رواية قط وفار والقلب احتار الفصل السادس عشر بقلم شيماء يسري زهران
خـ.بط الباب، قامت فتحت حنان لقت نوال في وشها وجدو، طالعة تصوت في وشها:
- شوفت يا حاج.
قالت حنان لأبوها وهي خا.يفة:
- في ايه يابا!!
رد جدو في نبرة هز.يمة وحزن:
- للأسف يابنتي الدكتورة قالت إنه حصل فعلًا.
صوتت نوال، قام مراد يخرج من الأوضة مفزوع وهو بيحاول يفتح عينه من أثر النوم:
- في ايه؟؟؟؟
عيطت حنان وقالتله في عتاب:
- يعني طلع الحوار حقيقي..ليه كده يابني؟ ليه؟؟
صر.خت نوال عليها:
- أنتِ لسه هتعاتبيه!! ابنك هيكتب ع البت.
لطـ.مت نوال على وشها وكملت:
- يا حاج اتصرف البت ضا.عت مني.
قرب جدو منها يهديها:
- اهدي بس يابنتي، لا اله الا الله.
خرج سليم من اوضته بما إن النهاردة كان يوم إجازة منزلش، سأل:
- في ايه؟ حصل ايه يا مرات خالي؟ كشفتوا؟
رد مراد:
- فين المكان اللي كشفتوا فيه يا جدي؟
لسه هيتكلم ضياء، قالت نوال:
- وده هيهمك في ايه؟!!
عاد السؤال تاني:
- جاوبني يا جدي، فين المكان؟
جاوب ضياء وقاله اسم الدكتورة ومكانها، قال مراد وهو داخل اوضته:
- انا هروح بنفسي اشوف الحوار ده.
دخل يغير بسرعة، قالت نوال لحنان:
- يعني ايه يعني!! يعني ابنك بعد كل اللي عمله فينا كمان بيشك في الدكتورة!!! طب ابنك لو نزل يا حنان هقـ.تله بايدي.
بعد دقايق خرج مراد، وفتح باب الشقة، جري وراه سليم وهو بياخد الجزمة من الجزامة بسرعة ومغيرش لبس البيت:
- استنى يابني جاي معاك..استنى.
حاولت نوال توقفه نزلت وراه ع السلم:
- انت رايح فين! خد هنا مش هتنزل انت هتتجوزها النهاردة.
مهتمش مراد وكمل نزول، خرجت فوزية فتحت باب شقتها ولقت نوال في وشها منها.رة:
- في ايه يا نوال؟؟ اوعي تقولي اللي في بالي طلع صح؟
ردت نوال وهي بتقـ.طع جلبيتها في انهيار:
- اه ياختي حصل، يارب ملناش غيرك.
اتخضت ماما وحطت أيدها على رأسها وقالت:
- يا حبيبتي ياختي، ليه كده يا مراد يابني ده انت ونعم اخلاقك!
خرجت انا من اوضتي بجري على الصوت ولما سألت في ايه وعرفت كل حاجة، وقفت مكاني مشلو.لة حركتي! يعني مراد طلع بيكد.ب!! اه طلع بيكد.ب! هو أنا ازاي بجد مصدقتش؟؟ ازاي مصدقتش إن راجل مع بنت طبيعي الشيطان كان تالتهم وصدقت أنه شرب حاجة..
انا هفضل لحد امتى الناس بتقدر بسهولة تضحك عليا؟؟
لولا أني استنجدت بيه امبارح انا بجد مكنتش ناوية اعرفه تاني..اصل بجد هحتاج دليل بعد كده ايه!! دي بتقولك جدو كان معاهم وهي الدكتورة بتأكد! يا خسارة يا مراد..
| قدام البيت تحت|
قرب مراد يركب الموتوسيكل قال سليم:
- لأ تعالى خدت مفاتيح العربية اركب.
- سليم انا مش بحب اركب عربيات.
- ياعم أنجز بقى ولا انا بعرف اركب موتوسيكلات.
ساب مراد الموتوسيكل وقرب يركب معاه العربية واتحرك سليم يسوق.
| في العيادة|
دخل مراد وسليم للدكتورة، جريت وراهم البنت المسؤولة عن الحجز:
- يا استاذ ميصحش كده، فين دورك، يا استاذ.
قامت وقفت الدكتورة مخضوضة، كانت بنت شابة، اتخضت وقالت:
- ايه ده!! انتوا مين وفي ايه!!!
قال مراد في نبرة تهد.يد:
- كشفتي على حد الصبح باسم هاجر فتحي، مش كده؟
بصت في الكشف اللي عندها وقالت:
- أيوة! انتوا مين!
قال مراد:
- ليه كد.بتي وقولتي العكس؟
- انا مش فاهمة حاجة! انا مقولتش غير اللي شوفته بحكمي دكتورة حضرتك!
قلب مراد كل اللي ع المكتب بتاعها، صر.خت وقالت:
- انت مجنو.ن!! اطلع برا!
قال سليم:
- انت عايز توصل لايه يا مراد؟
قال مراد في غـ.ضب وهو بيقلب المكتب نفسه المرة دي وبيقرب منها:
- هي عارفة كويس مين قالها تعمل كده، هتتكلمي ولا اروح فيكي في دا.هية؟؟؟
بصت الدكتورة لسليم بنظرات خوف، قال سليم:
- لو في حاجة مخبياها اتكلمي لمصلحتك بدل ما نود.يكي في دا.هية.
بصت لمراد تاني، شخط عليها :
- اتكلمي!
خا.فت وقالت :
- هقول..
| في شقة جدو|
كلهم متجمعين والريكورد بتاع الفون شغال بصوت الدكتورة:
- ام البنت هي اللي اديتني فلوس وقالتلي اقول كده قدام الراجل الكبير اللي كان معاها.
اتخض سليم، رد مراد :
- يعني البت مفهاش حاجة؟
- لأ، البت سليمة تمامًا..ارجوك متأذ*ينيش في شغلي وانا مش هكرر اللي عملته ده في حياتي.
قفل مراد الريكورد وبص لنوال وهاجر..قالت هاجر في خبث وهي بتمثل العياط:
- يعني انا سليمة!! اللهم لك الحمد يارب، اللهم لك الحمد يارب، ليه عملتي كده يا ماما!!! تقنعي بنتك اني ضيعت عشان ايه!!! عشان تجوزيني ابن عمتو!!! قولتلك انا بعتبره اخويا!
اتصدمت امها من اللي بنتها بتقوله وبصيتلها في صدمة:
- أنتِ بتقولي ايه يابنت ال*****
قامت جابتها من شعرها، صر.خت هاجر، جابها منها جدها وقال:
- بس يا نوال سيبي البت، بس يابنتي خلاص.
قال فتحي في غضب:
- أنتِ ايه يا نوال؟؟ أنتِ ايه يا شيخة!!! عايزة ايه من عيالنا!! ما تسيبيهم يختاروا براحتهم اللي هيدخل حياتهم!!!
قالت هاجر:
- انا ماليش ذنب في حاجة يا بابا..
طبطب جدو عليها وقال:
- خلاص يا هاجر يابنتي..كفاية عياط.
قالت حنان وهي بتطبطب على كتف مراد في ابتسامة:
- أنا قولت حبيبي وسندي ميعملش كده، انا ابني راجل.
بصت لنوال بصا.ت عتاب وقر.ف:
- اخس عليكي يا نوال، تعملي كده في ابني أنا؟؟ وعشان ايه ياختي؟ عشان طمعانة تجوزيه لبنتك؟ اخس، خاف من حبيبك الف مرة مش من عدو.ك..انا طالعة.
بصت هالة نظرات كسوف لسليم، قالت هالة في حزن واحراج:
- انا طالعة.
عدى ثواني وقام سليم وراها، لحقها قبل ما تفتح باب الشقة:
- في ايه يا سليم بس اوعى حد يشوفنا لوحدنا.
- أنتِ قاعدة تحت زعلانة عشان مفكرة اني غيرت نظرتي عنك؟
- أيوة..اكيد قر.فت مني بسبب تصرفات ماما دي..
قرب منها وقال:
- يابت أنا أقر.ف من كل الناس إلا أنتِ..
- طب اوعى يا سليم، ابعد بجد حد يفهم غلط وبعدين تقوم انت منيل الدنيا اكتر البيت يشُك فيك انت واخوك..
- يقول اللي يقول.. انا بحبك.
ابتسمت وفجأة سمعنا صوت حد طالع، سابني وطلع وانا حاولت افتح الباب في توتر وانا فرحانة..
| في شقة جدو|
قال جدو بنبرة زعل وغـ.ضب من ابنه فتحي:
- اطلع يابني، وعلم مراتك إن اللي حصل ده مش اخلاق عيلتنا وميصحش.
اضايق فتحي وشد نوال من دراعها وطلع بيها يكمل خنا.قة فوق.
فجأة رن فون بابا، حط الفون ع ودنه وقال وهو بيقوم:
- يلا يا فوزية أنا طالع.
طلعوا، فتح بابا الشقة وهو بيتكلم:
- طب انا هكلمها..متقلقش يابني هكلمها، لأ هي محكتش اي شيء بخصوص مشكلة حصلت بينكم امبارح..طيب اطمن.
خبط بابا باب الاوضة وقال:
- حسام اتصل.
- حسام! حسام ده ياريت محدش يجيب سيرته تاني يابابا انا خلاص قلعت الدبلة.
اتخضوا وقالوا:
- ايه!!
رديت:
- حسام ده راجل متحرش، هتجوز متحرش؟؟
رد بابا في غـ.ضب:
- عملك ايه انطقي!
- لأ مش انا..بيتحرش بأطفال يا بابا، شوفته بعيني وحكالي كمان دي مشكلة عنده..
- يا مصيبتي! وده يبقى اب ازاي!!! هات يا محمود اطلبهولي.
خدت الفون منه ورنت:
- الو!! كل شيء قسمة ونصيب يابني، بنتنا خلاص رفضاك.
- ليه كده يا امي اديني فرصة بس افهمك، انا بحبها اوي والله ما كنت اقصد ..صدقيني انا بغير عليها اوي.
خد بابا منه الفون:
- كل شيء انتهى يابني وقسمة ونصيب، ربنا يعوضكم خير.
قفل بابا السكة، وخرج من الأوضة، قربت مني ماما لما لقيتني عيني مليانة دموع:
- متزعليش يابت، ربنا هيعوضك.
أنا في الحقيقة مكنتش بعيط عشان حسام..لكن عشان حوار هاجر، سألت ماما:
- هو مراد فعلا غلط مع هاجر؟؟
- يابت لأ أنتِ معرفتيش؟؟
- معرفتش ايه؟؟
دخل فجأة مراد بيخـ.بط ع الباب، قالت ماما:
- اهو الواد جيه، تعالى فهمها انت بقى هروح انا اصلي المغرب.
قرب مني وانا قاعدة ع السرير جمب الشباك، سأل:
- مالك؟
- اخر حاجة سمعتها منهم الصبح إن الدكتورة قالت الكلام حقيقي وحصل..
بصيتله وقولت:
- انت نزلت من نظري.
قرب يقعد جمبي، بعدت عنه شوية، قال:
- خايفة مني؟
- الله اعلم ممكن انت كمان تعمل ايه، كلكم زي بعض، ر.جالة.
اتنهد مراد وفتح ريكورد الفون، اتخضيت من اللي سمعته، بصيتله في عياط وقولت:
- معقولة!! توصل بيهم الو.قاحة للدرجة دي!
- أيوة..
- يعني انت طلعت مظلو.م فعلًا؟
- شوفتي بقى؟
- يعني انت مقربتش من هاجر ولا فكرت فيها؟
- فكرت فيها دي مش هنكر.
- يعني ايه يعني!
ابتسم وقالي:
- بهزر.
الفون عمل صوت رسالة، فتحت الواتساب لقيت حسام باعت:
" سامحيني عشان خاطري، انا بحبك وعايز اتجوزك يا مرام.."
خد مني مراد الفون وطفاه، حاولت اخده من ايده:
- بيبعتلك ليه ده قولتيله انك قلعتي الدبلة؟
- أيوة بابا قاله..
- خلاص اعملي بلوك.
رن الفون، فتح مراد وقالي ارد، استغربته شوية، فتحت المكالمة وفتح الاسبيكر:
- الو؟ مرام؟؟ الو؟ مرام انا عايزك وبحبك.
رد مراد:
- أنا قاعد جمبها دلوقتي.
سكت حسام..كمل مراد:
- وعشان انت ******** وجبان لو راجل ابقى تعالى قولها الكلمتين دول هنا قدامي..
كنت سرحانة في مراد وانا وشي شبه كيس كاتشب، قال:
- واللي حصل امبارح ده حصل عشان انت مش راجل يا أقرع، صدقني لو شوفتك في يوم هزعلك جا.مد..ومتفكرش ترن هنا تاني.
قفل مراد السكة في وشه واداني الفون وهو مكـ.شر:
- اتفضلي
كنت سرحانة فيه، كرر كلمته:
- ما تاخدي الز.فت ولا ارميهولك من الشباك ده.
خرجت من شرودي وخدت الفون ورجعت ابصله، حسيته هو اللي بدء يحس بخجل مني:
- في ايه؟
- في ايه انا كلمتك؟
- بتبُصيلي كده ليه؟
- مراد ..
سكت مردش، كملت:
- هو ..هو ازاي ممكن حد يكون فيه كل الصفات دي؟
- صفات ايه؟
- مش عارفة..صفاتك كلها.
- اللي هي ايه يعني؟
- انت بار.د، ور.خم، ود*مك تقيل واكتر من كده.
ضحكت جا.مد على ردة فعله وهي أنه مستغرب ومضا.يق مني، لوى دراعي كعادة هزاره السخيف، اتأوهت وانا بضحك:
- خلاص بهزر اوعى.
- ر.خم وبا.رد؟ اومال الاقرع ده كان ايه؟
- كان د**مه اخف منك.
ضحكت اكتر لما داس زيادة ع دراعي:
- خلاص بجد..
قرب شوية واتكلم في نبرة هادية:
- أنتِ مكنش ينفع تتخطبي من الأول.
سرحت في ملامحه وجملته، بلعت ريقي وقولت:
- في حاجة نسيت اقولهالك من ضمن صفاتك..
قال في غـ.ضب وهو كاتم ضحكته:
- سخـ.يف وتافه صح؟
- وسيم..انت وسيم اوي.
ساد الصمت بينا، بص ليا في توتر واتلغبط، ساب دراعي وقام ياخد الفون بتاعه من ع السرير وخرج.
- يالهوي انا عكيت؟ هو زعل ليه؟؟
|في شقة حنان|
دخل يقف قدام مراية الحمام يغسل وشه وهو مضا.يق، حاسس أنه بيزق في حيطة حديد ..بيحاول يقاومها بس مبقاش قادر..قال وهو باصص لنفسه:
- مرام دي اختك يا متخلف!
افتكر كلمتها تاني وقال:
- عادي اكيد قصدها بريئ..بس لأ..عينيها مكنتش بريئة.
غسل وشه تاني وهو متعصب وقال:
- يعني عايز توصل لايه يا متخلف انت! هي بتغير عشان انت اخوها مش اكتر اي اخوات بيغيروا!
بص لنفسه ثواني من غير كلام، على صوته على نفسه قدام المرايا وقال:
- وحياة امك؟ طب وانت غيرتك اخوات؟؟ يعني عادي ر.اجل تاني يلمسها؟ ده انا اكون دا.فنه.
اتنهد وقفل الحنفية:
- طب انزل واتعامل عادي عشان دما.غها متروحش بعيد؟ لأ مش هعرف انزل متوتر لوحدي... لأ أنا هنزل ازعقلها بجد!
خرج من الحمام نشف وشه ونزل ع السلم لقى اللي كانت طالعة اصلا..
وقفنا فجأة في خضة وتوتر، طلعت انا اقرب منه وقولت:
- انا مكنتش اقصد..اسفة لو ضايفتك.
حاول يجمع كلام وقال:
- بصي ..هو عادي محصلش حاجة انا عارف قصدك بحسن نية بس ..خلي الكلام ده بينك وبين نفسك.
- ليه بيني وبين نفسي؟
- عشان علاقتنا مينفعش يتقال فيها الكلام ده..
- بجد والله؟ وبالنسبة لعيونك ومش عيونك؟
- عادي كلام اخوي.
- وحياة امك حنان؟ واحدة بواحدة..يبقى انت كمان متقوليش عيونك حلوة..
- خلاص ماشي عندك حق..
- والكلام ده يتقالي من واحد بحبه ويحبني في يوم مش من اخويا، وانت كمان يتقالك وسيم دي من حبيبتك في يوم ..
لفيت عشان انزل وانا محروجة من نفسي ومضا.يقة لكنه شدني وسندني ع الحيطة وقالي في توتر:
- أنتِ حبيبتي...
ضر.بات قلبي على اخرها ومعرفتش ارد..كان خا.يف من ردة فعلي فضل ساكت ثواني لكن لما لقاني ساكتة كمل:
- أنتِ حاسة باللي انا حاسس بيه؟...ردي عليا.
- اللي..اللي هو ايه؟
- إني.. إني عايز اقولك كل كلمة حلوة..وعايزك ليا لوحدي.. حاسة بده؟
انفاسي عليت ومقدرتش ارد..هزيت راسي بس بايوة..قال في صوت بيترعش:
- أنا بحبك..
حسيت بمعدتي كلها بتتحرك.. وفجأة لقيت عمتو حنان بتد.ب على صدرها قدامنا:
- بتـ ايه يا واد!!!!!
شكرا لزيارتكم عالم روايات سكيرهوم
