رواية اخترت نفسي الفصل الثاني
صحيت تانى يوم وانا جسمي مكسر من نومة الكنبه لانى مقدرتش انام جمبه امبارح خصوصا بعد الى حصل منه مش قادره انام جمبه وانا شامه ريحتها فيه من وقت ما اتجوزها وانا بقيت متعوده انام هنا بقيت بخاف انام فى اوضتى من الكوابيس الى بحلم بيها، بحلم بيها دايما وهى داخله عليا اوضتى وبتطردنى منها
سمعت صوت باب الاوضه وهو بيخرج منه
وبصلى بقرف نفس البصه الى بقيت متعوده عليها
ايه يا هانم نموسيتك كحلى فين الفطار
بصتله بتفحص وهو لابس وريحته فاقعه كانه مستحمى بالبرفان
-صباحيه مباركه يا عريس على فين كده مش النهارده اجازه
-انتى برضه مش هتبطلى كلامك الى زى وشك ده ..وبعدين انتى مال اهلك بتسالى ليه فين الفطار خلينى اتنيل انزل ولا عايزه ظبطه زى امبارح
بصتله بقهره ولسه هتكلم...بس لقيت بنتى طالعه من الاوضه وجايه علينا
-صباح الخير يا مامى
-صباح الخير يا روحى
بصت لباباها بفرحه مهى بقت بتشوفه كل فين وفين
-باباااا ...وحشتنى انت جيت امتى
بصلى بغضب وبعدين بصلها
-جيت امتى ازاى يا نغم ما انا موجود علطول
-لا يا بابى انا مبقتس اثوفك خالص ..انت كنت مثافر
بصلى والشرر بيطلع من عينه وبيجز على سنانه
-انتى مفهمه البنات ايه يا هاجر...هو انا كنت مسافر
-معلش.. اصلهم بقوا يشوفوك زى الغريب كل شهر مرتين
-انتى العيشه معاكى بقت تطهق انا غاير نازل
-روح وابقى كل كويس
بصلى بإشمئزاز ورزع الباب
روحت وراه وبصيت من العين ..لقيته بيفتح الباب بالمفتاح وهى طلعتله كانت لابسه هدوم نوم وحضنته كأنها كانت مستنياه وعارفه انه جاى قلبى اتعصر لما شوفته بيحضنها وبيبوسها ودخل
سندت ضهرى على الباب وانا عينى مدمعه ومش قادره امسك اعصابى ومش عارفه اعمل ايه
-مامى انا جعانه ..ايه ده مامى انتى بتعيطى
مسحت دموعي ورديت عليها بسرعه
-لا يروحى ابدا يلا تعالى عشان نفطر
-طب وبابى مش هياكل
ابتسمت بمراره
-لا يا حبيبتي بابا زمانه اكل تعالى ناكل احنا
فى الشقه التانيه
دخل احمد وقعد على الكنبه وابتسم لميار وهى جايه عليه بدلال بقميص نومها الستان وبتبتسمله
-ايه مالك يا روحى شكلك متغير عن ما كنت عندى امبارح ..ما انا قولتلك خليك معايا بدل ما انام لوحدى مهى معاها البنات
-معلش بقى كان لازم اروح عشان متقلبهاش مناحه واشوف بتعمل ايه من ورايا دى قايله للبنات انى مسافر وانا فى البيت
قربت منه بدلال وهى بتحط ايديها على وشه
-انا مش فاهمه هى عايزه ايه اكتر من كده ده كفايه بس انها متجوزاك مش مقدره النعمه خالص بس صراحه معاها حق انا لو مكانها كنت اموت من الغيره عليك زى ما انا بغير عليك دلوقتى كده
مسك ايديها وهو بيبتسملها كانه شخص تانى خالص
انا مش عارف انا كنت عايش معاها ازاى اصلا ومشوفتكيش انتى ليه بس نصيبى كده المهم ان انتى معايا دلوقتى
غمزلها وهى ضحكت ضحكه عاليه
-عارف...انا اه صحيح كنت متجوزه اخوك بس عمرى ما حسيت انى ست بجد معاه هو اه كان حنين واب كويس بس مكنش بيدلعنى كده ولا بيقولى حتى بحبك
ابتسامته اختفت لما جابت سيرة اخوه
-ما خلاص بقى بلاش السيره دى خلينا ماشيين حلو
-ايه ده انت زعلت يا مودى حقك عليا انا قصدى انى حسيت بده كله معاك انت
-حلوه مودى دى قوليها تانى
-ههه مووودى
-العب
-قولى بقى هتودينى فين النهارده
-الحته الى تأمرى بيها يا قلبى شاورى بس ان شالله على القمر
ضحكت ضحكه عاليه وكانها متعمده تطلع عاليه
كانت هاجر بتعمل سندوتشات لبناتها وقفت السكي.نه بقهر وهى صوت ضحكتها وصلالها وده العادى بتاعها من وقت ما اتجوزته وهى بتتعمد تضحك بصوت عالى عشان هى تسمع
-مامى مش هنروح لتيته النهارده....مامى
-ايه يا روحى هنروح اه ناكل بس وبعدين هنلبس وننزل
- طب بابى مش هيجى معانا
- لا يا حبيبتي بابا...رايح مشوار
- هو كل يوم مشوار حتى مبقاش يودينى المدرسه
- معلش بقى مش انا بروح معاكى اوديكى انا مش كفايه يعنى
- لا بس المدرسه عاملين حفله عشان الأهل وانا عايزاكم تيجو معايا ما طنط ميار هتروح مع شريف
- امم قولتيلى والله ما صعبان عليا غير شريف ده لا اب ولا حتى ام
- ايه ...
- مفيش يلا نغم كلى وبطلى كلام وصحى اختك الوقت اتاخر وانا هروح اكلم تيته
قامت تكلم مامتها بس سمعت صوت بره راحت تبص من من العين لقيتهم هم الاتنين خارجين ولابسين وهو بيقفل باب الشقه وبيضحكلها وهى حاطه ايديها على كتفه كانهم عرسان جداد ومتجوزين عن حب حسيت بعصره فى قلبى وهم نازلين سوى وهو مقرب لودنها كانه بيغازلها وهى ضحكت ضحكه عاليه
بس يخربيتك ابويا تحت وحسام اخويا فوق وطى صوتك
الله ما انا اعمل مش قادره امسك نفسي
امسكها انا
مسكها ونزلو وهم بيضحكو بس لقيتها بصت ناحيتى وهى بتضحك كانها شايفانى وعارفه انى واقفه وبعدين نزلوا وانا مقدرتش امسك نفسي من القهره الى حسيت بيها معقوله وصلت لهنا ده احمد جوزى وخو نازل مع مرات اخوه وحاضنين بعض
الفصل الثالث من هنا
لقراءة فهرس رواية اخترت نفسي بفصولها اضغط هنا
الفصل الثالث من هنا
لقراءة فهرس رواية اخترت نفسي بفصولها اضغط هنا
