رواية ومن الحب ماقتل الفصل العاشر
وتخرج عبير مشرط من اللي يستخدمه الدكاترة في العمليات والمعروف عن المشرط انه حاد جدا ويشوف عاصي المشرط في ايد عبير وعبير رايحة بالمشرط ناحيه رقبه عاصي علشان تذبحة ويمد عاصي ايدة علشان يمنع عبير ولكن ايد عبير كانت اسرع ودخل المشرط في رقبه عاصي
ومن الحب ما قتل
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
اتوجع عاصي لما المشرط لمس جلد رقبته وصرخت شمس وقامت وهي مفزوعه من الكوشة ولكن الغريب ان عاصي ما أتاذاش وما حصلوش اي حاجة لان المشرط كان تقليد للمشرط الحقيقي بالظبط ودة بيستخدمو في افلام السينما و الطعنه وجعت عاصي بس وبص عاصي ل عبير وهو بيحسس علي رقبته ومستغرب ان ما فيش دم نازل فضحكت عبير وقالت
مالك خوفت ليه كدة. هو انت مش راجل وبتعرف تاخد بت علي خوانه
وميل عماد علي ودان عاصي وقال بحدة
متخافش انا مش هاخليك تموت الا موته تليق بيك وكمان مرة الف مبروك يا عريس
وبص عماد لعبير وقال
خدي الصورة التذكارية مش يلا بقي
مشيت عبير مع عماد وعاصي قلبه بيدق اوي وبسرعه
و باصص لهم وشمس قالت
انت كويس
بص لها عاصي وهو بيبلع ريقه بالعافيه و مبرق عينيه مش قادر يرد من الخضه وكل الموجودين في الفرح باصين ناحيته، ،،،،
ومن جوة اوضة نوم شمس عاصي قاعد علي السرير بعد ما قلع جاكت بدلته وكان ساكت شمس قعدت جنب منه وقالت
انت هاتفضل ساكت كدة
عاصي
عايزاني طيب اتكلم اقول ايه
شمس بضيق
تقول ايه. دي ليله دخلتنا يعني المفروض تكون فرحان اكتر من كدة
عاصي بنرفزة
بقول لك ايه انا مش فايق كفايه اللي عملته عبير في الفرح مش مخليني لغايه دلوقتي عارف اقف علي رجليه
شمس
هي صحيح عملت ليه كدة
عاصي
عشان مجنونه. فكراني بحبها وممكن اتجوزها
شمس بدلع
اومال انت بتحب مين
عاصي يقول بقله مزاج
بحبك انتي
شمس اللي لحظت طريقته
ومالك بتقولها ليه كدة وانت قرفان. أيه للدرجه دي زعل عبير مزعلك
عاصي بعصبيه
يواااااااا. انتي عبيطه ولا هبله عبير ايه دي اللي هافكر اتجوزها دي واحدة مجنونه وكانت عايزا تقتلني
شمس
يعني انت بتحبني زي ما انا بحبك
عاصي بزهق
اه. طبعا
وبلع ريقه بالعافيه وقال
انا ريقي ناشف ماتجيب لي عصير من التلاجه
شمس
بس كدة من عينيه.
وخرجت من الاوضة بسرعه وعاصي قال لنفسه
ولاد الكلب عايزين يقتلوني طيب وحياة اللي خلفهم لتغدي بيهم قبل ما يتعشوا بيه
وتدخل شمس الي الاوضة ومعها كوبيه عصير برتقال فيمسك عاصي منها كوبيه العصير ويشربها كلها علي مرة واحدة ويضع الكوبيه بجانبه فتجلس شمس امامه وتقول بدلع
هاتفضل كدة. مكشر
عاصي بحنيه مصطنعه
لا. طبعا هو في حد يشوف القمر ويكشر
شمس
اسكت مش انا عملت اللي انت طلبته مني وقولت لماما ماتقعدش معانا في الفيلا لكنها ردت عليه رد وحش وقالت ان انت متجوزني طمعان في فلوسي وانها مش هتوافق علي الجوازة دي فقولت لها انا مش عايزا فلوس انا كفايه عندي عاصي هو بفلوس الدنيا كلها واتنزلت لها عن كل املاكي بس طلبت منها انها تسيبني اعيش في الفيلا يومين لغايه ما ننقل في شقتك
اتصدم عاصي وشرق من شدة المفاجاة وبخ العصير اللي كان في بوقه وفضل يكح ويكح لغاية ما شمس جابت له مية وشرب وبدات الكحة تروح لكنه ما كنش فارق مع الكحة وبص ل شمس وهو مخنوق وقال
يعني ايه. مافيش اي حاجه دلوقتي مكتوبه باسمك
شمس
لا. انا اهم حاجه عندي انت
عاصي بغضب شديد
انتي بتقولي أيه. انتي باين عليكي هبله ده حقك ازاي تسيبي حقك كله لي امك
شمس
وايه يعني انا اصلا نصيبي في الورث كله كان 30% بس
عاصي وقع بلسانه
ازاي انا اللي اعرفه انك ليكي 70 % من قيمه الورث وامك ليها 30% بس
شمس باستغراب
وانت عرفت ازاي الكلام ده
عاصي بارتباك لان شمس ماقاليتش لي قيمه ورثها قبل كدة وهو عرف الرقم ده من عبير وهي بتتفق معه فسكت عاصي مش عارف يرد يقول ايه ولكن شمس عادت السؤال وقالت
عرفت ازاي
عاصي
منك
شمس
احنا متكلمناش ابدا في الموضوع ده
عاصي
لا اتكلمنا بس انتي ناسيه
شمس
يمكن. عموما في داهيه الفلوس المهم اننا مع بعض
عاصي وبدا يبان وشه التاني
لا. مافيش منه الكلام ده. لازم يكون في فلوس عشان نكون مع بعض
بصت له شمس باستغراب شديد وكانها بتشوفه لي اول مرة علي حقيقته فلاحظ عاصي انه لخبط فقال بسرعه
حبيبتي الفلوس مهمه في حياة اي بني ادم عشان نعيش مع بعض من غير مشاكل
شمس
الحب اهم من الفلوس
عاصي
لا. الفلوس اهم من الحب والا ما كناش اتجوزنا
شمس
يعني انت متجوزني عشان فلوسي
بص لها عاصي وما ردتش وفجاة مسك عاصي دماغه واتوجع اوي ووقع علي الارض وهو بيصرخ زي الاطفال فتنزل له شمس وتحاول تخفيف الالم عنه لكنها ما قدرتش تعمل مع حاجة ،،،،،
وبعدها بيومين ومن جوة احدي المستشفيات الخاصة ينام عاصي علي سرير وجنبه تقعد شمس وقصاد منهم دكتور كبير استشاري في امراض المخ والاعصاب وكان باصص لعاصي وبيقول بصوت حزين
أنا اسف. بس لازم تعرف اللي عندك عشان تقدر تتغلب عليه
القلق سيطر علي عاصي وشمس حالها ما اختلفش كتير عنه وكمل الدكتور وقال
احنا عملنا لك تحاليل واشعه مقطعيه علي مخك وكلها اثبتت انك مريض بورم خبيث في المخ لو ما تمش استصاله في خلال أسبوع ممكن تموت
اتصدمت شمس وصرخ عاصي وقال بانفعال
انت كداب انا سليم وعمري ما اشتكيت من دماغي انت ما بتفهمش حاجه انا سليم ومش هاموت دلوقتي
الدكتور
انا مقدر الحاله اللي انت فيها بس ياريت تهدي عشان العصبيه غلط عليك
فتحضن شمس. عاصي وتقول له
اهدئه ولو عايزنا نروح لدكتور تاني هانروح
عاصي،
ايوة هانروح دة كداب
ادي الدكتور لشمس الاشعه والتحاليل الخاصه بعاصي وقال
من حقكم. تروحو تكشفوا عند أي دكتور تاني بس من فضلك لازم باسرع وقت يعمل العمليه والا هايموت
عاصي
اسكت انا مش هاموت انا مش هاموت
ويكررها عاصي اكتر من مرة وتاخدة شمس وتخرج بي من المستشفي ويروحوا لعيادة خاصه لدكتور كبير ويتم الكشف علي عاصي ويقول الدكتور نفس كلام الدكتور الاول. وانه لازم يعمل عمليه هاتتكلف 200 الف جنيه واتصدم عاصي وصرخ وصرخ وبعد يوم طويل ترجع شمس ومعها عاصي الي الفيلا وتفتح باب الفيلا علشان تلاقي وداد قاعده في الفيلا ومعها بودي جارد وبتبص وداد لعاصي وشمس وقالت
اليومين خلصوا جايه ليه
شمس بدهشه
يومين ايه
وداد
اليومين اللي انتي طلبتيهم مني. لغايه ماتنقلي انتي وجوزك في شقته
شمس
بس دي فيلتي
وداد
كانت فيلتك انتي اتنازلتي عن كل املاكك ليا واخترتي تعيشي مع ده حلال عليكي
شمس
امي عاصي تعبان جدا ومحتاج يعمل عمليه باسرع وقت اديني 200 الف جنيه
فتضحك وداد ضحكه ترن في في الفيلا كلها وتقول
انا زي ما انتي قولتي واحدة واطيه وكدابه تفتكري اطلع مبلغ زي ده عشان اعلاج بي الخسيس ده
وتبص لعاصي الذي كان باين عليه التعب والاعياء الشديد وقال بصوت الغلبان المسكين
حقك عليه انا غلط في حقك وعايزك تسمحيني
وداد
لا. ماتقولش كدة. ده انا بحبك لدرجه اني كنت عايزاك تعمل معايا حاجات انت ماترضاش تعملها وياما بعت لك رسايل علي الواتس بتاعك
عاصي
ماحصلش الرساله اللي شافتها شمس دي اتبعتت ليا بعد ما انا هكرت موبيلك وكل ده عشان ابعدك عن شمس واقدر اخد منها فلوسها كلها
شمس وهي مصدومه من اللي بتسمعه وبصت له باستغراب وقالت
عاصي انت بتقول ايه
عاصي بزهق
بقول اللي انتي سمعتي ومش ناقص مناهدة
وراح ناحيه وداد ونزل عند رجليها وباسها وهو بيقول بترجي
ابوس رجليك انتي الوحيدة اللي تقدري تنقذيني من اللي انا في أديني فلوس العمليه وانا هاسدهم ليكي في خلال شهر بس اخف انا مش عايز اموت
بصت له وداد وهي شمتانه وقالت
بس ده مبلغ كبير قوي هاتسدة ازاي. ولا زي مالناس بتقول البرشام بيكسب كتير قوي
عاصي
قوي فوق ما تتخيلي
شمس وقلبها بيتحرق
عاصي انت بتقول ايه
عاصي وهو باصص لشمس
اسكتي بقي. انا مش ضايق اسمع صوتك
وداد
طيب قوم أقف علي رجليك
وقف عاصي بصعوبه وهو بيعيط ل اول مرة في حياته ونفسه مكسوره وقالت وداد
عايز الفلوس تطلق بنتي بالتلاته وبعد ماورقتها تيجي لغايه عندي هاخليك تعمل العمليه. وهاعتبر فلوس العمليه دي انا أشتربت بيها بنتي
وبلا اي تردد بص عاصي ل شمس وقال
أنتي طالق
تنزل الكلمه علي ودان شمس كانها نار جهنم بتحرقها وصدرها احترق وكأن رصاصه اخترقت قلبها وتعيط شمس بحرقه وتبص لعاصي وتقول له
حسبي الله ونعمه الوكيل. والله حلال القتل فيك عشان اخد حق قلبي
وتجري الي اوضتها مسرعه ووداد تبص علي بنتها وقلبها بيتقطع وتقول للبودي جارد
خرجوا برة
فيشيلو البودي جارد عاصي وعاصي يقول
ورقه طلاقها هاتكون عندك بكرة بس اهم حاجه اعمل العمليه واعيش. انا مش عايز اموت مش عايز اموت، ،،،،،،،
وبعدها بيوم يتم تجهيز عاصي للعمليات وكان فرحان اوي انه هايعمل العمليه ووداد صدقت وعدها معه ودفعت فلوس العمليه. ووقت ماكان علي الترولي الخاص بالعمليات يقف الدكتور اللي هايعمل له العمليه ويقول له
استاذ عاصي نتيجة اخر تحليل واشعة اتعملو امبارح بالليل اثبتو ان الورم انتشر في الجسم واحب اقول لك انا ما فيش عمليه هاتتعمل
عاصي بنرفزة
ليه
الدكتور
انت في المرحله الاخيرة من المرض ومافيش امل انك تعيش
وقف عاصي ويمسك الدكتور من ملابسه ويقول
انت ازاي بتقول كدة انا هاعيش فاهم يعني ايه هاعيش اعمل العمليه
الدكتور وهو يبعد ايد عاصي عنه قال
صدقني انت هاتموت خلال يومين. انا اسف كمان مرة
وخرج الممرضين عاصي من اوضة العمليات بمنتهي القوة وعاصي بيحاول ان لا يخرج ويقاوم معهم وهو يقول لهم
انا مش عايز اموت مش عايز اموت، ،،،،،،،،
