رواية وعد في الصعيد الفصل الاول
بداية يوم هادي وعاصفة قادمة
تسربت أشعة الشمس الذهبية الدافئة من بين ستائر الغرفة لتداعب وجه مريم المنشاوي فتحت عينيها العسليتين الواسعة بتثاؤب ونظرت إلى الساعة الموضوعة على المكتب المجاور لها كانت الساعة تشير إلى السابعة صباحاً
استقلت لثواني تتنفس بهدوء قامت مريم من فراشها بكل نشاط وارتدت خفها المريح واتجهت نحو الحمام لتنعش وجهها بالماء البارد أطلت على المرآة ونظرت إلى بشرتها البيضاء الصافية ثم بدأت في العناية بشعرها البني الكستنائي الطويل والموجي الكيرلي تاركة إياه ينسدل بطبيعته الجذابة مع لمسة بسيطة لتنسيقه
خرجت إلي غرفتها لتختار ملابس اختارت بدلة رسمية وأنيقة باللون الكحلي يبرز جمالها المعتد وارتدت قميص أبيض أسفلها مع حجاب بسيط وأنيق يبرز جمالها
في المطبخ كان رائحه القهوه تملأ المكان
دخلت مريم لتجد ملك تقف وهي تحضر الفطار وقهوة ابتسمت مريم برقة وقالت صباح الخير ي ملك إيه الروائح الحلوه دي على الصبح
لتلتفت ملك بملامحها الهادئة ورقتها المعتادة وابتسمت بلطف
صباح الفل ي مريومة القهوة المظبوطة إللي بتحبيها جهزت مع فطار سريع كده عشان نلحق الشغل النهارده عندك الجلسة المهمة بتاعة محكمة القضاء العالي ولا نسيتي
جلست مريم على الطاولة الصغيرة وأخذت رشفة من فنجان القهوة الساخن وهي تبتسم بثبات
ومين قال إني نسيت دي القضية إللي شغاله عليها بقالي أسبوعين ي ملك والمظلوم فيها هيرجعله حقه النهارده بالقانون
تناولوا الفطار في جو المودة والضحك خلصوا فطار وطوقت مريم حقيبتها الجلدية وتأخذ روب المحاماة الأسود الخاص بها وتخرج برفقة ملك متوجهين نحو المحكمة
في قاعة محكمة القضاء العالي بالقاهرة دخلت مريم وملك وقفت مريم بثوب المحاماة الأسود الذي يضيف على قامتها الهيبة كانت مريم تتألق بتركيز شديد وهي تراجع الأوراق الأخيرة في ملف القضية بين يديها تنفست بعمق ورددت أفكارها بثبات قبل أن تدعي الجلسة
بجوارها كانت تجلس ملك تهمس بقلق ظاهر
مريم القضية دي مش سهلة والمحامي إللي قدامك قوي وليه اسمه وهيبته في المحاكم متأكدة أنك جاهزة
ابتسمت مريم بثقة
بالقانون ي ملك الحق م بيضيعش طالما وراه لسان م بيخافش وعقل فاهم القضية دي قضية مظلوم وأنا مش هسيب حق موكلي مهما كان مين الخصم
دخلت مريم القاعة وبدأت الجلسة رفعت صلتها بالقانون كدرع وترافعت بأسلوب جمع بين الذكاء والفصاحة العالية لم تكن مجرد محاميه تدلي بنصوص قانونية بل كانت تقاتل بشراسة وشجاعة للحصول على العدل حتي حسم القاضي الجلسة لصالح موكلها
خارج القاعة أخذت ملك تتنفس وهي تصفق بخفة الله عليكي ي مريم بجد برافو طريقه ترافعك كانت تخوف وتدرس في نفس الوقت
ضحكت مريم وهي تخلع روب المحاماة
المحاماة مش مجرد شغلانة ي ملك المحاماة نصر للحق يلا بينا نرجع المكتب نخلص بقية الملفات عشان عاوزه ألحق أكلم بابا بقاله يومين صوته مش عاجبني في التليفون
وعلى بعد مئات الكيلومترات جنوباً في الأرض الطيبة والنخيل المترامي والأصول التي لأ تكسر كان الصعيد يغلي تحت شمس الظهيرة
في بلد من بلاد قناه بلد عائلة الهواري
في السرايا ذات الطابع الأصيل والأعمدة الضخمة كانت الهيبة تتجلي في كل زاوية
على رأس المائدة في المضيفة الكبري كان يجلس فارس الهواري كان يجلس كالصقر عيناه البنيتان الغامقتان تحملان حدة لا تخطئها عين وشواربه الخفيفة تزيد ملامحه هيبه ووقار رغم أنه في الثلاثين من عمره إلا أن هيبته ورجاحه عقله جعلتا الكبير والصغير يحسبان له ألف حساب من بعد وفاة والده الحاج منصور الهواري
كان يجلس بجواره ابن عمه حمزة الهواري الشاب الوسيم صاحب الملامح البشوشة والروح المرحة لكنه يتحول لاسد مفترس إن وجد تهديد لعائلته
دخل الغفير مسرعاً وهو يلهث والأوراق في يده
ي فارس بيه الحقنا ي بيه أرض المحاصيل الشرقية إللي على حدود عائلة المنشاوى خالد المنشاوي وناسه نازلين فيها وعايزين يوقفوا الشغل بالقوة
ارتفعت حواجب فارس في هدوء حذر لكن عيونه أظلمت بشرار غضب كتمها وقف بكل ثبات وهيبه
قال حمزة وهو يقف فوراً ويتغير مجري ملامحه من المزاح إلي الجدية التامة خالد ده مبيتعلمش أبدا كل شويه يفتكر إن طول اللسان والتهور هيدوه حق مش حقه اروحله أنا ي فارس وأعرفه مقامه
رد فارس بصوت هادئ لكنه كان كالسيف قبل القطع
لاه خالد المنشاوي عايز إللي يربيه على هداوة أمشي معايا ي حمزة
خرج فارس بخطوات واثقة ومعه حمزة وعدد من رجال الهواري
على حدود الأرض المتنازع عليها كان خالد المنشاوي أخو مريم المنشاوي يقف وسط مجموعة من شباب عائلة المنشاوى متهورا بدمه الحامي يلوح بعصاه ويتحدث بغضب وصوت عالي أمام العمال
الأرض دي حقنا والأوراق القديمة تثبت كده عائلة الهواري مش هيفضلوا يأكلوا في حقوق الناس بوزن اسمهم
في تلك اللحظة توقفت سياره فارس الهواري نزل فارس بثبات ووقار تحيطه هيبة تفرض السكوت على الجميع وقف أمامه مباشره ونظراته الحادة المباشرة جعلت خالد يتراجع خطوة للخلف دون أن يشعر
تحدث فارس بصوت هادئ ورزين
كبرت ي خالد وصرت تتكلم في حقوق والأرض هو أبوك الحاج شريف المنشاوي معلمكش إن الرجاله لما تحب تتكلم بتتكلم بعقل وفي مجالس الكبار مش وسط العمال والزرع
غضب خالد ورد بعصبية وتهور
أبوي رجل شريف ونزيه ي فارس بيه بس أنتم نفوذكم وقوتكم هي اللي قافلة أبواب الحق في وشنا الأرض دي تبع عائلة المنشاوى ومش هنسيبها
قرب فارس منه خطوة واحدة وطوله وهيبته قال بنبرة صارمة لا تقبل النقاش
الأرض دي بورق ومستندات رسمية مسجلة باسم عائلة الهواري من أيام أبوي الله يرحمه والأجداد الكبار الحاج شريف أبوك عارف كده كويس لو ليك حق هات أبوك وتعالوا ديوان الهواري ونشوف الأوراق أما التهور وقلة العقل دي لو اتكررت منك تاني ي خالد حسابك معايا مش هيكون كلام
تدخل حمزة بنبرة حادة ووجه حاد أسمع كلام فارس بيه ي خالد وأرجع لداركم قبل م الدم يحمى واحنا بنحترم الحاج شريف فلا تخلي طيشك يزعلنا منكم شعر خالد بالصغر والقلة أمام ثبات فارس فانسحب وهو يشتعل غيظاً ووعدا بالانتقام مرددا في نفسه أن عائلة الهواري تفرض سيطرتها بالقوة
في سرايا الهواري
عادت الأجواء للهدوء في المضيفة الداخلية كانت تجلس الحجه فاطمه الهواري دخل فارس وقبل يدها باحترام شديد
مساكي بالخير ي أمي
الحجة فاطمه وهي تنظر لابنها بحنان وفخر يسعد مساك ي قلب أمك سمعت باللي عمله ولد المنشاوي في الأرض عملت ايه ي فارس
جلس فارس بجوارها وقال بهدوء
ولا حاجه ي أمي عيل متهور ورديته لعقله من غير مشاكل الحاج شريف راجل محترم واحنا بنراعي جيرته
في تلك اللحظة دخلت سارة الهواري وهي تحمل صينيه القهوة سارة بابتسامة وهي تقدم القهوة لفارس القهوة مظبوطة زي ما بتحبها ي فارس
سلمت يدك إنك عقلت ولد المنشاوي الناس دي فاكره إن عائلة الهواري ممكن يفرطوا في حبت رملة
أبتسم فارس لأخته وهز رأسه
الأصول أصول ي سارة والشدة مش في كل الأوقات تنفع
في بيت الحاج شريف المنشاوي
كان الغضب يخيم على البيت الحاج شريف الرجل الشريف الطيب كان يجلس في الصالة وهو يعاتب ابنه خالد بشدة
أنت إيه إللي عملته ده ي خالد تروح تتناوب مع فارس الهواري في أرضهم أنت عايز تولع البلد نار
خالد بغضب شديد
دي أرضنا ي بوي عائلة الهواري واخدين كل حاجه بنفوذهم ولسانهم وأنت ساكت عشان خايف من صوتهم
الحاج شريف بصدمة
أني مش خايف أني حكيم وبحسبها بالحق والأوراق فارس الهواري معاك في الحق حق وفي الباطل مبيسيبش حق أهله أنت بتجرنا لخراب
في الناحية الأخرى كانت الحجه هدي المنشاوي تمسك هاتفها ويدها ترتجف من الخوف على ابنها وزوجها أتصلت سريعاً بابنتها مريم في القاهرة
في القاهرة شقه مريم وملك بعد العودة من المحكمة
كانت تجلس مريم تقرأ كتابا قانونياً وتستريح عندما رن هاتفها باسم أمها الحبيبة
فتحت الخط بابتسامة
أهلا ي ماما
الحقيني ي مريم اخوكي خالد هيروح في داهية عمل مشكله مع فارس الهواري في الأرض والبلد مولعة وابوكي تعبان ومش قادر يقف قصاد نفوذ عائلة الهواري قفزت مريم من مكانها وتغيرت ملامح وجهها الرقيقة إلي التحدي والصرامة القاطعة وعينها العسليتان تتألقان بالشرار
فارس الهواري مين ده اللي فاكر نفسه فوق القانون ويستقوي على الناس في الصعيد
الحجة هدى وهي تبكي
ي بنتي ده كبير عائلة الهواري وكلمته سيف في البلد كلها تعالى ي مريم تعالي الحقي اخوكي و ابوكي
أغلقت مريم الهاتف ونظرت لملك بثبات وشجاعة
لمي شنطتك ي ملك أنا نازلة الصعيد حالا
ملك بفزع الصعيد ومين ده فارس الهواري ي مريم
ردت مريم بكبرياء ده إللي فاكر إن النفوذ والأعراف أعلي من القانون وأنا رايحة أعرفه إن بلدنا فيها قانون ومحدش يقدر يظلم عيلتي
في الصعيد صباح اليوم التالي
وصلت السيارة التي تستقلها مريم إلي مدخل القرية كانت تنظر من الشباك إلي الأراضي الخضراء والأجواء الصعيدية
وفي تلك الأثناء كان فارس الهواري يقف على فرسه الأسود الأصيل في منتصف الطريق الزراعي يتفقد الأراضي ومعه حمزة توقفت سيارة مريم فجأة بسبب توقف الفرس في منتصف الطريق
نزلت مريم من السيارة بكل كبرياء بعينيها العسليتين الشجاعتين وقفت أمامه بثبات قالت مريم بصوت واثق حاد يملؤه التحدي أنت فارس الهواري
رفع فارس حاجبيه باستغراب وهيبة ونزل من على فرسه بووقار ليقف أمامها بكل طوله وينظر لهذه الفتاة التي تتجرأ وتقف في وجهه نظر فارس إليها بجمود وصوته الصارم يتردد في المكان
أيوا أنا فارس الهواري وأنتي مين وعايزه إيه
ردت مريم وهي ترفع راسها بكبرياء وقوة
أنا مريم شريف المنشاوي وجاية أقولك إن زمن استقواء النفوذ والأوراق العرفية أنتهي وإذا أنت فاكر أنك تقدر تفرض سيطرتك على عيلتي فأنصحك تفكر تاني لأني محامية ولغة القانون هي الوحيدة إللي هترد عليك
تلاقت الأعين في شرارة تحدي قاتله جمود وهيبة الصعيد أمام ثورة وقوة القانون
ساد الصمت الشديد وابتسم فارس ابتسامه باردة تحمل الكثير من الغموض والتحدي
