رواية حب المراهقة الفصل الثالث عشر
صلي على الحبيب المصطفى 🌺
في الصابح كانت ، اشرقت الشمس في المنزل....
فون نور كان بيرن مكنتش قادره ترد من كتر النعس
وكانت نايمة .. مش فايقه على الرد على التليفون
فضل يرن كتير لحد ما فصل.
━━━━━━━━━━━━━━━━━━━
في غرفة شهد
امال كان بتصحي فيها.
امال بزهق: ي بنتي قومي اخلصي ساعه وانا اصحي فيكي.
بدأت تهز فيها جامد.
شهد قامت مره واحده مخضوضه.
شهد بخضه وتعب: اي يا ماما خضتيني والله.
امال بنرفز: ساعة بصحي فيكي يا بنتي.
شهد قامت من علي السرير.
قالت: ماما اي كنتي سبيني انام مش عاوزه اقوم والله.
اومال: لا قومي كده يلا خدي دش و اطلعي صلي روحي المدرسة.
شهد بخوف:ماما مش عاوزه اروح.
اومال: ليه ان شاءلله ي شهد يلا قومي المتحانات خلاص قربت انتي في اولي ثانوي عام لازم تتعبي علشان تدخلي كليه حلوة ان شاءلله علشان خاطري و خاطر ابوكي شوفي احمد و ميار يعملو اي حاجه علشان خاطر ابوه و امه انتي كوني زيهم بقا.
شهد اتنهدت بدموع: حاضر يا ماما.
قامت دخلت الحمام.
━━━━━━━━━━━━━━━━━━━━
نور بعد ماقامت .... وقضيت عبدتها
مسكت الفون شافت الرنات استغربت رقم مين ده.
بعتت علي الوتس رساله.
قالت: السلام عليكم ورحمة الله وبركاته الرقم ده رن عليا كتير مين حضرتك..
ظاهر عندها انها فاتحه.
فضلت مستنيه حد يرد.
━━━━━━━━━━━━━━━━━━━━
عند امينه وصلتلها الرساله.
مسكت الفون بسرعه لقت رقم نور هي اللي بعتت.
قالت بسرعة: هاني نور بعتت الرساله علي الوتس.
هاني كان وقف يلبس علشان ينزل الشغل بصلها باهتمام.
وقال: ليه انتي بتتكلمي معاها؟
امينه: اه رنيت عليها من شويه مكنتش بترد شكلها كانت نايمة دلوقتي بعتت رساله بتقولي مين.
هاني بإبتسامة: طب ردي بسرعة.
امينه بدات تسجل ريكورد. و تقول فيه علشان هاني يسمع.
امينه بإبتسامة: عليكم السلام ورحمة الله وبركاته انا مين انا طنط امينه عامله اي يا نور.
━━━━━━━━━━━━━━━━━━━━
سمعت الريكورد أول ما عرفت انها اضايقت انها بعتت ليها من الأول.
قالت لنفسها: طب ما تردي عليها تخسري اي يعني يا نور شوفيها عاوزه اي منك.
بعد تفكير قرارت انها ترد.
بعتت الرساله: الحمد لله تمام
امينه بعت رساله ريكورد: ادام الله حمدك ونبض قلبك وسجودك لربك وجعلكي الله من الحامدين الشاكرين.
نور بإبتسامة: تسلميلي و انتي عامله ايه؟
امينه بإبتسامة:الحمدلله بخير ونعمه يا نور.
قالت وهي باصه لهاني بإبتسامة: ابوكي بيسلم عليكي كتير كتير يا نور عيني.
هاني هنا ابتسم.
نور لما شافت بتقول ابوكي بيسلم عليكي مكنتش عاوزه ترد.
بعدها امينه رنت عليها ادت الفون لهاني.
نور ردت نور بهدوء: الو.
هاني بإبتسامة: احم عامله ايه ي نور عيني!
نور اتوترت لما سمعت انه هو فضلت ساكته لثواني.
هاني فاهم انها مش عاوزه ترد.
هاني: الوو.
نور بتوتر: ا الحمدلله كويسه.
هاني بإبتسامة: طمنيني عليكي انتي اخبارك ايه و المدرسة عامله ايه و مبسوطه عند خالتك ولا ايه؟
نور بحزن:انا الحمدلله و حياتي كلها حلوه وانا عايشه حلوه بفضل ربنا والله.
هاني حاسس من صوتها هي قد اي حزينه.
قال بهدوء: مالك يا نور حاسس انك زعلانه ليه كدا حد مزعلك؟
نور بدأت تعيط: مفيش حد غيرك انت اللي مزعلني والله العظيم زعلي و حزني كل ده بسببك انت.
هاني بزعل: انا يا نور دا انا لو اطول اديكي روحي ادهالك يا حبيبتي انتي بنتي.
نور بعياط: انا اصلا مش مصدقه علشان انت لو بتحبني كنت حبيت ماما مكنش كل حياتنا حصل فيها كده.
هاني بهدوء: نور كل اللي فات ملوش علاقة بيكي خالص. انا كنت هموت و تعيشي معايا وانتي صغيره و اشوفك حتى كده بس هي اللي رفضت بسبب العند بتاعها وانتي غاليه عليا اوى فوق ما تتصوري كدا.
نور بعياط: كان معاها حق علي فكرة علشان انت خاين والله كانت بتحبك بس انت ،خنتها ولعبت بمشاعرها ..
هاني بقا جواه متعصب انها عارفه كل حاجه وقال بغضب: هي لو كانت فعلاً بتحبك مكنتش تقولك كل ده عليا قدامك بس هي للاسف عاوزه تكرهه بنتها كمان في ابوها علشان خاطر تبقي هي الاحسن في نظرك و هاني اللي وحش في نظرك.
نور بدموع: ماما مش قالت حاجه اصلا ليا عمرها ماجابت سيرتك قدامي والله ما تظلمهاش ماما حتى بعد ما ماتت.
هاني باستغراب: اومال مين اللي قالك يا نور ها؟؟
نور بعند: مش هقول.
هاني من جواه غضب منها ،،
لكنه غصب عنه ابتسم و شاف فيها قد ايه هي عنيده.
هاني: يعني مش هتقولي؟
نور بعند: اه و سلام بقي علشان اشوف خالتو.
هاني: ماشي بس لما ارن تبقي تردي عليا ماشي ي حبيبي.
نور بحزن وعند: مش هرد سلام.
هاني بغضب: ابقي ردي بقولك .
نور: سلام.
وقفلت.
هاني اتنهد بغيظ منها.
امينه: كل ده كلام؟
هاني بصلها قال بإبتسامة: هي عنيده اوى يا امينه.
امينه ضحكت: معلش يا حبيبي هي لسه والله هتعمل اكتر من كدا فينا انت لسه شوفت حاجه بس كل فتره هنرن عليها كدا ان شاءلله علشان نخليها تتعود علينا و عليك انت اكتر.
هاني اتنهد و قام: ان شاءلله المهم انا هنزل بقا الشغل عاوزه حاجه يا قمري؟
امينه بإبتسامة: عاوزه سلامتك يا حبيبي.
هاني باس رأسها بعدها نزل.
━━━━━━━━━━━━━━━━━━━━━━━━━━━━
نور قامت طلعت بره في الصالون.
نور بإبتسامة:صباح الخير يا خالتو.
اميرة بإبتسامة: صباح النور والسرور يا حبيبتي.
نور قعدت جنبها حطت راسها علي كتفها بإبتسامة
قالتلها: عارفه يا خالتو
اميرة باهتمام: اي يا نور؟
نور بإبتسامة: بابا اتكلم معايا دلوقتي.
اميرة بفرحه: بجد قالك اي بقا؟
نور بغيظ منه: مش قال حاجه انا قولتله تستاهل اني مش احبك علشان خاطر انت حياتنا باظت بسببك و ماما بقت لوحدها و كنت بعيط بس كدا.
اميرة بذهول: بس كدا؟
نور: اه بس كده وخلاص.
اميرة ضحكت عليها: الله يهديكي يا نور.
نور بغيظ: انا عملت الصح صح؟
اميرة بضحك: اه اوى اوى صح الصح.
نور: بتضحكي علي ايه يا خالتو هو يستاهل صح؟
اميرة بهدوء: نور هو بيحبك والله صدقيني لو مكنش بيحبك مكنش سأل عليكي كمان.
كملت بإبتسامة: كمان مكنش جاب ليكي الشيكولاتة و الدبدوب و الفون و الحاجات الجميله دي كلها.
نور فضلت ساكته بعبث.
اميرة بهدوء: معايا حق انا يا نور والله.
نور غيرت الموضوع: خالتو المهم عاوزه اجيب هدوم قبل الدرس بتاعي تعالي معايا.
اميرة بإبتسامة:حاضر يا نور عيني بس كدا.
نور بإبتسامة: حبيبت قلبي يا خالتو اصلا انتي.
ميار طلعت من الاوضه بتاعتها.
ميار: ماما انا ماشيه الدرس.
نور بصتلها،، كانت مستنيه تقولعا... حاجه بس ميار مهتمتش ليها.
اميرة: ماشي يا حبيبتي ربنا معاكي.
شهد طلعت من الاوضه هي ايضأ
هي و أمال.
شهد بدموع: ماما مش عاوزة أمشي انهارده والله.
امال بغضب: اخلصي امشي يا شهد.
اميرة قامت بهدوء: في اي مالكم اهدو كده.
شهد بدموع: مرات عمي مش عاوزه امشي قوليلها بالله.
ميار: ليه يا شهد مش عوزه تمشي امشي يا حبيبتي علشان تدخلي كليه اللي نفسك فيها.
ثم كملت بسخرية: ولا انتي عاوزه تقعدي في البيت تبقي فاشله زي بعض ناس
.
نور فهمت ليه الكلام عليها .. فزعت جامد من جواها ،،، لكنها ما حاولتش تبينه ولا تهتمي ليها
اميرة: اي اللي يخليكي مش تروحي بس روحي علشان امتحانات قربت.
شهد بتوتر وخوف: انا مش عاوزه امشي علشان انا زهقت من المدرسة المشوار طويل اصلا.
اميرة بهدوء: معلش يا حبيبتي تحبي اجي معاكي انا ماشيه انا و نور نجيب حاجات دلوقتي من بره وهي راحه الدرس.
شهد: ماشي همشب معاكم.
نور بإبتسامة: هلبس بسرعه استني مش اكمل عشر دقايق.
شهد: تمام.
نور دخلت تلبس.
اميرة: وانا كمان هداخل البس يا حبيبتي مش هنتأخر عليكي ان شاءلله.
شهد: ماشي يا مرات عمي ان شاءلله مستنيه اهو.
أمال: مرات عمك و نور يخلصو تمشي معاهم اياك اطلع من الاوضه اشوفك لسه قاعده.
شهد بهدوء: حاضر هامشي يا ماما والله.
كملت بخوف: ماما ابقي خلي بابا يجي يأخدني من المدرسة ويرجع تاني الشغل ماشي.
أمال بإبتسامة: حاضر هقوله طالما عاوزه حد يجي و يروح معاكي.
شهد بتحاول تمسك دموعها: ربنا يديمكم ليا يا ماما علي طول يارب.
أمال: و يديمك لينا يا بنتي...
انا ادخل اروق الاوضه بتاعتك بقا.
و مشيت.
شهد قعدت لحد لما يخلصو.
ميار كل ده واقفه تبص عليها مستغربه منها جامد.
شهد بصتلها باستغراب: في اي يا ميار؟
ميار قعدت جنبها: مالك يا شهد عمري ما شوفتك متغيره كده و في عيونك الحلوين دول حزن ولا اي حاجه زي اللي شايفه الفتره دي عليكي اوى كدا؟
شهد اتنهدت بحزن شديد جواها قالت بدموع: عادي مفيش اي حاجه بس هي فتره جت بقا عليا غصب عني ان يبقي اليأس متملك قلبي.
ميار بعصبيه: انتي غريبه اوى بقيتي عامله زي نور كل حاجه تعيطي ليه مش تقولي مالك فيكي اي لينا و تفهميني مالك هتفضلي كدا لحد امتي حاطه جواكي كل حاجه صدقيني هتتعبي وانتي كدا.
شهد بعياط: ياريت والله احسن ليا و الكل.
ميار بنفس العصبيه: يبقي سيبي كل حاجه وراكي وابعدي عن اليأس اللي في قلبك. انا عاوزه اعرف انتي كل اللي فيكي ده من اي علشان خايفه احسن مش يتجوزك صح؟
افتكرت لما نور كانت بتقول احمد هيتجوزك احمد مش بيحبك.
كملت وقالتلها بغضب اكبر: كل دهههه بسببب ااالست نورررررر قالتلك كدااااا بقااااا؟
شهد بسبب ااالكلام دههه تيأسي كده و تسيبي احمد علشان خاطر بت زيها خليكي كداااا خليكي تعيشي في اليأس بسبب الكلام يا غبيهههه.
قامت مشيت بغضب جواها.
شهد بقت تعيط من كلام ميار جامد.
شهد بعياط: عمره ما حد هيفهم جوايا اي أبداً.
━━━━━━━━━━━━━━━━━━━
ميار كانت ماشيه في الشارع و كل قلبها مالي بالغضب والعصبيه من نور جواها بسبب انها بتفكر فيها وفي كل كلمه كانت بتقولها كل مره.
كانت بتفكر لما قالت كانت بتتكلم مع نفسها وهي قاعده علي سجادة الصلاة ولما كانت بتقول لشهد " احمد مش بيحبك يا شهد "
كانت بتفكر في كل كلمه ...
قالت بغضب: هي مالها تدخل نفسها ليه و مين اللي بتحبه ده ياتري؟
قالت بغل: هعرف يعني هعرف يا غالية.
وكانت بتتوعد ليها بالاذيه ..
━━━━━━━━━━━━━━━━━━━
علي الجانب الآخر كانو ماشين.
نور بصت لشهد بإبتسامة: شهد انتي بتصلي؟؟؟
شهد: الحمدلله بدأت اصلي من امبارح اهو.
اميرة بإبتسامة: ربنا يهديكي انتي و ميار يارب و تصلون دائما كدا يا بنتي.
شهد بإبتسامة بهتانه: يارب يارب يا مرات عمي ادعيلي دايما.
اتنهدت بتعب قالت لنفسها: يمكن ربنا يبعد عني الشر اللي في حياتي ده و يسبني في حالي بقا...
نور بصه لشهد شايفه قد اي هي حزينه وملامحها حزينه وبهتانه ظاهر عليها الحزن و التعب.
كانت عاوزه تتكلم تقولها حاجه بس حلفت انها مش هتجيب سيره ليهم تاني علشان بيزعقو ليها مش بيحبوأ انها تدخل في حاجه ليهم.
قالتلها بإبتسامة بسيطه علشان تتكلم معاها ،،،
نور: شهد.
شهد: نعم.
نور بإبتسامة: نفسك تبقي اي ان شاءلله؟
شهد بكسرها: اي حاجه و خلاص عادي مش ضامنه حياتي ممكن يحصل أي حاجه في اي لحظه.
اميرة بحزن: ليه بتقولي كدا يا شهد بعد الشر عليكي يا حبيبتي ان شاءلله تحققي كل حاجه نفسك فيها.
كملت بإبتسامة: و يجي ليكي اللي من نصيبك يحبك و يتجوزك وتبقي انتي وهو لبعض يبقي عندكم عيال و باذن الله تبقي أسعد انسانه في الدنيا دي كلها هيبقي معاكي اللي الحاجه اللي بتحبيها ان شاءلله يا غالية.
شهد بإبتسامة بسيطه: يارب باذن الله يا مرات عمي ادعيلي بالله عليكي.
اميرة بإبتسامة: بدعيلك دايما والله انتي و ميار و نور و احمد زي بعض يا حبيبتي انتوا غاليين عليا اوى.
نور بسرعة بإبتسامة: وليد كمان ادعيله ربنا يبعت لي بنت الحلال اللي تحبه و تقدر عليه.
ضحكت جامد ع اخر جمله .
قالت لنفسها بحب: اللي هي انا يارب يارب ابقي لي يوم من الأيام.
شهد باستغراب: كنتي مش بتحبي سيرة وليد خالص اي اللي حصل خلاكي تقولي كدا و تبقي مش خايفه منه يعني. كمان عاوزه تدعي لي كمان مش مصدقه ان نور دي اللي قدامي.
نور بتوتر: عادي يعني بقول كدا وخلاص والله علشان الدعاء حلو ل غيرنا والله.
شهد بإبتسامة: اوعي تكوني بتحبي اوعي بلاش ده.
نور بخجل و توتر: ا ان انا لا لا مفيش كدا.
اميرة بهدوء: بس انتي وهي كفايه كلام بقا.
نور بزعل: حاضر انا ساكته اهو.
شهد بهدوء: وانا كمان اهو ساكت يا مرات عمي.
اميرة بقلق لنفسها قالت: دي تبقي مصيبة لو نور حبت وليد وليد الكل عارف انه بيحب ميار مستني تخلص اول سنه ولا سنتين من الكليه و يعملو الخطوبه و ميار بتحب وليد نفس الشئ مستحيل الحب كده هيبقي من طرف واحد.
كملت بتنهيده بحزن: يارب لا تعلق قلبها فيه نور علشان كدا حبها هيبقي من طرف واحد و قلبها يتكسر.
━━━━━━━━━━━━━━━━━━━━
بعد وقت كانت شهد راحت المدرسه بتاعتها.
و أميره و نور راحو علشان يشتروا هدوم.
نور بدأت تجيب هدوم وهي فرحانه من الخطوة الجديده اللي في حياتها.
جابت كل عباره عن لبس شرعي ،،،
كل الهدوم دريسات و اخمرة.
اميرة انبسطت منها جامد علشان هتلبس الدريسات و الخمار.
نور شافت بالصدفة فستان كان جميل جداً عجبها عاوزه تجيبه.
ف نفس الوقت تقول: اعمل بيه اي يارب؟
كملت بإبتسامة لنفسها: يمكن يبقي عندنا فرح ولا حاجه البسه.
قالت بخجل: اه اخليه عندي يمكن يوم يبقي مثلا حاجه ليا حلوه في حياتي البسه وليد يبقي من نصيبي قريب و البسه ان شاءلله يارب.
الفستان كان فستان سواريه فستان أحمر ضيق من فوق لحد النص وعليه حزام من نص وتحت كان نازل واسع و كان جامد حرفيا ..
جابت خمار ماليزي نفس لونه
بعد تفكير اخدت الفستان.
و جابت كل حاجه. هي عاوزاها ،
بعدها وقفت قدام خالتها بإبتسامة: اي رايك يا خالتو في الحاجات؟
اميرة بإبتسامة: مبارك عليكي يا حبيبتي تلبسيهم وانتي متهنيه يارب.
نور بإبتسامة: آمين يا ي حبيب قلبي.
اميرة: يلا بقي علشان نروح الحاجات دي عندك درسين انهارده.
نور: تمام يا خالتو يلا بينا.
━━━━━━━━━━ حكاية بقلم الكاتبة نور ربيع NR━━━━━━━━━━
بعد وقت طويل من اليوم
في المساء.
نور حبت انها تجرب الفستان.
بدأت تلبس فيه وهي مبسوطه.
لبست فستان كان جميل عليها جداً.
نور قعدت علي الكرسي بتاع المرايا ،،،
بدأت تحط ميكب كتير في وشها علشان تجرب اللبس كامل عليها.
فردت شعرها بإبتسامة بتبص علي نفسها في المرايا و علي شعرها الطويل اللي نازل لحد بعد ضهرها.
شعرها طويل جداً وشكله جميل خالص لونه اشقر .. وسايح جدا.
بدأت تتصور بإبتسامة مرسومه علي ملامحها.
اتصورت صور كتيره بشعرها بعدها لبست الطرحة اللي بلون الفستان.
بدأت تصور برضو بالطرحه و كانت مبسوطه خالص
كانت شايفه نفسها قد اي هي جميلة جداً وهي. فرحانه و مبسوطه
وشها منور جدا وهي فرحانه...
وخدودها هتفشر من الحمار الطبيعي
نور قعدت علي السرير بإبتسامة ضحكت وقالت
نور بسعادة: انتي مبسوطه كدا ليه يا نورررر اي ده اهدي يعني انتي هتقومي تتجوزي يعني علي كل ده ولا ايه.
قالت بغيظ ل نفسها: علشان مبسوطه شويه صغيرين بشعور الحب الأول مره يبقي اعاتب نفسي في اي؟ كفايه كلام مش نفسك ي نوررر بقا.
"اجعل حياتك قصة تستحق أن تروى.."
نور قامت بإبتسامة مسكت الفستان بفرحه قعدت تلف بيه الفستان كأن مالي الاوضه وهي بتلف بيه كده
ميار دخلت علي نور بقت باصه عليها شايفه ملامح وشها كله فرحه و سعاده ...
مش مصدقه أنها دي نفس البنت اللي دخلت بيتهم لاول مره وكان نفسها مكسوره وعلى ملامحها الحزن والكسره من اقرب الناس ليها
نادت عليها بعصبية وصوت عالي ..
ميار بعصبيه: نورررررر
نور اتخضت منها وقفت ،، ودارت ضهرها وبصتلها
نور بتوتر: نعم يا ميار؟
ميار باستهزاء: شايفه انك مبسوطه يعني اي امك رجعت من القبر ولا ايه علشان تبقي ميته من الفرحة كده؟
نور بزعل: الله يرحمها ويجعل مثواها الجنه يارب بلاش تسخري من الميت علشان تاخدي ذنب كبير.
ميار بلا مبالاه: طيب قوليلي مبسوطه من اي بقا؟
نور بإبتسامة: انا قرارت اني هلبس دريسات و اخمرة باذن الله يا ميار جبت الهدوم انهارده الحمدلله بصي كمان اشتريت الفستان ده بصي جميل ازاي مبسوطه جدا بالحاجات الجميله دي.
ميار ببرود: امم يعني هتلبسي الخمار أخيراً و ياتري بقا بتتغيري من نفسك علشان خاطر مين ليكون نور الطفلة بدأت تحب وانا معرفش؟
نور بتوتر: لا مش بحب وانا اتغيرت علشان خاطر نفسي والله.
ميار بغضب: والله بلاش تكدبي عليا يا نورررر دا انا ميار اللي حفظاك كويس اوى.
نور بعتاب فيها: انتي ليهه كده يا ميار بتعملي علي فكرة انا بزعل منك اوى مكنتش اعرف انك كدا نهائي والله وانا حبيتك وتعلقت فيكي و بحترمك جداً ايه ليهه تعملي كل ده معايا بقا؟
ميار بسخرية: حبتيني و تعلقتي ليه هو انا خطيبك؟
نور بدموع وعتاب: لا مش خطيبي بس اكتر من اختي و صديقتي و كل حاجه وانتي اللي قولتلي كده قبل كده قولتيلي مش هسيبك ابدا ولا حتي هزعلك هتفضل طول العمر اصحاب و اخوات بس طلعتي بتاع كلام.
ميار ببرود اكبر: عادي هو انا علشان قولت كدا يبقي انتي تصدقي عادي ما اي حد بيقول كدا بس الغبي اللي يصدق بقا و انتي الصراحه غبيه اوى اوى.
راحت مشيت من الاوضه.
نور بدموع محبوسه: الله يسامحك.
نور غيرت الفستان راحت اتوضت
علشان تصلي قيام الليل و تنام.
━━━━━━━━━━━━━━━━━━━
شهد كانت قاعده مخنوقه جامد.
قامت لبست الطرحة و الجاكيت من البرد قعدت في الجنينة.
فضلت رافعه راسها للسماء .. ومثبته عيونها وقت .. وهي سرحانه في نجوم اللي ماليه السماء ...
ميار طلعت قعدت جنبها.
ثم اتنهدت و قالت ..
ميار: اااه علي الملل و الزهق و تعب السنين مش عارفين امتي بقى نوصل للي عايزينهم
شهد بصتلها بحزن شديد؛ مفيش امل اننا نوصل ليهم يا ميار. اه انتي ممكن توصلي لحبك لكن انا ولا غيري نعرف نوصل ليهم والله.
ميار بسخرية: مش لما اوصل انا لحلمي ابقي اوصل لحبيبي لو وصلت للحلم يبقي وصلت لحبي.
شهد بإبتسامة حزن: هتوصلي ان شاءلله في امل لما في حب و ربنا شايف انتوا قد اي مستنيين و شايف انكم عاوزين يكون راضي عنكم كفايه كدا والله مفيش احسن من الحلال والله.
ميار اتنهدت من قلبها: ان شاءلله.
فضلت ساكته لثواني.
ثم قالت : بقولك ايه ي شهد نور مش بتتكلم معاكى ولا بتقول اي حاجه عنها ليكي؟
شهد: لا ليهه؟؟؟
ميار: اصل شايفه انها متغيرة اوى الفتره دي حاسه انها بتحب حد عاوزه اعرف هي مش عاوزه تقول قولت اسألك.
شهد بإبتسامة بسيطه: اه شايفه انها متغيرة انا كمان.
ميار بفضول: بس يا تري مين دي اللي بتحبه ده يا شهد؟
شهد بهزار: شكلها بتحب وليد.
ميار سمعت الكلمه .. من هنا والغضب عم قلبها من هنا ..
ميار بغضب عمي قلبها: هي مين دي اللي تحب وليد انا و وليد لبعض احنا لبعض احنا الاتنين وبس.
شهد بهدوء: اهدي انا بهزر معاكي والله في اي هي مش بتحبه هو اكيد حد في قلبه تاني ي بنتي والله.
ميار بغضب: اي اللي خلكي تقولي كدا يا شهد انتي تعرفي حاجه؟
شهد: لا والله أبداً بس استغربت نور ما كانتش بتحب تجيب فيها سيرته و كدا بس بتهزر عارفه انه هو دايما بيتعصب علي الكل.
ميار بشك: كانت بتقول اي ي شهد؟
شهد: كانت بتقول ابقي ادعي لوليد ان ربنا يبعت لي بنت الحلال اللي تقدر عليه بس هي بتهزر.
قامت شهد بنعس: سيبك بقا تصبحي على خير يا بنت عمي بلاش تخلي الشيطان يلعب بيكي كدا ابقي صلي قيام الليل.
و مشيت علي الاوضه بتاعتها.
ميار بتفكر مع نفسها ... وهنا فهمت وعرفت نور بتحب مين .. وبتفكر في مين ،،، وبتدعي ان مين يكون من نصيبها ...
وهو وليد ...
وهنا ميار ... ما بقتش على طبيعتها
قالت بغضب معمي: فهمت دلوقتي بتحبي مين و انتي لما تجي تحبي تحبي حب عمري انتي حطيتي عينك علي حاجه مش ليكي وانا هخليكي تندمي يا نوررر والله لتندمي علشان وليد ده ليااا انااا وبسسس.
━━━━━━━━━━━━━━━━━━━━
في مكان بعيد عن الأنظار.
كأن قاعد جواه غضب الدنيا في قلبه.
و عيونه هتطق شرار .. من الشر إللي بين عليه...
مهران بشر: شكلك مش خايفه مني يا شهد ..!
بعد كل ده فكرني بهدد فيكي وبس لأ ده مش تهديد مني زي ما انتي فاكره انا هندمك ندم عمرك.
مسك الفون في ايده بدأ يخطط و يفكر هيعمل اي علشان ،،، تجيله لحد عنده
━━━━━━━━━━━━━━━━━━━
ميار كانت قاعده في الصالون بضيق جواها.
وليد جه هو و احمد من بره.
وليد : السلام عليكم ورحمة الله وبركاته.
ميار بإبتسامة بسيطه: عليكم السلام ورحمة الله وبركاته.
وليد دخل الاوضه بتاعته و احمد هو ايضأ.
ميار راحت اوضه احمد ، ورا .
احمد بصلها:خير؟؟
ميار قعدت ع السرير جواها نار انتقام من نور.
ميار: انت خلاص سبت شهد علي كدا؟
احمد قعد علي السرير اتنهد قال: هي اللي عاوزه كدا مش انا.
كمل بقسوة قلب:بس و عزة وجلاله الله لو رجعت اعتذرت مني عمري ما قلبي هيسامحك يا شهد ،،، همشيلها اللي في دماغها زي ماهي عاوزه
ميار بعصبيه وصوت عالي: الحق مش عليهااااا الحق علي ااالست نوررر هي ااالسسبب هييي بسببها انتوااا سبتو بعض من ساااعه لماااا جت البيت في مشااااكل مع بعض يا أحمد
أحمد بخنقه: وطي صوتك شويه يا ميار بلاش عصبيتك دي بقااا.
ثم قالها باستغراب: و ازاي نور هي سبب يعني مش فاهم فهمني...
ميار بهدوء: تمام.. نور هي اللي عملت كل ده هي اللي قالت لشهد انها تسيبك قالتلها احمد مش بيحبك مش هيتجوزك..
كملت بغضب: عاملهههه فيهاااا شريفههه وهييي بنت حراااام ااااصلا ماشيه شمااال بنت الحراااام ااااكيد بتكلم مع حدددد.
احمد بغضب: ميار اخرسي.
كمل بصدمه وعد صدق : نور مستحيل تعمل كدا دي نور.
ميار بغضب: تعمل و تعمل و تعمل كمان مفيش حاجه مش مستحيل عليها و دي الحقيقه انت نسيت ابوها عامل اي ابوها خان امها هي دمها زي دم ابوها طالعه لي بالظبط وانا واثقه و اصدق فيها كل العيوب.
انت شايف وشها ده من اييي اكيد هي بتعمل حاجه تغضب ربنا علشان كدا ربنا عامل فيها كده و في وشها تصدق بالله هييي تستاهل كل دههه ياا احمد.
احمد ___
ميار: ساكت ليه؟ مش مصدقني صح؟
صدقني علشان دي الحقيقه هي اللي قالت لشهد خلتها تكرهك كدا... و تسيبك.
هي سبب المشاكل اللي في البيت.
ماشيه علي حل شعرها من غير ما حد ياخد بالو منها عامله فيها محترمه وهي كلها حرام في حرام اصلا.
احمد كان جواه مش قادر يصدق فيها حاجه في نفس الوقت .. يسال نفسه . ويقول ميار هتكدب عليه ليه.
ميار بغضب: لازم تعرف كل ده بسبب نور عايز تفضل ساكت ليه كتير كده زي ماما براحتك بس اتأكد انها شهد بتموت جواها بسببها دلوقتي و سبب الكلام اللي بتقوله ليها احمد مش بيحبك احمد بيتسلى بيكي احمد مش عارفه اي ..
احمد هنا انفعل جدا ...
أحمد بعصبيه: وهي مااال اهلهاااا هييي دخلت جوه قلوبنااا علشااان تعرف فيهااا اييي علشااان تقول كداااا؟
ميار بحقد: ساقت فيها اوى يا احمد طلعها من البيت ده.
احمد قاام بخنقه جواه: ميار قومي اخرجي بره علشان عايز انام.
بدأ ي خلع الجاكيت بتاعه ..
وهو حاسس بشتات وضيق ..
ميار قامت بغل: لو البت دي هتفضل هنا علي طول هتجيب لينا مشاكل مع اللي بتتكلم معاهم احنا مش ناقصين اصلا.
احمد بهدوء: ميار مفيش حاجه تثبت انها بتعمل حاجه علشان تقوليلي كدا اصدق انها تقول لشهد كده لكن انها تعمل حاجة غلط زي ما بتقولي او تكلم حد ده مستحيل دا بتعبر تربية امي يا ميار مش مصدق الصراحه.
ميار بحقد: عايز اثبتلك؟ هثبتك و هتشوف يا احمد.
طلعت من الاوضه بغضب.
احمد بضيق شديد وخنقه: و لا حول ولاقوة الابالله اي بيت المجانين ده ربنا يهديكم.
━━━━━━━━━━━━━━━━━━━
ميار قعدت على مكتبها .
قالت بغل: لازم اثبت حاجه فعلا حتى لو مش بتتكلم مع حد علشان تخرج من البيت ده علشان تبقي تحاول تفكر تحط عيونها علي حاجه مش ليها ..
كملت بشك اكبر: وانا متاكده انها بتكلم مع واحد والله.
فضلت تفكر ،، واتخطط للشر هتعمل ايه فيها ..
(حسبنا الله في كل من دبر فتنة لعبد ، ضعيف وظلمه بغير حق، فالله خير حافظ وخير ناصر )
━━━━━━━━━━━━━━━━━
في اوضه شهد.
شهد قاعده ع سجادة الصلاة بتدعي من قلبها ان ربنا يبعد عنها شر مهران ،،
و الرعب اللي في قلبها يروح خالص.
شهد بخوف ودموع : يارب انا مش عاوزه حاجه والله غير ان هو يبعد عني اصلا انا راضيه راضيه اني مبقش لاحمد طالما مكتوبلي كدا يارب لا توقعني في فتنه مهران يارب .. ولا حد يصدق ان الصور دي حقيقه يارب اللهم اغفر ليا كل ذنب لاتبتليني بفتنه الحياة يارب.
فضلت تدعي وقت طويل وتقيم الليل ... كتير لحد ما حست بالراحة في قلبها.
بعدها نامت في عيونها دموع و رعب من انه يعمل اللي في دماغه فيها.
━━━━━━━━━━━━━━━━━━━
في الصباح ...
فون نور كان بيرن قامت بزهق.
بصت لفون كانت امينه.
ردت بعصبيه: انتي كل يوم تصحيني بدري كدا يعني انا علي فكره بدأت اتعصب منك هعمل ليكي بلوك والله.
امينه بغيظ: طيب قولي صباح الخير في اي وبعدين لو عملتي بلوك عادي كدا كدا هيجي يوم نبقي في بيت واحد يا نوري.
نور بغيظ: بس علشان انا مش بحبك علي فكرة بطلي تقوليلي يا نوري علشان انا مش بحبك اصلا هاا.
امينه بغيظ فيها: نوري نوري نوررري نورري يلا اعملي بلوك يلا.
هاني اخد منها الفون.
هاني بإبتسامة: عامله ايه ي نوري؟
نور بغيظ: انا قولت اني مش هرد عليك بعد كدا.
هاني بهدوء: معليش انا ابوكي بقا و بحبك والله يا نور عيني.
نور بإبتسامة حزن: انا كمان بحبك والله يا حبيبي.
احمد بالصدفة عده من جنب الاوضه سمع الكلمه دي شك فيها اكتر.
قال جواه: يبقي ميار معاها حق اكيد.
غضب الدنيا اتملكه من ناحيه نور .. وهنا توعد ليها .
هاني بإبتسامة و فرح انها متقبله: بجد يا نور يعني انتي بجد بتحبيني و مش زعلانه مني؟
نور بدموع: بص انا بحب زيك زي ماما لكن من جوايا مش قادره اني ابطل ازعل منك صدقني اعذرني.
هاني اتنهد بحزن قال: صدقيني انتي روحي ي نور طول عمري انتي عندي حاجه كبيرة اوى عارف اني مكنتش بسال بس غصب عني بسببها هي بس اللي حصل بقا.
نور بحزن: ايوه بس كان معاها حق والله.
هاني بضيق: نور خلاص.
قال بهدو: اي رايك اجي اخدك؟
نور بسرعه: لا لا اوعا ..
هاني باستغراب: ليه بس ماانا عاوزك تجي بقا.
نور: خالتو هتزعل مني وبعدين انا مش هقدر اعيش من غيرها ولا هي ولا اللي في البيت والله.
هاني: معلش كل فتره اجيبك ليها ان شاءلله.
نور بحزن: لا مش عاوزه اجي والله.
هاني بهدوء: طيب براحتك لما تحبي انك تجي ابقي قوليلي وأنتي تلاقيني عندك ع طو يا حبيبتي.
نور: حاضر يا
وساكتت.
هاني بإبتسامة: يا اي؟؟ قولي يلا بقي يا بابا.
نور بإبتسامة: يا عمو يلا مع السلامة.
هاني أضيق منها جدا: عمو ماشي ي بنت عمو سلام.
نور ضحكت: في رعاية الله .
وقفلت.
ــــــــــــــــــــــــــــــــــ
هاني بإبتسامة: في رعاية الله يا اللي تعبتيني معاكي.
امينه كانت غيرانه جدا و سامعه كل حاجه
أمينه بغيره هي نور هتيجي؟؟؟
هاني: ياريت نفسي والله تجي.
امينه بخنقه: ان شاءلله هتيجي في يوم يا حبيبي ما تزعلش .
هاني اتنهد: ان شاءلله ياحبيبي.
هاني طلع بره الاوضه.
امينه من كتر الغيرة مسكت الكوبايه خبطتها في الأرض.
هاني داخل الاوضه تاني باستغراب:. في اي ي امينه؟؟
امينه بدموع: معرفش مفيش حاجه.
هاني بغضب: هو اي اللي متعرفش و مفيش حاجه وليه بتعيطي دلوقتي؟
امينه بزعل و دموع: انا اسفه يا هاني انا هشيل الازاز هو تكسر غصب عني.
هاني بغضب: لما انتي هتموتي من الغيرة ليه عايزني اكلم نور وتخليها تتعلق فيا هاااا؟
امينه بعياط: والله العظيم غصب عني انا بحبها مش بكرهها ولا حاجه بس انا مش عارفه خايفه احسن تاخدك مني علشان أنا قبل كده سرقت من امها هي هتيجي هتبقي ليك انت وبس هي تنتقم مني بسبب كدا.
هاني بدهشة منها ومن الكلام قال بسخرية: والله هي هتعمل كدا مش عارف تفكيرك ده اي بالظبط.
امينه حضنته وهي بتبكي: اسفه والله انا بحبك بلاش تزعل منى انت اغلى حاجه في حياتي كلها والله.
هاني حضنها بهدوء: بلاش الغيرة دي علشان منزعلش من بعض يا امينه تمام؟
امينه بدموع: هحاول والله.
هاني: لا انتي مش هتحاولي ده اللي لازم يحصل.
امينه: حاضر.
هاني باس رأسها بابتسامة.
بص ليها: والله بحبك مقدر علي زعلك أبداً ي اميرتي.
امينه بحب: انا اكتر يا عمري.
هاني حضنها جامد بحب.
━━━━━━━━━━━━━━━━━━━
شهد كانت بتحاول تسيطر علي خوفها.
وترجع زي الاول..
شهد بخوف شديد: ا ا م ماما انا ماشيه المدرسة عاوزه حاجه؟
امال بإبتسامة: سلامتك يا حبيبتي خدي بالك من نفسك.
شهد بإبتسامة حزينث: حاضر سلام في حفظ الله.
و مشيت.
ومشيت وهي حاسه ان في اشياء منتظرها بره ...
━━━━━━━━━━━━━━━━━━
بره في الشارع احمد كان واقف
شهد مشيت بسرعة ..
احمد بعتاب فيها: شهد انتي ليه بتعملي كل ده علشان خايفه ولا علشان مش بتحبيني؟
شهد حاولت انها ما تهتمش لي ،،
وجت تمشي ...
احمد واقف قدامها بسرعه.
قبل ما تمشي ...
أحمد بغضب: ردي عليا.
شهد من غير سيطرة ع دموعها: اسفه ي احمد بس انا مش بحبك.
احمد بصدمه: اسفه مش بتحبيني اللي هو ازاي؟ انتي ازاي كدا ليه التغيير ده مره واحده ليههه؟
شهد بعياط وكدب: انا مكنتش بحبك عمري ما حبيتك كنت معجبه مش اكتر بس خلاص زهقت من كل ده.
احمد بغضب مالي قلبه: بغض النظر عن الكلام ده هحاول اني ما صدقكيش علشان انا حاسس ان فيكي حاجه ليكون نور هي السبب في كل ده.
شهد منهاره في العياده: نور صادقه ي بن عمي نور معاها حق والله وانا قولت مش بحبك وخلاص.
بدأت تقدم خطوات لقدام . وهي تبكي
ثم قالت بوجع وقهر ..
شهد باسف: سامحني ي احمد سامحني علشان ربنا يرضي عني و عنك وعدت مرات عمي مش هكلمك تاني بس رجعت اتكلمت معاك علشان انهي كل ده سامحني انااا انااا كشهد مش بحبك اسفه اسفه اتمنى انك سامحني...
مشيت لبعيد . واختفت من قدامه نهائي
احمد حزن اكتر و اكتر جواه و حاس ان الدنيا سواد في وشه اكتر لما اختفت من قدامه.
و حاسس انها دي النهايه من هنا ..
قال بحزن و ندم علي حبه ليها: اسامحك... اسامحك... مستحيل اقدر اسامحك ي بنت عمي مستحيل.
━━━━━━━━━━━━━━━━━━
شهد كانت ماشيه تبكي بانهيار شديد .. في الشارع و وجع جواها.
مره واحده ظهر قدامها مهران.
شهد اتخضت جدا وترعبت منه لما شفته ظهر قدامها
شهد بخضه: ا ان انت... ا انت...
مهران بحقد جواه : اااه ااانا الجحيم.
شهد ترعبت منه اكتر ..
بدأت ترجع لوراء بخطوات بطيئه ..
قالت ..
شهد برعب وانهيار: ا ان انت ع ا ا عايز عايز ا اي ...
مهران طلع التليفون بتاعه من جيبه قال بغل..
مهران: عايز اشوفك بتتعذبي قدامي " جاب الصور بتاعتها .. اللي كانت مفبركه ،،،
وابعتها لكل أرقام عائله السيوفي.
شهد بصدمة وصرخه: حراااااام عليييك حرااااام عليك . اناااا عملتلك ايييي؟
هنا نهارت والدنيا اسودت في وشها حرفيا
مهران بشماته فيها: انا لسه هعمل اكتر من كداااااا يااااا غاليهههه.
شهد من شده الصدمه و الرعب اللي جواها من ابوها وقعت في الأرض تصرخ.
شهد بانهيار: منك الله منك لله حسبي الله ونعم الوكيل فيييك.
مهران اختفى من قدامها. فجأة
تلفون شهد كأن بيرن.
بصت عالفون من غير استوعب من اللي بيحصل فيها من الحظه.
راحت علي البيت وهي مش مركزه في حاجه قدامها حاسه ان روحها بتتسحب منها.
━━━━━━━━━━━━━━━━━━━━
دخلت البيت وقفت في نص الصالون وهي الدنيا سواد في عيونها.
كانت واقفة كأنها مش عارفة هي وصلت البيت إزاي أصلاً.
نفسها كان متقطع،
وإيديها بتترعش،
ووشها شاحب
من شدة الخوف.
كانت حاسة إن كل صوت حواليها بعيد، وكأن الدنيا كلها بقت مكتومة
فجأة.
الفون كان في إيدها، والإشعارات بتظهر عليه واحدة ورا التانية.
رسائل...
اتصالات...
أرقام كتير...
وشهد مش قادرة حتى تستوعب اللي بيحصل ،،
نور طلعت من الاوضه بتاعتها بصدمة
نور بصدمه: شهد اي دههه؟!
شهد بصتلها بتوهان...
