رواية فصلية بديلة ( شموخ ) الجزء الثاني الفصل الواحد والاربعون 41 بقلم ام ملكوت

:- ضحكت عليهه وطلعت بره تحجي بصوت عالي تسمع امي على روحتنه للسوك وتتمايع الخبله.. كمت انه عدلت شكلي وطلعت

للمطبخ شفت امي كاعد تسوي دولمه للعشه سحبت الكرسي وكعدت كبالهه الف دولمه وياهه وكالت..

_يمه جنان عوفج من هل خبله لا تاخذيهه للسوك وتعبين الولد انه من افرغ اخذهه 

_لا امي شسالفه هيه هم اختي ومحمد مايكول شي بالعكس يفرح يحس روحه واحد من عائلتنه

_ميخالف يايمه زحمه بعدكم ماراجعين سويه وكربناه للسوك هاي تتعاير اختج عدهه ملابس شكد وتكول كصار علي تريد مثل صاحباتهه كل شهرين تجدد ملابس

_امي هيه بعدهه صغيره ومراهقه وطبعا تتمنى تعيش نفس عيشه البنات صديقاتهه ليش نحرمهه وصدكيني تره مو كل بنيه تحب روحهه هيج

وتحب تلبس وتكشخ احسن مني كضيت مدرستني شلون ماجان وهسه متحسره عل لبس والونسه بمثل عمرهه

_تمام بكيفج يايمه بس انه انطيج فلوس تشتريلهه ضمي فليساتج انتي يفيدنج

_لا امي انه واختي خليني اشتريلهه هيه شعدي بس هيه الوحيده شصار لو صرفت عليهه مو من حقي يعني

_لا حقج يمه يله صرفي عليهه مالي شغل بيجن

_وانتي ينبع حنيتي شتردين اجيبلج وياي تردين عبايه جبه حجاب لو تردين اجيبلج ملابس ق تاليه لسويجد 

_هههه ياا فلشج ولج ويني وين الملابس القتاليه هوه سويجد خلي يكعد وياي افتهم منه شي ياله البسله قتاليه

_هاي شنو سويجد ابو الحب والرومانسيه شجاه وصرتي ماتفتهمين منه شي

_وين يايمه شوفه عينج من اشتره الارض من قرايب خطيبج لهسه مشغول بيهن ويطلع من الصبح لليل ياله يجي يذب روحه تعبان نايم 

_ياا خطيه زين ماكو وياه هناك عمال مساعدين شي 

_لا وين بس احسان اخوج يروحله العصر من يرجع من دوامه وكم واحد وياه وبس الخفايف عليهم مايعرفون يشتغلون مثل شغل ابوج

_هاا ولا يهمج هسه احاجي محمد واساله اذا يعرف اشخاص يفتهمون بهذا المجال حتى اشغلهم عند ابوي لان مايصير يتعب روحه هيج وتالي يلزمه المرض لا سمح الله 

_اي والله ياريت بس خاف عيب من الولد هسه يكول شطلعت انه ابتليت من اخذت من عدكم

_هههه لا جا هوه النسيب شنو فايدته لبيت عمه لو مايساعدهم وبعد تورط مابيهه مجال للرجعه

_ههه على كولتج يايمه بس على كيفج وياه اذا مايعرف لا تضغطين عليه

_ولا يهمج يايمه الا اضغطه ضغطه معجون الاسنان من يخلص 

_هههه خرب شكلج على هل سالفه هههه

_هههه دايمه يروح روحي هل ضحكه دايمه

ابتسمت وبست ايدهه ورجعنه نكمل لف ومر الوقت بالمطبخ لحدما كملنه سوايتهه خلتهه امي بالثلاجه وكمنه انه ونوره وياي صار بيهه سوك بعد

الخبله فكت الجبسه وكامت لمت البيت كله وغسلت وياي ماعين الغده وهيه مكيفه ضحكت على شكلهه وكلت شكد فطيره وابسط الاشياء تفرحهه .. 

كملنه شغل وبقينه بالغرفه نكلب بالملابس وهيه ماخذهه الواهس غاطه بكنتوري وتدورلهه شي تلبسه منا لصارت الساعه ب٦ ونص عاد كمنه

توضينه وصلينه وحضرنه نفسنه وبقينه منتظرين محمد واحسان حتى نروح لاهل البنيه .. وابوي خبصهم كلساع يتصل عليهم وينكم ووينكم الناس

ونظف روحه من الشعر وطلع صار جديد بالباكيت اجيت يم محمد لزمت ايده وهمست ..

_عاشت ايدك طلع جديد بالباكيت هسه ياله حسيت عندي اخ حلو 

_هههه افا عليج بس تشوفينه يتوصخ بعد كليلي اجي اسحله للحلاق

_هههه هوه يروح كل اسبوعين هيج بس هسه مدري شماله راكب راسه وماقبل يروح 

_يتعزز لا يضل بالج يمه

_هههه ..

ضحكنه وصاح بابا يله نطلع عاد اتصل على ابو البنيه وكله جايين احنه بالطريق وطلعنه من البيت قفلناه واقترحت عليهم نروح مشي لان بيتهم

قريب والجو حلو عاد وافق بابا واحسان لزمنه انه ومحمد ايد بايد وبقينه نتمشه وكل ثنين بصفحه يسولفون والهوى ينعش الصدر والجو شاعري ولا

بعدما سلم عليهم وخزرني عود انزل عيني حبست ضحكتي كوه عنه ونزلت عيوني ودخلت وواحد منهم لطشلي تفضلي خويه ومنا روحي خويه وهنا

خلي حذاءج خويه ومحمد عوزه بس يكتله اخر شي ماتحمل عافهم واجه يمي بقه مغطيني وانه

انزع بحذائي والولد من شافه هيج راح يم الولد .. رفعت راسي بعدما كملت وكال محمد من بين سنونه..

_عل سريع فوتي جوه وبعد ماتلبسين حذاء

_جا شلبس بله

_لبسي شحاطه حتى بسرعه تنزع لا تدنكين عليهه ولا تبقين ساعه واكفه بره والعين عليج

_ههه تمام

_يله فوتي ولا تطلعين لمكان الا امج لو اختج وياج 

_تمام تمام والله فهمت..

هز راسه بايجابيه وعفته ودخلت وانه حابسه ضحكتي سلمت عل مره والبنات وكعدنه نسولف ومبين عليهن خوش بنيات يسولفن وياحلو ملكاهن

عاد شويه وسالتهه امي عن البنيه وراحت جابتهه واجت بيدهه العصير خلتهن عل ميز وسلمت علينه من بعيد وصاحتلهه امي تكعد يمهه تذكرت لمن

واسلوبهه راقي بالكلام وحيل حبيت شكلهه وشخصيتهه وشفتهه لايكه لاحسان كلش والحلو انهه تجي تقريبا بطولي همزين .. سالتهه امي عن دراستهه وكالت ..

_خاله انه قبل شهرين تخرجت من كليه الصيدله 

_حلو شاطره ماشاءالله عليج يعني عمرج شكد ٢٢

_لا خاله ٢٣ عمري لان عايده سنه ثانيه بالسادس علمود المعدل بعد تعرفين 

_يعني جان حلمج من بدايه صيدله

_اي خاله

_عاشت ايدج هليام مو كل شخص يكدر يجيبهه للصيدله 

_عمري انتي اي ام حمزه شكلتي نخلي وليدنه يدخل يشوف هل حلوه حتى فرد مره ينطون موافقتهم ونتمم الامور 

_اي براحتكم ليش لا 

_تمام خلي اكوم احاجي الزلمه واجي

_اخذي راحتج ام جنان ..

طلعت امي والبنيه كامت خلت على راسهه حجاب ورجعت كعدت وايدهه ترجف متوتره خطيه كلهه ثواني ودخلت امي ووياهه احسان وحده سلم عل

مره وردت عليه كعدته مقابيل البنيه عل قنفه واجت كعدت يمي بقينه نسولف والمره تساله عن شغله وحياته وتفاجات لمن كاللهه ان يشتغل ضابط

بالدوائر الامنيه شنو يمته اشتغل بيهه انه الاعرفه توضف بمركز شرطه مدري كاعد يجذب يهنبل هذا الولد لو يحجي صدك بله خل ارجع للبيت واشوفه نوب حتى امي بقت تصفن علي وعليه

عبالهه ادري السالفه اشرتلهه ماعرف وكملنه سوالف وهوه مارفع عينه عل بنيه ابد ولا باوعلهه عاد كلت خلي اشمرهه بالشقه وكتله..

_ولك خويه هنا زهره مفتحه كبالك وانته مدنك راسك داستغل الفرصه وباوع شمالك يحظي..

ضحك خفيف ورفع راسه باوعلهه والكل مبتسم رفعت راسهه هيه همين باوعتله بخجل ورجعت دنكت شلون بيهم بله وشلون راح يدبروهه بالخطبه

مادري نوب انه بالي صار بالتصوير شلون راح ياخذ صور وياهه بالخطوبه وهمه هيج .. المهم اخيرا نطق وسالهه كبالنه وكال وهوه يتصنع الهدوء..

_احم حابه تكملين وتتوظفين لوو

_ماعرف بس انه حابه افتحلي صيدليه خاصه بيه طبعا اذا وافقت على هل شي

_اي اكيد ليش لا انشاءالله وره العرس افتحلج صيدليه خاصه بيج تدللين..

رفعت راسهه باوعتله ابتسمت بامتنان وهوه بادلهه بابتسامه خفيفه بس بقه صافن بيهه ويتحسر وعيونه تحجي البداخله تنهدت وتمنيت ربي

يجعلهه دوه لجروحه وجبر لخاطره ويتهنى وياهه يارب .. دار عيونه على ايده وهوه يلعب بالمحبس مالته شويه وكامت امي يمه شاورته وهز راسه

بايجابيه وكاللهه "هاذهو توكلوا على الله " ابتسمت امي بفرح وانه سالت البنيه اذا موافقه رفعت راسهه باوعتله بتوتر شويه تالي دارت

انظارهه علي ابتسمت وهزت راسهه بايجابيه وانطت موافقتهه عاد امي هلهلت خفيف واحنه ضحكنه عليهه كيفت خطيه كامت المره صاحت

لابو البنيه وابوي دخلوا كعدوا يمنه بس انه ونوره وامي والبنيه وامهه كاعدين بالصاله فعادي دخلوا كعدوا بعدما سلموا عل بنيه وكالتلهم امي ان

الطرفين وافقوا بقوا يحجون عل حاضر والغايب وكل شوي المح احسان يباوع للبنيه ويتمعن بشكلهه وهيه تسولف ويه امي اثاري جان مستحي من عدنه ومايباوع طلع مو هين اخوي ههه ..اتفقوا على كلشي

وشربنه عصير وكيك ودعناهم وطلعنه وكفت بالباب البس بحذائي وياطلابه الحذاء الماتخلص اجه محمد يمي وهوه لازم نقاله وكال ..

_والله بي شمره عل سطح هذا الحذاء

_ههه شبيك وياه اليوم

_اشش لا تضحكين ماتشوفين هذول عيونهم مبحلكه ولا ارتاحيتلهم خاصه هذا اللطش خويه وخويه

_يمعود عوفك منهم خلي بالك بس وياي مدام الاسد بضهر اللبوه مايكدر الثعلب يوصلهه

_يله ام عيون العسل ..

ابتسمت ولزمت ايده وطلعنه وره اهلي ودع بابا واحسان ابوهه واخوانهه ومشوا قبلنه واحنه وراهم نتبختر بمشيتنه وملزمين ايدنه ونسولف لحدما

وصلنه لبيتنه دخلنه وقفلنا الباب وراح محمد دخل للحمامات واحنه دخلنه للصاله باركنه لاحسان مقدما وهوه ابتسم وغصته بصدره وادري بي من

داخل خايف ومتردد من هاي الخطوه بس مايحجي المهم الله ييسرله أموره ويجعل هذا الزواج بي اله صالح .. رحت لغرفتي ذبيت الفستان

والحجاب لبست ترواكه شتويه احمر فرو وصرت جني دب بي خليت حمره خفيفه ومسكارا وسويت شعري كصايب عل جهتين رشيت عطري

"جنون" وطلعت للديوانيه شفته كاعد وشعره رطب نازل على عيونه شهكت واجيت بسرعه عليه متناسيه وجود احسان يمنه وكتله..

برطم ببراءه وباوع لاحسان وهوه رافع راسه يباوعلنه باستغراب مايعرف شسالفه شكله باله مو ويانه جان تافافت ورحت لغرفتي بسرعه جبت

خاوليتي الصغيره ورجعت كعدت يمه وبقيت انشف بشعره واحسان ماخذته الدنيا بافكاره ويصفن اخر شي ذب حسره وكال لمحمد..

_يله خويه تصبح على خير انت نام وارتاح ومشكور على وكفتك وياي اليوم اردهه الك بعرسكم انشاءلله 

_واجبي هذا حبيبي غير انت اخوي

_كفو منك ومن اصلك ياطيب يله اترخص انه

_اخذ راحتك ابو حسن..

ابتسم وكام على حيله ماخذ باكيت جكايره والنقال وياه باوعت لمحمد وكتله بتساؤل..

_ لا ولا ادري منو الاطلقه عليه بله وشمعنى حسن

_الاطلق عليه اللقب عادل اخو زوجته المستقبليه والمعنى من هل لقب لان شاف منه حسن الصحبه والجار 

_همم والله دنيا لمن اطلق هل لقب عليه ماجان يدري ان راح يصير لقب اخته ام حسن بيوم من الايام 

_ههه اي والله هيه هاي الدنيا صدفه وحدث 

_اييه ياعزيزي انت لقبك شنو

_ابو قاسم 

_يعني هسه انه ام قاسم 

_ايي ياروحي لو هيج تصير ام قاسم يا بلا

_هههه يمه فديت ابنه قسومي

_شنو قسومي لج اسمه قاسم على سن ورمح 

_هههه نونو ادلعه قسومي او قسام حلو اسم قسام احلى من قاسم 

_اي دلعي قسام حلو وهيبه بس لا تكليله قسومي ويضل يدلع علينه 

_ههه صدك افترض صار عندك طفل وشفته يدلع كبالك شتسوي شراح تكون رده فعلك

_الزكه بالحايط وعلي تالي عمري يصير عندي ولد مايع ويدلع غير اذبحه 

_حبيبي طلع بيك رس شروكي ومادري

_هوه انه شروكي ابن شروكي بعدج ماتعرفيني 

_جا اريد بوسه لا اريد بوسات من هل شروكي ابو عيون خضره 

_اشبعج بوس يبعد عيوني انتي..

ضحكت بدلع وتقرب راد يبوسني وندك الباب التفتنه وفزينه من شفناه بابا واكف بالباب ابتعدت عن حضنه وكال موجه الكلام الي..

_بابا جنان كومي جيبي دوشك وبطانيه لخطيبج خلي يمدد ضهره يرتاح خطيه تعب هواي ويه اخوج اليوم

_اي بابا حاضر..

كمت بسرعه مريت من يمه وهوه دخل يسولف وياه اليوم شجاه سويجد كلساع يداهمنه الظاهر حليوه مامشبعته يا شوف انه شكد صايره سرسريه

_عوزهه بعد تتخبل البنيه هاي لو كل وحده تشوف عيون خضرا هيج تتخبل وتضل تدردم ويه روحهه جان غمضوا العالم

_شعدهه ام حلك المايسكت لسانهه جنهه ام زكي

_شعدهه فريالو

_الله ذكرتيني بفريال خرب ههه

_شمالهه

_هاي مره لمن اختنكت بحريق البيت وغبت عن الدوام اسبوعين مدري شهر

_اي

_من رجعت اداوم لكيت المشرفه رايده تشيل مكتبي وتنطي لوحده متدربه جديده جايه 

_لا بطه بس لا انطته الهه

_لا كايم محمد ومدافع عن مكاني ومامخليهه تنطي بيومهه من سولفلي كتله هل موقف يذكرني بمسلسل باب الحاره لمن عصام جاب فايزه وخلاهه بغرفه لطفيه 

_اي ومحمد فريال الدافع عني

_ ههههههاي خرب شكلج على هل سالفه وعلي صدك فريال وانتي لطفيه ماينكدرلكم

_شعدهه ام زكي

_ههههه ماوصيج خيه من تحبلين ودي علي اجيبج اشكج شك

_يا ادبسزز هاي منيلج هل سوالف

_الاحياء يختي الاحياء ابو الشدات

_امشي ولي لا اسويج شدات هسه ولا تحجين هيج بعد

_عووع ميته عليج هسه انه 

_خوش نشوف منو ياخذج للسوك

_انتي اختي حبيبتي تاخذيني للسوك احبج امح 

_ولي يله اللوكيه 

_اتلوك لاختي ولا اتلوك للغريب 

_عشتووو..

ضحكت وفززنه صوت امي وهيه داخله علينه وتحجي بهمس..

_ولج هاي انتي هنا تدكين فج وتضحكين والولد مكسور ضهره وكاعد بالديوان

_ياا صدك خرب شكلج نورسين نسيتيني حتى شجيت اسوي 

_انه لو ابو عيون خضرا دوهنج وضيع علومج

_نجبي ام حلك

_ام كصه 

2 تعليق

_ولج يمه جنان يله اخذي الفراش عوفي هاي الخبله تحجي وحدهه

_ههههاي اي والله يمه خبله ننن..

عيبت عليهه وهيه بقت تعيط وتعاتب امي لان كالت عليهه خبله اخذت الفراش وطلعت من الغرفه مالت امي للديوان اجت عيني بعينه وكام بسرعه اخذ الفراش مني وكام بابا كاله..

_لا بعد عمك ليش متعب روحك اخلي احسان ياخذني بطريقه

_لا ماكو تعب عمي احنه ناخذك واحسان تالي يرجعك شكلت

_تمام بكيفكم بعد عمي يله نام ورتاح تصبح على خير

_أجمعين ياغالي

_اجمعين بابا..

ابتسم ومسد على راسي وطلع من الديوان رحت سديت الباب عل نص ومحمد كعد عل قنفه اجيت دنكت عل دوشك ردت اخذه ماحس الا سحبني من وره مكعدني بحضنه وهوه يكول بهمس..

_لابستلي الاحمر والفرو وطالعه جنج دب زينه وفوكاهه تدنكين كبالي وتكولين شمسويه شنو غايتج ولج 

_هههه ماعندي غايه وياك غير الحلال لو وافقت يعني..

عكد حواجبه متصنع الاستغراب وكال وهوه يلم بفتحه قميصه..

_شتردين تسوين ولج يبت الناس الا الشرف ماوافق عليه

_هههه يمه من سوالفك يمه مدامك هيج كلت اليوم الا اغتصبك

_تغتصبيني بوس لوو

_ياا شكد منحرف انته وعينك زايغه وخر خلي اكوم ابو عقل وصخ

_تعالي نظفي وهوه مايتوصخ بعد

_ما ماريد عوفني خل اكوم افرشلك واطلع الظاهر انته صدك منحرف وخطر واحد يبقى يمك بمكان مقفول ..

دفعته خفيف وانه متصنعه العصبيه وكمت رجع سحبني لحضنه وشد قبضه اديه على خصري وكال بجديه..

_ولج كعدي بربوكه لو انه خطر جان اغتصبتج بالمخزن

_محمد شهل حجي عيب

_جا مو عيب تكليلي خطر ومايصير واحد يكعد يمك بمكان مقفول

_اي جا ليش تحجي هيج وتخوفني

_انتي ردتي تغتصبيني مو انه

_محمدد شبييك 

_كولي جفصت وانحرجت لا تذبين الصوج بيه

_هفف وخر مني ضوجتني خل اروح انطمر بغرفتي احسلي 

_تمام روحي ..

رخه قبضه ايده وصفنت بوجهه مصدومه من كل عقله يعني عافني ويريدني اروح لغرفتي واعوفه لو يتشاقه .. عفته وكمت ضايجه فرشت فراشه

وانه عاكده حواجبي بعصبيه وانتر بالفراش نتر شمرت المخده بمكانهه وكتله "يله اخمد "بدون مافكر بالكلمه وعواقبهه.. التفتت امشي وصلت يم

الباب ماحس الا خطوات رجليه صارت قريبه مني سد الباب بيد وقفله وايده الثانيه لزم شعري ولف الكصايب عليهه رفعت راسي متوجعه بعدما لزك جسمي بجسمه وعيونه تشع شرار وكتله..

_ااي اذيتني محمد عوف شعري

_شني هاي ولج اخمد نوب جنان كمتي تجفصين شو

_يمته كلت اخمد

_منو الشمر المخده وكال يله اخمد توه ابوي

_مادري طلعت مني بدون مانتبه 

_جنااان

_ااخ عوف شعري اذيتني شبيك..

نزلت دموعي مهضومه ومتوجعه وهوه بعده لازم شعري خليت ايدي على وجهي وسحبني من كصايبي على صدره حاضني وانه احاول ابعده عني

واتملص منه وهوه يشد على اكثر لحدما هديت ومرت ثواني هادئه رخه قبضه ايده ولزم كصيبتي مشاهه على ايده وشمهه حيل وباسهه عافني بدون

مايباوع بوجهي وراح كعد عل قنفه وعيوني المغوركه تتبعته شفته طلع جكاره وبقه يدخن وكسر الهدوء لمن سحب نفس وزفره رافع راسه وكال..

_احسج صرتي ماتحترميني 

_لاا شنو الخلاك تحجي هيج..

باوعلي بنضرات ماعرفت افسرهه ويسحب بالدخان لاعماق رئته ويرجع يزفره ويبلع ريجه بصعوبه سكت لحظات ورجع كال ..

_اسلوبج بالكلام وياي وبعدين ليش ضجتي مني قبل شوي وانتي تدريني يمج كلشي احجي وكلشي اريد ومن بدايه قررنه المستحه نزيحهه ونتصرف طبيعي 

_ماعرف ضجت لان ماجان قصدي احجي واكول اغتصبك وانت ضوجتني بزايد من حسبتهه بغير معنى ونحرجت منك

_وليش ردتي تعوفيني وترحين لغرفتج وانتي تدرين بيه شكد تمنيت نستفرد وننام حضن بحضن الليله

_ماعرف هوه انه هيج لمن انحرج اضوج واضل اتشرد ومن شفتك عفتني ومامانعت روحتي عصبت بزايد ولا اراديا طلعت مني كلمه اخمد اصلا ماسمعتهه من طلعت من لساني ولا فكرت ان ممكن تضوج

_وهاي المشكله صرتي تحجين كلشي وتتجاوزين بدون ماتفكرين بيه واذا جان الكلام التحجينه راح يجرحني او لا 

_لا والله اصلا هاي اول مره اجفص بيهه واغلط بالحجي وماجان قصدي اجرحك فقط كتلك جنت معصبه وطلعت مني مثل زله لسان خلي نكولهه

وصدك مستحيل افكر بيوم اقلل من احترامك ان جان بيناتنه او كدام اي شخص ثالث غيرنه..

باوعلي وبلع ريجه بصعوبه طفه الجكاره بالنفاضه ورجع سحب وحده ثانيه خلاهه بحلكه ورفع

الجداحه راد يشعلهه تنهدت ورحت يمه بسرعه سحبتهه من حلكه مردتهه بيدي وكتله بنفاذ صبر..

_شكم مره كتلك لا تخلي هل زقنبوت بحلكك ..

صفن بوجهي ببرود ورجع سحب وحده ثانيه خلاهه بحلكه راد يشعلهه وسحبتهه من حلكه وكذلك مردتهه وطلع الثالثه والرابعه وكذلك ايدي

انترست تتن منهن طلع الخامسه وتافافت سحبتهه ولزمته من شعره رفعت راسه باوعلي وطبعت شفايفي بشفايفه وهوه عبالك جان منتظر هل

حركه مني كبل لزمني من خصري وسحبني على جانبه منومني عل قنفه ونايم فوكي وهوه يتفنن

بالبوسه ابتعد وره دقايق ونزل على رقبتي شم رفع راسه يم اذني وهمس بصوت راخي..

_وين الفستان الاحمر الدزيتيلي صوره بي

_مو عندي جنت ماجرته ..

رفع راسه صار وجهه مقابيل وجهي وكال بجديه..

_ليش ماكلتيلي من قبل

_ليش اكلك..

ابتعد من فوكي عدل ملابسه وكمت انه كذلك عدلت تشيرتي سحب نقاله ومن كل عقله كال ..

_شسم المحل الاخذتي منه وعنده صفحه بالانستا او بالفيس

_ليش شلك بي

_جاوبيني وبعدين اكلج

_لا جبته من محل قريب عل شركه اعرف اسمه بس ماعتقد عدهم صفحه بالانستا او بالفيس 

_تمام اخذج باجر العصر وناخذه

_اي بس ليش شلك بي

_عجبني عليج ماعبالي ماجرته جان بنفس اليوم رحت اشتريته الج بس ليش اجرتي يعني شمعنى هذا الحبيته مابقيتي

_ههه بعد كلت ليش اخسر فلوس واجيبه ينظم بالكنتور خلي ااجره يوم واحد وارجعه

_جا انتي الا بهذا الفستان يصحى ضميرج المادي

_ههه اي جا شمدريني بيك راح تحبه

_بربوكه ماتصيرلج جاره

_ياا شوف هسه منو المايحترم

_جنان

_هاا اعرف زودتهه لان جفصت عليك..

بلع ريجه بصعوبه وتقرب سحبني من كصايبي وباسهن وباس راسي وهوه يكول..

_عذريني لو اذيتج بس عصبت وكلت صارت ماتحترمني وتخيلت انج تجفصين هيج حتى كدام الناس بعدين

_لاا شتدري بيه مستحيل اقلل احترامك كدام احد بس تره انته صدك اذيتني وانهضمت من تصرفك عل اقل جان حجيت حجي ليش تمد ايدك

_جا شلون اوكفج ماشفتي روحج شلون سويتي الديوان شبختين ردت اصيحلج ونوب كلت خل اكوم ايدي اسرع من صوتي 

_يعني شنو

_شنو يعني شنو هيه هاي كمت لزمتج من كصايبج حتى اوكفج ماخليج تطلعين تالي بعد بقن بيدي ومادريت ماذيج منا لبجيتي 

_لا تتخبل علي هيج مره ثانيه تدري بيه احبك ومستحيل اقلل من احترامك وهاي الجفصات اللاراديه والخفيفه من باب الحب والميانه تره وعادي تصير بين اي حبيبين 

_اعرف بس بعد الشيطان لعب بعقلي ومنا تعبان صارت تجيلي افكار 

_لعد لا تخلي يقره براسك بعد

_وانتي لا تبجين كبالي بعد هيج روحي تنمرد من اشوف دموعج مو نوب بسببي

_جا اذيتني وانه متعوده على حبك مامتعوده تصير عصبي وياي

_تمام منا ورايح اعودج على عصبيتي

_هاااا

_هههه اتشاقه يبعد عيني اتشاقه شعدي غيرج انه ولج انتي النفس اليزهر بريتي وماي عيني

_همم تمام صدكتك 

_كومي خلي نتمدد بمكانه تكسر ضهري اسم الله عليج

_محمد

_جنتي..

باوعت بعيونه وخوف منه غريب استوطن داخلي بقيت ساكته وعيوني دمعت ابتسم وشكله عرف البيه تقرب حضن وجهي بين اديه وباس عيوني بعذوبيه وهمس يم اذني..

_لو ايدي انمدت عليج بعد الزمهه واذبهه للجلاب لا تخلين الخوف والشك يدخل بيناتنه وطمني كلبج انه محمد مو ياهو الجان

_لا تسوي هيج بعد 

_خلاص مو كتلج لا تبجين مسحيهه هاي الاشريهه بروحي ولا تنزليهه بعد انه شلي بعيوني لو ماشافت السعاده تلمع بعيونج ..

شهكت وغصت بحضنه وهوه يشد على حضني اكثر ويوزع بوسات خفيفه على متني وراسي ويعتذر بهمس لحدما هديت ابتعدت عن حضنه

ولزمني من ايدي وكام طفه ضوه الديوان وخله بس الضوه الازرك الخافت مفتوح .. تمدد عل فراش بعد البطانيه وسحبني من ايدي تمددت يمه

وقربني من خصري عليه وحاضني .. دقايق وتذكرت العشه ماصبيتله رفعت راسي بسرعه صار وجهي مقابيل وجهه وكتله ..

_لك شلون نسيت ماصبيتلنه عشه انه وياك 

_ههه بيج حيل

_اي جا شلون خل اروح اصب واجي مدام الوقت بعده مامتاخر 

_تمام راح اتانيج واذا لكتيني نايم لا تكعديني اكلي ورجعي نامي بحضني

_لا شلون ابقى كاعد جا المن كايمه اصب انه يهون عليك تخليني انام جوعانه 

_لا يله راح انتظرج جا

فتح اديه ردت اكوم من حضنه وسحبني عليه صرت فوكه واخذ شفايفي بوس وهوه يدورني عل جهه الثانيه وايده تتسلل من جوه القميص رفعت

كف ايدي اتلمس برقبته وشحمه اذانه وهوه يزيد بعمق البوسه لحدما كطع النفس تماما عنه طبطبت

على كتفه خفيف ياله ابتعد باوعلي وهوه يجر نفس بسرعه مسحت شفايفه من الحمره وانه احجي كوه..

_على كيفك ابو عيون كطعت نفسي ردت اموت جواك 

_ليش انه شحالي وانتي لازمه رقبتي واذانتي تتلمسين بيهن غير اشتعلت 

_ههه يعني نقطه ضعفك هنا 

_لا بغير مكان 

_منحرفف 

_اويلي عل انحراف انه

_ههههه..

رجع دفن وجهه برقبتي موتني عض وكوه ياله دفعته عني وكمت اركض بره الديوان اضحك رحت للمطبخ باوعت لجامه الكاونتر وشفت رقبتي زركه شهكت

وخليت ايدي عليهه تاذيني يعني هم رجع وسواهه وانه اكول ليش ردت اختنك طلع مطبع لمن مال ومادري .. صفنت بيهه وصارتلي لحظه ادراك قبل

شهرين جنت اباوع لرقبتي وهيه مطبعه باصابع مرتضى الخنكني بيهن وهسه اباوعلهه وهيه مطبعه بحب محمد ادركت الفرق بين هل اثرين

شاسع بين اليخنكج ويطبع اصابع ايده برقبتج وبين اليخنكج وهوه يطبع اثار حبه عليهه .. 

دمعت عيوني بحب ورفعت قوله الفانيله عل اثر خافيته رحت عل جدوره لكيت امي مبيقه اكل النه شعلت النار جوه جدر الدولمه وحوه طاوه الحميسه

ورحت درت ماي بالقوري خليتله طبخه وعفته عل نار رحت طلعت خيار وطماطه من الثلاجه وليمون غسلتهن وكعدت كصكصتهن سويتهن شلاف

جاي بالكوابه وجبت صينيه خليت الاكل بيهه وطلعت ماي ولبن خليتهن عل ميز اخذت الصينيه وطلعت دخلت للديوان شفته كاعد يكلب بالنقال

كام على حيله اخذ الصينيه مني وشغلت الضوه خلاهه يم الفراش ورحت جبت الماي واللبن والخبز ورجعت سديت الباب ودخلت كعدت يمه خليت

كباله بطل لبن والثاني كبالي انطيته خبزه اخذهه مني ورفع ايدي باس باطنهه بعذوبيه وكال..

_عاشت ايدج ام قاسم

_بالعافيه ابو قسام

_ههه يله سمي بالله و مدي ايدج اكلي دبدوبتي

_شنو كاعد تبسمرني حتى ماكل هواي

_هههه لا والله بالعكس انه اريدج تاكلين خصرج صاير ضعيفون مابي لحمه

_منحرفف

_ولج شكايلين هسه احنه

_منو انتو

_انه وكليبي الولهان

_فديته العشكان

_ههه تعالي يمي ليش كاعده كبالي..

هزيت راسي بايجابيه واجيت يمه كعدت رفعني من خصري كعدني على رجله وشال اللكمه بيده خلاهه بحلكي اكلت وشلت انه بيدي لفايه صغيره

واندك الباب بعدني ماكايمه ودخل احسان باوعلنه نظره خاطفه وكال وهوه يتوجه لنقطه الكهرباء..

_كعدي كملوا اكلكم راح اخذ الشاحنه واطلع..

تسرسحت ببطئ من حضن محمد كعدت بصفه اخذ الشاحنه وطلع بسرعه مخلي الباب مفتوح وراه باوعت لمحمد باستغراب وكال وهوه يرجعني لحضنه..

_شكله الوالد مسهره اليوم حارس علينه 

_معقوله

_اي حبيبي هاي كلاواتنه احنه الولد نبقي الشاحنه ونجي بعدين بحجه ناخذهه تالي نخلي الباب مفتوح بمعنى ان لا تسدون الباب 

_لا بشرفك يعني شنو عباله نريد نسوي شي 

_لا بس للاحتياط يسوي هيج

_لا يالله والله عيب هسه شيكولون علينه محمد حباب لا تبات عدنه بعد 

_هاي طرده بنزاكه حبيبي

_لا استحي منهم والله ماعبالي يفكرون بهيج افكار عنه 

_عادي حبيبي لا تهتمين همه فقط خايفين عليج ومايردون يصير شي قبل العرس ومو لشي بس لان خطوبتنه راح تطول سنه فعبالهم ماراح نتحمل للعرس

_هفف خرب ان والله فشلت منه نوب هاي ثاني مره يشوفني بحضنك كاعده 

_شعده باجر يخطب ويكضيهه احضان ويه مرته ساعتهه اله اشلع كلبه وماخلي يتهنى

_ههه ليش

_ جا عبالج هاي دخلته علينه بهل شكل امشيهه اله لا وربج الا اطلعهه من عيونه انه اله 

_هههه على كيفك تره هذا اخوي وحيدي ماعندي غيره

_اي عود احجيلج وياهم

_ههههه 

_على هل موقف وحركه الاعصاب والله بيج حلك هسه

_لا عيب نعمه الله كدامنه

_ليش الكاعده بحضني مو نعمه ومن الله ..

حجاهه بلهفه وتقرب باسني برقبتي وابتعد لزمته من ياخته وكتله متصنعه العصبيه..

_لزمتك ولك من هذاك اليوم متحلفه بيك ليش كلما انطيتك رقبتي تزوركهه ماتخاف احد من اهلي يشوفهه واترزل 

_لا ادري بيج نبهه وماتخلين احد يشوفهه وبعدين على كولتج انتي تنطينياهه شسوي غير ان ازوركهه الج

_ليش ماتعرف تبوس بدون عض

_ماعرف بله علميني حتى مابقي اثر بعد..

ميل راسه وهوه يحجي ظاهرلي رقبته ضحكت خفيف وكتله وانه اعدل كعدتي..

_دكول بوسيني برقبتي وفضهه ليش تدور حجج 

_يله بوسيني بله 

_مابوس

_تمام جا راح اخلي غيرج يبوسهه..

من الصدمه عكدت حواجبي بعصبيه وماعرفت شسوي بعدت ايده عن خصري ونداريت وره ضهره وهوه مالحك يسالني شريد اسوي كبل طبعت

سنوني برقبته وانه مشبكه اديه وره ضهره بقه يضحك مره ويغلط مره كلشي ولا رقبته يغار يموت منهه حبست حركته ثواني لحدما لزمني من خصري

وسحبني لحضنه وانه اتنفس بسرعه وابعد بشعري عن عيوني بعصبيه ضحك وعيونه مدمعه وكال..

_كافي ولج اذيتيني ماخذلي مصاص دماء 

_مو انته ردت غيري تبوسك هسه جربت البوسه حتى تتوب ماتحجي هيج بعد

_هههه جا غير احفزج وانتي هم فاهيه ماتمشين الا هيج من خطبنه لهسه بس مره وحده مبادره وبايستني 

_ومساع منو باسك الجني الازرك

_لا الدبدوب الاحمر 

_نننن

_ههههاي احبج خبله

_ماحبك انه وخر خل اكوم..

بعدت ايده بسرعه وكمت ما لحك يلزمني اخذت الصينيه وطلعت بسرعه واسمعه يكول وراي..

ضحكت ورحت للمطبخ اولما دخلت فزيت وجمدت بمكاني لحظه وانه اشوف واحد كاعد عل كرسي ويدخن بهل ضلمه وبس جمره الجكاره مبينه

عكس عليه ضوه البره ةزفرت براحه من شفته احسان دخلت خليت الصينيه عل مغسله وحجيت وانه افرغ بالاكل..

_فززتني كاعد تدخن بالضلمه جنك الجني الازرك شتسوي

_طالعه روحي

_ليش شصاير وياك

_هيج انسي روحي يم الولد خاف يريدج

_عوفك من الولد احجيلي شصاير ليش طالعه روحك وكاعد تدخن بنص الليل 

_زينه البنيه وعين الله عليهه جمال وحشمه ورقي وهدوء وفوكاهه شاطره بشغلهه وذكيه وين تلكه هيج وحده بعد

_اسلوبهه بالتعامل شلون شفتي يعني متفهمه لو فاهيه كلامهه حلو لو مبهرج

_لا والله طول كعدتي وانه اراقب باسلوبهه وكلامهه وكل التفاتاتهه وابصملك بالعشره البنيه خوش بنيه ومن كل النواحي عجبتني وانت لو مركز وياهه جان عرفتهه من نظره وحده انهه خوش بنيه

_باوعتلهه انه وحاولت اعرفهه من خلال اسلوبهه بالحجي ويه امي بس ماستفاديت شي ماعندي خبره ولا معرفه بامور البنات انه 

_ تطمن ياخويه البنيه عين الله عليهه وشما مدحت بيهه ماوفي الشفته بهاي الساعه الكعدت بيهه وياهه شحال لو عاشرتهه وشفتهه وانت عندك فتره الخطوبه كلهه تكدر تكعد وياهه وتتعرف عليهه على كيفك 

_ماريد اطول بالخطوبه بعد ٣ اسابيع شهر عندي مساعده مده ١٠ ايام ولازم من تخلص احنه متزوجين ...