رواية قط وفار والقلب احتار الفصل الرابع عشر بقلم شيماء يسري زهران
- يا ماما عرفتي تصوريهم؟
- اه يابت عيب عليكي، هو أنا عيلة صغيرة؟
فرحت هاجر وقالت:
- محدش شافك؟
- لأ، زي ما قولتلك كنت طالعة اشوف حنان لقيت باب الشقة مفتوح ومفيش حد خالص وسمعت صوتهم في اوضته اللي بابها موارب كان.
- وشوفتي ايه؟
- لأ هو للأمانة يابت مفيش حاجة يعني تغضب ربنا ولا حاجة، هو بس كان لاوي دراعها كده ونظراته كلها سهوكة وهي كمان ومعرفش بيتخا.نقوا كانوا..خدي شوفي.
أدت نوال الفون لبنتها تشوف، قفلت بعدها هاجر الفون وقالت:
- وكمان صورتيهم وهي بتركب الموتوسيكل ورايحة الاستاد؟
- اه، ماهي لو بنت فوزية فاكرة إنها هتلهف الواد تبقى غلطانة، هالة بنت المو.كوسة راحت لسليم، يبقى خلاص أنتِ اولى يابت.
فرحت هاجر وقالت:
- اهو كده الكلام.
بصت نوال في شك:
- بت هو أنتِ بتحبي الواد ده؟
سكتت هاجر في احراج، اتكلمت نوال:
- يبقى بتحبيه، ده حلو اوي، ومقولتليش ليه من بدري يا روح امك كنت عرفت الين دماغ حنان يابت!
- يا ماما..يا ماما مانتي كان كل حاجة عندك هاجر هي اللي تتجوزه.
- أيوة بس لو كنتي جيتي قولتيلي مكنتش قعدت احر*ق طاقتي مع واحدة مش في دماغها مراد ده وكنت جيتلك أنتِ.
- اهو اللي حصل بقى يا ماما، انا فعلا بحبه، بس هو للأسف مش معبرني خالص يا ماما، كل همه مرام مرام، وهي بقت تشك فيا جامد وبتغيظني.
قالت نوال في نبرة توعد:
- سيبي الطالعة دي عليا يابت.
- هتبعتي الحاجة لخطيبها؟؟ طب ماهو متعلق بيها ومش عايز يسيبها اصلا مهما عملت، الحوار ده مش نافع.
- لأ أنا هعمل حاجة اكبر من كده..لو سابها خطيبها وبس على كده يبقى سهلنا الطريق لابن حنان.
| في اوضتي|
ماسكة الفون برن عليه، رد عليا:
- الو..
- هو انت بتحدد الكتب الكتاب بمزا.جك ازاي! انا بني ادمة وليا قرار!
- قرار؟؟ هو انتي كمان ليكي عين تتكلمي وتجادلي!! انتي روحتي معاه الاستاد من ورايا وخبيتي عليا!!
- يا اخي انا كنت هقولك!
- تقوليلي!!! اه صح أنا ازاي قليل اد.ب كده، خطيبتي كانت هتقولي إنها طول اليوم مع واحد تاني.
- احترم نفسك يا حسام! ده ابن عمتي وكنت بشجعه في استاد القاهرة، يعني مكنتش في مكان مقفول معاه!
- تاني حوارات ابن عمتك؟؟ عرفتي ليه بقى انا هعجل كتب الكتاب؟ عشان بعد كده الكلمة كلمتي وهراقب كل خطواتك.
- وانا مش عايزة نعجل كتب الكتاب!
- لأ مش بمزاجك!!!
- يعني ايه مش بمزاجي!!!
- يعني هو كده.
صوتي علي اكتر وقولت:
- انا معملتش حاجة غلط! انت اللي بأسلوب.ك خليتني اخبي عليك!
- انا اللي عندي قولته واتفقت مع أبوكي.
قفل السكة في و.شي، رنيت تاني محدش بيرد، حد.فت الفون ع السرير وخرجت برا لقيت بابا بيقفل باب الشقة ولسه جاي من الشغل:
- بابا، انت بتتفق على كتب كتابي!!
اتعصب بابا وقال:
- اه، عشان أنتِ عارفة اللي عملتيه ده هيجيب مشاكل وبردو روحتي الاستاد، أنتِ عارفة ده هيضايق خطيبك بتعمليه ليه!
خرجت ماما من اوضتها تتكلم:
- خلاص يا محمود براحة ع البت.
زعق بابا:
- لأ مش براحة! انا الشغل مطلع عيني وبنتك قاعدة هنا تتصرف زي الاطفال! الاقي حسام ده يرن عليا في الشغل ويضغطني اكتر مانا مضغوط! ارد اقوله ايه لما يقولي بنتك ارطستني وراحت مع مراد الاستاد!
قولت في تذمر ودفاع عن نفسي:
- ترد تقول إنه مراد ده اخويا ومفيهاش حاجة اني افضل قريبة منه!
اتعصب بابا اكتر وقال وهو بير.مي المفاتيح ع الترابيزة:
- لأ فيه! فيه انك خلاص بقيتي مخطوبة وحسام من حقه يغير عليكي! هو هيكون جوزك وحقه اللي ميرضاش بيه يعترض عليه!
رديت في زعيق:
- يغير عليا من مراد!!
لكني اتخضيت من زعيقه عليا اكتر:
- اه من مراد! مراد ده راجل غريب عنك في الأول والآخر!
ردت ماما:
- ايه اللي بتقوله ده بس يا محمود! مراد اخوها اللي مربيها!
رديت وانا عيني بتدمع:
- قوليله يا ماما!
رد بابا:
- فوزية انتي ليكي معايا حساب وكلام تاني ع انك وافقتيها تخرج معاه اصلا! مربيها مقولناش حاجة وكلنا عارفين هو قد ايه في مقام اخوها، لكن كل شيء اختلف حاليًا لأنها هتتجوز! اي راجل مش هيستحمل ده.
رديت وانا بدأت اعيط:
- يعني ايه يعني يا بابا!! انا مش عايزة اتجوز دلوقتي انا لسه بدرس!
- والله مش مشكلتي بقى، اللي يعمل غلط يتحمل نتيجته.
دخلت على اوضتي متعصبة وانا بعيط.
- ليه كده يا محمود ما تكلمها براحة ليه تعيطها.
- انا داخل انام يا فوزية.
كنت قاعدة في اوضتي محتارة ابعت لمين غير لمراد..فتحت الفون واتساب عايزة اكتب رسالة..
| في اوضة مراد|
غير هدومه ولسه هيسيب الأوضة ويخرج لقى الفون عمل صوت رسالة:
" انا مخنوقة وحاسة اني عايزة امو.ت😭".
لقيته بيكتب حسيت بأمان، رد:
" في ايه مالك؟"
" في اني بكرهك وياريتني ما شوفت وشك يوم ما جيت ع الدنيا، انت سبب مشاكل كتير في حياتي إذا كان حسام أو حد هييجي غير حسام..انا زهقت بجد زهقت من فكرة اني مش قادرة ابعد عنك، ابعد عني يا مراد ابعد بجد أنا تعبت!😭"
وقف مصدوم شوية من الرسالة، حاول يكتب وفضل يمسح..:
" طب ليه؟ عملت ايه ولا حصل ايه فهميني؟"
مردتش وقعدت اعيط، رن عليا، رديت:
- ايه يابنتي في ايه؟
- انت عايز ايه بترن ليه! عايز ايه مني؟
سكت شوية، قال:
- مضايقك للدرجادي يعني؟ طب ماحنا كنا لسه كويسين، خطيبك قال حاجة ضايقتك؟
- ابعد عني يا مراد وخلاص.
- طب حصل ايه خلاكي تعيطي ولا قالك ايه هو؟
- وانت مالك! ابعد عني وخلاص انا تعبت.
- طب انزل اشوف مالك؟
- لأ والنبي بلاش تعمل كده يا مراد لسه عاملة مشكلة مع بابا..
- ليه؟؟
- بابا زعقلي اني جيت معاك عشان حسام رن عليه متعصب لما عرف اني كنت معاك.
- وهو عرف منين؟
- شافني ع التليفزيون الكاميرا للأسف جات عليا.
- بين كل الناس دي!! ايه الحظ ده..
- انا تعبت يا مراد..ابعد عني.
اتعصب عليا وقال:
- ما تتـ.هدي شوية! هبعد عنك حاضر بس عايز افهم ايه بردو خلاكي تعيطي هو قالك ايه ولا بتعيطي عشان مشكلة أبوكي؟
اترددت..اترددت اتكلم..قولت:
- ابعد عني بقولك!
شخط عليا وقال:
- تمام اوي، هبعد بس انتي كمان ابعدي ومشوفش وشك في حياتي حلو كده؟
قفل الفون في وشي في غـ.ضب، قال:
- بت دما.غها تعبا.نة! بقولها فهميني تقولي ابعد عني! شايفاني قاعد تحت رجليها يعني ولا ايه! هبعد ياختي لأجل عيون حسام بتاعك اشبعي بيه.
قعدت اعيط كتير وفضلت صاحية لحد الفجر وقومت صليت وعيطت لربنا..انا حقيقي خوفت اقوله على كتب الكتاب..بس ليه خوفت؟ مش عارفة، كأني خايفة اخسره للأبد..
ــــــــــــــــــــــــــــــ
| في اليوم التالي|
" السلام عليكم يا استاذ حسام".
كان حسام راكب عربيته الاوبر اللي شغال عليها لكن في نص الطريق جاتله الرسالة دي..معرفش يرد وفضل يسوق لحد ما وصل العميل لمكانه ومسك الفون يفتح مسنجر:
" وعليكم السلام..مين؟"
عدى خمس دقايق والشخص كتب تاني:
" كنت عايزة يعني اقولك حاجة لمصلحتك..".
| في اوضتي|
جيت من الكلية بوش حزين، مش طايقة نفسي، دخلت الأوضة اغير هدومي وقعدت ع السرير سرحانة..
عيني وقعت ع الكُتب اللي جبهالي مراد، قربت من المكتبة اخد كتاب منهم وبدأت اقرأ بعد ما قعدت ع السرير..ولقيت اول صفحة:
"إن الحب ماهو إلا أفعال..فمن قال أن الحب هو أن يخبرك رجلًا انكِ جميلة؟"
ده معناه اني حسام بيحبني فعلا صح؟ ماهو خطبني وعايز يكتب الكتاب مش دي الأفعال؟ سكت اصوات راسي وكملت قراءة:
" كانت له ولم تعرف منذ البداية ..قد نمر في حياتنا بجانب شريك رحلتنا في هذه الحياة كالأغراب.. يرانا ونراه ولم يعرف أحدنا بأننا خُلِقنا لنكون معًا..غريبًا أليس كذلك؟".
بلعت ريقي كده وسرحت شوية، فجأة فصلني الفون، وكان حسام، رديت:
- نعم؟
- ردي عدل، انا متصل اصالحك..رغم انك انتي اللي المفروض تصالحيني.
- اصالحك اه، اسلوبك اللي صعب يا حسام.
- طب حقك عليا..مرام أنا بحبك مش قادر استحمل مراد ده يقربلك ومتقوليش اخوكي..انا بحبك.
سكت في شوية كسوف، قولت:
- مش زعلانة خلاص.
- طب نفسي مرة اسمعها منك، قوليلي بحبك.
قولت في ابتسامة:
- قولتلك بتكسف انا.
- هستناكي تقوليهالي تحت.
- تحت فين!
- في العربية..البسي وانزلي هوديكي مكان جميل اوي.
- حسام انا لسه جاية من الكلية مفرهضة اوي.
- عشان خاطري؟ اوعدك هتبقى خروجة تحفة.
اتنهدت ووافقت، قومت لبست اي حاجة في الدولاب ولميت شعري ونزلت.
قالت ماما وانا خارجة من الأوضة:
- استني عندك يا مرام، خروج مع مراد تاني مش هسمح، أبوكي نكد عليا ومشا.كل من امبارح.
قولت في قلة حيلة:
- مش مراد ولا نيـ.لة يا ماما، ده مع حسام، مراد خلاص قطعت علاقتي بيه.
- يعني ايه يابت قطـ.عتي علاقتك بيه! ده ابن عمتك!
اتعصبت وقولت:
- هو كده مش عاجب وكده مش عاجب! انا زهقت!
نزلت من الشقة مش طايقة نفسي، قالت ماما وهي بتكلم نفسها:
- يعني نقولك خففي تعاملك مع الواد تقومي متعرفيهوش تاني!
| قدام بيتنا|
ركبت العربية، قال:
- ايه مالك؟
- مفيش، متعصبة شوية.
- من ايه؟
- ماما مضايقة اني قطعت علاقتي بمراد خالص! اعملهم ايه بجد!!! كده وكده مش نافع!!
فرح وقالي:
- ده عين العقل يا حبيب قلبي..روقي.
بصيتله في قلة حيلة وقولت:
- حسام انت بتحبني صح؟
- بعشقك.
- طب ينفع نأجل كتب الكتاب؟
- موافق.
فرحت وقولت:
- بجد! انا فرحانة اوي!
قال وهو بيدور العربية:
- عشانك اعمل اي حاجة.
| في اوضة مراد|
لبس ورايح التدريب ونزل من البيت لقى هاجر واقفة ع باب الشقة..جريت تقف قدامه:
- خدني معاك..
رد وهو مش طا.يق نفسه:
- وقت تاني يا هاجر مش هينفع..ده تدريب مش مباراة.
- طب ادخل اقعد معايا شوية..مفيش حد جوا.
اتعصب عليها وقال:
- أنتِ اتجننتي!! ما تحاسبي على كلامك وشوفي بتقولي ايه! يعني ايه تعالى مفيش حد جوا!
عيطت هاجر قدامه وقالت:
- ليه بتكلمني كده! انا مقصدش! انت عارف اني قصدي نبقى صحاب عادي زيك انت ومرام!
حاول يهدى واضايق من نفسه أنه قال كده:
- انا مقصدتش اهينك بكلامي.
- طيب تعالى اقعد معايا شوية ونكون اخوات قريبين؟ ليه مش عايز نكون صحاب؟؟ انا ماليش اخوات ولاد خالص وبابا مش قريب مني..طول عمري بشوفك اخويا بس أنت لأ..
حس بتأنيب ضمير وقال:
- انا مقصدتش..بعتذر من اسلوبي.
قالت وهي بتعيط جا.مد:
- كل ده عشان ايه! عشان مرام؟ مرام لسه راكبة عربية خطيبها ومشيوا سوا اصلًا..يعني انت ولا في دما.غها.
جز على فكه وهو حاسس بشيء جواه خلاه يضا.يق، حس أنه هو في وادي ومرام في وادي تاني اصلا مع حسام، كان فاضل ع التدريب ساعة هو اللي نزل بدري.
دخل حسام الشقة من غير ما يفكر وهو متعـ.صب، قرب يقعد ع الانتريه وحط شنطته قدامه وقال:
- سيبي باب الصالة مفتوح..
هزت راسها بموافقة، وقربت تقعد جمبه، كان سرحان في اللي قالته عن مرام، لكن بدأت هاجر تتكلم:
- ينفع كده تعيطني؟
- مكنتش اقصد يا هاجر، هي ركبت معاه العربية؟
- أيوة..ركبت معاه..
قربت منه وهي بتفك شعرها وبتنام على كتفه:
- متزعلش..هي مش بتحبك كصاحب حتى، مش بتفكر غير في نفسها.
رفعت راسها تبصله تاني وقالت:
- هقوم اجيبلك حاجة تشربها.
سكت مراد مكنش بيرد، كان قاعد سرحان، بعد دقايق خرجت هاجر وهي لابسة فستان مفتوح شوية واديتله عصير الجوافة في ايده، اتوتر مراد وبص الناحية التانية وسأل:
- ايه اللي أنتِ لبساه ده!
- مش انت اخويا؟
- انا ابن عمتك..
قربت منه وهي بتديله العصير تشربه وتتكلم وهي بصاله في عيونه:
- تبقى اخويا..
|في العربية|
وصل بيا حتة غريبة كده وكلها مضلمة زي كباري..اتوترت من المنظر سألت:
- حسام هو ايه ده؟ فين الجنينة اللي قولتلي هنروحها؟
- هنروح، هي بس طريقها بعيد شوية قربنا نوصل.
اتوترت من كمية الطرق اللي مبتخلصش دي، وقولت:
- حسام ممكن نرجع من الطريق ده عشان قلبي مقبوض؟
لكن قلبي اتقبض بجد لما مردش عليا ولقيته تربس العربية كلها ..
- انت بتعمل ايه!!! افتح العربية!!
بدأت اعلي صوتي وانا بترعش، خبـ.ط بايدي في كل حتة وانا بحاول افتح الباب، قال وهو بيقرب مني عافية:
- صوتك مش هيقدر يوصل برا العربية..
طبعا عياط كتير ورعب:
- ليه تعمل كده فيا هو ده اللي بتحبني، الحقوني.
- لو مفكرة إنك ممكن تسيبيني عشان مراد تبقي غلطانة..أنتِ ليا وبس ولو مش ليا فأنتي مش لمراد.
- ابعد عني، الحقوني.
- قولتلك صوتك مش هيطلع..بتطلعيله الأوضة وعاملة نفسك هنا بترفضيني؟؟ انا اتبعتلي فيديو وانتي فوق يا روح امك.
صرخت جامد وهو شاد.دني من شعري وحاولت أز.قه.
بكل قوتي وانا شايفة إني مفيش حل تاني، ضربت الاز.از بكوعي كأنه سهم اختر.ق..زقيته برجلي في بطنه وطلعت جسمي من الشباك، فضل يشدني من رجلي لكني ضر.بته بيها ووقعت من العربية، نزل بعد ما فتح الباب، قومت عدلت نفسي اجرب بسرعة منه زي المجنونة مش شايفة من الضلمة ومش عارفة رايحة فين.
فضلت اجري اجري..لحد ما وصلت لشارع منور ولقيته غاب عن نظري، دخلت شارع جانبي بحاول اتنفس وقلبي زي القطر عيطت وبترعش، خرجت الفون من الشنطة بحاول اجمع اعصابي..
| شقة نوال|
رن الفون بتاع مراد..حس مراد بالنغمة..حاول يفتح عينيه وهو دايخ..بدء يعدل راسه ولما شاف اسمها مردش، حس أنه مش طايقها..
|في الشارع|
بعتت واتساب:
"رد عشان خاطري، حقك عليا رد يا مراد أنا اتبهدلت وفي الشارع لوحدي".
| في شقة نوال|
الفون رن تاني، هو كان قافل نت عشان كده رنيت تاني، قفل المكالمة وحاول يفوق ..مش قادر يتعدل حاسس جسمه وراسه تقيلة لكن فجأة اتعدل ولقى اللي قاعدة قدامه بتعيط ومدارية نفسها..
- ليه عملت فيا كده!
حس أنه قلبه بقى في زوره من الفزع، قام يتعدل زي المجنو.ن وانفاسه عالية:
- انا معملتش حاجة!
دخلت فجأة نوال الشقة، د.بت على صدرها :
- يا مصيبتي!!!!!
شكرا لزيارتكم عالم روايات سكيرهوم
