رواية شجن القلوب الفصل الاول
_على يا علي يا عــــــــلــــــــــي
كانت بتنادي عليه من بلكونتها الي جمب بلوكنته
=ايه يا بنتي في ايه انتي علقتي ولا ايه
_قول لأمك ان ماما بتقولها تيجي تقعد معاها عشان يجهزوا لعزومه بكرة
بصلها بقرف و قال
=أمك يا بيئه حاضر ياختي هقولها و بطلي تجعري كده الجيران إشتكوا
بادلته النظرات و قالت
_أجعر هتوقع ايه من واحد زيك و بعدين انت هتصاحبني ولا ايه روح قولها زي ما قولتك
قالتله و بعدين دخلت اوضتها و راحت لمامتها الي مشغولة بتجهيزات العزومه
_ماما قلت لعلي ينادي خالتو فاطمه زي ما قولتيلي
_ماشي يا شوشو روحي بقا خرجي السجاد في الشمس و امسحي البيت و نضفي اوضتك و رتبي دولابك
بصتلها بتشنج و قالت
_هو انتي هتستقبلي الناس في اوضتي و تحديدا في دولابي و لا ايه يا ماما لو هتستقبيليهم هناك قوليلي عشان اعمل حسابي
بصتلها والدتها بنظرات فارغه و قالت
_انا مش فايقالك و لا فايقه لاستظرافك يا شجن
تأففت شجن وراحت تخرج ادوات التنظيف و لبست قميص والدتها القديم عشان ما تفسدش ملابسها و شغلت الاغاني بصوت عالي و بدأت بتنظيف البيت و اخراج السجاد و بدأ المسح و التنظيف كعاده كل بيت مصري قبل اي تجمع او عزومة أخذت شجن تمسح الأرضيات و هي تغني مع الاغنيه بصوت عالي تصم له الآذان
_يا ستي ياختيارة يا زينه كل الحارة حبيبي يالي بحبه ناطرني بالسيارة
أمها و هي تكاد تجن من صوتها
_يا شيخه ربنا يولعك انتي هو في ساعه واحده انتي كل ما اقولك تعملي حاجه تفرجي علينا الناس الناس ان كان بالاغاني او بصوتك و بعدين انتي مش عارفة ان الاغاني حرام يلا يا حبيبتي توبي كده و استهدي بالله و صلي. على النبي كده و اقفلي القرف ده
بعدما انتهت من توبيخها لتكمل ما بدأته
لتذهب شجن و تغلق الاغاني و اخذت تفكر
_فعلا الاغاني حرام انا هشغل اناشيد
لتهم بتشغيل انشوده بصوت مرتفع كانها ذاهبه لغزوة او معركه
و أخذت تمسح و هي تردد
_كبروا الله اكبر لا تهابوا الحاقدين ان في التكبير نصر هذا درب الصالحين
قام احد بطرق الباب لتذهب لتفتح و هي ترتدي قميص والدتها و تلف شعرها بغطاء للرأس قديم (إيشارب) لتجد زوجه عمها التي و بالمناسبه خالتها و ابنها من على الباب
_ايه يا بت يا شجن الي عاملاه في نفسك ده و ايه الاصوات دي انتوا لقيتوا غارة يهوديه عندكوا في الشقه ولا ايه
قالت شجن بمرح
_ايه رأيك في الاوت فيت يا بطوط و على الاصوات دي فانا لازم اسمع حاجه و انا بروق
نظر لها على بقرف
=لا الشياكه باينه عدي كده يا بت اما ادخل
_ادخلي انتي يا بطوط و انت أسارت عليه بسبابتها
_خليك عندك مش هتدخل و هات الحله دي اما اشوف فيها ايه
حاولت اخذ الحله ليدفع وحهها و يدخل
=بس يا خدامه شوفي وراكي
كانت هترد عليه لكنها لاحظت انه دخل بحذائه على الارض الي لسه مسحاها لتصرخ به مما جعله يجفل
_نهارك اسود يا ابن فاطمه انتي داخل بالكوتشي على الارض الي لسه ماسحاها
=الله بخربيتك خضتيني و بعدين فدايا
_فداك ليه يا اخويا انت مفكر نفسك مين يا معفن انت اقسم بالله لو ما قلعت الجزمه لاشرحك هنا
ونظر بقرف وأمسكها من تلابيب ملابسها قائلا
=بت انتي لو ما اتظبطيش و بطلتي جو عبده موتة الي سايقاه على الناس ده انا هعلقك على باب العمارة اخليكي عبرة لمن يعتبر
_اتكلم على قدك يا بابا و بعدين تعلق مين يا ابني ده انت عندك انيميا سيبني ساكته
=انيميا فين يا بت انتي مش شايفه العضلات تركها ليريها عضلاته فتظاهرت بالانبهار ثم قالت بسخرية
_تصدق القميص هينفجر على عضلاتك يا عم ربي عيالك و برضو مش هتدخل بالجزمه
دخل بالحذاء و ادخل ما كان بيده للمطبخ لتذهب خلفه قائله بتذمر لامها
_يا ماما علي دخل بالجزمه ووسخ الارض الي انا لسه ماسحاها و قولتله ما تدخلش زقني جامد كدهو و قالي ادخل براحتي و اوسخ براحتي و انتي تنضفي تاني يا خدامه يا وضيعه
بصولها بعدم تصديق و علي بصلها بدهشه من كميه الكذب التي خرجت من ثغرها
انتبهت لنظراتهم لتحمم
_ احممم بصراحه وضيعه دي زياده من عندي
فاطمه:
_مش عيب كده يا ابني انك تبوظ الي هي تعبت فيه اعتذرلها
تظاهرت بالبرائه و الحزن في آن واحد
_خلاص يا ابني حصل خير و انتي يا شجن معلش امسحي الحته دي تاني
_يا ماما بس...
_خلاص يا شجن بقا
ذهبت شجن و هي تضرب اقدامها على الارض و هي على وشك البكاء و نظفت الي وسخه علي و دخلت أوضتها
تنهد علي و طرق بابها ولا رد ليترك مرة اخرى
=شجن
لا رد
=بت يا شجن
لا رد ايضا
=و الله لو ما فتحتي لاكسر الباب على راسك قال ليستفزها لترد عليه و نجح لتفتح الباب و عيناها حمراء
_طب لو جدع كسره فوق راسي
ابتسم لها و سحبها للشرفه
=ايه ده شلبي طلع عندك احساس و مشاعر
_ما هو انت ماعندكش دم فاكيد مفكر الكل زيك
=استغفرالله العظيم يارب صبرني بصي انا أسف يا ستي و هتغاضى على رمي البلا الي عملتيه جوه ده
_هو انا كذبت في ايه
=و الله؟ مش عارفة انتي كذبتي في ايه
_ماهو انت قولتيلي يا خدامه
=و انتي اتكلمتي بادب و انا زقيتك بايدي كدهوو
نظرت له بتذمر
=خلاص يا ستي انا اسف
_و اعمل ايه باسفك
=خلاص عاوزاني اصالحك ازاي
_هتيجي معايا السوبر ماركت و تجيبلي حاجات على حسابك
=لا خلاص خليك زعلانه احسن
_ماشي يا علي قالت و هي تنهض
=خلاص يا ستي حاضر هجيبلك الي انتي عاوزاه و ان شاءلله اقعد بقيت الشهر عند الجامع اشحت
ضحكت
_خلاص رضينا عنك
=من غير رضاك انا ماكنتش عارف هعيش ازاي
قالت بتأثر
_مش قادره اتخيل بصراحه
قالت ثم راحت تكمل الي كانت بتعمله قبل ما ييجي مساعده في انها تدخل السجاد و و بعدها دخلت أوضتها تاخد شاور و تغير لاسدال و تروح تساعد والدتها و خالتها
_ماما هو مين الي جاي بكرة
_ما انا قايلالك اهل ابوكي
_مين يعني ما هما كتير
_عمتك جيهان و عيالها و عمك احمد و عياله و جدتك و جدك و اه عمتك كوثر و و عيالها و عمك محمود و بناته
_يا مراري كل دول جايين مرة واحدة انا لازم اتأهل نفسيا عشان اقدر اقابل الناس دول كلهم
_شجن انا بقولك اهو طنشي اي كلمه يقولوها و مش لازم تردي الكلمه بعشرة
_على فكرة انتي ظالماني هو انا بيطلع مني صوت يا بطوط شوفي اختك بتقول عليا ايه
_ملكيش حق يا سميرة دي شجن دي سكر
_هاتي بوسه يا بطوط
_ايه ده انتي اتفقتوا عليا و الله ما حد مبوظك الا دلعهم ليكي
_الله أكبر الله أكبر صلي على النبي في قلبك كده يا سمورة و بعدين انا نفسي اعرف انتي امي ولا لقياني على باب جامع
_ايه ده انتي عرفتي منين انا لاقياكي فعلا على باب جامع
_انا لازم أعمل DNA
ضحكت فاطمه على مناكفتهم لبعض
ليصدح صوت هاتف شجن
=ألو يا شلبي
_يووووه على اسم شلبي الي طالعلي في البخت ده
=في ايه يا شلبي انت هتتكبر
تحدثت بخبث لتقول
_لا يا لولا مش هتكبر
=اظبطي يا بت لولا مين
_انت يا لولا اومال امي
=طب تصدقي بقا انا كنت جاي اقولك البسي عشان أمشيكي بس طلعتي ما تستاهليش
_بجد يا علي
=بقيت دلوقتي علي
_هو حد يقدر يقولك غير كده اوعا يكون في حد بيتريق على اسمك و ما تقوليش ازعل كدع
=يا راجل
_ايوا طبعا هااه هتمشيني فين
=هنتمشى على الكورنيش و اجيبلك درة
_و انا الي قلت هتعزمني في مطعم غالي
=انا قلت همشيكي مش هعشيكي
_اعوذ بالله الواحد ما يعرفش يطلع بمصلحه منك
=طب ايه هتيجي معايا ولا اروح لوحدي
_طب هتاخدني امتا
=غيري هدومك اكون وصلت عند البيت ابقي انزليلي
_و مالو يا لولو يلا سلام بطل رغي
و قفلت في وشه
=هي قفلت في وشي أكيد الخط قطع
لبست اسكيرت سودا و بلوزة بيضا و طرحه سودا و كوتشي ابيض
=ايه ده علبه الشطرنج نزلالي بنفسها
_جايب خفه الدم دي منين
=منك
_ده انا ادفن نفسي بالحيا لو نزلت للمستوى ده من الكوميديا
=طب يلا ياختي قدامي بدل ما أغير رأيي
_الحوجه مرة و ياما بهدلت أبطااااال
=يلا يا أستاذ احمد شيبه قدامي
تمشوا على الكورنيش و كانت شجن مستمتعه بالأجواء جدا لقوا كرسي شجن قعدت عليه و علي راح يجيب حاجه بعدها لقيته جاي معاه شاي بالنعناع أخدته منه و هي مبتسمه الأجواء كلها على بعضها عجبتها
_شكرا
=على الله يطمر
_انت بدأت الذل بدري انهاردة شوية
=ما انا واخد بالي
ضحكو بعدين سكتوا
_بكرة هيبقى يوم فرهدة من الأخر
=لو على شغل البيت ممكن ابقى أساعدكم
_قصدي على اليوم نفسه على الناس نفسها
علي فهم قصدها
=قصدك على عمتو كوثر و بناتها
_انت نسيت بنات عمك أحمد بجد بحس اني طاقتي بتستنذف لما بقعد معاهم
بصلها بإهتمام.
=فاهمك عشان كده مش بتحبي تقعدي معاهم
_لو عليا انا أعرف اوقفهم عند حدهم بس مش ببقى عاوزة ازعل بابا و ماما و جدو و تيته
=ايه ده يا شلبي من امتا و انت مطيع كده
_مش عارفة يا لولا من امتا والله
=يادي اسم لولا كان يوم اسود يوم ما سمعتيه
_خليك كووول كده يا لولا و خد الامور ببساطه
=طب اشربي يا كوول قبل ما الشاي يبرد
_علي
=نعم
_شايف نفسك فين كمان خمس سنين
=ايه جو الانترفيوز ده
_استنى قبل ما تجاوب ياااه بعد خمس سنين هيبقى عندك 33سنه هتبقى بنضارة و بكرش و بتقرأ الجورنال
=هبقى 33مش 53
_خلاص بعيدا عن الهزار شايف نفسك فين كمان خمس سنين
=شايف نفسي فتحت شركه أحلامي و جبت عربيه أحلامي و اتجوزت فتاه أحلامي و..
_انت جاي تحقق أحلامك عندنا و بعدين انا قلت خمس سنين مش خمسين سنه
=ده انتي عيله فصيله كنتي تسيبيني مندمج
_مش عاوزة أسيبك تسرح بخيالك يا لولا عشان ما تتصدمش
=طب و انتي
_ هكون اتخرجت و إشتغلت و أكون قابلت حب حياتشي و اتجوزنا و دلوقتي احنا في شهر العسل و سفرني كل البلاد الي عاوزة اروحلها و…
=هو انتي كده ما بتسرحيش بخيالك و بعدين ايه حب حياتشك دي هو انا مش مالي عينك ابن عمك و ابن خالتك جمبك
_ناقص تبقى جوز عمتي و تبقى اخدت كل القرابات الي حيلتي
=ايه القرابات دي لامؤاخذه
_ القرابه يعني
شمت ريحه بطاطا فبصتله باستعطاف
قلب عينيه و قال
=عاوزة ايه تاني
قالت بصوت خفيض:
_بطاطا
=ايه
_بطاطا
قام يشتريلها البطاطا
=خدي ياختي على الله يطمر
بدأت تاكل البطاطا بتلذذ
_هو انت كل ما هتشتريلي حاجه هتذلني
=براحه شوية ياختي ايه بتودي ده كله فين
_انت مالك انت هو انا باكل من تلاجتكوا
=طب هاتي بقا عشان تحترمي نفسك
بصيتله باستياء ووضعتها بالكامل في بقها
=أعوذ بالله بلاعه يا ناس اخاف تاكليني
_لا دمك تقيل هتعملي حموضه
بصللها بقرف و سكتوا
كانت نسمات الهواء تداعب وجهها كانها بتزيل عنها كل ما يثقل كاهلها و كان هو قاعد بهدوء و راحه غريبه
كسر الهدوء صوته و قال
=يلا عشان أروحك و اروح اشوف الطلبات الي محتاجينها
_هاجي معاك نجيبهم سوا
=تمام يلا
ذهبوا معا للسوبر ماركت
_انا هروح اجيب الخضار
و انت تجيب الفراخ و اللحمه ماشي
=تمام ماشي
راحت تنقي الخضار و هو راح لقسم اللحوم و بعدين اتقابلوا عند الكاشير ليحاسب و يروحوا البيت طلعوا لشقتها عشان يوصل الاكياس و قبل ما يمشي نادى عليها
=شلبي
_اوف عاوز ايه
عطاها كيس ملئ بما تحبه من شوكولاته و تسالي
=خدي ان شاءلله ما حد حوش
قالت بفرحه
_دول ليا
_اه خدي دول عشان انا زعلتك انهاردة
_ايه الرومانسيه دي كلها هتعود انا كده
=طب هاتي الكيس ده
أخذت الكيس و جرت على أوضتها و هي تصيح قائله
_سلام يا لولا
ابتسم عليها و...
