رواية حب المراهقة الفصل السادس عشر
سبحان الله العظيم 🤍
ميار من ساعة لما احمد قال انه يعرف مهران بقا كل تفكيرها في شهد. افتكرت لما قالتلها
فلا بااااك __________________
ميار بقلق: مالك يا شهد بتعيطي ليه؟
شهد بعياط: ميار كنت بتكلم مع واحد علي اساس انه واحده
ميار بصدمه: اي و انتي ازاي مكنتيش وخده بالك من كدا
شهد بعياط: والله العظيم انا مكنتش اعرف خالص هي واحده اعرفها اوى مش عارفه ازاي هي تعمل كدا فيا تضحك عليا. تخلي اخوها هو اللي يتكلم معايا. علي اساس انها هي قالتلي ده رقم جديد و اخوها هو اللي كان بيتكلم معايا فترة دي كلها مش عارفه هي ازاي تعمل فيا كدا اصلا الحقيره دي
ميار بغضب: اصلك غبيه ازاي تخلي واحده زي دي تضحك عليكي تديكي رقم لخوها تخليكي تتكلمي معاه ع اساس انها انتي لو بتعرفي تشوفي مين الحلو و الوحش في حياتك مكنتيش تبقي مغفله كدا
شهد بدموع: كفايه يا ميار انا ذنبي اي
ميار بعصبي: ذنبك انككك انتيي تخليي واحدههه زيكك زيهااا تضحكك عليكييي يااا غبيهه
شهد بعياط شديد: ميار بالله عليكي اوعي تجيبي سيرة لأحمد احمد مستحيل يصدقني ان انا مش اعرفه والله.
ميار بغضب: لا مش هقول حاجه اطمني ياا ست شهههد خليي كداا النااس تضحكك عليي عقلك ياا غبيهه
━━━━━━━━━━━━━━━━━━━━━━━━━━━━
ارض الواقع ________________
ميار كانت ساكتة، لكن عقلها كان بيشتغل بسرعة.
ميار بتفكير: مهران اخته اللي هي تبقي امينه...؟؟؟..
اتسعت عيونها فجأة وهي بتربط الأحداث ببعض.
ميار بعدم صدق: معقول هما السبب متفقين عليها؟ في كل ده امينه هي اللي خلت شهد تتكلم مع اخوها.
سكتت لحظة، وبعدها ملامحها اتحولت لغضب وحقد.
ميار بغضب: كل ده بسبب قريب الست نور هي السبب في كل ده و اكيد هي كمان متفقه معاهم ..
بصت ناحية باب نور، وابتسمت ابتسامة خبيثة.
ميار بحقد: هخليكي تندمي علي اليوم اللي دخلتي فيه البيت ده يا نور
مسكت الفون وجابت رقم، وبدأت تتكلم بصوت منخفض، ونبرتها مليانة توعد وحقد.
━━━━━━━━━━━━━━━━━━━━━━━━━━━━
♡ حكاية بقلم الكاتبه نور ربيع NR ♡
━━━━━━━━━━━━━━━━━━━━━━━━━
في الصالون
نور كانت قاعده مع اميره.
نور بنعس: خالتو انا هدخل انام عاوزه حاجه؟
اميره باستغراب: لسه بدري هتنامي من دلوقتي وبعدين انتي من امتي بتنامي دلوقتي؟
نور بزهق : عاوزه انام والله بحاول انام بدري. كمان لسه هكلم مع بابا شويه.
اميره بابتسامة: انتي بتتكلمي معاه من امتي كدا؟
نور بابتسامة: مش من زمان والله.
اميره بابتسامة: ربنا يباركلك فيه يا نور عيني يارب طيب روحي رني عليه بقا.
نور: حاضر.
وقامت ومشيت ناحية أوضتها.
ميار كانت واقفة عند أوضتها، وأول ما نور دخلت، دخلت المطبخ بسرعة.
━━━━━━━━━━━━━━━━━━━━━━━━━━━━
في أوضة نور
نور قعدت علي السرير بابتسامة ،،،
نور: انت كمان و حشاني يا بابا.
هاني بابتسامة: طمنيني عليكي عامله ايه و اي اخبار الدروس بتاعتك يا حبيبتي؟
نور بهدوء: الحمدلله والله كلو تمام اهو.
وفجأة الباب اتفتح ،، و ميار دخلت كان في ايدها كوبايه.
قالت بابتسامة مصتنعه: ممكن ادخل؟
نور بابتسامة: تعالي يروحي.
هاني باستغراب: في حد جنبك ولا ايه يا نور؟
نور: دي ميار بنت خالتو.
هاني بابتسامة: طيب روحي اقعدي معاها لما تخلصي ابقي رني لو مش هتنامي.
نور بابتسامة: حاضر يا بابا عايز حاجه؟
هاني: سلامتك ياقلبي.
وقفل.
هاني قال بابتسامة لنفسها: انا لازم اجيبك بقا انا نفسي اشوفك يا نور عيني و تبقي معايا كدا في بيت واحد علشان اشبع منك و ابقي مطمن عليكي اكتر.
اخد قرار انه لازم يروح يجيبها بكره.
━━━━━━━━━━━━━━━━━━━━━━━━━━━━
ميار بكدب: نور ماما بتقولك اشربي العصير ده.
نور: لا انا مليش نفس بردانه اوي عاوزه انام.
شدت البطانيه واتغطت.
ميار بضيق: نور خدي اشربي بس شويه صغيرين. يلا.
نور بنعس: لا بالله يا ميار هموت من البرد روحي ذاكري سبيني انام.
ميار بعصبيه: نوررررر بقولك قومييي اشربييي دهه
نور قامت بسرعه: انتيي فيي ايي هاتي ياا ست.
نور شربت شويه صغيرين. لقيت طعمه غريب.
قالت بقرف: يع اي ده خدي استغفر الله.
ميار مسكت الكوبايه وقعدت تضغط عليها تشرب.
ميار بغضب: اشربي اخلصييي بقاااا.
نور كانت بتشرب بالعافيه، لحد نص الكوبايه.
قامت بسرعه وقعدت ترجع في الحمام العصير.
ميار بخوف: مستحيل كده المفعول يشتغل معاها بسبب انها جبته كلو اعمل اي دلوقتي؟
راحت دخلت اوضتها.
━━━━━━━━━━━━━━━━━━━━━━━━━━━━
نور بقرف: يع اي ده استغفر الله العظيم هو ده اي بالظبط ده عليه تقريباً برسيم ولا ايه طعمه مر جداً.
قعدت علي السرير بدوخه ظاهره عليها ..
بدأت تدوخ بشده اكتر .
نور بدوخه وتعب: اه هو انا مالي النعس قصر فيا لدرجه دي؟
حاولت تفتح عينيها، لكن تركيزها بدأ يضعف، وكل الأصوات حواليها بقت بعيدة.
نور بصوت ضعيف: أنا... مالي؟
وبدأت تفقد قدرتها على فهم اللي حواليها.
━━━━━━━━━━━━━━━━━━━━━━━━━━━━
ميار دخلت اوضه نور بصتلها ،،، بابتسامة كلها حقد وغل، وشايفه انها بدأت تعمل تصرفات مش كويسه قدامها.
بعدم واعي
ميار بشماته: انتي لسه شوفتي حاجه يا حبيبتي دا انتي موتك هيبقي اليلة علي ايد اللي انتي بتحبيه.
راحت علي اوضتها.
مسكت الفون رنت ع الرقم.
ميار بتحذير شديد: الكل لازم يعرف ان ده فعلا حقيقي والله لو عملت حاجه غير اللي قولت عليها والله لا اقتلك.
سكتت لحظه..
كملت تهديد: لو حد عرف ان حد كلمك من الرقم ده او انا اللي قولت تعمل حاجه صدقني مش هدفنك غير وانت عايش ،،
يلا ادخل.
وقفلت الفون.
وكانت ميار لأول مرة حاسة إنها قربت جدًا من اللي كانت بتخططله.
━━━━━━━━━━━━━━━━━━━━━━━━━━━━
بعد ربع ساعة
الكل موجود في الصالون.
ميار بخبث: ماما روحي صحي نور قوليلها تجي تقعد معانا.
احمد بغضب: بلا نور بلا زفت مش عايز اشوفها ابدا تقعد معانا.
وليد طلع من الاوضه قعد معاهم.
اميره بعند فيهم قامت وقالت: اللي مش عجبه يروح ينام علشان بكره يومهم طويل.
راحت دخلت لأوضة نور.
وفتحت الباب...
وكانت الصدمه ..
اميره بصدمه والدنيا بقت سودة في وشها: نورررررر اييي دهههه؟؟
نور بصتلها بدون واعي ،، وضحكت الضحكه مايعه جدا...
وهي مش حاسه على نفس في للحظة دي
نور بدون تركيز: حبيبي ده يا خالتو.
الشخص من علي السرير وقال بخبث وتصنع الخوف: حبيبتي مش تقولي ان في حد في البيت هنا كنت جيت في وقت تاني ولا انتي كنتي جيتي ليا زي كل مره.
اميره كانت واقفه مكانها مش قادره تتكلم ، ولا مستوعبه اي حاجه قدامها.
ميار ظهرت على الباب، ونظرتها كانت مليانة شماتة ..
دخلت بكل غرور و ابتسامه صفراء كلها حقد وشماته ليها وكل نظرتها خبث.
وكل كلمة طالعة منها خبث
ميار بتصنع الصدمه: نورررر اييي اللي انتي بتعمليه دهه وميين ده؟
قالت بأعلي صوت: يااا باباااا ياااا عمي. يااا وليد يا اااحمد
اميره جريت بسرعة علي نور بصدمه ورعب عليها: نوررر نورر مالك ا اي ال اللي...
وساكتت مش قادره تكمل من كتر الصدمه ودموعها بتنزل منها.
نور من غير وعي: هو حبيبي يا خالتو هو جه علشاني.
الكل في للحظة دي جري ناحيه صوت ميار ...
وهنا الكل في الوقت ده دخلو ،، وبقا مصدومين منها ومن الشخص ،، إللي معاها .
محمد بصدمه عارمة: اييييي اللي بيحصل دههه؟
احمد بصدمه وغضب: حقككك مش بنت هانييي بقا محدش كان يتوقع منك كدا.
اتجاة ناحية الشخص ،،
الشخص ده جه يهرب ناحية الشباك... لكن احمد لحقة.
احمد بغضب عمي قلبه: اوعاااااا تفكرر انكك هتخرج من هنااا مش هتخرج غييير علي موتكك انهاردهه يااا كلب .
━━━━━━━━━━━━━━━━━━━━━━━━━━━━
وليد مكنش بس مصدوم .. من اللي شافه من نور ،، لا اصبح في حاله مثل الطور ...
انفلتت اعصابه وما قدرش يتمسك نفسه ...
اتجاه ناحيه نور وشدها بعنف من على السرير من شعرها ..
نور صرخت جامد: ااااانت مييين سبنيييي ياااا خالتوو الحقيني سبنييي اانت ميييين
اميرة ، اتدخلت بسرعه حاولت تبعت وليد عنها ..
اميرة: اوعاااااا ابعد كدااااا
ابو وليد بغضب: والله كمان علي اخر الزمن واحده زي دي تجي في قلب البيت وتنيل كل دهه فيهه.
محمد بغضب معمي: انتييي ملكيش غيييير انككك تموتيييي
وليد كان في حالة غضب شديدة، وكان نزل بضرب في نور وأميرة حاولت تمنعه.
لكنها أميرة مقدرتش تتمسك بأعصابها وفضلت واقفة عاجزة، مش قادرة تعمل اي حاجه ..
و البيت كله كان في حالة فوضى وصدمة
━━━━━━━━━━━━━━━━━━━━━━━━━━━━
المشهد الأصعب
الكل كأن مصدوم صدمه كبيره.
محدش كان قادر يتكلم ولا يقول اي حاجه.
منهم اللي كان عايز يعرف هي عملت كدا ليه من وراهم، وشايفين انها مذنبه.
ومنهم اللي كان مبسوط من جواه، ونظرة الشماته فيها جامده.
وهي كانت ميار.
أمال بدموع: اميرهه نورر هتموت في ايده.
راحت علشان توقف وليد.
محمد قال بغضب: عبد الله طلع مراتك من الموضوع دههه.
عبد الله شدها من ايدها جامد واخدها وطلعو بره.
أمال بعياط: حرااام عليك البت هتموت في ايده يااا عبد الله
قال بغضب : اللييي يموت يعيش بلاش تدخلي نفسك بلاش وجع دماغ.
أمال بعياط: حرام عليكم بلاش ظلم نفس اللي حصل مع شهد هتعملو فيها.
عبد الله بكسره وحزن شديد: الله يرحمها يارب. احنا شايفين بعيون كلنا يبقي طلعي نفسك من ده اللي يموت يعيش مدخليش نفسك.
راح دار ضهرة ومشي.
━━━━━━━━━━━━━━━━━━━━━━━━━━━━
اميرة راحت بسرعة وشدت نور بعيد عنه.
اميرة بغضب: سييييب بنتيييي اوعااااا تقررب منهااااا
نور وقعت في حضنها مغمي عليها.
محمد بغضب: اميرههه انتييي وبنت اختككك ملكمش مكان في اااليت دهه انتييي فاااهمههه
وليد بغضب معمي: عايشهههه معانااااا و كانهاااا بريئهههههه الزبالة.
بص للشاب بغضب.
وبقا يضرب فيه بعنف شديد.
و كان عامل نفسه عايز يهرب لكنه بيعمل زي ما قالتله.
سميرة بغضب: دي خسارة فيها الحياة والله العظيم يعني احنا نحافظ عليها هي تعمل كدا فينا في وسط البيت.
ابو وليد بغضب: مين اللي سمحلك تدخل البيت ياااا كلب اااانت؟
خد نفسه بصعوبه من الضرب ... وتكلم وقال بألم ..
ونظرات عيونه علي ميار
الشخص بوجع من الضرب: بنتكم ،، انا ونور بنحب بعض ونعرف بعض هي قالتلي تعال وانا جيت علشان اشوفها.
احمد ضربه جامد في وشه: دااا ااانت جيت لموتكك برجلكك هناااا
الشخص كان بيحاول يظهر الخوف، لكن كلامه كان متماسك بشكل غريب.
وليد فاضل يضرب فيه بعنف ويطلع كل الكرهه اللي في قلبه لنور فيه ... حتي أحمد
━━━━━━━━━━━━━━━━━━━━━━━━━━━━
اميرة بإنهيار: يااا نوررر
أمال جبت ليها مايه.
بسرعة بدأت تحط علي وشها مايه.
نور بدأت تفوق.
نور بدأ مفعول اللي كانت واخداه يروح.
اميرة بعياط: نورر نورر
نور بصتلها وهي مش فاهمه اي اللي بيحصل وحاسه ان كل جسمها في نار من اللي حصل ..
بصت علي نفسها بتعب ودموع ..
لقيت نفسها متبهدله جدا
نور: اه... في اي يا خالتو انا مالي؟
اتصدمت لما شافت الحجاب مش عليها والهدوم بتاعتها متبهدله خالص وقدامهم وهي بالشكل ده.
انكمشت في نفسها بصدمه
محمد بغضب واستحقار: أنتي مش طبيعية ابدا كنتي من شويه عامله ازاي ودلوقتي مصدومه محدش فاهم عقلك فيه اي.
نور كانت مش فاهمة أي حاجة.
وفجأة الشخص المجهول اتكلم بنبرة خبيثة ،،
الشخص: نور... أنا قولتلك إن حد ممكن يعرف اللي ما بينا. بلاش أجي. قولتيلي لا، تعال، محدش هيعرف. إنت وحشتني.
نور هنا بصتله بصدمة: إنت مين أصلا؟!
وليد ما كانش قادر يصدقها وكان باصصلها ،، بعيون بتطلع شر وكراهيه ليها من قلبه .. ومش قادر يصدق انها مظلومه شايف انها بتمثل وبس ..
ما اقدرش يمسك نفسه عنها اكتر من كده ...
وليد: اييييي فاااكرههه ااان كلل الحوارااات دي تخيل علينااااا ولا ايييي يااا زبااالة انتيي
نور اتخضت جامد منه قالت بعياط: و والله والله انا انا مش فاهمه حاجه مش فاهمه ايي اللي بيحصل ده صدقني.
اميرة بعياط: بالله عليك سيبها وانا وانا هتكلم معاها سيبها بالله عليك.
احمد بغضب وقسوة: بالله عليكي يا امي كفايه انتي طلعي نفسك من كل ده دي هي سبب اللي احنا فيه وسبب موت شهد وهي عاوزه تصيع علي حل شعرها.
وهنا الصدمه بقت صدمتين عليهم.
أمال بدموع: ازاي ازاي هي السبب؟
ميار بخبث وكدب: ايوه يا مرات عمي هي السبب. هي تعرف مهران ،، اهو مهران يبقي اخو مرات ابوها امينه هما كانو متفقين مع بعض.
نور بصدمه وعياط: والله والله العظيم كل ده محصلش وانا معرفش انو هو يبقي اخو امينه والله.
بصت لوليد بعيون مليئة بالدموع ،، وجواها انكسار ... و ضعف شديد
وقفت قصاد وليد بضعف ونبره صوت مكسوره ..
و قالت ...
نور: وليد صدقني انا معرفش اي حاجه عن اللي بيحصل ولا فاهمه ولا اعرف اي اللي حصل. انا حاسه اني في حلم قسما بالله ومش قادره اقوم منه حرفيأ.
وليد شاف الكسرة في عيونها .. وحش أن في حاجه غلط ...
وجواه احساس غريب جداً ،،، وندم
لكن كان غضبه اقوي ...
دار ضهره وقال بغضب رغم ضعفه ،،
وليد بقسوة: ارجع ملمحش وشك هنا .
وسكت لحظة.
وليد: وده آخر إنذار ليكي. بقولك اهو، مش عايز أشوف وشك هنا نهائي يا نوررر .
طلع من البيت نهائي بعيد عن نظرة عيونها اللي خلته يضعف غصب عنه.
━━━━━━━━━━━━━━━━━━━━━━━━━━━━
احمد بحقد وكره: قد اييي بكرهككك و بكرهه اسمككك و بكرهه شكلككك صدقيني لو اطول اقتلك هقتلكك دلوقتي ياا زبالة ياا رخيصة.
نور بكسرة وجع: الله يسامحك بس مكنتش اعرف انك شايل في قلبك كرهه كده ليا والحقد ده كله. عمري ما في حياتي كرهت او حقدت علي حد علشان حد اللي يكرهني كده.
بصت لميار بعتاب شديد ،،
نور بانهيار وكسرها: ياااه بجد قد اي انتوا و حشين لدرجه دي؟
هو انا وحشه علشان كدا انتوا بتكرهوني؟ اهو اتعلمت اكبر درس في حياتي منكم.
اميرة نزلت مستوي نور في الارض بعياط.
اميرة: نور قوليلي مالك اي اللي انتي كنتي بتعمليه ده انا حاسه انك كأن فيكي حاجه مش طبيعية.
محمد كان جواه غضب الدنيا مالي قلبه.
قال بهدوء رهيب: انا هرن ع ابوكي وهو يجي بقا يشوف هيعمل فيكي اي يتصرف معاكي انتي وهو.
سميره بغضب وكرهه: دي المفروض يدبحها والله تستاهل الموت.
نور قامت برعب اول لما قال هيرن ع ابوها.
نور بانهيار: بالله عليك يا عمي بلاش بابا! بابا ممكن يموتني والله والله وانا ما عملت حاجه ولا اعرف مين ده حتي ...
بصت للشخص بعياط شديد: قول الحقيقه! قول بالله عليك انا اعرفك ولا عمري شوفتك! قول يلا.
الشخص بكدب: بلاش تكدبي يا نور احنا نعرف بعض من زمان واحنا بنحب بعض ولا نسيتي اللي ما بينا.
نور بانهيار وعصبيه: اخرررررررس يااا زبااالة هو اااانا اعرفككك علشان يبقي في ما بينا حاجه؟ منك الله منك الله ربنا ينتقم منك يااا شيييخ
محمد بسخرية: هو يبقي يعرف كل ده بقا، بتكدبي او لا احنا ملناش دعوه بيكي اكتر من كدا.
نور بصت لأميرة بعياط شديد: خالتو أميرة بالله بالله عليكي بلاش تخليه يرن ع بابا هيموتني والله معملتش حاجه انا والله صدقوني انا مظلومه.
اميرة بحيرة ودموع: طيب فهميني مين ده يا نور انا واثقه فيكي والله بس ازاي ده دخل البيت وكان اللي بيحصل ده قدامي؟ قوليلي علشان ابقي عارفه.
هنا ميار بصت للشخص ،،
وهو فهم نظراتها...
راح جري بسرعة علي بره.
احمد جري عليه علشان يجيبه، معرفش كان اختفى في لحظة.
ميار بصرخه بتصنع الخوف عليه: أحمد سيبه يا احمد ما توديش نفسك في داهيه
احمد بغضب: يااا حيوان
راح دخل البيت.
مسك نور جامد من شعرها وفاضل يضرب فيها بعنف.
اميرة بغضب: ااااحمد كفاااايه سيبهاااا!
نور بعياط وصرخه: اااابعد عنييي سبنييي
محمد وقف قدام احمد وشدها منه، راح زقها بعنف علي الأرض.
قال بغضب: سبها. احنا محدش فينا يدخل اكتر من كدا فيها. احنا نجيب أهلها يجي يخدوها.
كمل بسخرية: ده ان كأن ليها اهل اصلا ..
نور بانهيار: ليههه ليهه انا مصدومه حقيقي من كل حاجه حواليا. كل ده يحصل فيا انا .
اميرة بزعيق وعصبيه فيها: اوماااال ازايييي دخل البيييت؟ فهمينييي وهو بيقول ان انتي قولتله يجييي هنااا كنتيي بتقولييي كلام مش مفهوم! فهمينيي فيي ايي؟
محمد بغضب: كل حاجه واضحة قدام عينك اهي. عاوزه توضح ليكي اي اكتر من كدا؟
نور بعياط وجع: صدقوني انا مش فاكره قولت اي او عملت اي والله العظيم انا ما اعرف انتوا بتقولوا اي.
أمال بحزن شديد: اللي يشوفك يقول انك فعلاً مظلومه. واللي يشوفك من شويه يقول انك انتي فعلاً تعرفيه. انا مبقتش فاهمه مين صادق ومين الكادب في كل ده.
سكتت لحظة.
أمال بحرقه قلب: بس عاوزه اقولك حاجه واحده بس لو انتي فعلاً ليكي يد في اللي حصل لبنتي انا مش مسامحك لحد اخر يوم في عمري علشان دي بنت زيك زيها .. وهو ربنا فضحك
مشيت من قدامهم راحت اوضتها في عيونها دموع.
━━━━━━━━━━━━━━━━━━━━━━━━━━━━
ابو وليد بعصبيه: رن علي ابوهاا يا محمد من هنا للصبح مكنش موجوده هنا علشان واقسم بالله العظيم لو هتفضل اكتر من كدا هنا انا للي همشي ، علشان محدش بقى طايق يقعد مع واحده زي دي في مكان واحد خطيئه ..
احمد بحقد: انتي تستاهلي الذبح لو ابوكي سابك من غير ما يعاقبك يبقي ولا هو راجل اصلا.
هنا نور مقدرتش تمسك نفسها ، ونفعلت جدا بشده ..
قالت بدموع تركيز لكلامها...
نور بصوت عالي: شوفو مييين اللييي بيتككككلم دلوقتييييي الليييي بيضحكك علييي بنااات الناااس اللي فيييهم هيتجاب فيااا بقااااا بسسسس علشااان مطلللعش الييي عنديييي يااا اااحمد
اميرة حطت ايدها علي بوقها بسرعة قبل ما تكمل الكلام.
اميرة بخوف وعصبيه: نوررر اسكتييي امشييي ادخلييي جوههه تعالييي.
كانت بتشد فيها علي الاوضه.
نور كانت بتحاول تشيل ايدها من عليها علشان جواها كانت منهارة من كلام أحمد.
احمد بغضب: ايييي يااا زبااالة علشااان تطلعيييي نفسكككك من ككككل دههه تهددي فياااا ولا اييييي؟
محمد بعصبيه: هيي البت دي بتقول اييي؟ اي هو اللي تقوله وانت انا مش قولت كفايه؟
احمد جواه غضبان بشده.
راح شدها بعنف من شعرها وبقا يشدها جامد من شعرها علشان يطلعها من البيت.
اميرة بغضب وصرخه في احمد: ااااحمد سيبهااااا بقاااا كفايهههه
نور كانت واقعه في الأرض احمد بيشد فيها من شعرها ..
نور كانت بتصرخ جامد: ااااه سبنييي بقااا سبنييي حرااام عيييك اذيتكممم في ايه يا ظلمه اابعد يااا حيوااان
ابوه وقف قدامه بغضب: اااانا مش قولت كفاااايه؟ سيبهاااا! ولا هييي مسكهههه علييك زله يعني بيومكك ده
اميرة بصرخه: منككك الله ياا اااحمد
وزقت احمد بعيد.
نور بقت في حاله انهيار اكتر ... عن الأول
اميرة اخدت نور راحت بيها علي الاوضه.
━━━━━━━━━━━━━━━━━━━━━━━━━━━━
كانت ميار بتتفرج بوجه كله خبيث.
قلبها مليان بحقد ..
وجهها بيظهر عليه الحزن بالكذب.
اخدت نفس عميق من قلبها بنصر .. وهي شايفه قد اي الكل بقى كرهه نور وهي بتكرهها بشده.
قالت لنفسها بالكره والقسوة عليها: يااااه مكنتش اتوقع ان الكل هيعمل فيكي كدا يا نور. مش مصدقه اخيراً جه اليوم ده. من بكرا مفيش وجود ليكي يا ست نور في البيت.
━━━━━━━━━━━━━━━━━━━━━━━━━━━━
اميرة قعدت نور علي السرير بغضب
اميرة بزعيق: كفااااايه بقا فوقييي من اللي انتي فيهههه دهههه
بكل قوتها ضربت نور بالقلم علي وشها.
نور من شدة العياط حطت ايدها علي وشها وقالت بصرخه شديدة من الألم اللي جواها ،،
نور: اااااااااه اااااااهه اااااااااااااه ااااااااههه مش مساااااامحهههه اييييي حد فكر يأذينيييييي! مش مسااااامحههه ككككل شخص وجعععععع نوررررررر ييوم من اااالايام
ونهارت وصوت العياط بتاعها .. عالي جدا
اميرة شالت ايد نور من علي وشها وحضنتها بدموع: حقك عليا يا نور عيني. حقك عليا والله مكنش قصدي امد ايدي عليكي، بس وانا واثقه فيكي والله اوي. بس ازاي ده ومين ده؟
نور فضلت تبكي بشده في حضنها مكنتش بتقول حاجه غير انها بتعيط وبس.
ميار دخلت بخبث وصدمه مصتنعه وقعدت وقالت ...
ميار بتمثيل الحزن: اي اللي انتي عملتيه ده يا نور؟ ازاي تجيبي واحد علي البيت؟ طب بتحبيه ماشي بس مش لدرجه دي تعملي اللي انتي بتعمليه.
نور طلعت من حضن اميرة وقالت بغضب: اخرسي! انا اشرف من اي حد وانا مش ضعيفه علشان اروح اعمل كدا.
سكتت وهي بتبكي.
كملت نور: والحيوان اللي عمل كل ده ودخل البيت وقال كل ده عليا هيجي يوم والكل يعرف هو مين. ربنا مش هيسامحه علي الفتنه دي حتي لو بعد سنين.
اميرة بحزن: ازاي دخل البيت كده؟ والمشكله انك انتي كنتي بتقولي كلام معرفش كان مالك. لما اغمي عليكي رجعتي لطبيعتك.
ميار بخبث: نور انتي كنتي بتقولي كلام مش مفهوم خالص، وتقولي عليه ده حبيبي، كنتي بتقولي لوليد انت مين. انتي تحسي انك كنتي مش في العالم.
وده اللي كان ما خلاني اقولك كدا يعني انا مصدومه فيكي والله، ولحد دلوقتي مصدومه فيكي حقيقي. غصب عني مفيش اي مبرر عندك أبداً. كلامك والشخص و .. و و و كل ده يصدق عليكي..
نور من غير تصديق: ليه انا عملت اي ولا قولت اي علشان الهجوم ده يحصل كدا عليا؟
ازاي مش فاكره اي حاجه كدا؟
بصت علي نفسها بكسرها: ومين مين اللي ضربني كده؟ الضرب ده وانا متبهدله كدا ليه؟ انا مش فاكره مش فاكره والله حاجه. انا معملتش حاجه والله صدقوني! صدقوني معرفش ازاي ازاي كل اللي انتوا بتقولوا عليا ده حصل مني.
اميرة بدموع: نور يعني انتي مش فاكره حاجه خالص او مش عارفه هو ده مين ولا حتي فاكره مين اللي ضربك كده؟
ميار بغل: عارفة يا نور انا حاسه انك كنتي شاربه حاجه، دا انتي كنتي شبه السكرانه. احنا لما دخلنا عليكي بالشكل ده اللي انتي كنتي فيه انتي والحيوان ده، وليد فضل يضرب فيكي جامد لحد ما اغمي عليكي، وبعدها لما قومتي مكنتيش عارفة مين ده بقا.
كملت بخبث: مع انك كنتي مبسوطه معاه الشخص ده وكانك فعلاً تعرفو بعض، انتوا كنتو في وضع استغفر الله العظيم... يلا بقى ربنا يسامحك لو كنتي بتمثلي علينا.
نور بعياط وصدمة: اي اللي انتي بتقوليه ده؟ والله العظيم انا مش فاكره حاجه. انا انا عملت اي بالظبط؟ ياربي ازاي ازاي مش فاكره حاجه؟
بدأت تنهار في العياط اكتر..
اميرة بحزن: نور اهدى يا نور.
نور بانهيار: والله والله انا معملتش حاجه والله يا خالتو ولا اعرف ازاي ازاي دخل الاوضه والله العظيم.
اميرة حضنت نور علشان تهدي فيها: اهدي انا عارفه انك انتي معملتيش كدا والله اهدي انا واثقه فيكي وواثقه انك مش فاكره كمان يا حبيبتي.
نور بعياط شديد: والله والله معملتش حاجه ولا اعرف حاجه عن كل ده صدقيني.
اميرة بحزن وحنان: عارفه يا نور عيني عارفه والله انك مستحيل تعملي كدا في حياتك.
نور مسكت فيها بقوة بعياط.
━━━━━━━━━━━━━━━━━━━━━━━━━━━━
ميار بكرهه: نور ازاي تقعدي هنا من بعد انهارده والكل اصلا نزلتي من نظرهم.
نور من كتر العياط والوجع اللي جواها مش عاوزه تتكلم خالص. فضلت تبكي بصامت تام.
نور حست مره واحده الجرح اللي في وشها بقي ينزل دم منه.
طلعت من حضن اميرة وهي بتبكي.
نور بوجع: ااه اي ده؟
حطت ايدها علي وشها لقيت دم نزل من وشها.
بصدمه وعياط: الجرح اللي في وشي اتفتح. ازاي؟ الدكاترة حذروا من الجرح ده ممكن يسرح في وشي كله والله.
كانت بتعيط بشده.
اميرة بخوف عليها: ميار هاتي بسرعة منديل.
ميار لنفسها بحقد: تستاهلي ده من الضرب اللي كان بينزل ع وشك انهارده من اللي كنتي بتحبيه.
قامت بغل جابت منديل.
اميرة اخدت منها وبدأت تمسح الدم
نور كانت بتعيط بوجع جامد.
اميرة بحزن شديد عليها ودموع: حقك عليا انا يا نور. عارفه انك اتأذيتي اوى فى حياتك. حقك عليا انا.
نور بوجع وانهيار: اناا فعللاً تعبت تعبت جاامد والله العظيم. لو كانت ماما عايشه مكنش يبقي حالييي كدا. ااااه انا قلبيي وجعني عليي نفسيي اويي والله.
اميرة بدموع: كفايه يا نور كفايه. الله يرحمها. ربنا مستحيل يسيب حقك أبداً والله.
ميار بغل علشان تكرهه نور فيه: الحق علي وليد لو مكنش ضربك مكنش الجرح ده يرجع ينفتح مره تانيه. حقيقي يا نور وليد انهارده شبع فيكي ضرب وانتي يا عيني عليكي ولا في العالم ده كله من الاساس.
كانت كل كلمه شماته فيها.
نور بوجع لنفسها قالت: هو السبب! معقول ليه حكم ماخلنيش ابرر او ادافع عن نفسي؟ ليه مسألش نفسه؟
وقال انها مش في واعيها من كلامي وتصرفاتي. المفروض كنتوا تقولوا ان فيها حاجه. ليه؟ ليه بهدلني بالطريقة دي؟
كملت بانهيار اكبر: ولا احمد... احمد هو كمان ضربني. دي بقا كنت بالكامل وعيي.
شوفته بعيني وهو بيضرب فيا جامد.
نور: لا والمشكله انها مش اول مره ياااااه! ولا جوزك يا خالتو بيقول هقول لابوها هو بقا يعرف يتصرف معاها ويقتلها.
وبكسره وانهيار قالت: وحقيقي انا قلبي انكسرر ودي مش أول مره، دي تاني مره اصلا...
حتى اللي بحبه... حتى اللي بحبه كسرني من جوايا. انا امتي حبيته؟ امتي؟ ياريت مكنتش حبيت من الأساس. انا قلبي وجعني اوى علي نفسي اويي.
━━━━━━━━━━━━━━━━━━━━━━━━━━━━
نور حست فعلاً بالخذلان والكسرة جواها ،،
حاسه إن الدنيا كلها سواد في وشها.
مصدومه...
ومنهارة ...
حزينه ..
تعبانه...
كل الشعور السئ بقا في حياتها من اللحظة دي.
اميرة بحزن وخوف عليها: نور كفايه هيحصل ليكي حاجه بسبب انهيارك ده.
ميار بتمثيل الحزن: نور طالما انتي واثقه من نفسك ليه بتعملي كل ده؟ كفايه يا حبيبتي واحنا بالله واثقين فيكي يا ست البنات..
ولو علي وليد وانك زعلانه انه عمل فيكي كل ده قدام الكل، مكنش ينفع يعمل كدا. انا مش عارفه هو ليه كدا اصلا. انا بخاف منه ومن غضبه. غضبه وحش اوى.
ميار: بس والله بيخاف علي اللي منه في قلب بيته يا حبيبتي.
نور كانت ساكته...
اميرة بحزن: يا نور ردي عليا.
نور بتعب ودموع: اطلعو بره علشان انا عايزة انام.
اميرة بحزن: نور قومي اغسلي وشك وصلي يا حبيبتي متنميش كده طب.
نور ___
ميار: خلاص يا ماما سبيها انتي عارفه انها لما بتبقي زعلانه وتعبانه بتحب تنام غصب عنها. سبيها ان شاءلله بكره تبقي كويسه.
اميرة اتنهدت بحزن: متزعليش نفسك يا نور. ان شاءلله الشخص ده يتعرف هو مين. ربنا مش بيسيب حق حد والله. ان شاءلله بكره خير.
قامت طلعت بره هي وميار.
نور كانت حاسه بيأس جامد جواها، بتعب وبكرهه لكل حاجه حواليها.
حطت راسها ع المخده بانهيار واغمضت عيونها اللي مليئه بالدموع ..
نور: لا إله إلا أنت سبحانك إني كنت من الظالمين.
دموعها كانت بتنزل بشدة.
"وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ"
[سورة يوسف: 87 🥹]
━━━━━━━━━━━━━━━━━━━━━━━━━━━━
في أوضة أميرة ومحمد
اميرة دخلت بتوتر الاوضه بتاعتها.
محمد كان قاعد جواه غضبان بشدة.
اميرة قعدت جنبه بهدوء علي السرير جواها حزن الدنيا علي نور.
اميرة بتوتر: محمد انا عارفه ان اللي هقوله ده دلوقتي مش يعجبك بس انا واثقه ان بنتي نور مستحيل تعمل اي حاجه زي كدا.
محمد بغضب: انتي عاوزه اي دلوقتي يعني عاوزه تقولي ان بنت اختك كمان مظلومه بعد كل ده ولا ايه؟
اميرة بهدوء وحزن: بالله عليك فكر بعقلك كويس وخد بالك من حاجات كتيره. نور لو عملت او قالت اي حاجه من ده كلو خد بالك بالله انها كانت مش مركزه. دي قالت مش فاكره اي حاجه انا عملت اي ولا فاكره مين اللي ضربها وبتقول لوليد انت مين.
احمد بغضب وعدم تفهم: بسسس كفااايه بقاااا بلاش انتي تصدقي منهاااا ايي حاجه؟ دي اكبر كدبه! هي ازاي قدرت تضحك ع عقلك كدا هاا؟
اميرة بحزن: بس انا وثقه فيها انها مستحيل تعمل اي حاجه تغضب ربنا حتى لو اي ده فخ من حد.
محمد بعصبيه: من مييين يعني فاهميني انااا مش عااارف! وبعدين بقا الحورات بتاعت بنت اختكك مش هتخلص؟ اللي كل يوم احنا فيها دي ولا ايه؟
اميرة بحزن شديد: معرفش بس كل اللي اعرفه ان هي مظلومه. في حد عمل فيها كده علشان سبب، هو كمان اللي دخل الشخص ده ع البيت بالطريقة دي وخلي دماغها تبقي مقلوبة بالشكل ده.
محمد بسخرية: وليه مكنش شاربه حاجه كمان؟ ما هو مش غريب عليها زيها زي ابوها. ونفس اللي ابوها بيعملو بنته دلوقتي بتعملو. ربنا طلع فيها كل حاجه دلوقتي.
اميرة اتنهدت بحزن: كلكم علشان شايفين انها بنت هاني حاطين في دماغكم انها مش كويسه هي وابوها. كل حاجه ابوها ابوها. ماله ابوها؟ انتوا الله يهديكم.
محمد بغضب: عمومأ الكلام ده كلو ولا يقدم ولا ياخر. ابوها يجي يخدها ويعرف اللي عملتو ده.
اميرة بجمود: نور مش هتمشي من هنا وهي معملتش حاجه علشان ميعرفش. واحنا هنعرف مين اللي عمل كدا ومين ده وليه عمل كدا.
محمد بقسوة: تمام يبقي انتي وهي تمشي من هنا علشان مش عايز واحده زي دي تقعد اكتر من كدا معانا. هي السبب في خرب حياة بنت اخويا.
كمل بغضب: ولا انتي مش خايفه ع بنتك ميار تتعلم منها كمان؟
اميرة بدموع منه: تتعلم منها؟ خلاص حطيت في دماغك ان هي واحده مذنبة وانها مش كويسه.
محمد بقلب قاسي: ده اللي عندي. اختاري لو مش عاوزه تمشي يبقي خدي بعضك انتي وهي من هنا علشان مش عايز وجع دماغ اكتر من كدا في البيت ، سمعت عيلتنا بتتشوه بسببها
اميرة بدموع: مقدرش اخلي نور تمشي او اقولها تمشي. مقدرش والله.
محمد بغضب: انا اللي عندي قولته وخلاص. لو شوفتها الصبح في البيت هيبقى في كلام تاني.
كمل بغضب وقسوة اكبر: ايييي مش شاااايفه اللييي بيحصل فييي البيييت منهااااا ولا ايييي؟ ايييي انتييي كلاميييي مش فيييي دماغكككككك ابدااااا ولا اييييي؟
اميرة بخوف منه برغم دموعها: اهدي ليه كل ده
محمد قام بغضب وطلع بره الاوضه.
اميرة بدموع: يارب استغفر الله العظيم.
━━━━━━━━━━━━━━━━━━━━━━━━━━━━
نروح لاحمد ..
احمد كان قاعد في نفس المكان اللي بيقعد فيه دائما.
علي البحر ... نفس القاعدة بتاع الثور،،
كان كل تفكيرة في اللي بيحصل.
اتنهد بحزن وقال: ليه زعلان كدا؟ ليه بتفكر؟ هي تستاهل اكتر من كده.
كمل بسخرية: لما اكتشفت ان الست شهد بتتكلم معايا ،، كانت عامله فيها مصدومه وتتكلم عن الحلال والحرام والزنا وان كل ده ذنوب وهي اللي مضورها.
احمد بكرهه واستحقار: شهد ونور... انتوا الاتنين اكبر أعدائي.. لو الزمن يرجع يخليكي تعيشي هخليكي تتمني الموت يا شهد. ونور دي اللي جبت واحد ع البيت وعامله فيها محترمه. لو كنت طولت اقتلها اليله كنت قتلتها. بقا هي تهدد فيا بالطريقة دي بنت ****
ومن هنا ساكت بغضب وحقد جواه.
ضرب ايده بقوة في الثور اللي قاعد عليه . بغضب.
قال بقسوة: محدش يستاهل ولا الحزن ولا الشفقه في الدنيا دي يا احمد
━━━━━━━━━━━━━━━━━━━━━━━━━━━━
عند نور ..
نور من وجع قلبها وجسمها مكنتش عارفه تنام.
كل لما تحس انها بتروح في النوم تفكيرها يروح في وليد ..
نور بدموع وجع: انا خلاص بقيت في نظرك ونظر الكل واحده مذنبة، واحده مش كويسه، ومش متربية.
حطت ايديها على وشها بقهرة وخجل وعياط شديد ..
نور: ازاي ازاي حصل فيا كده؟ لا والمشكلة ان اتصدق فيا كدا. و هو هو ضربني وبهدلني بالطريقة دي.
كملت بوجع شديد: انا اتأذيت جسديا ونفسيا خلاص. مستحيل ارجع نور القديمه مره ثانيه...
انا انا مش قادره ابص بعد كدا لاي حد. ياتري في نظرة اي دلوقتي بعد اللي شافه ده مني؟
بكت بحرقه قلب علي نفسها...
نور: والله والله انا معملتش حاجه ولا اعرفه يارب.
حست ان دم نزل من وشها مره تانيه ..
شالت ايدها بوجع نور: ااه وبعدين في الجرح ده يارب؟
قامت مسحت الدم وبصت في المراية وهي بتبكي بشده.
نور بنكسار: قد ايي جوايا خجل منك يا وليد. قد اي جوايا انكسرت من كل شخص في الحياة دي. اول واحد انت علشان اللي انت عملتو ده فيا قدام الكل.
بصت لنفسها في المرايه ،، و علي جسمها ... اللي تشوه من الضرب ،، واثر الضرب على وشها معلم بشده ..
نور بهدوء مرعب: مش مسامحه. مش مسامحه اي حد والله العظيم مش مساامحه.
"إحساس انك تحب شخص وهو طول الوقت يأذي فيكي من غير رحمة ومن غير قلب رحيم صعب اوي 💔"
قعدت في الارض بانهيار.
صوت العياط والشهقات بتاعتها كان بيزيد بشده.
نور بقهر: اااااه اااااه.
حطت ايدها على قلبها بوجع وهي بتبكي بكسرة.
"بكاءك الصامت والخفي بجوف الليل لاتظنه يروح هدر عند الله."
━━━━━━━━━━━━━━━━━━━━━━━━━━━━
في يوم جديد
في الصبح المبكر
في منزل هاني
هاني قال وهو طالع من المنزل.
و مسك الفون
هاني: امينه انا مشي سلام ..
و هاني بعت رساله لنور.
ركب العربية وراح ماشي.
━━━━━━━━━━━━━━━━━━━━━━━━━━━━
امينه قعدت في الصالون بزهق ..
امينه: نور جايه انا مش عارفه ازاي هنقعد في بيت واحد. يارب بلاش تخليني اغير او اي حاجه تبقي ضد نور. هاني مش هيقبل كل ده مني علشان خاطرها هي بنته في الأول والآخر برضو والله.
اتنهدت وقامت دخلت اوضه النوم بتاعتها ..
قعدت علي السرير مسكت الفون تشوف مهران.
و تشوفه فتح الفون ولا لسه.
أمينه بضيق شديد: وبعدين بقي هو راح فين ولا بيروح فين ده ياربي؟ الخط بتاعه مش بيفتح ابدأ.
حست بخنقه وحاسه بملل جامد.
امينه بدموع: مالك يا امينه؟ اشمعنا بقي حالك دلوقتي لما نور قرارت انها تجي؟
قالت بغيرة لنفسها: نور هتيجي تاخده مني انا عارفه. وانا ولا معايا أطفال ولا هيبقي هاني كمان. وبعدين بقي؟
قامت مسحت دموعها بغيره كبيره.
قعدت قدام المراية علي الكرسي بتاع التسريحة.
مسكت الروج بدأت تحط.
بعدها حطت مسكرة، وحطت بالفرشة بلاشر خدود .. بكل غرور ..
امينه اتنهدت بثقه: انا مش امينه اللي تحس بكل ده يوم من الأيام. لنور ولا غيرها تقدر تاخده مني حتى لو اي. هو حبيبي وليا. زي ماهي بنته برضو.
━━━━━━━━━━━━━━━━━━━━━━━━━━━━
في منزل السيوفي
نور كانت راقده علي السرير.
لما سمعت صوت الفون بعت رساله.
بصت علي الرساله.
كانت من هاني.
الرساله فيها: "صباح الخير يا نوري يلا جهزي نفسك علشان انا في الطريق جي اخدك يا حبيبتي."
نور كان في عيونها دموع.
مسحتها.
قامت بوجع شديد في جسمها من غير اي تفكير حتى.
دخلت الحمام تاخد دش.
بعدها طلعت لبست اسدال الصلاة.
و بعدها صلت وهي مكسورة جواها قهرة ودموع.
كانت بتدعي في كل سجدة وتحسبن.
خلصت وقرأت الأذكار.
بعدها قامت بدأت تلم كل الحاجات بتاعتها في الشنط.
━━━━━━━━━━━━━━━━━━━━━━━━━━━━
هاني بعد وقت قرار رن عليها.
نور فتحت.
هاني بابتسامة: اوعي تقوليلي انك لسه مش موافقه ولا واخده القرار يا نور عيني.
نور بهدوء: انا خلاص خلصت كل حاجه هلبس بس يا بابا.
هاني بقا مبسوط بشده: يعني انتي موافقه يا نور عيني انك تجي؟ مش زعلانه؟
نور بحزن شديد: اه أكيد. انت قدامك قد اي؟
هاني: ربع ساعه باذن الله هكون عندك يا نور.
نور: تمام هلبس في ثواني هطلع استناك بره الشارع.
هاني: تمام يا حبيبي.
وقفل.
━━━━━━━━━━━━━━━━━━━━━━━━━━━━
نور خلعت إسدال الصلاه..
خدت الادناء من ع السرير ولبسته.
(اللي عبارة عن ادناء لون زيتي واسع.
لبست عليه خمار ابيض.)
قعدت ع السرير تلبس الكوتش.
في عيونها دموع وحزن ظاهر في عيونها جامد.
قامت.
بصت علي السرير بدموع ع الدبدوب.
قالت ..
نور: انت كمان هاخدك معايا يا صاحبي. مستحيل اسيبك هنا للوجع والغدر.
مسكته وحطته في الشنطة من ضمن الشنط.
شالت الشنط.
طلعت في الصالون.
اميرة كانت داخله ليها.
اميرة بدهشة: نور انتي راحه فين كدا وخده الشنط بتاعتك يا حبيبتي؟
نور بتحاول تتمسك دموعها: ا ا انا ماشيه يا خالتو متزعليش منى.
اميرة شدت منها الشنط بغضب ،،
اميرة بغضب: انتي بتقولي ايه؟ مفيش طلوع من هنا أبداً.
نور بدموع بكسرها: خالتو بالله عليكي سبيني بقا. مش هينفع اقعد اكتر من كده هنا. انا في نظر الكل زنا...
كملت بعياط اقوي: واحده عامله عمله كبيره بقيت عامله زنا اللي هو من الكبائر في نظرهم. انا واحده زانية يا خالتو في نظر كل شخص هنا .. خلاص خلاص مستحيل حد هيقدر يبص في وشي حقيقي. ولا أنا بس والله العظيم ربنا شاهد عليا انا معملتش حاجه.
اميرة بوجع عليها: نور صدقيني الكل هيعرف الحقيقة والله. بلاش تمشي علشان خاطري انا يا نور.
نور بعياط:اسفه مش هينفع والله اكتر من كدا. انا مقدرش اخرب بيتك اكتر من كدا متزعليش مني اهم حاجه.
مسحت دموعها بوجع: والله المكالمات مش بتبعد حد أبداً ولا بتخلي الواحد بعيد عن حد صدقيني.
حضنتها بقهر جواها.
نور: سامحيني بقا. قولي لميار تسامحني اني مقولتش ليها او سلمت عليها. بس مفيش وقت هبقي اتكلم معاها فون باذن الله.
كملت بوجع اكبر خدي بالك منها ،، كانت بتحاول تتمسك دموعها مش قادره.
نور: هي واحمد يا خالتو اهم حاجه.
اميرة دموعها كانت نزله منها بشده.
نور طلعت من حضنها بدموع ..
نور: بلاش تزعلي نفسك. صدقيني انا كدا هبقي مرتاحه والله.
اميرة بدموع:نور انا مش هسامحك وهفضل زعلانه منك لو مشيتي. ده مش حل انك تتهربي من كل حاجه حواليك بالطريقة دي. كدا كدا بتثبتي ليهم انك عملتي كدا فعلاً وانك خايفه.
نور بدموع و بوجع: كلو عند ربنا. ربنا عالم بكل حاجه والله. لعله خير بإذن الله.
اميرة بغضب وحزن: نور ده مش حل والله. انا مش راضيه عن اللي انتي بتعمليه ده.
نور اتنهدت ومسكت الشنط.
نور: صدقيني وانا مقدرش اعمل مشاكل ليكي اكتر من كدا. انا بابا زمانه وصل دلوقتي. اتمنى انك مش تزعلي مني. سلام يا خالتو.
بقت ماشيه في عيونها دموع، بتبص في كل ركن للبيت بحزن.
بقت تفتكر اول يوم لما جت هنا وقعدت في الصالون واتخضت من وليد.
تفتكر كل لحظة ما بينها هي وميار وقد اي هي كانت مبسوطه هنا معاهم ..
اعتبرت كل شخص من البيت أهلها.
اميرة كانت بصه عليها بحزن شديد وعيونها مليانه بالدموع وشايفه وهي بتبعد من البيت. ومش بايدها تعمل حاجه مره دي ..
حاسه بعجز تماماً.. عن كل مره،
طلعت بره خالص.
━━━━━━━━━━━━━━━━━━━━━━━━━━━━
نور طلعت بره.
وقفت بصت عليه بقهرها ..
و قالت بدموع ..
نور: انا لما جيت البيت ده جيت غصب عني فيه. اهو لما طلعت منه طلعت غصب عني.
نور بدموع وحزن: طلعت وانا في نظرهم واحده خطيئة.
طلعت علشان خلاص مقدرش افضل مع الأشخاص اللي اعتبروني بنتهم، واحده منهم. وانا في نظرهم . خدعتهم ،،
كملت بقسوة قلب : بس والله وحيات كسرة قلبي دي ربنا مش هايسمح للي عمل فيا كدا ،، بدموع وخذلان:, يارب.مكنتش حابه اني امشي ولا اسيبهم . هفتقدهم اوي .. مكنتش حبه يحصل كل ده. بس الله لا يسامح اللي ظلمني.
بدأت تمسح دموعها بحزن شديد.
و بعدت بعيد عن البيت ...
فضلت واقفه مستنيه هاني.
━━━━━━━━━━━━━━━━━━━━━━━━━━━━
بعد خمس دقايق...
هاني كان وصل.
وقف بالعربية قدام نور بابتسامة ونزل بسعادة،، مش سايعه أنه أخيرا شاف بنته الوحيده واقفه قدامه
هاني شد نور لحضنه بحب وهو مش مصدق نفسه نهائي ،
هاني بحب وسعاده: نور عيني مش مصدق والله انك قدامي دلوقتي.
نور حضنته جامد بايديها، بحزن شديد .. وكأنها كانت مستنيه الحضن الحنين ده منه ، بعد ظلم اللي حصلها
و دموعها خانتها وبقت تنزل بشده ..
نور بشهقات وتعب: علشان خاطرك يا بابا والله.
هاني طلعها من حضنه براحه وقال ..
هاني بدهشة: نور اهدي مالك كدا؟ ليه بتعيطي دلوقتي ،، واي التعب والحزن ده اللي في عيونك ؟ انتي ظاهر عليكي الإرهاق ليه كدا يا نوري؟
نور توترت مسحت دموعها بسرعه: لا لا يا بابا ولا حزن ولا حاجه عادي. انا انا بس يمكن ظاهر عليا التعب من السهر اصل بسهر كتير. علشان المذكرة وكدا ،,
والدموع دي علشان فرحانه اني شوفتك .. بعد المادة دي كلها
هاني بابتسامة: امم بس مش بينا كده خالص. المهم يلا بينا. امينه قاعده مستنياكي من بدري كل شويه ترن عليا.
نور بهدوء: يلا يا بابا.
هاني حط الشنط في العربيه من ورا
و نور ركبت العربية
بعدها طلع بالعربية.
━━━━━━━━━━━━━━━━━━━━━━━━━━━━
في المنزل السيوفي...
اميرة كانت قاعده وعيونها مليانه عيونها دموع وقلبها محروق علي نور انها مشيت.
اميرة: ليه كدا يا نور تمشي؟ انا مش عارفه هعمل اي دلوقتي. انا مش عارفه ازاى هقعد هنا ابقي مطمئنة عليكي وانتي في مكان بعيد عني.
ميار طلعت من اوضتها.
ميار: ماما انا ماشيه عا...
قبل ما تكمل استغربت من انها بتبكي.
قالت بقلق ،،،
ميار: ماما مالك في اي؟ اي اللي حصل؟
اميره اتنهدت بتعب: نور مشيت يا ميار.
ميار بفرحه شديده: بجد؟
اميرة بصتلها باستغراب.
ميار ارتسمت الابتسامة ع ملامحها بسرعه وقالت بتصنع الحزن
بخبث ميار: بجد يا ماما؟ مشيت ازاي؟ تخليها تمشي كده؟
اميرة بحزن: معرفش. لقيتها طلعه من الاوضه في ايدها الشنط وماشيه. ابوها كان مستنيها.
ميار بفرحه جواها قالت بتمثيل: قد اي هي جبانه يا ماما. ازاي تمشي كدا وتستسلم لكل ده؟ هي كدا بتثبت لينا انها عملت كدا وانها خايفه.
كملت بتمثيل: لا لا نور مش عجبني اللي هي عملتو ده يا امي.
اميرة اتنهدت بحزن وفضلت ساكته حزينة جدا من ان نور مشيت.
ميار قامت باست راسها بابتسامة
ميار: ولا تزعلي نفسك. هي هتبقي مرتاحه في بيت ابوها احسن من هنا بكتير صدقيني.
كملت بغل: وحتى كمان احسن ليها. طول ماهي قاعده هنا وليد هيبقي قدامها. هي هتتعب اكتر وتحس بالوجع جواها علشان بتحبه.
كملت ميار: متنسيش اننا قريبأ باذن الله انا وهو هيبقي في خطوبه.
اميرة بحزن: يلا خير إن شاءلله. لعله خير يا بنتي.
ميار دارت ضهرها بنصر ...
ميار: سلام يا ماما.
قالت بنصر : فعلاً لعله خير يا امي. طالما هي مشيت خلاص. انسئ حاجه تخليني اشغل بالي او اي حاجه.
سكتت لحظة.
ميار: صدقيني يا نور هتتصدمي صدمه عمرك كمان. لسه اكتر من كدا لما تسمعي احلي خبر وان وليد اللي انتي بتحبيه انا وهو بقينا لبعض يا ست نور.
━━━━━━━━━━━━━━━━━━━━━━━━━━━━
في العربية
نور كانت سنده رأسها ع الكرسي لورا بتفكر في كل حاجه.
بتحاول تتمسك دموعها مش عاوزه تعيط .. وتكون ضعيفة في للحظة دي
التفكير مش عاوز يروح من بالها. في
كل اللي حصل.
ووجع جسمها.
وكل كلمة اتقالت. في حقها
هاني بصلها بابتسامة: نور مالك ساكته كدا يعني؟ مالك سرحانه في اي؟
نور انتبهت لي: لا مش سرحانه ولا حاجه يا بابا.
هاني بفضول: اومال مالك بقا يا حبيبي؟
نور بابتسامة بسيطه جدا: صدقني انا معاك اهو مش سرحانه. بس نعسانه شويه.
هاني بابتسامة: طيب يا حبيبي ان شاءلله نصل وتروحي تنامي براحتك.
نور بابتسامة وراها وجع: باذن الله يا بابا.
هاني ركز في السواقه.
ونور اتنهدت وسندت راسها علي الكرسي لورا.
اغمضت عيونها مليانه بالدموع.
━━━━━━━━━━━━━━━━━━━━━━━━━
بعد وقت طويل
كانو وصلو.
هاني ركن العربية.
ونزل هو ونور.
امينه بصت من الدور الثاني من البلكونة عليهم بهدوء.
راحت نزلت بكل غرور ..
فتحت بابتسامة مليانه هدوء تام .
نور عيونها جت في عينها .. اول لما فتحت.
امينه بابتسامة: نور حبيبت قلبي حمد لله على السلامة يروحي.
و حضنتها.
امينه بابتسامة : نورتي بيتك يا حبيبت قلبي.
نور بدلتها الحضن بهدوء ،
نور: الله يسلمك.
هاني داخل بابتسامة ليهم.
و داخل الشنط.
امينه مسكت ايدها ودخلو.
قفلت الباب.
قعدوا في الصالون.
امينه: والله نورتي البيت يروحي.
نور بابتسامة بسيطه: دا نورك ياقلبي.
امينه بابتسامة: مبسوطه انك جيتي يا نور عيني. عارفه؟ دا انا مجهزة ليكي الاوضه بتاعتك والاكل وكل حاجه علشان خاطر عارفه انك جايه تعبانه يا قمري.
نور بصتلها بابتسامة: تسلمي
