اديه لغرفتنه واخذج لعالمنه الابيض ونسولف
سالفه عشاك ونروح الصبح للدوام سويه والعصر نطلع نتمشى بالحدايق ونروح نروح ونرجع على سوالف العشاك
_هههه فقط هاي احلامك
_احلامي بكد ماهيه بسيطه بكد ماهيه مميزه ومريحه
_مدام صاحب الحلم مميز لازم تكون احلامه بسيطه بنكهه مميزه مثله
_جنان شنو انه بالنسبه الج
تركت الكوب من ايدي واجيت كباله لفيت كف ايدي حوالي رقبته وسحبته ببطئ لمستواي صار وجهه مقابيل وجهي تاملت بعيونه وتقربت همست يم اذنه..
_شايف لمن شخص يشوف الموت وتبقى عينه مفتوحه على عزيز كلبه هيج انه حياتي بدونك مثل الموت وعيوني تبقى تدور عليك ..
بلع ريجه بصعوبه وحضني حيل وهوه دافن وجهه برقبتي وانفاسه الحاره تجويني دقايق وهمس يم اذني..
_لا تفكرين تسوين بروحج شي لو تضرينهه بعد شمهما صار وراح يصير مستقبلا اريد تلتجأين لحضني حتى لو متزاعلين حتى لو متفاركين لا
_ماتدرين شصار بيه لحد الان من اتذكر وضعج وشلون نايمه وجسمج متكسر ينكسر كلبي واختنك تدرين ليالي وانه عيوني مجافيهه النوم واكول كله
من وراي وبسببي سوت هيج لو مبقيهه يمي وجابرهه عل عيشه وياي جان مابتعدت عني ولا صار عليهه هل ضغط والتعب الوصلهه للانتحار
_ بس فعلا جان السبب انته..
ابتعد عني وباوعلي بتساؤل وحيره قابلته بابتسامه قهر وكتله وانه امسد على صدره بجهه كلبه..
_جنت بوقتهه مشتاقتلك وروحي تاخذني الك كلما صفنت رغم جان بكلبي اني اريده لمرتضى بس شي
_جنتك انه منو جنان
_اذا هيج تحبيني ليش طولتي علي ليش عفتيني محترك بنارج وماسالتي عني
_جنت جاهله بكلبي شيريد ومنو يهوى منكم رغم جان احساس بداخلي يقنعني اني اريدك انته بس تجاهلته وحسبته مؤقت وخفت اجي واحجيلك عنه وارجع اجرحك مره ثانيه
_جرحيني راضي بكلشي منج كلبي الج وملكج سوي التردينه بي جرحي بس رجعي داوي تركي ورجعي احتوي بس لا تخلينه يبرد وينكسر ويتهشم على فراكج..
ابتسمت بقهر ونزلت دمعه مجمره على خدي مسحهه بكف ايده وتقربت على جهه كلبه بستهه وخليت راسي على صدره ونبضاته بلسم يتخلخل
لروحي غمضت عيوني وهوه بقه يمسد على راسي ويوزع بوساته على ايدي المخليتهه على رقبته
اندك باب المطبخ وابتعدت دخلت زميلتي ابتسمتلنه وبادلتهه بقت تصبلهه ماي دافي من البراد ورحت يمهه ..
_هاا خيه شنو بلاعيمج مضروبه
_اي والله البارحه نمت ونسيت اطفي البنكه كعدت الصبح شوفه عينج صوتي رايح وبلعومي مورم
_يله..
اخذتهه وطلعت بعدما اشرت لمحمد وابتسملي بمعنى عادي اروح المهم رحت طلعت الطبقه من
جنطتي وانطيتهه الهه شربت وكتلهه تاخذ الطبقه وياهه طلع محمد بيده الكوبين مالاتنه واجيت عليه اخذت كوبي وكتله..
_نطلع بره نشتغل نكمل المشروع حتى نخلص منه ونسلمه شتكول
_اي ليش لا رايح انه ارتب المكان وانتي جيبي اللابتوبات والملفات وتعاي وراي
_تمام ..
وكعدنه عل حصيره وبدينه نشتغل بجديه وبثينه ولا اجت يمنه ولا ساعدت وهل شي احسن بهواي لان مامستفاده منهه شي انه وبس مغثه.. تقريب
الساعتين كملنه كلشي ونجح مشروعنه على اتم شكل ابتسمنه برضه وكمنه لمينه الحصيره والملفات ورجعناهن لمكانهن اخذنه ملف التعريف
والمعلومات ورحنه لغرفه المدير دكينه الباب ودخلنه سلمناهن اله وهوه بقه يكلب بيهن ويهز راسه باعجاب مدح شغلنه وترتيبنه ولهنا نكون
كملنه شغل عل مشروع وراح يصفى بالنه هل اسبوع و نكضيهه فره وسوالف قبلما يستقال محمد .. خلص الدوام ووصلني محمد لبيتنه نزل
تعلقت بي اكثر وبكل ساعه تمر تشوقني اله زايد .. تنهدت بعدما راح وسد الباب احسان وراه رحت لغرفتي ذبيت ملابسي ودخلت للحمام اسبح
وشهكت لمن شفت الاثار الموزعن على زندي وكتفي ومنهم طافر لرقبتي نوب بالسره جايات عبالك محروكه هسه جيب اليخفيهن شلون سالفه هاي نوب ياذن تافافت
ودخلت اسبح وانه متحلفه بمحمد برزاله لو كتله معدله على سوايته هاي .. كملت ونشفت وطلعت لبست ترواكه ولبست جاكيت مقفل خافيه بي
رقبتي مشطت شعري وطلعت للمطبخ صبيتلي غده وكعدت اكل واكلب بالانستا اجه احسان اخذ خاشوكه اله وسحب الكرسي كعد كبالي ومد ايده
ياكل وياي وهوه مسوي نفسه طبيعي وماهامه الراح يصير بعدين بقيت اباوعله بترقب وكتله محاوله انسي همه..
_ايي عريسنه اشو باقي على ملحك لا رحت زينت شعرك لا عدلت لا بدلت انشاءالله تريد تروح تشوف البنيه بهذا شكلك المتعوب
_هذا المتوفر حاليا ياخويه
_لا شهل حجي هذا ولا اكلك انه حجيي مو وياك بسيطه
_شراح تسوين
_مالك شغل الك الصافي انته..
باوعلي وصفن بوجهي بتساؤل كمت من يمه ورحت لغرفتي اتصلت على محمد ورد علي بسرعه وكتله قبلما يسلم حتى ..
_تقبلهه يالنسيب اخوي يروح يشوف البنيه وهوه اجلح املح لا مزين ولا معدل ولا مرتب
_على هونج ولج ياهوه هذا نسيبج
_العفو مو نسيب اخوي انته يعني فكلت هيج ههه
_هههه خبالاتي طكن شكلهن المهم شنو الفلم شبي احسان
_يريد يروح املح اجلح للبنيه حتى كبل تطرده من البيت وتكله الله ينطيك
_ههههه شحده يروح هيج يريد يفشلني وانه نسيبه افا عليج هسه اجي اخذه سحل من شعفته للحلاق
_تسوي فضل والله وهم اكحل عويناتي بشوفتك
_وهم اكون حاضر وياكم بعد شتردين
_لا لا خاف ينعجبن بيك بناتهم ويصيرن يردنك تالي
_لا غير اكلهم انه نسيبهم ورجل بتهم جنان
_ااالله بله عيدهه
_شنو هيه
_مال رجل جنان
_مافهمت يعني الكلام حلو بحلكي لو حلكي بالذات حلو
_اكعد راحه حمييد
_هههه يله كعدت خلي اكوم هسه ابدل حتى اجي اخذ احسان هم ياله يكمله الحلاق منا للمغرب
_تمام يله لا تتاخر وديربالك بالطريق
_من عيني
_ يدوم خضارهه لعينك يبعد عيني
_احبج جنتي
_ميته عليك يدنيتي
_يله حبيبتي خل ابدل اذا نبقى هيج معناهه للمغرب نضل نتغزل وينسي احسان
_ههه تمام يله روح باي
_باي جنه ايامي..
سديت الاتصال وانه الابتسامه مرسومه على وجهي اخذت نفس وزفرته براحه فكره اني فزت بمحمد وهوه يمي والي تبعث السلام لروحي وتزرع فرح
بكل زوايا كلبي .. باوعت للمرايه عدلت مكياجي وشعري وطلعت للصاله كعدت يم اهلي وكتلهم محمد راح يجي على احسان عاد كيفوا يحبون جياته ..
وطلعت بسرعه وكفت يم باب الكلدور اجت عينه علي ابتسم ومادري شكال لاحسان وهذاك باوعلي
وطبطب على كتف محمد مبتسم .. شفته اجه باتجاهي ورحتله صرنه بوسط الحديقه لزم ايدي وكال بعيون تلمع..
_اشتاقيتلج جنه ايامي
_ والله انه همين ماجان ودي تروح مساع من يمي
_هسه اجيت وراح ابقى يمكم راح اخذ احسان للحلاق تالي اروح وياكم وابقيهم لل١٢ بليل حتى بلكي يحنون علي اهلج ونكضيهه الليله احضان
_ههه حتى لو بقيت الليله عدنه راح يحبسونك بالديوان ابوي بجهه واحسان بجهه ويشبعونك احضان
_ لاا جا مو خوش سالفه هاي بله خل نروح ونفكرلنه بطريقه جا جاي ومتعني وتاليتي احصل احضان من ابوج واحسان لا يمعوده شوفيلنه صرفه
_ههههه ششوفلج ولك صرفه جا عبالك تنام بحضني واهلي بالديوان
_لا انه وياج بالديوان وهمه بعد كلمن بغرفته مو هيج الاصول
_هههه روح حبيبي هسه روح والله كريم عود نشوف وين تصفى
_اووف اووف احنه لازم نلكه حل راح ابقى سنه محروم مايصير اكضيهه احضان ويه ابوج وعايف
مريتي المهم خل اروح هسه وافكرلي بله شلون ارهمهه واخليج يمي بالديوان شلون ..
_بسيطه ام كصه انه الج تذكرين الانباري
_هههه لا احسان فدوا
_بسيطه انشاءلله
_ياربيي هههه ..
هز راسه بوعيد وهوه حابس ضحكته ودخل للبيت باوعت لمحمد شفته ملتهي بالنقال باوعت حوالي ماكو احد رجعت انظاري عليه شافني وعكد حواجبه بتسائل ابتسمت ورحت اركض من باب
الكلدور لوسط الحديقه مسافه ١٠ امتار تقريبا خله نقاله بجيبه بسرعه و فتحلي اديه وصلت يمه وشالني من خصري افتر بيه الحديقه ونزلني بحضنه واحنه نضحك حضنته من رقبته حييل وهوه يشد
_ولا انه اتحمل بعد ابقى بعيده عنك لحظه
_شوفيلج حجه لاهلج تره اليوم نايم بحضنج لا محاله
_هههه يريت
_اااخ كلبي
_سلامه كلبك يبعد كلبي
_روحي تلوب عليج ولج وطالبه السلام بحضنج
_محمد
_جنته انتي وكل هوى ريته
تلفت وماشاف احد اندار علي راد يتقرب واجه صوت ابوي مرحب بي فززنه كل واحد بجهه باوع بابا باستغراب وانه وجهي صار جهنم حمره كتلهم
عن اذنكم ودخلت جوه اركض وبوجهي لغرفتي كعدت عل جربايه وكلبي يخفق بجنون واضحك
بحماس اخيرا هديت شويه وبقت الابتسامه مافاركتني اجتلي رساله عل واتساب ودخلت شفتهه منه وكاتب..
💬ولج جنه انه الج شلون موقف انحطيت بي نوب انه اكول عليمن طالعه وكحه اثاري على ابوج
💬هههه ليش شكال
💬الله تدري مره خالتي سماء سولفتلنه عن شردتهه ويه عمو شهم شكد تمنيت هيج اشرد ويه زوجي بالمستقبل ولحد هسه بخاطري
💬افاا وانه غلام ابوي اسويلج عيني مشحوف واشردج بيهه
💬هههه لا ماريد عيونك جا شلون تباوعلي وتتاملني بعد
💬هاا هم صدك يله انطيج روحي
💬ولا روحك جا شلون تعيش وياي
💬ميخالف انطيج كلبي
💬لا ماريده جا شلون يضل ينبض بحبي
💬ههههه
💬ههه اويلي عل ضحكه يابه
💬اويلي على عيونك يبعد عيوني
💬اتبعثر انه بهل جنه اتبعثر
💬اتخبل انه بحضنك اتخبلل
💬احبج
💬اموت بيك
💬يله حبيبي اجه احسان راح نطلع
💬تمام راح ابقى منتظرتك
💬اححح يمته تجين لبيتي ومن ارجعله الكاج تنتظريني بغرفتنه بروب ابو الريش
💬 هههه احبج ولج هيج وصدك اشوفج بوسط الغرفه لابسه ومعطره ومنتظرتني اويليي غير الا للصبح نسولف سوالف عشاك
💬هههه انشاءالله بس هسه روح يمعود قبلما تدخل بالتفاصيل نوب
💬اخرب عل تفاصيل انه اعجبج بيهن
💬محمددد كافي روحح استحيت تره
💬استحي شكو بيهه حلات خدودج محمره
💬هههه
💬يله جنتي اخوج ضل يلح عباله ماراح اضمهه اله بس خل يخطب
مبتسمه وخربت علي اللحظه نوره لمن دفعت الباب ودخلت تعيط باوعتلهه وكتلهه باستغراب..
_ملاحظه على نفسج صايره مثل البهيمه كلما دخلتي لمكان تزاكطين
_عساني كون صرت بهيمه ولا هل عيشه
_ليش يمه شكو بيهه عيشتج حمدي ربج وشكري
_الحمدلله بس امج موتتني
_احجي عدل نورسين
_هم كالت صخمين
_دحجي وزقوم
_وهسه انتي ضايجه لان كصار شوي
_اي استحي البسهن رجلي تبين جنهن رجلين مالك الحزين
_هههه يله ميخالف باجر العصر اخذج واخلي محمد يودينه للسوك تشترين التردينه
_والله
_اي والله
_على حسابج
_على حسابي
_ولكم هاي الاخت والله انه امدح بيج كدام صديقاتي بس محد يصدكني فديتج
_يله بله
_اي والله جا ليش تحرك كلبي وتكلي ماشتريلج
_هههه ..
ضحكت عليهه و طلعت بره تحجي بصوت عالي تسمع امي على روحتنه للسوك وتتمايع الخبله.. كمت انه عدلت شكلي وطلعت للمطبخ شفت امي كاعد تسوي دولمه للعشه سحبت الكرسي وكعدت كبالهه الف دولمه وياهه وكالت..
_يمه جنان عوفج من هل خبله لا تاخذيهه للسوك وتعبين الولد انه من افرغ اخذهه
_ميخالف يايمه زحمه بعدكم ماراجعين سويه وكربناه للسوك هاي تتعاير اختج عدهه ملابس شكد وتكول كصار علي تريد مثل صاحباتهه كل شهرين تجدد ملابس
_امي هيه بعدهه صغيره ومراهقه وطبعا تتمنى تعيش نفس عيشه البنات صديقاتهه ليش نحرمهه وصدكيني تره مو كل بنيه تحب روحهه هيج وتحب تلبس وتكشخ احسن مني كضيت مدرستني شلون ماجان وهسه متحسره عل لبس والونسه بمثل عمرهه
_تمام بكيفج يايمه بس انه انطيج فلوس تشتريلهه ضمي فليساتج انتي يفيدنج
_لا امي انه واختي خليني اشتريلهه هيه شعدي بس هيه الوحيده شصار لو صرفت عليهه مو من حقي يعني
_لا حقج يمه يله صرفي عليهه مالي شغل بيجن
_وانتي ينبع حنيتي شتردين اجيبلج وياي تردين عبايه جبه حجاب لو تردين اجيبلج ملابس قتاليه لسويجد
_هههه ياا فلشج ولج ويني وين الملابس القتاليه هوه سويجد خلي يكعد وياي افتهم منه شي ياله البسله قتاليه...
