رواية ومن الحب ماقتل الفصل الخامس
بسم الله توكلت علي الله. وهو رب العرش العظيم
ومن جوة مكتب مراد في احدي شركاته وأثناء ماكان مراد قاعد علي مكتبه يراجع احدي ملفات الشركه يدخل الي المكتب عماد وهو حزين
و مهموم فبص له مراد وقال
ازيك يا عماد. بقالك كتير ما جيتش الشركه. خير
فيروح عماد ناحيته ويقعد قدامه علي المكتب ويخرج من جيبه ورقه ويحطها قدام مراد علي سطح المكتب فيبص مراد للورقه ويقول
ايه الورقه دي
عماد ولسانه تقيل مش قادر يقول
ده امر من النائب العام بالقبض عليك
فيتصدم مراد ويبص ل عماد بحدة ويقول
انت أتجننت انت جاي هنا عشان تقبض عليه
عماد
غصب عني بس المجرم مهما هرب من جريمته لازم يتعاقب وجه الوقت اللي تدفع في تمن كل اللي عملته زمان
مراد وبدا يصاب بالارتباك
انت بتتكلم عن ايه. وايه اللي انا عملته زمان وجاي تحاسبني عليه انت دلوقتي
عماد
قتلت امي عايدة عبد الرحمن. عشان اختلفت معاك وكانت هاتفضحك لما طلبت منها انها تسكت وتقبل بانك تنسب ولادها بالزور لي ام تانيه وهي وداد وكل ده عشان خال وداد الحاج صادق عبد السلام اللي ملهوش ولاد ولا زوجه
و صاحب الشركه اللي انت فيها دلوقتي واللي امنك امانه تنفيذ الوصيه بتاعته بان كل املاكه تبقي ملك ولاد وداد وجوزها أمام يكون المتصرف والحاكم الناهي في كل املاك الحاج صادق لكن أنت خونت الامانه وخونت امام في مراته وخليته يشتغل بالاجرة في شركته ومش كدة وبس خليت مراته تختار انها تعيش معاك في العاصمه وتكون ملك أيدك واتجوزتها وعيشت معها وطبعا عشان ما تنفعش تكون امام خليتنا احنا ولاد وداد وعشان تسكت امي عايدة قتلتها. مش كدة برضو يا مراد بيه
مراد الكلام نزل عليه كالصاعقه وجمع اللي باقي من اعصابه وقال
اكيد طارق هو اللي قال لك علي الكلام دة ما أنا عارفه خايب وجبان
عماد
واللي يقتل واحدة ست غدر وينسب عياله لواحدة تانيه هو ده اللي راجل
مراد بعصبيه
عماد احترم نفسك ومتناس اني برضو ابوك. واللي حصل دة كله كانت امك هي السبب في. لو كانت سمعت كلامي كان زمنها دلوقتي عايشه وبتتنعم بالملايين لكن هي اللي ركبت دماغها وقررت انها تفضحني وانا ماكنتش هاقف اتفرج عليها. ولا كنت هاسيب ملايين الحاج صادق تروح لواحدة جربوعه زي وداد وجوزها امام
عماد
انت أيه قررت توزع الارزاق وتشوف مين يستاهل فلوس ومين ميستاهلش.
مراد
عماد انا عملت كدة عشان تعيشه في مستوي يليق بيكم
عماد
والله. تعرف انا بكرهه الجمله دي من كتر ما سمعتها في الافلام العربي. انت عملت كدة عشان طماع وعشان نفسك المريضه اللي قبلت تعيش ولادها بفلوس حرام ومع واحدة مش امهم
مراد
وايه المطلوب دلوقتي تقبض عليه بايدك يا عماد يا ابني وتلف حبل المشنقه حوالين رقبتي
عماد
مع الاسف ده اللي لازم يحصل مع اي مجرم زيك يا بابا
مراد
طيب اسمعني انا مستعد اكتب لك ليك لوحدك 1/2 املاكي وتسيبني اهرب وكانك ما عرفتش توصل لي
عماد وهو يضحك.
ابيع دم امي اللي قتلتها غدر بالفلوس انسي يا مراد بيه
فيقف مراد مسرعا ويجري ناحيه الباب ويفتح الباب فيلاقي أثنين عساكر واقفين وقبضوا عليه فبص له عماد وعيونه لاول مرة ترغرغ بالدموع، ،،،،،،،،،
وبعدها ب اربع ايام ومن جوه قسم المنصورة يقف سيف قدام الظابط وفي ايدة الكلبشات وجنبه المحامي عزمي اللي وكله الحاج فتحي ابو سيف علشان يدافع عن ابنه وكان باين عليه القلق الشديد لما سمع الظابط بيقول ل عزمي
مضيعش وقتك يا استاذ عزمي سيف ممسوك متلبس وكان تحت تاثير المخدر والتحليل اللي عملنا لي اثبت ان الدم في نسبه من البرشام المخدر
عزمي
لكن انا باكد لك ان سيف شاب اخلاقه عاليه جدا وكل البلد بتحلف بحياته ازاي بس يكون بيتعاطي برشام مخدر وكمان بيتاجر في
الظابط
جايز كان واخد الاحترام ده ستار عشان يداري علي اعماله الاجراميه
سيف
اقسم لك بالله. اني اني مش صاحب البرشام دة البرشام دة بتاع واحد اسمه عاصي وكان جوة كشكول
الظابط
وبعدين بقي في الاسطونه اللي انت عمال تقولها من وقت ما قبض عليك
وفي الوقت دة يتفتح باب مكتب الظابط ويدخل عماد ومعه فؤاد ويرحب بهم الظابط بشدة ويقول عماد للظابط
فين الواد بتاع البرشام
فيبص الظابط لي سيف ويقول
هو ده وبتحليل البرشام اللي معه هو نفس البرشام اللي بيبعه رمسيس
فيبص عماد لسيف بدقه ويقول
لف يالا
فيلف سيف فيقول عماد لفؤاد
مش هو ده الواد اللي كان بيبيع البرشام لي رمسيس
فؤاد
انت متاكد
عماد
متاكد الواد التاني كان اطول شويه من ده وطهرة اعرض
فؤاد
ممكن الواد دة من العيال اللي شغاله معه وبتاخد منه البرشام وتنقله بمعرفتها
سيف بحرقه
والله ابدا يا باشا انا ماعرفش حاجه عن البرشام دة.
عماد
اومال كان معاك ليه
فيحكي سيف لعماد كل اللي حصل فيقول عماد
واللي اسمها شمس دي فين، ،،،،،،،،
ومن جوة بيت عم امام يقعد عم امام علي سريره اللي حالته اتحسنت الي حدا ما وشمس تقعد قدام منه وتقول له
بابا عامل ايه دلوقتي
فبص لها عم امام و قال
انا بخير
شمس
لسه زعلان مني
عم امام
لا. زعلان من نفسي عشان خدك بذنب امك كان لازم اثق فيكي اكتر من كدة واكبر ظلم ان انسان ياخد انسان بذنب حد تاني. انتي مش هي وعمرك
ما هاتكوني زيها. ما تيجي في حضني يا بنتي
فترتمي شمس في حضن ابوها وتعيط اوي وهو يطبطب عليها وقال
حقك عليه ظلمتك
وفي الوقت دة تدخل وداد عليهم الاوضة بعد ما قلعت هدومها اللي بالافات ولبست جلبيه من هدوم زمان وبصت لي امام وقالت
وانا كمان ظلمتك
بص لها امام وبنته شمس استغربت اوي وقالت
طنط وداد. انتي ازاي دخلتي هنا ولابسه ليه كدة
فبص لها امام بضيق وخنقة وقال
وداد ايه اللي جابك هنا تاني البيت دة متحرم عليكي دخوله
وداد
لسه ماغيرتش كالون الباب يا امام.
وبصت ل شمس وقالت
انا دخلت هنا بالمفتاح دة
وتخرج وداد من شنطتها مفتاح البيت مربوط في حبل صغير فبص امام وهو لسة عصبي وقال
ردي عليه يا فاجرة. ايه اللي رجعك تاني هنا
شمس وهي بتبص ل ابوها باستغراب و قالت
بابا. انت بتكلم طنط وداد ليه كدة.
وداد وهي تقف قدام بنتها شمس و قالت
انا مش طنط أنا امك وداد
عم امام
امك اللي سابتك وراحت تعيش مع اللي خانتني معه
شمس وهي مش مصدقه اللي بيحصل وقالت
هو ايه اللي بيحصل هنا حد يفهمني
وداد
انا امك اللي اضحك عليها وفرحت بان واحد من القاهرة بيحبها وجريت واترمت في حضنه و باعت نفسها للشيطان وسابت أحسن واطيب راجل في الدنيا
وتبص ناحيه امام وتنزل عند رجله وتبوسها وهي بتعيط وتقول له
حقك عليه انا رجعت لك وقلعت الهدوم اللي سرقتني منك ولبست الجلبيه اللي كانت عليه ايام ما كنت مراتك واللي هي انظف واغلي من اي هدوم تاني لبستها بعد منك
فيبعد امام رجليها عنه وقال
اطلعي برة يا وداد. انتي سيبتي البيت دة وانتي ليكي في اكتر ما ليا انما دلوقتي ما لكيش حاجه في البيت دة
فتروح وداد ناحيه شمس اللي لغايه دلوقتي مش مصدقه اللي بيحصل وقالت لها
شمس. انا غلط في حقك وحرمتك مني
شمس وهي بتبعد عنها
وخلتيني اعيش يتيمه وانتي علي وش الدنيا
وداد
سامحيني يا شمس
وتبص ل امام وقالت
سامحني يا امام وانسي اللي فات وخلينا نبتدي من النهاردة
امام بحده
اطلعي برة مش ضايق اسمع صوتك ولا ضايق اشوفك
وداد وهي بتعيط بحرقه
امام.
امام لشمس
خرجيها برة يا شمس
وفي الوقت دة يسمعوا صوت خبط علي باب البيت فتروح شمس ناحية الباب وتفتحه فتلاقي عماد ومعه فؤاد فبص لها عماد باستغراب وقال
شمس
شمس باستغراب لايقل عن استغراب عماد
عماد انت بتعمل ايه في بلدنا
عماد
بحقق في قضيه. انتي تعرفي حد أسمه عاصي
شمس
اة ده زميلي في الكليه
عماد
طيب ممكن توصفي لي شكله وتعرفيني أيه حكايه الكشكول اللي خدي منه
شمس
ليه ياعماد هو عاصي دة عمل ايه
عماد
شمس. عاصي دة لو هو اللي في دماغي ممكن يكون أخطر مهرب للبرشام المخدر فياريت توصفي ليا بالمظبوط وليه اداكي الكشكول ده
فتحكي له شمس كل اللي حصل ودار بينها وبينه ويقول عماد
يعني هو قبل ما يديكي الكشكول سألك هاتركبي معايا ولا لا
شمس
اة. وبعد كدة اداني الكشكول. لكن ليه بتسال كل الاسئله دي علي فكرة عاصي دة طيب جدا ومحترم وعايز يخطبني
عماد
لا. ده بيضحك عليكي وعايز يستغل طيبتك وحبك لي وينقل البرشام المخدر معاكي لاني بوصلك بعربيتي
فؤاد
ابن الكلب. شيطان
عماد
شيطان بس لازم يكون له نهايه. هنخلي رمسيس يتصل بعاصي وننصب له الكمين اللي نقبض بي عليه
وبص عماد ل شمس وقال لها
بعد ما اخلص من حوار عاصي دة هارجع لك عشان عايزك انتي وعم امام
ويمشي عماد وترجع شمس ل اوضة عم امام فتلاقي وداد بتعيط بحرقه وعم امام في حضنها وهو ميت ***
