رواية ورطة الفصل السابع 7 بقلم سما

مروان كان قاعد في أوضته خلص شغله وقفل اللاب توب وفتح موبايله..

مروان: إيه يا شمس فينك كده..اما ارن عليها..

ورن عليها بس مردتش..رن تاني وبعد ثواني ردت..

شمس: نعم!!

مروان: الناس بتقول ازيك عامل ايه مش نعم!

شمس: ازيك عامل ايه بترن ليه بقي؟

مروان: الحمد لله كويس..انت عامله ايه؟

شمس: كويسه..

مروان: كان مالك كده الصبح مكنتش طايقاني..

شمس: ومش هطيقك ليه..

مروان: معرفش منا بسألك..

شمس: مفيش حاجه..

مروان: طب انزلي عايز اديكي حاجه..

شمس: حاجه إيه؟!

مروان: جايبلك حاجه..

شمس: مش عايزها.

مروان: عشان تعرفي بس انك مضايقه..

شمس: أستغفر الله انت هتخليني مضايقه بالعافيه..

مروان: طب خلاص إنزلي..

شمس: مش قادره انا..

مروان: معلش تعالي علي نفسك..

شمس: طيب هنزل اهوه..

مروان: يلا متغبيش..

شمس: ماشي.. 

بعد شويه شمس نزلت ومروان كان واقف مستنيها..

شمس: خير..

مروان: يساتر يارب..

شمس: إيه؟!

مروان: مالك مبوزه ليه كده؟!

شمس: هو انا كده..

مروان: طيب خلاص..

شمس: هااه عايز إيه؟

مروان: قوليلي مضايقه ليه بس الاول.

شمس: مفيش..

مروان: انتي سمعتي وانا بكلم في الموبايل الصبح صح؟

شمس: اه ربنا بينك علي حقيقتك..

مروان ضحك وقال : انتي فهمتي إيه بس..

شمس: ياعم انا مليش دعوه تكلم مين وتعمل إيه بس علي الاقل احترم اني في حياتك..

مروان: والله مش زي مانتي فكره..ده شغل 

شمس: شغل تقولها خلي الموضوع بينا..

مروان: ايوا والله هي كانت عامله مشكله في الشغل وكانت هتقول للمدير ويحصل مشكله فنا قلتلها لا انا هحلهالك من غيرك ما يعرف..

شمس: بجد؟!

مروان: والله ما بكدب..

شمس: خلاص فهمت غلط..

مروان: انا عمري ما اعمل كده دي مش اخلاقي..

شمس: منا استغربت برضو..

مروان: عموما اي حد مكانك هيفهم كده بس بعد كده تيجي وتواجهيني ونحل الموضوع..

شمس: حاضر

مروان: خليكي واثقه فيا شويه..

شمس : هحاول..

مروان: يعني انتي مش بتثقي فيا؟!

شمس: يا عم بهزر..

مروان: بحسب طب مش عايزه تعرفي انا جايبلك إيه

شمس: وريني..

مروان وهو بيديها شنطه: اتفضلي يستي..

شمس : إيه ده وفتحتها وبصتله بابتسامة..

مروان: عجبوكي..

شمس بفرحه: انت جبت الروايات دي ليا؟

مروان: مش انتي قلتي انك نفسك تجيبهم..

شمس بابتسامة: انا مش عارفه اقول ايه بجد انت فرحتني اوي دلوقتي..

مروان بابتسامة: منا جايبهم عشان افرحك..

شمس بابتسامة: شكرا بجد يا مروان..ربنا يخليك ليا..

مروان سكت وثواني وهو باصصلها بابتسامة وقال: ويخليكي ليا..

شمس كانت مبسوطه لانها كانت عايزاهم فعلاومروان كان فرحانه لانه شايف السعاده دي في عنيها..

مروان: بس دي حاجه بسيطه..مش مستاهله الفرحه ده كلها..

شمس: بالنسبالي مش بسيطه خالص..وشكرا انك فكرت فيا..

 مروان: العفو..ده واجبي..

>>>>>>>>>>>>>>>>>>>>>>>>

شمس: يا ماما مش هتأخر..

زينب: لا مش هتروحي..

شمس: بقولك خطوبه صاحبتي..صاحبتي اوي.

زينب: مش هتروحي لوحدك يا شمس..

شمس: يعني هروح مع مين..

زينب: انتي مش مخطوبه خدي خطيبك معاكي..

شمس: اه صحيح..وانتي يعني عايزني اروح مع خطيبي لوحدنا..

زينب: اه

شمس: امهات اخر زمن..

زينب: مروان ده عيل متربي..

شمس: اه الصراحه..اما اروح اقوله..

زينب: ماشي..

شمس دخلت اوضتها ومسكت موبايلها ورنت عليه..

مروان: الو يا شمس..

شمس: ازيك يا مروان عامل ايه؟

مروان: الحمد لله..فيه حاجه ولا ايه؟

شمس: بص يا مروان عايزاك تلبس اشيك حاجه عندك وتنزلي..

مروان: ده ليه؟

شمس: عايزاك في مشوار ساعتين..

مروان: طيب لو مفهاش تدخل يعني ممكن اعرف هنروح فين؟

شمس: خطوبه صاحبتي..

مروان: الف مبروك بس انا مالي..

شمس: مانت لازم تيجي معايا امي مش هترضي توديني من غيرك..

مروان: طيب يا شمس..

شمس: متعملش شبه اللي مغلوب علي امرك كده..

مروان: مين قال كده بس دنا في قمه سعادتي..

شمس: يلا هخليك تفك عن نفسك شويه..

مروان: اه ربنا يكرمك..مش عارف من غيرك كنت هعمل ايه..

شمس: بوس ايدك وش وضهر علي النعمه اللي انت فيها بقي..

مروان: اه طبعاا..

شمس: يلا قوم البس..

مروان: حاضر حاضر..

شمس: احلي كلمه احب اسمعها منك..

مروان: هقول ايه بس..عندي غيرها..

بعد شويه مروان كان واقف مستنيها عند العربيه وهي كانت جايه اول ماشافها مقدرش يشيل عينه من عليها..

شمس: متأخرتش صح؟!

مروان بابتسامة: انتي تتأخري براحتك..

شمس: افهم من كده انك بتعاكسني..

مروان: يعني اه..

شمس: شكلي حلو؟

مروان بابتسامة: خطيرر والله..

شمس بابتسامة: شكرا..وانت شكلك حلو برضو

مروان بابتسامة: مش احلي منك..

شمس اتكسفت وخدودها احمرت وقالت: يلا نركب..

مروان: ايه ده انتي بتتكسفي وكده..

شمس: هو انت مبتعرفش تبقي حلو للاخر..يا ساتر عليك..افتح الباب خليني اتنيل اركب..

مروان ضحك وقال: اهوه بالراحه طيب..

شمس: وسع عشان اعدي..

مروان ضحك وقال : إيه اللي خلاني اتكلم بس..

شمس: معرفش والله..

مروان: طب خلاص طيب..بقي القمر ده يزعل..

شمس: بلا قمر بلا بتاع بقي..

مروان: ايه ده بقي!

شمس: إيه؟

مروان: فين الدبلة يا استاذه..

شمس : اه صحيح..معيا في الشنطه..

مروان: وبتعمل إيه في الشنطه..

شمس: هلبسها اهوه..

مروان: وقلعاها ليه اصلا..

شمس: هو تحقيق؟

مروان: يعني انتي شايفه اني عادي تقلعي دبلتك..

شمس: اه عادي..انا قلعتها عشان مش بحب البس حاجه في ايدي..

مروان: طب اسكتي بقي يا شمس..

شمس: ايه اسكتي دي متزهقش عليا..

مروان: لا ازهق..عشان انا لما بعمل حاجه وبتزعلك بعتذر بس انتي مش بيفرق معاكي زعلي من الاساس..

شمس: مين اللي قال كده..انا فعلا صوابعي بتوجعني..مش بحب البس خواتم

مروان: تمام..

شمس: يعني ايه تمام..

مروان بص علي الطريق وساق ومردش عليها..

شمس بصتله بنرفزه وبعدين بصت من الشباك..

بعد حوالي نص ساعه وصلوا قدام القاعه ومروان وقف العربيه من غير ما يتكلم وشمس فتحت الباب ونزلت وهو كمان نزل..

ومشيوا مع بعض من غير كلام..

شمس كل شويه تبصله بس هو متجاهلها..

وكان رايح يقعد علي الترابيزه..

شمس: مش عايزه اقعد هنا..

مروان قعد ومردش عليها..

شمس: انت مش بترد عليا ليه؟

مروان: ممكن تتفضلي تقعدي..

شمس: لا مش هقعد هروح ارقص..

مروان: روحي اتفضلي..وارقصي في نص القاعه هنا عشان كله يتفرج..

شمس: علفكره انا بهزر..

مروان: ماشي..

شمس قعدت جنبه وقالتله : خلاص بقي يا مروان..

مروان: شايفاني اتكلمت..

شمس: ماهي دي المشكله منا عايزاك تتكلم..

مروان: هتكلم ليه كلامي ملوش لازمه..

شمس: لا علي فكره..طب مانت قلتلي اقعدي هنا قعدت..ليه لازمه اهوه..

مروان: ماشي..

شمس: هو ايه اللي ماشي ماشي..خد صورني طيب..

مروان: مبعرفش..

شمس: ما خلاص بقي يا مروان..لبستها اهوه..

مروان: كنتي اعملي كده من نفسك..

شمس: ما خلاص بقي فك كده..

مروان: اقوم ارقص فوق الترابيزه يعني ولا ايه؟

شمس ضحكت وقالت: مش قصدي بس افرد وشك كده..

مروان: خلاص ماشي

شمس:  شكلك لسه زعلان..والله انا مبحبش ازعلك..وعلفكره بيفرق معايا مش زي مانت فاكر..

مروان بيحاول يخبي ابتسامته: طيب خلاص..

شمس بابتسامة: طب اضحك طيب..

مروان: هضحك علي ايه؟

شمس: هقولك نكته..

مروان: قولي..

شمس: تعرف ليه المحامي بيفطر في رمضان؟

مروان: لا ليه..

شمس وهي بتضحك: عشان بيوكلوه قضيه ههههههه...

مروان وهو بيضحك وقال: وحشه..

شمس: امال بتضحك ليه؟

مروان: عشان هي وحشه اوي..

شمس: طب اقولك واحده غيرها..

مروان: لاااا

شمس:  هقولك واحده حلوه مره.......

>>>>>>>>>>>>>>>>>>>>>

تاني يوم في الشركه عند هنا..

هنا كانت قاعده بتشتغل آسر راح عندها..

آسر : الواحد نفسه بقت تتفتح علي الشغل والله..

هنا: ليه؟

آسر: طول منا معدي كده عيني علي الحلويات اللي قاعده دي..

هنا: انت مبتزهقش..

آسر: المفروض انتي اللي تزهقي بقي وتقولي بحبك ونجيب دبلتين ونخلص 

هنا: مش بالعافيه هو..

آسر: طيب اديني مستني..

هنا: ربنا معاك بقي..

آسر : تعرفي ايه اللي جابك الشركه هنا دعوات أمي..

هنا: بجد؟ يعني مش مجهود وتعب السنين دي كلها.

آسر: تؤ..

هنا: انا خايفه احسن يحصلي غسيل مخ من كلامك ده واصدقه..

آسر: قريب بإذن الله..

هنا: دعوات امك برضو؟

آسر: هو فيه غيرها ست الكل..

هنا: ممكن أكمل شغل؟

آسر: طبعا..بس متشتغليش كتير عشان متتعبيش..

هنا: حاضر..

آسر: مع السلامه خلي بالك من نفسك..

هنا: يعني ايه هو انا هتخطف مانتي جنبي اهوه..

آسر: اهم حاجه انك عارفه اني جنبك..

هنا: مش قصدي جنبي قصدي في الشركه يعني..

آسر: خلاص متبرريش الكلام بيطلع من القلب لوحده..

هنا: يارب صبرني عشان مهبدوش بحاجه..

آسر: يلا لو عوزتي حاجه شوريلي..

هنا: لا..

آسر: هتلاقيني قدامك. 

هنا: قلت لا..روح بقي. 

آسر: سلام يا هنون..

هنا: وصلت لهنون!!

>>>>>>>>>>>>>>>>>>

في كلهم كانوا متجمعين وقاعدين يتكلموا..

شمس: وريني بقي يا مروان..

مروان: يستي لا شكلي كان وحش..

شمس: يا عم بس وريني متخفش مش هألس..

مروان: اهوه يستي..

شمس ابتسمت: ياختي عسل شكلك كان كيوت اوي وانت صغير..

مروان بابتسامة: بجد؟

شمس: ايوا..

مروان: طب وانا كبير ايه الدنيا؟

شمس: ايوا عايز ايه يعني؟

مروان: بلي ريقي..

شمس: اشرب عصير..

مروان: طب وريني صورتك كده..

شمس: استني..اهيه..

مروان بابتسامة: شكلك زي مانتي..

شمس بابتسامة: اه متغيرتش اوي ودي في حفله تخرجي..

مروان: مين اللي جنبك ده؟

شمس: ابن عمتي..

مروان: وواقف جبنك ليه؟

شمس: بنتصور عادي..

مروان: امم قدك ده..؟

شمس: ده اكبر مني متجوز ومخلف..

مروان: اه..خلاص اتصوري براحتك..

سلوي: وانتوا بقي يا ولاد..مفكرتوش تعملوا كتب الكتاب اوكده..

شمس كانت بتشرب مايه شرقت..

سلوي: سلامتك يا بنتي..

مروان: علي مهلك يا شمس..

شمس: لا يا طنط يعني لسه بدري..

مروان: ايوا شمس معاها حق..

سلوي: قصدي تفكروا في الموضوع يعني..

زينب: اه خلينا نفرح بيكوا

شمس: ان شاء الله..

مروان قرب من شمس وقال بهمس: هما هيبدأوا من دلوقتي..

شمس: ربنا يستر..

الفصل الثامن من هنا