رواية النصاب الفصل الثالث عشر بقلم جمانه السعيدي
بان....بس لزمت التليفون ساره اجاها اتصال
من عصام
ااشرتلي اسكتي
ساره...الووو
عصام...هله بهلصوت
بان...راسا فتحت الصوت حتى اسمع الحجي بينهم
ساره...تفضل
عصام...ليش الحجي رسمي بينا
ساره...نعم شلون تريدني احجي وياك
احنا ماكو بينا غير العمل هذا اذا تم هذا العمل
عصام...انشاء الله يتم
ساره...يعني افهم انت موافق تدخل شريك ويانا
عصام...اي طبعا موافق ياريت هاي الشراكه تكون بكلشي
مو بس بلعمل
ساره...شلون يعني
عصام...انتي مرتبطه
ساره..ليش هذا السؤال . تريد تخطبني
عصام.. اي ولله يوم السعد يوم الهنى اني امي داعيتلي وهيه بكبرها
ساره...انت امك ميته
عصام.. اي وعايش وحداني واتمنى الكه وحده تشاركني
حياتي
ساره...الله يرحمها
عصام...ويرحم والديج
ساره......من فضلك نحجي بلعمل وبس
عصام...العمل اتفقنا علي شي وخلصنا منه
بس احجيلي شلون اكدر افوز بلوجه الحسن
ترا اني من شفتج لسه عقلي طار مني
ساره....نحجي بلعمل من رخصتك انت عندك فلوس كاش
لان هيج مشروع مو مال لعب
وشكد عندك
عصام....كاش ماعندي هواي بس عندي املاك
ابيعها وادخل شريك وياكم
ساره..شنو املاك يعني خاف شغله ماتسوه وتورطنا
عصام...لا شلون ما تسوه عندي اربع محلات
وعندي بيت بمنطقه تخبل صح مو جديد كلش
بس مساحته جبيره وموقعه يخبل
من باجر أعرضه للبيع وادخل وياج شريك
جمانه السعيدي
ساره...شكد قيمة هاي الاملاك كلها شكد تسوه
عصام.....ايجوز كلها يوصلن مليار واكثر شويه
ساره...بس بس هيج لو عندك شي غيرهن
عصام...عندي تقريبا ٢٥ مليون بلمصرف
ساره...هاي هيه ماتكدر توفر فلوس اكثر
لان كلما تصعد نسبتك يصعد الوارد اكثر
عصام .خل اشوف خالتي تدخل وياي وانطيها تسبه من الارباح
ساره... خالتك تشتغل بلتجاره
عصام....لا تشتغل خطبه
ساره...شلون تدخل ويانا بنسبه الخطبه بلعراق تحصل فلوس هواي
عصام...لا بس هيه عدها شغل غيره
ساره ....تمام .الاملاك ذني الك الك لو اكو واحدشربك وياك مثلا خالتك
عصام...لا ملكي ورثتهن من اهلي
بان...فتحت عيوني وكوه سديت حلكي شكد جذاب
حرامي وجذاب
الله يلعنك ياناقص وين تروح من رب العالمين
ساره....شوف هاي الاملاك شكد تسوه واني اشتريهن منك
اني محتاجه اشتري عقارات واستثمر بيهن
عصام...شكد ما يوصلن
ساره....شكد ما يوصلن خلي الرقم الي يعجبك
بورقة العقد واني اوقعلك من تسجلهن باسمي
عصام...واذا ملياربن
ساره...هااا صعدت السعر عليه
بس ميخالف موافقه
ساره......( طبعا هنا ما يوصلن هيج سعر بس عود هو شاطر
يريد يضحك عليه )
ساره..... حتلو مليارين اني موافقه وحتى بدون مااشوفهن على كلامك موافقه اشتري منك
عصام..اتفقنا اني مراح اعرضهن للبيع حتى لا تنفتح العين عليه كبل اسجلهن باسمج
وادخل بفلوسهن شريك شنو رائيج
ساره..... تمام وخالتك شنو موضوعها
تدخل ويانا لو لا
عصام. اني اليوم احجي وياها وارجعلج الخير الاخير
ساره...خلاص اني راح اتصل على محامي الشركه حتى يجهز العقد
يبقى بس على التوقيع
راح اوقعلك توقيع واحد ومن تكمل نقل الاملاك باسمي
اوقعلك التوقيع الاخير آتفقنا
جمانه السعيدي
عصام.. موافق لو تكملين فضلج عليه
وتخلينا نرتبط
ساره.. اني مهري غالي مراح تكدر علي
عصام...اطلبي عيوني تاخذيهن اذا استمر الشغل بينا
انقل الشركه الامريكا
حتى ابقى مكابل هذا الوجه الحلو طول عمري
لو اقنعج تزوجيني لو تقبلين تزوجيني
بان...من سمعت كلامه نزلن دموعي شكد نذل
وخسيس الخاطر الله
ساره...اول خل نشتغل سوه واشوف اطباعك
ايجوز افكر بلموضوع
عصام.. اني كلش اليف ومحبوب ورومانسي
ساره....هااا جاي تمدح نفسك
عصام...لا مو مدح هاي حقيقه
ليش انتي هلكد عمليه انطي نفسج مجال تتعرفين
على واحد مثلي بلكت تحبي
ساره...تعرف انت فعلا لطيف
عصام...مو كتلج لا الشغله تبشر بخير
يالله يمكن راح يجمعنا سكف واحد
ساره.....طموحك عالي
عصام..الي يشوفج شلون ما يعلى طموحه
اريد اسئلج ليش لحد الان ما مزوجه
ساره... لان مالكيت الانسان المناسب وكرست حياتي كلها
للشغل بس اذا اصادف انسان مناسب
اغير رائي وارتبط
عصام...اهلج بامريكا
ساره...اي اهلي بامريكا
عصام.. انتي هنا كاعده وين
ساره.. بيت صديقتي بس اخلص شغلي ارجع الامريكا
عصام...شنو رائيج نسافر سوه حتى نتعرف أكثر واحد على الثاني
ساره...لا هاي هيه المشروع نجح اذا من البدايه تريد تعوف
الشغل وتسافر وياي
عصام...خبلتيني ماشايف هيج وحده وشخصيتها قويه
ساره.. انت شعجب لسه مامزوج
انت مو زغير ماشاء الله حلو وتاجر
يعني ما ناقصك شي
عصام...منتظر بنت الحلال الي تستاهل ارتبط بيها
واكمل حياتي وياها
ساره.... واذا ما صادفتها
عصام...لا صادفتها وحبيتها وجاي تحجي وياي
ساره...ههه شكد جرئ
عصام...يبوووي الضحكه اجنن
ساره. اني ليش ارتاحيتلك
عصام...لان اني صادق وكلبي طيب
ساره....اذا ابقى بلعراق اكثر احتمال اتهور وازوجك
عصام... يالله خوش خبر
ساره.. تعرف اني ليش مامزوجه
اني انولدت بعائله فقيره وماصدكت لكيت فرصه عمل
بلخارج وسافرت
اني تقريبا بديت من جوه الصفر
خلال عشر سنوات كدرت اكسب خبره
صار عندي رصيد بلبنك اني عندي حاليا
عشره مليون دولار من شغلي وتعبي
((اني متقصده ااكول هيج رقم كدامه حتى ينشغل عن التركيز على الصفقه من سمع عصام بهيج بمبلغ عقله تغيب ومايكدر
يسيطر على نفسه بكلبه يكول ااي هيه هاي الصيده الي جنت انتظرها طول عمري
حلوه وزغيره وعدها فلوس وتشتغل بلخارج ااي توها أبواب السعاده انفتحت كدامي لازم مااعوف هيج فرصه
تروح من عندي
هيج فرصه ماتجي كل يوم
جمانه السعيدي
ساره...وين ؤحت مارديت عليه
عصام...اسمعج ياروحي انتي
ساره...لا موهيج غزل علني كبل اني ليش اتاثرت بكلامك
انت ساحر
عصام...لا مو ساحر بس هلكد ماكلبي طيب وصادق وياج
جاي تشوفيني على حقيقتي
بان....كمت على حيلي من كد العصبيه
هذا شنو من بشر ليش هلكد حيال وانتهازي
ساره...اني وياك لازم نتعرف على بعض اكثر
عصام...اني كدامج ومستعد الاي طلب تطلبي
بس لا تعوفيني
ساره...بس تكمل هاي الصفقه وارجع الامريكا
فتره وراح اسحبك وراي لو متقبل تعوف العراق
عصام...لا شعندي بلعراق حتى اهل ماعندي
ساره.. تمام اروح قبلك وارتبلك الامور وتجي وراي
عصام...ياربي شلون بنيه ماشايف مثلها بكل حياتي
ساره...اروح انام لان اليوم تعبانه حيل
عصام...باجر انوقع الاتفاق
ساره...انوقع اول توقيع لمن تسجل الاملاك باسمي
نوقع التوقيع الاخير
عصام...بس على الرقم الي اتفقنا علي
ساره...ولا يهمك سجل الرقم الي يعجبك اني اثق بيك
عصام.. باجر نكمل كلشي انشاء الله
ساره...طبكت التليفون ااي هسه كمل كلشي
بان...شفتي سلون جذاب
ساره...راح يوكع بشر اعماله حبل الجذب كصير
المهم انتي مطلوب منج باجر ترحين ترفعين على قضية نفقه
بان...صدك
ساره.. اي حتى نساومه لو يدفع نفقه الجهاله
لو يوقع تنازل عنهم ماله شغل بيهم طول العمر
مااريده باجر يكعد يطالب بيهم حتى يحرك كلبج
احتمال اخذج وياي الامريكا تعيشين انتي وجهالج
هناك يمي تغيرين حياتج
بان...انتي وين جنتي اول ماازوجت ليش مااجيتي ونبهتيني على هاي الشغلات
ساره....رب العالمين بعدني عنج حتى تعيشين التجربه
وتعرفين الناس على حقيقتها
بان...واحنا نحجي عصام دز رساله الساره
عصام...خالتي تكول باجر اسحب فلوسي من المصرف
وادخل بيهن وياكم بحصه
ساره...تمام ماكو مشكله
بان...تستاهل خالته لان هيه شريكه بهاي النصبه
ماخافت ربها وهيه تتفق ويا حتى يضحك عليه
لا وتساعده يمثل اعمى حتى ياخذ كلشي مني
ساره...كل واحد يوكع بشر اعماله وعصام وخالته ثنيينهم راح يوكعهم طمعهم
بان....يستاهلون كلشي يصير ببهم
الله اعلم قبلي كم وحده ضاحكين عليها
طلعو عايشين على النصب والاحتيال
ساره.......راح اتصل على ابو زهراء اخوي الجبير يجي ياخذج للمحكمه ترفعين قضيه على عصام قضية نفقه
بان. اني وراج شتكولين اكول حاضر
جمانه السعيدي
بان...ثاني يوم كعدت غسلت للجهال ورضعتهم وعفتهم
بم زوجت وليد اجا ابو زهراء طلعنا للمحكمه
اما ساره ووليد والمحامي راحو للشركه
يكملون الاتفاق ويا عصام
بعد ما المحامي جاب الأوراق المزوره الي اتفقو عليهن
ووليد اخذهن وتأكد ماعليهن اي شبها
ومحد.راح يشك بيهن
بان...بس وصلت خليت المحامي يرفع قضية النفقه
بعد ما كملت كل الاجراءات
دزيت المحامي يتفاوض ويا عصام لو يدفع نفقه
لو يتناول عن الجهال من كل النواحي ماله شغل بيهم
طول العمر
المحامي اخذ النسخه وطلع كبل على عصام
ساره جانت موجوده علمود توقيع الاتفاق
طبعا عصام ووقع وهو ما مصدك نفسه
مايفكر بلاتفاق
بكد مايفكر بكلام ساره البارحه
وشلون يكدر يرتبط بيها ويكوش على فلوسها
وشلون يطلع الامريكا ويستقر هناك
ويصير من أصحاب الشركات
عباله ساره مثل بان يكدر يضحك عليها بسهوله
بان. .... ساره كدرت تشوش على عقله وتقدمله
احلام ورديه من سفر وفلوس وشركات وزواج
خلته ينسى يركز على الموضوع الاساسي
موضوع الصفقه نفسها
ساره...اني محضره العقد تكدر تتأكد منه يله توقع علي
عصام... كلج ثقه عيوني انتي
ميثم...خل اشوفه قبل التوقيع
ميثم اخذ العقد وقرا مابي اي شي يخلي يشك بيها
رجع العقد
وعصام عيونه راح تطلع على ساره وهيه جايه بكامل اناقتها
وجمالها حتى تسحره اكثر
وتخلي مايشوف طريقه
شويه ودخل المحامي الي جايب اواراق قضية النفقه
طلع ميثم يشوف شكووو
رجع يركض على عصام دنك علي حتى يحذره
خاف ينكشف أمره
عصام... ارتبك شويه بعدين كال الميثم ميثم اخذه بمكتبك لمن اكمل
ساره...جانت تعرف هو هذا المحامي الي دزته
بان علمود النفقه
ارتباك عصام كشف الموضوع لان مايريد ساره تعرف هو مزوج
وخاصه البارحه
هو كال اني مامزوج
اذا ساره كشفت هو مزوج ااكيد مراح تقبل
ترتبط بي
ساره...شكو ملامحك اتغيرت
عصام.. لا ماكو شي شغله بسيطه
ساره...خلاص اني اروح واذا كملت إجراءات نقل الملكيه
اتصل عليه
واجي اي مكان تريده
حتى نكمل إجراءات العقد
مشت ساره قبل لا تطلع من الباب
التفت عليه غمزتله وااشرتله اتصل عليه
وهيج عصام اخذ الضربه القاضيه
ووكعن براغي كلبه من هاي الغمزه
بعد مايشوف كدامه
شكرا لزيارتكم عالم روايات سكيرهوم
