رواية حين تتغير الاقدار الفصل السابع بقلم سناء الهموندي
ام محمد : خلن بالجن أنا الشغله حطيتهه بالي ولازم تسوينه وانتي يا صفيه سكتي أنا اعرفن احجي.
صفيه :: لا ما اسكت شنهي تكلي اكبر مني ولج أنا هازه كاروكج لا تشوفين روحج علينه تره انا الكل بلكل أنا بنت عمه ومرته ولج انتي بنت الفصليه تعلين صوتج عليه أنا يجي محمد وراويج شون تتجاسرين.
ام محمد : بصياح بسجن راح اجسرجن بعصاتي شنهي ماكو حترام.
جوريه : عمه وروح امي أنا ماعايله هيه البدت .
صفيه : هيه بعينج ولج لا تشوفين روحج احنا خذيناج للخلفه تره وهل صارلج ٤سنين ومامخلفه أنا بس الكي وحده بت اوادم ازوج محمد شنهي قابل انتي ربج وحد أنا بت عمه ومن كعدت ماخلف خذوج عليه بس خله يجي ويصير خير .
ام محمد : سكتي ياصفيه أنا كبلج مفكره بلموضوع وهوه هذا الشي المخليته بالي بس متانيه محرم يخلص ازوجنه عبن هوه كبر وماعنده واحد يشيل كبرته .
جوريه : أنا اسمعهن واتكطع ليش هيج تحجي على امي وذا جانت فصليه هيه شبيدهه وانا اذا ماخلف قابل بيدي سكتت ماريدن ازيدهه رحت كملت كلشي وفتت لحجرتي حطيت مصلايتي وصليت وكعدت ادعي وابجي ياربي أنا منهو إليه من بعدك أنا اليوم طالبتك ولا تردني عليك بداعت حبيبك محمد لا تخجلني كون هيج تترس بطني بضنه وتفرحني وتفرح محمد اريدن تجوه انتجي عليهه بكبرتي عبن أنا مالي احد غيرك لا ام ولا اب ولا اخ اليسال ضاله أنا واخيتي وهم هيه بعيده عني ياربي فرحني وقضي حاجتي وحاجت كل محتاج ......مر سبوع ومحمد اجا من سفره وجايب ويا شغلات وهدايه انطه لامه وخواته اجن من سمعن بي متعلمات من واحد من اخوتهن يروحون بغير محافظه للشغل ويتاخرون أو زياره ويجي يجن يتحمدنله بلسلامه كل وحده جايبلهه قطعه قماش أمه جايبلهه شيله وحته صفيه جايبلهه قطعه قماش أنا كاعده وياهم اباوع وابتسم بس بداخلي نقهرت حسيت نفسي غريبه عبن من اجه سلم على الكل اله أنا معقوله حجي صيفه صدك محمد مايريدني بس يريد خلفه مني ويعوفني احس نار بكلبي كوه صبرت نفسي كمت لحجرتي كلت اسبح عبن من شويت السمج بتنور الطين صير بيه ريحه خذت ثوب فتت سبحت جيت للحجره امشط بشعري كملت ولبست شيلتي وطلعت ويه نسوان حمويني نيبس بلباميه والفلفل حار عبن زلمهن جانو ويه محمد يأخذون تمر يبيعو على تجار بغير محافظه ومن يجون يجيبون وياهم هل قاسمه الله عيوني دور محمد ماكو يمكن طلع صفيه جتي كعدت يمنه وتحجي بصوت سمعني كدام حمواتي ونسوان حماي.
صفيه : صدك ماكتلجن موش عمتي كالت ازوج محمد وره محرم .
حسنه اخت محمد: يااا ومنهو يكول اذا زوج يخلف جوز ربج ماكاتبله عبن جرب نوبتبن وماصار عنده .
ام محمد:خايبه ام عطوب سكتين لو اكوملج بلعصا اكو وحده تحجي هيج على اخيهه أنا قررت ولازم ازوجنه وحجايتي ماصير ثنين.
حسنه : يمه هيه شنهي عناد خما عناد تردين زوجي زوجي أنا شلي غرض بس انا اكلج صار أكثر من ثمن اسنين مزوج وثنين مو وحيده وماصار عنده ربج هوه شكاتبله يصير أنا ماكلت عنه شي غير جلمه حق .
صفيه :شنهي يحسنه كصدج أنا عاكر (عقيمه) جا أنا لو وصدك هيج جان حبلت ضرتي وتره حته محمد هم كال شوفولي مره اريدن خلفه وكالي اريدهه منج أنا ماريد لا جمال ولا حسن انتي تسوين عشر نسوان بس انا اريدنهه للخلفه .
جوريه : صفيه تحجي وانا بداخلي انقهر رديت على صفيه بس لا تنسين انا هم مثلج ماخلفت يجوز الله ماكاتبلنه هسه .
حسنه : وهذا الانا اردن اوصلنه الكم بس انتم محد يفهمني
ام محمد: اذا سمعتج حجيتي هيج جدام اخيج انيم الكرك براسج .
حسنه : بضحكه جا انا اكوم اروح لبيتي شنهي مارايده رويحتي كومو يمه نرد قبل لا يوذن المغرب
جوريه : راحن البنات كلمن البيتهه ونسوان حمويني هم طشن كلمن بيتهه لمينه البيت واذن توضيت ورحت للحجره اصلي سمعت صوت محمد بلبيت عبالك ذكرت سالف الضهر من ذكرهم كلهم اله أنا كاعده بنصهم الغريبه وهوه يوزعلهم صوغتهم ويضحك وفرحان وانا ولا عبرني حزت بروحي وجملتهه صفيه من كالت محمد كايللهه على مره جا هو مو يكلي انت تسوين الف جاهل عندي كملت صلاة وبعدني كاعده اسبح وهوه فات للحجره طولت بلتسبيح استغفر بيهه كلساع اعيدهه وهوه أشوفه يروح ويجي فتح الكنتور وسده راح كعد علتخت نجطل شويه ويباوعلي وانا مستمره كام على حيله ستغفر بصوت مسموع تقدم وكف باوعلي وحجه
محمد: إذا كملتي تعالي هنا عدي حجي وياج حجاهه بعصبيه ....
ضويه : مرت جم يوم واجه فرقد للديره وعمتي طارت بي فرحانه لان هوه ما يجي للديره غير بلسنه مره مرت عمي نهار كله شايله بيدهه ازهر وماتحطه بلكاع انور لازك بعمي ياخذه ويا لبيت جدي مرات يم ربعه ياخذه وهوه يقشمر عمي بحجاياته جدو اجي وياك جدو روح معيا يقصد يروح للهوايش وللحلال وعمي متخبل بسوالفه مكيف بي . كاعدين أنا وعمتي وفضه وفرقد حجه متحمل يسكت
فرقد : شنهي يا ام انور شو رجلج ما بين خافن شافله وحيده ومتزوجهه وانت رجلج بلشمس بس انا ماقاهرني شي غير أنه تزوج وماعزمنه هههههه.
ضويه :أنا اسمعه واباوع لعمتي بلكم تحجيلهه شي عبن اخجل أنا احجي .
فرقد: لا تباوعين لامي عبنهه هيه هم مشاركته الجريمه وتلكيهه خاطبتله بيدهه هههه .
فضه : جا يمه ليش ماخذتيني وياج احضر عرس اخوي .
ام صادق: يا يا يا من كوون دهر الدهركم شنهي تردون تهجمون بيت اخوكم يمه ضويه لا تصدكيهم يتقشمرون وياج .
فرقد: لا ما نتقشمر ودليل ليش كالج نبقى شهر بلسلف وهوه مالافي للبيت غير عنده وحيده ومايكدر يعوفهه يروح يمهه العطله يكضيهه يمهه .
ضويه : ماتحملت حجيت صدك تحجي بروح جدي انت شايف شي شو أنا الفار لعب بعبي شنهي أنا مكصره ويا وعلي احبنه وشيكول اكله تم ليش هيج يسوي بيه احجي بحركه وحته عيني دمعت .
فرقد : ياله كولي يا لله الشرع محلل اربعه وأخوي مبين عليه ما يكمل دينه اله باربعه هههههههه .
فضه : هههههه شنهي يفرقد حرام عليك البت وكف كلبهه.
ام صادق: ولك فرقد بدال ما كاعد من الصبح تحرك ابيوت روح شوف اخوك ليش اتاخر ابوك اجه وراح لبيت جدك وهوه مابين .
فرقد : شتردين منه يمه كنالج عريس حرام عليج تحرمي من احلا أيامه اله صدك يمه هوه كتيلي أخذ نبعه بت حجي شنشول اي هوه حاط عينه عليهه من كبل كاعد احجي ومنتجي علمخده وماحس اله جتني ضربه على جتافي قويه .
صادق : هلا بحراك البيوت ادري شنهي جاي ومتعني حته تحرك عليه أنا الك يجي يوم وأخذ حيفي ماباقيلك شي .
فرقد : كمت عليه هلا هلا خويه الله يساعدك توني جيت ادور عليك وأمي كالت لا عوفه يم مرته الثانيه عيب تروح .
ام صادق: خايب انت ماتبطل سوالفك أنا امك وماسلمت منك دور تذب حجي أنا مكايلته.
فرقد: اغمزلهه شبيج يمه انتي مو كلتي وهاي فضه شاهده همست الفضه انطيج دينار وكولي اي .
فضه : ياااا يمه جا مو انت كلتي اخوج تزوج بت شنشول بعد ليش تهمين فرقد اخ اخ اخ يمه شعري شنهي شبيج ملختيني.
ام صادق : ادور انتي هم عليه أنا الج شوف اكلج البساطات المضمومات كلهه تنغسل وحته البطانيات .
فضه : فرقد ماريد الدينار بجي .
صادق : متت من الضحك عليهم وبداخلي ادعي الله يخليهم إليه ويديم لمتنه لتفتت الفضه حاطه انور بحضنهه شنهي حبيبه تصدكين أنا ابدلج .
فضه : دموعي نزلت لحجايته هذا حقك الشرعي بس انا ماتحمل وحده شاركني عذرني .
صادق: مع الاسف فرقد ابو درب مشاهه عليج شنهي ماكو عشه وانت حسابك بعدين ويايه حجيتهه بضحكه حسب حسابك باجر انت التروح ويه ابوي لشغل وعكبه هم انت وانا ماطلع عبن اريد اجدد عرسي ويه مريتي مادامك موجود هههههههه.
فرقد: تره انت جاي تضلمني أنا رجال فقير وعمي حته ماضل يمكم باجر راد لبغداد ..
صادق: حجي يفيدك متخطي اله وانت مكمل الشغل تره حتى عرس منسويلك .
ام صادق : تستاهل صارلك ساعه ماسلم واحد منك .
فرقد : بضحكه فضه لا تفرغين علاكتي أنا راد لبغداد
ضويه : كمت حطيت ازهر بفراشه ورحت اسوي عشه أنا وفضه ونسولف وهيه تحجيلي .
فضه: ابوي ماقبل يطيني لذول الناس الكال عليهم صادق يكول غير لولد عمج ماتصيرين ادري ولد عمي ماقاصرهم شي بس تمنيت تصير القسمه حتى اجي يمكم بغداد اعيشن .
ضويه : كلشي قسمه ونصيب وهذا مو نصيبج عود أنا كيفت راح يجي احد يمي بس شنسوي مابدينه شي صدك سمعت فرقد يحاجي عمتي يريد ياخذهه لبغداد علمود العرس مالته راس الشهر .
فضه : اي انا هم سمعته الله صار شكد ماجايه لبغداد.
ضويه مرت الايام واليوم قررو هلسبوع نروح كلنه لبغداد حته نسوي عرس فرقد أنا كتله الصادق يأخذني اشوفن جوريه وخطيه كالي حضري اخذج اليوم خاف على يا ساعه نروح لبغداد وصدك اخذت الجهال ورحنه الهه مطولت عدهه شويه ورجعت.
(نرجع نكمل لمحمد وجوري)
محمد : اذا خلصتي تعالي .
جوريه : هزيت راسي وذبيت السبحه ولميت فراش الصلاة وكمت امشي على كيف وكعدت مسافه عنه بلتخت .
محمد : اسالج سوال وانا اريدج جاوبين بكلمه يا اي يا لا .
جوري : باوعتله مستغربه عصبيته الاول مره اشوفهه عيونه حمر ودمارات وجهه بارزه اريد اعرف شبي هزيت راسي بنعم كال.
محمد : جوريه انتي كايله كدام خواتي ونسوان اخوتي صوج الخلفه مو من يمي صوج محمد هوه مايخلف عبن هوه صارله تسعه اسنين مزوج وماخلف وهوه مزوج ثنين جان بين بينه اذا هوه يخلف .
جوريه : باوعت بصدمه شلون كلبوله الحجي أنا ماكلت هيج احجي بداخلي عود ردت اعاتبه دور نكلبت عليه المعاتب جاوبته بقهر وروح امي أنا ماقصدي هيج ولا حاجيه هيج انا قص......
محمد : جوريه أنا ما كتلج برري أنا طلبت منج حرفين .
جوريه : دموعي مادري منين نزلن وكتله بس خلني افهمك وانت احكم .
محمد : كتلج اي يو لا.
جوريه: اي كلت انا هم صارلي ٤سنين وماخلفت .
محمد : هاي هيه افهمتج يبنت الناس بس ارد اكلج انا ماصارلي هواي من تقربتلج خلي بالج السنين القبل لا اتقربلج بيهن ذني ما ينحسبن احنه مره ورجال يعني أنا مصارلي شهر من تممت زواجي بيج شلون تردين تخلفين أنا ماقاهرني غير أن الحجي صار كله كدام اهلي ونسوان اخوتي.
جوريه : يحجي بحركه وانا دموعي يجرن اريدن احجي افهمه ماينطيني مجال بجيت بصوت وكتله والله انا ماقصدي هيج ولا ردت انزل من قدرك حته اسال حسنه .
محمد : كتلج هاي هيه أنا سمعت مايكفيني .
جوريه : عافني وراح يم صفيه نام وهوه زعلان وانا ليلي كله مانمته من القهر اكول أنا شمسويه وهمه هيج ياذوني أنا مصدكت لكيتلي احد استند بي وأحس بحنان اهلي كله بي شكول على الي سوه هلمشكله غير حسب الله ونعم الوكيل بكل واحد آذاني ثاني يوم مطلع من البيت كدام اهله يتصرف عادي محسس أحد بزعلنه بس اذا وحدنه حته من احجي ميجاوبني كلش نقهرت والقهرني أكثر مخلاني ابري نفسي مرت سبوعين وهوه تعامله جاف ويايه وانا حالتي كلش دهورت احس جسمي كله يوجعنه ومالي حيل كلشي اسوي بس مجبوره أكمل شغلي وراسي مفك وجعه ضويه ردت لبغداد قبل جم يوم جتني ودعتني هيه والجهال فرحت كلش بيهه كعدت يمي ربع ساعة وراحت سالتني شبيج احسج تعبانه كتلهه لا هاي جي صايمه شكلي تغير أنا متعلمه حتى بلايام العاديه اصوم الاثنين والخميس .
دنيه صبح كاعده ادولج العجين وحسنه يمي كتلهه حسنه خوما حجيتي لمحمد على حجي صفيه من تعاركنه .
حسنه : لا وروح ابوي هوه صاحني وكالي تعالي احجيلي شصاير.
جوريه : ياااا شوكت هاي جا شو ماكلتيلي.
حسنه : وهاي أنا جاي اكلج البارحه بليل شفت امي تحجي ويا على كيفهه وهوه صار عصبي عليهه واول مره اشوفنه يعوف امي وهيه مامكمله حجي ويا وراهه صاحني ورحت اشوفن شبي
جوريه : حجيت علسريع من خوفي حسنه خافن عمتي كلتله على المره الكتهه اله وصدك زوجه لو تكله علت حسهه وهوه منا زعلان .
حسنه : دنطينه مفكه نكلج شصار وبعدين عود حكمي.
جوريه : احجي فدوه .
حسنه: كتلج صاحني ورحت طبيت بلحجره مالتج انتي جنتي تغسلين ملابس اول مكالي اريدج تحجيلي الصدك صحيح جوريه مجاوزه على صفيه وكايله عليه ماخلف أنا كتله وداعت جهالي البت ماحجت هيج وسولفتله كلشي بلتفصيل وراهه كتله انت صدك كايل شوفولي مره .
جوريه ؛ اي وهوه شكالج ابروح موتاج.
حسنه: كالي الحمدلله أنا مكتفي بنسواني ثنينهن احبهن واحترمهن وإذا علجاهل فجوريه ربيتهه بيدي صارت بنتي ومرتي .
جوريه : دموعي نزلن من الفرح فززتني صفيه بحسهه
حسنه : شنهي خيه خلصتي دولج العجين إذا كملتي أنا اخبزه مكانج خطيه انت صايمه ومبين تعبانه.
جوريه: لاله يبعد عمري أنا أكمل ماعندي شي كمت شلت الصينيه ويه كومتي دخت ردت اطيحن على وجهي حسنه واكفه من شافتني ردت اوكع لزمتني و اخذت الصينيه .
حسنه : اسم الله الرحمن شجاج خيه مو كتلج خلي أنا اخبزه .
جوريه : مادري شجاني يمكن جي بلا سحور ضليت .
حسنه: اكلج جوري انت شتحسين شو وضعج كله متغير أنا ملاحضتج مو على بعضج🤔
جوريه: احس روحي ممروده مدري شجاني .
حسنه : ارتاحيلج جم يوم لا تصومين شنهي مجبوره استغفر الله تصومين ٣اشهر .
جوريه : لا خيه أنا متعلمه من صغيره اصومن ما يصير شي بيه بس شو هسه دوهنت دوهن .
حسنه : صفنت على جوري واكولن بكلبي معقوله يطلع البالي صحيح وليش لا مو بعيده على ربي حجيت بصوت خلني أكمل وياج بساع ونروح للجده ام فرهد .
جوريه : ياااااا حسنه لا تكولين حبله وانتي حته شهرين ماصارلج من جبتي الجاهل السابع .
حسنه : هههههه لاله موش حبله عندي شغيله ويه ام فرهد ياله همي نفسج حته نروح ونجي كبل جيه محمد .
جورية : ياله انكمل ونكل لعمتي ونروح .
صفيه : شنهي ماكملتي راح يصير الضهر وانتي ملتهيه بلسوالف كملي شغلج السوالف ما تشبع الوادم الخبز يشبع .
حسنه : جا مادامج انتي هيج سريعه ما تجين انت تخبزين .
صفيه: وشلي غرض أنا اليوم عليهه الخبز خلهه تكمله .
جوريه : هزت صفيه ايدهه وراحت وانا كملت شغل وحسنه كالت لعمتي اريدن أخذ جوريه ويايه للجده شو اشكن بروحي شايله عمتي كالتلهه لا تتاخرن خافن يجون حته نتغده رحت سبحت وبدلت ورحت ويه حسنه للجده المادري شعدهه يمهه وصلنه وطلعت الجده مره جبيره بلعمر تطلع بكد جديتي بس هاي ضخمه حسنه كالتلهه .
حسنه : شونج ام فرهد شون صحتج هاي مرت محمد جايبتهه وياي تذكري محمد .
ام فرهد : شون ماذكره وانا مجيبه امج بي يااااا يمه تعاي ليه احبنج جنج العافيه هنيال محمد بيج .
جوريه : بتسمت وسلمت عليهه وهيه اكلتني بسلام طببتنه جوه وجابتلنه مي حسنه شربت ونطته الهه نطتني ماشربت خليته بصفي ستحيت اردهه كالت شربي يمه ماينه مبخوته بتسمتلهه .
حسنه : وصلت ضايفتج ام فرهد البت صايمه .
ام فرهد : يمهه بلعافيه عليهه الله يتقبل منهه ومنه صالح الاعمال اله ماكلتيلي يحسنه شنهي هم شايله يمفلوكه .
حسنه : هههههههه لاله شجاج ام فرهد ماصارلي شهرين من جيبتيني بس انا جايبه جوري واريد تشوفيهه عبن أنا شاكه وذا طلع البالي هديتج ثكيله .
جوريه : نصدمت شنهي أنا هاي شتحجي حسنه ضليت ساكته استحي احجي شي .
ام فرهد: تعاي ليه يمه خلني اشوف .
جوريه : لتفتت لحسنه وهزيت براسي لا .
حسنه : كومي جوري كومي خلهه تشوف بلكي تفرحنه وانت تفرحين وتفرحين محمد كومي لا تخجلين أنا يمج ما هدج .
جوريه : كمت بخجل وكشفت عليه ام فرهد وكالت كومي يمه كمت سالتني شوكت موعد شهريتي وجاوبتهه حسبتلي طلعت غايبه عشرين يوم لتفتت الحسنه وكلتلهه حضري هديتج واريدنهه هديه ثكيله .
حسنه : بلهفه عليج العباس ام فرهد تحجين صدك باله كشفي عليهه وشوفيهه خافن اكو غلط .
ام فرهد: شنهي تعلميني بشغلي يحسنه صارلي اربعين سنه أنا ما فد يوم غلطت بشغلي .
جوريه : شو هاي حسنه كومي وهلهلي بكل حسج وانا ضاله افر براسي شنو السالفه كتلهه يا حسنه شجاج خيه .
حسنه : يا ولج جوريه راح تصيرين ام ولج محمد راح يصير اب من بعد كل هلصبر الله سبحانه رزقه بضنه وانتي ام هلضنه .
جوريه : تحجي وتبجي وانا من الفرحه بجيت وياهه .
ام فرهد: الله يتمم حملج ديربالج على رويحتج ييمه .
حسنه : كمت بوست ام فرهد ونطيتهه زايد مو ناقص ياله جوريه والله انج صدك جوري على هلفرحه امشينه قبل جيه محمد اريدن أخبره بنفسي واشوفن الفرح بعينه .
جوريه : رجعنه للبيت وحسنه من الباب طبت وهلهلت عمتي صاحت
ام محمد: خير نشالله ولج حسنه شهرتينه صوتج تعاي ليه شنهي هل هلاهل.
حسنه : رحت بست امي وكتلهه يمه اريد البشاره صفيه جتي من حجرتهه كالت.
صفيه: خير منهو المعرس .
حسنه : يا عرس اليجي بفرحت اليوم .
جوريه : حسنه تحجي بلهفه وعمتي تكلهه ولج احجي وهيه تكلهه .
حسنه : لا يمه ماحجي اله يجي محمد اروحن اجيبن جهالي من فتحيه هسه دخوهه ( فتحيه اخت محمد الثانيه قريبه على بيت اهلهه) .
جوريه: راحت حسنه جيب جهالهه وانا رحت ركض احضر الغده حته لا يسالوني عبن حسنه حلفتني اله هيه تحجي ومن يجي محمد جتي صفيه اشوفهه تروح وتجي هنوب سالتني ماتحملت .
صفيه : اكلج شبيهه حسنه هيج فرحانه .
جوريه : مادري شبيه هسه تجي وتحجي ويه هلحجي طب محمد هوه وخوته محمود وصلاح .
محمد : سلام عليكم شنهي وين البنات مو كالن نجي .
ام محمد : هلا يمه الله يساعدكم هسه حسنه راحت جيب جهالهه وفتحيه جوهه خطار وراحت .
جوريه : اندار عليه وكال حضريلي غده اصلي وراهه اسبح واتغده جاوبته بعيني بتسمتله اليوم شكله احسن عبالك مو هوه نفسه البارحه حتى ميباوع بوجهي سبحان مغير الاحوال طبت حسنه جتني كالت .
حسنه : خوما حجيتي شي .
جوريه : لاله ماحجيت ومحمد اجه جوه يصلي .
حسنه: خوش شتكولين اكله هسه لو وره الغده .
جوريه : ههههه بكيفج والله استحي شون راح تحجين .
حسنه: خايبه ماسكتين أنا من الفرح اريدن اصرخ بلسلف واكولن محمد راح يصير اب .
جوريه : يااااا جا انتي حسنه وسويهه هههه صبينه غده تغدو وانا رحت لحجرتي صليت وكملت طبت بت حسنه ورده كالت خاله امي تريدج تكول تعالي بلهول كتلهه هسه اجي يربي شون اروحن والله استحي بعدني بلحجره وصاحت حسنه وينج ياله تعاي رحت كعدت بصفهه محمد كاعد بصف أمه كبالنه وصفيه وصلاح ومحمود خوان محمد كاعدين همه ونسوانهم همه على طول ينجمعون حجت حسنه بعد ماتحملت .
حسنه: يمه أنا مو كتلج اريد بشاره هسه اريدن بشاره منج ومن محمد .
ام محمد: خايبه شبيج اليوم دوهنتينه بسوالفج ماتحجين وتفضينه .
حسنه : يمه محمد راح يصير ابوووو وكمت ابجي ماتحملت .
جورية : حسنه اول مكملت حجايتهه محمد رفع رأسه باوعلي وعيونه لمعن كالهه .
محمد : شتقصدين يحسنه احجي لا شلعين كلبي .
ام محمد: ولج بسج بجي وفهمينه شنهي صفيه حبله .
حسنه : لاله ييمه جوريه يمه جوريه هيه الحبله يمه بعد كل هلسنين الله نطه محمد على كد صبره .
ام محمد : بجت من الفرح يمه صدك تحجين ولك يمه كرت عينك على صبرك ولك يمه الله ماقصر وياك.
محمد : بفرح وعيون تلمع حاشا لله يمه
جوريه : صفيه مصدومه وفاكه عيونهه عله وسعهن ومحمد عيونه دمعت من الفرح عمتي كالت ولج تعاي احبنج يجوري عبنج راح تخلفين لوليدي رحت يمهه باركتلي وكالتلي من باجر بعد لا تصومين غذي رويحتج عبنج نويعمه لا الجاهل هم يطلع ناعم .
حسنه : استلمي نصايح امي يجوري بس لا عبالكم انسه أنا اريدن بشارتي منكم .
محمد : تدللين وعلى لسانج التردي يجرالج .
حسنه: اريدن تحاجي لستار يخليني اجي وياكم لكربلاء .
محمد: ههههه خوش تعرفين تقنعينه بس انا على وعدي احاجيلج زلمتج واخذج وياي لكربلاء بس لا تنسين طريق بعيد وانا اروحن مشي خافن ماتكدرين .
حسنه : اي اعرف يخوي وانا بنفسي امشي للعباس والحسين جا شنهي ربي وحد مو جوريه وصفيه وحته اسماء مرت صلاح تمشي وياكم .
جوريه : ترخص محمد وراح لحجرتنه كال تعبان اريدن أناملي شويه وره عشر دقايق كاعدين نسولف وصاحني للحجره.
حسنه: ضحكت روحي اخوي يستحي يعبر على فرحتي كبالنه .
جوريه : كمت رحت صفيه اول ما حسنه حجت هيه كامت وراحت لحجرتهه حسيت بكسرتهه وكلش كسرت خاطري ودعيتلهه بكلبي مثل ما فرحت تفرح طبيت لحجرتي ولكيته كاعد على التخت وعيونه يحجن بلفرح كام تقدملي اجه باسني براسي بلهفه وحجه.
محمد : الف مبروك يعافيتي ماتعرفين الفرحه البكلبي متنوصف تعاي كعدي رتاحي .
جوريه : تقدمت كعدت على التخت شفت شي طالع منه شويه لونه ازرك ومغطه كعدت يمه كتله والله انا ماحجيت هيج ادري بيك زعلان عليه .
محمد : خلص السالفه راحت حبيبه والبارحه حسنه حجتلي الصار اليوم جيت اعتذرلج وماريدن تشيلين عليه بكلبج ولا عبالج نسيتج بهديتج من جيت لا يبعد كلبي انسه روحي وما انساج هاي هديتج استحيت اطلعهه كدامهم كلت انطيج ياهه بلحجره.
جوريه : بجيت وخليت راسي على صدره وكتله أنا ماتهني لا هديه ولا شي بس انا ساعتهه حسيت بنفسي غريبه .
محمد : هههههه اي انتي صدك غريبة كلبي .
جوريه : طلعلي الغراض ثوب ازرك حلو كلش وطلعلي تراجي ام اليره فضه تخبل تسلم يا بعدهلي أنا رضاك عني عندي احلا هديه.
محمد : شنهي حبيبه هاي هيج الحمل يخليج تتغزلين بيه جا منا وهيج يوميه تحبلين هههه .
جوريه :ضحكت والله استحيت من حسنه حجت وكلهه كاعده .
محمد : وليش الخجل أبويه انتي حلالي وهذا الشي الله محلله والله لو تعرفين شنهي من شعور صار عدي والفرحه الحته الكاع ماشايلتني يجوري انتي حققتيلي حلم عمري المستحيل بفضل الله وفضلج أنا راح اصيرن اب.
جوريه : الحمدلله وشكر وانا هم فرحانه لفرحك عبن راح تصير اب تقدم عليه باسني قوي براسي وجر نفس وكلي محمد :نامي رتاحي اليوم راح اعفيج عبنج تعبانه وانا اروحن لصفيه ماريدن اكدر خاطرهه . ..
جورية: يارب يفرحهه مثل فرحتي واكثر.
محمد : اروحلج فدوه لكلبج الطيب.
.
ضويه : ردينه البغداد أنا وعمتي ام صادق وعمي وصادق وجني ويانه ثنين من عماتي ونسوان عمي وبناتهم علمود العرس عمامي ولدهم كالو قبل العرس بيومين نجي بقو يمنه بغداد سبوع بيتنه نخبص ناس طابه وناس طالعه وتحضرات أهل بغداد مو مثلنه احنه دشداشتين ونلبس ثوب ابيض بليله العرس همه يردون زفه وعرس وفرقد بيت وحيده بس العرس بيتنه .
صادق : ها خويه بشر على قياسك القاط.
فرقد : عاشت ايدك والله انت فنان اله ما كتلي لايكلي لا .
صادق: طالع جنك من ذول البشوات والافنديه بس أنا كلت نزفك بزينه يخوي محله الزي العربي .
فرقد: اي والله هوه حلو بس انا عاجبني القاط خافن تحجي هيج جي مانطيتك تعب الخياط هههههههه.
صادق : جا شنهي اخيطلك بلاش هههههههه حضر فليساتك شويه حرك جيبك المن ضامهن ماتكلي .
فرقد : لو تحجي منا لباجر مانطيك ياله في امان الله ههههه.
صادق : الله وياك لا تنسه تمر على ابو عمر توصي على القماشات كله حاول باجر يجيبهن
صادق : رجعت للبيت لكيت ضويه تبجي بصوت طبيت ركض عليهه اشوف شكو ...........
الى هنا ونختم بارت اليوم نتضروني البارتات الجايه كلهه احداث مشوقه القصه بدايتهه حتكون هادئه نوع ما لكن انتضروني فلحماسسسسس.......................
