رواية اخترت نفسي الفصل الاول
دخل من الباب وهو مزاجه رايق ولا الى بيحب جديد وبعيش مراهقته وانا مدمره قدامه ومش حاسس بيا انا عارفه انه كان عندها وعشان كده جاى مبسوط مهى مبطلتش ضحك من اول ما دخل من على الباب لعند ما طلع وانا عارفه انها كانت بتعلى صوتها عشان اسمعهم
اول ما شافنى قاعده فى وشه وهو داخل ابتسامته اختفت وبصلى بنظره بقت معروفه بالنسبالى
-ايه الى مسهرك لدلوقتى
بصتله بإستهزاء
ـابدا مش جايلى نوم اصل بحب جديد
ـلااا بقولك اظبطى كده واعرفى بتقولى ايه كويس ولما ادشم*لك وشك ده هتتبسطى
رديت بقهره
ـهيكون ايه الى مسهرنى يعنييي مستنيه جوزى ..جوزى الى مبقتش اشوفه لا انا ولا عياله غير كل فين وفين
ـوالله انا مبروحش اخر الدنيا انا موجود فى البيت نفسه ياختى
ـانهى بيت ده ها عندى ولا عندها موجود فين ..موجود فين وانا وعيالى قاعدين ما بين اربع حيطان ومحبوسين مش لاقيين راجل انا حاسه ان انا الى ارمله مش هى
ـلمى لسانك قولتلك وبعدين المفروض تحسي على دمك انا بقيت بصرف على بيتين ..بيتين عايزين اكل وشرب ومصاريف
ـوايه الى كان جابرك يا حبيبي يبقوا بيتين عشان الواد انا مقولتش حاجه على الولد بس انت عندك اخ تانى ووالدك ووالدك موجود وصاية الولد ده على ابوك اصلا مش عليك يا شهم يا سيد الرجاله ..عايز تفهمنى انه عشانه وهو قاعد عند جده وسته تحت وانت بقى بتعمل ايه بتاخد بالك منه فووو....فاجأها بضربه على وشها وهو متعصب ومسك شعرها بغل
ـقولتلك...احترمى نفسك ولمى لسانك واعرفى انتى بتتكلمى على مين الى بتتكلمى عليها دى مرااتى ساامعه وان كان مش عاجبك غورى انتييي
زقنى على الارض وانا مصدومه وبعيط وسابنى ودخل ياخد شاور عشان ينام ، وانا عارفه هو بياخد شاور ليه مع انه كان ممكن يدخل الحمام عندها بس اكيد هى عايزاه يبقى هنا عشان انا اعرف انه كان معاها
وهى دى حالتى من يوم ما اتجوز ارملة اخوه عشان خاطر ابنها بس مكنتش اعرف انه هيبقى معاها كده لدرجة انى شكيت انهم كانوا على علاقه مع بعض واخوه عايش من قهرتى من معاملته ليا انا وبناته كأن انا مراته التانيه وهى الاولى هى الى حبها وكان بيعاملها زى الملكات وحفى عشان بس يتجوزها وكان طاير من الفرحه باول حمل ليها مش معقول ابدا ده كله يتمحى بليله واحده ..ليلة طلب والده منها انه يتجوزها عشان ابن اخوه لان اخوه التانى وقال انه هيصرف عليها وعلى الولد بس جواز لا وده طبعا عشان مراته ، وانا ..انا الى معترضتش لما عرض عليا عشان حسيت بوجعها ومعنى انها فجأة تبقى ارمله ومعاها طفل وعشان شبابها بس مكنتش اعرف ان الموضوع هيبقى مؤلم اوى كده بعد ما شوفت تصرفاته من اول اسبوع جواز وهو قلب تماما ومبقاش جوزى الى اغرفه بقيت زى الهوا فى حياته كانى مش موجوده وكل حاجه ليها هى
الفصل الثاني من هنا
لقراءة فهرس رواية اخترت نفسي بفصولها اضغط هنا
الفصل الثاني من هنا
لقراءة فهرس رواية اخترت نفسي بفصولها اضغط هنا
