رواية عاصفة النسور الفصل الخامس
محمود .. الكل يتحرك بحذر هندخل ونخلص الرهائن ونفخخ المعسكر والأولوية لمخازن السلاح والذخيرة ونرجع فاهمين
الكل .. فاهمين
محمود .. ضياء خد اربعه معاك ولف من الجنوب وانا هدخل من الشمال
ضياء .. كريم و محمد و خالد واحمد تعالوا معايا ويتحرك ناحيت الجنوب
محمود .. يتحرك ناحيت الشمال الكل مركب كاتم الصوت علي السلاح ليلي اطلعي علي التله اللي هناك وفتحي عنيكي
ليلي .. تمام يا فندم وبتطلع علي التله وبتوجه القناصه علي المقر وبتمسح المقر كله بالمنظار وهي جاهزي لاي تدخل
.. ضياء بيقطع السلك الشائك عشان يدخل وبيسيب البندقه معلقه في كتفه ويسحب الخنجر ويدخل وكل واحد من الي معاه يقرب ناحيت واحد من المتمردين وفي اللحظه نفسها كل واحد فيهم بيحط ايده وبيكتم نفس المتمرد وبيضربه بالخنجر وبيتقدمه وضياء بيطلب من احمد وخالد و كريم يتحركه علي مخزن السلاح و الذخيره وبياخد معاه محمد وبيتجه لمخزن الامدادات الطبيه والغذائيه وكل مجموعه بتفخخ المخزن واثناء ما ضياء ومحمد بيفخخه المخزن شافهم واحد من المتمردين ووجه سلاحه ناحيتهم لكن ليلي في لحظه كانت ضربته برصاصه بين حواجبه ضياء سمع صوت المتمرد وهو بيوقع ابتسم وفي الاسلكي تسلمي يا ليلي شكرآ يا فندم وبيخلص تفخيخ ويرجع عشان ينسحب واحمد وكريم وخالد بيخلصه هما كمان و بيتجمعه عند السلك الشائك و بينسحبه بهدوء ..
.. محمود يدخل بعد ما يقطع السلك الشائك و يقرب من الحرس هو و مصطفى وسامح وعبد الرحمن وبيقتله كل الي يقابلهم وبيتقدمه و مصطفى يقرب من الحرس اللي علي الباب اللى بيحرس المختطفين المصريين لكن عددهم بيكون كبير وكل واحد منهم بيمسك واحد وبيكتم نفسه وبيكسر رقبته لكن فاضل اتنين كمان بيوجهه سلاحهم علي محمود واللي معاه محمود بيطلع المسدس ليلي بتضرب واحد ومحمود بيضرب التاني وبيفتحه الباب بالراحه وبيدخله كل المخطوفين بيقومه و محمود بيقرب منهم مش عايز صوت يلا الكل هيطلع من غير صوت ضياء بيكلم محمود في اللاسلكي تمام انتهت المهمه ..
محمود .. عدد الاسرى كبير واكيد حد هيلاحظ خروجهم خده مواقعكم واي حركه ادخله علي طول
ضياء .. تمام يا فندم يا جنود انتشرو هنامن اخلاء الرهائن
الكل .. تمام يا فندم
ضياء .. احنا جاهزين
محمود .. ليلي
ليلي .. جاهزه يا فندم
محمود .. بسم الله يلا مصطفي اطلع قدام الرهائن سامح وعبد الرحمن خليكم بره وفتحه عنيكم
الكل .. تمام يا فندم وكل واحد بياخد مكانه ومصطفي بيمشي قدام الرهاين
.. محمود بيطلعهم واحد واحد واثناء عملية الاخلاء كل ما حد من المتمردين بيلاحظ حركة الرهائن كان ضياء والي معاه بيقتلوه علي طول لحد ما قدره يخلو الرهائن كلهم والي ما كانوش مصريين بس لا كان فيهم عرب كتير وكمان فيهم اجانب وكان فيهم مصابين الجنود شلوهم وتحركوا ناحيت المروحيه وبعد ما الكل ركب محمود بص في الساعه كده في معادنا مظبوط وتتحرك المروحيتين ومع تحركهم بتنفجر المخازن والمقر كله والعقيد اسامه في اوضة العمليات متابع العمليه لحظه بلحظه لحد ما اطمن ان المروحيتين اتحركه وان كل الرهائن بخير وتنزل المروحيتين في الكتيبه واحد من الرهائن يقرب من محمود احنا مش عارفين نشكركم ازاي علي اللي انتو عملتوه احنا فقدنا الامل محمود بيطبط علي كتفه طول ما احنا هنا مستحيل نسمح بظلم اي عربي في اي مكان علي وجه الارض لما يتحرك الجندي المصري بتتمحي الحدود حمدالله بسلامتكم والعقيد اسامه والمخابرات بيكونوا موجودين والاستخبارات بتاخد الرهائن والمصريين بيرجعو بيوتهم والعرب كل واحد بيرجع بلده والاجانب كمان ..
اسامه .. حمد الله بالسلامه يا ابطال
الكل .. الله يسلمك يا فندم
اسامه .. الحمد لله نجحتو في اول عمليه ليكم وده شئ متوقع منكم ارتاحوا دلوقت وديمآ خليكم جاهزين
الكل .. تمام يا فندم
.. والكل بيرجع علي المبيت الي في الكتيبه والصبح الكل بيروح علي الميس عشان الفطار ..
محمود .. صباح الخير يا ابطال
الكل .. بيوقف صباح النور يا فندم
محمود .. اقعده ارتاحه ملازم اول ليلي
ليلي .. افندم
محمود .. عنيكي كيف عيون الصقر امبارح كنت حاسس انك زي الصقر الي مستني فريسته وكنتي بتدخلي في الوقت المناسب بالظبط
ضياء .. فعلآ كلامك صحيح يا سيادة النقيب لولا هي كان ممكن العمليه تتعرض للفشل
ليلي .. ده واجبي يا فندم وشرف ليه اني اخدم في فريق النسور
محمود .. احنا كلنا بنكمل بعض وفعلآ الكل اثبت كفائته والحمد لله الذي نصرنا ووفقنا
.. وبعد ما الكل فطر وتحركه علي التدريب وبداو يتعرفه اكتر علي بعض وتكون في بينهم علاقه اقوي من ضابط وعساكره وكانهم اسره وحده جسد واحد دم واحد وخبر انقاذ الرهاين انتشر وكل المخابرات العالميه مش قادره تعرف مين الفريق اللي عمل كده كل اللي قدره يعرفوه ان الفريق من الجيش المصري وعمله المستحيل عشان يعرفه يوصله للفريق ده ومين افرادهم عشان الفريق ده بيمثل تهديد ليهم والكل كان مصدوم من دقة تنفيذ العمليه وزي قدره يتخطه الحدود ويدخله مقر محصن زي مقر المتمردين ومش بس كده لا وكمان قدره يطلعه كل الرهائن من غير ما حد يحس بيهم كانو اشبه بالظل الخفي لكن مقدروش يعرفه غير اللي المخابرات المصريه عايزهم يعرفوه ..
محمود .. بينزل اجازه وبيروح علي حماته وبيخبط علي الباب
عايده .. بتفتح محمود حمدالله بالسلامه يا ابني اتفضل وايه كل اللي انت جايبه ده
محمود .. كله من خيرك يا ماما
عايده .. انا كنت بجهز الاكل ثواني وهيكون جاهز اتفضل ارتاح
محمود .. لا يا ماما ما تتعبيش نفسك انا هطمن عليكي وهمشي
عايده .. مش عايزه كلام كتير يلا اقعد
محمود .. ابتسم حاضر يا ماما
عايده .. الفرحه بتظهر علي وشها و بتكمل تجهيز الاكل وبتحطه علي السفره يلا يا محمود يا ابني
محمود .. بيقعد وبياكل
عايده .. طمني عامل ايه في الشغل
محمود .. الحمد لله بخير
عايده .. الحمد لله مفيش اخبار عن الحقير الي حرمني من بنتي وحفيدتي يا محمود
محمود .. حضرتك عارفه ان المعلومات بتكون سريه بس الملف مع الاستخبارات وانا عايزك تطمني ان شاء الله قريب حق رحمه واسيل هيجي
عايده .. يارب يا ابني انا لحد دلوقت مش مصدقه حاسه اني في كابوس ونفسي افوق منه
محمود .. يا ماما رحمه واسيل في مكان احسن من هنا ان شاء الله وربنا يرحمهم ويتقبلهم شهداء
عايده .. يارب يا ابني اسفه اني فتحت الموضوع ده
محمود .. مفيش داعي للاسف يا ماما انا عمري ما نسيتهم
.. وبتعدي الايام وبتخلص الاجازه وبيرجع محمود الكتيبه وبيكون العقيد اسامه مستنيه عشان يبلغه بالمهمه الجديده ..
