رواية خبئني بقلبك من قسوة العالم الفصل الاول
قاعدة على كرسي المكتب بتاعها في اوضتها بتكتب في روايتها الجديدة ..
ربما لا يرغب المرء في الحب ، بقدر رغبته في ان احد يفهمه...
جورج ارويل
القلوب ليست ملكآ ،لحامليها
بل ملكأ لأصحابها القادمين...
يومآ ما
بقلم ليالي المحمدي
فجاءة صوت ينده عليها ..ليالي ي ليالي
والباب يتفتح
ليالي .... اي ي نور اي الازعاج ده
نور بضيق ...ازعاج ايه انا بقالي ساعة بنادي عليكي مش بتردي اكيد طبعا مشغول ب رواية الجديدة
ليالي بتنهيدة ... ايوة ي ستي كنت بكتب فيها بس انتي كنتي بتنادي ليه في ايه
نور ... بابا يا ستي عايزنا نسافر بكره الغردقة عشان نزور أهلنا ونقضي معاهم اسبوع ولا اتنين عشان فرح بنت عمتك فاطمة
ليالي بالامباله.... طب حلو سافرو
نور بستغراب ... يعني انتي موافقه هتسافري عادي بعد ال عمالو معاكي
Flash back 📸
من سنه في الغردقة
في اوضة ليالي بتخبط نور وبتدخل وبصوت عالي ..ليالي بت ياليالي قومي
بتقوم ليالي وبتقعد على السرير بنوم وهي بتفرك وشها ....خير ي نور عايزه ايه ع الصبح في ايه اي الازعاج ده
نور بلهفة ... فوقي بس كدة عشان احكيلك اخر الاخبار
ليالي بالامباله.... فوقت احكي ي فتنه
نور بتمثل الزعل....اخص عليكي انا فتنه طب مش هقول حاجة ها
ليالي بزهق...احكي ي نور واخلصي عشان مكملش نوم وهتشد الغطاء عليها خلاص
نور بسرعة ....خلاص خلاص هحكي بوصي ي ستي وانا معديه من جمب المطبخ
ليالي بسخرية ...معديه اه قولتيلي كملي ي حبيبتي
نور بتمثل البراءه... اه وانا معديه طبعا سمعت عمتك فاطمة بتقولهم في المطبخ يجهزو الاكل بسرعة عشان فارس على وصول
ليالي ببرود ...ايوة وفيها ايه دي مش فاهمة انتي مصحيني عشان تقولي انهم بيجهزو الغداء يعني امشي ي نور انا عايزه انام
نور بخنقه .. انتي غبيه ليه ي ليالي اكيد من عشان الاكل انا عايزة اعرف مين فارس ال عمتك الحربايه مهتمه بي ده
ليالي بزهق ولامباله... لما يجي هتبقي تعرفي امشي بقا عايزه انام
نور بزعل وتمثيل... انتي مستحيل تكوني اختي بتترديني من اوضك اهي اهي
ليالي بعصبيه...اخرجي بره ي نور عشان لو قومت مش هيحصل طيب صدقيني بره
نور بخوف...انا خرجت اصلا وبتخرج
قبل الغدا بشويه بتخرج ليالي تشم هواه في الجنينه لحد مايجهزو السفره
مرة وحدة بتقف عربية قدام الفيلا بينزل منها شاب طويل جسم رياضي قمحي الون وعيون عسلي وبيدخل الفيلا و اول مابيدخل بيلاقي بنت وقفة قدام حوض ورد شعرها طويل واصل لبعد ضهرها اسود اللون عكس لون بشرتها البيضاء وجسدها ممشوق ترتدي فستان يصل للركبة بالون الابيض وعلى طرفه من الاسفل ورود حمراء صغيرة.
اول ما شفها وقف شويه يتاملها ويسأل مين دي وبنت من عيلته عمو احمد ولل عمتو فاطمة!؟..
قرب منها شويه وخبط على كتفها بهدوء
اول مالفت اتصدم من عيونها الزرقاء اكنها السماء في عيونها ولكن يحملن حزن كبير
ليالي...مين حضرتك
فارس...بصصلها ومش بيرد
ليالي بتحرك اديها قدام وشه ي استاذ حضرتك عاوز مين
فارس فاق من سراحنه و رد ببرود و سخريه..ولله انا المفروض أسألك انتي مين
ليالي بضيق من بردو وسخريته وغضب زاد من جمالها ...افندم انت داخل الفيلا بتاعتنا وتسألني انا مين هي الاية انعكست ولا ايه
فارس في سره حتى وانتي مضيقه حلوه شكلي كدة رجعت من لندن في أحسن وقت
ليالي بعصبيه اكتر لتجاهل ليها وصوت عالي..ي استاذ انت انا بكلم نفسي
فارس ببرود اكتر عشان يضايقها... اهدي ي قمر لايحصلك حاجة مش كدة
ليالي بضيق...مالكش دعوة ورد عليا انت مين وعايز ايه
فارس محبش يضايقها اكتر فرد بهدوء وصوت رجولي ...فارس المحمدي وانتي مين
ليالي بدهشه وفي بالها فارس المحمدي قريبي ازاي انا اول مرة اشوفو...احمم ليالي المحمدي اقدر افهم انت ازاي من العيلة واول مرة اشوفك
فارس بهدوء ...قوليلي الاول انتي بنت عمي احمد ولا عمتي فاطمة
ليالي بسرعة ...لا لا انا مش بنت عمتو فاطمة انا بنت أحمد المحمدي وانت
فارس بهدوء وابتسامة اول مرة تظهر لحد...انا ابن عمك حمزة الله يرحمه و طبيعي متكونيش شوفتيني عشان اتولد وعشت بره ولما كنت باجي وانا صغير انتو مكنتوش بتيجو على ما اظن كان في مشاكل زمان
ليالي برقه و هدوء..الله يرحمه ايوة مكناش بنيجي زمان قبل ما مام اما تموت الله يرحمها لأسباب معينه بس في النهاية اهو بنيجي زيارات في الصيف عشان جدو..
بس انت ايه رجعك مش حياتك كلها هناك بردو
فارس بهدوء طاغي عليه صوتو الرجولي .... الله يرحمها انا رجعت عشان هفتح فرع لشركتي هنا وكمان فرصه اشوف اهلي ال مشفتهمش بقالي سنين ومن حظي الحلو يوم رجوعي اول حد اشوفو بنت عمي ال زي القمر مكنتش اعرف ان عندنا قمر في العيلة
ليالي بخجل حولت تخفيه بابتسامة مازحة ....حمدلله على سلام ايها المزعج
فارس بدهشه...مزعج !
ليالي بضحك على شكله ...اصل انا كنت خارجة اشم هوء ووقفه جمب الورد وانت جيت وعملتلي ازعاج بس خلينا نقول انو ازعاج حلو عشان طلعت ابن عمي
فارس بابتسامة مظهرتش غير ليها ...اللي انتي شايفه مزعج مزعج مدام منك انتي معنديش مانع ي لي لي
ليالي اتكسفت واتكلمت بسرعة ...طب يلا ندخل عشان يعرفو انك وصل...
وقبل ماتكمل لقيت فاطمة جايه جري.....
