رواية قط وفار والقلب احتار الفصل الخامس عشر بقلم شيماء يسري زهران
- يا مصيبتي!!!
اتخضت هاجر وقالت:
- ماما!!! هفهمك..يا ماما مراد اللي ضحك عليا.
قال مراد وهو بيزعق ومش عارف يوقف توتر:
- أنتِ كد.ابة، انا مجيتش جمبك!
صو.تت نوال:
- يا حنان، الحقوني، كده تعمل كده فيا كده يابن حنان! وربنا ما هسيبك عايزة حق بنتي.
نزلت حنان بتجري مخضوضة ومعاها ماما اللي قالت:
- في ايه!
ردت نوال وهي بتشد جلبيتها في ندب وصويت:
- الحقوني، مراد ابن حنان ضحك على بنتي، عايزة حق بنتي.
حطت فوزية أيدها على بوقها في صدمة، لكن حنان كانت واقفة مش عارفة تنطق من اللي سمعته، قالت في إنكار:
- أنتِ بتقولي ايه يا ولية! أنتِ اتجـ..ننتي!!
- اتجـ.ننت!!! تعالي ياختي شوفي بنفسك انزلي..
نزلت حنان الشقة وسابت السلم، نزلت وراها فوزية، دخلت الصالة ولقت هاجر قاعدة على جمب بتعيط ومدارية نفسها بملاية، واقف مراد قدامها لبس التيشيرت وهو مش قادر يستوعب اللي حصل.
قال مراد:
- دي كد.ابة! أنتِ هتصدقيها يا امي!
بصت امه ع هاجر تاني ولقت نفسها بتنزل على وشه بكـ.ف أيدها، مسك مراد خده في غـ.ضب وقام قالب الترابيزة اللي عليها كوبايات مطرح عصير الجوافة، اتـ.كسرت واتقلبت الكوبايات، مسك الكوبايا وشخط عليهم:
- بنتك شر.بتني حاجة في العصير ده، انا مش عيل عشان تلبسيهاني يا هاجر، اوعوا تفكروا اني اهبل! انا متاكد مية في المية اني مجيتش جمب بنتك، وقومي البسي وهنروح لدكتور يلا.
قرب يشد هاجر من أيدها، عيطت هاجر اكتر وبعدته امها في صويت:
- اوعى سيب البت، هتتجوزها غصب عنك، انت مفكر اللي عملته ده هيعدي بالساهل!
زعق مراد وقال:
- اتجوزها؟؟ هو انتوا مفكرين المسلسل الهندي اللي بنتك عملته ده هيخش دماغي؟ لأ مش انا اللي يتلفقلوا الشويتين دول، اسألي بنتك هي عملت كده ليه وبقالها فترة بتلف حوليا.
ردت هاجر وسط عياطها:
- انت كد.اب! كد.اب يا ماما هو اللي قعد يقر.ب مني ومعرفش حطلي ايه في عصير الجوافة.
ردت حنان وهي بتعيط:
- كفاية! ايه اللي بيحصل ده!! ايه دخلك شقتها ومفيش حد!!
بص مراد لهاجر وقال في زعيق:
- ما تقولي ايه دخلني شقتك! هي اللي دخلتني وأصرت ادخل اقعد معاها بحِجة احنا اخوات واشمعنى قريب من مرام وانا لأ! انا مش اهـ.بل عشان اصدق الحوار اللي أنتِ عملتيه ده!
صوتت نوال:
- يعني ايه يعني!
رد مراد في نبرة قر.ف وبرود:
- يعني بنتك هتروح لدكتور عشان تعرفي انها كد.ابة، انا شربت العصير ولقيتني اترميت مش قادر افتح عيني اصلا.
رن الفون بتاعه تاني، شده من ع الترابيزة وخد شنطته ونزل من البيت، ركب الموتوسيكل بس متحركش، مردش ع المكالمة.
ــــــــــــــــــــــ
كنت واقفة مش عارفة اروح فين واركب ايه، انا مش عارفة انا فين اصلا..سألت ست كبيرة:
- لو سمحت..
بصت على لبسي وهيئتي وقالت:
- أيوة يابنتي؟
- هو المنطقة دي اسمها ايه؟
- دي اوسيم، أنتِ مش من هنا؟
- اوسيم؟ فين اوسيم؟ انا مش من هنا لأ.
- عايزة تروحي فين اوصفلك طيب؟
- ممكن تقوليلي اي موقف مواصلات اركب منه طيب؟
وصفتلي الست، وروحت الموقف، فتحت الشنطة أتأكد اني معايا فلوس لكن الصدمة اني لقيت المحفظة اللي فيها فلوسي وقعت وانا بجري وشنطتي كانت مفتوحة، بصيت للسما في محاولة تضرع لربنا، اتأوهت فجأة من ألم كوع دراعي مطرح الاز.از..
كان بينز.ف شوية، مفيش حل غير اني امسح في التيشيرت واضحي بيه، اصل كوعي واجعني جدًا ملهاش حل.
قعدت ع مصطبة كده ورنيت تاني في امل أنه يرد وفجأة رد، لقيت اللي بيتكلم في غـ.ضب:
- عايزة مني ايه؟؟ مش قولتيلي ابعد عني؟ ما تبعدي عن وشي أنتِ كمان أنا مش عايز اعرفك تاني.
عيطت وقولت:
- يا مراد أنا مش عارفة ارجع خالص ومتبهدلة.
قال في نفس نبرة الغضب بس في شوية فضول وقلق:
- يعني ايه مش عارفة ترجعي!
- مراد تعالى خدني بالموتوسيكل أنا في حتة اسمها اوسيم، حسام حاول يعتدي عليا.
اتعدل في خضة وقال:
- أنتِ فين بالظبط؟؟ ابعتيلي اللوكيشن واتساب طيب..محاولتيش ترجعي ليه؟
قولت وانا بعيط جامد:
- فلوسي كلها وقعت وانا بجري، مش عارفة اعمل ايه مرعوبة.
- ابعتيلي اللوكيشن وجايلك متقلقيش.
فتحت الواتساب بعتله اللوكيشن وقفلت الفون ابكي كتير على قد ايه انا شخص ساذج..
فتح واتساب وشاف اللوكيشن وفجأة حس بتأنيب ضمير لما شاف الرسالة اللي قبلها وهو كان قافل النت ومردش عليها ..
فجأة لقيت عربية حسام عربيته وقفت قدام الشارع اللي انا فيه، ضر.بات قلبي سرعت تاني من الرعب ومقدرتش اتحرك، نزل من العربية وكأني شوفت شيطان من الخوف، قالي وهو بيقرب مني:
- انا عامل تتبُع لتليفونك يا حلوة.
صَوت في نص الشارع وجريت منه لقدام، جريت وانا مش عارفة رايحة فين، فضل يجري ورايا، دخلت في شوارع جانبية وحواري كتير، نفسي هيتقطع مش قادرة..
مكنش في حل غير اني ارمي الفون..بس انا مش هعرف اعمل كده، ارمي الفون ازاي! طب اعمل ايه ماهو هيفضل ورايا.. لأ! في حل تاني وهو اني اطفي الفون خالص..
طب هكلم مراد ازاي! فضلت اجري لحد ما استخبيت جوا حارة ضيقة والفون مقفول..كنت ولا كأني بمثل فيلم رعب، بترعش ومدارية.
| بعد ساعة|
مكنتش سامعة صوت حوليا غير صوت عيال بتلعب كورة، بصيت ورايا في حركة بطيئة ملقيتلوش اثر، مسكت الفون افتحه في تردد، واول ما اتفتح لقيت اللي رن:
- الو يا مراد..
زعق عليا وقال:
- انتي فين كل ده بقالي ساعة برن يديني مقفول! انا جيت اللوكيشن مش لاقيكي.
- مراد هبعتلك اللوكيشن تاني اللي انا فيه بسرعة ارجوك.
قفلت السكة وبعتله اللوكيشن تاني وبعد دقايق سمعت صوت الموتوسيكل ولقيته قدامي:
- مراد..
نطقت اسمه وانا بجري عليه وبعيط جا.مد، رميت راسي على صدره وفضلت اشهلق وانا بترعش..كان بيحاول يهديني:
- اهدي، هو فين؟؟
- معرفش.. أنا مرعو.بة..دراعي وا.جعني اوي كـ.سرت بيه از.از العربية.
حاول يهديني وهو بيطبطب عليا وقال:
- خلاص اتنفسي..استني هجيبلك ماية.
- لأ هاجي معاك.
مسكت دراعه ودخلت معاه السوبر ماركت اشترالي ماية واداهاني، شربت شوية واديتهاله، قال:
- هو راح فين ما تقوليلي؟
- اقولك ايه! هو أنا يعني هداري عليه! بقولك معرفش انا بقالي ساعتين بستخبى منه، قالي رابط الفون بتاعي بفونه وعامل تتبع عشان كده قفلت الفون.
- يابن ال****** ادي الأشكال اللي جبتيهالنا..هو ده اللي ابعد عنك عشانه؟؟
رديت في عياط وصوت مرهق:
- مراد والله مش وقت الكلام ده، أنا بجد تعبا.نة جدًا وعايزة ارجع البيت.
ر.كبت وراه الموتوسيكل وسألت:
- هو انت مكنتش بترد عليا عشان زعلان مني صح؟
اتعصب عليا وقال:
- عشان مش طا.يقك!!
عيطت اكتر وانا ساندة راسي على ضهره وهو ماشي:
- انت عند.ك حق، انا فعلا سا.ذجة ومقر.فة ومش عارفة انا عايزة ايه..مكنش ينفع اكلمك كده..بس انت عارف..عارف انا ..
حاولت اخد نفسي واتكلم:
- انا كلمتك وحش اخر مرة وقولتلك كده عشان هو ساعتها اشترط كتب الكتاب يكون الاسبوع الجاي.
- كتب الكتاب!!!!
- أيوة، قال كده بالعِند عشان يبعدني عنك غصب، وانا خوفت اقولك عشان..عشان مش عارفة حسيت هبعد عنك للأبد..
مردش عليا، فضل سايق بيسمعني وهو غـ.ضبان، كملت أنا:
- والنهاردة في العربية وهو بيحا.ول يعمل عملته بيقولي حد بعتله صور لينا واحنا فوق..
- أنتِ ركبتي معاه العربية تاني رغم اني قولتلك لأ..مستنية ايه؟؟ مستنية ايه لما تركبي مع راجل عربية!!! خاصة إن الراجل ده هو حسام الاقر.ع ابن ال***********.
- يا مرا..
- بلا مراد بلا ز.فت!!! انتوا جنـ.نتوا اللي خلفوني ادعي البتاع ده يتقلب بيا واخلص منك أنتِ وهي؟
قولت في فضول:
- انا وهي مين؟
قال في سخرية مع غـ.ضب:
- مش عايز دو.شة، وانتي مالك هي مين! هو انتي هتسألي ليه اصلا! انتي صوتك ده ميطلعش لحد ما اوصلك للبيت وكل واحد في حاله.
- انت بتكلمني كده ليه! ده بدل ما تتعا.طف معايا ع اللي حصل!
وقف الموتوسيكل في نص الطريق ونزل يتعصب عليا، خوفت منه في الأول:
- في ايه؟
- اتعا.طف مع مين يابت أنتِ! مع مغفلة زيك!! انا مش عايز اسمع صوتك ده خالص لحد ما نوصل وكل واحد يطلع شقته.
- انت بجد معند.كش د**م!
- احسن ما يكون عندي مخ تعبا.ن زيك!
ركب الموتوسيكل تاني، شكلي كان شبه الفار وانا مش طايقاه بس مضطرة امسك فيه عشان هقع.
| قدام البيت|
نزلت من الموتوسيكل قبله وطلعت ع فوق في غـ.ضب، لكن اتخضيت لما سمعت صوت ظيطة في شقة نوال فوق والبيت تحت كله هادي، طلعت فوق، ولقيت العيلة كلها متجمعة:
- في ايه يا ماما؟؟ مالكم عندك طنط نوال ليه؟
كانوا كلهم موجودين معادا هاجر، انا بصراحة اتخضيت بحسن نية وقولت:
- في ايه يا طنط نوال هي هاجر كويسة؟؟
ردت نوال في ندب وهي بتعيط:
- هاجر حياتها با.ظت خلاص بسبب مراد ابن حنان.
قالت حنان:
- ياختي خلاص هيتجوزها انا اللي بقولك اهو..
ضيقت عيني وسألت:
- يتجوز مين!!!
قال بابا:
- انزلي تحت يا مرام أنتِ.
رد جدو وهو قاعد في الأرض سرحان وحزين:
- مرام مش صغيرة..ولو اني اشك في اللي حصل، انا حفيدي ميعملش كده.
اتكلم فتحي في غضب:
- ايه يابا!! يعني بنتي هتتبلى عليه!!!
زعق محمود:
- براحة يا فتحي وطي صوتك على ابوك.
سمع فتحي صوت باب حنان تحت اتقفل، نزل جري:
- انا كنت مستنيه من الصبح.
|في شقة حنان|
لقى مراد باب الشقة بيخـ.بط جامد، قرب وهو عارف اللي هيحصل، فتح الباب، لقى فتحي اداله ضر.بة في وشه، وقع مراد ع الأرض يمسك وشه، صوتت حنان وهي بتدخل الشقة تجري على ابنها..
جري محمود يحاول يمسك فتحي يهديه:
- اوعوا محدش يمسكني، بتد.مر بنتي أنا؟؟؟ بنتي؟؟؟ بنات البيت كلهم شايفينك اخوهم تقوم تعمل كده!!!! هقـ.**تلك يابن اختي.
اتكلم مراد وهو ماسك وشه بيقوم من ع الأرض:
- بنتك كدابة يا خالي، ولو مش مصدقني انا قولت الصبح روحوا لدكتور..بنتك بتعمل كل ده عشان عايزة تقرب مني وانا شايفها أختي الصغيرة اصلا.
قالت نوال:
- اخر.س! انت كمان هتتبلى ع البت!
زعق جدو ودب بعصايته جا.مد ع الأرض وهو داخل الشقة:
- بس كفاية!!! حفيدي بيتكلم صح، انا مرام حكيتلي اني بنتك عايزة تقرب من مراد!
بصت نوال ليا في غِل وقر.بت تجيبني من شعري، بعدتها ماما متعصبة:
- أنتِ اتجننتي يا نوال! هتجيبي البت من شعرها!!!
- بنتك بتتبلى ع بنتي! بنتي اللي ضا.عت.
انا واقفة مصدومة من اللي بسمعه مش فاهمة حاجة..! مراد يعمل كده!!!
قال جدو:
- بنتك هتروحي تكشفيلها وانا اللي بنفسي هاجي معاكي بكرة! وخلص الكلام! كله ينزل ورايا.
محدش اتحرك، زعق جدو تاني وخبط عصايته في الباب، بص فتحي لمراد في غِل ونزلوا كلهم..
بصيت لمراد بصات مليانة لوم وعتاب وعدم إدراك للي بيحصل لكن مكنش مركز معايا..
دخل اوضته ورزع الباب، كلهم نزلوا معادا انا..دخل سليم اوضته لكن زعق مراد وقال:
- سليم بعد اذنك مش قادر اتكلم اخرج.
خرج سليم ودخل اوضته، قالت حنان:
- ما تخشي يابت تعرفي اللي حصل منه بالظبط أنتِ ممكن يقولك الحقيقة.
فتحت الباب ودخلت..
- اطلعي برا.
قربت منه اقعد جمبه واتكلم:
- انا عارفاك كويس..انت لا يمكن تعمل كده يا مراد.
سكت ومردش، قولت:
- ممكن تحكيلي حصل ايه؟
بدء يتكلم بنبرة حز.ينة وقال في الآخر:
- ده كل اللي حصل.. أنا متأكد اني مجيتش جمبها.
رديت بنبرة عتاب:
- وانت دخلت ليه من الأول؟
بص ليا وقال:
- بسببك.. قالتلي انك ركبتي معاه العربية وانا مش في بالك..
سكت شوية ..قولت:
- وده ايه علاقته؟
- علاقته اني كنت عايز احس انك مش فرقالي..ودخلت قعدت جمبها وهي قعدت تتسهوك.
- تتسهوك ازاي يا راجل يا محترم! تصدق مش خسارة فيك بونية خالو؟
اتنهد وقال:
- وأنتِ ركبتي معاه العربية ليه؟
- انت بجد!!!!! في عز اللي انت فيه بتقولي عربية!!!!
- هو عملك ايه؟
- ولا حاجة الحمدلله قد.رت اهر.ب.
- عشان أنتِ حيو.انة.
- متغلطش!!!! يعني ايه تتسهوك اصلا؟؟ هي عملت ايه؟؟
- نامت على كتفى ولبست مفتوح.
- انت اكيد بقى عملت اللي عملته! تصدق البت معاها حق! انا حيوا.نة فعلا اني جيتلك تاني دلوقتي.
قالت عمتو برا في قلة صبر:
- البت بقولها حلي الدنيا افهم منها بيتخا.نقوا بردو، يارب.
| في الأوضة|
- أنتِ عايزة ايه دلوقتي!! روحي انزلي مش طا.يق نفسي.
بصيتله وانا حاسة بغيرة بتاكل جسمي وقولت في نبرة هادية :
- بجد قربت منها؟
- أنتِ شايفة ايه؟
عيطت وخبـ.طته في كتفه:
- انا شايفة اني عايزة اقـ.*تلك! انت مفكر نفسك هتتجوز هاجر! هيجوزوهالك عافية!
- انا محدش يقدر يجوزني عافية.
سكتنا شوية من الكلام، فضل باصصلي وانا بعيط وفجأة قالي:
- اقسم بالله مجيتش جمبها ولا هتجوزها..
مسحت دموعي وانا لسه زعلانة، فضلت بصاله:
- لو كنت معاكي كنت قتـ.*لته..
قلعني النضارة، خدتها من ايده تاني لبستها، قال في نبرة هادية :
- مقدرتش اتحكم في غيرتي عليكي انك معاه ..حسيت عايز انتـ.قم منك بوجودي معاها.
مكنتش برد وبدأت احس بكسوف من كلامه..
- مراد ..
مردش عليا..كان باصص في عيوني، قولت وانا بصاله وبرفع كف ايدي ناحيته:
- قلعني الدبلة.
ابتسملي وخرج الدبلة رماها الناحية التانية ع الأرض، قولت في ابتسامة:
- شكرًا..
قومت باستهبال اقوم من ع السرير انزل لكنه شدني مكاني تاني وقال:
- مرام...
بلعت ريقي في توتر..قال:
- أنتِ مصدقة اني بريئ صح؟
هزيت راسي، قال:
- خليكي قاعدة معايا..
قومت وسيبته وانا حاسة اني فرحانة ونزلت ..
خرجت عمتو ع صوت الباب:
- شوف البت! مش تقولي قالها ايه!
|في أوضته|
حضن المخدة اللي انا سندت عليها وقرر ينام وهو فرحان اني قلعت الدبلة.
| في اوضتي|
حضنت الدبدوب الكبير وانا فرحانة اوي اني سيبت حسام.. بفتكر نظرات مراد ليا وهو بيقلعني الدبلة..
| تاني يوم|
خلصت الدكتورة كشف وقالت قدام جدو ونوال:
- للأسف اللي حصل حقيقي.
شكرا لزيارتكم عالم روايات سكيرهوم
