رواية انجدني من الغرق الفصل الثالث عشر بقلم امل بكر
"صحيت تاني وانا يوم وانا مبسوطه احساس الامان وامي مش خايفه ده طلع حلو اوي ياجماعه قومت غيرت هدومي ونزلت دخلت المطبخ "
-صباح الخير يا احلا سناء
ابتمست باستغراب ،
-صباح الفل انتي كويسه
-جداً كوبايه القهوة بتاعتي ولا اقولك اعمليلي فطار الاول
-فطار الاول قبل القهوة لا انتي غير انهارده
-فعلاً غير خالص
بدأت تجهز الفطار وانا قعد علي التربيزه مستنيه اتكلمت ،
-اظهار ان دعوتي استجابت امبارح مش كده
كشرت لما افتكرت ،
-لي كده ياسناء بتفكريني
-خلاص مش هتكلم انتي كويسه طيب ؟
"اضيقت بعد لما ارتحت شويه من ان يحيي واقف معايا وهو راجل يعني هيصد بس بابا برده بيعمل الي هو عايزه مهما كان اي محدش بيقف في وشه ابداً ..انا مش عايزه يحيي يضر بسببي وبابا مش هيأثر ومش هيشوف انه ابنه ابداً"
حط الفطار قدامي ،
-خلاص مش هتكلم بس كلي كويس
انتبهت للكل وبدأت اكل ،
-مين الي في البيت ؟!
-محدش كله طلع المدام رياضه والبيه شغل ويحيي اظن شغل برده
هزيت راسي
بفضول هيمنتها لو منطقتش ،
-قوليلي بقي هو طارق بيه سبتيه خلاص ؟.
رفعت راسي ليها وضحكت ،
-ومالك فرحانه لي
-بصراحه ؟
-امم بصراحه !
-مش بحبه يعني مش مناسب ليكي ابداً انتي تستاهلي حد احسن بكتير
-ممكن اسألك سؤال
-طبعاً
-انتي لي ديماً شايفاني احسن معأن انا مش فارقه عنهم يعني الي زي طارق
ابتسمت بهدوء وقالت ،
-مش فكره شبه بعض في المستويات في حاجات تانيه اهم بكتير يعني مثلاً ..الاخلاق ،الاصل كمان ،القلب نضيف من جوه مفيش حقد ولا شر لغيرك انا شايفاكي لسه صغيره مشوفتيش الحياة
قولت بتركيز اكتر ،
-يعني انا مش شبهم ياسناء ؟
-انتي كويسه اوي متلوميش نفسك علي عيلتك بس انتي تقدري تبقي غيرهم ياحبيبتي تقدري تشوفي الحياة الي زي قلبك ياليال
ضحكت ،
-اي ده قولتيلي ليال من غير هانم
ضحكت هي كمان ،
-انا بصراحه بحبك ونفسي تبقي احسن من كده
بصتلها بامتنان وقولت ،
-شكراً ليكي ياسناء انتي الي بتهوني عليا
-ولا اي حاجه انا بعتبرك اختي ..اعملك القهوة ؟
-ماشي
سكت شويه وبعدين قولت بمراغوه.
-سناء هو انتي عندك كان سنه
-٣٤ سنه لي بتسألي ؟
-نهارك ابيض ولسه متجوزتيش!!
بلعت ريقها بخوف وقالت بتأتئه،
-يعني اي خلاص معتش ينفع
بصتلها وهزيت راسي برفض ،
-للاسف خلاص ياسناء
فضلت باصه بسرحان وعماله تفكر ضحكت جامد
-انتي بتفكري في اي !!! طبعاً بهزر
-اوف وقعتي قلبي من الخوف
-بس ازاي انتي شكلك اصغر بكتير مش باين عليكي خالص
بخجل ،
-بجد ياليال ؟!.
-احنا هنهزر اسمي ليال هانم
-الله مش انتي الي قولتي اقولك ليال بس
-اه ياريت قولي اسمي وبس
بصتلي شويه الي هو "انتي تعبانه في عقلك "
-المهم انك لازم تدوري علي واحد
-عريس يعني لا مش هينفع انا بشتغل
-وانتي هتفضلي تشتغلي طول عمرك مش هتعملي عيله زي عيلتنا الجميله
-بس بعد الشر هعملها احسن ان شاء الله
ضحكت ،
-يارب متمنالكيش حاجه زي دي طبعاً
بصتلي بندم ،
-انا مش قصدي ..متزعليش
-مش زعلانه خلينا في موضوعنا انتي متعرفيش حد
بتهرب ،
-لاء معرفش
-والله شكلك عارفه حد وبتحبيه كمان
موبايلي رن وكان "يحيي"
ضحكت بإنشكاح،
-طب هنكمل كلامنا بعدين مش هنساكي هجبلك عريس
ضحكت طلعت الجنينه وانا برد عليه ،
-ايوة ؟
-صباح النور
بابتسامه ،
-صباح الخير انت في الشغل
-لا كنت في مشوار كده انتي لسه في البيت ؟
-اها
-طيب كويس جهزي نفسك هعدي عليكي اخدك مشوار
-في اي ؟ مشوار اي ده ؟
-اهدي هتعرفي لما اوصل ياريت تبقي جاهزه انا مش بحب استني
-تمام انا جاهزه اصلاً
-كويس في الطريق
"قفلت معاه وطلعت جبت شنطتي ووقفت استنيته قدام البوابه وصل بعربيته الرمادي فتحت الباب ونطيت قعد جمبه ،
-شاطره واقفه ومستنيه
-ايوه طبعاً انا منتظمه في مواعيدي
-فطرتي؟.
-اممم لي الاسئله دي يعني مش متعوده
ضحك وهو باصص علي الطريق ،
-والله ولا انا نتعود مع بعض
-هتودينا فين ؟
-عايزه تروحي فين
بصتله ،
-هي دي خروجه ؟
-بالظبط
بعدم تصديق ،
-يحيي والله كده كتير عليا
-بس متقوليش كده احنا بنعمل الطبيعي ياليال
سكت وانا بصاله بامتنان
-هااا عايزة تروحي فين
فتحت موبايلي،
-استني شوفت مكان تحفه من كام يوم بس معرفش فين
بسخريه ،
-برافو عليكي انا عرفت فين دلوقتي
ضحكت وانا بوريله صوره المكان ،
-طب شوف الصوره يمكن تعرفه
-لي مشعوذ هعرف ازاي !
-بص طيب
بص عليها وقال ،
-امم ده انا عارفه روحته كتير اوي
-حلو ده يلا بينا نروحه ده فيه اكل خطير كل الريفوهات عنه حلوه انا بقالي كتير عايزه اروحه واخيراً
بصلي ببرود ،
-ليال كفايه صدعت هوديكي ليه خلاص اهو
بانبساط،
-طيب ماشي انا كنت عارفه انك هتعرف المكان اصلاً
-ماشي اسكتي بقي لغيت لما نوصل
بعد 15m
ركن العربيه بصيت بفرحه ،
-وصلنا ؟
-ايوه المحل قدامك اهو
-فين ده مش شايفه ؟
شاورلي ،
-اهو
بصيت بتركيز وبعدين قولت باستغراب ،
-بس ده مش نفس الصوره واسمه كمان غير
-دي شكليات متهتميش لكده
-لاء وكمان الالوان غير التاني لونه رمادي وده لونه ابيض مش هو خالص !!
-هتفرق اي لونه اهم حاجه لون الاكل
فتحت الموبايل تاني وقولت ،
-ده حتي من نفس المكان !
-وهو انتي عارفه المكان !!..
-اها افتكرت اني حفظته واهو
"حطيت الموبايل قدام وشه،
-اهو العنوان !!
-وطالما انتي عارفه العنوان مش بتقولي لي
-ماقولتلك لسه فاكره ان حفظته
-خلاص يبقي ندخل ده مليش فيه ده مسؤليتك انتي
-لا انا عايزه اروح ده خلينا نروحه
"بصلي بقرف وندم علي اليوم الي اخدني فيه ….بعد ما اكلنا في المكان التحفه الي انا اختارته احم مش اوي يعني "
بغيظ مني وبصوت واطي ،
-هو ده المكان التحفه الي هتموتي عليه
-وانا اعرف منين ان الاكل عنده فيه سكر بدل الملح
-ده طعمه مش حلو من اساسه
-خلاص معلش خلينا نروح مكان غيره
بصلي بحده ،
-بس مسمعش صوتك وكلي الطبق الي قدامك ده كله
هزيت راسي برفض ،
-مش هقدر لاء
اتنهد وطلب الحساب دقيقه والجرسون حطله الورقه بص فيها ثانيه اتنين ..هو في اي ؟!
بهمس ،
-يحيي انت نمت !!!
رفع عينه ليا وخوفت ليهجم عليا بلعت ريقي وفهمت ابتمست بخوف وهو حاسب وطلعنا
عمال يصيح طول الطريق ،
-يعني اي ادفع المبلغ ده في الاكل ده !!!
-خلاص بقي متحسسنيش بالندم
-لا حسي من هنا لبكره
-المهم دلوقتي انا جعانه
-اييي جعانه !!! انا معتش هصرف تاني انتي متعرفيش الفلوس دي انا جايبها منين
باستغراب ،
-منين يعني !!!
عمل نفسه مركز في السواقه وقال ،
-انا هجبلك مصاصه وهروحك ودي اخر مره استني بقي للشهر الجاي
ضحكت عليه وقولت ،
-انت لي محسسني انك بتتشتعل وبتجيب الفلوس بالشهر !
-امال مفكره اي !!
باستغراب ،
-انا الي اعرفه ان شغلكو ده في الطلعه الواحده بتكسبو جامد
بضيق ظهر علي ملامحه ،
-متجمعيش واقفلي السيره دي
كنت مستغربه اوي كلامه وضيقه وكل حاجه يحيي بقي بيعملها وهو مقدرش علي جوعي واكلني كيكه من السوبر ماركت وعصير كتر خيره واحنا في الطريق جابلي شكولاته كتر خيره تاني
-لو انت معكش اوي كده انا هعزمك خد ياسيدي الفيزا بتاعتي
برفض ،
-لاء مش للدرجه
-انا مش فهماك ومش مصدقاك بصراحه في موضوع الفلوس ده هو في حاجه !..
-لا مفيش حاجه هيكون في اي يعني
اتنهد وانا ببص قدامي للطريق قولت ،
-متخليش بينا حاجه منعرفهاش عن بعض
-واهو وصلنا يلا انزلي
"تجاهل كلامي وانا سكت ونزلت وهو اجي ورايا "
لقيت بابا الي اظهار عليه منتظرنا ،
-اهلاً بالاخوات شكلكو كنتو مع بعض
رديت عليه بعد لما يحيي دخل وقفل الباب ورا ،
-ايوه كنا مع بعض
-خير من امتي الحب ده
ضحك يحيي بخفه عصبت بابا رد عليه ،
-ده الي المفروض كان يحصل من زمان يابابا
"خلص كلامه وهو بيتك علي كلمته الاخيره "
ماما وجهتلي الكلام بعد لما شالت عنيها من علي تلفونها ،
-مش بتردي علي طارق لي ؟!
قفلت عيني لثواني بزهق من سيرته ومن وقوف ماما معاه بالشكل ده !!
يحيي بصلي وكأنه بيقولي اهدي ،
-مسمعتش يا ماما
-اممم طب بكلمي
بابا قال ليحيي ،
-في الشغل تعالا معايا علي المكتب
بتهرب قال بسرعه ،
-لا مانا معايا لسه شغل مخلصتهوش
بابا سأله باستغراب ،
-شغل اي ده
اتحمحم وقال ،
-من اخر بضاعه في حاجه بس مخلصتهاش وبشتغل عليها
هز راسه وهو باصصله بتركيز ،
-ماشي بس هبعتلك تخلص حاجه
"هز راسه وبعدين طلع اوضه وانا طلعت وراه دخلت اوضي فضلت افكر اعمل اي علشان ابعد طارق وميحصلش كتب الكتاب ده فرد ضهري علي السرير واخد المخده في حضني ونمت "
صحيت علي صوت يحيي
-اممم
-قومي فوقي كده
فتحت عيني وانا ببصله بنوم ،
-في اي انا نايمه
-قومي بس كده في حاجه هقولهالك
قومت بزهق سند ضهري وانا مقفله عنيا
هزني في كتفي بالجامد،
-انتي يابنتي !!! قومي قومي اغسلي وشك
قومت غسلت وشي ورجعت قد علي السرير قدامه ،
-في اي للزن ده ؟
-في انك هتجوزي
برقت ،
-اييي!!!
اتنهد وقال بضيق ،
-سمعت ابوكي بيتكلم مع طارق في الموبايل وقال انه هيحدد ويعرفه
-طب هعمل اي اهرب مش كده
-ولا اي حاجه انتي هترفضي وخلصنا
-انت بتهزر وانا لو رفض مفكر ابوك هياخد قراري علي محمل الجديه
قام وقف بعصبيه ،
-يبقي اقتـ ل طارق ونخلص كلنا
اتنفست بضيق ،
-لا ء وبلاش تفكر في كده بقي
سكت وبعدين قولت ،
-انا جتلي فكره
-ايي هي!!
-اني اقول لبابا اني اتجوزت من واحد تاني
"خلصت كلامي بكل ثقه وفرحه وكأن مشكلتي اتحلت "
كشرت لما شوفت ملامحه،
-اي مش فكره حلوة !!
نفي براسه وهو بيمشي في الاوضه ،
-ابداً
-امم فعلاً عندك حق بس نعمل اي ؟!!
-خليني افكر واقولك
"هزيت راسي بتنهيده وهو اجاله موبايل طلع من الاوضه علشان يتكلم ومدخلش تاني شكله مشا حسيت اني زهقانه وقولت انزل اتمشي في الشارع شويه لبست بنطلون اوفر سايز وتوب وعليه شاكت خفيف قبل الركبه اخد موبايلي وشوكلاته من الدرج ونزلت مكنش في حد في الصالون طلعت انا بسرعه "
"""""""""""""""""""""""""""""""""""""""
-ياماما خليه يخرجني معاه
صوت ماما اجي من الصاله ،
-ياصالح خدها وخلصنا لو مأخدهاش دماغي هتتفجر والله
بتذمر عليت صوتي علشان تسمعني من المطبخ ،
-دي طريقه يعني حرام عليكو والله
كملت بتأثر وحزن ،
-انا مخنوقه ومحدش حاسس بيا عايـززه اخرج ياناس اهههههه
"عملت نفسي بعيط وعلشان انا فاشله في التمثيل ضحكت غصب عني علي نفسي ايوه انا واحده مجنونه رفعت راسي لقيته بيبصلي الي هو ايوه كملي "
-خلصتي فقره اللسعه بتوعك ؟!..
حاولت مضحكش ،
-لا ومش هيخلصو طول ما انت مش عايز تاخدني
بضيق وهو بيعض علي شفايفه ،
-اخدك فين ده محل جديد عايز اجربه لوحدي
"خلص وهو بيتك علي كلمته الاخيره "
-ما انت ديماً بتجرب لوحدك خليني المره دي اروح معاك
بزهق فاض مني ،
-وانا مش عايزك !!
-خد بالك انك كده بتجرحني
ضحك بانبساط ،
-بجد!! طب مش عايزك مش عاااااايزك
-برده هروح معاك يلا بقي
مشا خطوه وهو عايز يخرج من المطبخ وقفت قدامه بسرعه وانا بزقه تاني لمكانه ،
-ياعم بقي والله هزعل منك بجد
هز راسه برضا مستفز ،
-ماشي اقولك تقعدي فين علشان تعيطي كويس
بصتله بغباء وانا مستنيا يكمل ،
-جمب امك علشان ارجع الاقيكو متشاكلين انا كده برتاح نفسياً
بصتله بغيظ ،
-انت مريض امشي مش راحه معاك
ضحك برضا ،
-ماشي اهم حاجه متكونيش زعلانه !
لفيت وشي عنه بعصبيه وفتحت التلاجه اشرب عصير
طلع من المطبخ عليت صوتي بغيظ ،
-خليك فاكرها ياصالح والله لاوريك
-طبعاً مش هنسي الساعه كام ياماما علشان منساش اليوم الي هتحاسبني فيه كارما
قولت بهمس ،
-مستفز وبكرهك يلا بقي
طلعت قعد جمب ماما وانا مضايقه اوي انا عااايـزه اخرج !!! ،
-هو فين مشا
باندماج وهي بتاكل لب ،
-لا في اوضه لسه
-ماتخليه ياماما ياخدني معااا
اتكلمت وهي مش مركزه معايا ،
-مانا قولتله خلاص سيبيه هو مش عايزك
بغيظ عماله اخد في رجلي ،
-كلكم مستفزين …خلاص انا هقوم اخرج لوحدي هااا
اتخضيت لما لقيته ورايا ،
-تخرجي وريني هتطلعي ازاي
باستفزاز ،
-هو مش انت ماشي وانا هخرج وراك مش يمكن نتقابل
-لا مش عايز اقابلك
-ولا انا مش كنت ماشي يلا مع السلامه
-احم اطلعي البسي وبسرعه
بص في الساعه وكمل ،
-قدامك دقيقه وربع تجهزي انت لسه واقفه !!!!
"ضحكت بانبساط وطلعت اجري البس"
قعد جمب ماما ،
-كويس انك هتاخدها والله مكنتش هتسكت وهتصدعني
-قنبله مؤذيه للكل
-بس متقولش عليها كده
باستنكار ،
-هو مش انتي بتقوليلها كده!!
-انا اقول انت لاء وبعدين لو كارما مش في حياتنا هتقدر تتخيلها اصلاً !!..
مفكرتش ثانيه وقولت ،
-حلوه جداً اي المشكله
بصتلي بضيق وضربتني في كتفي ضحكت وانا مسك ايديها ،
-خلاص بهزر والله
-متقولش كده ياصالح وبعدين انتو مش هتلاقو الحنيه ولا الحب ولا الاخوه والسند غير مع بعض شعور الاخوه غير تماماً ومش هتعرف تلاقو غير مع بعض
-صح ياامي انا بنكشك اكيد عارف
ضحكت من تحت لتحت وهي بتقول ،
-طيب كنت عايزه اقولك حاجه كده
ابتسمت وانا مش مطمن ،
-خير ياامي قولي
-انا كلمت جارت خالتك علشان تدورلك علي واحده يعني
سند ضهري وانا عارف اخره الحوار ده اي ،
-اعمل بيها ياامي الواحده دي
قفلت عنيها بعصبيه طبطبت عليها بسرعه ،
-خلاص كملي كملي
بصتلي وقالت بجديه ،
-ولقيتلك وهتقابلها يوم الخميس انت بترجع بدري كده كده فامفيش مشكله هاا اي رائيك ؟
اتنهد وانا ببتسم علشان لو مبتسمتش هاخد تهزيق ،
-فكره جميله وكمان تغيري جو معنديش مشكله هوصلك
شكلها مفهمتش وقالت بفرحه العيد عندها ،
-ماشي متقلقش هاجي معاك
اتعدلت في قعدتي وقولت ،
-لا ماهو انا هوصلك بس وانتي اقعدي وافرحي مع جارت خالتي
اخدت نفس وهي مش طايقاني ولا طايقه نفسها ،
-انت هتستهبل اعمل اي انا معاها هو انا العريس !!!!
-خلاص ياماما اهدي علشان متتعبيش
-ياصالح بقي بقولك خلاص قالتلي المعاد والله عيب انت كده هتحطني في موقف بايخ
-مانتي عارفه من الاول ردي استحملي النتايج بقي
-ولااااا اتكلم حلو انا امك
كملت بنبره كلها حنيه ورقه وهي بتمسك ايدي ،
-ياحبيبي البنت كويسه مش هتخسر حاجه لو شوفتها و معجبتكش خلاص انا معتش هشوفلك حد تاني
مسكت انا ايديها ،
-ياحبيبتي صدقيني انا لما احب انا الي هاجي اقولك يلا بينا خلينا نروح بس لما اكون انا حابب
-لاء انت لما هتشوفها ممكن ترتاح وتقولي برده يلا نروح نتقدم
-خلاص اوعدك اني لو لقيت واحده مناسبه هاجي ونروح علطول اي رائيك ؟!
-بقولك اي ياصالح انت ابني وانا عرفاك بتاخد بعقلي حلاوي انت لو مروحتش بجد انا هزعل منك
بتنهيده من ان الموضوع ملهوش لازمه انها تزعل ،
-لا وانا مرضاش انك تزعلي وانتي عارفه فابلاش تقولي كده علشان حاجه زي كده لو سمحت
كملت وانا بحاول الطف الجو ،
-ده انا كنت بحبك علشان انتي لطيفه ومش شبه الامهات الي بتهدد عيالها
-نعمم!!! كنت بتحبني هو ده فعل ماضي ولا انا مش واخده بالي ؟..
-لاء انتي مش واخده بالك اكيد ازاي يعني ده انتي حبيبتي وكل حاجه بالنسبالي
ابتسمت ،
-وانت حياتي ..تمام اتفقنا علي يوم الخميس
بصتلها بدهشه جاي اتكلم كارما اجت
-انا اجيت يلا بينا
-اقنعي اخوكي علي البنت الي جبتهالو
ضحكت بخبث ،
-سيبي علي راحته يمكن بيحب مثلاً
بصتلها وانا عايز اقوم اعملها استيكر دايم في الحيطه ماما قالت بابتسامه عريضه ،
-اي ده وانا معرفش مين ؟!!
كارما كملت وهي بصالي ،
-هي واحده حلوه جداً خلاص بقي لما نيجي بنحكيلك
ماما بصتلي وقالت ،
-علشان كده رافض بس طالما عارف حد مفيش مشكله خلينا نتعرف عليها وربنا يسهلك
-لا ياماما مفيش اي حاجه من الكلام ده
مسكتني من ايدي الي هموتها اول لما نطلع ،
-ان شاء الله ياماما يلا حبيبي خلينا نمشي
اول لما طلعنا وقفلنا الباب قربت منها بعصبيه رجعت لورا وهي بترفع صباعها بتحذير ،
-اياك والله هدخل اقولها مين هي البنت
بغيظ واضح ،
-والله ياكارما هموتك بنت مين انتي عبيطه ؟!
بضحكه مستفزه،
-خلاص بقي ملهوش لازمه الكلام لما نرجع نتكلم في الموضوع مع ماما
خلصت وراحت وقفت عند العربيه وانا ركبت بصتلها وانا بدور العربيه ،
-كارما لما نرجع تقولي لامك انك بتهزري وبعدين ازاي تقولي كده ميت مره اقولك امك بتصدق اي حاجه !!
-انا غلطانه عايزة اخليك تفلت منها علشان متروحش يوم الخميس المقابله دي
-وانتي مالك انا كنت هتصرف حرام كده انتي كذبتي وهي صدقت هتعملي اي بقي ؟
-هعمل اي يعني !!
-استغفري ربنا ياحبيبتي وترجعي تقولي لامك ان كلامك مش حقيقي
-طيب حاضر بس مين الي قالك ان بهزر ماهو في بنت انت بتفكر فيها حقيقي
خلصت كلامها وهي بتتسم بكل خبث واستفزاز عايز ارنها علقه بسببه ،
-بلاش كلام عبيط زي حد اعرفه تمام ولو زودي كلام مفيش مكان هنروحه
-خلاص مش هتكلم كلمه تاني
-شاطره
فضلت سايق بهدوء وانا بفكر بضيق في كلام كارما مستفزني معأنه مش حقيقي معرفش لي ..هو انا بفكر فعلاً بس مش من الناحيه دي يعني من الشغل ومن اليوم الي اتقابلنا فيه ومن المعامله وم
قاطع تفكيري صوت كارما ،
-استني دي ليال خليني اسلم عليها
بطئت ووقفت وقولت نبره ضيق ،
-مش وقته سلامات
بصتلي باستغراب ،
-بس انت وقفت !!
بصيت انا فعلاً وقفت لي !!
ضحكت هي وفتحت الباب،
-هسلم عليها بسرعه
"نزلت كنت شايفاهم قدامي بعد نظري عنها بضيق من نفسي هو انا ببص علي اي انا اصلاً الحمدلله بحاول اتحكم اني اغض بصري وبنجح والحمدلله ومتعصب من نفسي علشان مضايق اني حاسس بخنقه اني مش بغض بصري كفايه لما بتكون قدامي البنأدمه الي ندمان اني روحتلها في اليوم الي عرفتها ..هي كارما السبب انا متأكد انها محتاجه تترن علقه محترمه "
"قدام العربيه "
-انتي بقيتي احسن ؟
-اه الحمدلله وانتي كويسه
-كله بخير عملتي اي في موضوع خطيبك
استغربت وقالت ،
-من ناحيه اي بالظبط
بندم اني اتكلمت وقولت بلاعبكه ،
-لا مقصدش كده خلاص انتي راحه فين؟
-عادي بتمشي ..ممكن تقوليلي تقصدي اي ياكارما ؟..
اتنهد وحسيت انها مش عارفه حاجه وكلام صالح كان موضح قد اي هو شخص مش كويس ابداً من كل النواحي ،
-بصي علشان صالح مستني بنتكلم بعدين بس خلي بالك منه ياليال بشوفك اكيد باي
قالت بسرحان ،
-باي
"كارما رجعت ركبت وهي لسه واقفه مكانها قدام العربيه زمرت وهي اتخضت شاورتلها اني عايز امشي وهي وقفت علي جمب وهي مازالت سرحانه"
بفضول سألت ،
-كارما هو في حاجه مالك انتي كمان سرحانه كده لي !!!
-كااارما بكلمك !!
انتبهت ليا ،
-في اييي
-هو في اي لي سرحانه كده
-احم اصل انا قولت لليال علي خطيبها يعني حذرتها منه بصراحه قلقانه عليها والي انت قولته مينفعش يعدي يعني لازم هي تسيبه انا راي كده
-امم كويس… بس خلاص بقي ابعدي عنها مش علشان جبتها البيت هترجعي تصاحبيها !
-صعبانه عليا وانا عندي احساس انها مش شبه اهلها
-شبهم مش شبهم برده ملناش دعوه انتي نصحيتها وخلاص
-بس ياصالح م..
-مبسش انا قولت كلامي خلاص
"اتنفست بضيق ونقلت عنيها للشباك وانا ركزت في الطريق وانا معرفش لي اتخنقت !… ايوه عرفت لاني مش عايز اختي تتأذى ولا يحصلها حاجه بسبب الناس دول ..مع إن هي فعلاً شكلها مش شبهم بس ولو ملناش دعوه بيها برده"
شكرا لزيارتكم عالم روايات سكيرهوم
