رواية فصلية بديلة ( شموخ ) الجزء الثاني الفصل الثاني والاربعون 42 بقلم ام ملكوت

:-ضحكت ورحت للمطبخ اولما دخلت فزيت وجمدت بمكاني لحظه وانه اشوف واحد كاعد عل كرسي ويدخن بهل ضلمه وبس جمره الجكاره مبينه

_ليش شصاير وياك

_هيج انسي روحي يم الولد خاف يريدج

_عوفك من الولد احجيلي شصاير ليش طالعه روحك وكاعد تدخن بنص الليل 

_شلون شفتي البنيه من كعدتي وياهه 

_زينه البنيه وعين الله عليهه جمال وحشمه ورقي وهدوء وفوكاهه شاطره بشغلهه وذكيه وين تلكه هيج وحده بعد

_اسلوبهه بالتعامل شلون شفتي يعني متفهمه لو فاهيه كلامهه حلو لو مبهرج

خوش بنيه ومن كل النواحي عجبتني وانت لو مركز وياهه جان عرفتهه من نظره وحده انهه خوش بنيه

_باوعتلهه انه وحاولت اعرفهه من خلال اسلوبهه بالحجي ويه امي بس ماستفاديت شي ماعندي خبره ولا معرفه بامور البنات انه 

_ تطمن ياخويه البنيه عين الله عليهه وشما مدحت بيهه ماوفي الشفته بهاي الساعه الكعدت بيهه وياهه شحال لو عاشرتهه وشفتهه وانت عندك فتره الخطوبه كلهه تكدر تكعد وياهه وتتعرف عليهه على كيفك 

_ماريد اطول بالخطوبه بعد ٣ اسابيع شهر عندي مساعده مده ١٠ ايام ولازم من تخلص احنه متزوجين 

_يعني شنو هيه الخطوبه بعد اسبوع والعرس بعد ٣ اسابيع تريده 

_اي 

_يعني فتره الخطوبه كلهه بس ٣ اسابيع راح تصير

_اي وهم احسن ماريد اطولهه وتصير مشاكل 

_والله ماعرف بس بابا راح يصير عليه ضغط لازم تخلي بالصوره وتكله بقرارك هوه واهل البنيه يجوز عدهم شغل يجوز عدهم عرس 

_هوه انه مهموم بهاي السالفه اريد اعرس خلال هل اسابيع الجايه وافكر شلون اذا ماقبل الوالد لو

اهلهه وانه اصلا ماريد اسوي عرس وخبصه اخذهه من الصالون للفندق لا عزايم ولا زفه ولا هوسه

_لاا شلون غير لازم همين زفه من بيتهه تطلع للفندق خو ماتكلهم محد يروح عيب من العالم

يبقون يحجون تالي هم ماطولوا وهم ما سوو زفه وعلي يكولون مسوي بيهه شي وخاصه احنه وياهم جيران 

💚

_يمعود هذيج الناس محد داري عنهم احنه المنطقه كلهه تعرفنه وتعرف ابونه ونصيحه مني خلي

الامور تمشي طبيعيه تريد تسوي عرس وره اسبوعين من العقد ميخالف انه وياك بس مال

تاخذهه وتروح للفندق بلا زفه وعزيمه هاي شيلهه من بالك لا ابوي ولا اهل البنيه يقبلونهه على بتهم واحنه النتفشل تاليهه ويه العالم 

_هووف الله كريم باجر انشاءلله اكعد ويه ابوي واكله واليكوله اسوي 

_وهذا احسن شي اكعد وياه وهوه يعرف الصح والغلط وشوف شيكلك وشينصحك هوه ادرى مني ومنك بهاي الناس والتقاليد 

_تمام انشاءلله يله روحي يم الولد زحمه عايفته وكاعده هنا

_لا شعدنه هسه تلكاه غاط بسابع نومه خطيه من الصبح لهسه كاعد 

_اي والله خوش وكف وياي اليوم ماخلاني اضوج كلساع يشغلي اغنيه ويكوم يركصني عليهه بعد اخوه زين ماختاريتي والله 

_الحمدلله يلي رزقنياه وجبر خاطري بي

_الحمدلله بس ماوصيج بعد خاف تلتقين بهذاك مرتضى بالخطوبه تلاشي ولا تباوعين بوجهه حتى لزمي ايد خطيبج وامشي بدفع صدرج وراج سبع انتي وتهابه الضباع 

💚

_أجمعين خويه..

كمت من يمه وعفته على كعدته وصفنته والماعين كلت باجر اغسلهن خلي كاعد يفكر شويه بحده شفت ضوه الديوان طافي رحت فتحت الباب على

كيفي وجانت ضلمه كلش دخلت وسديت الباب شغلت الضوه الازرك الخفيف وماحس الا لزمني من خصري وايد الثانيه سد بيهه حلكي لمن ردت اصرخ وهمس يم اذني ..

_اشش ولج لا تخافين..

زفرت براحه وبعد ايده عن حلكي وكتله وانه اجر النفس كوه وكلبي صار يخفق حيل..

💚

_بسيطه اشوفج القزم اليوم منو تعالي ولج دبه..

ضحكت ونزل على رجلي شالني بين اديه وشمرني عل دوشك وكعد على ركباته كبالي وهوه لازم

رجلي بين رجليه حتى لا اكوم رفع ايده بقه يفتح بدكمات قميصه ويباوعلي بخبث رفعت عيني بعينه وكتله وانه الملم بقوله قميصي..

_شتريد تسوي يابن الناس الا الشرف 

_اليوم اهدكه للشرف 

_لا الله يخليك انه بذمه رجال واخاف يعوفني لو سويت بيه شي 

ضحكت وسحبني من رجلي صار ضهري عل كاع ونام فوكاي وتخبل علي بوس وعض بزنودي

ورقبتي وحتى فخذي لحدما تاذيت كلش ردت ابجي وكام سحبني من اديه وبعدته وانه ابجي واحجي عليه..

_وخر ماريدك بعد اذيتني زوركت جسمي وورمته شلون انام هسه من الوجع

_ايا ام دميعه هاي صدك بجيتي

_اي والله اذيتني 

_هههاي سوده علي حبيبي انتي طيبه شسوي ماتحمل ماكل من حلاوتج

_اي بس تاذيت هسه شلون 

_شعده البندول 

💚

_هههه ولج بربوكه وعلي 

_هههه عوفني ماحبك بعد

_بوياايي غير اموت روحي

_ههه اسم الله عليك

_اذيتج جنتي

_اي كلش شوف زندي شلون ورم ااخ يمه حتى ماكدر انام على جهه بعد

_نامي على صدري لو اذتج ادينج

_صدك محمدي 

_كولي حياتي..

عدلت كعدتي وخليت رجلي على جوانبه وهوه كاعد ولزمني من ظهري وباوعلي بتركيز تحمحمت وكتله وانه العب بدكم قميصه المفتوح..

_اكلك عمري باجر انت مو كلت اخذج للمحل نشتري الفستان

_اي 

_اكدر اخذ وياي اختي نوره اريد اشتريلهه ملابس مدرسه لان ملابسهه كصرن عليهه خطيه 

💚

_اي اتذكر عمي جان عنده عمال بالمزرعه يلي اشتراهه ابوج ويعرفون بهل شغلات احجيلج وياهم بله واشوف 

_اي فدوا لان شوفه عينك بابا كاعد يطلع من الصبح لليل ياله يرجع وهوه مو شاب وبحيله بعد كبر وقلت مناعته واخاف عليه يتمرض لو بقه هيج يضغط على نفسه بالشغل

_تمام انشاءلله احجي وياهم وويه عمي واوظفهم عنده لو حب 

_تمام شكرا يبعد حيلي انته

_ماريد شكرج هذا اريد سكرج الحلو..

حجاهه واشر باصبعه على شفايفي ابتسمت وطبعت بوسه على شفته وابتعدت بقه مغمض وسرحان عكد حواجبه وكال وهوه مغمض..

💚

تقربت بسته مره ثانيه وكال عيديهه ورجعت بسته مره ثالثه ورابعه وخامس اخر شي بقيت لازمه راسه وابوس بسرعه ابتسم وتصنع الاغماء وذب

روحه عل دوشك وفتح اديه مبتسم ضحكت على شكله وطفرت على صدره قلص روحه وحضني من خصري 

وهوه يتدحرج بيه عل فراش مره يصير فوكي ومره انه فوكه ونضحك اخر شي تعبنه ونمنه وانه على صدره وحاضني ..

للصبح فزيت وفتحت عيوني بنعاس لكيت نفسي نايمه على ايد محمد وهوه حاضني بقيت اباوعله متناسيه الموجود بالغرفه غيرنه ..

تحرك وفتح عيوني خفيف شافني كباله وابتسم تقرب طبع بوسه على شفتي وفزينه عل صوت

بس لا شافنه من محمد باسني خرب شكلي نوب نايمين حضن بحضن استغفرالله ربي شلون بيه وباحسان ماعرف يهده ويركد كلساع مداهمنه بوضع شكل

باوعت لمحمد بحيره وهوه هم استحه خطيه عاد سحب راسي لصدره وغمضنه مسوين نفسنه نايمين ومامنتبهين عليه جا شنسوي بعد اعمل نفسك ميت ..

لحدما صار هدوء وانه احس انحجب عني الهوى وانه دافنه وجهي بصدر محمد ابتعد اخيرا وكتله وهوه رافع راسه يجيك الوضع..

_هاا طلع

_ههه اي طلع هذا اخوج كارثه لا عرف ينام ولا خله غيره ينام بهني

_اي صدك مو هوه كل مره يخلي مفتاح سيارته بالكومدي ونسيت اكعدك ياا ولك محمددد

_هاا شكوو نوب منو داهمنه

_ههه ولك الساعه ب٧ تاخرنه عل دوام

_لا بربج 

_و ربي شوف ..

رفع راسه وهوه مغمض عين ومفتح عين شاف الساعه وطفر من فراشه للمغسله البره حتى مادري يمته طلع استوعبت اخيرا وكمت طلعت وراه شافني وكال وهوه يغسل بوجهه..

_يمعوده روحي بدلي بسرعه خل اخذج ونطلع نوب حتى ابوج ماوديته والله زحمه

_ههه عادي يجوز شافك نايم ماحب يكعدك من وكت خل اروح ابدل 

_اي بسرعه متانيج..

هزيت راسي بايجابيه ودخلت اركض لغرفتي اخذت خاوليتي ودخلت للحمام سبحت ونشفت وطلعت لبست ومشطت شعري ولفيته وهوه مبلل

رشيت عطر خليت حمره كحله مسكارا لبست برجلي اخذت حاسوبي وجنطتي وطلعت اركض شفته مشغل السياره ومنتظرني دخلت للسياره وانه

فحطانه وحرك السياره وامي سدت الباب ورانه التفتت عليه وانه صدري يصعد وينزل من التعب باوعلي وضحكنه سويه وكال..

_هههه صباح النور ينور عيوني انشاءلله ارتاحيت بالنومه

_فولت راحه لو هيج الليل يمضي لو بلا

_ههه شي واحد ماذكرته من قبل لمن حجيت احلامك البسيطه

_شنو هوه

_لمن نكضي الليل نتسامر ونكعد متاخرين عل دوام ونتراكض

_هههه اي والله بهاي وياج حق فعلا لازم تنحط بالقائمه هل ركضه هاي

_ههه احبك تدري

_شنو هوه

_اويلي عل تدري اوو حرامات 

_شصار 

_هوه شايفنه شايفنه اخوج شمالني ماخذتلي حلك معدل تريكت بي 

_هاا ولج حنيتي للمخزن

_لااا ياا شبيك بس هيج اسالك انت مو كلت الصبح بالمعهد والضهر بالشركه

_لا كلت يوم بالشركه ويوم بالمعهد

_اي عادي تكدر تسويهه الصبحيه هناك والضهريه هنا وهيج ماتستقيل

_بس انه انطيت حجايه للمدير ماكدر ابقى بالشركه

_هفف مابيهه مجال تتنازل عن حجايتك علمودي

_سالم مودج حبيبي بس مايجوز اتنازل عن حجايتي هوه الزلمه شلون يصيرله احترامه لو ماله حجايه ثابته

_يعني اليوم هم تجي

_اي غير نطلع للسوك

_قصدي تبقى بالبيت من نرجع غير

_لا زحمه من اهلج حبيبي باجر اجي انشاءلله نطلع ونتونس وارجع للبيت خليهه البيته كل اسبوع هيج ناخذلنه يوم نبات بي يمج لا نوب ننطرد بعد مابيهه مجال حراسه

_هههه لا شسالفه 

_بعد الله كريم حبيبي نشوف الوضع شنو

_اي صدككك وللك محمديي

_هههه لا بس انت المحظوظ بهيج دراسه

_اويلي اخرخر حظ انه 

_ههههه اروح فدوا لابو حظ انه..

ابتسم وشمرلي بوسه بالهوى وبادلته ثواني ووكفت السياره بباب الشركه تلفت بالمكان ورفع ايدي باس باطنهه بعذوبيه وشمهه حيل رفع راسه باوعلي وكال بجديه..

_ديري بالج على نفسج وبثينه حاولي لا تختلطين وياهه هواي

_تمام انشاءلله وانت هم ديربالك بالطريق وانتبه لدراستك 

_من عيني انشاءلله..

ابتسمت وتقربت بست كتفه ابتسمت عيونه وطلعت من السياره لوحتله وابتسم شخط السياره رايح لدوامه اخذت نفس عميق ودخلت للشركه صعدت لمكتبنه سلمت عل

بنات وطلعت بثينه من المطبخ باوعتلي وكلبت عيونهه مبتسمه باستهزاء اجت يمي زميلتي وكالت بهمس..

_اليوم صارت مشكله جبيره علمود المشروع والمدير كال لمن تجي جنان خلي تجيلي 

_ليش شصاير 

_ماعرف بس اعتقد كالوا اكو خلل بمشروعج والله اعلم شنو صاير بعد

_تمام خلي اكوم اشوفه ..

_ماعرف بس اعتقد كالوا اكو خلل بمشروعج والله اعلم شنو صاير بعد

_تمام خلي اكوم اشوفه ..

استغربت يعني شصاير من خلل بالمشروع وهوه انه لمن سلمته اله جيكه وكال كلشي تمام اخذت لابتوبي ورحت لغرفته 

دكيت الباب رفع راسه باوعلي وعكد حواجبه وركع القلم عل ميز بعصبيه ..دخلت متردده وكتله لمن وكفت كباله..

_استاذ كالوا زميلاتي ان اكو مشكله بالمشروع مالتي شنو هيه 

_هل سؤال عندج جوابه ويفضل تجاوبيني عليه وتكليلي منين جبتي فكره هل مشروع او منين سرقتي 

_العفو منك استاذ انه هل مشروع سويته وتعبت عليه صار شهررين ونص وماعتقد الك حق تكلي سرقته 

_وشنو اليثبت انج ماسرقتي

_تكدر تسال محمد وبثينه لان جانوا وياي بكل خطوه بي 

_محمد خطيبج واكيد يوكف بصفج هاي اذا جان مامشترك وياج اما بثينه فسالتهه وكالتلي انهه ماشافت ولا اشتغلت على شي مجرد جنتي تطلعين

ملفات من حاسوبج وتنطيهه الهه تنسخهن يعني شنو ست جنان معناهه شغلج مفبرك ومنسوخ من شغل شخص ثاني غيرج صح لو انه غلطان

_لا استاذ وعندي ادله تثبت ان المشروع كله من فكرته لحد طريقه تركيبه جانت كل تفصيله بي

فكرتي وخطتي ومخطوطي ومامدخله احد بي بس الظاهر جان اكو شخص يكنلي الكره وفبرك هل مؤامره علي وانت للاسف صدكته

_انطيني الادله يلي عندج اشوفهه

_اسفه ماكدر اثق بشخص ماعنده ثقه بموظفينه راح تشوف الادله بس مو عندي وانما عند القاضي عن اذنك استاذ..

عفته يريد يحجي وطلعت راكعه الباب وراي اخذت جنطتي طلعت نقالي اتصلت على احسان وكتله يجي ياخذني 

عاد هوه خطيه اخذ مساعده من دوامه واجه علي رمشلي معلن عن جيته وكمت توجهت لبثينه لزمتهه من ياختهه وحجيت بهدوء ..

_حضري نفسج اكلي زين ونامي زين وراج ايام سوده بالسجن ست بثينه لا عبالج المقابيلج سهله وتلعبين عليهه صدكيني هل وجه البريئ يكدر ياخذج للشط ويرجعج عطشانه..

عكدت حواجبهه باستغراب وعصبيه ونترتهه من ايدي ابتعدت خطوتين وطلعت من المكتب نزلت

وركبت بسياره احسان وسديت الباب حيل تقدم قفله زين باوعتله وتافافت بحيره وكال وهوه يباوع بترقب..

وركبت بسياره احسان وسديت الباب حيل تقدم قفله زين باوعتله وتافافت بحيره وكال وهوه يباوع بترقب..

_شصاير تعاركتي ويه محمد شنو

_لا 

_جا ليش رحتي وياه وراجعه بدونه

_محمد بالمعهد وتعاركت ويه المدير وماكدرت اخابره واخلي يطلع من دوامه عاد اتصلت عليك

_لحظه شنو كلتي تعاركتي ويه المدير

_حرك السياره واحجيلك

_لا احجي واحنه هنا حتى اعرف شسوي بي لو مسويله سالفه وياج

_لا مو يلي بالك واساسا الشغله كلهه قانونيا راح تمشي بعد

_يعني مشكله تخص الشغل

_اي هاي بثينه الحقيره جانت تشتغل ويانه انه ومحمد عل مشروع ولمن انتهينه وكلشي سلمناه

وجان تمام هسه يجي المدير يكلي مشروعج مسروق من فكره  مبرمج بشركه ثانيه 

_بس كونج مخليه نسخه احتياطيه

_ليش اكو غيرهه ام الولد كتلهم راح اسويهه شغله قانونيه ونتلاكه بالمحكمه 

_تمام هسه اوديج للبيت وتنطيني النسخ العندج حتى اروح اقدم شكوى للمديريه ومن تالي تتحول للمحكمه 

_تمام انشاءلله الا صدك شنو هاي انته صدك صرت تشتغل بدائره امنيه لو تجذب على اهل البنيه امس

_على شنو اجذب فعلا قدمت طلب عل دائره ووافقوا عليه والاسبوع الجاي ابدي اداوم انشاءالله 

_هاا بيا دائره راح تداوم

_بعد نشوف ياهيه منهن

_قسام احلى وهيبه احسه

_يله بله جا قاسم شبي 

_مابي بس حبيت اسم قسام اكثر

_يابه ميخالف تدلل ام قسام

_عههه فديته ابو حسن انه 

_هههه..

ضحك خفيف وبقه مركز بالشارع وانه اتصلت على محمد كتله راجعه للبيت ويه احسان وبقى يستجوبني ليش ويمته وشصاير وليش ماكتيلي

اجيلج انه واوو خبص روحه اخر شي كتله صارت مشكله بالمشروع وراح احولهه قانونيه وسولفتله الصار كله بالطريق وهوه يتوعد للمدير وبثينه كتله

_بعدين يجي ونفتهم منه السالفه هسه يله نزلي ودخلي للبيت وقفلي الباب زين تمام

_اوكي تمام ديربالك بالطريق

_انشاءالله ..

نزلت دكيت الباب وفتحته الي امي دخلت وقفلته زين وحجت امي وهيه تمشي وياي لداخل البيت..

_شنو شصاير جنانه ليش رجعتي من دوامج

_صارت مشكله ويه المدير واضطريت ارجع لا يضل بالج امي محمد واحسان راح يحلوهه

_نوب محمد واحسان ولج احجي شصخمتي شسويتي

_جا ليش تدخلوا اخوج وخطيبج اذا مالج شغل انتي

_غير اتهموني بايكه المشروع وماخذته من غيري وهسه راح انطي نسخه احتياطيه لشغلي للقاضي ونشتكي عليهم لان لو راحت الشركه الثانيه اشتكت

علي واتهمتني بالسرقه راح تكبر السالفه وتصير محاكم وجيب المحاميين وحط المحاميين وحتى يحجزوني بعد شلون ماترديني ادخل احسان ومحمد 

_يله هاذهو جا اذا تكولين همه راح يحلوهه ميخالف فوتي غسلي وتعاي احجي لابوج السالفه تلكينه بالصاله

_شنو مرتفع ضغطه

_ماعرف اخذ حبوب ضغط وبراسيتول وبعده شويه 

_هسه اقيس ضغطه اله بله واشوفه 

_تمام روحي بدلي وتعاي

_اوكي تدرين احنه عبالنه راح للمزرعه ويه احسان حتى محمد استحه منه لان طلب منه يوصله هوه واخذته النومه 

_لا هوه راد يكعده بس تالي من شاف راسه ياذي كال خليهم نايمين ماروح اليوم للمزرعه

_يعني دخل للديوان وشافنه

_ههه يله بله بس يله عادي رجلج هوه مو غريب 

_حتى لو يا امي استحي خرب شكلي شلون شافني هيج اووف 

_هههه يله فوتي هسه شافج ومشه التافاف ماراح يفيدج بشي دخلي بدلي ملابسج حتى تطلعين تقيسين ضغطه 

_شلون اخلي عيني بعينه هسه

_ولج يمه دفوتي عود بعدين فكري بعينج وين تخليهه راح يرتفع ضغطه للزلمه وانتي محتاره بعينج

_ههههه تمام يله ثواني وانه يمه ..

هزت راسهه بحيره وراحت لغرفته طلعت جهاز الضغط رحت انه ذبيت ملابسي لبست ترواكه غسلت وجهي ورجلي وادي وعقمتهن وطلعت رحت

للصاله مسيت عليه وهوه باوعلي وابتسم باستغراب فتحلي ايده واشرلي اجي يمه رحت 

يمه وسالني وهوه مخلي ايده على كتفي..

_شصاير وياج بويه كالت امج صايره مشكله بالمشروع مادري شلون 

_اي بابا ..

كعدت احجيله الصار وهوه عاكد حواجبه باستنكار وعصبيه وتحلف بي يسويهه كعده عشائريه ضحكت على سوالفه وكتله ..

788_528285e802a978704201

_شصاير وياج بويه كالت امج صايره مشكله بالمشروع مادري شلون 

_ههه بابا شسالفه مايرادلهه كعده عشائريه اصلا هيه اهلهه بايعيهه والعشيره مطلعينهه منهم فمحد

يحضر بكعدتهه تولي هيه راح تاخذ جزاتهه بالقانون وتكعدلهه جم سنه بالسجن تفرك اذنهه كلش زين

يحضر بكعدتهه تولي هيه راح تاخذ جزاتهه بالقانون وتكعدلهه جم سنه بالسجن تفرك اذنهه كلش زين

_ناس ماتستحي يابويه لو انه عندي هيج بنيه اذبحهه واشرب من دمهه غير بنات شوارع وكح** هذن

_لا تحرك اعصابك بابا وانت منا ضغطك ماينعرف شبي عوفهه تولي واهده حتى اعرف اقيس ضغطك لا تخليني اندم لان حجيتلك تالي 

_شحدج ماتحجيلي غير ابوج انه وشمهما كبرتي راح تبقين بنتي الصغيرونه يلي اسحل راس كل واحد ياذيهه

ابتسمت وفرك على كتفي بقيت كاعده بصفه واباوع تلفزيون لحدما شفته هدأ ورجع طبيعي كمت اخذت جهاز الضغط لفيته على ايده خليت

السماعه بطنهه وبقيت اراقب بالمؤشر لحدما ثبت وشفته مرتفع درجتين تنهدت وهزيت راسي باسف وهوه يباوع وياي عل مؤشر فتحت اللاصقه من ايده ورجعت ضميتهه وكتله..

_شماكل يابوي وضغطك مرتفع هيج 

_ماماكل يابويه هاي اكلي المعتاد لا مالح كلش ولا حلو كلش ولا بي دسم هواي

_جا اكيد من ضغط الشغل والتفكير مرتفع ليش ماتريح نفسك وتديربالك على صحتك احسن يشكل وياك ضغط لا سمح الله وتضل تاكل ماصخ

_ولا يهمك بابا حاجيت محمد امس وكال ان العمال يلي جانوا يشتغلون بالمزرعه يلي اشتريتهه يفتهمون بسوالف الزراعه وكلشي واكبر الاعتماد

جان عليهم فكال راح يحاجيهم حتى نوظفهم عندك وتريح راسك تصير انت المشرف والرئيس

_اي والله علواه يابويه بس خلي يحاجيهم وانه اتفق وياهم على راتب يومي وخل اخلص من هل ضغط لا اكدر اعوفهه وتفسد الارض ولا اكدر الحك عليهه وعلى صحتي وبيتي سويه 

_اي انشاءالله هوه بعد يحاجيهم ويجيبهم الك 

_تمام والله تعبناه لهل محمد ويانه خطيه على كلشي تعال محمد

_اي انشاءالله هوه بعد يحاجيهم ويجيبهم الك 

_لا بالعكس يكيف لو تحسبونه منكم وتطلبون منه مساعده مايكول شي ولا يتعب 

_والله والنعم منه ومن اصله ابن عالم وناس الله يحفضه ويخلي الج

ابتسمت ونزلت بست راسه وهوه باس راسي وحضني شويه ورحت رجعت الجهاز لمكانه ودخلت للمطبخ طلعت ورق غار وورق نعناء درت عليهم

ماي بالقوري وخليتهن عل نار يغلن اخذت كوب ماي دافي وفص ثوم صغيره ورحت للصاله انطيتهه لبابا بلع الفص الثوم مثل الكبسوله وشرب

وراهه ماي حتى ينزل ضغطه رجعت للمطبخ شفتهن بقت يغلن طفيت جواهن وصبيت بالكوب خليته بصينيه صغيره واخذته اله بقه يشرب شوي

شوي منه همين حتى ينخفض ضغطه .. عاد وصيت امي تسويله اكله تسند طوله وحتى يتوازن ضغطه وماينخفض كلش ..رحت لغرفتي طلعت

نقالي لكيت محمد متصل علي ١٠ مكالمات فتحت عيوني بتفاجئ ورجعت اتصلت عليه و رد بسرعه وهوه يكول..

_هاا جنه وينج صار ساعه اتصل

_اعذرني حبيبي جنت يم بابا اقيس ضغطه وسويتله نعناع

_ليش ابوج بالبيت

_اي طلع مارايح للمزرعه الصبح بسبب ضغطه جان رايح يجيبله خبز شعير وانت انحرجت منه بدون سبب

_يله هم زين طلع مارايح وانه جنت افكر شلون اعتذر منه عل صبح

_اي حبيبي

_بعده هسه انطيته محلول وثوم وفد نص ساعه وارجع اقيسه انته شسويت ماسويت شنو الادله الكال عليهن احسان الاقوى من النسخ الاحتياطي العندي

_شغلنه انه وبثينه وملفاتج وانتي تناقشين الخطه وتعدلين عليهه بكل مره هذن كلهن منسوخات

عندي ويه تواريخهن وتكدرين بيهه ترفعين قضيه على بثينه وعل شركه يلي سرقت الفكره منج 

_هاي شنو اشو ماكايلي عنهن

_لان جانت هاي عاده بيه احب احفظ خطوات الشغل حتى لمن ارجع اقراهن اعرف شلون كدرت اتوصل لافكاري وطبيعه الشغل شلون تصير وشغلج

جان من اولوياتي جنت احفظ كل خطواتج حتى اتعلم بيهن وامشي عليهن لو ردت ادخل برمجه وادرس

_همم الظاهر فادتنه هل عاده العندك ونقذتنه همين 

_ههه جا شلون عبالج رجلج هين

_تمام لعد القضيه صارت قضيتك والتعويض التحصله منهه حلال زلال الك يفيدك بمشروعك

_لا انته يلي ضام الملفات والادله وانت الراح تساعدني باخذ حقي وانه اصلا كلشي ماريد غير ان بثينه تدخل سجن وتتعاقب على عملتهه هاي

_تمام هسه خلي نفوز بالقضيه ونقرر تالي وين نودي فلوس التعويض 

_هههه تمام بالتوفيق حبيبي

_ااخ اشتعل حبيبج 

_ههه ليش اسم الله عليه

_ليله امس ماتروح من بالي كل شوي اسرح اتذكر سوالفج واضحك نوب جبت العين لروحي كلهه صارت تصيح متهني وشعليك خايف عليج من العين وين اضمج جنتي

_هههه ضمني بين ضلوعك ومحد يوصلي 

_اضمج والله اضمج بس خل اشوفك

_اويليي اخرب واتكهرب على ضلوعك انه

_هههه وكحه بالنقال تطلع بربكتج ومن اجي يمج تضلين تنعوصين منين مالزمج

_ههه غير مطمنه شمهما حجيت ماتكدر تسويلي شي 

_بسيطه والله الا اضمهن الج منا ورايح واطلعهن بيج وحده وحده ماخلي متونج يصحن بعد

_لاا فدوا الا متوني لحد هسه ياذني ومورمات من سنونك

_يله ميخالف اتانيهن يطيبن تالي ارجع اكلهن

_هههه اووف منك

_ولج لا تتافافين هيج تره اجيج 

_ههههههه

_نوب شلون تضحك بت الحلوه

_لا تحجي على امي

_وشكايل هسه انه 

_لا تكول حلوه

_هههه مخبل وعلي لو يسمع ابوي الا يكتلك بالحزام

_يغار عليهه هاا

_اووو يتخبل لو صكر مر من يمهه وباوعلهه

_هاي عمي هيج اشو مامبين عليه

_احنه هنا الغيره يشرونهه بالدم وسبحان الله اخذتلي واحد نفس طبعهم وغيرتهم 

_حبيبي بهل وكت العنده غيره نادر وبس اهل الغيره يقبلون ينطونه مره خلي يكون بعلمج لا اهل الغيره يحبون الديوث ولا الديوث يحبون ابو الغيره

_اويلي عل عيب انه 

_هههه احبك انه 

_اموت بيج انه دبدوبتي 

_ويني تره امس الترواكه مسويتني دبه لان فرو وكطن

_اخرب عل فرو 

_هههه والاحمر 

_اويلي والله لو مالكيت الفستان الاحمر موجود معناهه اسوي زندج احمر اليوم

_هههه لا تلكاه انشاءالله تلكاه لان مابيهن حيل بعد يتحمرن فوك زراكهن خطيه 

_يله نحمر غير اماكن نكص فيزا ونروح شعدنه 

_اووف منك 

_اووف من عيونج يبعد عيوني

_وين كاعد هسه

_كاعد بنص كلبج

_هههه يبعد كل الكلب انته كلي وين موجود وشكاعد تسوي

_انتي كليلي وين كاعده وشكاعد تسوين

_ولج راح تخبليني انتي راح انجن بحبج جنننه

_هههه جا شحالي انه وكل ليله اتخيلك نايم بحضني

_اويليي مابيهه مجال بعد راح اخابر عمي 

_ليش

_اكله حضر معازيمك بعد يومين العرس 

_ههههه دكعد مخبل لا تروح تسويهه صدك نوب

_شكلي غادي مخبل منا للعرس

_هههه تمام يروحي وديربالك بدراستك لا تضل تفكر بامس 

_تمام انشاءالله عود احاول

_اوكي حاول حاول يله باي 

_باي جنتي ..

ختمنه المكالمه ببوسات كالعاده وسدينه الاتصال تمددت عل جربايه واخذتلي ٣ ساعات غفوه للضهر كعدتني نوره اكوم اصلي كمت توضيت وطلعت

فرشت مصلايتي ووكفت اصلي كملت وبقيت كاعده اسبح بالسبحه لحدما صارن الف مره صليت على محمد وال محمد وكمت لفيت المصلايه

وطلعت للصاله يم ابوي كعدت يمه وقست ضغطه بعدما كلي وجع راسه راح وفعلا شفت ضغطه رجع طبيعي وصيته على اكله وصحته ورحت يم امي

بالمطبخ صبينه الغده وكعدنه انه وياهم ونوره نتغده ونخطط للخطوبه فقررنه انه ونوره نشتري فساتين للخطوبه فرد مره العصر من ياخذنه محمد

للسوك عاد فعلا سوينه هيج لمن اجه علينه محمد العصر وطلعنه واحنه مبدلين وكاشخين ركبنه بالسياره وطار بينه فرنه السوك كله ولا تعب ولا مل

احنه تعبنه وهوه ضال يدخلنه من محل لمحل حتى نشتري جانت النيه بس ملابس مدرسه لنوره واشتريناهن بس تالي صار يدخلنه لمحلات ملابس

الطلعه والبيت ويصر علينه نشتري وهوه ضال يدفع من جيبه خطيه رغم ماشترينه هواي بس المحلات غاليه ملابسهم وكصبوه كصب .. رجعنه

للبيت بعدما اخذنه الفستان الماروني بس مو نفسه وانما نفس التصميم واللون بس اكبر من قياسي القديم بشوي طلعت سمنانه ومادخل علي عاد

اخذت قياس اكبر بدرجتين وطلعنه .. رجعنه للبيت ب٨ بليل بعدما عشانه بره واخذلنه حلويات.. دخلنه للبيت وبوجهنه لغرفتي انه ونوره وهوه راح

للديوان ذبينه العلاليك وحتى نوره يلي بكل طلعه تفتش العلاليك من ترجع هسه عافتهن وذبت روحهه تعبانه كامت للمطبخ جابتلي صلاحيه ماي

شربت وغصيت على محمد اكيد محد اخذله ماي هسه كطعتهه من بلعومي وكمت للمطبخ خليتله ماي بصلاحيه كزاز واخذت كلاص ورحت للديوان

شفته كاعد يم احسان يسولف دخلت انطيته ماي بالكلاص وشربه مره وحده وكال صبي بعد خطيه جا شكد عطشان .. صبيتله بعد شربه نصه وكال

عاشت ايدج وهمس بذكر الحسين عليه السلام ابتسمت وخليت الصلاحيه بنصهم ورجعت للمطبخ خليتلهم فواكه بصحن جبير وكلاصين عصير هوه واحسان واخذته

للديوان شفت بابا داخل يمهم ورجعت اركض خليت كلاص عصير ثالث وشوكه ورجعت للديوان

قدمته الهم وطلعت اخذتلي تفاحتين انه ونوره ورجعت للغرفه كعدنه نطلع بالملابس نوريهن لامي وهيه كلساع ضربت ايدهه وكالت...